رواية حليب اسود الفصل الثاني والعشرون 22 - بقلم الكاتبة شمس السعدي

بارت مفاجئ لعيون السهرانين 🌹💕
///// البارت الثاني والعشـرون /////
#حلـــيـب_أســـود
#الكــاتبة_شـمــس

انصدمـت من شفت ايمان عدنا ..
ليش ماراحت الاهلـها . وليش اختارت تلتجأ الي واني وياها مو على وفاق ..

طبعا قيس رحب بيها وماحجـة شي ..
قيس .. اهلا وسهلا ام هيبت اعتبري البيت بيتج .. وواذا ع الخلافات هاي شغلات بسيطه تنحل ان شاء الله.
ايمان .. رحم الله والديك خويه .. ياشغلـة بسيطـة .
شفت مكالمتـة بعيوني ..
كاتب عليها انفاسـي ..

قيس .. گولـي يالله ومايهون عليه بيته واولاده افتهمي منه احسن ..

انحرجت من قيس حيل .. اتزوجت حتـى يرتاح ويستقر واني جاي احملـة فوق طاقتـة ..
هو استأذن وراح الغرفتـة ..

واني بقيت يمها تبجـي وتتوعد ..
حور .. باعي ايمان انتـي مو تشكين بي وتطلعين اكو عندج دليل .. يمعوده زياد يموت عليج مستحيل يسويها
وانتي شلون تتركين جهالج وتطلعين ..
زياد يدري بيج ..

ايمان .. لا مايدري خليت الجهال نايمين وهو طلع واني لميت ملابسي واجيت ..
حور .. زين ليش اجيتي لهناك مارحتي الاهلج ..
ايمان .. صدگ تحجين شنو هاي طردة ..
حور .. مو طرده بس اني زوجي غريب وماصار هواي من تزوجنا واستحي منه ..
ايمان .. اجيت لهنا لان ادري زياد مايندل بيتكم ولاراح يفكر يجي لهنا .. مااريد اشوفه هالخاين . انتي شسويتي من محمد خانج . المفروض انتي اكثر وحده تحس بيه ..
حور .. محمد من خاني عندي دليل واثبات عليه ..ورحت البيت اهلي واخذت جهالي رغم اخوي مايريدني بس طلبت مساعدته وردتهم همه الي ياخذون حقي ..

ايمان .. لاتخافين حور مااگعد على گلبج اعرفة اخوج وماتنطين بي . كلها يومين واروح الاهلي اتحمليني ..

اوووف مااعرف شأحجي اجيبها منا تجيني منا ..
صعدت لفوگ ..
شفت قيس يگلب بالتلفزيون ..
شافني گال .. ها شگالت ..
حور .. يعني شتگول مصرة عنده وحدة ..
قيس .. حور مو تزعلين بس من خلال خبرتي بالناس اعرفهم من عيونهم هاي مرت اخوج مو خاليه .
ومامرتاحلها ..
وهذا كلامي ماعليه ببقائها هنا بالعكس اخليها ع راسي اهلج همه اهلي بس اني احجي بصوره عامه ..

سكتت وماحجيت لان فعلا انحرجت من قيس ..
اخذت موبايلي ورحت الغير غرفة اتصلت ع ماما .

-الو ..
-ها ماما شبيج .
-شبيه ياامي وج هاي ايمان ماخذة ملابسه وماندري وين موليه وزياد ماخله واحد ماسأله حتى اهلها مايدرون عنها . واخوج شرار بعيونه ويتعود الها ..

-ماما ترى ايمان عندي ..
-شنو .. شتسوي عندج
-اجت زعلانه تگول متعاركه هي وزياد .
-اي اذا زعلانه ماراحت الاهلها انتو شنو
-مااعرف يوم . قابل اطردها .
-لايمه عيب من رجلج شيگول . اني اخلي زياد يجي ياخذها ..
-ماما ماتقبل تگول يخوني ..
-وج مگرود يزياد شو مخليته خاتم بأصبعها بعد وين يگدر يخونها ..

سديت الاتصال من ماما .. ورحت القيس گتله راح يجي زياد خبرت ماما لان ممخلين مكان ممدورين عليها بي ومايدرون بيها من طالعه ..
حتى اهلها انخبصوا خطيه ..

قيس .. روحي يمها حبيبتي عيب .. اني راح اروح يم الجهال جاي يلعبون بلي شفتهم اگعد يمهم شويه .
وانتي اي شي تحتاجيه للعشا گولي ..

بوسته وگتله ربي مايحرمني منك ..
نزلت الايمان شفتها بالمطبخ جاي تاكل ..
گالت جوعانه لسا بلا غدا ..
طلعتلها فواكه ولبن من الثلاجة .. وگعدت يمها ..
گالت حور انتي محضوضة ..
شفتي شلون الله عوضج . بيت ورجال درة وحمايه وكل الي بنفسج يجيج ..

حور .. ايمان السعادة مو بالفلوس والاملاك السعاده بالحب والكلمه الطيبه والتفاهم .
ايمان .. والله الي ماعنده فلوس مايسوه بهاي الدنيا .
حور .. لاتگولين هيج انتو نعمه من الله عندكم وزياد يحبج ليش هيج تسوين . ليش دائما شيسويلج ويجيبلج ماتقبلين وتطمحين للاكثر ..
ايمان .. حور انتي ماحسه شلون تجي الفلوس . كل الي ترديه يجيج . يعني تردين تقنعيني لو ما قيس عنده فلوس جان عشتوا مرتاحين ..
حور .. اتركي قيس .. اني عند محمد ماينطيني الربع بس كنت راضيه بعيشتي ومرتاحه وقانعه ولو مهتم بيه ومامتزوج عليه .. كانت سعادتي لاتوصف ..

وسعادتي وي قيس مو بالفلوس بس لان رجال من صدگ ويحبني ومقدرني وهدا الاهم عندي ..

لاتعتبريني اخت زياد وداانصحج ..
اعتبريني امرأة عانت بحياتها وشافت هواي .
وعندها تجربه بالحياة ..
حتى اذا اكو وحده بحياة رجلج ومادام ينكر ومايريدج تعرفين معناها لسا يدور رضاج ..
حاولي ترجعيه الحظنج ولاتخلين وحده ثانيه تخرب بينج وتاخذة منج ..
وبالاول اگعدوا وتفاهموا ..

واحنه دا نسولف نزل قيس ..
گال زياد بالباب اجـة . لان دايما الحمايه يگلوله من يجي احد ..
#بقلمي_الكاتبه_شمس
………………………………… ..
هي ارتبكت وگامت .. شمعرفـة اني هنا. وليش گلتليهم بقت تعاتب بيه ..
حور .. اهدي شبيج لازم اگلهم اهلي واهلج گالبين الدنيا عليج .. لهذا شفت الاحسن اگلهم ولايبقون بقلق وتوتر .

دخل زياد ووجها مايتفسر ..
هي دخلت لجوه ..
گالها اوكفي . والتفت النا وتعذر ..

گتلـة زياد خليني احجي وياك قبل لاتحجي وياها ..
دخلنا اني وياه للاستقبال ..
حور .. زياد ايمان تشك عندك وحدة .. وحقها من تزعل اذا اكو هيج شي اتركه قبل لاتخرب بيتك ..
زياد .. حور رحمه لهلج لا تتدخلين .. عندي وحده ماعندي هذا يخصنـي .. وانـي مامقصر عليها بشي ..
حور .. ليش مااتدخل .. مو انت نفسك ذميت محمد وحجيت عليه لان خاني .. شلون تقبلها ع نفسك وتحرمها ع غيرك ..
زياد .. حور انتـي شبيج .. مااخاف ولاانكر اني حبيت وحدة بس حب من طرف واحد ..
حور .. شلون يعنـي ..
زياد .. يعنـي البنيه ماتريدنـي وماتقبل ترتبط بيه رغم طلبتها للزواج .. بس هي رافضه ..
حور .. منو هي نعرفها احنه ..
زياد .. مو مهم تعرفيها .. بس ارتاحوا الانسانه الي احبها طلعت اوفى منى وصدتنـي .. ولان اني ضجت وحاولت مااحسسها بشي وارتاح فترة ..
هي بقت تضغط عليه لمن طلعتني عن طوري وگامت تخترع بكيفها وتگول اني اروح انام عند الي احبها ..
واني والله لمس ملامسها .
هن مرتين حجيت وياها وصدتني .. وهددتني اذا اوصللها لهذا اني تخبلت لان حبيتها ومارادتني ..
حور… اووووف مااعرف شأكلك بس لاتخلي نزوة تهدم حياتك بيتك ومرتك اولى بيك . واني شفتك من زعلت ايمان ع الصالون شصار بيك ..
فلا تخلي الشيطان يخرب بينكم ..

صفن عليه وگال .. حور انتي يمته كبرتي وصرتي قويه هالشكل ..
حور .. ههههههه ضحكتني . الدنيا علمتني اشكال والاهم من هذا خلتني اعرف من اوگع شلون اگوم واستمر .
زياد .. الله يريح بالج بس صيحيلي هاي الخبله خليني اتفاهم وياها واخذها عيب من الرجال انفضحنا يمه ..

طلعت من الاستقبال وشفت الاخت گاعده تضحك وتسولف ولاعبالك رجلها خاينها وجايه زعلانه ..
بس گلتلها زياد يريدج عفست وجهه ودخلت ..

قيس .. ها بشري ..
سولفت القيس كلشي ..
قيس .. ههههههه وهاي مرته طلعته متزوج وعنده كم جاهل ..
حور .. شعندها تضحك وتسولف وياك ..
قيس .. اشم ريحة عطاب مال غيرة شكو ..
حور .. طبعا مااغار بس لان تعجبت .
قيس ..اصلا ماضحكت وياها وشفتيني انتي لان ماتعجبني المره الي تطلع اسرار بيتها لبرة ..

سمعت صوت وبجي ..
وطلعت تستنجد بينا وتگول كذاب خلي نروح للامام ونحلف ..
زياد .. شنو احلف طفل عندج اني ..
قيس .. ياجماعـة استهدوا بالله . اگعدوا وخلونا نتفاهم .
اذا تعتبروني اخ الكم ..
اسمعوا مني ..
باوعلي وگال سويلنا جاي حتى ندفئ الگلوب .. ويبتسم ..
رحت سويت جاي وكالعادة حبيبي وقاضي گلبي گدر يحل الخلاف بينهم ..
وايمان طبعا اي شي يگللها قيس تگله موافقه .
ضوجتني حيل .  بيومها نصرع راسنا منا لمن طلعوا ..

بعد ماتعشوا عدنا .  قيس اخرهم گالهم عشا صلح هذا
طلعوا رتبت البيت بسرعه وحضرت ملابس الدوام ..
وسبحت وبدلت واجيت يم حبيبي ..
ورغم التعب بس ماتركني الى ان اخذ شوط ونام ..

بقينا ع علاجنا اني وقيس ..
وكنت مترقبـة شوكت يخلص الشهر واشوف النتيجة ..
وعبالك فعلا اول مرة بحياتي انتظر طفل ..
بس هذا الطفل غير .
راح يكون ثمرة زواجي وحبي لقيس ..

وصيت ماما ع جهاز اختبار من رجعنا من الدوام .واخذت الجهال نطتنيا ..

انتضرت قيس خلص غدا وصعد هو والجهال ..
اخذته وذحلت للحمام متحمسـة ..
الثواني صارت ساعات وادعي واناجي ربي ..

والفرحة ماسايعتنـي من شفت خطيـن ..
گمت اگمز بلا وعي وبعدين انتبهت ع روحي ..

طلعت ولاكأنه شي صاير ..
ماردت اگول الاي احد قبل مااخبر قيس ..

صعدت للغرفة ..
قيس .. ها حور حبيبتي يالله ننام منتضرج ..
اجيت بحظنه وكاتمـة فرحتي بالگوة ..
ردت اسويله مفاجأة بيوم عيد ميلادة مابقى كم يوم اله بس مااعرف شلون راح اصبر ..

بيوم عيد ميلادة ..گعدت العصر شفت قيس يبدل يريد يطلع ..
گال القاضي راضي بالمستشفى مريض اروح اشوفه وارجع محتاجه شي ..
نطيته بوسـة بالهوا .. الله وياك حبيبي .

استغليت فرصـة غيابه ..
اتصلت ع فرح گلتلها اريد احتفل اني وقيس .
تگدرين تاخذين الجهال يمج بس الليله وباجر اخذهم وهمه هم ضايجين يغيرون جو يمكم ..

فرح .. من غير متگولين بس شنو المناسبه كتلني الفضول .
حور .. اگلج بس متگولين ..
فرح .. دگولي فتيتي گلبي .
حور .. اني حامل ..
ماسمعت بس عياط فرح .. اي صدگ هذا الخبر يستحق الاحتفال .. راح ادز ضرغام ياخذهم جهزيهم .
واحنه اصلا ناوين نروح للزوراء اليوم خطيه البنات ضايجات ..

بين مابدلوا الجهال وفرحانين لان حيطلعون .
كتبت ورقـة بالاحتياجات ولبست حجابي ..
ودگيت الباب فتحها .. واحد من الحمايه اسمه ماجد يثق بي قيس هواي .
گال تفضلي عمة محتاجه شي ..
اي اذا متصير زحمة اريد هاي الطلبات من برة وياليت ابو امجد ميعرف لان مفاجأه.
شفته ابتسم وافتهم السالفه ..
گال صار .. انطيته الفلوس وراح ..

اجه ضرغام اخذ الجهال من الباب وراح ..
اني استغليت الفرصـة لبست فستان اسود طويل وبي جاكة جانبيه ع طول الرجل ..
ومفتوح الصدر ..
رفعت شعري كلة وخليت مكياج سموكي ..
رتبت الطاوله وخليت شموع وورد من الحديقـة ..
جاب ماجد الغراض ..
گتله خليهم بالحديقه واني اخذهم .
من طلع لبست شال ورحت دخلتهم وقفلت الباب ..
طلعت العشا رتبتة ..
ووصيت ع گاتو صغير .. خليته بالمجمده .
شويه وسمعت صوت سيارة قيس ..
ركضت فتحت الباب ..
شافتي فتح عيونه ..
هو اني ناقص ياحور بلا كلشي مااشبع منج ..
سحبته من ايدة وگتله ..
اشششش اليوم شي خاص ..
قيس .. شكو
حور .. ميصير نحتفل اني وزوجي حبيبي .
قيس .. هي ايامنا كلها احتفال ولايهمج . بس الجهال وين .
حور .. اخذتهم فرح وياها يردون يرحون للزوراء .
#بقلمي_الكاتبه_شمس
……………………………… .
قيس .. شكو حور اليوم تردين تنفردين بيه  ..
حور .. ههههههه يعني قاضي وتحكم قضايا كبار وتالي تخاف منـي ..
قيس .. يعمي كلي الج ليش هو يبقى قاضي من اصير بحضنج ..
هههههههه ضحكني ..
تعشينا وكملنا .. شلت المواعين .
گتله هسا اجيك ..
رحت طلعت الكيكه وشعلت بيها شمعه وحده ..
واجيت شافني ضحك ..
بوسته وگتله كل عام وانت بالف خير حبيبي ..
قيس .. هههههه عيد ميلادي . حور تحجين صدگ من اني صغير محد سوالي دور من شيبت وعندي احفاد اسوي .
حضني وگال مو اگلج انتي فرحتي ..
حور .. اعذرني حبيبي مالگيت هديه تليق بيك .
قيس .. انتي هديتي وهذا الي سويتيه كلش كافي .
حور .. لا لازم هديه وهديتي الك هاي .  نطيته جهاز الاختبار ..

صفن بوجهي وگال شنو هاي ..
استحيت .. يعني ماتعرفها .
قيس .. لا شنو ..
حجيتها بخيبة امل . هذا جهاز اختبار حمل ..

ضحك گال يعني حامل . هزيت راسي ..
حضني وشمني .. اااااه ياحور واخيرا
حور .. ههههه الي يشوفك يگول ماعندك اولاد ..
قيس .. عندي بس سبق وان گتلج ماحسيت بالابوة وقليل تواجدي وياهم كبروا وصاروا بطولي ومااستمتعت بلحضات طفولتهم ..
اسمعي دوام ماكو وراح اخذلج اجازة ..
ها واي توتر ماكو ..

حضنته .. قيس لاتكبرها . اراجع الطبيبه واشوف شنو تگول .. بس ياليت ماتگول الاحد .
قيس .. وليش مااگول قصدج اولادي ..

گومني ورحنا گعدنا ع القنفة ..
حور صدگ كلما اريد افتح موضوع انسى .
امجد شعنده وياج ..

من گال هيج استغربت معقوله هو الي شافنا ..
حور .. منو گلك .
قيس .. وفاء . سامعته وهو يهدد بيج . صحيح هذا الحجي .
حور .. اي .
قيس .. وليش ماگلتي خايفه . يعني لو ماگايله وفاء وجانت خايفه عليج جان ماادري .
حور .. ماردت اسوي مشاكل.
قيس .. انتي اهم من المشاكل حور عندي  ..وفاء ماحجت التفاصيل بس گالت امجد هددج .
حور .. زين اذا شافتني ليش مااجت وتدخلت .
قيس .. ماكو شي يأثر بأمجد . لهذا اريدج تتجنبيه .
امجد نزرع بي الحقد من هو صغير حتى اني ساعات احسه يكرهني وعلم اخوانه ع الحقد ..
لهذا بس اني الي اگدر اوكف بوجههة .
ونبهت عليه من رحتلهم انه يتركج. ومايتعرضلج .
عرفتي هسا ليش ردت اضمن حقج . والحمد لله سويت هيج علمود ابني الي جاي .. وكانت ايده تلامس بطني .
حضنته وگتله يله خلينا نقطعرالكيكه ونحتفل ..
#بقلمي_الكاتبه_شمس
يتبع… ..