تحميل رواية «هم الكبير» PDF

رواية هم الكبير الفصل الواحد والعشرون

وهنا يتصل رءيس المباحث علي ضاحي.

رءيس المباحث. خلاص يا ضاحي كله تمام تقدر تبلغ العمده بكل حاجه واهم حاجه يعرف أن البنات مش بناته حسب التسجيل اللي سجلته نجلاء.

ضاحي. والله معارف الراجل هيتحمل كل اللي حصل كيف.

ليغلق ضاحي الهاتف مع رءيس المباحث ليتصل علي العمده ويبلغه كل شيء.

العمده. الحمدلله ان العجارب دول مطلعوش بناتي الحمدلله.

ضاحي. يعني أنته مش زعلان.

العمده. زعلان طبعا وكيف مزعلش وانا عيشت معاهم سنين كتيره من عمري بس الحمدلله على كل حال.

ضاحي. طاب ابجا روح الجسم عشان الباشا عايزك.

العمده. حاضر.

ليغلق ضاحي الهاتف مع العمده ليتصل علي حازم ويبلغه بكل شيء.

حازم. اللهم اضرب الظالمين بالظالمين واخرجنا من بين أيديهم سالمين.

ضاحي. عايز حاجه تاني نفسي اجعد مع خطيبتي شويه.

حازم. عايزك تروح السرايا وتطمني علي جدي وتجوله يجهز نفسه عشان الحج.

ضاحي. هيا غاليه هتطلع معاه.

حازم. تطلع معاه كيف وبتها علي وش ولاده.

ضاحي. طاب واحنا هنتجوزو كيف وعمي ف الحج.

حازم. ضاحي مش وجتك نخلصو كل اللي ورانا والجواز مش هيطير المهم روح زي مجولتلك.

اما الحج ابراهيم فكان يجلس مع ابنته ثريا.

ابراهيم. شفتي يا بتي اللي جري الطمع وجله الدين خلي الناس يموتو بعضيهم.

ثريا. ربنا يسترها يا ابوي بس عايزه اجولك حاجه العمده هيجعد فين بعد كده اصل ضاحي جاللي أنه حلف مهيدخل بيته تاني.

ابراهيم. والله معارف يا بتي اجولك ايه رءيك يجعد ف البيت الشرجي اهو كده كده فاضي ونضيف ومفروش.

ثريا. ياريت يا أبا.

ثريا. بعد اذنك كت عايزه ازور تجي بت اخت ضاحي.

ابراهيم. وماله يا ابوي روحي.

اما ضاحي فها هو يتصل بحازم.

ضاحي. خد كلم جدك.

الجد عثمان. كيفك يا غالي اتوحشتك يعني باولدي نبجو ف بلد واحده ومنشوفوش بعض.

حازم. هانت يا جدي هانت جوي إنشاءالله المهم انته صحتك زينه.

الجد عثمان. الحمدلله.

حازم. طاب عايزك تجهز حالك عشان الحج جرب.

الجد عثمان. انشاء الله بس كت عايز اخد العمده معاي عشان ربنا يرضى عليه.

حازم. وماله ف خلال يومين إنشاءالله كل حاجه تخلص المهم ادعيلي يا جدي.

الجد عثمان. ربنا يراضيك ويرضي عنك يا ولدي.

حازم. الله دعوه تشرح الجلب.

ضاحي. ايه معايزنيش اعملك حاجه تانيه حاكم انا شغال عنديك.

حازم. له خليك بس ف السرايا لغيت ما اخلص واعاود.

ضاحي. اجي معاك طيب.

حازم. له خليك انته حسن وعثمان معايا.

ضاحي. ربنا يسترها عليكم.

ويمر الوقت وف بهو فندق كبير وجميل نجد أن قسمت تقف مرتدية ملابس فاضحة وتشعل سيجارا وبيدها كاءس من النبيذ وبجانبها والدتها ووالدها.

ليقترب منهم رامز.

رامز. ايه الجمال ده كله.

قسمت بتعجرف. ميرسي فين فيروز.

رامز. زمانها جايه.

قسمت. خلاص روح انته انجوي.

رامز. اوك بس متنسيش حقي.

قسمت. اكيد طبعا.

ليتركهم رامز ليتجول ف الفندق.

جايده. انتي فعلا هتديله نسبه.

قسمت. نسبه ايه ده ف أحلامه تعالي نروح عند فيروز.

جايده. طاب انتي هتعملي ايه ف السرايا بتاعتك.

قسمت. السرايا ديه هديه ليكي انتي وبابي.

ليذهبو حيث تقف فيروز.

قسمت. يا تري فيروز هانم مستمتعه معانا.

فيروز. وايت والله الأجواء جميله.

فيروز. ياله يا جماعه ميعاد امضاء العقود جهزو المنصه الرئيسيه.

وبعد أن اجتمعت قسمت مع فيروز لامضاء العقود وقبل أن يشرعو في الامضاء نجد أن رامز يقف علي المسرح ليقول.

رامز. والان مع المفاجأة الكبرى.

لينظر الجميع إليه ليظهر حازم في ابهي صوره مرتديا حله رماديه ويبدو في منتهي الوسامه.

حازم. يا تري عقود ايه اللي هتتمضي.

رامز. اصل السيده قسمت خيل لها انك لاقدر الله ف عداد الاموات فكوشت علي كل حاجه.

ليصفق حازم.

حازم. برافو عليكي مبتضيعيش وقت يا قسمت.

قسمت بهستريا. مستحيل انته مين.

حازم. أنا حازم الحديدي ايه نسيتيني تعرفي اني اقدر اسجنك انتي واهلك بتهمه التزوير لكن انا هكون رحيم معاكم عشان خاطر ولادي بس.

حازم. قسمت هانم انتي طالق بالتلاته اه وكمان انا سحبت منك كل حاجه ومن ابوكي حتي الفيلا والسرايا ومافيش قدامكم غير شقه هتعيشو فيها ومبلغ تصرفو منه غير كده في سجن وبهدله.

عدنان بتهته. انا انا.

حازم. خلصنا قفل الليله يا رامز ياله يا فيروز ياله يا بنات.

حسن. لاء كل واحد ياخد عروسته.

قسمت. يعني ايه يعني ايه كل حاجه راحت مستحيل مستحيل.

حازم. ده نتيجه طمعك.

جايده. طاب واحنا ذنبنا ايه.

ليضحك حازم.

حازم. امك باعتك ف لحظه.

لتصرخ قسمت بصوتا عاليا ثم تضحك وتقول.

قسمت. أنا قسمت المانسترلي صاحبه مصانع السيارات محدش هيقدر ياخد مني حاجه.

رامز. الحق ديه اتجنت.

حازم. متتجنن يخصني ايه انا ياله بينا عملت تشيك اوت لفيروز من الفندق.

رامز. اه تمام.

حازم. طاب ياله عشان راجعين البلد.

رامز. طاب مقولتش هيقعدو فين.

لينظر حازم الي عدنان.

حازم. هتاخد مراتك وبنتك وتروحو تقعدو ف شقه المعادي واه بالمناسبه انا سحبت كل الارصده اللي تخصكم ف البنوك بس سيبتلكم تلاته مليون تعيشو منهم عشان بس تعرفو اد ايه كنتو عايشين ف نعمه كبيره لكن للاسف ماصونتوش النعمه.

حازم. واحب اعرفكم بفيروز زوجتي المستقبليه.

لتصفق له قسمت.

قسمت. أهنيك يا حازم باشا انته اللي كسبت.

ثم تقترب من فيروز لتطعنها لتسقط فيروز أرضا.

حازم. عملتي كده ليه يا مجنونه.

قسمت بهستريا. ما انا كده كده ضايعه وخلاص خسرت كل حاجه.

ليحمل حازم فيروز ثم يضعها في سيارته ليذهب بها الي المشفي لكن دموعه كانت تغلبه.

حازم. متخافيش يا حبيبتي إنشاءالله هتكوني بخير.

اما رامز والبقيه فهم خلفه في سياره اخري وقبل أن ينصرف رامز أمر الحراس بالتحفظ علي قسمت وعاءلتها الي أن يبث حازم في أمرهم.

وها هو حازم وصل الي المشفي ليضع فيروز علي ترولي ليراها الطبيب.

حازم. طمني يا دكتور.

الطبيب. محتاجه عمليه الجرح غاءر.

حازم. اعمل اي حاجه المهم فيروز تكون بخير.

وبعد أن صف رامز السياره نزل الجميع ليدخلو المشفي.

دنيا. اختي فين هيا بخير.

حازم. إنشاءالله هتكون بخير.

سما. احنا ايه بس اللي دخلنا بينكم انتو ناس اغنيا ف بعض ما احنا كنا عايشين مرتاحين.

حازم. عندك حق انا السبب ياريتني كنت مكانها.

عثمان. ادعولها يا جماعه مش وقته الكلام ده.

حسن. الدكتور خارج من العمليات اهو.

حازم. طمني بالله عليك.

الطبيب بابتسامه. الحمدلله الجرح كان ف الدراع وقدرنا نوقف النزيف وخيطنا الجرح وماشاء الله مريضتنا قويه هما حالا هينقلوها غرفه الافاقه وساعتين وننقلها غرفه عاديه حمدالله على سلامتها.

حازم. انته متاءكد مافيش خطر عليها.

الطبيب. اطلاقا يا افندم صدقني هيا بخير.

وتمر الساعات وها هيا فيروز بدءت تستعيد وعيها لتنظر حولها لتجد حازم جالسا بجانبها.

فيروز. انا فين.

حازم. حمدالله على السلامه يا بطل.

فيروز. ايه اللي حصل.

حازم. المجنونه ضربتك بالسكينه انا السبب حجك عليا ياجلب حازم وعجله.

فيروز. طيب يا جسمت الكلب والله اخف بس وهعضك.

ليضحك حازم عليها لتحاول فيروز أن تتحرك لتؤلمها يدها.

فيروز. اه دراعي.

حازم. انا هنا جنبك اهو يا جلبي.

فيروز. بطل برود يعني جعدتك جاري هتشيل عني الوجع.

حازم. ده انتي فصيله.

فيروز. ريجي ناشف عايزه اشرب.

حازم. حالا ياروحي.

فيروز. بطل نحنحه وهاتلي اطفح رجاله ايه ديه يا اخوي.

حازم. طيب حاضر.

فيروز. اخواتي فين.

حازم. قاعدين برا.

فيروز. وايه الاوضه الكبيره جوي ديه ديه جد بيتنا.

حازم. ده جناح يا جلبي.

فيروز. فلوسك كتير يا اخوي معيزاش انا جناحات ومبحيش المشتشفيات روحني.

حازم. بس انتي نزفتي دم كتير.

فيروز. جصدك اني مبجاش عندي دم كله من غوله الجبل جسمت.

حازم. خلاص بجا.

فيروز بغيره. ايه ده انته زعلان عليها اطلع برا.

حازم. اتهدي بجا.

فيروز. هتطلع ولا امشي انا.

حازم. صبرني يا ربي.

رواية هم الكبير الفصل الثاني والعشرون

فيروز. ربنا يصبرنا جميعا.

حازم. طيب انا ماشي عندي شويه حاجات هعملها عايزه حاجه.

فيروز. اه خلي بالك علي نفسك.

اما رجال حازم فها هم قد ذهبوا بقسمت وعائلتها الي الشقه.

مدحت. اح رجال حازم الشقه جاهزه من كل حاجه والتلاجات مليانه وبالمناسبة حازم باشا بيقول بلاش تحتكو بحد واي حاجه عايزينها البواب ومراته تحت امركم.

لينصرف مدحت ليؤمر أحدي رجاله بمراقبه الوضع.

قسمت. ايه ده بقا انا اعيش هنا.

جايده. ايه يا عدنان متتصرف.

عدنان. هتصرف اعمل ايه يعني ما انا كنت بقول بلاش وكنا عايشين ف خير الراجل.

جايده. اسمعي يا قسمت انتي تسافري الصعيد عند ولادك وتعملي أنهم وحشوكي وانك عايزاهم يعيشو معاكي.

جايده. وطبعا محدش يقدر يفرء ام عن ولادها ووقتها حازم غصب عنه هيرجعلك كل حاجه عشان ولاده يعيشو ف نفس مستواهم.

قسمت. انا لازم اتصل علي مدحت عشان يبلغ حازم ويترجاه.

لتتصل قسمت علي مدحت لتبلغه ماتريد.

مدحت. هكلم الباشا وارجع لحضرتك.

مدحت. الوه يا باشا فيروز هانم بتقول انها عايزه تسافر للاءولاد عشان وحشوها.

حازم. حقها ومحدش يقدر يحرمها من ولادها تاخدها بنفسك يا مدحت وترجعها تاني مفهوم.

مدحت. أوامر حضرتك.

حازم. وممنوع تحتك باءي حد هناك.

مدحت. حاضر يا افندم.

ليغلق مدحت الهاتف مع حازم ليبلغ قسمت بموافقة حازم علي سفرها.

قسمت. اوك انا هجهز حالا بس انته خليهم يجهزو الطياره.

مدحت. طياره ايه يا افندم احنا هنسافر بالعربيه حسب أوامر حازم باشا.

قسمت. طيب اوك.

اما فيروز فكانت في المشفي وحولها إخوتها وعثمان وحسن اخوه حازم.

دنيا. حاسه بوجع ولا حاجه يا اختي.

فيروز. حاجه بسيطه الحمدلله.

سما. الف سلامه عليكي الحمدلله انك امك معرفتش كان زمانها بهدلتنا.

فيروز. الحمدلله.

لتنظر فيروز الي حسن وعثمان.

فيروز. هو انتو ايه اللي مجعدكم وسط الحريم مرحتوش مع اخوكم ليه.

حسن. صاحب العقل يميز.

فيروز. مش فاهمه.

عثمان. الصراحه يعني احنا طالبين الجرب ف الجمرتين خواتك.

فيروز. والله عيله مجانين.

حسن. خلصي بجا وجولي اه.

فيروز بخداع. اه اه اه.

حسن. الف مبروك وافجت.

فيروز. مين ديه اللي وافجت انا بجول اه من وجع دراعي ياله يا حلو منك ليه اطرجو عايزه انام.

دنيا. متوافجي بجا حن عليكي.

سما. فيروز طيبه وحنينه وهتوافج صح يا رزه.

فيروز. طيب بطلو وش موافجه بس اصبرو لما اطيب عشان اكلم امي واجيبلكم موافجتها.

حسن. يحيا العدل ربنا يخليكي لينا يارزه يا جمر انتي.

عثمان. طاب ممكن طلب.

فيروز. جول خلينا نخلص.

عثمان. ينفع ناخدو الجمرات نفسحوهم.

فيروز. بس خلو بالكم عليهم ومتغيبوش.

وبعده عده ساعات تصل قسمت الي سرايا الحديدي لتدخل قسمت لتجد أطفالها يلعبون.

قسمت بتمثيل. ولادي حبايبي وحشتوني.

الطفل بسام. ابعدي عننا احنا مش بنحبك احنا مش عايزينك.

لتخرج عليهم غاليه.

غاليه. عيب كده يا بسام امك حبيبتك.

بسام. لو سمحتي يا تيته خليها تمشي.

قسمت. وانتي يا مليكه نسيتي مامي.

مليكه. انا مش بحبك انتي وحشه.

قسمت. انا مامي يا مليكه.

مليكه. يا تيته بقا خليها تمشي انامش عايزها.

غاليه. اتوكلي علي الله يا بتي واصبري شويه وربنا يهدي الحال.

لتخرج قسمت مسرعه وتتصل علي والدتها.

جايده. عملتي ايه.

قسمت. ولادي ببكرهوني ورفضو يرجعو معايا بس وانا راجعه.

جايده. وهنعيش منين.

قسمت. انا حولت التلاته مليون علي حساب بابي وكمان عندي شويت مجوهرات.

جايده. طيب تمام.

لتغلق جايده الهاتف مع قسمت لتتحدث الي عدنان.

جايده. بقولك ايه بنتك حولتلك الفلوس وكمان سايبه مجوهراتها هنا تعالي ناخدهم ونسافر بعيد.

عدنان. فعلا خلاص قسمت مبقاش ليها اي لازمه.

جايده. طاب ياله قبل مترجع.

عدنان. طاب ورجاله حازم.

جايده. هنخرج من سلم الخدامين معلش بقا يا قسمت احنا مش حمل الفقر.

وبعد عده ساعات تعود قسمت خاليه الوفاض وتتحدث مع نفسها.

قسمت. ايه اللي انا عملته ف نفسي ده مش مشكله كله هيتصلح.

لتصعد الي الشقه التي خصصها لها حازم لتبحث عن أمها وأبيها.

قسمت. الله راحو فين دول.

لتجد ورقه.

قسمت باستغراب. ايه الورقه ديه.

لتفتح الورقه لتجد أن عدنان كتب لها.

"معلش بقا يا سيما احنا كبرنا ومش حمل الفقر اما انتي لسه صغيره واه احنا خدنا المجوهرات وبرافو عليكي انك حولتي الفلوس علي حسابي وبعدين ما كله بسبب غباءك ومتدوريش علينا."

لتقذف قسمت الورقه علي الارض وتقول بدموع.

قسمت. حتي اهلي سابوني مع اني مكنتش بستخسر فيهم اي حاجه.

لترتمي قسمت علي اقرب كرسي ثم تشعل التلفاز وتغط في نوم عميق.

اما حازم فكان يتحدث مع والدته لتقص عليه كل ما حدث.

حازم. مسكينه جسمت ظلمت نفسها وظلمت الولاد معاها.

غاليه. تعرف علي جد ما انا مبحبهاش لكن صعبت عليا جوي مهما كان بردك عيالها.

حازم. ياله المهم احنا جايين علي اخر النهار كده.

غاليه. وانا كمان كلمت عيشه وخطبت منها البنات واتفجنا أن فرحكم هنعملوه جبل ماجدك يسافر الحج وكمان وضبنا جناحاتكم ف السرايا وبجيت جشطه.

حازم. طاب وهو في جشطه غيرك يا غاليه.

غاليه. اجولك علي حاجه انا فرحانه جوي كانك انته وأخواتك اول مره تتجوزو.

حازم. انا كمان حاسس نفس الاحساس ديتي.

غاليه. ربنا يتم التمام علي خير حازم ف حياتك يا غاليه الغاليين.

ونتركهم ونذهب الي قسمت حيث استيقظت من نومها.

قسمت. ايه ده انا سيبت التلفزيون مفتوح.

لتستمع الي المذيع يقول.

"والان نستمع الي سوره الضحي."

"اعوذ بالله من الشيطان الرجيم.

بسم الله الرحمن الرحيم.

والضحي والليل إذا سجي ما ودعك ربك وما قلي وللاءخره خيرا لك من الأولي ولسوف يعطيك ربك فترضى الم يجدك يتيما فاءوي ووجدك ضالا فهدي ووجدك عاءلا فاءغني فاءما اليتيم فلا تقهر واما الساءل فلا تنهر واما بنعمه ربك فحدث.

صدق الله العظيم."

لتقول قسمت بدموع مكتومه.

قسمت. اكيد ربنا له حكمه ف كده.

قسمت. ايه يا قسمت اشتريتي الدنيا وبعتي الاخره وغرتك المظاهر والفلوس عمرك لا صومتي ولا صليتي ولا حتي مسكتي مصحف تقرءي فيه.

لتنهض من مكانها ببطء.

قسمت. انا لازم اتغير والجاء لربي.

قسمت. اول حاجه اشيل كل اللي انا عاملاه واصلي واسجد لربنا سبحانه وتعالى.

ثم تنظر حولها بحيره.

قسمت. بس هصلي ازاي وانا معنديش لبس طويل.

قسمت. اه انده علي البوابه واخليها تشتريلي حاجه اصلي بيها.

ثم تصمت قليلا وتقول بحزن.

قسمت. بس انا مش بعرف اصلي.

لتلمع عيناها وكأن بابا من النور فتح لها.

قسمت. اتعلم من النت.

قسمت. يارب اقبلني عندك.

قسمت. اه انا كنت بشوف حازم دائما بيسمع الشيخ محمد متولي الشعراوي انا هجيبه وافهم كل حاجه إنشاءالله.

وبالفعل ترسل قسمت زوجه البواب لتشتري لها اسدالا للصلاه لتتوضاء وتبدء في صلاتها بكل خشوع وهيا تبكي وتبكي وتطلب العفو من الله وتتضرع في صلاتها.

وها هيا بعد أن انتهت من الصلاه تفتح المصحف لتقرء ايات الذكر الحكيم واصبحت قسمت لا تفعل شيء سوى الصلاه وقراءة القرآن والتسبيح والاستغفار.

اما ف الصعيد فها هم جميعهم قد وصلو.

حازم. ياله يا جماعه الفرح بكره انشاء الله عشان جدي والعمده مسافرين الحج.

فيروز. ايه الجنان ده بكره ازاي بس.

غاليه. خلاص الغالي جال وكل حاجه جاهزه.

فيروز. يا سلام ونسيتو امي ولا ايه.

لتخرج عليهم عاءشه من المطبخ.

عاءشه. امك موافجه يا جلب امك.

لتقترب منها عاءشه لتحتضنها.

فيروز. اه.

عاءشه. اسم الله عليكي مالك.

حازم. خدتلها ضربه سكين علي الماشي.

عاءشه. يا مري ومحدش يعرفني كده بردك.

فيروز. خلاص يا امي انتي جايه بعد ما خفيت.

وهنا ينزل الجد عثمان.

الجد عثمان. يا ماشاءالله الله البيت مليان بالحبايب والغاليين.

حازم. حسك ف الدنيا ياجدي ربنا يديمك فوج روسنا.

الجد. عايزك تخليك هنا ف غيابي وتاخد بالك من البيت والبلد.

حازم. حاضر ياجدي.

الجد. الف مبروك يا ولاد بس انا ليا طلب عندك يا ام فيروز.

عائشه. خير يا عمي.

الجد. انا طالب يدك للعمده.

فيروز. هو اسمه الحجيجي ايه.

حازم. يارب هتجوز عبيطه.

فيروز. ايه مش عايزني اعرف اسم عريس امي.

الجد عثمان. العمده اسمه هو العمده.

فيروز. يعني أمه سمته العمده.

حازم. انا رجعت ف كلامي مش هتجوز انا ناجص تخلف.

غاليه. له انا كده ازعل منيك.

فيروز. حبيبتي وبت حبيبتي واختي.

حازم. تزعلي مني انا يا غاليه تزعلي من حازم الغالي عجيبه ديه والله.

غاليه. الله مش هتبجي مرت الغالي وبعدين ياله بجا ارتاحو انتو تعبتو جوي اليومين اللي فاتو.

حازم. فعلا انا نفسي انام ياجي شهر.

الجد. إنشاءالله لما ارجع من الحجاز أبجا نام براحتك.

عاءشه. انا عندي فكره.

الجميع. خير.

عاءشه. احنا نعملو فرح علي الضيج والفلوس اللي كانت هتتصرف ف الفاضي تروح للغلابه.

الجميع. تمام.

سما. بس نلبسو عرايس.

غاليه. لازما يا بتي امال ايه.

ويمر الوقت وها هو موعد الزفاف قد اتي فها هم العراءس يتاءبطون ازرع عرسانهم.

حازم. اخيرا كتبنا الكتاب وعلينا الجواب مبروك يا رزه.

فيروز. الله يبارك فيك.

حازم. هو انتي بتعرفي تتكسفي زي البنات.

فيروز. حد جالك انك دمك تجيل.

حازم. اه جالولي كتير.

اما سما وعثمان فها هم ينظرون إلي حازم وفيروز.

عثمان. يا عيني عليك يا اخويا فيروز شكلها هتجعدك علي التخته من الاول وتعلمك الف به.

سما. لا خالي ديه فيروز اختي عسليه خالص.

اما دنيا وحسن.

دنيا. انا جعانه.

حسن. ما انا لسه جايبلك وكل.

دنيا. سندوتش كفته وتجولي وكل امال ايه كبارات الصعيد ودابحين كذا عجل اللي ماشوفت منكم حتي صباع.

حسن. الوكل ديتي للناس لكن احنا هنتعشو ديوك رومي غير الحاجات الحلوه التانيه.

دنيا. كده طاب ياله نطلعو نفسي اشوف الرومي وادوجه.

حسن. طاب بعد الفرح ميخلص.

دنيا. جوم بس.

حسن. ربنا يصبرني علي ما بلاني.

فيروز ايه ده هما جامو ليه بجولك يا حازم جوم بينا احسن دراعي شد عليا جوي.

حازم بلهفه. هجيبلك دكتور حالا.

فيروز. ملوش لازمه هااخد المسكن وانشاء الله ابجا زينه.

حازم. متخضنيش عليكي.

فيروز. مافيش حاجه والله.

وهاهو الزفاف قد انتهي وصعدو جميعهم الي الاجنحه الخاصة بهم.

حازم. تحبي اساعدك ف حاجه.

فيروز. كتر خيرك بس عايزه انام.

حازم. ارتاحي يا جلبي.

لتمر الليله وياءتي صباحا جديدا وها هو الجد عثمان والعمده يستعدان للسفر.

رواية هم الكبير الفصل الثالث والعشرون والاخير

وها هم أهل السرايا جميعا في انتظار الجد عثمان لتوديعه.

سما. بجولك يا رزه.

فيروز. جولي.

سما. جدي رايح يحج.

فيروز. اه ما انا عارفه ربنا يكتبهالنا.

سما. طاب ايه.

فيروز. عايزه ايه يا زفته انا يدي شاده عليا.

دنيا. طاب خلي عنديكي دم وغني لجدك.

تقي. هيا فيروز بتعرف تغني.

عاءشه. ولا حد يغني الا هيا.

تقي. طاب سمعينا عشان نحكمو.

لتنظر فيروز لحازم ليهز لها رءسه بالموافقه لتبدء فيروز ف الغناء.

فيروز.

يا رايحين للنبي الغالي

هنيالكم وعقبالي

يا رايحين للنبي الغالي

هنيالكم وعقبالي

الله الله الله الله

امانه الفاتحه يا مسافر لمكه

تؤدي فرض الله

هتركع والإله غافر

ذنوبك لما نولت رضاه

يا ريتني معاك ف بيت الله

وأحج وازور حبيب الله

الله الله الله الله الله

ياريتني كنت وياكم

واروح للهادي ورسوله

وابوس من شوقي شباكه

وقلبي يتملي بنوره

واحب واطوف سبع بركات

والبي وأشوف منا وعرفات

الله الله الله الله

واقول ربي كتبهالي.

ثم تزغرت فيروز ليصفق لها الجميع بحراره.

ليقبلها حازم من جبينها.

حازم. إنشاءالله احنا السنه الجايه.

وبعد أن ودعو الجد والعمده يستمعون لصراخ تقي.

تقي. الحجوني بولد بولد.

غاليه. كلمو الدكتور.

حازم. اخلص يا رامز.

وفي هذه اللحظه تلد تقي طفلا جميلا لتاءخذه فيروز وتحممه.

سما. براوه عليكي بلا دكاتره بلا وجع جلب.

غاليه. طاب طلعوها فوج عيشه خلي حد من الشغالين يعملها حلبه بعسل وفروجه عشان تتجوت.

عيشه. من عيوني انا اللي هعملها.

رامز. ابني فين.

فيروز. ولدك اهو.

حسن. وريني كده.

حازم. شبهه الخالق الناطج.

ثم يغمز لفيروز.

غاليه. هو مين ديتي اللي شبه الغالي حدش ف الدنيا كلها يجيب شبه الغالي.

الطفل بسام. ممكن العب مع النونو يا تيته.

فيروز. ده لسه صغير.

مليكه. هو مش انتي اتجوزتي بابي وبقيتي مامي الجديده.

فيروز. علي حسب السؤال.

مليكه. خلاص هاتي انتي كمان نونو يبقا اخونا.

حازم. مش لما دراعها يخف الاول خدت العيل الصغير زي التاكس اي حاجه تاني دراعي واجعني واخداها سليوه.

فيروز. انا بردك ربنا يسامحك يا موزتي.

حازم. الله اكبر ام الهول نطجت.

وتمر الايام وها هو عيد الاضحى قد اتي ليرتدي حازم جلبابا صعيديا.

حازم. ضاحي انته يا زفت فينك.

ضاحي. يا اخي ارحمني شويه عايز مني ايه.

حازم. جهزلي عشر عجول عايزين ندبحو.

ضاحي. ما هو انا متفجتش مع الجزارين.

حازم. انا اللي هدبح بنفسي.

ضاحي. طاب روح كانك رايح بجا اليدين الناعمه ديه تدبح.

حازم. والله لو ماسكت لادبحك انته نفسك.

ضاحي. خلاص ياعم حاضر مال جلبك حامي كده وكمان ناسي اني خالك خالص.

بصوت عالي. اللهم طولك يا روح هو عمي جاي ميته.

حازم. بكره انشاء الله هنروحو نجيبوه.

اما فيروز فكانت تجلس مع الأطفال.

بسام. روز هو احنا ليه بندبح ف العيد ده.

فيروز. هو انته متعرفش.

بسام. الصراحه مش عارف.

فيروز. طاب وانتي يا كوكو تعرفي.

مليكه. ولا انا.

فيروز. انا هجولكم سيدنا ابراهيم عليه السلام مكانش عنديه غير ولد وحيد وبعدين شاف ف المنام أنه بيدبحه وطبعا لاءنه نبي فاءكيد لما يشوف رؤيه تبجا حج وولده كان اسمه اسماعيل فجاله يا بني اني اري ف المنام اني اذبحك فسيدنا اسماعيل جاله يا ابتي افعل ما تؤمر ستجدني إنشاءالله من الصابرين واول ما سيدنا ابراهيم كان هيدبحه ربنا سبحانه وتعالى.

نزله كبش فداء لسيدنا اسماعيل وجال ف كتابه الكريم.

القرآن الكريم

وفديناه بذبح عظيم.

بسام. يعني ايه كبش.

فيروز. يعني لمؤاخذه خروف.

بسام. الله قصه جميله اوي.

مليكه. انتي شاطره اوي يا روز واحنا بنحبك اوي.

فيروز. وانا كمان بحبكم اوي زي ولادي تمام.

بسام. انتي بقيتي مكان مامي صح.

فيروز. هجولكم حاجه بس متزعلوش مني اولا الام محدش يجدر يعوضها.

بسام. بس هيا مش بتحبنا.

فيروز. مافيش ام مش بتحب ولادها حتي الجطه بتحاجي علي عيالها.

مليكه. بس هيا سابتنا ومشيت.

فيروز. هيا زعلانه منيكم عشان مرضيتوش تروحو معاها الام غاليه جوي جوي هيا حملت فيكم وتعبت انتو عارفين لما بتخلف جسمها بيتعب وعضمها بيوجعها وكمان ساعات بيشجو بطنها ده ولا انتو فاكرين انكم اتولدتو كده كبار وغير تسع شهور حمل وتعب ايه رءيكم بجا ماما بتحبكم ولا له.

بسام. معقوله مامي عملت كل ده عشانا.

طاب احنا عايزين نشوفها بس خايفين بابي يزعل مننا.

فيروز. هجولكم علي حاجه بس تبجا سر بينا احنا التلاته بس.

مليكه. قولي.

فيروز. لما الجد عثمان يعاود من الحج بالسلامه والعيد يعدي انا هتصرف إنشاءالله.

بسام. يعني بابي مش هيزعل مننا.

فيروز. له متخافوش.

وها هو حازم بعد أن انتهي من ذبح الأضاحي فها هو يصعد إلى جناحه ليستبدل ملابسه ويرتاح.

ثم يتذكر حازم. يا خبر ابيض معيدتش علي العيال ياله انزل أعيد علي الكل ونتغدو وبعدين نريحو كلنا.

وهنا ينزل حازم ليجد الجميع متجمعين.

حازم. كل سنه وانتو طيبين معلش اتلهيت ف الدبيح.

ثم يخرج رزمه ماليه كبيره.

اجوفو طابورين طابور للرجاله وطابور للستات وطابور للاطفال.

لتضحك غاليه.

غاليه. طاب واد خيتك هيوجف كيف.

ليضحك حازم.

حازم. ضاحي هيوجف مكانه.

ضاحي. وبعدين ف ولدك يا خيتي مستهفيني خالص.

غاليه. وايه الجديد يعني.

ضاحي. كده بردك انا ماليش غير مرتي ثريا.

ثريا. واحنا كلنا عايشين ببركه جدي عثمان وبعمتي غاليه ربنا يجعل حسها ف الدنيا وخير الغالي.

ليضحك حازم ويقول.

حازم. كتر خيرك يا ابله غاليه جولولي بجا مين فيكم شالت.

ليتحدث إليها حسن.

حسن. شالو ايه يا اما.

غاليه. مليكش صالح انته هما فاهمين متجولو يا بنات خلي الفرحه تبجا فرحتين.

فيروز. افرحي يا اما الحمدلله كلنا ربنا كرمنا.

لتزغرت غاليه.

غاليه. الف بركه والله الف بركه الحمدلله.

حازم. يعني الزوج اخر من يعلم.

فيروز. كت ناويه اجولك بس انته مكنتش فاضي.

حازم. طيب علي العموم الف مبروك.

فيروز. الله يبارك فيك.

غاليه. واد يا حسن عايزاك بكره وهما بيجيبو جدك من المطار إنشاءالله تاخد عثمان وتروح تشتري لوازم السبوع بتاعت واد اختك.

حسن. حاضر وهعمله كمان كروت مكتوب عليها لالي لي لالي انا جمر وطالع لخالي.

غاليه. عما تغيظني صح طاب علي الله تكتب كده.

عثمان. ولا تزعلي يا ام الغالي هنكتب انا جيت نورت البيت.

غاليه. زينه ديه ياله بجا كل سنه وانتو طيبين هجوم اريح علي ميجهزو الغدا وانتو كمان كل واحد ياخد مرته ويطلع يريح.

ويمر اول ايام العيد بخير وسلام وها هو ثاني ايام العيد حيث يستيقظ حازم مبكرا ليكمل ذبح الأضاحي ويترك اضحيه واحده.

حازم. اهو ديه بجا خليها ندبحوها تحت رجلين جدي لما يعاود.

وبالفعل يستبدل حازم ملابسه ويذهب هو ورامز الي إحضار الجد عثمان من المطار وبعد أن عادو يذبح حازم الاضحيه الأخيرة تحت قدمي جده وتجتمع الاسره ليتناولو طعام الغداء وسط أجواء سعيده ومفرحه.

غاليه. اعملو حسابكم السبوع جبل المغرب.

حسن. السبوع ديتي للحريم مالنا احنا.

حازم. افهم يا حمار هجول ايه بس ما انته جاعد جار ضاحي لازما تورث الغباء منيه.

ضاحي. بجطع ضاحي واللي خلفو ضاحي هو مافيش غيري جدامك.

الجد عثمان. وه مالك كده كلنا عارفين ان حازم بيحبك وبيحب يضحك معاك.

ليضحك ضاحي.

ضاحي. عشان خاطرك انته بس يا عمي حد تاني له.

حازم. طاب اكتم وجهز الطباخين عشان العجيجه بتاعت واد رامز وتجي.

ضاحي. عيوني للجمر الصغير.

مليكه. وانا مش قمر يا جدو.

ضاحي. والله انتي ست الجمرات.

فيروز. والله انا فرحانه جوي عشان الناس الغلابه هياكلو ويدعولكم ربنا يوسع عليكم.

غاليه. ربنا يوسع علي الجميع يا بتي ده لسه كمان الفرحه الكبيره يوم ماتجومي بالسلامه.

فيروز. انشاء الله.

وتمر الايام والشهور واليوم موعد ولاده فيروز وسما ودنيا.

فها هيا فيروز قد أنجبت ولد وبنت أسماهم والدهم غاليه ويوسف.

اما سما فقد أنجبت ولدا أسماه والده حازم.

ودنيا أيضا أنجبت ولدا واسماه والده حازم.

ومرت الايام والاسره سعيده وها هو يوم سبوع الاطفال حيث كانت الفرحه تعم الأجواء.

حسن. ايه يا اما كتي زعلانه أن تجي خلفت حازم عثمان اهو بجا عنديكي حوازم كتيره ربنا يخلي.

وهنا يدخل عليهم أحدي الرجال.

الراجل. يا حازم باشا في واحده منجبه ومعاها شيخ عايزه حضرتك.

حازم. خليهم يدخلو.

وهنا تدخل السيده.

قسمت. السلام عليكم.

الجميع. وعليكم السلام.

حازم. اؤمري حضرتك.

قسمت. انا ام بسام ومليكه.

غاليه بدهشه. انتي جسمت.

قسمت. اه يا حجه غاليه.

غاليه. كيف يعني امال فين الاحمر والأخضر والجصير والكبر والغرور.

زوجها الشيخ علي. بعد اذنك يا حجه اللي عدي عدي خلينا ف النهارده ربنا الحمدلله انعم علي زوجتي بنعمته وحفظت كتاب الله كاملا وأصبحت تدرس للاءخوات ف المسجد.

القرآن الكريم

حازم. ربنا يجويكي ويثبتك.

قسمت. ممكن لو سمحت اشوف ولادي.

فيروز. بعد اذنكم طبعا ها اخد ام بسام ونطلعو فوج للولاد.

حازم. اطلعو.

لتصعد قسمت الي اولادها والفرحه تغمرها.

قسمت. بسام ومليكه ولادي حبايبي.

بسام. انتي مين.

لترفع قسمت النقاب.

بسام. مامي حبيبتي.

مليكه. وحشتينا اوي يا مامي.

اما حازم فكان يتحدث مع الشيخ علي زوج قسمت.

حازم. وانتو متجوزين ليكم كتير.

علي. بجالنا كام شهر بصراحه ام بسام سيده محترمه والكل يشهد باءخلاقها وسبحان الله انا اتحرمت من نعمه الخلفه لكن ربنا رزقني بولادكم.

حازم. انتو ساكنين فين.

علي. ف بيتي انا الحمدلله ربنا كارمني وعندي شركه علي جدي بسفر ناس للحج والعمره.

حازم. ماشاءالله ربنا يكرمك.

علي. ممكن اطلب طلب من حضرتك.

حازم. تحت امرك.

علي. ممكن الولاد ييجو يقعدو معانا يومين.

حازم. هتفج معاك اتفاج علي اؤمر العيال هيجعدو معاكم شهر ومعانا شهر ولما تفتح المدارس بعد اذنك تروحو تجعدو ف السرايا عشان هتبجا جريبه من المدرسة.

علي. الله يجبر بخاطرك بس ليا عندك طلب اخير.

حازم. جول.

علي. ادفعلك ايجار السرايا معلش يعني عشان ابجا مرتاح.

حازم. كيف يعني طاب ما عيالي هيجعدو وهياكلو وهيشربو علي.

علي. صدجني العيال هينورو دنيتنا.

غاليه. الا جولي انته اصلا منين يا شيخ علي.

علي. انا من البلد من هنيه بس ناسي خدوني وسافرنا علي مصر ده انا حتي ليا خال هنا ف البلد اسميه الحج ابراهيم وعنديه بته اسمها ثريا.

ثريا بفرحه. علي واد عمتي زينب.

علي. ثريا بت خالي ده انا مشوفتكيش من وانتي عنديكي تلت سنين.

ثريا: ادينا كبرنا بجا.

علي: طاب وأخبار خالي إيه؟

ثريا: بخير، ده زمانه جاي عشان يعيد علينا.

علي: والله الأيام فرجتنا والدنيا تلاهي.

حازم: ربنا يعين الناس كلها، والحمدلله طلعنا جرايب.

وهنا تنزل قسمت ومعها أطفالها وفيروز.

قسمت: ربنا يكرمكم إنكم خدتوا بالكم من عيالي، وفيروز كمان الله يراضيها، رجعت عيالي يحبوني تاني.

فيروز ولا شكر ولا حاجه انتي خيتي يا ام بسام

ثريا تعرفي أننا طلعنا جرايب

قسمت ازاي يعني

ثريا الشيخ علي يبجا واد عمتي

قسمت بجد ماشاء الله

وهنا يدخل عليهم الشيخ ابراهيم

السلام عليكم

الجميع وعليكم السلام

ثريا مفاجأة يا أبا علي واد عمتي زينب

ابراهيم يا صلاه النبي تعالي ف حضن خالك كده بردك متساءلش علينا

علي حقك عليا يا خالي أعرفك علي مرتي

ابراهيم يا ماشاءالله

قسمت ازي حضرتك ياخالي

ابراهيم الحمدلله علي افرحي يا ام بسام حازم باشا جال أن الولاد هيجعدو معانا احنا شهر وهما شهر وف المدارس هيجعدو معانا

ابراهيم كيف يعني وحازم باشا دخله ايه ف ولادكم

فيروز هبجا افهمك بعدين يا أبا

وبعد ثلاثة سنوات تشعر قسمت ببعض التعب

علي اسم الله عليكي مالك

قسمت له بس تعبانه شويه

علي ما هو انتي بتريحيش روحك دروس ف الجامع وبتساعديني ف شغلي وبتفصلي ملابس للغلابه أن لبدنك عليك حق

وهنا تسقط قسمت أرضا ليستدعي علي الطبيبه لها وبعد الكشف

الطبيبه الف مبروك المدام حامل

علي بتقولي ايه

الطبيبه المدام حامل

لتنهمر الدموع من عين علي ويقول بفرحه

الف حمد وشكر ليك يا رب

الطبيبه انا كتبتلها علي ادويه وفيتامين وياريت تشرفوني ف العياده عشان متابعه الحمل عن اذنك

لتنصرف الطبيبه ويدخل علي غرفه زوجته

علي بفرحه الف مبروك يا ام بسام الحمدلله ربنا راضانا

قسمت بفرحه انته تستاهل كل خير كفايه انك اكرمتني وأكرمت ولادي وده عوض ربنا سبحانه وتعالى

علي عيالك عيالي وهيفضلو عيالي

وهنا تتصل فيروز علي قسمت

قسمت بنت حلال كنت لسه هكلمك

فيروز خير

قسمت انا حامل الحمدلله

فيروز والله الف بركه واحنا كمان كلنا حوامل

قسمت ده احنا كده هنفتح مدرسه

فيروز ربنا يزيد ويبارك المهم انا اتصلت عليكي عشان غاليه بتي شبطت ف اخواتها وجاياكي معاهم

قسمت بفرحه ديه غاليه بنت الغاليه تنور قلبي قبل بيتي

فيروز كتر خيرك الا جوليلي صح مافيش اخبار عن ابوكي وامك

قسمت للاسف لاء

فيروز ربنا يعترك فيهم ويجمع شملكم من تاني

لنتركهم يتحدثون ونذهب الي احدي الدول الاوربيه حيث نجد رجل وامرأة يؤدون حركات بهلوانية ليصفق لهم الماره ويضعون بعض النقود القليله في الإناء الخاص بهم وبعد وقت طويل من الرقص وتقديم الالعاب نجد أن السيده تتحدث الي زوجها:

اه انا مش قادره تعبت حرام كده كل يوم الهده ديه ويادوب بتكفي

عدنان: انتي عايزه ايه يعني؟ بلاش اشربلي كاسين اعدل بيهم دماغي

جايده: طيب هنعمل ايه مع صاحبه الاوضه ديه؟ ممكن تطردنا ونرجع من تاني ننام في الشوارع

وهنا يراهم البرت صديق حازم:

البرت: ايه ده مش دول اللي حما وحماه حازم؟ ايه وصلهم لكده

وهنا يتصل البرت على حازم ليبلغه بما رأه

حازم: بتجول ايه؟

البرت: ايوه شوفتهم بعيوني

حازم: طيب روحلهم واحجزلهم تذاكر ورجعهم على مصر بلا جله جيمه، ولا اقولك انزل معاهم وهاتهم على الصعيد

البرت: حاضر

وبعد أن أغلق حازم الهاتف مع صديقه، قال لفيروز:

حازم: يا فيروز

فيروز: ايه في ايه؟ مال وشك متغير كده ليه؟

حازم: اتصلي على ام بسام وخليها تجيب جوزها والعيال وتيجي ضروري

فيروز: خير في حاجه؟

حازم: اعملي اللي بجولك عليه

فيروز: حاضر

لتتصل فيروز على قسمت:

قسمت: ايه يا حبيبتي؟

فيروز: حازم بيجولك هاتي جوزك والعيال وتعالي ضروري

قسمت: خير في حاجه؟

فيروز: والله معرف

قسمت: طيب حاضر

وتمر الساعات، وها هي قسمت تصل إلى سرايا الحديدي ومعها زوجها وأطفالها.

قسمت: في إيه؟ طمنوني!

حازم: ارتاحوا وهتعرفوا كل حاجة دلوقتي.

ليدخل عليهم البرت ومعه جايدة وعدنان.

قسمت: بابا! ماما!

حازم: حمد لله على سلامتكوا جميعًا.

عدنان (بكسوف): حازم باشا، حقك علينا.

حازم: مافيش حاجة يا عمي.

قسمت: انتوا كنتوا فين؟

جايدة (بتلجلج): إحنا كنا...

حازم: كانوا فاتحين شركة سياحة في البلد اللي كانوا فيها.

لينظر له عدنان بامتنان، ليوميء حازم برأسه تعبيرًا عما بداخله.

قسمت: انتوا وحشتوني أوي.

جايدة: بس إيه التغيير ده؟

قسمت: الحمد لله ربنا هداني، عقبالك يا ماما.

جايدة: إن شاء الله.

وهنا تدخل عليهم السيدة غالية:

غالية: يلا يا جماعة الغدا جاهز، نتلم كلنا ونأكل لقمة مع بعض، وربنا يديم المحبة علينا.

الجد عثمان: إن شاء الله السنة الجاية نكون كلنا متجمعين على عرفة.

حازم: إن شاء الله يا جدي، وربنا يديمك فوق روسنا يا رب.

الجميع: آمين.