رواية "هل كانَ حُلماً...؟
(العِراق_المُصغَر)
بقلمي... نورس _قاسم"
________________
:-اخذت الموبايل باوعت رقم سالي رفعت الموبايل وكلبي وجعني حطيته ع اذني واسمع سالي اختي تبجي و وتشهگ وتصرخ
:- ماقصدي ماقصدي والله تعال بسرعه لياخذوني الشرطه البيت البيت كله دم
نغزني كلبي كتلها بارتباك وهلع... سالي سالي فهميني شكو
بجت بصوت عالي كتلها... الله يخليج احجي گلبي حيوگف
انتبهت رشاش دايفتح الباب حتى يطلع لزمته من تيشيرته كتله واني ابجي :-متعوفني اجي وياك
كال وهو يبعد ايدي عن تيشيرته :-حره ما وكتها... ونزل
نزلت وراه والموبابل بايدي لزمت ايده كتله :-اخذني الها الله يخليك ما اكدر اصبر
هنا طلع من الغرفه اوس كوا مفتح عيونه گال :- خير شصاير؟
طلع رشاش من الباب اني ركضت وراه دار وجهه كال... حره جاي تقيديني روحي منا
كتله بصوت يرجف... مستحيل اختي اريد اعرف شبيها
باوع لاوس وصاح... اوووس
اوس... ها خويه
كله وهو يباوعلي :-دير بالك عليها
اوس... صار بس غير افهم شكو؟
ماجاوب طلع لبست نعالي وجريت الشال من ع الحبل وركضت وراه صعد بالسياره فتحت الباب وصعدت وياه باوعلي بيأس جر نفس وشغل السياره انفتحت الباب الورا التفتت اوس صعد
رشلش حرك السياره واني ابجي وادعي وافكر
بهاللحظات الف حسبه وفكره اجت ببالي.. الوقت طوَل صرت احس الدقيقه يوم حاطه ايدي ع كلبي وابجي يارب دخيلك لا تفجعني باحبابي اوس طول الطريق يسأل بس محد يجاوبه
اباوع لرشاش القلق واضح عليه واخيرا شفت باب بيتهم وجعني كلبي من شفت سيارات الشرطه والناس ملتمه حوالي البيت
السياره تمشي فتحت الباب سحب بريك بالي مو يمه نزلت اركض اريد اشوف شكو وبهالاثناء افكر
هاللحظه عشت مثلها هالمنظر شفته بيوم مقتل حياة
بعدت الناس الي كدامي امشي وادفع دااطب للبيت منعوني الامن والاشرطه الصفر محاوطه البيت
التفتت شفت رشاش يحجي ويا الضابط على جهه
الضابط التفت اشر الهم باشاره مافهمتها تقدم رشاش دايدخل للبيت لزمت ايده ودخلنا
ما منعونا اسمع صوت سالي وهي تبجي التفتت شفتها واكفه يم عثمان ووجهها احمر وتحجي ويا
ركضت الها حضنتها بسرعه وابجي واثنينا نرجف ابتعدت عنها شفت ايديها مكلبجه باوعت لعثمان وصحت... شديصير فهمني
كال... اهدي كلشي راح يكون تمام
حضنتها واني ارجف ادور على رشاش شفته يحجي ويا الامن ودخل للهول وياهم اصوات السيارات..
الشرطه..
الاسعاف..
والهورنات مال سيارات
كلها صارت ضجه قويه باذني
حاضنه سالي بكل قوتي اخاف لا احد ياخذها مني مالي طاقه اتحمل بعد
طبن بنات تلاثه لابسات زي عسكري التفتت عثمان مو يمي بقيت حاضنه سالي واراقب الي دايصير بصمت
احس لساني نربط اخاف اسأل شديصير؟ وانصدم بشي مامستعده اله
بهالاثناء سمعت اصوات سيارات الاسعاف طبو جماعه وشايلين سديه للهول احنا واكفات برا ما نشوف شدايصير جوا ورا فتره طلعو وشايلين شخص ع السديه ومغطيه كله واخذو
سالي دارت وجهه لزمتها من ايدها كتلها :-فهميني شديصير الله يخليج
باوعتلي وكالت وهي ترجف :-كتلته بالمسدس
كتلها :-المن كتلتي فهميني
كالت بصوت مبحوح :-مااعرفه والله مااعرفه
كتلها :-اهدي وفهميني شويه شويه
كالت بدموع... خايفه خايفه راح يسجنوني راح يضيع عمري
كتلها... محد يسجنج بس اهدي وفهميني ولج كتلتي منوو ولييش... كلتها بصراخ
اجن البنات الي لابسات زي عسكري وحده بعدتني عن سالي والبنات الاثنين حاوطن سالي
صرخت كتلها واني ارجف... لا الله يخليج عوفي اختي
سمعت وحده كالت... مايضيع حق عند الله واختج لو بريئه تطلع
التفتت ادور على رشاش شفت عثمان طلع ووجهه محتقن تقرب من سالي حضنها وكاللها... لا تخافين اني يمج
كلتله وهي تشهك... راح ياخذوني
كاللها... جاي وياج لاتخافين
سمعت صوته درت وجهي شفته دايحجي ويا اربع اشخاص لابسين الزي الاسود مسحت دموعي وضليت اتلفت عين على سالي وعثمان وعين عليه شفت سالي داياخذوها لزمت ايدها كتلهم بصياح وبجي :-وين ماخذين اختي
لزمني عثمان من كتفي كال... اني وياها
كتله... لا الله يخليكم لاتاخذوها ... بجيت كتلهم... اخذوني وياها اختي ما ما اعوفها
حسيت واحد جرني من ايدي التفتت رشاش جرني بعيد كتله واني اباوع لسالي الي اخذوها هي وعثمان وياها...الله يخليك تصرف راح ياخذوها
كال... لاتخافين كِلشي راح يكون بخير
كتله واني اباوع لسالي الي طلعت من الباب و اختفت من كدام عيني... رشاش اتصرف الله يخليك راحت اخذوها
كال... رايح وراهم..صاح...او اخذها لبيت عمتي عقيله
هزيت راسي بلا كتله... اخذني اريد ابقى يمها الله يخليك
كال... حره دامج رايده سلامة اختج تبقين يم عمتي خوش... وجرني مشينا للسياره
كتله... رشاش خايفه خايفه كلبي احسه حيوكف
كال... لاتخافين انه هين
حره... ليش حبسو اختي شدايصير.. سكت كتله... اخذني وياك
كال... روحي لبيت عمتي يلا... وصعدني بالسياره
حره... بس
كال... اوس... وانطاه السويج وسد الباب صعد اوس وشغل السياره
شفت رشاش صعد بالسياره السوده وهو يخابر تحركت السياره كتفت ايديه وبقيت اردد اية الكرسي وصلنا لبيت عمته عقيله نزلت بهدوء اباوع الدنيا فجر
وكفت گدام البال دك الباب اوس محد فتح الباب
رن الجرس شويه يلا انفتح الباب
باوعت عمته عقيله باوعتلي شهگت كالت :-اسم الله الرحمن شبيج يمه
مجاوبتها دخلت هي واوس يحجون بس مااستوعب شيحجون احس وشه بدماغي طبيت گعدت بالهول بهدوء حطيت ايدي على كلبي وصرت اجر نفس قوي واردد
:-لتخافين عشتي مواقف اصعب وتخطيتيها غمضت عيوني وگلت... الله راح يساعدنا مثل كُل مره
فتحت عيوني اشوف عمه عقيله وبصفها اوس گدامي ويحجون
وعقيله تباوعلي وتحجي ماحسيت ولا استوعبت هي شحجت
بس گلتلها... أريد اصلي
هزت راسها وگالت... صار.. وگامت شويه واجت رفعت راسي باوعتلها گالت... فرشتلج السجاده بالغرفه
گمت طبيت للمطبخ توضيت ومشيت شفت القرأن ع الميز اخذته وطبيت للغرفه وگفت اصلي وابجي مقهوره
كملت صلاة فتحت القرأن وضليت اقرا عدلت گعدتي وحطيت القرأن على جهه
اجه ببالي جزء من دعاء كميل بن زياد
(اللهم عظم بلائي، وأفرط بي سوء حالي، وقصرت بي اعمالي، وقعدت بي اغلالي وحبسني عن نفعي بُعد امالي، وخدعتني الدنيا بغرورها، ونفسي بجنايتها، ومطالي ياسيدي فأسألك بعزتك ان لا يحجب عنك دعائي سُوء عملي وفعالي)
قريته وبجيت دعيت الله يسندنا بهالشده مثل كل مره
واني ادعي حسيت بدوخه قويه ووشه باذني حطيت راسي ع السجاده واني ابجي وادعي شويه شويه وتلاشى نور الغرفه من عيوني
شفت نفسي كاعده بمكان اظلم واسمع صوت بجي عالي
عرفته هذا صوت سالي كمت بسرعه وكلي خوف من هالظلمه المحاوطتني امشي وادعي واردد كلمات سمعتها من جعفر
امشي واردد
"امانة موسى ابن جعفر"
يارب لاتعوفنا حسيت نفسي تعثرت بحجر وكعت وعيوني لتحت
حسيت رجلي اذتني فركت رجلي واختفى صوت سالي
رفعت راسي شفت شباك يدخل منه نور كمت واني لازمه رجلي اركض باتجاه النور وصلت للشباك فتحته كله جان قوي
گمت اردد... ان الله مع الصابرين
انفتح الشباك غمضت عيني من قوة الضوه الي اجه عليها لما وضحت عيني شفت الشمس
ضحكت وكلت... واخيرا طلعت الشمس
فزيت ع ضربات خفيفه على خدي فتحت عيني شفت رشاش فزيت بسرعه حضنته وبجيت كال... اشش هيدي يول كِلشي راح يكون بخير
گتله بشهگه... رشاش احس دااموت
گال... اسم الله عليج
گتله... شدايصير مو فاهمه شي معقوله اختي قتلت شخص مدااستوعب.. شهكت
گال... اسم الله
گتله... اختي اعرفها ماتأذي نمله شلون هيچ
گال وهو يرفع راسي باوعتله بعيون مدمعه گال... اختج ماغلطت بالعكس لازم تفتخرين بيها
گتله... شلون؟
گال... هالمخنث لو ما سالي تنهي حياتو جان كتلها
مسحت دموعي گتله واني اشهگ... يعني يعني شلون
جرني من ايدي عدل گعدتي گال... دحگي هالمخنث جان داخل للبيت وناوي ياخذ معلومات عن عثمان وجان شايل سلاح بدون رخصه اي شخص يطلع جدامو يكتلو والي سوتو سالي هو دفاع عن النفس
ابتسمت بفرح والدموع تجري من عيوني گتله... يعني ماراح تنسجن موو؟
هز راسه گال... راح تطلع بكفاله هالفتره
گتله... ليش؟
كال... لبين ماتخلص الاجراءات والمحاكمه تبقى برا
گتله بخوف... خاف يتهموها هي قاتلتو عمدا شلوون؟
كال... ماراح يتهموها ... ابتسم... بيت عثمان كلو كامرات وهاذ اكبر دليل
گتله بقلق... وسالي وينها هسه وحدها؟ بجيت گتله... اكيد خايفه
كال... لا اطمئني ما وحدها عثمان يمها والي راح يحقق وياها صاحبنا ونعرفو
كتله... حالتها جانت سيئه حيل
گال... بس هسه صارت احسن لان الكل يعرف هي راح تطلع والكل واگف وياها عثمان..
انه.. وانتِ
واهلج وجماعتنا
گتله... اخذني الها الله يخليك
گال... ما مسموح اليوم... جر نفس كال... صبرتي على جثير اوقات صعبه اصبري هم وعيونج راح تطلع
ابتسمت رفعت راسي ليفوگ گلت... شكرا يارب شكرا لان ماعفتنا
باوعت لرشاش وحضنته حط ايده ع ظهري گتله... سالي بريئه ما تستاهل الاذيه
رفعت راسي كتله... صح احنا ممكن نتكاون وكت شخص يتجاوز علينا ومن تصير كوانه احنا نرد ومانسكت ويمكن صوتنا عالي بس تأكد ان هالصوت الشي الوحيد الي نكدر ندافع عن نفسنا بيه
هزيت راسي گتله... إحنا مو سيئات
ابتسم گال... ادري قبل لاتگوليلي انه ادري... جر نفس كال... اي بنات يعيشن الي عشتو مالهم وسيلة دفاع غير صوتهم
باوع بعيوني گال... اكو بنات حالهم مثل حالجن مايبقن بريئات و ينجرفن للطريق الغلط
بس انتن حافظتن على نفسجن وهاي قوه
مسح على خدي وابتسم گال... انه افتخر بيج
باوعت بعيونه گال... لان بعد كلشي صار وياج بقيتي قويه
ابتسمت گتله... وراح ابقى دامك وياي
ابتسم ورفع راسي باسني من گصتي اندكت الباب ابتعدنا عن بعض مسحت دموعي رشاش كال... تفضل
طب اوس بإيده الموبايل باوع لرشاش ورجع باوعلي بقلق گال بهدوء... شلون صرتي
هزيت راسي كتله... احسن
هز راسه باوع لرشاش گله... صديقي المحامي محمد راح يتكفل بقضيتها
ابتسم رشاش باوعلي وكال... هاذ المحامي قوي كِلش مابيوم خسر قضيه
هزيت راسي گتله... يارب
كمل اوس كال... جاي اتصل على الولد ميجاوبون لا عثمان ولا كسار
طلع موبايله رشاش گله... تلكاهم مشغولين.. واتصل حط الموبايل على اذنه ماجاوب سده كال... مايجاوبون
اوس گله... انه مضطر اطلع للشغل هسه من يخابرك عثمان كلو يتصل على الرقم الدزيتو الو
صديقي محمد كال لازم يروحو للمحكمه تا يكملو الاجراءات ويا
هز راسه رشاش كال... ماشي... واتصل
مشى اوس طلع وسمعت الباب انسدت كام رشاش دايخابر طلع طبت عمته عقيله كعدت يمي تحجي وياي كالت... يمه انه كلشي مافاهمه
حطيت ايدي على ايدها كتلها... عمه احنا مانغلط هيجي غلط سالي داتدافع عن نفسها
عقيله... ادري بيجن يمه ورده من الله انتن بس يعني شلون صار الحادث
هزيت راسي كتلها... والله اني مثلج مو فاهمه ولا مستوعبه شي
هزيت راسي كتلها... ومااريد افهم يكفي اني متاكده ان اختي بريئه مو مهم الباقي
عقيله... الله يهونها ويصبركم
هزيت راسي كتلها... امين
كمت كالت... يمه اذا تردين شي اني اجيبه
باوعتلها وابتسمت كتلها... شكرا... وگفاتج وياي مراح انساهن
ابتسمت گالت... مثل بنيتي انتي
مشيت بأزار الصلاة طلعت التفتت شفتها داتشيل السجاده كلت بكلبي
الله يرزقها اضعاف الخير الي داتسوي
مشيت للمطبخ صبيت مي بالكلاص دااشرب سمعت صوت رشاش وهو يكول... وينك خرا صار ساعه اتصل
ذاك مدري شحجه كله... لا انت ابقى هناك انه شوي واجيكم
سكت شويه يستمع گله... هالسالفه عوفها على كسار... وابتعد صوته
جريت نفس ومشيت شفت السبحه على الميز تذكرت حياة
كل مااشوفها بحلمي تگولي "اذكري الله" وتكون لازمه سبحه بايدها نزلت دمعتي مسحتها واخذت السبحه من الميز وكعدت على التخم اسبح واستغفر
ارتجيت ع التخم ضليت بين النايمه والگاعده
شويه وصحصحت على صوت رتيل وامي شهكت وكمت اركض شفت رتيل وامي ومراوي واكفات برا ويا عمتي عقيله رتيل تحجي وتبجي
كتلها... رتيل... وركضت باتجاهها
هي شافتني حضنتني وتبجي
كتلها... هم زين اجيتي جنت راح انفجر
رتيل... انتهى ربيع عمرنا وماانتهت احزانا.. ماادري شوكت نرتاح... تحجي وتبجي
اسمع عمه عقيله تكوللها... لا يمه كولن ياالله الله دائما ويا المظلوم
ابتعدت باوعت لامي وجهها احمر من البجي حضنتها گالت بصوت مبحوح... شصار فهميني شبيها بنتي
ابتعدت مسحت دموعي كتلها... الي فهمتو واحد دخل لبيتهم وجان شايل سلاح وبس سالي بالبيت
فسالي حتى تدافع عن نفسها كتلتو قبل لا يكتلها
لطمت وجهها ماما كالت... سوده بوجهي راحت بنتي
مروه حضنتها من رجليها و تبجي كعدت ماما بالكاع رادت تكومها عمه عقيله كالت ماما :-مااكدر مااكدر اوكف يممه ضاعت بنيتي يمه بعدها بعمر الورد... تحجي وتبجي
كعدت يمها كتلها :- لا تحجين هيجي
كعدت يمي رتيل وهي تبجي كالت... ماخلونا نروح الها راح بس مقدام وحيدر ويا رشاش... جرت نفس كالت... مشتاقتلها
كعدت مروه بحضني وتبجي خايفه حضنتها وحطيت ايدي على ايد امي وكلتلهن :-لتخافن راح تطلع ماتبقى بالسجن
رتيل كالت... شلون
كتلها... عثمان عنده كامرات بالبيت وكلشي موثق
كالن بصوت واحد... والله؟
هزيت راسي بإي كتلهن... لتخافن... باوعت لمروه وكتلهن... اكيد الله ميعوفنا
كومتها طبينا للهول كعدنا اجت عمه عقيله شايله دولكة المي انطت لماما
اباوع ماما لازمه الكلاص بايدها ترجف ورتيل تتحسب وتدعي وكل شوي تتصل على مقدام وماكو جواب
مر الوقت وهم مااجو ولا خبر ولا اتصال منهم
صار الظهر ونحن لا اكل ولا شرب بس ندعي ومنتظرين خبر من الولد بس مالكينا دااصلي صلاة العصر كملت طبكت السجاده ودرت وجهي شفت رتيل مستنده ع الحايط وكاعده على ركبها
صحت... اسم الله رتيل شبيجج... ورحت يمها
كالت... دايخه
اجت عمه عقيله سندناها سويه ونومناها ع الجربايه كالت عمه عقيله... جيبيلي مقياس الضغط بالغرفه الثانيه
ركضت ادور شفته ع الميز اخذته ورجعت يم عمه انطيتهيا قاسته كالت... ضغطها مصفر
حطيت مخاد تحت رجليها كالت... ضلي هين خلي اسويلها لبن
هزيت راسي طلعت طبت وراها ماما كوا مفتحه عيونها وشاده راسها كمت الها لزمتها من ايدها كتلها... شبيج
كالت بقهر ... راسي راح ينفجر كعدتها يم رتيل كالتلها... شبيج يمه
جاوبتها رتيل... مابيه شي لتخافون
جابت عمتي اللبن اخذته منها وكلتلها... شُكرا... وانطيت لرتيل
داانطي لامي
عمه عقيله كالت... لا يول امج مرتفع ضغطها اللبن مالح
كتلها... لعد شلون
كالت... انطيتها حباية ضغط مددي ام مقدام البيت بيتج
جاوبتها ماما... مااكدر بالي يم سالي غير يجون الولد داافهم... وبجت
كعدت يمها اواسيها مر الوقت لليل سمعت الباب انفتحت طلعت اركض شفت مقدام وحيدر طبو وطب وراهم رشاش واوس وحازم
مقدام محتقن وعيونه حمر وكوا مفتحهن ركضت حضنته وابجي حضني كال... لتخافين
باوعت لرشاش ورجعت باوعتله كتله... ليش ماجبتو سالي
مقدام دار وجهه وفرك عيونه جرني رشاش كال... حدري هين
وكفت يمه وشفت ماما ورتيل وعمتي ركضو يسألون الولد ويستفسرون منهم وحيدر يسأل برتيل عن صحتها
طبينا جوا رشاش كال لاوس بهمس... روح جيب عشى
اوس هز راسه وكاله... ماشي... وباوع لحازم كله... يلا
حازم هز راسه وطلعو سويه كعدنا كلنا سويه بالهول ومقدام مانطق كلمه وصوت البجي والحزن خيم ع البيت
رتيل كالتلهم... فهموني بالتفصيل اريد افهم
حجه رشاش... الي صار ومن مده طويله عثمان جاي يتحارب تلقى التهديدات وتضرر بالتسريبات معلومات عنو كثار تسربت
... جر نفس كال... بيوم الحادث عثمان ما جان بالبيت
رتيل كالت... شلون يعوفها وحدها عثمان غلط
كاللها... ابو تعارك وكله اخذني لبيت عمك وبيت عمو قريب ما بعيد خمس دقايق وبهالوقت هالمخنث دخل لبيتو
حجت ماما... شنو الهدف يدخل لبيت مابيه بس بنتي
كاللها... جان يدور على وثائق وامور خاصه بينا وهاي جانت فرصه ذهبيه الو
يعني شي اكيد ماراح يتوقع سالي ممكن تقتلو وهو حامل سلاح
كل الي ببالو ياخذ الوثائق ويطلع ولو اعترضت طريقو سالي فسلاحو موجود يكدر ينهي حياتها
فـ لما دخل حست سالي بحركه بالبيت اخذت سلاح عثمان وطلعت... جر نفس كال وهو يباوعلي... حاول يقتلها بس سالي بأخر لحظه اطلقت عليه الرصاص ولو ما اطلقت عليه الرصاص جان هي انقتلت
مقدام كال... الي مريح بالي الكاميرا سجلت كل الي صار... باوع لرشاش كله... هذا دليل كافي ليش لسه ماطلعت
رشاش جر نفس وكله... اجراءات
كتله... يعني نتطمن؟
سالي حتطلع من المصيبه
هز راسه امي بجت وكالت... ياارب نذر عليه اذبح طلي بس خلي تعدي هالمصيبه
... بعد هالكلام جان اكو شي بداخلي مرتاح اجه اوس كامت عمتي كمت وياها باوعتلي كالت... ارتاحي حبيبه
كتلها واني اطلع الخبز... وياج ابقى سوده عليه تعبتي
عقيله... لا يمه واجبي
رفعت راسي شفت رشاش واكف مبتسم اجه يمي يطلع الكاسات واللبن عمتي حطت الاكل بصينيه واخذه اوس وراحت تودي الخواشيك
اني وكفت اغسل الكلاصات
وكف يمي كال... شلون صرتي
هزيت راسي كتله... احس نفسي احسن جريت نفس كتله... فكرة ان الله ويانا ويهيئ كل الاسباب تا ينصرنا حلوه
ابتسم ومسح على راسي كال... اكيد ويانا... ضحك كال... ماخذه على لهجتي
ابتسمت حطيت المي ووديناهم اخوتي ضايجين مكدرو ياكلون بس اجبرناهم ماكو حل غير ان نصبر ونتقوى
لثاني يوم اجت طيبه ضلت يمي تساعدني وتساندني وتواسيني
حالة امي ورتيل ابد مو تمام بقن ع العلاجات واني بقيت بينهم وبين قهري على سالي
اشتياقي الها
وخوفي عليها جان جبير
طول هالمده عثمان ماتركها ولا ثانيه ويوصي عليها كل الي يعرفهم
الايام مرت واجه اليوم الي تطلع بيه سالي بكفاله
واكفه اني وطيبه نغسل المواعين كل شوي تنزل دمعتي وامسحها ويمي طيبه كل ماتشوفني تعبت تكولي
طيبه ... هيدي الله راح يهونها الله يحب العبد الصبور
سمعت الباب انفتحت كلت... جا رشاش كملت اغسل المواعين عادي لحد ما سمعت مراوي صاحت... ماما اجت سالي
الماعون بيدي شمرته وطلعت اركض بسرعه واسمع صوت التكسر بس مااهتميت طلعت وشفت سالي ويمها عثمان ومقدام ورشاش واخوتو
فرحت وركضت حضنتها وابجي طلعت ماما ورتيل وصوت الهلاهل ملى المكان اجت رتيل حضنتنها اثنينا وتبجي وماما تهلهل وحضنت سالي
جانت لحظه سعاده جبيره مثل شخص منتظر فرحه من سنين واليوم تحققت هيج الشعور او احلى
طبت كعدنا بالهول وبدت الاستفسارات منها اذا تأذت او تعاملو وياها بشكل سيئ وكان الجواب... لا الكل احسن معاملتي
باوعت لعثمان وكالت... وهو ماتركني
ضليت حاضنتها وماتركتها لحظه
تفوت للمطبخ اني وراها
راحت للحمام اني وراها
داتطب للهول اني وراها
لزم ايدي رشاش جرني للمطبخ كال... شبيج يولي تركضين ورا الحرمه
حره... خايفه تختفي من كدام عيني... نزلت دمعتي مسحها كتله... اخاف تضيع مني
جر راسي وحضني كال... لاتخافين هي هين باقيه يمج
ابتسمت وبسته بخده بقينا يومين الكل مجتمعين يم بيت عمه عقيله وماتركنا سالي ولا لحظه رشاش صار يلح عليه بموضوع المدرسه بس يريدني امتحن واخلص وكلما اكوله... تعبانه وخربان واهسي
يكولي... شامر عليج طن فلوس هالحجي مايبرد گلبي
ويبقى يشجعني... باجر وراج سادس هي كلها سنه وتدخلين كليه يولي الكليه حلوه كِلش اخلصي من الاعداديه باعتبار خلصتي من هم كِلش جبير
مسح خدي وكال... اريد حرمتي تجرب هالشعور
وبعد الحاحه عليه قبلت وصرت اداوم بالمدرسه وادرس رغم تعبي بس جان اكو حافز يشجعني وهو رشاش
مرت الايام والاسابيع واجت الامتحانات النهائيه وامتحنت وخلص دم گلبي تا كملت وكلما احس بيأس يمي رتيل ورشاش يحفزوني على النجاح
لحد ما خلصت من الامتحانات ورا اسبوعين طلعت النتائج وجنت ناجحه هم جبير وخلصت منه
وبيومها رشاش اشترالي موبايل كـ هديه وبدا هم السادس
سالي واني وطيبه بقينا يم عمتي
وجانو محاوطين البيت حراس ومنهم عثمان بقى ويا الحراس يحرس المكان
اما اهلي فرجعو لبغداد لان اجراءات المحاكمه تطول وكل فتره يزورونا ورشاش يروح عشر ايام للشغل يجي يومين اخذوني اوس وحازم سجلت بمعهد قريب بالمواد العلميه
وصارو كل يوم هم ياخذوني وطبعا شايلين سلاح ولو رشاش موجود هو ياخذني
الايام مرت وهي متشابهه اني ادرس ويمي سالي وطيبه يشجعني سالي مانجحت وماكملت دراستها بسبب الي صار بس كالت :-عندي وقت وراح ارجع ادرس
بيوم كاعدين بالليل نباوع فيلم وسالي كل شوي تگوم تتقيى وتلعب نفسها عمتي اشرتلي كالت... شبيها اختج
كتلها... والله خاله بس تتقيئ وتلعب نفسها من الصبح هيج
ابتسمت كالت... خاف حامل... وكامت
كمنا وراها يم سالي ع المغسله
عمتي سألت سالي ع الشهريه وسالي كالتلها... غايبه صارلها مده
ضحكت عمتي وكلتلها... عجل حامل مبروك يولي
ضحكت سالي وكالت... الله يسمع منج.. واخذت موبايلها واتصلت على عمان وطلبت منه يجيبلها جهاز كشف الحمل المنزلي
نص ساعه واجه عثمان انطاها الجهاز ولمن حللت وشافت النتيجه هلهلت وكالت... حامل
فرحتهم بذاك اليوم ماتنوصف لدرجة عثمان صار يوزع فلوس على كل طفل يشوفه بالطريق
خابرت رشاش وكتله كال... الله يهنيهم ويوم الالنا
ابتسمت وكتله... اللهم امين
بيوم المحاكمه لسالي رحت وياهم كعدنا وجان اكو خوف ورهبه من القاضي محامينا جان شاطر كلش ولبق بكلامه جان كلما يعترض محامي اهل المقتول القاضي يرفض
وبعد تقديم كل الادله نطق القاضي بالحكم على سالي وگال... بريئه
طلعنا وجان هذا يوم اخلاء سبيل سالي طلعنا وفرحتنا ماتنوصف دانمشي ووكف كدامنا ولد شاب عيونه ووجهه حمر باوع لسالي وكاللها بهدوء... كتلتلي اخوي
انتي كتلتي اخوي
سالي لزمت ايدي بخوف رشاش دفعه وباوع بعيونه وكاله... حسابنا مانتهى وراح يجي يومك
دفع رشاش واجه باتجاه سالي وكام يبجي ويصيح... راح احرگكم وحق الحق
لزمه عثمان ورشاش اشر للامن اجو اخذو التفتت سالي تبجي وترجف وكف كبالها عثمان وكاللها... لاتخافين مايكدر يسوي شي هالحيوان
هزت راسها ومشينا لليل قررو يرحون لبغداد تا تگعد وياهم امي وبيومها رشاش حول ملكية البيت الي عنده ببغداد لعثمان وفعلا ثاني يوم انقلو لبغداد
لثاني يوم التحق رشاش ووصاني بعد ماارجع من المعهد ارجع لبيت اهله
بوست عمتي وطلعت ويا حازم للمعهد كملت محاضره بقيت بالمعهد اتصلت على حازم شويه وخابرني اوس كال... منتظرج برا
طلعت صعدت السياره وسلمت عليه جان توه راجع من شغلو طلع كبل لبيت اهلنا طبيت تلكاني حمودي بوسته ورحت بست عمتي من راسها وكعدت يمها كعدت تستفسر مني عن الي صار سولفنا شويه واجت جيلان ومرت بكر هم بوستهن وحجينا شويه وصعدت فوك تا ابدل
بدلت ونزلت صبيت داتغده اني واوس داناكل اجت طيبه كالت... يولي دحكي عروض المكياج والعنايه راح اوصي
باوعت كتلها... اي وصيلي وياج
باوعت لاوس كالتله... انطيته رقمك
كال... اهو يالقهر هم راح توكع براسي
ابتسمت وبهالاثناء سمعت صوت عمي عالي يكول :-شكو جبتوها هين انه ما كلت توصلون لرشاش هالحرمه ما تدخل لبيتنا
گام اوس كمت وراه وكفت بباب المطبخ واسمعه يحجي ويجاوب بكر الدايهدي بيه يكوله... انه مااريدها تبقى هين سالفة اختها الكل يحجي بيها كاتلتلها واحد والله شلون عايله يوم اخوها ينسجن بسبب الارهاب ويوم اختها تكتل واحد
انه شضمنلي ماتكتل واحد منكم باجر عكبه ؟
صعدت اركض للغرفه لبست الصايه والحجاب واخذت احتياجاتي ونزلت وطيبه وراي تكولي... هيدي يولي ابوي وتعرفينو عصب بس يفهم يندم
هزيت راسي بلا ونزلت وكفت يم الدرج احس احتقنت واختنكت دموعي تنزل وحدها هالحجي هضمني اسمع
بكر يكله... شهالحجي يابه الحرمه عرفنا اخلاقها
جاوبه ابو بكر... لا ماعرفنا دحج من سالفة اختها نزلت روسنا السلف كلو يحجي شمسويه اختها تا جفت اعليها هالزلمه
بكر كله... عيب يابه عيب وحرام قذف المحصنات
ابو بكر... وانه ماجاي اكول غير الي الكل فاهمينو
دايحجي وطبيت للمضيف كتله... اكدر افهم شنو الي فاهمي حضراتكم؟
جاوبني بنتر... مالي حجي وياج انتي انكلعي من هين
گتله... راح اروح اكيد بس اتأكد اخوي واختي الداتحجي عنهم لو..
نزلت دمعتي كملت... لو تعيش سبع اعمار من عمرك هذا ماراح توصل للمقام الي هم وصلوله
ولا العزه ولا حتى الفخر الي نحن نفتخر بيهم
اخوي هذا حارب الكل
بجيت... ابوي والشارع ونفسه بس تا يجيبلنا لگمة حلال واختي الي ماعاجبك تصرفها دافعت عن نفسها والله بكتابه اباح فعلها انت منو وجاي تحاسبها
مسحت دمعتي كتله... ولا لازم تنتظره يكتلها تا ترضى حضرتك
جرني اوس كال... هيدي حره وحدري هين
هزيت راسي كتله... ماابقى هين
وجريت الجنطه وطلعت والكل يحجي وراي ومااسمع شي منهم بس اكول... حسبي الله ونعم الوكيل
لبست الحذاء وطلعت اوس يحجي ماجاوبته
اخر شي سمعته كال... راح اخذج لبيت عمتي انتظري اجيب السياره
هزيت راسي ووكفت اجه بكر كال... خيتي هيج كواين تصير بالله عليج لا تكبريها
هزيت راسي بلا كتله... اتحمل كلشي بس مااقبل احد يجيب طاري اخوتي بسوء
شفت اوس صف السياره كتله... مع السلامه... وفتحت باب السياره وصعدت
وصلني لبيت عمه عقيله كعدت بالهول ابجي مهضومه رشاش يتصل مااجاوبه اخر شي اخذ التليفون اوس و طلع برا جاوب لثاني يوم دانتغدى طب رشاش فرحت رحت حضنته باسني من راسي وكعدنا نتغدى
سويت جاي شربنا وطب للغرفه طبيت وراه دايحط عطر حضنته من ضهره وبجيت
التفت عليه وحضني شالني من خصري ونزلني ع السرير باوعت بعيونه وراسي على ايده كتله... ابوك
كال... اشش لاتكملين سولفولي اخوتي
بجيت كتله... حيل قهرني
مسح دمعتي كال... مابقى شي ونطلع بيت وحدنا
ابتسمت تقرب باسني بحنجي ومر هاليوم واحنا مع بعض لليل خابرتني طيبه وكالت :-تكاون ويا ابوي وقسو على بعض بالكلام وكان خصم الحجي رشاش يطلعج بيت وحدج
مرت يومين وخابرتني سالي كالت... حيمر سنه على زواجي من عثمان واريد احتفل دام بطني صغيره
ضحكت كتلها... ياعمري والله لسويلج احلى حفله
سالي... اني ماسويت عرس اريد اعوض تجين باجر مو؟
حره... طبعا شهالسؤال حااكول لرشاش يجيبني
سالي... حنسويه بالقاعه
حره... حلوو كلش
حجينا شويه على ترتيبات القاعه وسديت الخط رحت كلت لرشاش كال... خابرني عثمان ان شاء الله اخذج
ابتسمت وكتله... بس ها لازم تجيبلي ملابس
ضحك كال وهو يستخدم اللابتوب... ان شاء الله
رحت طلعت كتبي قريت شويه ونمت لثاني يوم طلعنا لبغداد من وصلنا نزلني يم محل فساتين جانت حلوه ومستوره اخذت فستان طويل لون بنفسجي من الدرجه الفاتحه ورحنا كبل للقاعه
طبيت باوعت تجهيزات القاعه باللون الزهري والابيض وحلوه كلش
وبس الاهل موجودين ورغوده اكيد
ركصنا وضحكنا وحاولنا نركص جوبي رغم ماضبطت
رتيل بطنها كبرانه بالخامس
طب مقدام باوعتله لابس رسمي وكفو وصورو هو وسالي وماما
اني ماطلع حلوه بالصور فغلست رغم لحت عليه سالي بس ماخذت غير شكم صوره
وكفت سالي يم مقدام وصارت تاخذ وياه سيلفيات
انتبهت لفستانها قصير من كدام ومفروش من ورا
ابتسمت وباوعت لكل احبابي الموجودين وكلت... الله يخليهم الي
مر هاليوم ومرت وياه احلى ذكريات عمري
بعدها عثمان وسالي استقرو ببغداد ووياهم ماما اكثر المرات يمهم
وحراسه على البيت
مرت اشهر واني حايره بدراستي ورشاش بشغله
بيوم فرشت اسناني ورحت فتحت السبلت تا انام غمضت عيوني وانعادت عليه الذكرى
اني وحياة دانسولف وسألتها عن الحلم الي ماحبته
كالت... شفت جسر طويل وكله ورد والمنطقه خضار مثل الجبال..
والجسر مليان ورد
مرو على هالجسر ناس اعرفهم ومن ضمنهم خطيبي
شفت سمرا تلعب وكالت... هناك مكان حلو خلي نشوفه لان المكان يجنن ايكول جنه وراحت..
مرت بسرعه ع الجسر صحتها كتلها... لتوكعين
ماردت عاد اني هم لحكتها
حره... ياا واني وين
حياة... مدري اشو مشفتج
حره... هاي خيانه ترا
ضحكت كالت... هو حلم شبيج
حره... حتلو المفروض حتى بالحلم اكون وياج دام احنا بالدنيا منتفارك ابد المهم كملي
حياة... مشيت على الجسر واحسني اشتم الهوا النقي يخبل بعدها سمعت صوت سالي صاحتني درت وجهي شفت لعبتها القديمه السوتها الها رتيل هي وفستان سالي
مرمي على الجسر واجت سالي داتاخذه مشت شويه من الجسر و..
حره... فزيت من النوم حسيت بخنگه وفزيت على صوت الاذان اباوع لخدي نازله دمعه كلت... يارب لطفك
__________عثمان_______
:- واكف برا اني وكسار الي مندمج يحجيلي عن تحديد المواقع وانطاني ملفات گال... تأكد منهن
اخذتهن منو وسلمت عليه گتلو... تفضل
كال... لا باچر لازم التحق
هزيت راسي وكتلو... الله وياك
خلى وراح دحگت للجو دنيا لليل والجو بارد جريت نفس بهدوء وطبيت للبيت
دحگتها كاعده بالهول وبطنها جبيره ابتسمت ورحت كعدت يمها مسحت على راسها گتلها... شمسهرك ياحلو
باوعتلي بعيون مدمعه وكالت... مختنكه جرت نفس وكالت... احس دااموت
تغيرت ملامح وجهي وكتلها... اسم الله شهالحجي يولي
لزمت ايدي وكالت... صارلي ع هالحال تلث ايام.. جرت نفس وكالت... اريد اطلع
دحگت للوقت الساعه ب ١ كتلها... منو يطلع هسه؟
كالت... احنا احس مختنكه
هزيت راسي وباوعت باتجاه الغرفه كتلها... وامج؟
كالت... نايمه شمدريها وهنا حراسه مايصير شي
هزيت راسي وكتلها... تمام لبسي يلا
لبست فوك تراكها الصايه والحجاب ولزمت ايدي گرصتها من. خدها وطلعنا وصيت الحمايه يفتحون عيونهم زين وصعدنا بالسياره
فتحت الشباك وخلت راسها عليه وضلت تشم بالهوا كتلها بقلق... سالي شبيج
باوعتلي ابتسمت كالت... احبك... ولزمت ايدي
ضحكت كتلها... وانه اعشكج
گالت... شكرا
كتلها... على شنو؟
گالت... على كل لحظه حلوه عيشتنياها
بست ايدها وكلتلها... انتي كل لحظاتي الحلوه... حطيت ايدها على كلبي وكلتلها :-الوحيده التستاهلين كلمة عشگي
ابتسمت وضلت تباوعلي جرت نفس كالت :-بفضلك عشت هالحياة الحلوه عشت شعور الحب و... حطت ايدها على بطنها وكالت... الامومه
ابتسمتلها كتلها... احبج
كالت... واني هم احبك هوايه
باوعت للطريق وكالت... نزلني هنا
كتلها... ليش؟
كالت... مخنوكه اريد اتمشى
كتلها... بس خطر هالشي
گالت بضيق... الشارع فارغ ماكو شي
تنهدت ووكفت السياره واخذت سلاحي ونزلت لزمت ايدها وكتلها... مانبعد من هين
هزت راسها وتمشينا شويه ايد بايد وكل شويه تحضن ايدي التفتت ماكو احد بالشارع
جريت راسها بستها وكتلها... الله يخليج الي
ابتسمت ولزمت ايدي وباوعت لعيوني
هي لحظات وشخطت جدامنا دراجه وطلع سلاحه ورمى علينا
تلث رصاصات
ثلاثتهن اخترقن گلبي
من شفت دمها تناثر بوجهي... يتبع...
___________________
الحدث الاخير بـ لسان عثمان
لتنسون التصويت
والاهم ارائكم للقصه
تصبحون ؏ الف خير... ♡
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!