الفصل الرابع

رحيم//عايش مع هنود……صلاة الجمعة يا بشر
بتول//ياحبيبي وطي صوتك…..وطيي صوت
نديم//صلاة جمعة الساعة9الصبح؟؟؟؟؟؟؟
رحيم//ده يدوب احنا متأخرين….انتوا لسه صاحين يعني محدش اغتسل….ولا سورة الكهف عدت عليكم… في سنن كتيرة متعملتش
موسي//……ايوه ولا دعينا بالزوجة الصالحة
مهدي//صباح الخير
عمران//صباح النور
بتول//حد يصحي زمزم علي ما اجهزلكم فطار
رحيم//انا هصحيها…..وشاي باللبن هااا…..
بكون حاسة بيهم……وبسمع صوت الباب ودخول رحيم…..لكن كنت نايمة!!!…….شعور قوي بالنوم واني نعسانه…….حاسة بالدوخه وانا نايمة؟؟؟…….مشاعر مختلطه وغريبه…..كلها جوايا حاسة بيها…..للحظه بفكر حتي لو فوقت……هخرج ازاي؟؟؟…..كان جوايا خوف شديد ان حد ياخد باله…….او حد يعرف غير رحيم
رحيم//زمزم…….
محاولات عشان افوق……لكن ردي بأن عوزة انام…… بيشد ايديا عشان اقعد وافوق……لكن كان جوايا رغبة في النوم غريبه…….النهاردة مش زي امبارح….ايام غريبه ودقايق الانسان وتقلباتها اغرب……
رحيم//زمزم……فوقي عشان تفطري وننزل
زمزم//للصلاة؟؟
رحيم//فوقي بس الاول عشان منتأخرش
مكنتش قادره افتكر هو قالي امبارح اننا هننزل مكان معين ولالا؟؟؟…….لكن حاولت افوق…..بتحرك من مكاني….للحظة رجلي بتلمس الارض…..بحس بأنها مرهقه….زي اللي ماشي في طريق طويل ساعات وارتاح فترة بسيطه!!……….
بتول//الفطار جاهز
بغسل وشي..سناني….وانا مغمضه عنيا وعوزة انام!!.. بقرب للفطار وانا بلا طاقة…..لسبب غير مفهوم بالنسبالي من يوم وليلة معنديش طاقة؟؟…..
موسي//محتاجين نلحق كام زتونه وزمزم نعسانه عشان نفطر
زمزم//مش معني اني نعسانه ان هسيبك تاكله مثلا ده بعينك
بتول//من غير خناق انت وهي….في زتون تاني في المطبخ
عمران//جهزي ورقه الطلبات عشان موسي ومهدي يجيبوها بعد الصلاة
بتول//لا الشهر ده انت اللي هتنزل معايا…..حقيقي مش قادره اتخطي الخيار اللي جبته……لازم تاخد كورس مكثف
عمران//انتي عوزاني افضل في المول ساعااااات اجيب طلبات شهر؟؟؟؟؟؟؟؟؟ مستحيل انسييييي
مش بترد…..لكن نظراتنا بتكون علي عمران….وكلنا عارفين بعد الصلاة وراه ايه النهاردة……بنكمل اكل او.. بشكل اصح خناق علي الزتون……ورحيم اللي ببستغل اوقات خناقنا……وبيحط كوباية مياة جمبي……
رحيم//اشربي مياة
زمزم//مش عطشانه
رحيم//مش لازم نعطش…..اشربيها
بيتكلم براااحه…..وانا مكنتش فاهمه تصرفاته!!…..فين رحيم المزعج!!!!
مهدي//ياريت بس نخلص موضوع الطلبات ده بسرعة عشان ننزل بليل
نديم//انا مش هستني حد علي فكرة……وهنزل اصلا بعد الصلاة واقابلكم بقي بليل
رحيم//….انا مش هستني وهصلي في مسجد تاني عشان انزل ارجع العربية لصاحبها….واكيد يعني مش هرجع زي الناس……هبقي اقابلكم بقي بليل
عمران//ايه نشرة الاخبار دي…..وانتي يا زمزم مش عوزه تنزلي اي مكان بالمره
رحيم//ما انا هاخدها معايا!!!!…..امرك غريب يااعمران يعني نديم نازل مع إحداهن……وانت وإحدهن….انزل انا سنجل؟؟؟؟؟
مش بيستني عمران يرد……وبيغير الموضوع قبل ما تبدأ استفسارات عمران……وان من امتي الحنية دي؟؟! وصحيح من امتي؟؟؟؟…….بيتحرك من مكانه وهو داخل الاوضة بتاعته…..
رحيم//البسي بقي بسرعة عشان ننزل……..
اعتقد انا كمان مش بيستني مني رد!!!…..وبيدخل الاوضة بتاعته……وانا بتحرك بعدها وانا مش فاهمه حاجه……ومش فاهمه هننزل فين الساعه9الصبح!!!
♡_♡_♡_♡_♡_♡_♡_♡_♡_♡_♡_♡_♡_♡_♡_♡
سيدرة//هو مين اللي وصلك امبارح؟؟
مسرة//…..صاحبتي وجوزها مشيوا في نفس الوقت اللي أنا مشيت فيه…..ف وصلوني معاهم
سيدرة//عوزين نخرج النهاردة اجازة…..بقالنا كتير اوي مخرجناش…..زهقت من البيت
سُدي//اه والله ياريت……حاسة اني محتاجه انزل اي مكان وخلاص
سيدرة//في مكان صحابي كانوا فيه الأسبوع اللي فات وقالوا انه حلو…..احجز وننزل فيه؟؟؟
سُدي//لازم حجز؟؟
سيدرة//ايوة رغم ان مش بيكون في ناس كتيره مش فاهمه ليه حجز بصراحة
مسرة//اعملوا اللي انتوا عوزينه
سيدرة//وانتي مش معانا ولا ايييه
مسرة//معاكم انزلوا من علي دماغي
يمكن مش بكون مركزه معاهم اوي……بفكر في كل تصرفاته…..رغم ان مفيهاش حاجة غريبه بشكل ملحوظ…..كلها حجات طبيعية…….او طبيعي بالنسبة لانسان سوى….انه يدافع عن بنت ومش شرط يكون يعرفها اصلا بس طبيعي!!……..او جداله معايا في شيفت بليل……طبيعي لان فعلاً بالمنطق مكنتش هقبل انزل شغل المعاد ده؟؟؟؟
لكن كان جوايا احساس بأن لا…….مش طبيعي…..وانه في حاجة…..بخرج الفكرة من بالي بسرعة وانا مش قادره اقتنع……جوايا خوف يكون احساسي صح…. والخوف الاكبر كان من مشاعري انا……وقلبي…
مش متخيله حياتي وفيها طرف تاني!!!!!…….اشبه بالرعب بالنسبالي…..قصة تخوف…..قلق غريب….يمكن بسبب عامر…..غصب عني بخاف……ببعد….بحس اني في آمان لوحدي…..او يمكن بفهم نفسي كده عشان اقدر احبسها……ومتفكرش تخرج من جوايا وتعيش في تفاصيل احدهم
سيدرة//يابنتي انتي مش معانا
سُدي//عارفة لو مكنتيش مسرة….كنت قولت بتحبي
سيدرة//حسيت….الحمدلله مش لوحدي
مسرة//ياخفيفة انتي وهي…..انا سيبالكم الاوضة وخارجه
سُدي//تعالي هتهربي فين…..هو مين بسرعة…..حلو ولالا….وشغال ايه….عنده اخوات ولالا بسررررعه
مسرة//ايييييه ياحبيبتي الاسئلة دي كلهاااا مفيش حد اصلا
سيدرة//…خالص؟؟؟
مسرة//خالص
سُدي//كدابة……في وخايفة
سيدرة//اوب اوب اوب…..شايفة نظراتهااا….مالك اتفضحتي خلاااااص
مسرة//ده انتوا باردين…..انا سيبهالكم خالص
بخرج وبسيبهم…….وانا متعصبة منهم…..مكنتش فاهمه بظبط اضايقت ليه؟…..معقول كلامها صح!!! وانا اللي مش عوزه افهم ده؟…..او يمكن فهمااه وبنكره جوايا…..يمكن خايفة منه بجد…..خايفة اقرب….خايفة يكون في حياتي……وميقدرش يفهمني…..ميقدرش يحسسني بوجوده…..اعتقد مقدرش اكمل مع شبيه عامر….لكن علي هيئة زوج؟؟؟
بدخل اوضتي وانا بنفسي مضطرب نوعا ما……طيب لو مش مهدي هيكون مين؟؟؟……هفضل لوحدي؟؟ بخوفي وقلقي……..مفيش وقت ارتاح فيه!!!!!
لكن مهدي مش زي عامر…….دموعي بتنزل بين تشتت.. خوف…..وامل…..جزء عاوز يقرب…..وجزء بيبعد برعب خايف يجرب اصلا…….يمكن جوايا احساس انه مش زي عامر…..وان لو مبقاش مثالي علي الاقل مش هيكون مؤذي…..لكن جزء تاني بيفكرني ان نور حبت عامر قبل الجواز…….ومش دايما الاحساس بيكون صح ممكن يكون لأني تعبت……..!!!!!!
نور//مسرة….انتي بتعيطي؟؟؟
مسرة//….نور!!!…..دخلتي امتي!!
نور//اصلا ده انتي مش هنا خالص
بتدخل وبتقعد جمبي…….يمكن هي اخر شخص ممكن اشاركه اضعف جزء جوايا……الجزء اللي انا بهرب منه وبنكر وجوده……..ولاسباب مش قادره افهم وجودها مش بقدر احضنها!!!…….مش بقدر اتخيل وجودها وانا بعيط في حضنها……بينا مسافة وفجوة غريبه…… روحي مش حاسة ان حضنها مكان مناسب ليا!!
رغم احتياجي الشديد ليها……وروحي اللي بتصرخ من التعب……إلا ان ده مكنش سبب يوصلني ليها!!!!!!!!!
مسرة//متقلقيش مكنتش بعيط…..ده سدي وسيدرة عوزين يخرجوا وكنت بفكر ممكن ننزل فين
نور//متاكدة؟؟؟
مسرة//ايوة…….اي رايك تنزلي معانا
نور//لالا ماليش مزاج……انزلوا انتوا
التظاهر بالامبلاة…..وابتلاع المشاعر…..كان زي الاكل فوق الطاقة…..لدرجة الغثيان!!!!!!!!!!…..
♡_♡_♡_♡_♡_♡_♡_♡_♡_♡_♡_♡_♡_♡_♡_♡
زمزم//هو احنا رايحين فين؟؟؟
رحيم//لحظة واحدة هخلص الموبايل واركز معاكي
بيبعد وهو بيركب العربية…..وبيتكلم في الموبايل…. وانا بركب العربية بملل……بعد ما بختار دريس أبيض فيه فراشات بينك……علي عكس العاده!!!!!…..مش بلبس بينك…..بيخلص الموبايل…..وانا بكون اندمجت في العربية خلاص……وبفهم منها ان صاحبة متجوز… توكه بناتي…..روچ…..بطابيط….اعتقد مستحيل يكون هو اللي عامل في العربية كده ومثبت فيها بطابيط صغيرة!!!!!!!!!!!!!!!!!!!
اعتقد برضو ان احدهم اتعامل معايا علي اني طفلة….. خد باله اني معجبة بشكلهم…..سكت….رغم اني سألته هنروح فين؟؟؟؟
زمزم//رحيم هو انا عبيطة؟؟؟……انت بتكبر دماغك مش سألتك رايحييييين فييييييين
رحيم//ما انا شايفك مندمجه معاهم اوي سبتك انا غلطان
زمزم//هما ولاد خالتك…..بقولك ايه…..خدت كام…. اعضائي اللي رايحين نبيعها دي خدت فيها كااااام
رحيم//عارفة هفتح الباب وهرميكي واخلص منك
زمزم//رايحين فين برضو
رحيم//نفس عمييييق……لازم استحملهاا كائن البتنجان دي……
زمزم//رحيم هو احنا رايحين نعمل جلسة؟؟؟
رحيم//……ايوه
زمزم//مش عارف تستني….تاني يوم علي طول
رحيم//عشان ليه نستني…..الله أعلم اليوم بيفرق ازاي كل يوم بنتاخر فيه…..بنبعد عن اليوم هتكوني كويسة فيه……..
بسكت……يمكن كنت عوزه استني شوية عشان استوعب اللي

بيحصل…….لكن…..اعتقد كلامه صح كده كده التأخير مالوش داعي……بيطبطب علي ايدي اعتقد…..فهم اني خوفت……المكان مكنش قريب…..
اعتقد فكرة لطيفة انه يكون بعيد….معتقدش اني هحب تواجدي فيه بعد كده…..او اشوفو كتير
رحيم//وصلنا……يلاا
بنزل معااه…..يبدو ان احدهم هيعيط دلوقتي…… مينفعش اجري!!!!!!!!!!!!……..حسيت ان الموضوع اكبر مني مكنتش متخيلة اني هخاف كده وقتها؟؟……. بقعد….ورحيم مكنتش فاهمه بيعمل ايه؟؟؟؟……وفي الحقيقي مكنتش قادره اركز ولا افهم حاجة…..كنت خايفة بس!!………
رحيم//ربع ساعة ونبدا…….
زمزم//ماشي
رحيم//متخافيش
زمزم//هنقعد كتير؟؟
رحيم//….لالا هنخلص علي طول
زمزم//انا سامعه البنت بتقولك هناخد5ساعات!!!
رحيم//ولما انتي قاعده وراميه ودنك معانا بتسألي ليه
زمزم//بارد……وانت بتكدب عليا ليه
رحيم//زمزم هطبق وشك وربنا
زمزم//ولا تعرف تعمل حاجة ده انا كنت خليت عمران يكسرك
رحيم//نعم نعم يختي بتهدديني بأبوكي؟؟؟؟
زمزم//ايوه خاف مني بقي
رحيم//هاتي يابت الفلوس اللي دفعتهاااا
زمزم//ولاااااا كأني سمعتك وروح هاتلي عصير
رحيم//خدمتك انااااا ياابنت عمران
زمزم//لا…..السواق
رحيم//قومي من جمبي……متقعديش جمبي يا لازقه
زمزم//انا برضو…..وبعدين انا اللي قاعده هنا من الاول
رحيم//مش هرد عليكي كفايه انك هتبقي عمتو الحرباية اربع مرات…..
زمزم//حسبي الله…….طعنتي في قلبي…..لما الغدر
#//استاذ رحيم…..اتفضل
زمزم//كلم…..يلا اتفضل
رحيم//والله……تعالي
بيشدني من كتفي…..وحقيقي من جوايا…..عيوني كانت علي الباب وبفكر اجري…..اصل ليه اقف مكاني؟؟
بدخل…..وبقعد علي كرسي…..وبيدخل دكتور….وبيبدا يفهمني الجلسة هتمشي ازاي…..وانا كل دماغي في الكرسي وانه مريح يصلح للنوم…..معانا خمس ساعات بحالهم
اعتقد اني كدابة…..او بضحك علي نفسي……بشتت خوفي ووجع قلبي…..مكنتش عارفه هحس بوجع ولالا لكن……اعتقد مفيش وجع ممكن يتساوى مع روحي دلوقتي اللي بتتألم…..ألم طفل صغير…..بكتشف انه ركب كانيولا في ايدي وانا مش واخده بالي؟؟؟؟؟
مكنتش معاهم…..بفكر…..سرحانة….موجوعه…..وجع اول مره احس بيه…..اول مره احس اني في مشكلة مش حواليا……عمران….مهدي….موسي….نديم…. وجودهم كلهم بيطمني…….كنت حاسة اني بدات ابرد!!
احساس مش مفهوم…..بيحتل قلبي وقت الخوف….. بيبدا العد التنازلي للخمس ساعات في عقلي…….كنت حاسة ان دقات قلبي مسموعة للي حواليا
رحيم//لو حسيتي بحاجه وجعتك قوليلي
زمزم//وقتها هنلغيها ونمشي؟؟؟
رحيم//وقتها هنكمل عشانك…..بس ممكن اطبطب عليكي…..اعتقد حل صح؟؟
زمزم//مش عاوز تنام؟؟؟؟
رحيم//لا….انتي عوزه تنامي؟؟؟
زمزم//ايوه
اعتقد الكرسي ده مناسب للنوم……لكن كام شخص قعد هنا وشارك وجعه……وفرحته بأخر جلسة واخر يوم…..بيقف جمبي…..بيقطع تفكيري…..وهو بيسند راسي عليه…..عشان انام……يمكن الايام قاسية بما فيه الكفايه……ولكن رحمة الله بوجود اشخاص فاهمين وجعنا…..بتهون وبننسي اللي بقينا فيه…….
ايده اللي علي راسي…اعتقد هيكون اب ممتاز…..الرفق اللي موجود في قلبه……وكأن المكان كله آمن حتي لو مستشفى!!!!!…….اعتقد بعض من اللطف يكفي…..
رحيم//نمتي؟
زمزم//لا….بس حاسة ان قربت انام
رحيم//لسه خايفة
زمزم//لا
لحظة…..وبنام…..قلبي فعلا كان مطمن……روحي كانت هادية بشكل غريب……كنت مطمنه وانا حاسة انه موجود…..وجود آمن…..للحظة حسيت انه عمران… نفس طريقته…..اعتقد اللي قال ان مشاعر الاب مستحيل تتكرر علينا……نسي رحيم……ويمكن لاحساسي ان يمكن عمران مش موجود…..لكن نفس الحب الابوي…..علي شكل اخ أكبر موجود…..هو اللي دفع أطراف ايدي تمسك في ضهر التيشرت بتاعه…..تقلق خوفي وان مفيش مشكلة……ممكن ننام!!!!!!!!
♡_♡_♡_♡_♡_♡_♡_♡_♡_♡_♡_♡_♡_♡_♡_♡
سيدرة//لسه بهدوم البيت؟؟؟؟؟
مسرة//مستحرمه والله يوم الاجازة يحصل فيه كده كنت ناويه اناااااااام
سدي//نبقي نيجي بدري ونامي ياستي خلصييييي
سيدرة//ايوه يااا مسرة خلصي ده يوم
مسرة//خلاص هلبس وجايه…..يلاا بره انتي وهي
بتحرك من مكاني…..وانا بقلب في الدولاب….مش عارفه البس ايه؟؟…….. وبعد زهق…..بختار دريس بني وبلبسه…….وبقف قدام المرايا
مسرة//ما تخرج من دماغي بقي…….رخم في الشغل وفي بالي كمان
اتجننت؟؟؟؟…..اعتقد كده….بكلم نفسي….دماغي صدعت من التفكير……مؤخرا عايشه في صراع داخلي….بين خوفي….وقلبي…..وكأنه مثلا مستني ردي وواقف علي الباب؟؟!!!!!!!
سدي//خلصتي؟؟؟
مسرة//ايوه……عارفين المكان لو طلع مش حلو هعمل فيكم اييييه
سيدرة//متقلقيش هيعجبك….ولو زهقنا جمبنا شارع شامبليون….والقصر المهجور اللي واقعه في حبه
سدي//بس مش عوزه افتكر شكله ده رعبني
سيدرة//نينينيني…..ده تحفة
مسرة//خلصتوا؟!!!!…….نمشي ولا نكمل قصة القصر المهجور ده….
سيدرة//برضو بتقول قصر مهجور!!!!!!
♡_♡_♡_♡_♡_♡_♡_♡_♡_♡_♡_♡_♡_♡_♡_♡
عمران//يابتول اي كل ده….لسه مخلصناش
بتول//تعالي…هات انت كده الطماطم….يلا اختار قدامي
عمران//حلوة دي؟؟؟
بتول//تعدي…..كمل
عمران//انتي ماسكة عليااا زله!!!!!!!
بتول//يلاا ياعمران عشان نخلص بسرعة
عمران//في حاجة؟؟
هنا باخد بالي انه مكنش معايا……بيوجه كلامه لشخص واقف جمبنا……نظراته علينا….كعادة عمران بحس انه بيسأله عشان يضربة!!!!!
بتول//ده قد ابنك……
عمران//ايه قد ابنك دي…..انا مكبرتش لدرجة جبتهم بس صغير شويه……
الشاب بيبتسم……علي جدالنا…..وبيقرب وهو بيوجه كلامه لعمران……اللي نظراته كانت غريبة….وبدأ يشخصنها مع الشاب!!!!!
#//لو مش هضايقك بس ممكن تجبيلي انتي عشان واقف بقالي ساعه
بتول//مفيش مشكلة يا حبيبي تعاله
عمران//نعم يختي…..ايه حبيبي دي…استني انت يلاااا
لثواني بيتكلم بجد؟؟…….بيتعصب….ونظراته عليا ومضايق……بحس ان الشاب اللي واقف بيفكر ينسحب ويمشي…….وانا عيوني علي عمران…..بحاول افهمه بنظراتي ان الناس عنيها علينا…..وانه ضايقني!!!!
عمران//عاوز تجيب ايه انت!!!
#//شكراً…..هجيب حجات تانية الاول
مش بيستني رد……بيمشي…..وانا بفضل مضايقة….. ده قد ولادي حرفيا!!!!!…..شكله بيقول كده…..بكمل انا من غير كلام……وانا بتجاهل تعليقاته……كلامه…..بركز مع ورقة الطلبات وبس……
عمران//بتول انتي بتهزري؟؟؟…بجد انتي اللي مضايقه
بتول//عشان انا مش صغيرة عشان الناس تتفرج علينا كده عندي اربعه قده……
عمران//ايوه يعني مش فاهم ده سبب؟؟؟؟؟؟؟
بتول//الصبر يارب
♡_♡_♡_♡_♡_♡_♡_♡_♡_♡_♡_♡_♡_♡_♡_♡
رحيم//فايقة؟؟؟
زمزم//….ايوه…..هو خلصنا!!!!!
رحيم//ايوه الحمدلله
زمزم//معقول نمت كل ده؟؟؟؟
رحيم//عادي المهم حاسة بحاجه؟؟؟
زمزم//حاسة اني مرهقة اووي……واعتقد محتاجه اكمل نوم……
رحيم//متقلقيش لحد دلوقتي مفيش حاجة غريبه
زمزم//حاسة ان فيل داس عليااا……
المفروض نمشي…..لكن انا كنت مرهقة….فعلا مكنتش قادره اتحرك…..وهو مكنش مستغرب…اعتقد كان عاارف…..بينسي يقول حجات مهمه!!!!!!…….
رحيم//اشيلك؟؟؟
زمزم//اعملها عشان امو.تك…..هات بس ايدك
رحيم//عادي يا زمزم احنا اخوات!!!!……وبعدين يا ماما بصي حواليكي…..في زيك كتير وطبيعي تلاقي حد ساندهم….او واحد شايل مراته لو فرهوده زيك
زمزم//برضو لا…..وبجد انا تعبانه عندي بخمسة جنيه طاقه مش هخلصهم عليك
رحيم//عندك حق انا بقول كده برضو……..
ولا كأني قولت حاجة…..وكلامي بيطير مع العصافير وبيعمل اللي في دماغه…..وفي الحالات دي بحب يغمى عليا……رغم ان فعلا المكان فيه ناس بحالات مختلفه وقصص مختلفه……إلا ان اعتقد ده المكان الوحيد اللي بين زحمه البشر حوالينا….بيكون معانا شخص واحد بس
بين الصحاب هتلاقي صاحب واحد……بعد سنين من التعب هتلاقي ابن معااك عشان يسندك…..اخ….زوج… اب….كلهم بيملثوا نفس العدد الصغير….اللي قدرنا نخرج بيه من بين الزحمه……واعتقد رحيم كان العدد الصغير ده……العدد اللي بيكون كل الناس بالنسبالنا
الحب الغير مشروط……والدعم….حنية….وضع طبيعي لاي علاقة……اخوات…..يعني سند…..من غير ليه….. ايام مفيهاش شغل…..فلوس بتتصرف مع اقتناع ان الشخص ده مسؤل مني…..جزء لا يتجزء من روحي اعتقد بدأت احس اتجااه رحيم…….احساس مختلف عن انه اخ؟؟؟……إنتاج عمران ده غريب!!!!!!؟؟
♡_♡_♡_♡_♡_♡_♡_♡_♡_♡_♡_♡_♡_♡_♡_♡
عمران//بجد والله مش هتنزلي
بتول//لا مش نازله……
عمران//الطلبات وجبناها……في ايه تاني بقي
بتول//مش عارف بجد في ايه؟؟!!!
عمران//يابتول يعني هو ينفع اللي حصل
بتول//عمران ده ولد صغير
عمران//شاب
بتول//كويس انك عارف
مهدي//في ايه بتنكشوا بعض ليييييه
موسي//قولتي لمين ياحبيبي المرادي….عملتي ايه يابت
بتول//انت مفيش فايده فيك
عمران//انا برضو هو احنا مش اتكلمنا قبل كدا مليون مره
بتول//ده شاااااب صغير انا قد امه……
عمران//وانتي مش امه…..انتي عوزه تعصبيني وخلاااااص
موسي//لالالالا ميصحش يابتول اللي جوزك يقولك عليه اعمليه
بتول//اخرس يلااااا
موسي//تصدقي انا غلطان كنت لسه هدافع عنك
عمران//تتدافع عنها وهي معايا انا؟!!!!!!……انت عبيط امشي جمب اخوك
موسي//لاحول ولا قوة إلا بالله
عمران//مجنون انا ولا اييييه طيب مفيش نزول

النهاردة بقي
مهدي//لاااااااااااا……غلط…..ابنك حبيبك وغلط…… هتاخد علي كلامه……يلاا استهدى بالله وصالحها بسندوتش شاورما لما ننزل
عمران//عاجبك كده…..خليتي اللي يسوى واللي ميسواش يتكلم
مهدي//انا اللي ميسواش؟؟؟؟؟
بتول//انتوا الاتنين مش فاهمه بتدخلوا ليه
بيدخلوا…..وبيسيبونا…..وغالبا بيكون عندنا ايرور من اللي بيحصل……بنبدا نتأكد ان كل حاجة تمام…..الانوار….الفلوس…..كل حاجة……بما اننا عارفين انهم هيخرجوا دلوقتي متصالحين عادي وهننزل
♡_♡_♡_♡_♡_♡_♡_♡_♡_♡_♡_♡_♡_♡_♡_♡
زمزم//هما نزلوا؟؟؟
رحيم//هكلم مهدي وهعرف منه
زمزم//رحيم…..انت مش هتقول لحد
رحيم//ولا كأني سمعت عشان زهقت…..لسه تعبانة
زمزم//لا….حاسة اني كويسة لدرجة بفكر العب تايكوندوا
رحيم//انتي بتتريقي؟؟؟؟؟
زمزم//شوف بس بالله نزلو ولالا عوزه اروح
بيكلمه…..وبيعرف انهم نزلوا……وبيعرفهم انه جاي وراهم…..بيتحرك بالعربية…..وبنوصل البيت…..بندخل وانا جوايا قلق الاقي حد منهم لسه موجود…….لكن
البيت هادي مفيش صوت…….الانوار مقفولة……بسند علي رحيم لحد ما بدخل الاوضة……بيخرج تاني…… وانا بغير هدومي……خرجت الصبح…..ورجعت دلوقتي!…..الاوضة زي ما هي…..مكان رحيم اللي نام فيه…..
تعبانة!!…….كل حاجة فيا مرهقة……دموعي بتنزل….. يمكن دي كانت الحاجه اللي بتريحني…..من احساس جوايا……مكنتش عارفة هكمل ازاي كده!!!…… لسه7جلسات تاني…..مش قادره علي جلسة واحده بس…….هكمل ازاي؟؟؟؟…….بخبي وشي في المخده وانا بعيط……
رحيم//……ادخل؟؟
زمزم//…..ادخل
رحيم//انتي تعبانة؟؟!!!
زمزم//انا مش عوزه اخد الجلسات دي تاني…..اللي يحصل يحصل بقي……..