رواية هل إنتهيت منى!!؟ الفصل التاسع عشر 19 - بقلم ساحرة العقل

ليلى سمعته فضلت تضحك لبست الاسدال لانها كانت لابسه هدوم البيت وخرجت تجهز الاكل واحمد اخد مصطفى وراح اوضته عشان يتفرج على البدله وكمان عشان يتكلم معاه فى موضوع عمار

مصطفى .. فيه ايه قلقتنى بمنظرك ده

احمد .. انا مش عارف اقولك ايه والله

مصطفى .. متقولش حاجه خالص فكر بس ان بكرا دا اسعد يوم فى حياتك بعد كدا ربنا يفرجها

احمد.. الموضوع صعب اوى اصل عمار

مصطفى.. انا عارف كل حاجه ولمار حكتلى

احمد.. وهو انت بتشوف لمار امتى وفين

مصطفى..  هااه لا اصل انا وهى بندردش سوا على النت فى ساعات يعنى

احمد..يعنى انت اللى قولت لها على موضوع ايمان

مصطفى ..انا مش قصدى والله بس الكلام جاب بعضه يعنى وانا انسحبت من لسانى

احمد.. ما تجيب من الاخر ايه اللى بينك وبينها

مصطفى .. والله ما فيش حاجه انا بس معجب بيها بس مش عارف اخد قرار فيه حاجات كدا ممكن تفسد كل حاجه

احمد ..حاجات ايه يابنى دى اللى تفسد واحده زى لمار بنت ناس وجميله ومتفوقه ماشاء الله بس هى ترضى بيك

مصطفى .. الموضوع مش بالسهوله دى فى اعتبارات تانيه زى موضوع طلاق ابوها وامها وتربيتها بره مع امها وبعدين موضوع لبسها ومتنساش انها اكبر منى

احمد..اولا موضوع طلاق اهلها وتربيتها بره دى حاجه هى ملهاش يد فيها

مصطفى .. ايوا ابقى قول الكلام دا للحاج والحاجه

احمد .. مملكش دعوه بيهم سيبهم لى

مصطفى ..طيب ولبسها

احمد.. هى لو بتحبك هاتغير نفسها عشانك اتكلم معاها بصراحه واعرف الاول هى بتحبك ولا لا

مصطفى ..خلاص انا هاكلمها بعد المناقشه بلاش دلوقتى عشان مذاكرتها

احمد .. احسن وبعدين موضوع السن دا ولا حاجه دول كلهم سنتين وبعدين هى شكلها اصغر منك

مصطفى..ههههههههههه واحلى منى كمان ياعم  المهم دلوقتى انت كبر دماغك خالص من موضوع عمار ليلى مش ايمان ليلى بنت محترمه ومتربيه انت قولت لليلى اى حاجه

احمد.. قولتلها موضوع ايمان بس مقولتش مين اللى ضحك عليها

مصطفى .. طيب قولتلها ايمان دى تبقى مين

احمد.. لا طبعا انت اتجننت دى سمعة بنت وبعدين اخت ايمان تبقى صحابة ليلى اقولها تروح تعك الدنيا مع صاحبتها ويعملو مشاكل للبنت لا يا عم خلينا فى حالنا

مصطفى ..اختها تبقى صاحبة ليلى

احمد.. ايوا ياسيدى ومش اى صاحبه دى انتيمتها دى ليلى ما بتخبيش عنها اى حاجه

مصطفى .. ههههههههههه شوف الدنيا صغيره ازاى . بس كدا فيه مشكله

احمد.. مشكلة ايه تانى

مصطفى .. انت مش بتقول اخت صاحبتها

احمد.. ايه المشكله فى كدا

مصطفى .. يعنى اختها دى مش ممكن تجيها معاها بكره

احمد.. لا لا ما فتكرش اصل البت اروى دى مخها طاقق كدا وبتحب تعمل اللى هى عاوزه عايشه دور الحريه يعنى والكلام الفاضى دا

مصطفى ..طيب خلاص ويعنى حتى لوجابتها انت مالك بيها هى اختارت حياتها ولازم تتحمل نتيجة غلطها

احمد .. معاك حق

مصطفى .. هاسيبك واروح بقى اصل ورايا معاد

احمد .. معاد ايه انت هاتشتغلنى هو انت اصلا تعرف حد غيرى انا ومعاذ ومعاذ زمانه نايم ما انت عارف العشا بتاذن وهو بيصلى وينام

مصطفى .. لا ماهو مش معاد بجد يا عنى انا اصلى بدردش مع لمار قبل النوم يالا بقى سلام تصبح على خير

احمد.. هههههههههه وانت من اهل الخير  متسهرش عشان تجيلى بكرا بدرى

مشى مصطفى وروح واحمد خرج يقعد مع عيلته كانو متجمعين قدام التلفزيون ما عدا ليلى فسال نجوى

احمد.. ليلى فين يا ماما

نجوى .. فى اوضتها بتذاكر

احمد.. طيب انا هاقوم اشوفها تكون عاوزا حاجه اساعدها

كمال .. وماله يابنى قوم ربنا يبارك فيك احنا عاوزينها باشمهندسه اد الدنيا

احمد .. انشاء الله ياعمى ادعيلها انت بس

دخل احمد وسابهم قاعدين ليلى كانت على مكتبها وبتذاكر لدرجة انها محستش باحمد لما دخل احمد قعد قدامها على المكتب وشد الكتاب منها مره واحد ليلى من الخضه مكنتش عارفه هى بتقول ايه لكن كلمه واحده قالتها بصوت عالى جدا واحمد سمعها بوضوح ..يا غبى

ليلى .. انت غبى ايه اللى انت عاملته دا الناس تخبط قبل ما تدخل

احمد.. غبى ماشى عن اذنك

ليلى .. انت رايح فين

احمد .. هانام

ليلى .. طيب انت زعلت

احمد وهو بيقفل الباب وراه .. مش فارقه

احمد كان الغضب هايخليه ينفجر هو مابيحبش حد يغلط فيه وليلى عارفه كدا بس هو قرر ينسحب قبل ما يغضب ويعمل اى رد فعل لانه مش عاوز ينكد عليها اليله دى بالذات راح اوضته ليلى بعد ما احمد مشى فضلت ندمانه انها كلمته بالطريقه دى وبتفكر هاتصالحه ازاى هى عارف احمد مش من النوعيه دى دا غير انه عمره ما بيغلط فى اى حد يعنى عمره ما هايرد عليها باى اساءه نامت ليلى واحمد كمان تانى يوم اهم يوم بالنسبه ليهم هما الاتنين ليلى صحيت على صوت داوشه جامدا فى اوضتها بتفتح عنيها لقيت بنات اعمامها وبنات عمتها ومعاهم بنت خالتها وبنات خالها الاتنين كلهم متجمعين مدت ايدها جابت الموبيل لقيت الساعه لسه سابعه الصبح بصت ليهم

ليلى .. انتو جيتو امتى احنا لسه سابعه الصبح

اميره (بنت عمتها).. احنا هنا من نص ساعه وقومى عشان هما كلهم بره وماما نفسها تشوفك

ليلى .. تشوفنى سابعه الصبح يعنى بقى ليها شهرين ماشفتنيش وعايزه تشوفنى دلوقتىوبعدين انتو كلكم جيتو مع بعض ازاى

سمر(بنت خالتها).. خالو شريف اتفق معاهم من امبارح ان هو هايعدى عليهم ملهم بدرى ونوصل سوا عشان نساعد مامتك والطباخ اللى جاى قومى يالا دا احمد احسن منك دا صحى من اول مره ومسالش اساله كتير كداوبعدين زوق عنك دا رحب بينا كلنا قومى بقى

ليلى قامت معاهم سلمت على قرايبها كلهم وهما باركولها استاذنت تغسل وشها وسابتهم وراحت الحمام قابلت احمد خارج من الحمام

ليلى .. صباح الخير

احمد بصله ومردش ولسه هايمشى ليلى مسكته من ايده
ليلى .. انت لسه زعلان من امبارح

احمد بصلها وبرده مردش

ليلى .. اسفه اصلى اتخضيت جدا والله انت مش عارف انا خوفت ازاى

احمد ..خلاص محصلش حاجه

ليلى.. انهارده يوم مهم محبش اننا نكون متخاصمين فى يوم زى دا 

احمد.. خلاص ياليلى البيت مليان ناس ومحبش حد يدخل يلقينا بنتكلم هنا احنا فى غنا عن اى كلمه ظريفه هاتتطلع من حد منهم نتكلم بالليل