الفصل الخامس

زمزم//مش هاخد جلسات تاني اللي يحصل يحصل بقي انا تعبت كده من مره!!!!
رحيم//تاني يا زمزم
بيقرب وبيسيب العصير جمبي……وبيقعد قدامي….. وانا بعيط…..كنت عوزه عمران يعرف…..غالبا كل ما تعطل معايا وانا مش عارفة اعمل ايه….افكر اقول لعمران…….
رحيم// زمزم انا فاهمك وفاهم ان الموضوع مش بسيط لكن…..ياحبيبتي لازم تتعالجي….وده الطريق الوحيد…..صدقيني لو كنت لقيت حاجة تانية كنت عملتها……
زمزم//مش هقدر اكمل كده يارحيم
رحيم//انتي مش هتكملي لوحدك…..انا معاكي
زمزم//يارحيم مكنتش قادره امشي!!!!…..
كنت بتكلم وانا بعيط……يمكن منهاره…..بحاول افهمه سوء الوضع بالنسبالي وكأني بترجااه نوقف الجلسات دي……..وانا ماسكه ايده…..بفهمه اني مش بس الجلسة بتوجعني…..اثرها كمان مؤلم!!!
رحيم//….وانا كل مره هشيلك……يا زمزم مش دي مشاكلنا…..ولحد دلوقتي بحاول اخدك لطريق آمن….انا أكيد مش سهل عليا اعمل كده…..لكن الاصعب اني اسيبك
زمزم//انا مش عوزه اكمل…..مش قادره
بتكلم وانا بداري وشي بين ايديا……صوتي بيداريه دموعي…..وايده اللي علي راسي…..غالبا حس ان الكلام دلوقتي مش قادره افهمه…..وان تقريباً مفيش فايده معايا…..
رحيم//اهدى……كل حاجة تحت رعاية الله…..ربنا عالم بينا…..وانا جمبك…..اللي يحصل هيحصل لينا احنا الاتنين……
مش بتحرك…..بفضل زي ما انا……وفي بالي سيناريوهات كتيرة للجلسات الجاية…….لحد ما بيوقف تفكيري هو…..وهو بيقرأ قران……اعتقد كنت سرحانه وبفكر لدرجة اني مكنتش واخده بالي انه بيحضني!!!!
لثواني بيحضر عمران في بالي……بسبب رحيم….. ايده اللي تلقائيا بقت تروح علي راسي…..غالبا فكرني قطة!! والايد التانية بطبطب……نبرة صوته اللي بيحاول يوصلي بيها الامل…..بيتصرف كأنه هو!!!!
زمزم//هي الجلسة التانيه هتكون امتي؟؟
عمران//جلسة ايه؟!!!
للحظة محدش فينا بيتحرك……غالبا مش بنستوعب الصوت……بيكون واضح انه قلقان من السبب المجهول
رحيم//جيت امتي
عمران//مشكلة صح…..نصيبك بقي انسي المحفظة وارجعلها…….ياا استاذ رحيم
رحيم//مفيش حاجة متقلقش……زمزم بس كانت تعبانه شوية خدت جلسة اوكسجين وخلاص عشان كده اتأخرنا
عمران//كمان بتحور…..وبتكدب يارحيم
زمزم//………يا بابا….تعالي اقعد هناا
بحاول الفت انتبااه عمران…..يمكن يبعد عن رحيم شوية……وللواقع….انا كنت عوزاه يعرف….فكرة انه عارف وموجود…..كانت اعتقد هتخليني احسن شوية يمكن……الصياح اللي تعبت بيه رحيم يقل شوية
عمران//قعدت…..في ايه بقي ومن غير كدب عشان…
زمزم//انا تعبانه……
عمران//تعبانه مالك؟؟
زمزم//……..عندي سرطان
«لا تنسوا ان تسألو الله العفوا والعافيه وان كانت رواية….تذكر سؤال الله بالعافيه»
عمران//ايه!!!!…….ازاي يعني مش فاهم
رحيم//عملنا تحاليل وعرفنا…..وخدت اول جلسة ناقص7جلسات
عمران//كل ده حصل وانا معرفش؟؟؟؟!!!!!!!
رحيم بيبعد……..ونظرات عمران عليه كانت قاسية جدا بمسك ايده…..وهو واقف….وانا كلامي لعمران…..يمكن كنت محتاجة يعرف…..لكن اتوجعت لرحيم من نظرات عمران…..اعتقد بقيت حساسة اتجااه رحيم نوعا ما
زمزم//انا اللي قولتله ميعرفش حد حاجة……وبعدين مكنتش مشكلة بالنسبالي…..هو كان موجود
رحيم//هي كانت هتعرفك…..بس مش دلوقتي
عمران//كنتي بتعيطي ليه…..ايه وجعك؟؟
قبل ما يبعد…..بفضل ماسكة ايده…..اعتقد فهمت ليه سيدنا موسي طلب من ربنا يكون معااه اخوه هارون…. {سَنَشُدُّ عَضُدَكَ بِأَخِيكَ}……..هارون كان الصوت لما موسى حس إن كلامه تقيل….. والهدوء لما الخوف قرب…..الطريق الثابت لما كل الطرق فجاة…….بقت مليانه مواجهة…….ماكانش بديل…..كان بيكمله……..موسى بالرسالة وهارون بالبيان…….واحد شايل الحمل والتاني بيخففه من غير ما ياخده منه……..مكنتش معترضة علي قضاء الله….. لكن……..الحمل كان أكبر من إن يتشال لوحده
بيقرب عمران وهو بيحضني…..القلق واضح عليه جدا…..وبين ارهاقي وتعبي…..وهواني جسديا…..بتخرج مني ابتسامة لرحيم…..مكنتش فاهمه ده امتنان!؟؟؟؟….ولا امنية خارجة من قلبي وهي بتدعي انه يفضل كويس……والايام فجاة متتغيرش…..
سكون اب…يمكن ده اكتر تعبير شيفااه مناسب ليه…. حنية اب…..قدر يهدي خوفي…..ويكون جمبي بشكل غريب!!!……شكل قدر يوصلي مشاعره بجد وانها مكنتش تصرفات لانها واجبه عليه……اطمنت…..لحد ما وصلتي للمكان اللي كنت عوزاه…..
عمران//تحكيلي كل حاجة حصلت……
رحيم//الله….انت معندكش غيري….تحكيلك هي
زمزم//لا مش قادره
عمران//يبقي تحكي انت وخاف مني عشان مش طايقك
رحيم//صحيح خير تعمل….شرق الدلتا
نفس طريقة رحيم…..ايده علي راسي……همسات تمتمه…..بفهم منها انه بيقرأ قران….او بيدعي……اعتقد لحد دلوقتي كوني اصغر فرد في البيت مخليهم شايفني طفلة!!!!!!…….
رحيم//هروح انا اخترع في المطبخ عشان المفروض تاكل……
بيخرج……وانا بحس بهدوء….لحظة ادراك بتجيلي لثواني انها بسبب عمران….بما انه بيقرأ قران….روحي بتهدى…..وللحظة مش بفهم العلاقه الطردية بين دموعي وهدوء روح……!!!!!
عمران//اللهم لك الحمد حتي ترضى…..
زمزم//هتقول لبتول؟؟
عمران//……….انا فاهم انها هتقلق عليكي…..وفاهم خوفك انها تعرف…..لكن دي امك…..وانتي محتجاها وكده كده هتعرف…..وانا موجود جمبها متقلقيش فكري بس فيكي….واحنا جمبك
زمزم//هتتعب…..ليه تقولها
عمران//…..انا شايف ان وجودها هيساعدك
زمزم//انا مش عارفة هكمل ازاي الجلسات دي…..بجد مؤذيه…..
عمران//متخافيش…..انا بقيت هنا…..حتي لو تعبتي اكتر هتفضلي في حضني لحد ما ترجعي احسن من الاول……اوعي تخافي
بيعدى وقت….وانا هادية…..بسمعه….بيقرأ قران شوية او……يدعي شوية……وانا بهدى…..وبغمض عيوني وانا ببعد عني اي فكرة……مش قادره افكر…..مش قادره اتخيل اسوء من كده
رحيم//جيييت….الله عليا وعلي حلاوة اكلي
عمران//بتول هتعلقك لو بهدلت المطبخ
رحيم//انت فاكرني انت ولا ايييه ياحبيبي انا منظم
المهم وسع كده وابعد…..سادد الافق علينا خلي البنت تاكل
عمران//هخليها فعلا تاكل….علي ما احدهم يتروق عليه
رحيم//هلم علينا الناس…..وربنا
♡_♡_♡_♡_♡_♡_♡_♡_♡_♡_♡_♡_♡_♡_♡_♡
بتول//عمران اتاخر صح
مهدي//ثواني ياحبيبتي هنخلص الجيم ده واكلمه
نديم//العبببب عددددددل
موسي//ياعم بس بقي وترتني
مهدي//خسرت يااااحلووووو…….
نديم//تبا لك…..طيب مش لاعب بقي
موسي//ايه تصعيد الأمور الغير مبرر ده!؟؟؟؟
بتول//كلم عمران بقي شوف اتاخر ليه
نديم//تعالي نجيب عصير من بره
بيوجه كلامه ليا……وفعلا بخرج معااه….بما اني مكنتش مرتاحه لان اخواته موجودين!!…….وهديت لما خرجت معاااه……واعتقد هو فهم اني مكنتش مرتاحه
نديم//نقعد هنا؟؟
عفراء//ماشي…..
♡_♡_♡_♡_♡_♡_♡_♡_♡_♡_♡_♡_♡_♡_♡_♡
سدي//حد فيكم بيحب البلاستشن؟؟؟
سيدرة//اووو ياريت هو في مكان هنا!!!!
سدي//اه في مكان قريب من هنا تحفة
مسرة//عندهم قهوة….
سُدي//قهوة!!….وعرسان كمان
سيدرة//طيب واحد حنين معاكي لو سمحت عشان اللي عندي عطلان……
مسرة//ينفع نتلم عشان احنا في الشارع…..وامشوا يلااا
بيتحركوا….وكل واحده فيهم ماسكة ودن التانيه…. اعتقد عارفة بيتكلموا في ايه…….يمكن انا كمان قلبي كان محتاج وجوده……لكن غيابة…..وقسوته…..علمتني انا كمان اقسي…..واكره…..وجوده مبقاش مهم….. وغيابه….مش ازمة…….للثواني بيسرح خيالي…..وماذا لو عاد معتذرا……إبتسامة سخرية بتظهر بوجع…… وعكس المتوقع…..بتمني ميرجعش…..وبتمني يفضل زي ما هو…..روحي وقلبي مش هيقدروا يفهموا وجوده علي انه وجود آمن……
عقلي هيفكرني بكل لحظة كنت خايفة فيها منه…..وانا عوزه احضنه من خوفي منه……بس بعدت……ايديه اللي معرفتش افهم عليها يعني ايه لمسة اب!!!!!…..ليه اللمسة ممكن تاخد الوصف ده…..بتحسسهم يعني بحنية مختلفه؟؟؟…..آمان مش هيعرفوا طريقه غير كده؟؟؟!!!!!…….مكنتش فاهمه…..ومازلت…..لكن فاهمه الوجع اللي القلب بيحس بيه لما نفس الايد هي اللي تكسر…..وتضرب…..وتجرح……
ولسوء الحال…….محدش هيعوض مكانه……!!!!…. لحظات بسيطة….اللي قلبي فيها بيسكت عن كرهه وهو بيسأل ليه!!……ليه بيعمل كده؟؟!…..
سُدي//المكان احلا من الصور
سيدرة//هجيب حاجة نشربها واجي
بندخل احنا…..وهي بتبعد….لسخرية القدر يوم الجمعة اجازة…….هو اليوم اللي قررنا نخرج فيه…..واعتقد لحد دلوقتي عيوني مشافتش مكان فاضي
سُدي//والله هعيط……معقول مش هعرف حتي اتصور!
مهدي//مسرة!!!
بسمع صوته…….وانا للحظة حسيت بأن يااااااااربي….. اكيد مش هو…..
مسرة//اهلا…..
مهدي//واقفه كده ليه مستنيه حد؟؟
مسرة//لا لسه جايين اصلا….دي سُدي اختي
مهدي//طيب لو مش هتضايقوا….ممكن تقعدوا معانا احنا كده كده هنمشي كمان شوية…..لان مستحيل تلاقوا مكان فاضي دلوقتي
سُدي//انتوا مين؟؟؟
مهدي//اااه….والدتي ومرات اخويا موجودين معانا
مسرة//مالوش داعي احنا كده كده حاجزين مكان

تاني اصلا ف مش هتفرق
مهدي//يعني مش عاوز ارخم عليكم……بس كده كده شوية وهنمشي لان برضو هنروح مكان تاني وهتقدروا تقعدوا براحتكم يعني وكده كده مش هنضايق من وجودكم
سدي//وووااافقيييييييييي بقيييييي
مسرة//طيب هستني سيدرة وهدخل بعدكم
سدي//احم…..مامتك فين بقي!!!!
بتدخل فعلاا……وانا بره عوزه اخبط راسي في الحيط من اللي عملته……لحظات وبتيجي سيدرة…….
سيدرة//سدي فين؟؟؟
بحكيلها اللي حصل……وهي نظراتها مبسوطه ان في مكان هيفضي……للحظة بحس انهم في عالم موازي وانا…..لوحدي في جحيم المعرفة؟؟؟؟؟؟
بندخل……وبشوف سدي وهي مندمجة جداا مع مامته لحقت تصاحبها؟؟؟؟؟؟؟؟
بتول//مين فيكم بقي مسرة ومين سيدرة
مهدي//دي مسرة…..
سيدرة//وانا سيدرة…..
بتول//اساميكم جميلة…….اقعدوا…وانت انصرف
مسرة//معلش هنتطفل عليكم
بتول//ده انتوا جايين ناجده ليا والله
سيدرة//انتي مرات اخوه؟؟
بتول//……لالا انا امه……
مسرة//معقول!!….شكلك اللهم بارك صغير
بتول//هما الناس اللي في الأربعين كبار!؟؟؟؟؟؟
بنتكلم كتير……وبكتشف انها اكبر من نور!!!!…..لكن شكلها اصغر…..خفيفة….ولطيفة…..كأنها بنت فعلا صغيرة لسه متجوزتش اصلا!!!…….مكنتش فاهمه هي بتعامل ولادها ازاي عشان يبان انهم بيحبوها…..لكن ليها مكانه…..وخوف علي زعلهاا
اعتقد كنت قاعده احلل المواقف بس……
بتول//مهدي جرب تكلم عمران تاني
بتسأل عنه كتير……يمكن اول مره اشوف ست قلقانه علي جوزها مش بتدعي عليه؟!!!…….او مرتاحه في عدم وجوده…..بالعكس كانت بتسأل كتير…..وبنتكلم مع بعض وعيونها علي الباب……اعتقد مستنيه يجي!!
وفي جانب اخر……علامات استغراب بتترسم علي ملامحي وانا شايفة سيدرة……..ونظرات احدهم اللي بتتفقد وجودها….وهو بيكلم مهدي!!……والظاهر انه بيسأله عنها؟؟…..
♡_♡_♡_♡_♡_♡_♡_♡_♡_♡_♡_♡_♡_♡_♡_♡
عمران//يابني شوف مين بيخبط؟!
رحيم//شوف انت…..ما انت صليت خلاص انا لسه
عمران//أستغفر الله العظيم…..
بكون سامعة صوتهم بره……واستغفار عمران من رحيم بحس علاقتهم……اقرب لتوم وجيري…..خناق بلا هدف
عمران//داوود؟!!!!!!!!!!!!!!!!!!!!
داوود//ايوه ياسيدي داوود مالك شوفت عفريت….. ادخلي كده عشان اعرف اتخانق معااك
رحيم//حبيبي نورت
عمران//يبقي انت اللي كلمته
داوود//مكنتش عاوزني اعرف ولا ايه…..ابنك بيفهم عنك المفروض انت اللي كنت تكلمني
زمزم//داوود؟؟؟
بخرج من الأوضة……بحس اني قادره اتحرك….. وبستغل الفرصة وبخرج…..بفهم ان رحيم اللي كلمه……اعتقد عمران فعلا كان محتاج وجوده….. بما ان مستحيل يظهر قدام حد فينا انه مضايق…..لكن داوود……بالنسباله اكتر من اخ……واعتقد فهمت مؤخرا علاقتهم ببعض نوعا ما……..
داوود//الف سلامة عليكي ياحبيبتي
زمزم//لحقت تعرف
داوود//متعمليش زي ابوكي عشان هشخصنها معاكي
زمزم//انا هروح لرحيم احسن علي ما تخلصوا خناق
داوود//رحيم ماشي معنديش مشكلة معااه دلوقتي
بدخل الاوضة اللي رحيم بيصلي فيها……وبقعد استنااه يخلص……وبسيبهم…..
زمزم//كل ده يارحيم بتدعي بأيه…..مش معقول كل دي مواصفات زوجة صالحه يعني
رحيم//انت ايه جايبك هنا اصلا ياوجه البرص
زمزم//تعاله ركب معايا اللعبة اللي جبتها……عملت فيها نينجا وجبت الف قطعة…..ركبت عشرة بس
♡_♡_♡_♡_♡_♡_♡_♡_♡_♡_♡_♡_♡_♡_♡_♡
داوود//تعاله نقعد في البلاكونة كلامك بيكتم علي نفسي لما ببقي مش طايقك
عمران//ده علي اساس انك مستني ردي…….تعاله هنا
داوود//كلم نفسك……بتكبر وتخرف
عمران//بكبر واخرف؟؟؟؟؟؟؟؟؟؟؟؟؟؟؟؟؟؟
داوود//ايوه مش تحترم دقنك البيضة
عمران//ما خلاص بقي اي كل التهزيق ده
بيقعد……وانا ببدا اعمل قهوة……لاول مره حب بتول للقهوة……اللي بيخليها علي طول في البلاكونة…… اقدر استفيد منه……
عمران//البلوتوث اللي مربيه في بيتي ده لحق يقولك
داوود//حكالي كل حاجة وانا جاي في الطريق يعني كنا بنستغل وقت الكلام في الطريق…..
عمران//وقالك ايه بقي
داوود//كل حاجة…..ولو كلمته هزعلك انت مكنتش عاوز يعرفني ولا ايه!!!!!……
عمران//هو انا اتكلمت انت بتتلكك……خد القهوة
داوود//احكيلي بقي انت……
عمران//هقول ايه ما انت عرفت كل حاجة خلاص
داوود//متقلقش عليها ان شاء الله تكون كويسة…….يا ساتر قهوتك تقرف……..
عمران//قلبي واجعني عليها ياا داوود…..بفكر في كل مره هتعمل فيها الجلسة دي وهي بتتوجع وانا مش عارف اعمل حاجة……
داوود//استهدى بالله يا عمران وقول الحمدلله…. ممكن تتعالج….وفلوس العلاج موجوده يعني ربنا لما ابتلاك….جعل رزقك زياده عشان يفيض وتعالجها
عمران//الحمدلله….انا مش معترض والله انا بس مش قادر اشوفها كده…..بتوجعني ياا داوود دي بنتي……… والله انه إبتلاء عظيم…..
داوود//…..متقلقش هتكون كويسة وانا جمبك بنتك هي بنتي……وهفضل موجود لحد ما اطمن انك كويس وانك اطمنت عليها…..وياعمران هي بتوجعك…..وانت بتقلقني عليك…..انت ضهرهم وابوهم….بس انت مش لوحدك انا موجود
عمران//خليك يا داوود……المرادي فعلا تقيله…..مش قادر عليها لوحدي…..مش قادر اشوفها وانا حاسس اني واقف بقوتي انا…..واني معاها….بس ضهري فاضي
داوود//خليك معاها…..وانا معاك….انا جيت عشانك
بيت….مسؤليه…..اعتقد وانا شاب مكنتش متخيل ان مسؤليتهم هتكون كده أبداً……ولا اني ممكن اوصل لمرحلة يكونو سبب وجعي!!!……قبلهم يمكن مكنتش بهتم….كل حاجة مهما كبرت بسيطة……كل حاجة اتغيرت من اول يوم اتولد فيه طفل…..بيقولي يا بابا!؟
انا مسؤل عنه……انا حمايته في دنيا قاسيه…..كل حاجة هيتعلمها مني……مينفعش اكبر دماغي واعيشها بمبدا مش مهم…….كل حاجة محسوبة بالورقه والقلم
حتي مشاعري…..مكنتش فاهم ازاي كائن بالحجم ده قادر يلعب علي قلبي بالشكل ده…….لحد ما زمزم شرفت…..بعد اربع ولاد…..كانت بالنسبالي كائن غريب!! اول مره اكون اب لبنت؟؟؟…….عكسهم في كل حاجة مكنتش بتلعب علي قلبي……كانت بتقلق روحي….
وقتها فهمت ان مكنتش قلقان…..مكنتش خايف قبلها من الزمن……مكنتش حاسس بالمسؤلية رغم كل حاجة اتغيرت…..إلا انها غيرت كل حاجة جديدة!!!!!!!
داوود//مبقتش صغير…..بس حضني لسه علي قدك
بيقولها وهو بيضحك…..وبيقرب مني كالعاده…..داوود الاخ اللي بنسي احيانا مين فينا الكبير ومين الصغير يوم عنده…..ويوم عندي……وفي الاخر…..محدش نايم وحاسس انه من غير سند……مهما بعدت المسافات…. جالي نفس اليوم!!!!!!!
اعتقد ده الوحيد اللي مش محتاج اداري حالي معااه وامثل اني قوي مهما اتاثرت……مكنش مطلوب مني كده…..لكن…..بقيت احسن لما عرفت بوجوده……
♡_♡_♡_♡_♡_♡_♡_♡_♡_♡_♡_♡_♡_♡_♡_♡
موسي//انا بقول نمشي نشوف في ايه…..اتاخر ورحيم مجاش……
مهدي//طيب روح شوف نديم قاعد فين…..عشان نمشي
بيخرج…….وانا بفضل مكاني…..بعيد عنهم…..وببعت رسالة لبتول……كنت حابب انها حبتهم…..او بالأخص انها حبت مسرة……كنت مستني اشوف رأيها فيها
بتشوف الرسالة…..وبتسلم عليهم وبيكون واضح انهم خدوا علي بعض…..وبخرج معاها قبل ما موسي ونديم يقربوا…..استغلال فرص
مهدي//شكلك حبتيهم…..
بتول//ااااه بنات لطيفة جدا
مهدي//انا اول مره برضو اشوفهم…..معرفش غير مسرة
بتول//…….اممممممم فين اخواتك
مهدي//انا بقولك ايه وانتي بتقولي ايه
بتول//……انت عاوز ايه المفروض يعني احكيلك عنهم؟
مهدي//مش قصدي انا بعرفك اني عارف مسرة بس فهماني
بتول//وقولتلك ماشي…..خلصنا
ومن خبرتي بكون واثق انها فهمت……وقاصده متتكلمش…..طبيعي مش هتتكلم عنهم قدامي……لكن هي مكنتش ساكته عشان ده طبيعي…..
نديم//هنروح البيت!!
موسي//لو مش عاوز خليك انت ولو في حاجة هنكلمك
نديم//هوصل عفراء وهتلاقيني وراك……
بيبعد وبيركب عربيته…….وبيمشي…..وانا بركب وانا مش عاجبني الوضع……ونظراتي علي بتول…..اللي بيكون باين جدا علي عنيها انها فاهمه
♡_♡_♡_♡_♡_♡_♡_♡_♡_♡_♡_♡_♡_♡_♡_♡
مسرة//الوقت ياا شباب……هنتأخر
سُدي//لسه بدري يا مسرة……بالله اسكتي
سيدرة//سيبك منها عشان هتشلني
سُدي//مسرة…….هو ده مديرك في الشغل؟؟؟
مسرة//هو مين؟؟؟
سيدرة//عينك فين انتي…..قصدنا مهدي
مسرة//امممممم……ايوه بتسألو ليه؟؟
سُدي//مامته لطيفة جدا…..شكلها سوي سبحان الله
سيدرة//وابنها برضو
مسرة//اممممممم طيب…عموما انا ماشيه كملوا اليوم انتوا بقي
مكنتش فاهمه مالها…..لكن….احساس الكره اللي جوايا واللي زاد فجاة اتجاه عامر…..وان كان ممكن نكون عيلة طبيعية من غير مشاكل عادي!!!……اعتقد وقتها مكنتش هخاف لما احس ان في احتمال لتواجد طرف تاني……..
وابعد واقلق…..سيناريوهات كتيره بتقرب مني……وانا مش متخيلة نفسي بختار شخص….واكتشف انه مكنش الاختيار الصح…..ويستغل عدم وجود عامر وابدأ معاناة تانية…….
♡_♡_♡_♡_♡_♡_♡_♡_♡_♡_♡_♡_♡_♡_♡_♡
زمزم//داوود!!!……ليه معرفتنيش بكلمك مش بترد وقلقت
عمران//انا كمان مكنتش اعرف والله انه جاي…..كان عاملها مفاجأة
زمزم//منور يا داوود…..هي

أسيا مش معاك
داوود//بنورك تسلمي……لا مش معايا انا جيت لوحدي
زمزم//هعملكم حاجة تشربوها
داوود//انا رآي…..روح قولها…..انا مش همشي هقعد في شقتي اللي جمبك…..وهكلم أسيا تيجي…..عشانها
عمران//خايف تتعب
داوود//ده دورك بقي…..بلاش تجيب الموضوع مره واحده…..وفهمها ان لازم تكون ثابته قدام زمزم حاول تخفف الموضوع وتحسسها ان بسيط وان كده كده هتتعالج والموضوع ينتهي
عمران//ربنا ييسر
♡_♡_♡_♡_♡_♡_♡_♡_♡_♡_♡_♡_♡_♡_♡_♡
موسي//انت بتقول ايه…..بتتكلم بجد؟؟؟؟؟؟؟؟
رحيم//لا مش وقت صدمة هسيبك واطلع وربنا
مهدي//انت عرفت في اليوم اللي سبتكم فيه؟؟
رحيم//ايوه عرفت اليوم ده
موسي//ازاي محدش فينا خد باله…..كان شكلها تعبان علي الفطار اصلا
رحيم//بص اي وضع انت كنت فيه….هيكون ارحم من جحيم المعرفة اللي كنت فيه
مهدي//…….هو انت كويس!!!!!!!!!؟؟؟؟؟؟
رحيم//…….معتقدش
موسي//عشان غبي المفروض علي الاقل كان حد فينا عرف عشان يكون معاك
رحيم//محدش يدخل عندها ويقعد يصيح….هي اصلا بتصيح من ساعة ما عرفت
مهدي//عيب عليك
رحيم//!!!!!!…….كده اطمنت……ليلة البؤساء
♡_♡_♡_♡_♡_♡_♡_♡_♡_♡_♡_♡_♡_♡_♡_♡
عمران//بتعملي ايه!!
بتول//كويس انك جيت……مالك!!
عمران//مالي في ايه؟؟
بتول//ده في حجات……هو داوود جاي دلوقتي ليه حصل حاجة؟؟؟
عمران//….متقلقيش مش حاجه كبيرة
بتول//مش حاسة انها بسيطة خالص…..لكن قول
عمران//بتول قبل ما اقول اي حاجة…….انا موجود ودي مسؤليتي…….مش لازم تقلقي كده كده هتتحل
بتول//عمران انت بتقلقني اكتر……
عمران//زمزم……تعبانة شوية…..متقلقيش رحيم كان معاها عملت تحاليل……عرفنا مالها والموضوع بسيط
بتول//كل المقدمات دي وبسيط؟؟؟؟…..مالها بقي بعد ما عملت تحاليل وعرفنا مالها….ايوه مالها بقي
عمران//…….عندها سرطان……
بتول//!!!!!!!!!!!!!!!!!!!!!……ايوه مالها برضو مش فهماك
عمران//رحيم كان معاها النهاردة عشان تعمل اول جلسة…..يعني الموضوع بقاله يومين تلاته بس….
بتول//عمران انت بتقول اييه انت فاهم كلامك؟؟