رواية هل كان حلماً ...؟ (الِعراق_المُصغَر) الفصل الثاني وخمسون 52 - بقلم Nawras_Qasimᥫ᭡

رواية "هل كانَ حُلماً...؟
(العِراق_المُصغَر)

بقلمي... نورس _قاسم"
________________

لتنسون التصويت والمتابعه
+كࢪزاياتي علقو ؏ كل فقࢪه بالقصه خلي تصعد...
_______________

:- رجعت للبيت بدلت وكعدت اتغدى اوس كاعد ياكل

اجاه اتصال فتح خط كال... ها حبيبي

سكت شويه وبعدها تغير ملامح وجهه وصاح... شلوون هاجمو اخووي!!  

من الفزعه والخوف كلنا وكفنا كتله... اوس شكو؟

مارد كمل يحجي كال... بس فهمني ابو السباع بخير ؟

سكت يستمع گال... يول عاد فهمني بيا مستشفى انتو

... ومشى مشيت وراه كال... خرب بالكو**يد لانعل الخلفوهم ليش مارحتو للمستشفى

سكت يستمع گال... خررب بالخلفوهم وين انتو وين

كمت ارجف من الخوف كال... جايكم جايكم.. وركض

لزمته من ايده كتله... عليك العباس فهمني رجلي شبيه

اوس... مابيه شي مابيه شي... وركض

اني حطيت ايدي ع راسي وبجيت طلعت عمتي شافتنا مخبوصات ونبجي كالت... شكو يمه

كالتلها طيبه وهي تبجي... ماادري اوس اجاه تليفون هاجمو اخوي

كالتلها عمتي... شنووو؟؟
هاجموه شنووو
ووين راح ابني اوس

طيبه هزت راسها كالت... ماادري ماادري كلشي ماادري يمه كلبي حيوكف... وكعدت بالكاع تبجي

لزمتها  جيلان تهدي بيها واني احس اطرافي جمدت طبيت للمطبخ اباوع لايديه ترجف وكمت اتنفس بسرعه اخذت الموبايل من على الكاونتر وصرت اتصل على رشاش
مره
مرتين
تلاثه ماكو جواب اتصلت للمره الرابعه رن رن رن وماجاوب

صرخت... ليش متجاوب لييش... ولزكت التليفون بالحايط تطشر
اجن البنات ع الصوت حطيت ايدي ع راسي وكمت ابجي باوعت لعمتي جانت داتخابر كتلها... عمه شوفيهم بلكي واحد يجاوبج يطمنا عمه راح اموت شبيه رشاش
شبيه

هند كالت وهي تتنفس بسرعه... اهدي اهدي اكيد مابيه شي هاي ما اول مره اكيد هو بخير لتخافون

كلامها ابد ماكدر يطمني انفتحت الباب كمنا نركض شفناه حازم لابس زيه العسكري كال بصايح... اوسس وييين؟

كالتله هند... اجاه اتصال وطلع يكولون مهاجمين اخوي رشاش

هز راسه كال... مابيه شي رشاش لاتخافون بس اوس وينه خرب بالعشيره... وطب لغرفته

ركضت وراه هو يدور بالاوراق كتله... رشاش وين الله يخليك طمني عليه

كال... مابيه شي لاتخافين بس عثمان تصوب

صرخت... عزا بعيني ووينه هسه

ماجاوب اخذ فايل ازرك ودايطلع لزمته امه كالتله...وك يمه واوس وينه

حازم... رايح ادحج وين صار... وطلع يركض

عمتي كعدت ع الدرج تتحسب وتستغفر وتكول... يارب الوليدات بامانتك يارب لاتخذلني

كعدت على التخم بهدوء واحس بالم قوي بعيوني وبراسي للحظات حسيت اختنكت مااكدر اتنفس بعد
جريت نفس قوي كلت... يارب دخيلك غمضت عيوني بتعب وبعد ماحسيت بشي

فجأه تغير مكاني وحسيت اني واكفه على جسر يتحرك وجوا الجسر بخار والجسر عالي كلش
جريت نفس بخوف ورفعت راسي اشوف اني وين
اول مارفعتها شفت سمرا الله يرحمها باوعتلها باشتياق وقهر

جانت بعيده عني جانت برا الجسر كتلها :-سمسم

ابتسمتلي اباوعلها كلش حلوه كتلها واني اباوع لايديه الترجف من الخوف بسبب الارتفاع والهوا العالي الي يدخل لانفي حجيت... ساعديني خايفه

ابتسمت وكالت... اني وياج دا ادعيلج

ركزت بملامحها ونزلت دمعتي ثواني وتلاشت من گدامي مثل الخيال الي يتلاشه بالظلام
فتحت عيوني بتعب على رش الماي فزيت كلت... سمرا

سمعت صوت طيبه وهي تكول... اسم الله اسم الله

تلمست وجهي واحس اكو دموع على خدودي حطيت ايدي على گلبي وكلت اكيد البنات دايدعن الي كتلها بتعب... طيبه رشاش وين

طيبه... لتخافين مابيه شي

بجيت بصوت عالي گالت عمتي... يول لاتفاولين على الزلمه مابيه شي خابرنا كال جاي مسافة الطريق

هزيت راسي وجريت الشال شديت راسي بيه وارتجيت ع التخم ابجي وادعي يارب دخيلك لاتعيشني شعور الفقد مره ثانيه سمعت صوت اوس وحازم بالباب البنات بسرعه كامن يركضن
واني دا اكوم وراهن واحس راسي ثكيل وكأن شايله حجاره

سندت روحي وكمت بصعوبه لزمت الحايط انفتحت الباب  طب هو وطيبه حاضنه رشاش  وتبجي باس راسها انتبهت شعره مكفش  ولابس اسود بس ملابسه كلها تراب رفع عيونه شافني جمدت ملامحه واجه باتجاهي بسرعه

لزمني من اكتافي كال... اسم الله شبيج

اني اباوعله وابجي كتله بصوت مبحوح :-خفت هواي

جرني من راسي حضني ويتلمس بشعري كال :-هيدي يول دحكي انه بخير

رفعت راسي باتجاهه مسحلي دموعي كال :-كافي لا تبجين... وسندني كعدنا على التخم

الكل يحجون واني بالي مو يمهم حاضنه ايده و بس اباوعله واباوع لحركاته ووكلشي مااسمع غير الضجه الي بدماغي وصوت سمرت وهي تكولي... اني وياج

حسيت براحه غريبه فزيت عليه وهو يضربني راجدي خفيف على خدي كتله بثكل... شبيك

گال... صار ساعه احجي وياج يولي

تلمس كصتي يشوف حرارتي كال... وضعج ماعاجبني احسج مو بخير

عمتي كالت... اي خطيه اخترعت يمه

مجاوبت گال... گومي ارتاحي
. باوعلهم كال... من رخصتكم

عمتي كالتله... اخذ راحتك وليدي.. والتفتت تحجي ويا اوس

سندني حطيت راسي على صدره وصعدنا تلث بايات  شافني مابيا امشي شالني وصعد فتح باب الغرفه وطبينا سد الباب برجله ونومني ع السرير واني لازمه ايده كعد بصفي كال... حره لاتسوين هيجي دحجي بويا انه بخير

نزلت دمعتي كتله... حسيت راح اموت

كال... اسم الله يومي قبل يومـ

قبل ليكمل حطيت ايدي على حلكه گتله... لا تحجي هيج الله يخليك اني مابيا اتحمل هالدنيا بدونك اذا انت ماموجود اني ماراح اكون موجوده

حط ايديه فوگ من اكتافي وتقرب باسني بخشمي وگال... انتي قويه تكملين بوجودي او عدمو

كتله... اني اتقوى بيك
ابتسم گتله... انت الرجعتلي املي باني اعيش

بجيت گتله... اني مابيا اتحمل افقد بعد لما انقتلو صديقاتي حسيت الله عوضني بيك لو ما انت جان تخبلت

مسح دموعي گتله... ماعندي استعداد اخسر بعد دير بالك على روحك الله يخليك

جرني من خصري عليه ونام بصفي على السرير حضني وكال... انه هين

باوعت بعيونه كال... دحكي مايفصل بيننا حتى الهوا

ابتسمت مسح دمعتي كال... دمعتج تچوي گلبي لا تأذيني بيها

هزيت راسي نزل عيونه على حنجي تقرب باسني بيه حطيت راسي على صدره كتله :-عثمان بخير؟

گال... كِلشي مابيه لاتخافين

هزيت راسي كتله... شصار وياكم منو الهاجمكم؟

گال... واحد ابن كحـ***ه

كتله... شيريد منكم ..؟

كال... يريدنا نكـ**د مثلهم

حره... شلون يعني

تلمس خدي كال... يول لاتفكرين بهالسالفه شغلي انه احلو انتي ارتاحي

حره... شداتحجي رشاش شلون ارتاح اليوم حسيت نفسي دا اموت

كال... اسم الله عليج يروحي
جر نفس كال... يولي هو زعطوط كض سلاح راد يدحك روحو على اساس فد زر**ـه جبيره
وتالي انسحل مثلو مثل غيرو

حره... شسوا

گال... رمى علينا

حره... يماا

كال... خلص يولي

كتله واني احط ايدي على ايده... وماتأذيت موو

هز راسه كتله... وعثمان 

كال... عار مايموت... وضحك

ابتسمتله حط خشمه على خشمي كال... اي هيج شوفينا هالضحكه المدوختني

حره... انت بس لتعوفني واني راح ابقى اضحك

كال... وانه وياج... باسني من راسي وگام اخذ منشفه وطلع

اني كمت على كيفي طلعت من الغرفه توضيت ورجعت لبست ازار الصلاة وصليت ركعتين شكر لله كملت ودعيت ربي گتله :-يارب اني ادري الموت حق علينا بس فكرته تخوفني مو خوفي اني اموت واندفن واروح يم حياة
لا اخاف اموت واني عايشه اخاف اجرب وجع الفقد مره ثانيه
يارب وانت اعلم بخوفي وافكاري ساعدني يارب واحفظلي كل اهلي الي احبهم وخلي يومي قبل يومهم

سمعت صوته يخابر كتله... يارب لاتفرقني عنه
مسحت بايديا على وجهي وكلت... الحمد لله على كل حال

اخذت القرأن بوسته وفتحته دااقره انفتحت الباب صدقت والتفتت شفته واكف ابتسم سد الباب وتقرب مني كعد بصفي كال... شلون صارت الحلوا

حره... بخير دامك وياي

ابتسم ورفع ايدي باسها وباوع بعيوني ورجع باوع للقرأن گال... الله كتبلنا نبقى سوا
لزم ايدي شبكنا اصابعنا گال بهدوء
:-لاتخافين دام الله الحامينا

ابتسمت هزيت راسي گتله... ونعم بالله

گام فرش السجاده قبلي وصلى واني كملت اقرا القرأن بتلاوه حسيت نفسي ارتاحيت وراح الخوف عني
اندمجت بالتلاوه لحد ما خدرت رجلي رفعت راسي شفته گاعد بصفي ويباوع على الايات

باوع بعيوني كال... ليش سكتي؟

ابتسمت كتله... حبيت التلاوه

ضحك گال... صوتج وانتي تقرين قرأن كِلش حلو

گتله... مو دائما تگلي صوتج..

قبل لا ااكمل كال... من تغنين عذاب نفسي بس من تقرين قرأن كلش حلو

ابتسمت كال... كملي

هزيت راسي وكملت وهو يمي يستمع وصلت يم اية

﴿وتحسبونه هينا وهو عند الله عظيم ﴾

توقفت هنا تذكرت حياة الله يرحمها جانت كاتبه هالايه بالدفتر الي انطتنياه والورقه البعدها جانت مشخطه وملونه باللون الاحمر نزلت دمعتي حسيت على اصابعه وهي تمسح على خدودي

گال بهدوء... شبيج

هزيت راسي گتله بخنكه... حياة جانت كاتبه هالايه بدفترها
باوعت بعيونه وگتله... الي احترگ

نزل راسه گال... اسف

لزمت ايده گتله... لتعتذر انت ماغلطت

سكت و باوع بعيوني لدقايق گتله... شبيك

گال... حياة تركت اثر بملامحج

حره... هاي مرتين تگولي هالشي شلون يعني

مسح على رموشي باصبعه گال... ملامحج

حره... شبيها؟

گال بهدوء وهو يباوع لتفاصيل وجهي :-حزينه

حره... شلون يعني؟

گال... يعني اكو انسان من تدحگ لملامحو وخصوصا عيونو تحس بيهن لمعه وكأن هو باجي قبل ثواني رغم هو ما باجي
انتِ هيجي

مسح باصبعه على حواجبي گال... من اول فجر طلع عليج وانتي بدون حياة انه دحكت هالتغيير

ابتسمت بحزن كتله... مرات الانسان يتحمل هواي بس من تصيرله مصيبه يحسها فوگ طاقته ينفجر
اني هذا الي صار وياي بحياتي ماحسبت اعيش يوم بدون حياة ونسيت الموت حق
بيوم الي راحت حسيت شكد هالدنيا تافهه وفانيه وماتستاهل كل هالتعب

مسحت دموعي كتله... انت اجيت فتره وشفت شگد جنا نتعذب اني وياها

هز راسه كتله... شفت شلون نخبز ونطبخ للعالم بس علمود نحصل لكمة حلال
الي شفته بهالشهر احنا بدينا بيه من سنين والنهايه شنو؟
انت شفت

نزلت دمعتي كتله... ماتعرف شكد صعبه من بنيه شابه تقارن سنة الموت بصعوبة علاج بيبيتها كتاباتها التركتها الي تحفر بگلبي رشاش... رفعت راسي كلت... الله لا يعيش احد هالوجع

تلمس اصابعي كال... كل الي سويتي انتي وحياة وحتى سمرا الله يرحمها هذا يثبت قوتجن
باوعتله كال... نادرا ما تلكى بنيه عندها استعداد تكعد من الفجر على حر التنور تا تاكل خبزه بالحلال
بينما بهالزمن الحريم كامت تصادق وتضحك على الزلم وتخلي ينطيها فلوس بس بنت الاصل معروفه

باوعلي وكال... وهذي انت وتاكدي كل الي عشتيه مسجل ومايضيع عند ربج حر ذاك التنور الله عوضج بيه ببيوت بالجنه متاكد

هزيت راسي كتله... الحمد لله على كل حال.. باوعت بعيونه كتله...الله ماتركني وعوضني بيك تساعدني وتنسيني

ابتسم باس راسي طبگت القرآن وگمت حطيته بمكانه التفتت عليه يلعب بالموبايل كعدت ع السرير كتله... اذا كملت انطيني احجي ويا سالي

كال...عجل و موبايلج

حره... كسرته

كال... ليش

حره... مادري اعصابي تلفت

هز راسه خرج من واتساب وانطاني موبايله وكام كال... انه نازل يم اخوتي لو احتجتي شي رمشي لواحد من اخواني

هزيت راسي طلع وسد الباب اتصلت على سالي فتحت خط جانت مبينه من صوتها باجيه كالت... كتلج كلبي واجعني شفتي شصار اليوم

حره... الله سترنا

سالي... خفت حيل حره

حره... واني هم... مسحت دمعتي كتلها... شلونه عثمان

سالي... بخير بس بكتفه كزازه طلعوها اله

حره... الحمد لله على سلامته

سالي... وسلامة رجلج هم

سكتنا شويه كالت... حره

حره... ها

سالي... شوكت نرتاح؟
سكتت كالت... تعبت من الخوف

حره... لتخافين دام الله ويانا

سالي... ونعم بالله.. جرت نفس كالت... خلي اضيف رتيل للمكالمه

حره... تمام

انتظرتها شويه واجاني صوت رتيل
كالت :-ها بنات بشرني شلونهم رشاش وعثمان

جاوبت سالي... بخير الحمد لله

كالت... وانتن شلونجن طمنني والله احس كلبي وكع

حره... لتخافين احنا كلش بخير

رتيل... الحمد لله زين فهموني شصاير

كالت سالي... اني اسولفلج باوعن عثمان مايقبل يحجيلي بموضوع شغله هواي

حره... حتى اني رشاش مدايحجي

رتيل كالت... ليش

حره... يمكن يعتبروه سري ومحد لازم يعرف اي شي عنه

رتيل... هااا

سالي كالت... اي فـ اكو جماعه دايهددون
بـ عثمان هو ماحجالي بس اني شفت التهديدات

رتيل كالت... صخام

سالي... اي واغلب التهديدات يكولوله شيل ايدك من السالفه وعرفناك انت منو
فاليوم طالعين بشغل هو وكسار ورشاش وكاعدين يسولفون قريب من السياره وبهالاثناء مرو اثنين  بدراجه واحد يسوق والثاني رمى باتجاه عثمان
بس رشاش انتبه ودفعه والاثنين انهزمو بس لحكوهم ولزموهم

كالت رتيل... دخيلك ياربي هيج عدهم سهل يزهقون الارواح

سالي كالت... ما اكول غير حسبنا الله ونعم الوكيل

رتيل كالت... الحمد لله مرت على خير

حره... الحمد لله

رتيل... عود ردت ابشرجن بشغله تالي انطيتني هالخبر اليوجع الكلب

حره... ياالله اذا عندج خبر فرحينا والله كلوبنا خلصانه

رتيل... البارحه حللت وشسمه طلعت حامل

ضحكت كتلها... ياالله الف الحمد لله

رتيل... اي والله

سالي كلتلها... وويييي حنصير خالات بيا شهر

رتيل... حسبت بالشهر الثالث

حره... ياروحي الف مبروك

رتيل... الله يبارك بيج

سالي كالت..  يوم الالي

ضحكت كتلها... يختي بعدج صغيره

سالي... لا خطيه عثمان يحب الجهال حيل كل ما يشوف طفل يضل يتحسر ويلعب وياه

رتيل كالتلها... ان شاء الله ربي يعوضكم وتجيبون درزن جهال 

سالي... هههههه لا مو درزن يختي وين احطهم
جرت نفس كالت... بلكي الله يرزقنا بنيه وولد ونربيهم احسن تربيه

حره... امين.. امي ومروه ومقدام شلونهم

رتيل...بخير الحمدلله

حره... الحمد لله

رتيل... بالليل اتصلي عليه هم

حره... تمام خو ماكو شي؟

رتيل... مو مروه رادت تحاجيج البارحه

حره... تمام

حجينا شويه وغلقت حسيت نفسي احسن كمت مشطت شعري وبدلت ونزلت سمعت صوت عمي عرفته جاي من الشغل طبيت للمضيف جانو كلهم كاعدين واوس يحجي كال... وهم لحكو غير هذا الثور گطع علي  الطريق طلع سبع والله
... وباوع لحازم

حازم ابتسم گله... صدگ اوسي دحك لهاي الشحاطه الجديده

اوس كله... ها شني

حازم... حبيتها؟

اوس... اي حلوه

حازم... ثاني مره من تحجي احجي عدل لا اسكتك بيها يروحي

اوس جاوبه... بعد گلبي يحازم اليوم لو تز**ب على راسي ابقى ساكت لان سويت اعلي فضل لباجر يصير خير

بكر كال... غير ياكلون خرا ويسدون حلوگهم

ابتسمت شافني رشاش واگفه بالباب گال... ام التوت
التفتتله كال... حدري

هو كاعد يم اخو اوس
اتدنى على اخو واشرلي مشيت كعدت يمه رفعت راسي باوعتله ابتسم كال... شلون صرتي

حره... الحمد لله صرت احسن

كال اوس... وانه كاعد هين كالمطي محد سأل عليا غير امي

رشاش ضربه على راسه گله... يول تغار لو شني سالفتك

اوس... لا يول جاي اسمع اهلي تا يزوجوني

ابو بكر... هسه انه خلي احمل سوالفك يلا انوب اجيبلي جنه لا هم تتخبل اعلينا مثل هاذ

واشر على حازم ابتسمت كتله... اوس العروس يمي... وببالي رغوده

كال... ياالله دحكي ام التوت انه مايهمني شكل خلقة الله شلون ماتجي حلوه بس اهم شي الاورده يمشي بيها دم

حازم كله... هي قندره عجل البشر شعدهم غير دم.؟

جاوبه اوس... دحج انه ساكت بس هالليله من باجر هاذ نعالي احطو

خزره حازم ابتسم ودار وجهه كال... ياخوي الحبيب هين... واشر على راس حازم... ادري هين عقل لو مطي حشاج ياخويا

قبل ليحجي حازم رجع كله... ما كل البشر يمشي بوريدهم دم اكو يمشي بوريدهم سم وخليك على يقين لو احلل دمك الكاه سام من الدرجه القاتله

ضربه حازم على ركبته صاح ابوهم... يولو كافي لا انزع العگال.. سكتو اثنينهم

گال حازم... اي ام التوت منو مصخمة الحظ

ضحكت كتله واني اباوع لرشاش... صديقة سالي

ضحك رشاش بصوت عالي باوع لاوس كله :-بالله الكريم فد تلوگلك

كله اوس... ها وانت تعرفها؟

رشاش هز راسه گال... نفس اللسان اذا جت لهين تهججونا اتخيل لو تكاونتو تگلبون البيت

گاله اوس... اي شني مواصفاتها

ابو كال... دحج هاذ مصدك ازوجو

ماجاوبه اوس رشاش گله... يسموها رغوده نيوز وعندك الحساب

حره... وعندها هواي ميزات وبكل وقت هي شكل
مثلا عندها فقرة اخبار التاسعه
والاخبار العاجله
وهم عندها فقرة الحصاد

اوس... الله احب هالفقره

حره... الصراحه تلوكون لبعض

باوع لابوه كال... ياالله نبدي نجزعو

ابو كال... اهوو... وكام

ضحكت التفتلي رشاش كال... كومي نتعشى تا تكومين تقرين

حره... مابيا كلشي اسوي

گال... انجبي... وجرني كمنا بالمطبخ

حره... والبقيه

كال... اتعشو

هزيت راسي وحميت الاكل وهو يمي يسوي زلاطه رحت يمه كتله... انطيني اسوي عنك

گال... شسالفه هي زلاطه

ابتسمت وضليت واكفه يمه كتله... تعرف تطبخ

هز راسه كال... اكثر الي بالعسكريه يعرفون يطبخون

حره... والله

كال... وعيونج

طب اوس كال... نلعب لعبة صراحه وجذب؟

رشاش كله... بعدنا مامتعشين يولي

اوس... اي نتعشى ونلعب مامشكله انتظر... وباوع للاكل

رشاش كله... تتعشى

اوس هز راسه بأي كال... واذا اكلت كبل نص ساعه ترا معدتي ظهر جمل كلشي تتقبل... وگعد بالكاع

ضحكت وصبيت ناكل طبت جيلان اجت كعدت يمنا داناكل و سمعنا صوت حازم يكول لطيبه... موبايلج ماعندي عند ذاك الثور

اوس باوع لرشاش گله... هاذ يقصدني ادري... وكمل ياكل كال... خيصير باجر ودحك شلون هالثور ينطحو

رشاش كله... اشش يولي بس عدو هالليله

سمعت حازم صاح... هاذ منو يحجي

اوس كال... شهالصوت اليلعب النفس اخخ سوالي اعماء

جيلان كالتله... مااسمحلك صوت رجلي يخبل اصلا كله يخبل بعد گلبي

اوس هز ايده وگال... عادي الطلي بعين مرته مطي

ضحكت رشاش كال... يول انجب واسكت

حره ... وليش متحمله لباجر الصبح ليش متتعاركون هسه

رشاش كال... هاي عود انتي العاقله

حره... غير ضوجه

اوس گال... المشكله هذا المطي ساعدني اليوم

حره... شلون

اوس... الجماعه الي خابروني على اخوي انطوني الموقع بعيد عن المدينه... جر نفس كال... دحكوني مدلل العائله رادو يخطفوني سودا علي

باوع لرشاش كاله... بالله لو متفقين وياي جان خطفت روحي مالها داعي هالتخطيطات والتكيكات
جر نفس كال... بس بعد هاي الشخصيات المهمه... واشر على نفسه كال... هيج يصير بيها

كمل كال ... اي فهاذ گطع علينا الطريق وساعدني من الاختطاف

حره... حلوو طلعتو تحبون بعض مثل الاخوه العاديين

اوس... لا بالله واحد يمثل على الثاني نخاف من قندرة ابوي بس الا ما يطلع لشغلو

ضحكت كامو غسلو شلت المواعين غسلتهن ورحت كعدت يمهم بالهول
كال اوس... يلا نلعب... وكتب اسم كل واحد بورقه صغيره ولزمهن بيده

كالوله... ماشي

كاعدين اني ورشاش وطيبه وجيلان وحازم كال اوس... يلا نبلش الي يطلع اسمو نختار سؤال نسألو بس لازم يجاوب صدگ مايجذب
وبيها فقرات اسئله شخصيه وفقرة معلومات علميه او عامه

گتله... شنو هاي؟

اوس... هاي لعبه مال فارغين مثلنا اي واحد عندو معلومه علميه يشمرها تا البقيه يعرفوها ونتشارك العلم

حازم كال... هاي سوالف اوس تا عود ادحكولي انه مثقف

جر نفس اوس كال... استغفر الله شلون يريدني اقندرو

ديجاوب حازم رشاش كاللهم... اذا ضليتو هيجي ماكو لعب بعد

اوس هز راسه كال... يلا نبدي شمر الاسماء وكال... طيبه اسحبي

جرت اسم من الاسماء فتحته كالت... رشاش

گاللها... اي اسألي

طيبه... انطيني معلومه علميه تعلمتها بحياتك

كاللها... الشمس تشرق من الشرق

ضحكت كتله... واوو عبالي من الشمال

كال... اخبلكم بمعلوماتي

اوس كله... انطيني كفك... ضربو كف بكف وكال... هاذ اخوي

ورجع كلب الاسماء گلي... اسحبي

سحبت اسم طلع اسم اوس گال... يالله اساليني سؤال سهل

هزيت راسي كتله... امممم اريدك تنطيني علامات تدل انك عراقي

اوس... سهله

حره... شلون؟

اوس... اشرب جاي بتموز

ضحكت كتله... صح والله.. وبعد؟

اوس... جملة كاعد امشي كلش كافي

ضحكت كتله... صح والله

اوس... ولو... ورجع شمر الاوراق باوع لجيلان كاللها... يلا جيلان

جرت ورقه طلع حازم كالتله... ايي حازم

اوس كاللها... اسأليه اذا يخونج هاذي فرصتج

باوعتله كالتله... لا عيني واثقه بزوجي

هز ايده كال... خليها تفيدج لحد ما يطكج بمره

اوس كله... انجب الكه مثلها اسألي حبيبتي... ويباوع لاوس عود دايغيضه

جيلان... شنو اكثر شي تحبه

قبل ليجاوب حازم كال اوس... مايرادلها سؤال النسوان اكيد

حازم خزره ورجع باوع لمرته كاللها... اكيد انتي حبيبتي

اوس كال... بويه شهالجذب الله يعيننا احتريت وانه بعز الشتا

سحب الاسماء رشاش طلع اسمي ابتسمت گال... هاذ ما سؤال تحدي

كتله... اي شنو

گال... تحجين لمدة اسبوع مثلي

ضحكت كتله... ليش؟

كال... عاجبني

اوس كال... لاتوافقين الا بالدولارات

ضحكت رشاش كله... انت بس اطلع منها عوذه منك ابليس لو شني

ابتسمت كتله... وشنو المقابل

ضحك كال... انطيج ١٠٠ الف

كتله... عجل موافقه

ضحكو كال... بس ها ترا عندي كاميرات مراقبه بالبيت خاف عبالج التحق وتحجين بغدادي... وحط ايده على كتف اوس

اوس كله... خويه ولا يهمك انه هين... واشرله بمعنى فلوس

ضربه رشاش كله... نذل ماتتحرك خطوتين بلا الفلوس

ضحكت ضلينا نلعب لحد ما تعبنا ورحنا نمنا لثاني يوم داومت طبيعي ورجعت هلكانه نمت بسرعه
مرت الايام ورشاش طول يومه بالشغل وبس بليل يرجع متأخر

كمت حيل اضوج من ابتعاده هذا وبعدها اهدي نفسي واكول يمكن ضغط بالشغل سالي دائما تخابرني وتكولي اكو تهديدات رغم هوايه انسجنو والي فهمته انو مسربين معلومات عن عثمان وشغله
لهالسبب هم مخبوصين

بيوم غاطه بنومي ويمي رشاش رن موبايله حسيت عليه فتحت عيني هو فز جاوب كال :-شنووو... وكام بسرعه لبس جاكيته كال بهدوء... هيدي هيدي انه جاي

سكت يستمع اني كمت بسرعه كتله... شكو رشاش منو هاي

مااهتملي كال... بعدين افهمج

لزمته كتله... وين رايح

كال... حره ما وكتها... ودايطلع

اخذت الموبايل باوعت رقم سالي رفعت الموبايل وكلبي وجعني حطيته ع اذني واسمع سالي اختي تبجي و وتشهگ  وتصرخ

:- ماقصدي ماقصدي والله تعال بسرعه  لياخذوني الشرطه البيت البيت كله دم... يتبع...
___________________♡

بنات حمايه سوه حادث وصارله يومين فاقد
واليوم صاحي كام يحجي كلام ممفهوم وبنفس اللحضه راجع فاقد
فدوه هو الله بنية شفاءه

الدكتور يكول عنده ارتجاج واحتمال يصحى فاقد الذاكره

دعائكم اله يگوم بالسلامه
...