فاطمة العبادي
في ... #حمائم_تخشى_الطيران
قراءة ممتعة كيكاتي 🖤 ..
🚫لتنسون تصويت + تعليق
جمدت اطرافي وحسيت نفسي انكطع باوعت لدلال لونها انخطف وبلعت ريك خايفة سلمو على دكتور وضلو يضحكون ويا غمضت عيني وجريت نفس كل ظني جايين ياخذونه لان هددت فاروق
ايديني ترعش لزمت جنطتي ولميت عبايتي وكمت امشي بسرعة مبتعده عنهم بس الگاع احسها مو مستقرة جواي
خفت التفتت والگاهم يمشون وراي ويعتقلوني وانفضح كدام الله وخلقه
دخلت للقاعة كعدت خايفة وافرك براسي حتى دلال عفتها واكفة يم يحيى جامده من الرعب
اصعب شي على البشر من يشمرو روحه بالنار بنفسه وينتظر يجي احد يطفي
غمضت عيني اتنفس بصعوبة شلوت بدت المحاضرة وشلون خلصت ما ادري ، گمت امشي ادور بعيوني خاف اشوفهم بمكان اروح لمكان ثاني لان الموضوع صار مثل الكابوس ملاحقني
خلص اليوم بطلعان الروح طلعت لقيس حتى ما سلمت علي حلگي باهت
صفن علي دار بكبره بأتجاهي وكال باستغراب
...دخيلك ياعلي شبيج
هزيت راسي لا ...مابيه شي تعبت
...شنو اليتعب مايسلم
...مو روحي ممرودة ماادري شبيه اعذرني
هز رأسه وشغل وطلع ضليت ساكته وصلت للبيت نزلت لكيت البيت فارغ صعدت بدلت ونزلت صبيت النه غدة اني وقيس وكعدنه بالمطبخ
كوة اكلت لكمتين وضليت انتظره يخلص عيني علي اشوفه كاعد مرتاح ياكل بكل راحة وهدوء
خنگتني العبرة حسيت بروحي شگد انانيه بيوم الوافقت اتزوجة وارتاح يمه بدون ما احجيله كل شي يخصني
باوعت لرقبته وخنگتني العبرة ضل يتخايلي يلزموني ويتهمون قيس وياي ويعدمونه
بجيت وطلعت مني شهگة غطيت وجهي بسرعة ابجي شال ايده مستغرب ولزم ايديني بايده اليسرى ينزلهن من وجهي
قيس ...شبيچ ام الغيرة احجيلي الصاير وياج اليوم
اهز راسي لا لا و اني ابجي واشهك ...ما ماكوو شي قيس
قيس ...والله صاير كومي صعدي للغرفة اني دقيقة ولاحگج
مسحت وجهي بطرف الربطه وحجيت ...لا ماصاير شي اكل براحتك
قيس ...خلصت صعدي
ليلى ...خليني اغسل المواعين واصعد
قلص عيونه بشك ، شال الصينية وكال
...صعدي كتلج
وكفت خايفة اليوم ما يعوفني اذا ما يعرف سبب بكائي باوعتله بأيده يطيح الاكل الزايد بماعون حتى ياخذونه للدجاجات بعدين وخله المواعين بالحوض
باوعلي وكال بغضب .. مو كتلج صعدي
هزيت راسي لا واني اتقرب ...انطيني اغسلهن واصعد والله .. شبيك مابيه شي كتلك
قيس ...لا بيچ ونص
ضلينه نتداهر حط التايت وضل يغسل بيهن واني عيوني بس تجري ما اعرف شلون اسكت وابطل بجي انهاريت كلش
دخلت عمي باوع مستغرب وكال ...ليش تبجين يابة
هزيت راسي لا ...مابيه شي بس شوية تعبانة
عبد الرحمن ...صعدي ارتاحي
ليلى ...كلت اغسل مواعين واصعد
باوع القيس وكال ...هو يغسلهن صعدي
مشيت للمغسلة غسلت وصعدت فورًا كعدت انتظرن يصعد هسة يضل يسألني ولازم اجاوبة
فتح الباب حسيت روحي راحت شگلله شأحجي
اكلله اني ورطت روحي وراح اورطك لو اكله جنت ويا احزاب معارضة وحياتي مهددة وحياتك وياي
مسح ايدينا بالخاولي وكال بكل جدية وصرامة
...شبيييچ؟
ليلى ... اريد خالتي قيس والله گلبي نار بس اريد اكعد وياها واحجي وياها مامرتاحة احسها بيها شي وضامته عني
قيس ...من زمان هذا الحجي هسة اليوم يلا تذكرتي وحسيتي بيها شي
ليلى ...تحلمت بيها حلم موزين
قيس ...لا مو خوش سالفة بس مع هذا ادري جذابة واكو سبب ثاني احجي يلا
ليلى ...ماكو قيس لو اكو جان حجيتلك ما ضميت عليك
قيس ...ما ضامه شي عني يعني
هزيت راسي ...لا ولا ضامه شي ابد لتخاف بس شوية تعبانة وهم سالفة خاله
قيس ...اخذج الها
ليلى ...لا مو هسة خليها بعدين وهم اخابرلها انطيها خبر خالتي ماتحب واحد يجفت فجأة عليها
قيس ...خوش لعد نامي ارتاحي
ليلى ...ما تعبانة
باوعلي ما مقتنع نزع كلابيته ضل بالداخليات ...مو كلتي تعبانة
ليلى ...شوكت كلت؟ ما كلت تعبانة
قيس ...ها تجذبيني عينك عينك يلا نامي كدامي لا اخنگچ
ضحكت ...ياااا خليني انام لعد لا تخنگني واموت
تمددت تغطيت وغمضت عيني ذب روحه وراي وحضني من ورا حيل ، حطيت ايدي فوگ ايده ورفعتها الصدري حضنتها حيل ونمت
قيس ...اختنگتي؟
ليلى ...تؤؤ
شدد علي بالحضنه ...هسة؟
ليلى ...لااا قيس ما اختنگت ههههههههههه
ذب روحه فوگي وعصرني حيل ضليت ادفع بي واصيح لااا موتتني ذاب روحك فوكي شكووو
سد حلگي بأيده يضحك ...عيب صوتتتج
ضليت ادفع بي مختنگة واضحك ...شكووو موتتني والله شقاك ثگيل غير انته سيد ملتزم لازم تعرف ممازحة الزوجة مايصير بيها اذية الها يعتبر حرام
قيس ...لا مابيها حرام داامازحچ بما يرضي الله
ليلى ...اوي وخر
قيس ...اگلچ انتي ليش ما ترگصيلي ؟
دفرته برجلة حيل ...شنو ماخذ كاولية
لم رجله متوجع ...بيناتنا شنو كايلج ركصي كدام العالم لا بأس ان ترقص الزوجة لزوجها حلاااال
ليلى ...بالليل اركصلك اسويلك اجواء تدلل بس خليني انااام
قيس ...حلفي
ليلى ...والله
قيس ...يعني ارجع من وكت
ليلى ...اكلك انته ليش ماطالع على اهلك كلهم ملتزمين بس انته مسربت
قيس ...شمدريج بأهلي يمكن هم يركصون
ليلى ...غير الركص لازم اغاني
كرصني بمتني حيل وباوعلي بنظرة وكاحة ...لا ما اقبل اغاني اني اطگلچ اصبع وانتي رگصي على الصوت
ليلى ...خوش نام هسة اخزن نوم لليل وطاقة
لمني حيل بحضنه ...اموووووووت عليييچ خاتوووونه
لكزته بكوعي حيل ...صوتك
غمضت عيني اريد انام ضل يبوس بكتفي ويشم بركبتي من ورا عرفت لازم البي رغبته وان ماطلب ولا حجة لان تعبانة من الدوام بس عنده رغبه
رضيته واشبعت رغباته كمت سبحت مشطت شعري رتبت الغرفة ونزلت
استخدمت الارضي حاجيت خالتي كتلها باجر العصر نجيكم اني وقيس نشوفج ونهيت الاتصال حتى تستعد وما تطلع اعذار
مشيت للمطبخ اساعد البنات اسوي عشا اندك الباب كالت العلوية وين قيس يفتح الباب
ليلى ...قبل شوية طلع
دنيا ...اني اطلع يمكن طوعة بنت عمي عبد الصمد اجتي ماكو غيرها
دنيا ...ركضت للباب قبل لا اوصل عثرت وانركع راسي بالباب عطت متوجعة ضليت افرك بكصتي شفت سوادة من جوة الباب فتحته واني احجي
دنيا ...من وراج طحت وتعورت راح يعنجر راسي
رفعت عيني شفته سيد مؤمن واكف صفح منصي راسه وضحك من سمعني بلعت ريگي متفشلة ولزمت الباب بقوة
دنيا ...عبالي طوعة
مؤمن ...السلام عليكم
دنيا ...عليكم السلام
نصيت خجلانة ورفعت عيني اباوعله وانصي ضليت ارجف
مؤمن ...سيد مصطفى بالبيت؟
دنيا ...لا والله شتريد منه
ضحك ومسح على لحيته سبحته بين اصابعه ولابس خواتم وريحة عطره طيبة
نصيت راسي اغطي ايدي بردن الدشداشة وعيني تصعد علي وتنزل لايدي خجلانه واحتمرت خدودي من الخجل
ضل ساكت شوية وگال بهدوء وهوَ يرفع طرف عينه لمحني ونصة
مؤمن ...عدنا فاتحة نريد نروح نعزي اهل المتوفى ونرجع
دنيا ...ياااا منو المتوفي
مؤمن ...الله
سكتت مستغربة جوابه ضحك ورفع ايده بحركة غريبة كأنه رافعها للدعاء و يحجي
...المتوفي هوَ الله ما يصح تكولين من المتوفي الصواب من المتوفى استنادً إلى قولِ اللهِ تعالى (اللهُ يتوفَّى الأنْفُسَ حينَ موْتِها) أما المخلوقات تُتَوفَى أي أن الله هو( المُتوَفِي )
والمخلوق هو ( المُتَوفَى ) ..
هزيت راسي رفع عينه باوع بعيني تنهد ودار وجهة
مؤمن ...رايح بلغي مصطفى اذا اجة يمرلي نروح سوية ماعليج امر يابة دنية
ابتسمت رفع عينه وياها ارتفع طرف حاجبه
دنيا ...ومنين عرفتني دنيه
مؤمن ... المؤمن يعرف دنياه ، ويعرف كل بلاويها المضمومة
سلم وراح خلاني ورا صافنة ما مستوعبة كلامه دخلت للمطبخ امي كالت منو جان بالباب
دنيا ...سيد مؤمن يريد مصطفى و وصاني اگله يمر علي لان عدهم فاتحة يردون يرحون يعزون اهل المتوفى
العلوية (سميرة) ...يااا صدك وصاني مصطفى اكول لام مؤمن لو لمؤمن يرحون باجر مو اليوم
دنية يمه استعجلي اخذي هاي عبايتي معلگه ورا الباب وركضي لبيت عمج عبد الصمد اكولي لعمتج يرحون للفاتحة باجر واني وياها نروح وياهم نأدي الواجب
ركضت اسرع من الريح خليت العباية على راسي وطلعت من الباب منصية راسي ومغطيه نص وجهي بالعباية دكيت الباب مال بيت عمتي وضليت انتظر احد يفتحه ماكو
دكيته حيل انفتح الباب ، باوعت لگيته هوَ فاتحه توترت لزمت عبايتي من يم صدري بقوة ونصيت راسي
مؤمن ...تفضلي دنية
فسحلي المجال دخلت امشي بهمة للبيت مالهم وعبايتي طايرة دخلت جفت للمطبخ لكيت اباذر دا ياكل ويمه عمتي كاعدة حسيت روحي غطيت بهدومي
لافة روحي بالعباية ومغطية نص وجهي
دنيا ...السلام عليكم
ردو السلام .. باوعت لعمتي والتفتت على صوت سيد مؤمن من وراي يفوت للمطبخ
ام مؤمن ...تعالي عمة استريحي شبيج مستحية من اخوتچ
تقربت كعدت يمها على القنفة نزلت العباية من راسي رفعت راسي شفت مؤمن لزم الوصلة ورجع يمسح بالكاونتر
دنيا ...عمة ... نسيت على شنو اجيت
ضحكو مؤمن ذب الوصلة وصب ماي انطاه لعمتي واشرلها براسه علي
مؤمن ...جاية تركض فحطانة تلهث
ابتسمت واخذت الماي شربت منه رشفة وتذكرت الشي الجاية علي
دنيا ...امي تكوولچ مصطفى وسيد مؤمن يرحون باجر للفاتحة وانتي وياها ترحن تأدن واجب
مؤمن ...مصطفى گال اليوم
توترت من حاجاني هوا بدل عمتي حسيت لساني نربط
التفتت رمقني ورجع يمسح بالكاونتر
دنيا ...مو ... امي .. امي هسة تذكرت مصطفى موصيها كايللها على باجر
مؤمن ...هاي هيه باجر باجر
باوعت لعمتي لكيتها تحجي ويا روحها تكول لازم اطبخ غدة من الليل واروح
دنيا ...ليش تطبخين بالليل اني اجي يم طوعة نطبخ سوية واعلمها اكله جديدة متعرف تطبخها
ضحكت وكالت ...صدك هية منج بسرعة تتعلم واني راح صوتي بالشرح ويومية مخربة المركة لو مخلية التمن معجن
دنيا ...اي بس اكول الامي اذا قبلت اجيكم الصبح ادز ابن مصطفى عليكم
كمت لبست عبايتي زين واخذت نظرة سريعة عليهم اباذر ياكل منصي ما رفع راسه وسيد مؤمن يمسح بالكاونتر عيني ضلت علي لحظات اباوعله من وكعت عيني على جام الكاونتر لكيته يباوعلي وعاقد حاجبه متفاجئ من نظراتي
نصيت راسي بسرعة خجلانة من نفسي طلعت بسرعة من يمهم وعيني بالكاع تدمع الوم بروحي
شبيه ليش هيج سويت شكد عيب هسة شنو يگول سيد رحمن ما عرف يربي لو يگول دنيه ما تفكر بشوارب اخوانها وتباوعلي تصفن علي
وما متربية على غض البصر
فتحت باب البيت ودخلت مسحت دموعي بردن العباية مستهضمة من روحي
هضيمة اضيع روحي واخرب صورتي بعيون سيد مؤمن بهاي السوالف ويمكن عمتي لاحظت هم
دخلت للبيت لگيت ليلى وحدها بالمطبخ
...وين البنات؟
ليلى ...وفاء راحت لابنها يبجي وسكينة ترضع بنتها (كريمة)
هزيت راسي نزعت العباية علگتها بالبسمار ورا الباب
باوعتلي مستغربة
ليلى ...شو ضايجة شبيج
رفعت رداناتي واخذت سجينه ووكفت يمها اگشر بتيتة وياها
دنيا ...اسرچ؟
ليلى ...سريني
دنيا ...خاف تحجين ليلى
ليلى ...لا ابد والله جوة نعالج شسالفة احجي
دنيا ...استغفرالله لتگولين هيج الكلام بي ذلة الج والله كرم بني ادم
ليلى ...هزيت راسي وكتلها ...احجي دنيه
مثل ميسمونها يكولون دنيه مو دنيا
باوعت وراها ورجعت باوعتلي
حجت بصوت ناصي وشفايفها ترجف، منصيه عيونها ابتسمت عدها حياء وخجل
...اني حجيتلج الج مو لغيرج لانچ مجربة الحب ويمكن تفهميني
ابتسمت رفعت عينها بخجل باوعتلي ونصت ...شبيچ لتباوعيلي هيچ ترى اسكت وما احجي
ليلى ...لالا احجي اسمعج
دنيا ...اني صارلي شهور احم اراقب سيد مؤمن ما ادري بروحي ليش هيچ اسوي والله ما حسيت فجأة لگيت روحي غرگانه بي واراقب تفاصيله وگلبي ينتفض من اشوفه جسمي كله يرجف
اذا شفته متمدد ومغطي عيونه احس گلبي ينمرد
مرات احس اكو شي اقتلع گلبي من بين اضلاعي وزرعه بنص صدره وكبر واستقر يمه
اذا ينوجع اني انمرد وابچي ، صرت احاچي واحسه يسمعني
اواسي .. مرات عيني تدمعله ومرات احس ... احم ... احس اريد اكون يمه واحچي ويا اريد .... قطعت حجيها بنفس عميق
ترجف وايدها تهتز
كملت بنبرة حزن ... اريد اكون يمه واسمع منه شنو المضوجه واطبطب علي
تحسرت وسكتت
ضلت تكصص بالبتيتية كتلها بهدوء ...تحبينه دنيا انتي واگعة بسيد مؤمن
شهگت وبدون شعور قصت ايدها بالسچين ونزل الدم
ركضت خلت ايدها جوا الماي ضلت لحظات وباوعتلي
دنيا ...الحب هيچ يعور ويأذي؟ ويخلي الانسان يسوي اشياء عكس اخلاقه ومبادئه ويوكعنا بالحرام؟
من عمت عين الحب اي والله اگول ليش دائما يحذرونا منه ويكولون علي مرض خبيث مميت
ليلى ...لا تگولين هيچ الحب اذا كان متبادل بين طرفين يكون حلو
نصت سدت الماي وكالت بصوت ناصي ...مرات اتخيل افتح شباك غرفتي واشوف بنية كاعدة يمه
ليلى ...قصدج اذا تزوج
هزت راسها وكالت بحسرة ...اضل الليل كله ابجي ما اگدر انام ويتعكر مزاجي طول اليوم
ليلى ...اوي تغارين علي
دنيا ...ليلى سيد مؤمن صارله سنين حزين على زوجته ومايريد يتزوج من المستحيل ننجمع اني ويا بغرفة وحدة
ليلى ...كولي يالله هاي اني كلت مستحيل اني وقيس نتزوج بس الله جمعني بي
اذا مؤمن نصيبج تاخذينا
دنيا ...مو هيج الموضوع ليلى انتم تختلفون
مؤمن عايش على ذكرياته ويا زوجته ويحبها ولليوم لابس عليها اسود ما فك حزنه مابي امل يباوع لغير وحدة لو يخطب ويتزوج
واذا راد يخطب ويتزوج اكيد مايخطبني يدور وحدة من عمره مناسبه اله اني بالنسبة اله صغيره
ليلى ...شمدررريج
دنيا ...طوعة قبل سنين كالتلي مؤمن يكول وين اختج ماتجي يمج
يقصد علي
ويكللها انتن ثنينجن اخواتي الصغار وجان يصيح الي كله يابة يابة ويابة واني اكلله عمو السيد الفرق بيناتنا 14 سنة لا يوم ولا يومين
جريت نفس وكتلها بحزن ...ولا تنسين قيس حبني وبادر مو مثل شغلتكم انتي تحبينه من طرف واحد ومستحيل تعترفين لو تكليله تعال اخطبني
نصت مقهورة
ليلى ...هاي هيه طلعي من گلبج لعد لا تغركين بي ازيد وجيب اليطلعچ
...ليش هيه بيدي؟
ليلى ...حاولي دادة هو لو رايدج نكول سهلة بس من طرف واحد شغلتكم كلش صعبة
...ادعيلي الله يطلعه من كلبي مثل ما زرعه بنص گلبي
عضت اصبعها ...اخخخ شورطني بحب انسان مالي بگلبه مكان
انقهرت عليها والصدك دعيت الله يسهل امرها ويخلي يحبها وياخذها لان الواضح من عيونها التلمع ورجفتها واكعة بي ومحد مسمي عليها
دنيا ...حجيت ويا امي بليل حتى تسمحلي اروح يم طوعة واعلمها تطبخ ونسوي اني وياها غدة وافقت دزيت ابن مصطفى بلغها ورجعلي
وثاني يوم الصبح وكفت كبال المراية بأيدين ترجف ما تعودت على هيج فعل ردت اخفي حزن عيوني بكحل
خليت شوية كحل حجر (كحل عرب) ومسحته حتى يضل قليل
باوعت لكصتي مزوركة من انضربت بالباب امس لبست الربطة زين وعبايتي وطلعت امي وصلتني الهم وطلعن هي وعمتي للفاتحة وهو ماشفته طلع من الاستقبال
سلمت على طوعة حضنتني حيل وبوستني
طوعة ...لو ادري بيج يمنه امس جان نزلت ركض
دنيا ..هيه دقيقتين ورحت منكم
طوعة ...كالت امي هم زين اجيتي علميني مرگة جديدة امي طلعت دجاج كالت سون مركة دجاج
هزيت راسي نزعت العباية خليتها على الكاونتر على صفحة رفعت راسي صارت على الجامة ورجف كلبي من تذكرت موقف امس
بديت اشتغل وياها واعلمها وساعة نسولف ودقيقة نشتغل
بنص الشغل كالت بشهكة ...هاا ذكرت شي ما حجيته الج البارررحة صار ولو تشوووفين
رجف كلبي كلت عزة بعيني بس لا مؤمن كللهم شفت دنيا تباوعلي وتصفن علي
قلصت عيونها وكالت بمكر
طوعة ...لو تدرين منو البارحة يحچي ويسولف بيچ وهرجنا هرج
نصيت مرتبكة واحس كلبي حلق ماكدرت اخفي ابتسامتي
ضربت كتفي بكتفها وكالت
...اخوي البارحة يحجي بيج يم امي وابوي كال دنية بنية عمي ماشاءالله كبرانه كلش ولا عرفتها اول مرة
ضليت مبتسمة منصية
طوعة ...ابوي گله عيب لا تذكر بنت عمك
هو ضحك وانتظر ابوي يطلع وگال لامي
...هاي ليش ضامتها عني ما اقترحتيها الي واني رافض الزواج من زمان واكول النسوان كلهن مثل طوعة زرگ
ضحكت وغطيت حلگي خجلانة طفيت جوة الجدر وضليت استمع الها بأنصات
وهي تحجي منطلقة فرحانة
طوعة ...امي گلتله سهلة اذا تريد تتزوج وهاي هيه انفكت جبستك گول واني من عين باجر احجي ويا امها واخطبها نرتبها بيناتنا احنه النسوان وبعدين نسلمها للزلم
كتلها بخجل ...وشگال؟
عفست وجها وردت ...كاللها للسنة التجي يلا يريد يسافر لايران يم بيت جدي علمود الحوزة
استغربت كتلها متفاجئة ...حوزتيش ليش هو محتاج حوزة؟ ميحتاج
طوعة ...اي يزيد علمه ودينه
ضليت متفاجئة مادري شلون ربطت عندي كتلها
...منو من اخوانج ما فهمت
طوعة ...اباذر اكو غيره الله يهديج صايرة تتصفنين هواي وما تلگفينها
رجف جسمي وحسيت روحي انسلبت بداخلي اكول لا لا مستحيل ما احب واحد واتزوج اخو لا
باوعتلها كتلها ...سمعي طوعة احنه خوات وبيناتنا خوش داده اني ما اتزوج ابا ذر بعد انتي سباعية من يمج سديها حبيبة فدوة رحتلج لا تخلينها توصل لأذان الكبار
طوعة ...ليش اسدها شبيج هوا نصيب وانتي امس جاية داخلة للمطبخ وشايفج ، وطالبج على سنة الله ورسوله
دنيا ...ما اكدر اني ماريد اتزوج سديها فدوة رحتلج النوب توصل للكبار ويخلوني اقبل كوة وما ارتاح ويا اخوج ولا هو يرتاح وياي
عفست وجها ضايجة ...واني كلت تصيرين يمي
دنيا ...يا يمج انتي ماضل شي ويرجع خطيبج وتتزوجين
طوعة ...هم صدك براحتچ بعد قابل نجبرچ
كملنا غدة سمعنة صوت سيارة برة شوية ودخل مؤمن وحده يمشي ركضت لبست عبايتي وكعدت
دنيا ...بس تدخل عمتي اخليها ترجعني للبيت
تحمحم وصاح يالله يالله
طوعة ...تفضل سيد ماكو غريب
دخل القى السلام بدون ما يباوعلي
طوعة سألته عن عمتي كللها لزموهم بالفاتحه وضلن بعدين يجن
ضليت اكل بروحي اكل هسة منو يرجعني للبيت
التفتت باوعلي وابتسم
مؤمن ...دنية يمنه
دنيا ...اي شنو ماتريدني اجيكم
مؤمن ...ابد والله البيت الج والعتبة النه
سكتت عقد حاجبه مستغرب ودخل جوة ينزع بعبايته
دكيت رجل الا طوعة تلبس عبايتها وتكول لمؤمن يرجعوني سوية
راحت تحجي ويا واسمعه يكللها خليها تضل يمنه تتغدة
طوعة ...ماتقبل توسلت
اجة دك باب المطبخ وحجة وهو ناطيني ظهره
مؤمن ...شسالفة يابة تستحين من عمو السيد ماتضلين لو شنو
دنيا ...لا وعلي مااستحي اني
ضحك ورد ...ضلي لعد لا تگولين اروح للبيت شنو رايحة بوكت الغدة مطرودة
دنيا ...لا والله اريد اروح فدوة ودوني لا ابچي والحسن
مؤمن ...لا تحلفين يابة هسة نوديج صعدي طوعة لبسي عبايتج وتعالي
طوعة بضوجة ...رااايحة
سمعت صوت ركضها على الدرج فات للمطبخ فتح الثلاجة اخذ منها خيارة والتفتت باوعلي بسرعة ودار
مؤمن ...راسج ازرك من دعمتي امس بالباب؟
دنيا ...اي
مؤمن ...شو تحجين بحسرة
دنيا ...لا ابد اني هيج احجي من الله
سكت شوية وكال ...امس حسيتج رايده تكولين شي بعيونج حجي بس ماحجيتي يمكن خجلتي من اباذر وامي
ضليت ساكتة شوية ونطقت وياليتني ما نطقت
دنيا ...لا ابد بس ههه صارلي هواي ماشايفتك وتفاجئت بيك كبران والشيب تارس رأسك ماتوقعتك هيج صاير شايب
ضحك ونصة ...عيرتني بالشيب وهوَ وقار انا ليتها عيرت بما هوَ عار
عضيت شفتي وكتله واني انزل راسي خجلانة
...مو اعيرك بالعكس الشيب ناطيك هيبة و وقار بس ماعرفت اعبر اسفة سيد
رد متفاجئ ...سيد؟!!
رفعت عيني وهو رفع عينه بنفس اللحظة ثنينه نصينة مرتبكين
دنيا ...لا اقصد عمو السيد
رفعت راسي شفته هز رأسه برضا
...بارك الله بيج دنيه
ضليت ساكتة وبعيني الف دمعة ماكدرت انزلهن والف حسرة تكسرت بحنجرتي
اجت طوعة وطلعنا هو گدامنه واحنة ورا هو صاير بيتهم ورا بيتنا بس ما بيناتنا باب مشترك لازم ادور دورة كاملة يلا اوصل لبابنا ومرات يكونون شباب بالفرع استحي اطلع وحدي لازم احد يوصلني ومرات لا اعبر وحدي
دخلت للبيت صعدت لغرفتي وضلت دموعي تتسابق على خدودي تشكي لربي مني
لاني عذبت عيوني بالسهر والتعب والبجي
...
ريحانة ...فرتني الدنيا فر وخلتني لا ليلي ليل ولا نهاري نهار
كريم استخدم وياي اسلوب الضرب بالكايمة والكاعدة يضربني وزوجته سمية تمنعه مني وصارن رواء وهبية يتدخلن ويجيهن نصيبهن من الضرب
من يلزمني كأني عدوته ويتفنن بضربي
حتى جسمي تعب من الضرب ومن كثر الخوف صرت بالليل انام يم رواء بنفس الفراش حتى ما يوصلني ولا يتحرش بيه ويلزم جسمي
وبليلة باردة صوت المطر قوي
الهوى عالي يضرب اغصان الاشجار ، حسيت الجو بهذه الليلة يعزف نغمة حزن على حالي
وقام عزاء على وفاة طفولتي بين ايدين وحش كاسر متنكر بوجه انسان
دخل للغرفة هبية نايمة حط ايده على حلگي وخزرني شالني مثل الريشة وهوَ ساد حلگي وكاتم صوتي ، سحبني من الغرفة طلعني برة شمرني بالسيارة وشغلها وطلع
غمضت عيني خايفة حسيت روحي تبنجت وبعد ما اكدر احرك لا ايد ولا رجل بعدين فهمت من حط ايده على وجهي اكو مخدر خلاني افقد بهذا الشكل
شغل السيارة وطلع بسرعة واني صافنة علي ما مستوعبة الجاي يصير شوية شوية بديت استعيد وعيي وارجف خايفة
همست بنبرة باكية وخوف ...وين ماخذني عموو
دار علي وهو يسوق وضربني على بطني بكل قوته
...اششش ولا نفس لا اذبحچ وادفنچ ومحد يلگالچ اثر ولا يطيح عليچ
سكتت خايفة طفلة مثلي شنو تحجي ويا رجال مثل هذا عاميته شهوته
الانسان من تحكمه شهواته يتجرد من الانسانية ويصير حيوان مايفيد ويا الكلام
وكف السيارة يم بيت جنة خرابة اضلم مثل بيوت خوالي نزلني رجليني ماتشيلني شالني على كتفه وفتح الباب دخلني للبيت نزلني بالكاع حسيت برطوبة البيت و وحشته
الحيطان بس لبخ والكاع صبة محفرة
شغل مروحة رغم برودة الجو احس عظامي يصلن
سد الباب باوعلي نتر ...گومي نامي على المندررر
شهگت خايفة ولميت روحي نتر ...گومي
عيونه صارن حمر يخوفن زحفت على رجليني لزاوية الغرفة لميت رجليني الصدري واحس بي بنظراته جاي يهشم روحي ويذبحني
ايديني يرجفن واحس بحرورة دموعي
ضل واكف يستغفر وعيوني تجري اباوعله بخوف والنشغة مجلبة بصدري احس گلبي يريد يوكف
اتوسله بنظراتي وهو لا ابالي
تقرب مني كأنه جلاد لزمني من زنودي شالني وشمرني على المندر صرخت خايفة
ريحانة ...لا عمو دخيلك
ضربني بباطن ايده على حلگي ...لا تگولين عموووو اني رجلج كووولي كريم
رديت بنشغة ...ك كريم ..كريم .. وخر عني اخاف والله لا تلمسني عيونك يخوفن
كريم ...اذا يخوفن غمضي
هزيت راسي لا .. شوية وسكت تنهد ونزع الترواكة مد ايده لزم ايدي
...ريحانة تريد امج؟
هزيت راسي اي
...وافقي على الشي الاريده كم شهر وارجعج الامج بأيدي
ريحانة ...شنو يعني شتريد
حجيت ببراءة طفلة
كريم ...اريد طفل ولد
ريحانة ...اني بنية
كريم ...لان بنية اريد منج ولد بس كولي اي وصيري قوية ما اعورچ على كيفي وراها اخذج الامج
بقيت ساكته ضل يدك ناعم ...امج هم تريدج وهيه قابله
ريحانة ...ترجعني؟
هز رأسه ب اي
كريم ...بس تصيرين قوية وتتحملين فترة
هزيت راسي اي خايفة
كريم ...خوش انتي قبلتي نزعي هدومج يلا
باوعت مستغربة خايفة
كريم ...الشيخ من عقد النه معناها صار عادي الزمج وتنزعين هدومج كدامي يله صيري سباعية علمود ترجعين لامج
غمضت عيني خايفة رفع دشداشتي طلعها من راسي رجف جسمي خايفة كاتمة انفاسي وانشغ
كال ...لا تفتحين ولا تتحركين علمود ما تتعورين بس تتحركين تتعورين
هزيت راسي مغمضة بكل قوتي خايفة ، اخذ عذريتي وطفولتي وبرائتي اخذ كلشي مني حولني من طفلة بعمر 11 سنة لعجوز بالسبعين
سلب روحي مني وخلاني انثى بلا روح مجرد جسد خاوي
لبسني هدومي وغطاني
كريم ...شنو تردين اشتريلج؟
فتحت عيوني وحنجرتي متضخمة من كثر الحسرات
بجيت بشهگة وكلت ... اريد امي جيبها الي
رد بنبرة مكر ...شنو كان اتفاقنة اخذج الامج من تجيبين الولد
ريحانة ...شكد بعد
رد ...كم شهر صبريهن هسة كليلي شنو تردين اخذج باجر للسوك اشتريلج كل شي
ضليت ساكتة شوية وكال كومي ماكدررت شالني ورجعني للبيت بعدهم على نومتهم خلاني بفراشي وطلع
ثاني يوم صبحت مريضة مسخنة وضليت 3 ايام بالفراش ابجي وما اكدر اتحرك ولساني ما ينطق غير كلمتين ... اريد امي ... اريد امي
اريد حضنها اريد اشم ريحتها اريد اغفة وهيه تحميني
اووف يا يمة بدونج انذليت وخربت كل حياتي اووف يا قهر گلبي واذيتي
تعالي شوفي بنيتج طفلة اغتصبو برائتها وطفولتها
خذو لعابتها وسرقو الوانها
صارت رماد
دخلت سمية شالت الكمادة من راسي غطتها بالماي البارد ورجعت خلتها على راسي
سمية ...شبيج ماما ليش ماتصحين
ريحانة ...اريد امي
حجيت بخنگة ...اريد حضن امي
حضنتني وباستني ...اني امج حبيبتي اني يمج بس احجي شنو تردين اسويلج
سكتت
سمية ...اخذج للالعاب تلعبين ويا الجهال
هزيت راسي لا
ملت مني انفتح الباب ودخل كريم شايل لعابة جبيرة
يحجي وهو مبتسم ...جبت لريحانة لعابة
سمية ضحكت فرحانة وعيونها لمعت كل ظنها زوجها الثعلب حس بطفولتي وما ضل يفكر بيه كزوجة
ماتدري بالمضموم
تقرب حط اللعابة يمي قماش حلوة جبيرة باوعتلها بهضم وانفتحت كل جروحي
عمو صهيب جان يشتريلي لعابات والوان ودفاتر رسم ويبوسني بخدي كل مايجي واكعد يمه
جان معتبرني بنته هو راح واني انذليت وامي انذلت
غمضت عيوني ما فتحت اريد انام وما اشوف وجهة بعد
وراها بكم يوم صرت زينة واجت ليلة ثانية من اسوء الليالي بحياتي البنات كلهن نامن من المخدرات وهاي المرة ما اخذني لغير بيت شالني وصعدني لغرفة صغيرة بيها غرفة اخشاب هاي جان يريد يتزوج بيها
خلاني على الجرباية واتقرب الي ومن خلص لبسني هدومي وگال بهدوء
...نزلي نامي بفراشچ ولا تحجين كدام احد اذبحچ
نزلت ركض ختلت بفراشي ابجي وارجف وبعد ليلتين صار نفس الشي ورا العشا نامن مثل المخدرات وما حسن بشي بعد حتى من عطت ولا وحدة كعدت ورجع صعدني فوك واني اشهك وابچي ونومني على الجرباية ورجع سوا بيه نفس الصار قبل
خلاني لا الي روح ولا صوت يطلع حتى صوتي انبلع ومن اريد احجي حگ كلمة كلمتين
....
ليلى ...من رحت لخالتي وما لگيت حور تخبلت ضليت حتى الطم واصرخ
خالتي كالت وهي تبجي ...حاجيت ابو خلدون ورحنة ورا اسبوع طلعنا لمحافظتهم وصلنا لحور
طلعو النه اخوانها كالو حور ماتريد ترجع وياج
دكيت رجل وكتلهم ...ما اتحرك منا خطوة وحدة ولا ارجع لبغداد اذا ما اشوف حور واحجي وياها اذا كالت نسومة روحي ادور وجهي وبعد ما تشوفوني
رد اخوها ...اذا هيج سهلة
راح دخل شوية وطلع وطلعت ورا حور سلمت علي مبتسمة وكالت الي كدامهم
روحي نسومة اني هنا مرتاحة الحمدلله اخواني تغيرو وجابر تغير راح يرجعني على ذمته واعيش مرتاحة
نسيمة. ..خاف مخوفينج احجي حور والله اذا مهددينج اكلب ليلتهم سودة
ضحكت وكالت يااا شسالفة نسومة دسكتي سكتي لا تخربين الجاي ينبني وروحي داده الله وياج جانت فرصة حلوة وسعيدة
خلتني اصفن وراحت دخلت كلت ما مرتاحة ولا شي جذابة هاي مهددينها ورا يومين رجعت الها كالو حور رجعت لرجلها وراحت ويا بعد ما تلگينها وذاك يوم وهذا يوم لا شفت حور بعد ولا شافتني
گلبي نار عليهن نار تلهب ولا مرتاح گلبي بيهن شي بس وييين الله يسلمها قطعت كل الطرق وين الگاها مادري حتى جابر دزيت ناس تعرفه كالو شايل مو هنا ومحد يندله وين بالضبط
كلت اروح لعمام ريحانة اهل جابر بس ابو خلدون كال اخو حور كايله جابر مرجع حور بدون علم اهله ومرته اذا نروحلهم تصير مشاكل
وهاي كدامج كعدت ومخليتها ورا الله هو يحرسهن ويحفظهن وين ما كانن
بيومها حسيت الدنيا ظلمت بعيني ورجعت للبيت اشهك وابجي والف حسبة ببالي والف فكرة سودة اجت براسي
حتى عن الجامعة غبت وبس صليت الظهر ونزلت مالي خلگ شي
نظفت ويا البنات والف حسبة براسي
للعصر دخلت ام مؤمن سلمت علينا وكعدت بالصالة واحنة ملتمات لمة حبايب
بس اني بالي ولا يمهن ومع هذا شهگت مصدومة من گالت
ام مؤمن ...نريد دنية لأبا ذر على سنة الله ورسولة يعرسون ويخلفون ويترسون علينا البيت والله ملينا بيتنا فاهي لا بنية تحبي بي لا وليد يكلي بيبي
ام مصطفى ...يا يوم المنى اشوف دنية عروسة
واحنة وين نلگى احسن من ابا ذر والله اباذر درة مال الله وخلوق وهادئ الله يحفظه
ام مؤمن ...ودنية نفس اطباعه ثنينهم نفس الهدوء والاخلاق والله يتراهمون بس بيناتنة داده لحد هسة ما حجيت كبال الزلم كلت احنة بالاول نرهمها وبعدين نخليهم يحجون
ام مصطفى ...خوش لعد
ضحكت ام مؤمن وكالت ...هو غير متلهف كال يمة روحي خطبيلي دنية قبل لا اسافر ومن يرجع نسوي العرس
ام مصطفى ...شنو هو الراد تخطبيله
ام مؤمن ...اي شلون لعد كال خاف البنية تتزوج حرامات هاي الدرة الثمينه تضيع من ايدينا
ضليت اباوع عليهن بدن يحجن ويتفقن ودنيا واكفة بباب المطبخ تسمع وعيونها حمر دم
طفرت بسرعة دخلت للمطبخ وسديت الباب لزمتها من زندها اهز بيها
ليلى ...دنية شبيج مصدومة دنيه
غسلت وجها وشهكت مثل الغركان الطلع باخر لحظة
باوعتلي وهي فاتحة عيونها على وسعهن ...خطبتني لاباذر سمعتي واني احب اخووو سمعتي ليلى
ليلى...اششش رفضي وهاي هيه رفضي لا تبچين ولا تحسسينهم بشي
كالت بحسرة وهي تضرب على خدودها ...ليشش ماسمعتي امي من اول حجاية قبلت منو يسمع الي منوو هم يقررون نتزوج منو بمزاجهم
ليلى ...لا تكبرينها دنيا شبيج احجي ويا عمتي فهميها انتي ماتردين اباذر وهاي هيه بعد عليمن هذا البجي محد حاط سيف على ركبتج وكالج قبلي
هزت راسها بقهر وگالت ولا تفهميني بعدج ماتعرفينهم مسحت وجها وانسحبت بهدوء صعدت
بقيت صافنة ومقهورة هاي بالله شلون بيها دخيلك ياربي بس لا تاليها تتزوج اباذر وهي تحب مؤمن
لا ياربي دخيلك ماكدر اتخيل يصير هذا الشي شلون الوحدة تعيش ويا واحد هي تحب اخو
رجعت كعدت يمهن يخططن ويحجن بالذهب والجهاز ويقررن بمصير دنيا بدون ما يشورونها
ردت اتدخل بس سكتت اني هيج هيج بعدني تحت الاختبار ويراقبون كل تصرفاتي علمود يرضون عني والنوب اذا احجي اصير مكروها وجابت بت سموها خراب البيت
عمتي بالليل صعدت لدنيا ونزلت ضايجة عرفت دنيا رفضت بس مستحيل عمتي تقتنع راح تضل تصر عليها ما تقبل هم هيج حياتهم وهاي طبيعة زواجاتهم حتى الرافض يقنعوه گوا
جبران ..
عقدت عليها وصارت مرتي شفتها كاعدة مسفطة ومن طلع الشيخ شاورتني
شيهانة ...يمتة تركصلي
كرصتها من زندها ورديت ...بالليل
هزت راسها برضا وسكتت ، اجة علي عمار وطلعت اله سلمت علي
عمار ...هاا الك*** عرست
جبران ...عرس الاگشرر
عمار ...واضح اكشر من وجهك لمورد ك*** كول اني ميت بهواها وما صدكت اخذها
جبران. ..تسكت لو شلون؟
غمزلي ...حلوة هيه احلى منك
طكيته بوكسي ببطنه ...بالعباس اذا تعيدها ادفنك هنا
كض عينه متوجع عامص عينه ويحجي
....شسالفة ولك جذب عمي موحلوة جنها صلوحي ل
بدون شوارب
جبران ...تروحلها فدوة
اكلك هسة تعال اسمع اريد تساعدني ولو ثقلت عليك بس شسوي من قلة الخيل
عمار. ..اخخ بطني راحت
يفرك مكان الضربة ورفع حاجبة ...شنو عندك احجي
جبران ...مشاري رجلها السابق بالعراق واريد اكتله
فك عينه وحلگه سديت حلكه بايدي ...حلكك لا يطب بي جريذي سده
عمار ... گلنا تغار واربعه وعشرين ساعة لازم قندرتك تريد تزين شاربك لان طلعت ومشت وحجت ويا فلان بس مو لهاي الدرجة الغيرة توصل
سكتت لحظات .. تنهدت وكتله بجدية ...ترا مشاري خبلها هوا سبب حالتها وانه حالف اكتله اكتله تساعدني لو اكتله وحدي
عمار ...لا اكتل وياك
جبران ...لا ماريدك تكتل وياي بس تساعدني
عمار. ..ها ابردلك السجين؟ لو اكطع الجثة
جبران ...احجي جد لا تنرفزني اريدك تساعدني اكتله ونضيع ذكره واذا نكضيت تطلعني جا خو ما انسجن وانه عريس
عمار ...اجيبها الك للسجن
جبران ...انجب تجيبها شنو اسكت
عمار ...سكتت من ساعة السودة الصاحبتك بيها
جبران ...اسمع ابوي كال علي حجة وانه وصيت علاوي ابو المحل يراقبلي
بس يلمحه ينطيني خبر والحگه اشوفه وين كاعد واحضر لخطفه
عمار ...خليها يمي والله لا مراقبة ولا شي يوم واحد واكلك تعال جبتلك الفريسة
سكتت شوي افكر وكتله ميخالف ساعدني هو انه ليش مودي عليك جا علمود تصيرلي عون
عمار ...خلينا على تواصل
هزيت راسي ب اي
رحت ويا انطينا معلوماته ومواصفاته حتى نوصله بأسرع وكت
لليل يلا رجعت متأخر ما متعشي فتحت الثلاجة وسديتها وطبيت للغرفة لكيتها نايمة
جبت مخدتي حطيتها بالباب وصفنت على روحي
جا شمالني انه غير صارت حلالي امداني متعود على الحرمان
جريت المخدة وسديت الباب سحبت الغطة وتمددت يمها باوعتلها نايمة عيونها متألمة واجفانها متقرحة
وجها شاحب ومابي روحي وشعرها بي شيب
مديت ايدي اصابعي ترعش
خليت ايدي على خدها اتحسسه نزلت اصابعي على ركبتها
بلعت ريك بصعوبة
رفعت ايدي لشعرها اتحسس الشيب وبداخلي اتوعد اندم مشاري على السواه بيها وشاربي ازينة اذا ما دفنته بايدي ورا ما اخلي يحفر گبره بأيده
دفرت ايدي ...ساقط شبيك تكضكض بيه
باوعتلي بغضب خازرتني ونترت كوم شكو نايم يمي تريد تكضكض وتتحرش بيه والله اموتك موت واخلي عمي يزين شاربك
رفعتلها حاجبي ....لا بعد صرت رجلج يومية انام هنا يمج
كعدت مثل المخترعة ...صرت رجلي جا وين رجلي وين راحت كصيتوها وينها
تتلمس برجلينها وتعيط ... اريد رجلي وينها ليش انته صرت رجلي
جبران ...منين تسمعين من خشمچ بنت اللذين رجلج رجلج زوجج
شيهانة ...يعووووووووع انته رجلي عوووووووع جنك سلبوح سيان دروح روح يم امك لا اصرخ غسل لهذا الوجه
جريت المخدة ونترت ...صوجي مو صوجج
صفكت ايديها وغمتني. ..دروح جنك ديج هراتي مهلس
شمرت الغطا وتمددت ...تعال غطيني وروح يلا
جبران ...وحك اسد بغداد اكضج اقضي بيج التوبة
شيهانة ...تغطيني لو شلون؟
جبران ...ما اغطيج
شيهانة ...والعباس اذا ماغطيتني انزع هدومي واگلك تعال لبسني واصعب عليك المهمة
ضحكت بمكر وكتلها ...انه احب المهمات الصعبة
ذبت روحها على بطنها تسوي روحها تبجي خليت مخدتي ونمت على الكاع
غمضت عيوني سمعتها كامت صبت ماي عبالي جاي تشرب وما احس غير غبگتني بي
طفرت بسرعة من مكاني بجامتي انترست ماي
شيهانة ...شكبرك بعد تصير وتبول على روحك بشيه بشيه
مشت تمددت وانه اباوعلها والدخان ضل يطلع من راسي احطها وادوس بكلبها لو اضل ساكت ومتحمل لخاطر الله
تمددت تباوعلي بمكر غمزتلي ولفت روحها بالغطا
بالله هاي يمتة تطيب ويرجع عقلها
صعدت بدلت ونزلت نمت يمها بهدوء بدون ما تحس وعبرتها شسوي جا هيه هم مو بأيدها
ثاني يوم كعدت لكيتها كاعدة طلعت اغسل وهيه طلعت من التواليت غسلت ومشت تتريك
مشيت وراها صبحت على اهلي ورحت صليت ورجعت اتريگ
بس كعدت باوعتلي بنص عين ورجعت باوعت لابوي
شيهانة ...عمو ابنك ساقط بالليل يكضكض بيه ولا يستحي
ابوي باوعلي ورجع باوعلها ...هسة اطيحلج حظة
شيهانة ...كل خجل ماعنده وجذاب كالي يركصلي وماركص البارحة كله ضايجة ضليت اتاني يجي يركص وماركص
...ولك ليش تغدرها اكوم واركص شنو راح يطير نصك
باوعتله بنص عين ...اركصلها انه وشاربي
حميد ...خل يولي هسة من حور الشارب
ضلت تضحك وتغمز بعيونها طلعت للدوام قبل لا اطلع بساعة اجة عمار ضل واكف ع راسي وكفة لحد ماطلعت
باوعتله ونترت ...شبيك انجلبت
عمار ...لا بس صاحبك مربط بالسيارة وذاب فوگه فرشه الحك كتله بأيدك لا يموت مختنگ
جبران ...حلو جيب مسحاة اريده يحفر گبره بأيده ........للحكاية بقية
طبعاا كلشششش اعتذر كلش ع التأخير امس عاصفة وطاح علينا النخل وكطعن واير النت ومن غير الكهرباء طكت وحالتنا حاله
وكملتها اليوم افتر علمود البطاقة الوطنية
صورة من صباح اليوم 😁💔💔 بعد ازالة النخلة الثانية وسعف هاي النخلة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!