الفصل الثالث

رحيم//تعالي نقعد هناا
زمزم//………
مكنتش برد عليه…….ساكته….او يمكن من الصدمة مكنش عندي طاقة للكلام….وللغريب مكنتش بعيط!!… بس كنت مصدومة!!!…..بياخد ايدي وهو بيحاول يلفت انتباهي……وبنقعد في جنينة المستشفى……وللحقيقة مكنش عندي طاقة اصلا امشي……ولا اتكلم…كنت بتحرك زي ما هو بيوجهني وخلاص…..لثواني حسيت اني تايهه
رحيم//زمزم…..ركزي معايا….متخافيش الدكتور قال انك هتاخدي جلسات وهتكوني كويسه……
زمزم//……………
بيحاول يلفت انتباهي…..ايده اللي ماسكة كف ايدي…. والايد التانية لثواني…..عند خدي وهو بيحاول يخليني اركز معاه
رحيم//زمزم…..ده مش نهاية العالم…..وكمان الحمدلله احنا عرفنا في الاول وده هيساعدك كتير لان نسبة العلاج كبيرة….جلسات هتاخديها وخلاص هتخفي
زمزم//…………….
بيتنهد مني……وانا ساكته…..حقيقي مكنتش مستعده لاي كلام……كنت حاسة بصدمة كبيرة جدا…..ووجع جوايا غريب…..وازاي هقول لعمران وبتول!!!! ايامي الجايه هتكون ازاي؟؟……هاخد حقن!!…..شعري هيقع!! حجات كتيره وراء بعضها في بالي……وكل فكرة منهم بتوجعني……قلبي حاسس بوجع وكأني اتجرحت فيه؟؟ جرح بمعني حرفي……خوف وقلق…..مشاعر كتيره كانت ملغبطاني
زمزم//هو انا ممكن اموت!!؟؟
رحيم//……..
زمزم//ولا ده مجرد احساس…..بس انا قلبي واجعني خايفة ده يحصل بجد…..انا مش عوزه اموت يارحيم ومش عوزه اخد جلسات……هتوجعني…..
اعتقد مكنش لاقي رد……نظراته عليا بصدمة…..وهدوء غريب……لحظات صمت كانت كفاية عليا عشان ابدأ افوق واكون مدركة للواقع بشكل اكبر……قبل ما ابدأ اتكلم……بيحضني…..اعتقد ان الشفقه تعم المكان!!! انا بدأت اصعب عليا؟؟…..
رحيم//متخافيش انا معاكي….هتكوني كويسة
ما بعد الصدمة…..اعتقد دي حالتي……برود غريب….هو بيحضني….بيحاول يفهمني ان كلها افكار عبثيه…… وانا كأني جسم بس…..من غير روح…..مش بتفاعل مع حاجة……ولا برد عليه…..بس ساكته
رحيم//زمزم هتفضلي كده؟؟……..والله هتكوني كويسة……وانا معاكي لحد ما كل ده ينتهي…..مش هتبقي لوحدك…..
زمزم//بس أنا فعلاً خايفة……مرعوبة….ومش فاهمه حاجة
اعتقد أخيراً دموعي تنازلت عن التمرد بتاعها…….وانا بكلم رحيم……مستنيه رد يطمني…..اي حاجة تهدي خوفي…..دقيقة….للحظة بحس اني بقيت زي الطفلة التايهه…..قلبي خايف…..حجات كتيره حواليا مكنتش قادره استوعبها…..دموعي بتنزل من غير ما احس بيها……
للحظة……بدأت اعيط من غير ما استني رد…….يمكن اخيرا استوعبت!!!!!…….محاولش يهديني….. ساكت بيطبطب عليا وبس……..حاضني وهو مداري وشي…. اعتقد ده مش هيخليني اندم قبل ما انام اني كنت بعيط في الشارع؟؟؟………
رحيم//افشل حد ممكن يواسيكي بصراحه……لكن وجعك بيوجعني…….نفسي أشيله عنك….لكن ده قضاء ربنا…..ومهما يحصل ياازمزم…..أنا سندك ومعاكي…. انتي مش لوحدك……هتعدي وكل حاجة هتنتهي وانتي كويسة
زمزم//الجلسات دي غاليه اوي يارحيم……وانا مش عوزه اعرف عمران حاجة
رحيم//كل حاجة تهون عشان ترجعي تضحكي…… مشكلتنا مش في الفلوس…..قد ما هي فيكي….قلبي مش هيرتاح غير لما تكوني كويسة
زمزم//ده هيوقع شعري يارحيم
ببعد عنه……وانا بقول كلامي وكأني بعرفه حاجة مكنش يعرفها!!!…….يمكن لاني حسيت لثواني ان الموضوع مهم وممكن نحطه في مشاكلنا!!!…….فعلا كان مؤلم…..ومكنتش عوزة ده يحصل….ومش عوزة افضل تعبانه؟!!!!
بيبتسم…..وهو بيحاول يخفف عني الموضوع…..اعتقد بيحاول يكون كويس قدامي…..عشان محسش بالخوف وان الموضوع فعلا كبيرد……سرطان…..اسم مكنتش بسمعه كتير…..اخر حاجة كان ممكن اتخيل انها تكون عندي!!!…….بيحط ايده علي راسي وهو بيجمع كلامه……رحيم فعلا اخر شخص ممكن يقدر يواسي……لكن أكتر حد بيقول اللي في قلبه بشكل يطمن!!…….
رحيم//مش قولتلك كل حاجة تهون عشان تكوني كويسة…….سواء الفلوس….او شعر ممكن يكبر تاني
زمزم//رحيم……متقولش لحد…..مش حاسة اني مستعده اعرفهم حاجة……
رحيم//خدي وقتك……..وممكن نعرف عمران بس…. وبلاش بتول عشان متتعبش
زمزم//ايوه بلاش بتول…….وعمران عرفه انت بس مش دلوقتي لما اقولك انا
رحيم//…….ينفع متخافيش؟…..وعد مني هعمل كل حاجة عشان تكوني كويسة…..خليكي واثقه من ده انا اخوكي…..يعني مش هسيبك أبداً….
حسيته مش متقبل فكرة خوفي……لكن مش قادر يفهمني ازاي مخافش!!!…….كلامه عفوي…..بيخرج زي ما هو حاسس…..او عاوز يقوله……ولثواني حسيت فعلا ان مش محتاجه اخاف؟!……قلقي راح بسرعة عادتا مش ده الوقت الطبيعي عشان الإنسان يكون اخف واهدى……خصوصا لو الانسان ده انا
بيبعد ثواني……بيتكلم في الموبايل……بشيل الخواتم اللي في ايدي….بحطهم في الشنطة….مش فاهمه ليه لكن…..الراحه بالنسبالي بتبدا من ايديا!!!!!
بيخلص الموبايل……وبيقرب وبيقعد جمبي تاني…… وانا ببتسم…..ابتسامة مطفية…..لكن مكنتش خايفة يمكن…..التعب……غصب عني لكن مكنتش قادره اتفاعل زي ما انا!!!!!!
رحيم//خدت اجازة النهاردة…..وواحد صاحبي هيجبلي عربيته……شوفي بقي عوزة تروحي فين يوم كامل فاضي
♡_♡_♡_♡_♡_♡_♡_♡_♡_♡_♡_♡_♡_♡_♡_♡
مهدي//مسرة…..شيفت بليل مش هتنزل فيه بنات تاني متقعديش بكرة بعد معاد شغلك
مهدي//ازاي ده!!!……مين اللي قال كده
مهدي//ده جزء من نظام الشغل…..زيك زي غيرك….الكل بيطبق عليه من بكره…..لان عدد ساعات شيفت بليل زادت…
مسرة//زادت قد ايه؟
مهدي//انسة مسرة……اعتقد الكلام واضح ممنوع نزول بنات شيفت بليل…..
مكنتش شايف حل تاني…..عنيدة مستحيل تقبل بحلول…..ولاول مرة اشوف ميزة لشغلي…….رغم تفكيري بأنها ممكن تكون محتاجه الشغل!!!! لكن شغل ايه اللي هيتقارن بيها؟؟……
مسرة//يعني ايه مينفعش ما كل واحد حر
مهدي//هو ايه اللي حر…..حر مين ياانسة بقولك المواعيد زادت….
اعتقد بدات افقد اعصابي؟؟…..بقعد علي مكتبي وانا بفكر نفسي للمره المليون……ان فكرة حبي ليها ملهاش اي مسمي عشان نخرج بره دايره مدير وموظف
مهدي//يا انسة الوقت هيكون متاخر لا يصلح نهائي انك تخرجي من الشركه في الوقت ده…..هترجعي بيتك ازاي اصلا
مسرة//ايوه الكلام ده صح وكل حاجة…..لكن في حالة بقي اني واخده مرتب شهرين…..بشرط نزولي لمده شهر شيفت بليل…….انا بتكلم ان ازاي ده يحصل انا دلوقتي بقيت مجبورة علي نزول…..بالمعاد اللي مش فاهمه ده اتحط ازاي
مهدي//…….مش لوحدك اللي واخده مرتب شهرين عموما انا رفعت الفلوس دي…..عنك او عن غيرك
في الحقيقة مكنش في حد غيرها…….وفكرة انها تاخد مرتب شهرين…..كانت حاجة غريبة!!!…..لان ده اختيار مش موجود اصلا……لكن السبب المجهول بالنسبالي وعقلية مسرة اللي ممكن اكتشف صدفة انها بتشتغل في مكان تاني……كانت دافع اني افكر في طريقة تساعدها من غير ما تعرف…….بما انها مستحيل تقبل
مسرة//يعني ايه رفعتها؟؟
مهدي//يعني خلاص لو نزل زيادة في المرتب مش هتنزل لمده شهر…..ومالكيش مكافأة برضو
كلام نوعا ما مكنش منطقي……لان زيادة ايه اللي تغطي مرتب شهر زيادة؟؟؟؟……لذالك كنت بقفل الكلام عشان الجدال ميكونش اطول…..وهي بترجع مكتبها وانا باخد نفسي اخيرا……وانا مش فاهم اللي بعمله صح ولالا؟؟؟
يمكن مكنتش هتقبل مساعدتي نهائي…..بل وهتضايق لكن…..اكيد مكنتش هسيبها…..وانا كمان مش عارف السبب؟؟
♡_♡_♡_♡_♡_♡_♡_♡_♡_♡_♡_♡_♡_♡_♡_♡
نديم//ياا اهل البيت
موسي//أخيراً حد جه…..
نديم//في ايه؟؟
موسي//رحيم مجاش لحد دلوقتي ولا زمزم ومهدي قال هيتاخري…..وانا عاوز العب بلاستيشن
بسيب المحفظه والمفاتيح علي الطربيزة……وبنلعب فعلا مع بعض بلاستيشن…….وبينضم لينا عمران….. وبتول اللي كل دقيقة تخرج من اوضتها وتأكد علينا نوطي صوتنا……
موسي//انتوا بتغفلوني؟؟؟؟
نديم//اوب اوب اوب الله علياااااااا
عمران//ابدأ جيم جديد وانا هفرجك ياغشاش
♡_♡_♡_♡_♡_♡_♡_♡_♡_♡_♡_♡_♡_♡_♡_♡
رحيم//حلو المكان ده…..تعالي اصورك فيه
زمزم//طيب تعاله الاول نجيب ايس كريم
وسط البلد…..بدأت احس بعمق الحب اللي بينها وبين رحيم…..الشوارع بتاعتها…..الاماكن الكلاسيك….القهوة وشارع شبيلون……كل التفاصيل الغريبه اللطيفة!!
بتصور كتير…..كل مكان بيعجبه بنقرر نتصور فيه…..مع ايس كريم…..وعصير فريش…..لاول مره يقف معايا اختار كتب؟؟؟؟؟
زمزم//استني استني
بقولها بحماس وانا بقرب من قطة!!…….وبحط قدامها قطع صغيرة من السندوتش اللي معايا……
زمزم//ياعيني دي جعانة……
اوقات كتيرة بتمر عليا لحظات ادراك……وروحي في طبيعتها الطفوليه……العفوية التلقائيه….التي لا تبالي لشيئ…..واعتقد ده مرتبط ب…..احنا مع مين؟؟؟
بكمل

تقيطع السندوتش….وبحط مياة…..وبسيبها وانا مبسوطه ان قابلتها عشان تاكل……..بمسك ايد رحيم وببدا اتفرج علي المباني……والكابلز اللي عند السينما يمكن بتفرج لان…..شدني اتنين….هو شعره أبيض وهي واضح اوي انها مراته…..لكن حسيتها شابة صغيرة روحها بتقول كده…..شعرها الاسود….حركتها التلقائيه بشكل خفيف…..ايده اللي علي كتفها…..وراسها اللي بيطبطب عليها بحنية……اعتقد اللي بينهم وقت الخناق او الزعل…..كان اكبر من ان كل طرف يحاول ينتصر لنفسه؟!!!!!
رحيم//نقعد علي كافية؟؟
زمزم//تؤ…..في قهوة قابلناها في شارع شابيلون كان قاعد عليها بنات عادي تعاله نقعد عليها كانت رايقة اوي
رحيم//قهوة؟؟؟؟؟
بنروح فعلا مع استغراب رحيم…..لكن بنقعد هناك مكان رايق…..بعيد عن المحلات…..والدوشة…..السينما…. وكل المشتتات المزعجه……وقد ايه الانسان كويس!!
بنقعد…..بنرغي كتير…مواضيع مختلفه…..بنتخانق دقيقة…..والدقيقة اللي بعدها نكته….والدنيا ماشية
♡_♡_♡_♡_♡_♡_♡_♡_♡_♡_♡_♡_♡_♡_♡_♡
نور//مسرة لسه مجتش؟؟؟
سيدرة//لسه…..زمانها جاية يا ماما
نور//طيب………سيدرة انتي اللي خدتي فلوس عامر
سيدرة//ايه؟؟؟؟
نور//سؤالي واضح…..
سيدرة//..لا…..ومن غير نظراتك دي…..بجد لا مشوفتهاش اصلا…..
نور//سيدرة……انتي مبقتيش صغيرة….وانا مش ناقصه مشاكل بينكم وبينه……يعني متخلنيش اتصرف بطريقة تضايقك
سيدرة//……بطريقة تضايقني؟؟؟؟…..ده علي اساس انك مش مضيقاني……فوق اختيارك لشخص زي ده عشان يكون ابونا……بتخرجي ضغطك منه فينا؟؟؟؟
انتي الظالم وانتي اللي بتتكلمي……قولت مبقتش اخد حاجة…..مكنتش مره وانا صغيرة لحد دلوقتي بتزل بيها…..
نور//انتي قليلة الادب…..ولما تشوفي اللي بيحصل لاختك وتكملي دي انانية وحقيرة
سيدرة//دي انا!!!!……
كنت واقفه قدامها مصدومه……كلامها بيوجعني….. لاني مش انانية…..ولا حرامية……يمكن بعدي وبتعامل معاها كويس…..كلنا مش ناقصين بسبب عامر لكن.. اعتقد ده خلاها تفهم انها ضحية!!!!!!
سيدرة//صدقيني لو هكره حد اكتر من عامر هيكون انتي……
نور//مش هيكون كرهك اكتر مني……وجودي بسببكم هنا…..كنت هقدر من غيركم اسيبه……
سيدرة//محدش قالك من الاول اتجوزيه……ومحدش قالك تجبينا اصلا
نظراتها بتفضل علياا بغضب……حتي انها تظهر حنية بالغلط في عيونها كان صعب عليها!!……بتخرج من الأوضة……وانا بفضل مكاني……كل اللي بيحصل مكنش سبب بالنسبالها عشان علي الاقل تكون حنينه او………تفهم ان في دمار جوانا……جروح….ايدينا هي اللي بتعالجها…..ونفس الايد بطبطب…..وتمسح دموعنا وعقل بيحاول……يعافر عشان يقول كلام هادي…. القلب يفهمه ويكمل…….
بقفل النور……وبسيب الكتب بتاعتي……ارهاق روحي كل مره بيغلبني…..وبهرب للنوم!!!!…….بتغطي وانا بخبي وشي في المخده…….وانا مش متخيله كل ده ممكن يكون ليه نهاية!!!!!!!!؟؟؟؟؟
♡_♡_♡_♡_♡_♡_♡_♡_♡_♡_♡_♡_♡_♡_♡_♡
رحيم//زمزم…..انتي نمتي….وصلناا
بفوق علي صوته…..وهو بيفوقني…..نمت وانا بتفرج علي الطريق…….والهواء بليل…..حسيته بيداوي روحي
زمزم//وصلنا أخيراً……واضح اننا اتاخرنا
بنزل من العربية…..الشارع هادي…..الجو ليل….مكنتش حاسة بالوقت نهائي……ولا ان الوقت بيتأخر الوقت جري بشكل غريب؟؟؟
بيقفل العربية…..وبنطلع البيت……صوتهم كان واصل لينا علي السلم؟؟؟؟……بكرة الجمعة….يعني سهر….. بتنهد وانا بحمد ربنا انهم بيلعبوا…….عشان اقدر ادخل انام من غير ما حد يأخد باله من حاجة
موسي//أخيراً…..لسه فاكرين ما كنتوا تيجوا الصبح احسن
نديم//انت مالك…..ولا عاوز تهرب عشان بتخسر
رحيم//شكلك وحش….اهو فضحك انك بتخسر
عمران//ده واد غشاش…
نديم//قصدك انكم فاشلين…..خسارة تكسف والله ده11/4 بذمتك مش تكسف
بستغل جدالهم…..ونظرات عمران لنديم…..وبدخل الاوضة بتاعتي……بفتح النور….وانا برمي الشنطة علي المكتب…..بغير هدومي…..وبقعد علي السرير وانا برتاح
صوتهم كان واصل لحد عندي……بدأت اعيط من صوتهم!!!!!…….كنت عوزه انام…..وصوتهم ضايقني
رحيم//انا حجزت في كافية شغف عشان نقضي اليوم بكرة فيه…..ناموا بقي عشان نعرف نروح عشان فلوس الحجز لو راحت عليا هفضحكم…..واصوت والم الناس عليا
بتول//في وسط البلد؟؟؟
بسمع صوتها…..اعتقد خرجت من الأوضة مخصوص عشان تسأل……بتحب المكان بشكل غريب….ببدا ارتب السرير…..وانا بضيع وقت…..يمكن يناموا بجد واعرف انام……
صوت رحيم كان واضح بالنسبالي بما ان الأوضة بتاعتي قريبه منهم جدا…….محاولاته يخليهم يناموا…. فيشة الشاشة اللي فجاة بتتشال…..وبسمع صوت حلبة مصارعة…..وجري!!!!……غالبا البيت بيتهد؟؟؟؟؟؟
رحيم//هو انا فلوسي حرام؟؟؟؟ وبعدين انا حجزت عشان نلعب بلاستيشن كمان……واليوم كله
موسي//هسيبك عشان الموضوع مغري
نديم//احم…..حجزت بالعدد؟؟؟ مينفعش نجيب حد زيادة؟؟؟؟؟؟؟
رحيم//عملت حساب عفراء…….ايدك بقي علي الفلوس
نديم//هحولك الفلوس ياساتر عليك
رحيم//وحضرتك؟؟؟
موسي//لما ادخل الأوضة موبايلي جوه…….هحولك
رحيم//يلا ادخلو دلوقتي
بيبدا يدخلهم…….وبتول بتخرج تساعده….وتأثيرها كان كبير….اعتقد من غيرها مكنش هيعرف يعمل حاجة لعمران؟؟؟؟……..ونديم اللي بينام مخصوص عشان يقضي اليوم مع عفراء……
بخلص السرير…….وبيبدا الهدوء يسيطر علي البيت.. بتغطي…..وانا بضم البطانية حوالياا كويس……بحاول اهدى قلبي……قبل ما اسمع صوت الباب بيخبط….. وبيتفتح بعدها……..
زمزم//انت جاي هنا ليه!!
رحيم//هنام هنا…..
بيحط المخده….والبطانية جمب سريري علي الأرض.. وهو بيرتبهم….وانا مش فاهمه هو بيعمل ايه برضو؟؟ وليه هينام هنام!!!
زمزم//هو التكييف عندك مش شغال؟؟
رحيم//لا شغال في حاجة!!
زمزم//اومال جاي هنا ليه؟؟
رحيم//عشان لو تعبتي بليل
زمزم//هو انا ممكن اتعب بليل؟؟؟
بسأل وانا قلقانه…..وضع مش فاهمه فيه اي حاجة… نظراتي عليه…..مستنيه رد…..
رحيم//مش عارف…بس معروفه التعبان بنام عنده
زمزم//……روح الاوضة بتاعتك يا رحيم ربنا يهديك اتفقنا منقولش لحد……البيت كله شك فينا من ساعة ما دخلنا
رحيم//علي فكرة انا الطرف اللي شاكين فيه علي الفاضي فاكريني بحب بنت وعوزك تكلميها
زمزم//طيب انت هتنام هنا ازاي يعني
رحيم//هنام علي الأرض….شوية لحد ما نفهم الموضوع ده هنتعامل معااه ازاي…..انا اكيد مش مبسوط وانا سايب مرقش وهنام هنا
زمزم//مرقش؟؟؟؟؟
رحيم//السرير بتاعي……لو سمحت نامي بقي خفي ازعاج
بينام……وانا بتنهد من عنده…..بحط راسي علي المخده… عيوني للسقف…..بفكر في اللي حصل…. يومي العادي اللي فجاة في لحظات حجات كتيره اتغيرت فيه……وفي ليلة امبارح…..اللي مكنش فيها اي حاجة…..وكنت نايمة بهدوء…..وقد ايه العادي كان اكبر نعمه في حياتي……
زمزم//حقيقي انت متطفل…..واللي عاوز يعيط دلوقتي يعمل ايه
بقولها وانا مكاني……متحركتش…..دموعي علي حافة عيوني…..كنت حاسة انها بتريحني…..سخونتها علي خدودي…بتخرج من جوايا طاقة سلبيه غربيه….
رحيم//يعيط من غير صوت عشان عندي شغل الصبح
زمزم//………..رحيم….انت وعدتني مش هتقول لحد
رحيم//رغم اني ضددك بصراحه….لكن محدش هيعرف
زمزم//فهماك بس حاسة ان الغلط المرادي اهون عليا
رحيم//اللي يريحك…..كده كده انا معاكي
باخد نفس…وبشد الغطاء عليا كويس…..وانا باخد منه دفاء…..الشباك المقفول….ستارة قدامه هادية….مفيش هواء يزعجها….الشباك بيحميها…..موفر ليها الهدوء… اعتقد ده وضعنا دلوقتي…….
بغمض عيوني…..وانا بستغفر…..دموعي بتنزل….بحس ان روحي بتتنفس…..رغم كل حاجة الإستغفار قادر يخلق جوايا امل….وهدوء…..وكأنه سحابة بتقف علي قلبي برقة…..تحميه من الشمس والحر…..ومفيش مشكلة من شوية هواء ياسكر
بتحرك من مكاني للحظة……وانا نظراتي عليه….نام!!
بخرج من الاوضة…..وبجيب ازازة مياة…..هيفوق كل دقيقة يشرب وينام…….هموت واعرف المياه دي كلها بتروح فين؟؟؟؟……..
بحطها جمبه…..وبعدل البطانية عليه…..اعتقد كل حاجة عملتها فكرت فيها……المياة…..البطانية….لكن مفكرتش قبل ما اطبطب عليه…..اعتقد دماغي فهمت غلط…..وفكرته هو اللي تعبان!!!!!!!
رحيم//روحي ياا زمزم الله يصلح حالك مش لايق عليكي اتيتيود البنات ده خالص
زمزم//انت صاحي؟؟؟…….كنت لسه نايم
رحيم//انام وانتي موجوده يا مزعجه ازاي…..
زمزم//نينينيني…….
اعتقد الجزء المعطوب جوايا حاليا……يأنس بالاستغفار ويأمل الاستجابة والاصلاح……ولكن في ركن خفي…..وجود احدهم بشكل ما….كان زي اثر فراشة لطيفة……واعتقد لو بدأت دموعي تنزل تاني هيكون المرادي لاثره؟؟؟……عجيب امر النساء….مبسوطه انه موجود….وقدر يفهمني ف اعيط؟؟؟
♡_♡_♡_♡_♡_♡_♡_♡_♡_♡_♡_♡_♡_♡_♡_♡
مهدي//ماشي كده صح ولا؟؟؟
فارس//ايوه ايوه البيت الشارع اللي جاي ده….
مسرة//نزلني اناا هنا…..
مهدي//……..