رواية هل إنتهيت منى!!؟ الفصل الثاني والعشرون 22 - بقلم ساحرة العقل

عمار .. قريب اوى اوى متقلقوش ،عاوزك فى موضوع مهم يا احمد على انفراد

احمد وبنظرة تحدى .. ما تتكلم هنا انا مش باخبى حاجه عن ليلى

عمار .. اللى هايتكلم فيه يفضل لوحدنا وبعدها قرر انت هاتحكيلها ولا لا

احمد.. بعد اذنك يا حبيبتى هاسيبك شويه

ليلى .. ولا يهمك شوف صاحبك وانا هاقعد شويه مع البنات

احمد.. اتفضل معايا ياعمار نتكلم جوا يارب بس يكون الموضوع يستاهل اسيب عروستى

دخل عمار واحمد فى اوضه فاضيه عشان يتكلمو براحتهم

عمار.. بتحبها يا احمد

احمد.. دا شئ ميخصش حد غيرى انا وليلى

عمار ..الكلام دا لو ليلى بتحبك مش مرتبطه بحد تانى

احمد.. ليلى مش ايمان

عمار.. كلامك صح ليلى مش ايمان لو هى زى ايمان مكنتش هنا انهارده ليلى بتحبنى بجد انما ايمان دى كانت صايعه اتسلت بيك ولما شورت ليها بس كانت راكعه تحت رجليه ولو ماسبتهاش كانت هى ملت ودورت على غيرى

احمد.. كلامك مش هايغير حاجه انا وليلى هانتجوز وكتب كتابنا الليله والفرح كمان شهرين نورتنا

احمد لسه هاسيبه ويمشى عمار واقفه مسكه من ايده

عمار .. احمد انا يتكلم بجد انا وليلى بنحب بعض وهى اكدت ليا انها مغصوبه عليك وانها بتضحك عليك بس عشان متحكيش حاجه لعمك هى بس عندها مشكله فى مواجهة ابوها ومامتها

احمد حس ان الدم بيجرى فى عروقه واتعصب مسك عمار من ياقة قميصه ..لو جبت سيرتها تانى على لسانك هاقطعهولك الاسم النضيف دا ميجيش على لسانك واحد وسخ زيك انا زمان لما سمحتك ومخسرتكش كان عندى امل انك تفوق وتنضف فى يوم من الايام بس اللى زيك مش هايتغير

عمار.. انا عارف انك متعصب دلوقتى لانك عارف ان كل كلمه قولتلها حقيقه بس انت اللى بتحب تغش نفسك

احمد.. بنت عمى بتحبنى انا ....انا وبس وعمرها ما فكرت فى حد غيرى

عمار .. ولو اسبت ليك انها بتحبنى انا

احمد.. اخرس خالص انا مش محتاج واحد زيك يجى يخلينى اشك فيها ريح نفسك انا باثق فيها ثقه عمياء

عمار .. لو كلامك صح وبتثق فيها مكنتش اتعصبت كدا على العموم انا وليلى بنحب بعض من وهى فى الرحله من اول دقيقه شوفنا بعض فيها فى الرحله انا صارحتها وهى كمان صارحتنى ولمعلوماتك انا باقبلها كل يوم بعد المدرسه قبل ما تيجى وتخدها لو مش مصدق تعالى بعد بكره بعد المدرسه وشوف بعنيك بس ما تتاخرش زى كل يوم وفكر كدا مع نفسك انا جبت حسابها على فيس بوك ازاى انا اللى بعت صورتك انت ولمار تفتكر لو هى مقلتليش على اسم حسابها انا هاعرفه ازاى الا اذا هى قالت لى وعلى فكره هى كانت مستنيانى انهارده رغم انه كتب كتابك عليها الا انها كان نفسها تشوفنى

احمد.. انا هاقتلك لو قربت منها تانى ابعد عنى انا عمرى مااذيتك فى اى شئ طول عمرك اخويا بس المره دى زودتها

عمار .. سلام يا احمد وخليك فاكر كل كلمه قولتلها لك كويس عاوز تتاكد انا مستني بعد بكره هى قالتلى انها مش هاتروح بكره لانها هاتكون تعبانه من حفلة انهارده

خرج عمار وساب احمد بناره عقله مصدق كل كلمه قالها عمار وقلبه رافض اى حاجه بيسمعها فاق من اللى هو فيه على صوت الكل بينادى عليه ويبلغه ان المأذون وصل دخل احمد وقعد قصاد عمه وبدأ المأذون فى شغله احمد معاهم بجسمه لكن عقله كان بعيد فى كل كلمه قالها عمار ياترى فعلا ليلى بتحب عمار ياترى مغصوبه عليا وكل تصرفاتها دى تمثيل خلص كتب الكتاب والحل بدأ يهنى بس احمد كان عقله لسه مش فيه بيدعى ربنا الوقت يمر بسرعه عشان يخلع القناع اللى لابسه والابتسامه المزيفه اللى مرسومه المره دى الكلام متحكيش لاى حد لانه لو حقيقى سمعة البيت اللى هو منه هاتبقى فى الارض هو معندوش يغامر لحد ما يتاكد بنفسه مفيش قدامه غير انه يستنى بعد بكرا بس لو طلع كلام عمار صح انا هاعمل ايه عامل مع ليلى وانا عارف حقيقتها ولا اسيبها واخسر الراجل والست اللى افضلهم عليا دا اللى جوا احمد انا بالنسبه ل ليلى كانت مبسوطه وواقفه وسط قرايبها اللى بيهنوها ويبارك ليها على احمد واللى بيحسدوها .
خلصت والحفله الصغيره وبدات الناس تروح واحمد واقف مع صاحبه مصطفى استاذن يروح لمار لان عمار مشى ومينفعش تروح لوحدها ومعاذ كمان بيستاذن بس هو الوحيد اللى اخد باله ان احمد مش طبيعى

معاذ .. احمد عاوزك فى كلمه قبل ما امشى

احمد وهو بيمشى معاه .. خير فيه حاجه

معاذ .. انت اللى فيه حاجه .. اوعى تكون اتضايقت لما شوفت ايمان انهارده

احمد.. ايمان ايه بس اللى هافكر فيها انا بس مخنوق شويه ومش عارف مالى

معاذ.. بص انا مش هاضغط عليك بس انا هاقولك نصيحه

احمد .. نصيحة ايه

معاذ .. كتاب واحد بس فيه حل لكل مشكله ..القرأن

معاذ قال الكلمه وسابه وروح واحمد دخل اوضته من غير ما يكلم اى حد حتى ليلى لدرجة ان ماخدش باله انه ما تكلمش معاها ولا كلمه من ساعة كتب الكتاب غير هدومه وخرج يتوضى ورجع فتح مصحفه وبدأ يقرا قاطعه صوت ليلى وهى بتقوله

ليلى .. ممكن ادخل

احمد.. اتفضلى ياليلى انتى دلوقتى تدخلى براحتك انتى ناسيه انك حاليا مدام احمد ابو الحمد ولا ايه

ليلى .. لا انت اللى نسيت دا انت حتى مقلتش ليا مبروك بعد كتب الكتاب

احمد قام وقف جنبها وباسها على جبينها ..الف مبروك عقبالك يوم الفرح

ليلى.. انا جهزت العشا انت ماكلتش حاجه طول اليوم تعالى ملك لقمه معايا

احمد..ماشى بس انا عاوز اسالك سؤال

ليلى ..سؤال ايه

احمد .. انتى بتحبنى

ليلى ..ايه السؤال دا يا احمد

احمد.. دى مش اجابه .. بتحبنى ياليلى؟؟بصي فى عينى وقت ليلى انك بتحبين ومابتحبيش حد غيرى

ليلى بصت فى عينه وببساطه قالت .. انا عمرى ما حبت ولا هاحب حد غيرك

والاجابه كانت كافيه انها اهدى احمد من النادى اللى جواه لكن مكنتش كافيه انها تمحى الشك اللى زرعه عمار ومع ذلك قرر ما يتكلم فى اى حاجه غير لما يتاكد لانه معندوش استعداد انه يظلم ليلى خرج احمد مع ليلى اتعشووبعديها كل واحد راح اوضته عشان ينام وقبل ما ينام

احمد.. انتى هاتروحنى المدرسه بكرا؟؟

ليلى .. لا انا اتفقت مع البنات اننا مش هانروح بكرا وهانروح بعد بكرا

احمد .. طيب مقلتش ليا ليه

ليلى .. معلش نسيت انت شايف انا كنت طول اليوم مشغوله وانت كمان

احمد.. طيب انا بابا فين هو ماما

ليلى .. دول نامو من يجى ساعه

احمد .. تصبحى على خير

داخل وساب ليلى من غير حتى ما يسمع ردها انا بالنسبه ل ليلى داخلت اوضتها وهى سعيده متعرفش اى حاجه عن اللى حصل ولا ان احمد ممكن يشك فيها كل تفكيره كان فى بكرا اللى هاتفضل مع احمد