رواية حليب اسود الفصل التاسع عشر 19 - بقلم الكاتبة شمس السعدي

صباح السكر عليكم احبتـي ..
اعتذر عن التأخير وبارت طويل لعيونـكم 🌹
///// البارت التاسـع عشر /////
#حلـــيـب_أســـود
#الكــاتبة_شـمــس

قيس .. حور صاير شي ليش هيج وجهج انگلب ..
اتقرب منـي وحضني من خصري .. الاولاد بيهم شي ??

حور .. اخذت نفـس وگتلـة ها ماكو شي… .
مااعرف ليش الكلام بالگوة جان يطلع منـي وخايفـة من ردة فعلـة ..
لان اعرف كل رجـال يغار ومايتحمل طليق زوجته يرلسل او يتصـل ع زوجتـة.

خله راسـة برگبتي وبقى يشم بيـة .. اووووف يهالريحـة تگول مسـك وعنبر ..

بلحظة گدر يزيل توتري وخوفـي وماادري ليش ماگتلـة وبعدين فكرت وخفت اذا عرف يفكر غير تفكير ..
احسن شي .
احظر محمد ومااخليه يتصل بعد ..واخلي تواصلـة وي ضرغام ..

اخذنـي الحضنه ورجعنـي للسرير ..
وبدت ملحمـة الخيال ..
اخذنـي بعالم ثاني ..
گال حور اريد اشبع منج .. احس روحي عطشان اروينـي .
وانـي ذايبه بحظنه گتلـة قيس ..
گال عيون قيس ..
وكل كلمة وياخذ رشفه من شفافي ..
خلانـي انجن واذوب اكثر ..
بثواني تجردنا اني وياه من كلشي ..
كانت الغرفـة بيها ضوة النهار جسمـة وحركاتة الي اشوفهن مو مثل الليل.. وهذا الشي زادني شغف اباوع عليه راح بعالم ثاني ومغمض عينـة حسيت بي وبحرمانه .. كان يتلمس جسمي بشهوة وشغف كل مرة يحسسني كأنه يلمسني الاول مرة ..

بعد ماكملنا انطيته ظهري وهو حظني من ضهري وخله وجهه برگبتي ..
گال حبيبي جعتـي ..
حور .. لا قبل شويه تريگنا ..
قيس .. بس اني جعت ?
حور .. اگوم اسويلك شي .. وگمت عنه ..
سحبني العندة جوعان عليج وبعدني ماشبعت ..

راد يتقرب اكثر دگ جهازه ..
رد عليه ..
اي خليه يمك شويه ونازل ..

رجع حضنـي وغفـة برگبتي خليته براحته بس شنو بقيت مثل الصنم وشبعانه نوم مااگدر اتحرك ..

بس بقيت اراقب انفاسـة واباوع الايديه الي محاوطتنـي ..
رفعت راسي وباوعتلة ..
يبوووووي شنو انت متگلي ..
وجهك هذا مابي تجاعيد قويـة ومابي كلف .. تگول شباب اكثر مني ..

حسيت بي غفـة .. گمت ع كيفي ..
دخلت للحمام سبحت ..
وتذكرت فرشاة اسناني مادخلتها وياي .
اكو بالحمام مجر فتحته انواع الماسكات وسنفرة وشغلات للبشرة ..
ضحكت ع روحي .. بحياتي ممخليه كريم الوجهي وشوف هو شلون محافظ ع بشرته ..
اكو سيت فرش مال اسنان اخذت وحده منهم واستخدمتها .
كملت طلعت ولفيت جسمـي بالمنشفـة ..
طلعت ثوب قصير شيفون احمر فوگ الركبه ..
ونشفت شعري بالمنشف ماگدرت افتح المجفف وهو نايم ..
بقيته رطب ..
نزلت ع اطراف اصابعي لجوة ..

اخذت فرة بالبيت بعدين رحت للمطبخ ..
سديت البردات ..
خفت لاواحد من الحمايه يشوفني ..
فتحت الثلاجة انواع الخضروات واللحوم والمعلبات ..
فكرت اني اسوي عشا ..
كانت الوقت قرب ع العصريات ..

طلعت لحم شرح ..
دكيتة حيل بالمطرقه .. وتبلته وشويته بالمايكروف ..
اكو خردل سويت فوگاه صوص الخردل يطلع طيب مع الستيك ..
وسويت سلطـة وشوربه بيضه ..
لاحظت قيس يحب هيج اكلات خفيفه ..

دااقطع بالخضروات ..
شفت قيس واگف بباب المطبخ ويبتسم ..
لك شنو هالروايح الحلوه ..
من شفتج ماهي يمي ضجت بس الروايح نستني ضوجتي ..
اجه تقرب يمي سبقته ولفيا ايدي ع رگبته ..
قررت اضوگك اكلي اكيد مليت من اكل المطاعم ..

قيس .. اي بعلـي لعبت نفسـي .. بس هم مايهون مرتي تتعب وتطبخ وهي بعدهي عروس ..

تلمس شعري . ليش هيج رطب الجو بدا يتغير ويبرد لاتتمرضين ..
حور .. اي ماردت ازعجك واطلع صوت من اجففه ..
قيس .. جان اخذتيه وسويتي بأي مكان . نومتـي مو اهم من صحتج ..

كمل الاكل لو بعد .. متت جوع
حور .. دقايق ويجهز .. بس احمي الصمون لان بالمجمده وماكو. بس صمون كهربائي تاكل عادي ..

قيس .. لاااتركيه اني راح ادز الولد يجيبون .. اووووه شلون نسيت گلت للولد انتضر واخذتني النومه ..

لبس قميص وطلع بره ..
شويه واجه .. بيدة علاگة صغيره ..

اني رتبت الطاوله ..
باوعلي ويضحك .. انتي ناويه تخبليني شلابسة مو هيبتي ضاعت وذبت بلبسج هذا ..
حور .. غمزتله .. مادامك يمي انسى القاضي قيس ..
هنا انت حبيب حور وبس ..
قيس .. اويلي يابه الحگني رحمه على روحك الجبرتني وخليتني انتظر نصيبي وحصلت هيج حوريه ..
ضحكت ع كلامـة ..

شويه واجه الصمون راح جابه واجه ..
اول مابدأ بالشوربـة . غمض وياكل .
سحب ايدي وباسها ..
كملنا اكل وهو ياكل ويگلي عاشت الايادي ..

بعد ماكملنا فتح العلاگة الصغيره .. طلع منها سيم كارت گال هذا الج وذاك راح احرگة الج ..
استغربت من ردة فعلـة ..
باوعلي .. حبيبتي اني واثق بيج .. بس ذاك الناقص ماارتاحله ومن يدز رسائل عباله يخرب بينا .. يتصور عقلي مثل عقلـة هالمتخلف ..

ردت احجي .. سكتنـي فعلا انحرجت ..
قيس .. عاذرج لان خبيتي عليه وخفتي لان ماتعرفين ردة فعلي ..
بس اني من اول مادزها شكيت هو من وجهج ..
لزم ايد گال حور .. لو اتفـه شغله تصير وياج لازم اعرفها اني مو شك وانما احب تصارحني بكلشي يخصج وتعتبريني اقرب شخص الج ..

حور .. ان شاء الله واسفه لان خبيت بس ماردت اضوجك باول يوم النا ..
قيس .. ماصار شي .. واني هم اتصلت عليه وگتله حور مسؤوله مني عندك شي وياها تتصل عليه ومااسمحلك تتصل عليها او دزلها رساله حتى اولادك اني او ضرغام يجيبهم الك ..

فعلا حسيت بندم وضجت .. شلون هيج خطأت وخبيت عليه وهو شوف شلون ردة فعله وياي ..
#بقلمي_الكاتبة_شمس
……………………………………………
اخذت موبايلي . فتحته وطلعت السيم كارت وكسرته وخليت الجديد ..
ابتسملي ..
اول شي اتصلت عليه ..
حتى يحفظه يمه ..
وكتبت رساله ودزيتها الاهلي وصديقاتي وبس ..

رتبت المواعين .. گال يلـة گومي خلينا نطلع ..
وين ??
نجيب الجهال ..
تحجي صدگ ..
طبعا صدگ .. ادري بيج اشتاقيتليهم .. وحتى نطلع من الصبح منا گبل وماتصير علينا فره ..

صعدت بدلت لبست سترة وتنوره چويتي وقميص ابيض جواهم وحذاء ابيض وشال مشجر ابيض وجويتي ..
خليت مكياج فاتح ..
شافني .. گال معقوله هاي الحوريه الي ..
ضحكت وتقربت منـة ..
غنيتله ..
نا... أنا كلي ملكك... انا كل حاجه حبيبي فيه بتناديك
انا... انا مش بحبك... الحب كلمه قليله بالنسبه ليك
انت فرحه جت لعندي بعد عمر من التعب
في السعاده الي بعاشها انت السبب
ضحكتك عقلك جنونك والحنان الي ف عيونك
هوصف ايه واحكيلك ايه…

خرررب يومـج انتي الي جنيتي على حالج وهيجتي الاسد سحبني بحركـة سريعه من خصري وخلاني ع السرير ..
صار فوگاي ورفع نفسه ويباوع عليه ..
من فوگ لجوه .
گال خلينا نبقى غيرت رآي ..
ضحكت سحب ضحكتي بشفافه ..

اباوعله انگلب شخص ثاني وعيونه حمر وعرفت فعلا جنيت ع حالي ..

گتلـة لاقيس حباب بدلت وتشيكت وتالي ارجع اسبح مره ثانيه وابدل ..
قيس .. منو گلج تغنيلي وتذوبيني ..
اكو احد گالج حركي مشاعر انسان من اصحاب الكهف وصارله سنين محروم .. وتهيجين الاسد الي بداخله ..

ضحكت ع كلامـة ..
راح اگوم لان انطيتج كلمه .. بس لاعبالج فلتـي مني اطلبج شوط ثاني من نرجع ..

حور .. هههههه وين احنه بملعب ..
قيس .. اي انتي بملعب قيس والحكم والمدرب وحارس المرمى قيس ..
حور .. هههههههه وانـي شنو ..
انتـي المرمـى الي اهدف بي وضحك ..
بالاول مافتهمت بعدين فتحت عيوني وضحكت ..
دفعته وهو نام ع ظهرة وطاگ من الضحك ..

حور .. والله عبالي فقير بس طلعت ماشاء الله ..
قيس .. ههههههه اني فقير وي غيرج بس وياج انتي مرتي ولازم اطلع كل امكانياتي البدنيه والعاطفيه وال…..

حور .. كافي لاتكمل حباب راح تخبلني ..
قيس .. صحيح اني مو هين .. قضاة ومحاكم هازها مخبلهم كلهم ومحد يگدر يغلبنـي ..
بس وياج لا اختلف .. انت القاضي والحاكم مالتي ..

حور .. لزمته من خدة وگتله ربي مايحرمـني منك . ويقدرني الاسعادك ..

قيس .. امين يارب خليني اگوم بسرعه لان خطيه الولد منتضرينا هسا ..
حور .. ليش انت خبرتهم ..
قيس .. اي من طلعتي وهسا همه مبدلين تلگيهم ومحظرين جنطهم ..

بدل بسرعه ..
لبس تشيرت ربع وبنطرون جينز اسود وسترة سودة ..
تعطر وتشيك ..
گال جاهز تفضلي سيدتي وفتح الباب ..

نزلت واني اضحك ع تصرفاته .. حيل معجبني مو نفسه الي بالمحكمه والجاد ومايضحك ..

صعدنا بسيارته والحمايه ورانا ..
وصلنا البيت اهلي ..
وفعلا لگيت جهالي مبدلين ومنتضرينا ..
بوست ماما وحضنتها ..
وسألتني عليه .. گلتلها وردة .
رفعت اديها للسما .. ومالت ربي يسعدج ويهنيج طول العمر ..
حور .. يارب ..
اجت ايمان سلمت .. وگالت وج حور هاي يوم واحد هيج صرتي الي يشوفج يگول بنت العشرين صايره تخبلين ..

گلتلها شكرا .. وماما تقرأ المعوذات بگلبها ههههههه.
ايمان .. صدگ حور الاسبوع الحاي افتتح الصالون وانتي صرتـي مرت قاضي . مو تنسين ماتشتغلين عندي .
القريب اولى وصديقتي شغلها يخبل تعالي وجربي ..

حور .. الله كريم ..

اجه صفاوي .. يلـة ماما خلينا نروح .. مستعجلين ولدي
سلمت ع زياد وماما وطلعنا ..
دخل الجنط بالسياره وهمه صعدوا بالورى ..
السيارة كانت عاليه وفرحانين اول مره يصعدون بهيج سيارة ..

واحنه بالطريق باوعلهم بالمرايا قيس ..
شباب وين نروح هـسا ..

اشو جهالي ماصدگوا .. الي يگول للمول والي يگول للكورنيش ..
وقيس وياهم منطلق ..
شلـة شباب وصفوا عليه هههههه .

اخذهم للمول عشاهم لان رحنا وقت عشا ..
وهم طلب للحمايه مالته تعشوا ..
كملنا اخذهم فررهم واشترالهم العاب ..
اگله كلشي عندهم ببيت اهلي ومن نرجع نجيبهم بس هو اصر يفرحهم ..

اخذنا كرزات وحبشكلات ورجعنا للبيت ..
اول ماوصلنا البيت ..
صفنوا اولادي .
دخل السيارة لجوه ..
نزلوا وعينهم ع الحديقه والبيت ..
رضاوي .. ماما حنعيش هنا ..
حور .. اي ماما عجبكم ..
صفاوي .. يخبل ..
قيس .. هذا بيتكم منا وجاي وسويتلكم غرفه وحدكم ..
همه مايحجون بس يضحكون ..
فتحت الباب ودخلنا ..
وهمه اشتغلت عندهم الجوله التفتيشيه ..
ماخلو مكان ماشافوه ومبهورين ..
وخلصوها وااااو واااو ..

گالهم يله نشوف الغرفه ..
صعدو وراه ..
فتحهلم الباب والضوه ..
فتحوا عيونهم .
كلمن اختار سرير وكنتوره ..
ويضحكون ..
اني وقيس واكفين ع باب الغرفه ..
باوعوا القيس .. وگالوله شكرا عمو واجو باسوه ..
#بقلمي_الكاتبة_شمس
……………………………………………
گالهم راح اصعد جنطكم حتى تبدلون وتنامون لان ورانا سفر من الصبح ..
هزوا براسهم ..
صعد قيس الجنط وراح الغرفته ..
همسلي راح احظر فلم وحبشكلات وانتضرج مو تتأخرين
هزيتله راسي بأبتسامه ..
رتبت غراضهم وملابسهم بالكناتير ..
وگعدت اوصيهم واعلمهم ..
انه مايشاغبون ..ومايلمسون الغراض واذا رادوا شي غرفتنا مقابيلهم بس يدگون الباب ميدخلون ..
وهمه بس يهزون راسهم ..
گال صفاوي ..ماما بس نفتح التلفزيون شويه ع كارتون ومن ننعس ننام حبابه ..
حور .. ساعه بس واجي اطفي ..
رضاوي .. اي بس ساعه ..

شغلته الهم ..
وكل واحد بفراشه نايم ويتفرجون .
طفيت الضوه وخليت بس الخافت ..
بوسوني بوسات هوائيه وطلعت ..

رحت لگيت قيس گاعد ع السرير .. ومحضر كرزات وعصير ..
وخلي فلم بال DVD  ..
اجيت بوسته بخدة وگتله شكرا حبيبي ..
باوعلي .. على شنو يروحي ..
حور .. ع تعاملك وي اطفالي وخليتهم يحبوك بسرعه .
قيس .. ذولي صاروا ولدي واي شي اسويه الهم مااقبل تشكريني عليهم وگرص خدي ..

گاله ثواني ابدل واجي ..
گال طفي الضوه وبس بدلي ملابس الي فوگاج لاتلبسن ثوب وكذا مااريد ..
خجلت منه ..
وسويت مثل ماگال وعيونه تراقبني ..
اجيت يمه جوه البطانيه .. سحبني الحظنه ..
وشغل الفلم .. كان فلم اجنبي رومانسي ..
مااعرف منو وشوكت جابه ..
بس الفلم بي رومانسيه مفرطه .. خلته هاج عليه وكملنا الفلم على طريقتنا هههههه ..
بعدها رحت خليت شي على جسمي ..
باوعت للجهال غافين . طفيت التلفزيون وطلعت .

رجعت للغرفـة وغطيت روحي بحظنه ونمت ..
ومن الصبح گعدنا قيس ..
لان متعود يگعد من الفجر يصلي ويشرب قهوة ويلعب رياضه ..
گال يله حبيبتي ورانا طريق .
گتله راح اگوم اسويلك ريوگ ..
قيس .. بالطريق ناكل شي لاتعبين نفسج ..
راح اسبح بين ماتصحصحين .
لان كان عرگان من الرياضه ..
گعدت الجهال .. وحضرت ملابسهم وغسلتلهم وبدلتلهم ..
رجعت حضرت ملابسي اني وقيس والي نلبسهن هسا .
طلع دخلت اني سبحت وطلعت لگيته مبدل ..
بدلت ع السريع ..
لبست جينز وقميص لگيتة منزل الجنط ..
طلع من الكنتور نضارات حلوه گال هاي الج حبيبتي ..
گتله هاي شنو شوكت اشتريتهن استغربت ..

قيس .. هاااا لايروح بالج بعيد والله البارحة وصيت الولد يجيبوهن ..

ضحكت وبوسته ..
نزلنا اولادي فرحانين وطايرين ..
فعلا صرنا عائله حلوه ..

قيس يوصي بالولد يگلهم خلو ابو احمد ومرتة يجون للبيت قبل مانرجع انطيكم خبر تتصلون عليهم ..

وهواي وصايا بعد ..
كمل وصعدنا .. وكان اثنين ويانا راحوا والباقي بقوا يم البيت ..

اتوجهنا الاربيل .. وكانت اول مرة اسافر بيها الاربيل .
بالطريق نرلنا بمطعم تريگنا ..
اباوع القيس شلون يخلي الاكل گدامهم ومهتم بيهم ..
ربي الحمد والشكر الك ..
اذا هذا جزائي بعد بلائي بمحمد فالحمد والشكر الك .
وراضيه ببلائي وعذابي الي مريت بيهم ..

وصلنا الاربيل ..
وكان قيس مستأجر شقه گال حتى ناخذ راحتنا .
اول ماوصلنا تعبانين ارتاحينا والحمايه مستأجرلهم بفندق قريب گالهم روحوا ارتاحوا وتونسوا من احتاجكم اتصل .
كان يتعامل وياهم عبالك ولدة مو حمايته وهذا الي كبرة بعيني زيادة ..
انسان متواضع بشكل وماعنده تكبر ..
لان هو يبين مغرور وشايف نفسه بـس الي يعاشـرة يعرفـة ..

تجولنا وتونسنا .. وهو لابس برموده وي الاولاد ويلعبون بالمي والشلالات ..
وشايل رضاوي ع متنـة لان يخاف يدخل المي ..
وشوي شوي الى ان حسسه بالامان ..

حسيت جهالي تعلقوا بي زيادة بهذا الاسبوع الي گضيناه بأربيل ..
قبل منرجع .. اخذني واشترينا هدايا الاهلي ..
واخذ الولد اولاده گال لان راح يجونا الاسبوع الجاي ..
من گال راح يجون كلهم حسيت بتوتر ..
ومااعرف ليش خفت ..

بعد اسبوع رجعنا البغداد ..
كان البيت مرتب ونضيف ..
وصولنا صار المغرب ..
احنه اكلنا بالطريق ..
اولادي بسرعه بدلوا وناموا من التعب ..
واني وقيس هم سبحنا ونمنا بسرعة من التعب ..
بس مفوتها .. گعد صلى الفجر وكمل ورجع ياخذ حقه منـي ..
گال هسا يله گومي اسبحي وصلي ..
طبعا بسببه صرت مواضبه ع الصلاة بأوقاته ..
لان هو يصليها بأوقاتها .. حتى بالدوام
ومن شافني اتكاسل اگوم ..
كان يحاول يخليني اصلي بوقتها بصورة غير مباشرة ..
بحجة اريدج تدخلين الجنة وياي وتبقين حوريتـي هناك ههههههههه ..
وكان يگلي اذا صليتيها بوقتها راح تحسين براحة نفسيه وترتاحين ..
وفعلا ارتاح من اصليها بوقتها ..
بعد ماكملت واجيت بحظنه ..
شفتـة يوقت المنبه ب 8 ..
گتله عندك موعد ..
قيس .. اي حبيبتي الموعد ب 9 ولازم نگعد من وكت .

رجعنا ع نومتنا وگعدت ع صوت المنبه ..
نزلت سويت ريوگ وحضرته ..
ورحت گعدتهم ..
تريگنا وكملنا ..
اتصلوا عليه الحمايه ..

گالهم خليه يدخل ..
وطلع من الاستقبال ودخلة ..

اجاني گال حبيبتي سوي جاي وماي ..
وغيري ملابسج وتعالي ..

استغربت .. تركت جهالي ع الطاوله .
ورحت بدلت بسرعـة واجيت .

سويت الجاي ودگيت الباب ..
قيس .. ادخلي ام مصطفى ..
دخلت وگلت السلام عليكم ..
رد عليه الرجال ..
وعليكم السلام ..
وكانت گدامهم اوراق ويتناقشون عليها ..
اشرلي قيس ..
گال تعالي يمي هنا ..
خليت الجاي وگعدت مستغربـة ..

بقوا يسولفون واني مافاهمة شكو ..
تالي انطاني ورقـة گال وقعي وابصمي هنا ..

اخذت الورقـة باوعتلها انصدمت ورفعت راسي بتساؤل القيس ..
#بقلمـي_الكاتبـة_شمس
يتبع………..

االاغنية من تصميم واهداء متابعـة ويانا يسلم ذوقها 🌹