الفصل الثاني

نور//ابعد عنيي…..مش عوزة اشوف وشك….انت مش بتفهم
عامر//هو انا جاي عشان سواد عيونك يعني…..انطقي واخلصي…..همو تك في ايدي
نور//قولتلك معرفش……معرفش
كلنا سامعين صوتها….صراخها اللي كان مرعب علي الأقل بالنسبالي…….محدش فاهم حصل ايه!!!…..وليه متعصب كده؟؟…..لكن اللي كنا متأكدين منه ان ربنا يستر……
بيخرج……وهو صوت نفسه واضح نسبيا……نظراتها مفيهاش غير رعب……اعتقد ولامره حسيت ان وجوده لطيف!!…..مكنش قادر علي الاقل يكون مش مؤذي!!
عامر//مسرة…….
مسرة//؟؟؟؟؟
عامر//انتي اللي خدتي الفلوس من الأوضة؟؟
مسرة//فلوس ايه….من امتي اصلا بتشيل فلوس في الاوضة…..
عامر//مسرة…….اتكلمي قبل ما افقد اعصابي عليكي
مسرة//هتعمل ايه يعني…..ده هيخليني اجيبلك فلوسك اللي مشوفتهاش اصلا!!!!
بيقرب منها بخطوات بطيئه…..طريقته بتخوفني….رغم ان نظراته مكنتش عليا!!!…….لكن قلقت…..وفي زاوية تانية….مسرة اللي واقفه مكانها…..بتقابل نظراته بتحدي…..وكأنها قاصدة تهز كبريائه….بأنه مش بيقدر يخوفها….عنيها عليه
وانا نظراتي علي ايده…..اللي سحبيت الحزام وكأنها عدوته….للحظة…..نظراتي بتكون علي سيدرة…..وببعد عيوني عنهاا بسرعة……
عامر//مسرة……انتي لسه العاده دي فيكي
مسرة//هي مكنتش موجوده من الاول عشان ابطلها
عامر//حلو ردك عليا…..اتعلمتي البجاحه
رغم اني دايما واثقه انه مش مستقر نفسيا…..عنده مشاكل غريبه…..إلا ان دايما بيصدمني درجة العند عند مسرة……في التصميم ضدده……..رغم كل محاولاته…. في النهاية مش بتعيط……لمجرد انها متوصلوش للي عوزه…..
عامر//انا هعرف بطريقتي ولو عرفت انك انتي اللي اخدتيهم هيكون ليا تصرف تاني معاكي
عيونها كانت محمرة بشكل وجعني…. دموعها واقفة على حافة عينيها……حتي دموعها عنيدة زيها……مش عايزة تنزل……قد ما هي مش عايزة تبان ضعيفة…… قد ما حسيت ان نظرتها كان في قهر تقيل…….حزن مخنوق……وغضب ساكن بس واضح… غضب من حد المفروض يكون أمانها……فبقى وجعها……عينيها كانت بتحكي كل حاجة…….وإن في حاجة جواها اتكسرت ومش هترجع زي الأول……كانت بتوعد…..إنها مش هتسامح، وإن اللحظة دي هتفضل عايشة جواها، حادة زي ما هي… وإن اللي اتكسر النهارده……. عمره ما هيرجع زي الأول
مسرة//انتي لحد دلوقتي منزلتيش؟؟
بينزل وبيسبنا……ومسرة بتتحرك من مكانها…..وكأن محصلش اي حاجة……
سُدي//انتي كويسة؟؟
مسرة//والله حسب انا اللي هعمل الفطار ولالا؟؟
♡_♡_♡_♡_♡_♡_♡_♡_♡_♡_♡_♡_♡_♡_♡_♡
وبعد الفطار المتفرق……اللي غالبا مش بنتجمع اصلا عليه…..بتنزل سُدى وسدرة……وانا……بدخل الاوضة بتاعتي……عيوني علي المرايا قدامي…. ملامحي اللي بتكبر غصب عني…..مع محاولات للتأقلم علي الواقع وتخفيف الضغط عليا…….كلها بتفشل…. وبيظهر عليا…..بتنهد بيأس
وبقعد قدام المرايا امسح الجروح اللي بقت في وشي واتفقد في علامات تانية ولالا…….لكن كل مره برجع لنفس النقطة……وايدي بتنزل بيأس….مش قادره اعمل حاجة تانية…….ويفضل جوايا سؤال واحد…..امتي هشوفني في المرايا انا؟؟!!!!!……
نور//منزلتيش!!
مسرة//نازلة……محتاجه حاجة
نور//…..بتوجعك؟
بتقرب وهي بتحط ايدها علي وشها……لكن ملامحي بتفضل ثابته…..بدأت اشك ان مشاعري دبلت….. احساسي بالمشاعر الطبيعي للناس بقي صعب…. القسوة والخذلان….الضغط والظهور بصورة عكس اللي جوايا….خلتني انسي….انسي ان ممكن اعيط!!…. وان مش مطلوب مني ابتلع كل الانهيار ده واسيبه جوايا يأكل فيا!!!!
مسرة//انا كويسه يا ماما…..
نور//سدرة اللي خدت الفلوس
مسرة//……….اسأليها لما تيجي
ببعد من قدامها وانا بخرج هدومي…..مكنتش فاهمه لحد امتي!!!…….وليه اللي بيحصل فيا كل مره مش بيوقفها او يخليها تفكر؟؟؟……
بتخرج….وانا بلبس بسرعة…..يمكن مش متاخرة….لكن عوزة اخرج من الحيطان دي……فكرة اني لوحدي…. احيانا…بتخليني احس ببرودة غريبه….حتي في الصيف!!!……يمكن روحي اللي بقت باردة…..وعوزة ترتاح!!
♡_♡_♡_♡_♡_♡_♡_♡_♡_♡_♡_♡_♡_♡_♡_♡
نديم//صباح الخير
موسي//يااااااااااااا اميييييييي قولتلك مش بحب البيض العيون ده تروحي تعملي كل البيض كده…… حبيبي صباح الفل……..يااااا بتووووول
بخرج من الاوضة….علي صوت موسي اللي بيصيح كل يوم من الطريقة اللي بتول بتجهز بيها البيض علي الفطار واللي هو مش بيحبها…….وقبل ما يدخل المطبخ بيرجع خطوتين…..وهو بيرد علي نديم…. وبيرجع تاني يصيح…..
زمزم//استغفرالله العظيم علي الصبح
رحيم//اعوذ بالله من الشيطان الرجيم……دي اشكال الواحد يبدا يومه بيها؟؟؟؟؟
مهدي//مالها اشكالي ياحبيبي…..انت تطول اصلا
عمران//بدأنا…..مش عاوز اسمع صوت بقرة فيكم
زمزم//عد معايا كده فوائد البقرة…..وعد معايا فوائد اولاد عمران…..عشان تعرف بس انك بتظلم البقرة
مهدي//انتي مننا علي فكرة
عمران//انتوا ولادي……هي حبيبتي
زمزم//اوب اوب اوب…….
بتول//يلاا الفطار جاهز
بتحرك من مكاني وانا بضايقهم بنظراتي……لكن لثواني بنسي وجودهم اصلا…..لما بشوف الزتون علي السفرة..
زمزم//انت يا سواق هتوصلني معاك النهاردة
مهدي//مش بوصل حد لسانه طويل
زمزم//مش عارفة انا…..ايه رجالة اليومين دول ياربي
مهدي//ايوه حاجة تكسف….عارف عارف
رحيم//مع احترامي للنقاش اللذوذ ده…..انا كمان هتوصلني لان مع الاسف عربيتي بتتصلح
مهدي//اييييه انا عندي شغل…..خلي نديم يوصلك
نديم//انا منفعش خالص مع الاسف…..انا عفراء هتبقي معايا…..
زمزم//شايف وجود إحداهن بيعمل ايه؟؟
مهدي//برضو مش هوووصل حد….وكفايه اكل زتون بقي سيبي الطبق
زمزم//يا بابا….
عمران//يابني انت صغير
مهدي//خلصت الزتون وانا بتخانق معاهم
عمران//بفلوس ابوها وكالته انت ماااالك
مهدي//انت بتنصرها عليييييييااااااا
زمزم//لا يااا زعزوع ياحبيبي تعاله اقولك
باخد اخر زتونه في الطبق…..وانا بأكلهاله….وبحط ايدي علي كتفه…..كمحاولة لاصلاح ما تم إفسادة…. باخد شنطتي وانا ماشيه اتجااه الباب وهو جمبي نظراته علياا…..عاوز يعضني!!!!……
مهدي//زعزوع؟؟؟؟
زمزم//بدلعك…..البنات دلوقتي مش مضمونين….اخاف واحده تلعب بمشاعرك لازم تاخد الدلع من البيت عشان ميبقاش عندك جفاف عاطفي
رحيم//هتااااااخر علي الشغل…..اقول للمدير ايه كنا بندلع اخويا
زمزم//والله ما ازعلك…..فيك الطمع برضو افتح ايدك
رحيم//ايه ده؟؟؟
زمزم//مرطب…..كده فطرت وحطيت مرطب….اي واحد تقولك تفطر….ولا تتكلم معااك اوعى تكلمها البنات ايييه؟؟
رحيم//ملهمش آمان.
زمزم//كده اطمنت عليك….انتاج فاخر من الاخر
مهدي//انتي بتسمعي الالفاظ دي فين؟؟
زمزم//لا ده احكيلك في العربية بقي….
بنزل اخر واحده فيهم…..وهما قدامي….يمكن بداري تعبي اللي مش فهمااه مؤخرا……بضغط بأيدي علي حزام الشنطه…..وانا حاسة بدوخه خفيفة……يمكن دي السبب اللي خلاني خبطت في ضهر رحيم وانا مش مركزه
رحيم//مالك
زمزم//ماليش…..ما انت قافل الرؤيه قدامي
رحيم//قل اعوذ برب الفلق……..
♡_♡_♡_♡_♡_♡_♡_♡_♡_♡_♡_♡_♡_♡_♡_♡
نديم//صباح ال……انتي كنتي بتعيطي؟؟؟؟؟
عفراء//….مش عارفة اخلص كل الشيتات دي….واراجع الماده….يعني اي اصلا شيتات وقت امتحان؟؟؟؟؟
نديم//خضتيني عليكي…..ولما اخبطك في دماغك بقي
عفراء//هكمل عياط انت بتسأل اسئلة غريبه جدا
نديم//شيتات لنفس الماده
عفراء//ايوه……
نديم//انا بقول نتجوز…..والله انتي هتبقي زي العسل في المطبخ
عفراء//مطبخ!!!…….اعاااااااااااااااااا
نديم//خلااااااااااص…..انا اسف سكت…..هاتي الشيتات دي لما نشوف اخرتها
عفراء//هات منديل……
نديم//……اتفضلي…..ومياة كمان اهو…ولبان يلا بضحي
بياخد مني الشيتات…..وانا باخد المناديل والمياة!!!… بيركن العربية علي جمب…..وببدا اراجع…..وهو بيحل الشيتات….بما انه ذاكرلي امبارح…وعارف الماده دي……توتري بيبدا يهدى…..مش عشان بخلص الماده…. قد ما فكرت اني مش لوحدي كانت آمنة…..دافية وحنينه……
بقيت واخده عليه…..روحي ألفته……دايما بنفكر قبل اي موقف….في رد الفعل اللي هناخده….ومين موجود لكن…….اعتقد الفكرة دي نوعا ما مش موجوده معااه…. يمكن لانه مش بيعلق بأن صياحي او تعبيري عن شيء مخوفني بالعياط بأني حساسة زياده…..او اوڤر؟؟؟؟
عفراء//خلصت
نديم//راجعي تاني
عفراء//براجع فيها بقالي كتير…..انت خلصت
نديم//ده اخر سؤال وكده نبقي خلصنااا
عفراء//تعبتك؟؟……
نديم//تاكلي اندومي؟؟
عفراء//بجد ممكن نجيبه!!!!!!!
الاندومي من الكبائر بالنسبالنا…..وده لمنعه في البيت… رغم اني كبيرة…..وهو كمان…..اعتقد فكرة لطيفة واحنا بنتشارك الجرا.ئم مع بعض……..
عفراء//عوزة بالخضار…….
بينزل يجيبه…….وانا بشيل كل الورق اللي جابلي اكتئاب في شنطتي….ومشاكلي محلوله……هي وشيتاتي كلها…….
♡_♡_♡_♡_♡_♡_♡_♡_♡_♡_♡_♡_♡_♡_♡_♡
رحيم//زمزم انتي تعبانة؟؟؟
بيقولها بعد ما العربية بتقف…….وبينزل منها….لكن بيرجع تاني….وهو ساند بأيده علي الشباك جمبي….. وانا اعتقد التعب بدأ

يظهر عليا…..مكنتش قادره اخبي اكتر…..مكنتش قادره اتحكم في اعصابي…..ولا قادرة اتحرك وانزل من العربية!!…….
زمزم//لالا متقلقش روح انت ولو في حاجة مهدي معايا
رحيم//انزلي……
زمزم//يارحيم بجد مفيش حاجة
رحيم//انزلي قبل ما مهدي يخلص الموبايل ويجي وابقي انا وهو…
بيفتح باب العربية…….لكن مكنتش قادره احرك رجلي وانزل……كنت عوزه افضل مكاني وبس….بيساعدني وبنزل من العربية…..ونظرات مهدي علينا من بعيد
اللي بيتكلم في الموبايل……وبيقفل بعدها وهو بيقرب علينا
مهدي//نزلتي ليه؟؟؟
رحيم//اي التدخل في شؤن الناس ده سر بيني وبينها
مهدي//سر!!!! انت وهي
رحيم//يلا يلا شوف رايح فين عطلتنا
مهدي//متسيبهاش يا تروحها يا توصلها الشغل
بيحاول رحيم يخلي يمشي بسرعة…….قبل ما ياخد باله….وقبل ما انا اتعب اكتر……وبيمشي فعلا وهو شاكك فينا….لانها فعلا غريبة!!…..سر بيني وبين رحيم؟…..ومفيش اكتر مننا بيتخانق مع بعضه؟؟؟
بندخل مستشفى كانت قريبة مننا…….وللحظات بحس ان الموضوع بيكبر من مفيش……..تحاليل!!!….حجات كتيره…..بينهم رحيم وهو بيطمني ان ده طبيعي ومش معنااه حاجة تخوف…….
زمزم//ليه التحاليل دي كلها عشان دايخه؟؟؟؟؟
رحيم//متقلقيش…..بس طبيعي اكيد الدوخه دي مش جايه لوحدها يعني
زمزم//رحيم يلا نمشي دول اوڤر اصلا مش فاهمه اي النظرات دي…..
رحيم//مش هنخسر حاجه نعمل التحاليل وبعدها نمشي
زمزم//لا يلا نمشي انت اصلا اتاخرت علي شغلك
رحيم//ياستي انا بتصرف ملكيش دعوة بشغلي اقعدي بقي
بيبعد وانا مش فاهمه هو بيعمل ايه!!!…..باخد بالي من نظرات إحداهن قاعدة جمبي……ببتسم وانا تعبانة…. ولو عليا عوزة اصر.خ……ولكن اعتقد المكان مش ناقص طاقة سلبيه……
#//ده جوزك؟؟
زمزم//لالالا….اخويا
#//ربنا يخليهولك
زمزم//تسلمي……
لحظات…..وبيجي يقعد جمبي……اعتقد بيمهدلي فكرة الحقنه!!……معقول لسه فاكرني بخاف منها!!؟؟؟؟؟؟؟؟
زمزم//رحيم ده وانا صغيرة…..دلوقتي اكيد لا
رحيم//كدابة وعينك وقتها هتطلع من وشك
زمزم//وبعدين دي مش حقنه…..
رحيم//هنشوف…..قومي قدامي
زمزم//هو دلوقتي؟؟؟؟……مش هنمشي ونيجي نعملها وقت تاني؟؟؟
رحيم//نعم!!!…..جايبك هنا عشان نمشي ونعملها وقت تاني؟؟
زمزم//ايوه صح ليه التبزير ده….؟؟؟؟
رحيم//واضح يا زمزم انك كبرتي ومش خايفة امشي قدامي
بيشدني من كتفي……وانا ماشيه زي اللي واخد حكم اعد.ام…..عندي مشكلة غريبة مع الابر عموما….بدخل وبقعد….بتيجي بنت….ورحيم بيفهم اني خايفة!!…. وبيبدا يقلد تعبيرات وشي…..وهو بيتنمر….الاخوات سند برضو؟؟؟؟
رحيم//معقول فاكرني خايفة منها….مووووستحييل
زمزم//ياااابارد…..والله بتوجع انا مش خايفة بس بتفضل وجعاني
رحيم//معندهمش مبرد ضوافر هنا
بيقولها وهو بيتجاهل كلامي وقاصد يعصبني…..بتبدا البنت….لكن مش بحس بحاجه!!……اعتقد محتاجه اعملها تمثال في صالة بيتنا
زمزم//موجعتنيش؟؟؟؟؟؟
رحيم//الحمدلله
زمزم//يلا نمشي بقي
رحيم//ونتيجة التحاليل
زمزم//اي ده هي هتطلع دلوقتي؟؟؟؟؟؟؟؟؟؟؟؟
رحيم//هندفع فلوس زيادة….وناخدها عشان ندخل للدكتور
زمزم//وليه ما الناس كلها بتمشي وبترجع تاخدها وبعدها تبقي تدخل للدكتور
رحيم//تعالي نقعد في اي كافية بره عشان هنستني شويه حلوين
مش عارفة ليه كنت حاسة بقلق…….يمكن التعب مش أكتر……بنخرج مع بعض…..بيتكلم في الموبايل وهو بيأكد علي حد من صحابة……بكلام كتير وانه هيتاخر شويه…….غالبا بيغفلوا المدير؟؟؟؟؟؟؟
مكنتش مركزه اوي مع كلامهم……كان القلق مستحوذ عليا بشكل غريب……قلبي واجعني من قلق مش عارفه مصدره!!……..بقدم خطوة زيادة عشان اكون جمبه… وانا بمسك ايده…..
كمحاولة لتقليل التوتر…..اعتقد خد باله!!!!!……وفاكرني مسكت ايده عشان تعبانة!!……
رحيم//دايخه؟؟
زمزم//لا بس عوزه اقعد
بيبعد الموبايل ثواني….وهو بيسألني….بيكون الكافية علي مسافة بينه وبين المستشفى…..وبسبب عدم وجود عربية رحيم بنتمشي…….بيحط ايده علي ضهري كمحاولة لسندي…..اعتقاد اني تعبانة…..وفي الحقيقة مكنتش تعبانة قد ما انا قلقانة!!!
زمزم//رحيم متمشيش جمبي كده
رحيم//ازاي مش فاهم
زمزم//اوعا ايدك……
رحيم//…..ثواني ثواني…..انتي مكسوفة؟؟؟؟؟؟
زمزم//………ايه الرخامه دي احنا في شارع
رحيم//وخارجين من مستشفى…..بصي جمبك اهو واحد ساند مراته بنفس الطريقة……وده مع ابوه….. غالبا يعني…..وده…..
زمزم//اييييييييه خلاص هتعد الناس كلهاا
بيضحك عليا……وهو نظراته كل دقيقة تيجي عليا…. ويضحك بعدها؟؟؟؟……..بيتم استغلال اني تعبانة ومش هقدر اكلمه!!
♡_♡_♡_♡_♡_♡_♡_♡_♡_♡_♡_♡_♡_♡_♡_♡
نديم//صباح ال……….
مسرة//صباح النور…..كويس انك جيت امضي علي الورق ده بسرعة عشان عوزاه
نديم//استني هنا…..ايه ده….؟؟؟
مسرة//في ايه!!
نديم//اي اللي في وشك ده انتي متخبطيش امبارح
مسرة//…..محتاجة الورق ضروري…..خلصه وبلغني
بتخلص كلامها وبتمشي……لكن مكنتش مستغرب…. كنت مستني تقولي عادي كده حصل ايه!!!….مش هنكر اني قلقت…..ومازلت مش فاهم حصل ايه….ومين عمل كده؟؟؟…..بقعد علي المكتب وانا بخلص الورق…. مستنيها ترجع المكتب بتاعها تاني…..ولكن بتفضل برة
اعتقد لاول مره هقدر الاقي ميزة لوجود مرات فارس غير تربيته…….بخرج من المكتب….وبشوفها وهي بتعمل قهوة…..بدخل مكتب فارس….وللحظة بحس ان دخلت مكتب في السجل المدني…..بقف علي الباب
نديم//بس….بس
فارس//هو انا قطة…..
نديم//لسه مجبتش عربيتك؟؟؟
فارس//لا ياسيدي كنت لسه بتخانق مع الراجل عشان ينجز
نديم//طيب هوصلك النهاردة….
فارس//توصلني!!!!……انا طريقي غيرك
نديم//لولا مراتك مكنتش بصيت في وشك اصلا بس عشان لقيت اسمك واسمها في شيفت بليل اكيد مش هتمشوا يعني بليل مواصلات
في الحقيقة…..كنت هسيبه عادي…..لكن لقيت اسمها النهاردة كمان في شيفت بليل……مش فاهم ده ليه…. وايه يخليها تقعد للوقت ده عكس الطبيعي!!…….
مستحيل العنيده دي تقبل اوصلها…..لذالك فارس ومراته اللي بتكون صاحبتها بيكونو هما الوسيلة الوحيدة عشان اقدر اطمن انها مش هتمشي لوحدها
خصوصا بعد امبارح!!!!!!
فارس//ايه الحنيه دي
نديم//ما فهمتك بقي انها مش حنيه……
بسيبه وبرجع مكتبي تاني….بتكون موجوده علي مكتبها…..قدامي…..وانا من جوايا…..هموت واعرف حصل ايه!!!…….يمكن حاسس اني متعصب….او قلقان مع مجهول مش فاهمه…..لكن شايف نتيجته علي ملامحها…..بسيب القلم لثواني…..وانا بفهم نفسي ان مفيش مسمي يخليني اسألها…..والتزم حدودي
♡_♡_♡_♡_♡_♡_♡_♡_♡_♡_♡_♡_♡_♡_♡_♡
رحيم//يعني ايه مش فاهم معلش
#//متقلقش حالتها مش متاخرة…..هتحتاج جلسات وهتكون كويسة
زمزم//………..