رواية هل إنتهيت منى!!؟ الفصل الثالث والعشرون 23 - بقلم ساحرة العقل

داخل وساب ليلى من غير حتى ما يسمع ردها انا بالنسبه ل ليلى داخلت اوضتها وهى سعيده متعرفش اى حاجه عن اللى حصل ولا ان احمد ممكن يشك فيها كل تفكيره كان فى بكرا اللى ليلى هاتكون فيه اما بتحبه بجد واما هاتكون فى نظره خاينه ما تستحقش احترامه ليها لكن هو فى كل الحالات مفيش قدامه حل لان الجواز لازم يكمل اى كانت النتيجه لو بتحبه او بتحب عمار لان فى الحالتين رضا عمه هو الاساس ولانه معدش ينفع يرجع اى خطوه لانهم كتبو الكتاب الدقايق بتمر عليه بالبطئ الوقت وكان الساعه واقفه الليله مش بينقضى فضل يفكر ازاى عمار عرف ان ليلى مش رايحه مدرستها بكره الا اذا كانت فعلا على تواصل معاه شيطانه سيطر عليه كل تفكيره ازاى عمار جاب حسابها على فيس بوك لو هى مش متواصله معاه طيب ومشاعرها وكل كلامها وعرفتها معاه الايام الاخيره كان وهم وكدب معقوله ليلى اللى هو مربيها على ايده وعلمها ازاى ترضى ربنا ليلى البريئه تكون ممثله وخبيثه بالشكل دا احمد كان بين قلبه اللى ما بيشفش غير ليلى وماليصدقش بيصدقش غير حبه ليها وبين عقله اللى سلمه بالكامل لشيطانه وبدأ يشك فى احب الناس لقلبه مافاقش احمد الا على صوت اذان الفجر قام اتوضا وراح المسجد يصلى وهو راجع بعد ما دخل سمع صوت ناحية اوضة ليلى قرب كويس لحد ماصوتها بقى واضح وهى بتقول خلاص نتقابل انهارده الساعه ٤ سلام ياحبى احمد بعد الكلمتين دول ما فيش عنده مجال للشك ان ليلى فعلا بتضحك عليه وانها على علاقه بحد تانى ومين غيره عمار طبعا احمد قرر إن خلاص الوقت فات ومفيش قدامه غير انه يصبر لحد ما عمه يقوم بالسلامه وبعد كده يتصرف وبعد تفكيره طويل احمد محسش باى حاجه لانه راح فى النوم

نجوى .. قوم يا احمد دا احنا بقينا الضهر

احمد .. معلش يا ماما اصلى نمت متاخر بعد ما صليت الفجر

نجوى .. ماشى يا حبيبى انا عارفه ان امبارح كان متعب اوى عشان كدا سيبتك تنام براحتك

احمد.. بابا فين وليلى

نجوى..كمال نزل من الصبح بيقول عنده معاد مهم

احمد .. معاد ايه دا مسالتيهوش فين او مع مين

نجوى .. سألته ومردش عليا يابنى ومشى هو انت مش عارفه

احمد .. طيب انا هاتصل بيه تشوفه وانتى جهزى اى لقمه بسرعه اصلى جعان.......اه صحيح وليلى فين

نجوى.. ليلى بتذاكر فى اوضتها دى من الفجر

احمد .. اه ما انا سمعتها وانا راجع من الصلاه

نجوى .. طيب انا هاجهزلك الاكل وانت قوم صلى الضهر وفوق كدا

خرجت نجوى تجهز الاكل واحمد خلص صلاه واكل ولبس وخرج من غير ما يكلم حد او يقول هو رايح فين خرجت ليلى وبتسال مامتها عليه

ليلى.. هو احمد راح فين

نجوى .. مش عارفه والله يابنتى دا اكل ولبس ونزل على طول هو وابوكى احوالهم مش عجبانى

ليلى.. اصلى كنت عاوزاه يجى يودينى بيت اروى المستر بتاع الانجليزى هيدينا الحصه عندها انهارده

نجوى.. ايه الدلع دا ياليلى ما تروحى لوحدك دا البيت جنبنا فى اخر الشارع

ليلى .. ماشى هاروح لوحدى وامرى لله ..طيب هو ماسالكيش عليا

نجوى .. سال وقالتله انك بتذاكرى تلاقيها مرضيش يعطلك هو الدرس بتاعتك دا امتى لا اتاخرنى

ليلى .. الساعه ٤ ياماما ساره كلمتنى وقالتلى انهارده الفجر

مر اليوم وليلى راحت الدرس ورجعت واحمد وكمال لسه مرجعوش من بره مر الوقت وبدات نجوى تقلق الساعه بقيت ١٠وهم لسه مرجعوش وما بيردوش على ليلى وفجاه الباب انفتح ودخل احمد وكمال مع بعض وهما بيضحكو

نجوى .. انتو كنتو فين وما بتردوش ليه على تليفوناتكم

احمد.. ماتقلقيش ياست الكل كنا عند الدكتور بنشوف العمليه امتى

ليلى ..يعنى انتو كويسين

كمال ..بخير والدكتور حدد معاد العمليه بعد ٣شهور

نجوى .. مش بعيد اوى المعاد دا

احمد.. انا قولت كدا بس بابا بقى الله يسمحه فضل ياخر المعاد مع الدكتور قال ايه عاوز يعمل الفرح الاول

نجوى .. ليه بس يا كمال

كمال .. عاوز افرح بيهم الاول بعد الفرح تبقى نشوف العمليه

ليلى ..ايوا يابابا بس صحتك اهم حاجه

كمال.. صحتى هاتتحسن لما اطمن عليكى وانتى فى بيت احمد هو دا الوحيد اللى هاطمن وانتى معاه

نجوى .. طيب يالا قوم نامو عشان مدرستك بكره وانت يا احمد مش وراك جامعه

دخل احمد نام من غير حتى ما يبص ليلى ولا يتكلم معاها تانى يوم الصبح على الفطار

ليلى .. يالا يا احمد عشان توصلنى

احمد .. يالا بينا

ركبت ليلى العربيه مع احمد وهو برده ما تتكلم لحد ما ليلى اتكلمت

ليلى.. احمد انت فيه حاجه مضايقاك

احمد .. حاجه زى ايه يعنى

ليلى..مش عارفه بس انت من بعد الخطوبه حده وانت متغير

احمد ..ودى تفرق معاكى

ليلى .. اقصد ايه

احمد.. ولا حاجه يا ليلى انا بس مشغول بالى شويه على فكره النقاش جاى بكره شوفى الوان الشقه اللى انتى عاوزاها ايه

ليلى .. شقة ايه هو احنا مش هانتجوز مع ماما وبابا فى الشقه

احمد.. لا انا وعمى امبارح روحنا فتحنا شقة ابويا الله يرحمه ورتبنا كل حاجه وباذن الله هانتجوز هناك

ليلى .. انت هاتكون مرتاح كدا

احمد .. فيه ايه ياليلى دى الشقه فى الشارع اللى ورا البيت يعنى مش هانبعد عنهم حاجه كل يوم هتزوريهم ولو عاوزه تقضى يومك معاهم عادى بس مفيش مشكله ان يبقى لينا بيت مستقل

ليلى.. انا ما قلتش حاجه انا بس بسال اعمل اللى يريحك

احمد.. يالا انزلى

ليلى.. انت بتطردنى من العربيه

احمد.. ليلى انزلى لان احنا وصلنا المدرسه وانا متاخر

ليلى حست باحراج..طيب ما تتاخرش بعد المدرسه انا هاستناك

احمد..واحتمال اتاخر شويه ابقى روحى انتى

ليلى..لا انا هاستناك مش هاروح

احمد .. طيب سلام

مر اليوم طبيعى على ليلى وخرجت تستنى احمد كانت آروى واقفه مع واحد ليلى مااخدتش بالها مين وقررت تقف لوحدها عشان احمد لما يجى لكن اروى والشخص اللى معاها راحو ليها وكانت المفاجأه ان عمار هو اللى واقف معاها بالرغم من احمد عمره ما اتكلم معاها عن اى حاجه تخصهاو طلب منها تبعد عنه الا انها كانت حاله تتجنبه لانها بتحس بغيرة احمد منه ومن ساعة ما عنيها وقعت عليه وهى مرتبكه ومش عارفه تتصرف ازاى قلقانه وعنيها على الطريق خايفه من. انا احمد يجى وهو واقف ويفهم الموضوع غلط

عمار وهو بيمدلها ايده.. ازيك ياليلى

ليلى.. ............لا رد

عمار .. ايه هتفضل واقف كدا كتير مش هاتسلمى ولا ايه

ليلى.. لا ابدا اصلى سرحت شويه

اروى.. اللى واخد عقلك اكيد العريس هو صحيح اتاخر ليه

ليلى.. هو قلبى انه هانتاخر شويه

عمار .. انا ممكن اروحكم انا معايا عربيتى

ليلى بقرف .. لا شكرا انا هاستنى احمد..، هو انت بتعمل ايه هنا بالضبط

عمار بص لآروى وابتسم وهى كمان ابتسمت له..مفيش كنت معدى قلت اسلم على آروى

ليلى .. اااااه

فى الوقت دا احمد كان وصل وقف قدامهم ونزل من مسك ايد ليلى وباسها من خدها

احمد.. اتاخرت عليكى يا حبيبى

ليلى .. اوى اوى

احمد اتعمد يعمل دا قدام عمار عشان يستفزه وفى نفس الوقت يحسسه انه مصدقش اى حاجه من اللى قالها له رغم النار اللى كانت جواه بمجرد ما شافها واقفه معاه وليلى كانت حاسه بقرف من عمار هى نفسها مش عارفه سببه لكن احمد كان زى طوق النجاه اللى لحقها قبل ماتغرق فى بحر من الرخامه الامتناهيه دا غير نظرات عمار اللى كانت مش مريحه بالمره عشان كدا كانت سعيده بوصول احمد وبتصرفه معاها اللى اكدلها حبه ليها

احمد.. ازيك يا آروى

آروى .. احسن منك ياعريس

احمد.. ههههههههههه مش ناويه وتبطلى طول لسانك دا

آروى ..لا طيب بذمتك وساعتها هاتعرفنى

احمد . لا يا عسل انتى حلوتك اصلا فى لامضتك ..،يالا يا لولو

ليلى .. يالا بينا

احمد مشى من غير ما يسلم على عمار ولا كانه موجود اصلا ليلى رفضت تسأله الوضع اصلا مش ناقص اى توتر اللى كان غريب فى الموضوع برود احمد اللى غير طبيعى بالمرة بالنسبه لشخصيه بعصبيه وغيوره زى شخصية احمد