رواية حليب اسود الفصل الثالث والعشرون 23 - بقلم الكاتبة شمس السعدي

مساء الورد🌹🌹🌹احبتـي..
///// البارت الثالث والعشـرون /////
#حلـــيـب_أســـود
#الكــاتبة_شـمــس

//// بعد ثمانيـة أشهـر ////

قيس… هههههه هلا بالبطريق مالتـي ..
حور .. كنت دا انزل الدرج بتعب .. وقيس يضحك عليـة ويگلي بطريق ..
فتحلـي ايدة ..
وگعدت يمـة .. ااااخ قيس احس روحي راح تطلع .. اول مرة يصير هيج بيه واورم .. اولادي ابد مورمت بيهم ..

گام يمسد على بطنـي ويحجي وي بنتـة .. ها باباتـي ليش هيج متعبـة امج .. وج اني مااتعبـها بگدم وحارم روحـي هالايام علمودج ..

ههههههه ضحكنـي .. باس گصتي وگال هانت ..
ماتخلينا نجيب الحجيـة يمج هنا .
خاف بأي لحظة تطلگين واني بالدوام وماكو احد يمج ..

حور .. اي والله محتاجتها يمي اتصل عليها واشوفها ولو هي ماترتاح الا بغرفتها ..
قيس .. لا ماتگول خلينا نروح العصر نجيبها ..

رجع باوعلي .. همزين اخذتلج اجازة قبل ماتكبر بطنج ..
اتخيلج بالدوام وتمشين هيج مثل البطريق ..
يضحك عليـة ..

حور .. قييييس لاتعيب مابقى شي بس اجيب وارجع مثل قبل والا احرمك مني ..
قيس .. ههههه تگدرين اعرف شلون اخذ الي تريده بطريقتـي وحتى بدون مقاومـة .. ههههههه .

طلعا قيس واني بشهر السادس اخذلـي اجازة بدون راتب لان يگول مااحب تكبر بطنج والعيون تراقبج يغار حضرة القاضي ..

قيس .. حبيبتي عندي قضيـة مدوختني اروح اطلع عليها بالمكتب بين ماتجهزين نفسج انتي والجهال ونطلع ..
حور .. ع راحتك حبيبي بس خلينـي بالاول اتصل ع ماما وانطيها خبر ..

صحيت اولادي من النوم .. وراحو سبحوا وبدلوا ..
اني هم بدلت لبست تلبيسـة وعليها سترة ..
وهمزين اني طويله لو قصيرة وبهاي بطني جان صرت طوبـة ..

اتصلت على ماما ..
هلو ماما شلونج ..
هلو حور شلونج ..
شنو هاي الهوسـة ..
هاي الجهال وهنا فرح هسا اجت عندها مراجعه للدكتور راح تخلي البنات وتمشي ..
حور .. خطيه اليوم يعرفون جنس الطفل مو .
ماما .. اي متحمسه تدريها منتضره شگد علمود تحمل ويصير عندها ولد ..
حور .. ربي يرزقها بالولد . هي وضرغام يستاهلون .
اگلج ماما احنه هم راح نجي .. اريد اجيبج يمي هنا .
ماما .. لا ياامـي تدرين بيه استحي وماارتاح الا ببيتي .
حور .. ماما اني بشهري واخاف ع ساعه اولد ومحد يمي واصلا قيس هو الي طلب مني . وهو دوام ومن يجي يتغدا وينام يعني ممتواجد هواي ..
ماما .. الله كريم دتعالوا ويصير خير خلي تجي اختج من الدكتوره ونشوف ..

نزلت القيس خبرتة ..
قيس .. حبيبتي اذا تحبين افرغلها غرفـة المكتب واخليلها بي سرير وكنتور وتلفزيون لان هي ماتگدر تصعد ..
حور .. ماادري خلي تجي والله كريم ..
ها ماگتلك اليوم فرح وضرغام راح يعرفون جنس الطفل ومتحمسين خطيه ..
قيس .. الله يرزقهم بالولد الصالح يستاهلون اثنينهم ..

رحنا البيت اهلـي ..
دخلت وفتحتله باب الاستقبال ودخلته ..
صحت زياد يمه ..

اجت ايمان سلمت بس اني مارديت .. وقيس هم رد بثگل لان زياد گاعد وماردنا نوتر الامور ..

دخلت الماما بالغرفـة وسلمت عليها وسولفتلها ع صلافـة ايمان ..
ماما .. اهمليها ياامي واصلا هي شايخـة من يوم الي سجل زياد حصتـة بأسمها ..
حور .. اوووووف اسكتـي يوم لاتذكريني تالي تعب بابا وبيته يصير بيد هاي ..
ماما .. خليني اروح اسلم ع الولد عيب منه ..

راحت ماما واني بقيت بمكانـي اتذكر الي صار قبل كم شهر ..
من ايمان شكت بزياد يخونها وصالحها ورجعوا ..
بس هي ماسكتت ..
وبقت تدور وراه وتراقبـة ..

ويوم من الايام .. سمعنـا عياط جاي من المحل ..
ركضنا .. ولگينا ايمان نايمـة فوگ صديقتها ومسويه وجهها خرايط ..

بالگوة گدر زياد يسحبها من البنيـة ..
ايمان .. عوفنـي ياناقص .. تخونـي وي صديقتي . الله حبني واخذت الرقم وتالي من دگيته بجهازي طلع رقم نيران ..

احنـة تفاجأنه ..
نيران .. والله ماعندي شي وياه والله . وج ايمان احنه ربينا سوه ماتصدگيني شلون اخونج ..

ايمان .. تف عليج ياناكرة . وج باقيه مدمغه الاخوانج وجبتج هنا حتى تطلعين مصرفج وتخلصين من ظلمهم تالي تلوفين على رجلـي ..

نيران .. والله ماعندي شي وياه هو يلاحگني وكم مرة طردته وردت ابطل منا بس وين اولي ومنين اصرف .

زياد .. ايمان هدئي ماكو شي بينا ماانكر اني ردتها بس هي ماقبلت وردتني وهذا السبب خلاني اضوج وابتعد هي مالها ذنب ..

شمرته ايمان بالمشط .. الله لاينطيك گدامي وتحجي بيها تخوني وي صديقتي تريد تتزوجها عليه ..

نيران .. ايمان خلص لاتخربون بيتكم علمودي .. اني ماراح اجي بعد لهنا وانت الله لايوفقك لان خربت بيني وبين صديقتي وگطعت رزقي ..

ايمان .. ولي منا تتمسكنين . اذا ماانتي غاويته وتخابريه ولج شفت مكالمتج وكاتب عليج انفاسي ..
بس الصوج بيه دخلتج البيتي وامنت بيج ..

نيران .. هو الي يتصل واني اتصلت بي مرة وحده وگتله لاتتصل بعد عليه وهددته وحتى حضرته ..
اني شعليه اذا هو رجلج ناقص وماحافظ ع العشره .
حتى لو مو اني يمكن غيري .
وانتي السبب هم حتى توبين تدخلين وحده البيتج مادام تعرفين رجلج عينه زايغه ..

رجعت هجمت ع نيران .. والله الا افضحج يم اخوانج واخليهم يذبحوج ..

نيران .. لا حبابه ايمان والله مااخليج تشوفين وجهي بعد بس اخواني لا يفضحوني لا ..

بقت تتوسل بايمان وتالي بقت تدعي واخذت غراضها وطلعت ..

فعلا قهرتني ارمله ورادت تعيش . بس الزمن اغبر ومارحمها ..
وزياد السبب . حبها واتعلق بيها .. وصار حبه لعنة الها خسرها صديقتها ورزقها ..
#بقلمي_الكاتبة_شمس
……………………………… .
بيومها البيت انگلب وصارت هوسه .. واني وفرح لازميها وهي تهد ع زياد وتريد تروح البيت نيران ..

تالي زياد من حبه النيران .. گالها لاتأذيها .. وكل الي ترديه يصير ..
ومستعد اتركها واشيلها من بالي بس اهدي ولاترحين ..

هي صعدت الغرفتها تبجي ..
وبعد يومين من هاي المشكله .. عرفنا زياد سجل حصته بأسم ايمان حتى يسكتها ..
گدرت تلعبها صح .. ماكانت تهمها مصلحتها وبأنه رجلها خانها .. الي تريده صار ..
مافكرت ليش انطاها زياد الحصه .. اكيد حتى ماتأذي تيران وهذا دليل حبه الها ..

من يومها زياد معتكف وضايج .. ومرات يگول لو ادري رايح خاطبها من اخوانها ومأجرلها شقه وحدهي ..
حتى ماتگدر ايمان تأذيها او تهددها ..

رغم ماما تمرضت من سمعت بالتنازل وتخربطت . لكن گالت هاهي المهم مايخسر بيته واولاده ..
ويمكن اني هم سبب بهذا التنازل ..
لان ضغطنا عليه اني وماما وگلناله . حرام تتزوج ع مرتك وتشتت اولادك . ارضى بطلباتها وحافظ على بيتك ..
وانطيته مثل محمد وشصار بيه من شتت عائلته ولهسا لاطفل صار عنده ولامرتاح حسب مااسمع ..

بس هذا كله بجهه ..
واتصالات ايمان على قيس بجهة .. كانت دايما تتصل عليه وتگله اريد نصيحتك لان انت قاضي وساعة تگله اريد اخلعه ..
وتكررت اتصالاتها حتى بنص الليل . لدرجه زرعت الشك بيه وعشت ايام وليالي خايفه من تكرار تجربه الخيانه ..
من غير مااعرف منو المتصل ..
كان قيس يفصله وينام ومايرد . بس هذارالشي زرع الشك بيه ..
هو كان غرضه يجنبني الاحراج لان زوجة اخويه ..
تالي من وحده اجه سولفلي وگال اني ساكت لان زوجة اخوج ومااريد اسببلها مشكله ..
گليلها خلي تبطل اتصالات ورسائل .  اني مو محامي اذا تريد استشارة تشوفلها محامي يفيدها بهيج شغلة ..

من سمعت دمي فار ..
واتصلت عليها ورزلتها وگلتلها بعد اذا اتصلتي او اتقربتي من عائلتي احجي كلشي الزياد ..
بعد ماهددتها بطلت وماما هم مرزلتها وماقابله عليها ..
هي بطلت ..
بس من يومها گمنا قليل نروح الاهلي .. ماعدا الفترة الاخيره .
وگلنا اكيد استحت وبعد متراوينا وجهها بس هاي الصلافة بعينها .. كانت تسلم علينا ولاكأنه شي صاير .
واني بقيت مااحجي وياها لليوم ..

قطعت افكاري فرح وهي فرحانه وتعيط ..
وج حور واخيرا .. طلع ولد بيه ولد . وعيونها تدمع من الفرح ..
حضنتها ونبجي سوة من الفرح ..
گالت گوموا يله ..
حور .. وين .
فرح .. معزومين كلكم ع العشا نطلع بمطعم . بمناسبه مجئ ولي العهد ..

رحت سلمت ع ضرغـام وباركتله .. والفرحة ماسايعته ..
عزمنا للمطعم كلنا ..
قيس خبر ماما وگالها اريدج يم حور ..
وهي ماعارضت لان تستحي ..

لمت ملابسها وغراضها .. وقفلت غرفتها وطلعنا .
هي صعدت ويانا ..
وبيت زياد هم اجو بس بسيارتهم ..

نزلنا بمطعم تعشينا وتونسنا .. وضرغام گال راح اسميه جود من زمان عاجبني الاسم ..
وگمنا نصيحله ابو جود .. ونور تضوج تگول لا اسمه ابو نور هههههه .

استغلينا الفرصه اني وفرح وخليناهم ياخذونا مناك للمول
كملت احتياجات مسرة .. هذا الاسم اختارة قيس الها .
وفرح مثل الي مشايفه شتشوف تريد تاخذه الابنها ..
قيس گاللهم من هسا اگلكم غرفـة جود عليه لاتشترون .
وكانت هاي ابسط هديه للفرحة الي شايفتها ع وجههم . وخاصه همه لو شمااسوي ماارد افضالهم .
ضرغام وفرح مااجازيهم مدى حياتي ..

رجعنا للبيت وماما ويانا ..
كانت صعبه عليها تصعد لفوگ لان مفاصلـها يوجعنها ..
اول يوم فرشتلها بالاستقبال ..
بس قيس ضاج ورفض ..
ودخل الولد الحمايه مالته ..
نزلوا سرير وكنتور من الغرف الفوگ ..
وفرغلها مكان بالمكتب مالته . وخلاه الها حتى تاخذ راحتها ..
ماما من النوع الي تستحي وتخجل ..
وكل ساعه وگالت .. قلقت راحتكم ..
قيس يضوج ويگلها اصلا البيت منور بوجودج ..
شويه شويه الى ان تعودت ..

اما اني فگمت اغار من مسره .. اخذت اهتمام قيس .
قيس .. حور الغرفـة كبيرة مالتنا جيبي كنتورها وسريرها هنا .
اخاف يم اخوتها تبجي ومحد يگعد وتختنگ .
حور .. حبيبي طبعا راح اخليها هنا هذا الهزاز مالتها يمي لان طفله مااتركها وحدها بس السرير الكبير والكنتور راح يبقن بغرفة اخوانها ..

بس قيس عاند .. وصار الي يريده .. خلـة الكنتور مالتها والسرير بغرفتنا ..
يگول مسرتي تربى مقابلي ماتبتعد عني ..

من هسا بدت غيرتي من بنتي .. رضاوي هم يغار ويگول مااريدها .
بس قيس گام ياخذهم ويطلعم وياه ويشتريله ويگله كلما تحب مسره وتهتم بيها اشتريلك كل الي تريده ..
من هنا تغيرت معاملته وقلت غيرته ..
واقترح قيس انه اهتم ب رضاوي وهو يهتم بمسره .. مايدري راح هو من كيفه يشيلها وينطيها الي بالليل في سبيل ينام ..

هسا اني الي 16 يوم بالتاسع .. وماكو اي ولادة .
لليل نايمه وبدون الم طلق او اعراضة ..
حسيت بمي جوايه ..
الفراش كلة مي ..
طفرت بسرعه وگمت واحس حنفيه وتجري ..
صحت قيس الحگني قيس راح اجيب ..
#بقلمي_الكاتبة_شمس
………………………………
خطيه اول ماشاف منظري تخبل ويمكن اول مرة يشوف مرة تجيب گدامـة ..
مايعرف شيسوي ..
يروح منا ويرجع منا ..
گتله انطيني گلبيه من الكنتور بسرعه ..
بدلي هو بنفسه ..
وخلا الشال ع راسي ..
باوع الروحة بس بالفانيلا ..
رجع اخذ تشيرت وبنطرون بسرعه لبسهن ونزلني ..

گعدت ماما وخطيه طفرت من ورى قيس وتوترة زين ماانجلطت من الهبطه ..
المشكله اي الم ماعندي .. ولادااعيط واخوفه وهو هيج متوتر ..
گتله الجنطه نسيتها فوگ محضره ع سرير مسره .
جابها ونزل بسرعه .
حرك السيارة ..
ووصى الحمايه ع الجهال لان نايمين .

مااعرف شلون يسوق خطيه من التوتر ..
وصلنا للمستشفى..
فحصوني گالوا المي خلص وماعندج اي اعراض ولادة .
واذا بقيتي هيج تخسرين الطفله .
لازمج عمليه هسـا ..

تخبل قيس وگال للدكتوره حوليها خاص ماتسوي هنا ..
حولوني عمليه بالخاص ..
وقبل ماادخل لزمت ايده ..
گتلـة قيس .. اولادي امانـة عندك .
باس راسي .. حور لاتگولين هيج اتدمر راح تجيبين وتطلعين بالسلامه وانتي تكبريهم وتشوفيهم زلم وتزوجيهم وبعد مسره وياهم هم .
كان يبتسم ويحاول يخفي توترة ..
حضنته وشميته حيل ..
ودخلت ..
تمشي واقرأ ايات وادعيه ..
اجه دكتور التخدير خلالي المخدر ويحجي وياي حتى يلهيني ويزيل التوتر .
بس اني احس شريط حياتـي كله گدامي .
شلون جبت اولادي وفرحتي بيهم محمد وخيانته وقيس وحبه ..
باوعت البابا اجاني وانطاني طفله منوره تخبل ..
گال هاج باباتي تتربى بعزج ..
واني دموعي تنزل واگله بابا اشتاقيتلك .
شفته اختفى ..
واسمع صوت قيس وفرح وماما .. يصيحون بأسمي ..
اني اسمع بس مااگدر اشوف شي ..
صحت قيس .. وينك .
-اني يمج حبيبتي حمد لله ع سلامتج . وباسني براسي
-قيس بنتي وين عايشه .
-اي كلشي مابيها وتخبل مثل فلقـة القمر ..
-وينها مااشوفها ليش مااشوف ..
-هذي اثار البنج هسا شويه وتشوفيها ..
-لاتعوفني الزم ايدي ..
-هاي لازمج والله مااعوفج ..

واسمع اهلي يضحكون وفرح تگول عبالك گدامنا فلم تركي ..
شويه شويه الى ان صحيت .. مخليني بغرفه خاصه وحدي وبس اهلي ..
الالم موتنـي لازم العمليه واون .
گلتلهم اريد شي يسكن الالم راح اموت ..
قيس .. هسا دزيت ع الممرضه راح تجيبلج ابره .

ماما جابت مسره وگالت باعي شوفي مسره ..
حبيبتي تخبل . مدنفشه وبيضه حيل ..
واشوف قيس شلون يباوعلها وطاير بيها ..

للصبح گلتلها ماما روحي انتي يم الجهال وماتگدرين هنا تبقين . هاي فرح يمي ..
قيس .. زين راح اوصلها وابدل واجيج ..
واجيب بطريقي ريوگ وعصير وبسكت الج ..

راحوا كلهم بقت فرح يمي ..
بقيت يوم واحد وطلعوني للبيت ..
وكان البيت مزين وينتضرون الاميره الصغيره ..
ماگدرت اصعد نمت بسرير ماما ..
واولادي وبنات فرح يباوعولها وممصدگين وفرحانين .
لان من زمان ماعدنا طفل صغير بعائلتنا ..
ورضاوي يقلد عليها ويگول محلوه . عيونها صغار ووجهه جبير ..من غيرته ..
قيس خله خمس الاف جوه راسها وگاله هاي من مسره الك .
وهو فرح .. وگام كل شويه يدور جوه راسها ..

ومسره تخبل تگول ماما شايله جمالج من كنتي صغيره
فرح .. يعني قيس يحبج اكثر لان طلعت تشبهج وتغمز .
قيس .. همزين ظهر الحق وزهق الباطل بعد لاتگولين اني احبك اكثر ..
ومن كل عقلي احلفله واگله اني احبك والله ..

قيس متخبل عليها وبجي متلهف من الدوام حتى يشوفها ..
اتصلت وفاء وباركتلنا . وگالوا باجر نجي كلنا ..
من سمعت امجد راح يجي ضجت وتكأبت حيل ..
مااعرف ليش من يجي اسمه اتوتر واضوج ..
#بقلمي_الكاتبة_شمس
يتبع……