رواية هل إنتهيت منى!!؟ الفصل الخامس عشر 15 - بقلم ساحرة العقل

احمد.. انا اسف انا اتسرعت شويه عارف اننا لسه مكتبناش كتابنا اوعد مش هكررها تانى يالا بينا عشان التاخير

ليلى.. انا مش قصدى .........

قاطعها ..مفيش مشكله انا بس كان نفسى نقرب من بعض واشيل من دماغك فكرة اخوكى اللى مسيطره على العلاقه بينا بس واضح انى متسرع واسلوبى غلط

ليلى.. انت فهمت غلط انا مش مضايقه

احمد بصدمه.. طب ليه سحبتى ايدك بالشكل ده

ليلى .. مفيش بس اصلك اول مره تمسك ايدى كدا فا انا اصلى يعنى

احمد بابتسامه خبيثه.. انتى ايه

ليلى .. يوووووه بقى يا احمد انت فاهم ما تستعبطش

احمد وابتسامته زادت ..لا انا مش فاهم ممكن تفهمينى

ليلى ولونها بقى زى الطماطم .. انا عاوزه اروح هاتروحنى ولا تخد تاكسى

احمد وهو بيضحك .. لا تاكسى ايه يالا نروح اصل شويه كدا واتقلبى فراوله بلونك الاحمر دا

اخدها احمد روح البيت وكان كمال ونجوى قاعدين قدام التلفزيون اول ماوصلو

نجوى.. حمد الله على السلامه يا حبايبى

احمد&ليلى.. الله يسلمك ياماما

كمال .. ايه الحاجات دى كلها انتو اشتريتو دا كله ليه دى لسه خطوبه امال هاتشترو ايه للفرح

احمد.. حاجات ايه بس دى شوية حاجات على الضيق كدا لوازم العروسه ما تفرجيهم ياليلى

ليلى ..حاضر

ليلى طلعت الشبكه الاول لنجوى اللى كانت مبسوطه اوى برقتها وشياكتها

(شبكة ليلى )

نجوى .. الله ياليلى دى جميله اوى بس مش غاليه شويه

ليلى .. لا ياماما هى الاطقم دى كدا اصلها زى بتاعت الفنانين عارف الصايغ قال انى دى اللى اليسا كانت لابساهم فى الاعلان بتاع الدهب

كمال.. لا طالما الموضوع فيه اليسا يبقى مش خساره فيها الفلوس

احمد.. اه صحيح تطلع مين اليسا دى

ليلى وكمال ...ههههههههههههههههههههه ههههههههههه

ليلى .. متعرفش اليسا كنت هاتفضحنا انهارده كويس ان الراجل ما اخدش باله

احمد..والله بجد معرفهاش تطلع مين دى حد مشهور

كمال ..مشهور بس دى حد مشهور وملوش حل

ليلى .. اصبر بس اخلص افرج ماما على الفساتين وبعدين هاعرفك على اليسا
طلعت ليلى الفستان اللى هى اختارته(زى اللى فى الصوره)

دخلت قاسيته وخرجت بيه احمد كان مبهور بجمالها اللى نفسه يخبيه من الدنيا كلها مش عاوز حد يشوف الجمال دا بعنيه غيره هو وبس

نجوى&كمال.. بسم الله ماشاء الله

كمال .. تبارك الخلاق فيما خلق

نجوى .. جميل يا ليلى ودا زوقك ولا زوق احمد

ليلى ..لا دا زوقى دا حتى مش عاجب احمد ومش عاوزنى البسه وعشان كدا جاب فستان كمان عشان انتو تختارو معانا

كمال .. هو جميل اوى بس ضيق حبتين ومقسم جسمك حبتين

احمد ..اهه سمعتى بنفسك يلا قيسى التانى وفرجيهم

دخلت ليلى غيرت ولبست الفستان التانى (اللى فى الصوره)

ليلى .. ها ايه رايكم

نجوى .. جميل اوى وزوقه كدا رقيق وهادى ومش في شغل كتير بس بصراحه التانى تحفه

كمال ..دا لا دا احلى واقيم وبعدين كدا محترم

احمد .. سمعتى يالا على بركة الله يبقى هاتلبسى دا زى ما انا قلت

ليلى .. طيب والفستان التانى هانرميه يعنى

احمد .. لا ترمى ايه دا تحافظى عليه عشان ليلة حنتك تلبسيه احنا هانعمل حنة العروسه لوحده يعنى هاتبقى كلكم بنات فى بعض ابقى البسيه

ليلى كانت هاتطير من الفرحه حاسه كل حاجه بتتحقق زى ما كانت بتتمنى بتوعد نفسها ببكره جميل مع حبيبها وبتحلم بدنيا كلها سعاده بتبص لاحمد زى ما طول عمرها بتبصله انه كل حاجه جميله فى دنيتها

ليلى .. اناهاقوم اغير بقى عشان انام انا تعبت اوى انهارده

احمد .. لا تنامى ايه انت مش هاتعرفينى مين اليسا ولا ايه

ليلى.. حاضر هاغير واجى ثوانى

احمد.. طيب هاغير انا كمان واستناكى فى البلكونه

ليلى .. لا استنانى عند الكمبيوتر

احمد.. طيب بسرع ما تتاخريش

ليلى غيرت بسرعه لبست بيجامه ولبست فوقها اسدال عشان تصلى خلصت وراحت لا حمد اوضته دخلت لقيته قاعد قدام الكمبيوتر

ليلى.. ممكن ادخل

احمد ..اتاخرنى ليه كدا

ليلى ..كنت بصلى حضرتك كنت بتسبنى ساعة الصلاه وتروح تصلى وانا مصلتش قلت اقضى

احمد.. تقبل الله ياستى وحشتينى الشويه دول

ليلى.. احمد ابعد كدا خلينا اجيبلك اليسا خلينى اروح انام

ليلى فضلت تدور شويه على اليوتيوب وبعدين شغلت فيديو وقالتله ..اسمعه وانت هاتعرف مين اليسا

احمد.. استنى اتفرجى معايا

ليلى .. انا تعبانه وعاوزه انام يا رب الرساله توصل

احمد.. خلاص روحى وصلت يا ستى

ليلى ..لا لسه موصلتش دقيقه وتوصل بس يارب تطلع بتفهم

احمد.. والله انا ما فاهم حاجه

خرجت ليلى والفيديو اشتغل واحمد قاعد يسمع اليسا كانت كل كلمه بتقوله بتحفر فى قلبه كانها بتتكلم عن حالته ومفهمش الرساله انها بتتكلم عن حالتها هى كالعاده الحب غبى ما بيشفش غير اللى جواه احمد شغل الاغنيه تانى وتالت ورابع لحد ما نام وكلمات الاغنيه بتتردد فى باله
( اجمل احساس فى الكون انك تعشق بجنون ودا حالى معاك خلتنى اعيش ايام مليانه بشوق وغرام دوبنى هواك.. عشقاك بجنون روحى انا قلبى المفتون كله منا وياك بيعيش احلى هنا حبيبى انا ياروحى انا....ياويلى يانارى قولى ازاى ادارى شوقى ولهفة قلبى فى قربك حتى واحنا سوا بتنور سنينى وبيكبر حنينى قرب منى تعالى فى حضنى واملى حياتى هوا عشقاك بجنون روحى انا قلبى المفتون كله منا وياك بيعيش احلى هنا حبيى انا ياروحى انا......غيرنى بثوانى احساسى اللى جانى اول مره احس الدنيا حلو بعينى كدا ايه اتمنى تانى فيك كل الامانى دا انت مليت الدنيا عليا بالاشواق والهنا...................)

الصبح.نجوى بتصحيهم كالعاده كل واحد بدوره داخلت لليلى ..قومى ياليلى عشان المدرسه هاتتاخرى

ليلى.. الله هى مش خطوبتى بكره خلاص هاغيب انهارده

نجوى.. ابوكى لوسمعك هايلغى الخطوبه

ليلى ..لالا يلغى ايه انا صحيت اهوه

سابتها وراحت تصحى احمد لقيته صحى ولبس كمان

نجوى .. انت صحيت يا حبيبى طب يالا عشان الفطار

احمد ..ثوانى يا ماما انا خلصت اصلى صاحى من الفجر صليت ومجليش نوم تانى

#على الفطار
احمد خلص بسرعه ولسه ليلى يدوب بدأت تاكل سمعت احمد بينادى

احمد ..يالا ياليلى عشان منتاخرش

نجوى ..سيبها تفطر هى لحقت تاكل حاجه

احمد.. هاشتريلها سندوتشات واحنا ماشين يالا انا اتاخرت عندى سيكشن الساعه تسعه والطريق للجامعه بيبقى زحمه الصبح

ليلى ..يالا انا خلصت هافطر مع اروى وساره

احمد و ليلى وهما فى العربيه

ليلى.. سمعت الاغنيه

احمد.. اه وشفت اليسا هى دى بقى اليسا

ليلى ..ايوه حلوه مش كده

احمد ..يا هبله دا انتى ضفرك برقبتها

ليلى .. انا قصدى على الاغنيه

احمد.. الاغنييييييه ..امممم طب والاغنيه دى من اليسا ولا من قلب ليلى

ليلى.. واضح كدا ان فيه غباء والواضح اكتر ان الرساله موصلتش

احمد.. ليلى انا عاوزك تعرفى انى انا يعنى .....اممم ....

ليلى .. عاوزنى اعرف انك ايه قول يا احمد ماتخافش

احمد.. انا بحبك بحبببببببك اوى مش قادر اخبى اكتر من كده انا بس كنت عاوز اعرف شعورك انتى ناحيتى انا مش عاوز اغصبك على حاجه عاوزك تكونى حبيبتى واكون حبيبك قبل ما اكون جوزك وتكونى مراتى

ليلى ارتبكت حست بفرشات بتطير جوا قلبه حست ان صوت دقات قلبها مسمع كل الناس ومبقتش عارف ترد تقول ايه كان نفسها تقوله انها بتحبه وبتعشقه وان هو كل دنيتها وانها بتعشق الهوا لانه بيتنفس منه مره واحده لقيت نفسها بتمسك ايده وبتقربها من شفايفها وتطبع عليها ارق بوسه احمد كا ن فى حالة صدمه من رد فعل ليلى كان يتمنى آه بس مكنش متوقع منه حس بكل حاجه جميله بس قل ما ينطق سبيته ونزلت لانهم كان وصلو مدرستها