رواية هل إنتهيت منى!!؟ الفصل الرابع عشر 14 - بقلم ساحرة العقل

ليلى بصت ناحية لمار بانتصار ايوا ليلى متعرفش هى مين لكن لان لمار جميله ومتحرره شويه فى لبسها ليلى بدأت تعاملها على انها غريمه ليها احمد بدأ ياكل بشراهه هو كان جعان جدا عزم على لمار اللى رفضت الاكل واكتفت بعصير ليلى بدأت تاكل هى كمان كان جعانه شويه ودخل عليهم عمار اول ماشاف لامار قاعده معاهم كانت ملامح السعاده ظاهره بوضوح سلم عليهم بمنتهى السعاده باس لمار من خدها

عمار .. وحشتينى اوى

لمار ..عشان كدا كنت بترد عليا وبتطردنى من الفندق وخلتنى اروح زعلانه

عمار.. مش وقت عتاب نسلم على الناس الاول ..ازيك يا احمد عامل ايه

احمد.. الحمد لله انت اخبارك ايه

عمار .. تمام ازيك ياليلى انتى مش تتخيلى سعادتى ازاى انى شفتك انهارده

ليلى بابتسامه رقيقه .. الحمد لله انا اسعد

عمار.. يا خبر على الرقه شوفى يا لمار واتعلمى

احمد بغيظ.. فيه ايه يا عمار دى لمار ست البنات

لمار .. الله يخليك يا احمدشفت اهو كدا على طول

ليلى ببرأه .. ملكش حق دى خطيبتك جميله ورقيقه المفروض تعاملها احسن من كدا
عمار واحمد ولمار ضحكو بصوتهم كله لليلى بصتلهم وهى مش فاهمه هما بيضحكو على ايه افتكرتهم بسخرو منها فدمعت

ليلى بزعل ..هو انا كلامى يضحك اوى كدا كويس او يا بشمهندس مكنتش اعرف انى ارجوز انا ماشيه ولما تخلص مع صحابك ابقى تعالى نكمل مشورنا
لسه هاتقوم عمار سحابها من اديها

عمار .. اقعدى بس رايحه فين انتى بقمصه كدا ليه احنا بس ضحكنا لانك قولتى ان لامار تبقى خطيبتى

ليلى..وهو ايه اللى يضحك فى كدا

عمار .. فيه ان لمار تبقى اختى وانتى فاكرتيها خطيبتى

كل دا عمار بيكلمها وسارح فى عنيها اللى من ساعة ما شافها وهو ناسى نفسه ودا السبب اللى نزله القاهره انه كا ن عاوز يسبق ويخطبها لانه كان واثق ان بنت جميله ومؤدبه زيها مش ها تستنى كتير احمد هاينفجر من المنظر بس بيحاول يدارى لانهم فى مكان عام

عمار .. انا لسه مش مرتبط بس فيه واحده كدا ربنا يسهل وتحس باللى انا حاسس بيه . عمار قالها وهو سرحان فى عيون ليلى اللى مكنش عندها رد على كلامه غير الكسوف من نظراته ليها
احمد النار بدات جواه من ساعة عمار ما مسك ايد ليلى وفضل يتكلم وهو سرحان فعنيها محسش بنفسه الاوهو بيعلى صوته عليها

احمد .. مش يالا بينا احنا كدا اتاخرنا

ليلى .. يالا انا خلصت اكل من بدرى

عمار ..اتاخرتو ايه دى الساعه لسه خمسه

احمد.. اصل احنا لسه هانشترى حاجات وهانخد وقت

قاطعته لمار.. اصل خطوبتهم يوم الخميس بعد بكره وهما هايروحو يشترو فستان

عمار بصدمه وبياخد نفسه بصعوبه حس انه مخنوق هو صحيح مشافش ليلى غير مرتين تلاته لكنه اتعلق بيها بكل حاجه فيه طيبتها برائتها جمالها اللى يخلى القديس يفقد عقله احترامها اللى هو يبصم ان مفيش بنت فى العالم فى اخلاقها رقتها اللى ماقابلهاش قبل كدا.

عمار بصوت تقريبا خايف يطلع ..مبروك يا احمد

احمد بنظرة انتصار لصاحبه اللى عمره ما تخيل انه ممكن يكون غريمه فى يوم .. الله يبارك فيك متنساش تنورنا انت ولمار مصطفى ومعاذ هيكونو هناك اوعى متجيش

ليلى وهى مش فاهمه اى حاجه .. يالا يا احمد

احمد اخد ليلى وخرج من المطعم وبعدين راحو المول عشان يشترو فستان الخطوبه ليلى كل ما كانت تقيس فستان ميعجبش احمد اللى ضيق واللى عريان ليلى عاجبها فستان لونه اوف وايت ضيق ونازل منفوش من تحت الركبه (زى اللى فوق فى الصوره)
لكن احمد معجبوش وهى اصرت عليه احمد حاولى يقنعها انه ضيق لكن هى اصرت وفضلت تحلفه باغلى حاجه عنده هو ادام اصرارها اخده واخد فستان تانى باللون الاخضر واسع ومحتشم

احمد.. احنا هناخد الاتنين وفى البيت نقرر

ليلى .. موافقه حتى ناخد راى ماما

(ده الفستان اللى احمد اختاره واللى فوق الفستان اللى ليلى اختارته ) انتو ايه رايكم ذوق مين فيهم احلى.

احمداخد الفساتين ودفع الحساب واخد ليلى واشترى ليها طرح مناسبه للفساتين واخدها على محل كوافير واتفق معاهم يبعتو بنت يوم الخميس على البيت وساب ليهم العنوان واخدها وراحو يتفسحو اخد مركب فى النيل كان الجو ليل والقمر كامل كان جو مثالى لاى اتنين بيحبو بعض انهم يقولو كل شئ عندهم وتكون دى اجمل ليله فى حياتهم بس احمد وليلى كان ليهم كلام تانى كان فى نار عند احمد من ساعة الغدا وظهور عمار ونظراته لليلى وكان فيه غباء واضح فى تصرفاته وغباء اكبر فى انه يفهم ليلى

احمد.. هو انتى ازاى وافقتى لعمار يمسك ايدك كدا وازاى وافقتى انه يكلمك بالطريقه دى

ليلى ..والله دا صاحبك انت وانت اللى من الاساس جبت اخته تقعد معانا وانا موافقتش يمسك ايدى دا كان تصرف تلقائى بعد ماحضرتك والهانم صحبتك عملتونى مسخره الراجل كان عند زوق يمكن اكتر من خطيبى اللى هان عليه كرامتى ونسى انى بنت عمه قبل ما اكون خطيبته وفضل يضحك عليا معاهم بالنسبه لكلامه افتكر ان انت كان ممكن توقفه عند حده لو قلتله من ساعة ما وصل ان انا خطيبتك

احمد.. يعنى انتى شايفه انى الموضوع كله غلطى وكمان بتوجدى مبررات لتصرفاته بصى ياليلى مش عشان انتى لسه صغيره يبقى انا هاتغاضى عن اى تصرف هاتعمليه حتى لو كان صغير

ليلى ..انا مش صغيره يااحمد ولو انت فاكرنى لسه طفله احب اقولك انى كبرت من زمان بس انت اللى مش واخد بالك

احمد.. وعشان كدا انابقول تاخدى بالك من تصرفاتك انتى ممكن تتصرفى ببراءه بس اللى حوليكى بيفسرو على مزاجهم صدقينى انا خايف عليكى الناس مش كلهم عندهم قلبك وعقلك البرئ دا

ليلى حست انها زودتها شويه فى الرد فا كتفت بانها ابتسمت وبصت للارض احمد قرب منها ومسك اديها حست برعشه فى جسمها كله هى مش اول مره احمد يمسك اديها لكن اول مره يلمسها بالطريقه دى قرب اديها من شفايفه لكن هى من خجلها سحبت اديها بسرعه وهو كالعاده فسر على مزاجه

احمد.. انا اسف انا اتسرعت شويه عارف اننا لسه مكتبناش كتابنا اوعد مش هكررها تانى يالا بينا عشان التاخير