رواية حمائم تخشى الطيران الفصل الحادي والعشرون 21 - بقلم فاطمة العبادي

فاطمة العبادي

في ... #حمائم_تخشى_الطيران

قراءة ممتعة كيكاتي 🖤 ..

🚫البارت غير مراجع عذرًا 😊

تفاعلو بتعليقات بين الفقرات لطفا وصلو البارت 500 تصويت وتعليق

دنيا ..

امي شهگت مصدومة واباوع لوجه والدي صفن عليهم لحظات وهز رأسه بوعيد
گاله الضابط ليلى چنتكم والله والنعم خوش چنة
وضحك مستهزأ وكأنه يعرف قيس متزوج بدون علمنا

حسيت ابوي وجهة صار احمر يريد ينفجر بس ما گال شي غير ...خوش بنية خلوقة احنه ماناخذ البي لوله

...عاشت ايديكم

طلعو من البيت بس وصلو الباب البيت ابوي كعد مصدوم ايده ترجف وكعت العكازة منها
هاشم دنك ع العكاز ومرتضى لزم ابوي من كتفه

مرتضى ...گول يالله نفهم كلشي بعدين گول يالله يابة ليصير بيك شي

احتقن وجهة حواجبه انعقدت بغضب صاح بصوت فطر گلوبنه وحيطان البيت من شدة غضبه
...جيبووووووولي قيس انحره نحر اليوووم

هاشم ...استهدي بالرحمن بعدين قيس مسافر منين نجيبه ننتظره يرجع

هز رأسه يتوعد ...مستغفلنااا شفتووو شلون طلعت عينه وخرب الولد ؟ خربته هاي البنية خربت اخوكم دمررررته وخلته يطلع عن شوري مايدري اليطلع عن شور اهله يخسرررر قيس يخسررر والكفل زينب يخسر

يرجع مدنگ راسه محني الظهر ماله عين يرفعها ويحطها بعيني ولا بعين الناس ..

ضرب عكازته بالكاع بغضب ..

امي ميته خوف وقهر ترجف ايديها گالت بخذلان تعاتب قيس الغايب ...ولك قيس يوم ليش هيج تسوي بينا ليش تكسر وجوهنا كدام الناس كلنالك البنية مو ثوبك مو ثوبك

ابوي ضل يزفر بغضب ويباوع علينا عبالك كلنا معرسين بدون علمه .. لمعت عيونه بدهاء وگال

عبد الرحمن بغضب ...مصطفى اشتري ذبايح وحضر مسواگ مال عزيمة ، علويات حضرن البيت
باوع للولد وگللهم ... جيبو غرفه عرس الاخوكم نصبوها واخذو امكم للسوك تجهزها

باوع لهاشم وگاله ...قيس خابرك؟
هاشم ...امس خابرني
...خوش من يرجع يخابرك گله ابوي عرف بعرسك من دون علمه
هاشم هز راسه
ابوي زم شفايفه مقهور وكمل ...گله نريد نعرف يوم رجعتك علمود نعزم السادة نگللهم عزيمة عرس قيس خلي يجيب حرمته ويجي گبل

ام مصطفى ...شلون ما تگلي شلون سيد هسة يگولون شوكت تزوج شنگللهم

...نگللهم تزوج وثاني يوم سافرو همه رادو سفر مو عرس وهسه مسوين عزيمة نعلن بيها زواجه
واخوتي وخواتي كلهم ينگاللهم نفس الحجي ماريد واحد يحجي ويكول قيس طلع عن شور ابو

وفنها التحجي منجن كدام بشرر والله ثم والله ثم والله تتعاقبن عقوبات تخليجن تعضن صابيعجن العشرة ندم سر هذا البيت ما يطلع لا كدام ام ولا كدام ابو

احنة مخلوسات مايدري بينه بدون مايوصي نخاف نحجي

ام مصطفى ..واذا خواتك نسوان اخوتك سألن شنو نگللهن هسة هم الاقارب يكولون احنه مو غربه ليش ما حجيتو كدامنا وكلتو قيس راح يتزوج

تنهد ورد بضيق ...كليلهن العرسان رادو بس عقد وسفر واحنه احترمنا رادتهم وهسة جاي نعلن غير هذا الحجي لا تحجين منين لبنيه منين اهلها ما نعرفهم الولد رادها رحنة خطبناها وخذيناها

مرتضى ...يابة لو نسوي عرس يكون احسن

...لا احنه ناس معروفين وهذول الضباط يعرفونه واهل المركز نصهم يعرفونه هسة من واحد لواحد العالم كلها تعرف شايفين قيس ويا حرمته مسافرين
شيگولون سيد قيس مسافر ويا خطيبته؟

سكتنا كلنا وجهة محتقن وايده ترجف الله يستر شنو راح يصير من يرجع قيس بدات بطني توجعني من هسة صار عندي مغص

باوعلنا معصب تنهد وكال بهدوء عكس الغضب الواضح علي
...شمنتظرات؟ گومن من هسة حضرن وجهزن وعدلن

تطفارنه كلنا للمطبخ دخلت امي تعكد طرف شيلتها وتگول ..يالله بحق ام البنين تحل هاي المشكلة وتفرجها علينا وتهدأ النفوس
يممممة بينهم الرحمن ان شاءالله بينهم الرحمن

سكينة مرت هاشم كعدت بصعوبة متعبها ثگل الحمل وگالت ببراءة ...عمو گلبه طيب شفتن شلون بسرعة گال جيبو غرفة وحضرو عزيمة نحجي بيها ونگول قيس تزوج

باوعتلها وضحكت بأستهزاء ...سكينة هذا اسمه الهدوء ما قبل العاصفة او الاعصار القوي يا يابة ابوي مو بس يلوي ذراع قيس ورا هاي عملته لا راح يكطعها اله

ام مصطفى ..اسم الله اسم الله ان شاءالله ماكو هيج شي بينهم الرحمن

سكينة گالت بخوف ...الله يستر محلولة ان شاءالله لا تفكرين عمة خليها ورا الله

ام مصطفى ...دنية؟ صدك هيه جانت وياج بالمدرسة والنوب صارت ويا اخوج بالجامعة شلون
بلعت ريگي بصعوبة باوعتلها بحيرة ورديت ..مو قيس ترك سنتين هيه وصلت للجامعة وصارت ويا

سكينة بفرح ...قيس حبها بيوم عرسنا مو؟
ام مصطفى ...لا يگول جنت اشوفها وياي بالجامعة وطلعت صاحبة دنية قبل

سكينة ...عبالي حبها بيوم عرسنا كلت احنه مبخوتين وصارت قصة حب من ورانه طلعنا فگور

هاشم ...ليش فگور علوية؟

سكينة ضحكت وغطت حلگها ...عبالي قيس حب ليلى بعرسنا وطلعنا مبخوتين
هاشم ...والله على هذا الدمار لو حابها بعرسنا السيد يطلگنا يشمرج ع اهلج واني يشمرني بأيران ويكول ولو لا بارك الله بيكم من وراكم قيس تدمر

ضحكنا كلنا سكينة كلتله وهي تضحك ...بس ترا قيس صدك هايم بليلى مبين علي ما هامه احد غيرها بهاي الدنيا

ام مصطفى ...لا هلا بالعشگ سرطان يهلك الواحد هلك ويدمره شكد خايفة من عواقبه ومن نهايته خاف نخسر قيس اكثر

هاشم ...الله كريم .. تنهد وباوع الامي
هاشم ...تمنيت تاخذوله محبوبته برضاتكم وتجيبونها لبيتنا بعرس شما كانت يضل قيس رايدها ويحبها

ام مصطفى ...شسوي يوم ابوك قافل ميريدها هسة هيج احسن ماخذ بدون علمنه

هاشم ...ابوي يرجف احسه يفكر غير تفكير يمكن حسباله قيس ما متزوج ومسافر بدون عرس؟

امي شهگت وگالت ...لالا يوم ما يسويها مو لهاي الدرجة

باوعلي هاشم وزم شفايفه بحزن نصيت عيني مقهورة اني ويا نعرف قيس وصلت بي حتى سرقة سرقنا سرق حلال ابونا شهگت مصدومة وباوعت لهاشم فاتحة حلگي ضحك وهز رأسه مقهور

مشيت ورا كتله بهمس هاشم يعني قيس بايگنا ومتزوج
هاشم ...وضحت بعد

قلصت عيوني وكتله ...يااا شوووف عزة العزة الحب يوكع الواحد بمشاكل والحرام
حوط كتفي وكال يمازحني ...اياج والحب دنية انتي مابيج حيل بسرعة تتخبلين علينا ازيد من قيس

لكزته بخاصرته زعلانه وضايجة ...اعوذ بالله شجابني على الحب سيد لا تحجي هيج اني استحي شبيك انته ما تستحي سكينة طلعت عينك

ضل يضحك باس راسي وشال جفيته السودة من على اكتافه خلاها على اكتافي
هاشم ...غسليها ماعليج امر
دنيا ...بعيوني

....

قيس ...ويامن تحجين؟

بلعت ريگي بخوف رديت بهدوء ...صديقتي حبيبي حجيت وياها كتلها اني صرت يمكم تريد تسلم علي

قيس ...وهاي وين صادقتيها؟
ليلى ... شسالفة قيس بنت خالتها صديقتي اجت للعراق مرة وتعرفنا صرنا صديقات وكل متجي نلتقي حتى تجينا للبيت نعزمها علاقتنا قوية

قيس ...ليش خفتي لعد ليلى شنو ضامه علي احجي لا تخربينا واحنه هسة انجمعنا
ليلى ...تجي باجر وتشوفها وتحجي وياها اسئلها حقق وياها مثل مجاي تحقق وياي

درت وجهي بزعل وصعدت للغرفه صعد وراي سد الباب بغضب ذبيت ربطتي وبدلت ملابسي كدامه وهو يعيد نفس الاسئلة

ليلى ...ما خلص تحقيقك؟ حتى البنية ما اشوفها بعدين اتصل بيها واكللها لتجين صار عندي ظرف وراح اغير الفندق كافي سويتها قصة شككتني بروحي

فرك وجهة حيل وحط ايدينا ع خاصرته باوعلي بنظرة حيرة لام شفايفه بتفكير
قيس ...بديت اغير نظرتي بيچ

رديت بحدة واني عاقدة حواجبي بغضب
... ورا ما تزوجنا؟ كنت وياك مثل ما اني بتنورتي الكصيرة وشعري الطالع وطلعتي ودخلتي ومشيي وانتَ هايم بيه عاشقني الا شوية تتبرأ من اهلك حتى تاخذني من تزوجنا وبديت اتغير علمودك نظرتك تغيرت بيه وبعد شهرين تكول طلعو اهلي على حق انتي مو مناسبة وتطلگني

شمرت الثوب من ايدي بغضب وتخصرت ...طلگني هسة وخليني ارجع للعراق وانتَ ضل انتظر البنية تجي حقق وياها حتى تتأكد ماعندي شي وتعرف روحك خسرتني

تنهد ضل يستغفر سوالي بأيده حركة (على كيفج)
...اني خايف عليج من الاحزاب انتي تمشين ويا دلال واني امنعج ما تسمعين حجي

ليلى ...لو دلال داخلة ويا احزاب جان هسة عادمينها
وانتَ منيلك هذا الحجي لا تحجي بكيفك وتشيل بذمتك
قيس ...ابوها عقيد واهلها كلهم بالدولة هذا الشي مخليهم ما يشكون بيها بس اغلب الطلاب حاسين وبالحقيقة لاحظت عليها شوية تصرفات مادري شلونه

ليلى ... تريد اقاطع صديقتي وانهي صداقتي بيها

غمض بقلة صبر تنهد وعافني وطلع للبلكونه معصب وما رد علي

ضليت ابچي مقهورة طلع صوت شهگاتي اجة دخل جثة على اركبه گبالي ولزم ايديني ثنينهن
گال بهدوء ...لا تبچين ليلى عادي اي ثنين متزوجين بالجديد تصير بينهم مشاكل خلافات لحد ميتعودون واحد يعرف اطباع الثاني وطريقة تفكيره واسلوبه

هزيت راسي ب لا ...انت تشكك بيه هسة لو تشك بيه ويا احزاب معارضة ما انقهر بس خايفة يكون شكك غير وتطلع حجتك بالاحزاب جاي احس بيك تشك بيه اصاحب زلم من وراك

فك عينه بصدمة وسد حلگي بأيده ... لا تحجين هيج مرة ثانية لو عندي شك بيج بمقدار ذره ما تزوجتچ ولا خليتچ على ذمتي

تنهد گال مقهور ...وحگ ذاك ابن البدوية البطل الما احلف بي جذب ليلى غضبي بسبب خوفي عليچ ما اريد اخسرج اني روحي مو مهمة يعدموني عادي بس ماريد اخسرج ماريد يعدمونج واضل وحيد من دونچ الدنيا ما تسوة شي اذا انتي مو بيها وياي ..

ليلى ... فهمتك
قيس ... سمعي ليلى اذا عندچ شي احچيلي لا تضمين اني اذا عرفت ضامه عني شي نخرب وبأيدي اكطع كل خطوط الرجعة بيناتنا خاف بيوم اجلب بواحد وارجع وياچ

باوعتله بتفكير تنهدت كتله بضيق ...اريد عمامي قيس اني وحيدة ومالي ظهر بالدنيا اريد عمامي خاف تميل بيه اريد سند ارتجي علي

قيس ...واني مو سند ليلى؟

ليلى ...سند .. بس اريدهم حتى من يعرفون اهلك بزواجنا يلگون عندي اهل ما يشوفوني وحيدة خايفة من ردهم بخصوص زواجنا

تنهد وهز رأسه باس باطن ايدي وكال ... ادورلچ عمامچ سهلة هاي خليها يمي
ليلى ... اني سامعة من نسومة وابوي عمامي بالنجف وهمة ناس زينين كلش بس ما اعرفهم بلكي يطلعون ناس يرضون اهلك ويتقبلوني بيناتهم

قيس ...لا يتقبلونچ كافي اني وگلبي نريدچ ونموت عليچ

ابتسمت برضا كام كعد بصفي لزم حنكي رفع وجهي طبع بوساته على عيوني ومسح دموعي بأصابعه
قيس ...بعد لتگولين طلگني مو حجاية والثانية طلگني المشاكل تنحل والعقد تنفك مو كلشي بالطلاگ ابغض الحلال عند الله

هزيت راسي اي .. غمضت عيني خليت راسي على صدره وحضني حيل
باس راسي وحجة ...وشوفي صديقتج عادي مسموح
ليش متردين ليلى مو احجي وياج

جريت نفس ابلع الغصة الي تجمعت بحنجرتي حبه. الي وحنانه وياي يخليني اندم واكول ما يستاهلني يستاهل الاحسن مني اني مو ثوبه ليش ورطته وياي؟
حجيت بحسرة

ليلى ...خايفة من المستقبل
قيس ...لتخافين وقيس بظهرچ امشي والاوي ذرعان الدنيا واكسر ظهر الزمن لو رادن يتقاون عليچ
ما اخلي شي يضوج ليلاي ولا يأذيها ..

ليلى ...الله يحفظك الي

جهزنا نفسنا ونزلنا نستمتع بسفرتنا اخذني لهواي اماكن واحلى شي واكثر موقف احبه واتذكره

من صعدت بالمرجوحة وهو يدفعني اطير فوگ بالسما وارجعله ، اضحك حسيت روحي حمامة احلق بالسما .. كل ما تبطئ يلزمها وقبل لا يدفعني يگول
"طيري خاتون حمامة السما الچ"

قبل رجعتنا بيوم خابر على سيد هاشم ما گاله نرجع باجر لا گله عگب باجر
وفجأة عقد حاجبه وخله ايده ع الحايط وگفت يمه اباوعله شكو؟
گال بصوت مبهوت ...شلون عرفتووو؟ هاشم تريد تسحب لساني وتبلغ الوالد مو احلف مو هيج انت امان هسه عرفت لا تحجي يم سيد رحمن

هاشم بحده ...لا سيد مو هيج ابد مو هيج انتم منين سافرتو من يا مطار .. مطار عمان؟ لو غيره
ما يهمني منين بس وصلت اخباركم للعراق وطلعو علينا تفتيش وهيج الضابط گال فتشناه هو وزوجته بعد احنه گبل شبكت عدنا وفهمنا السالفة

قيس ...هسة ابوي عرف؟ شگال شنو حجة علي
هاشم ...تحمد ربك لو گايل شي وحاجي الظاهر ضاملك ضميمة
على العموم ردت ابلغك بشي السيد گبل هيج فجأة كال حضرو البيت حضرو الذبايح جيبو غرفة اخشاب الاخوكم واليوم التجي بي احسب حسابك ترة تجيب مرتك وتجي راح نعلن زواجكمظ

قيس ...اكلك خاف تشاقة

...سيد شفتني فاتح حلكي طلاقتين واحجي هذا الموضوع هم بي شقة احجي صدك انته عكب باجر تجيب مرتك وتجي النه گبل ابوي گال نگللهم همة رادو سفر مو عرس زوجناهم وسافرو وهسة علنة لان هاي رادتهم ما احبو احد يزعجهم بايام زواجهم

قيس ...خوش لعد تدري احنة باجر نجيب بس نوصل بليل نروح لبيتنا نرتاح وعكب باجر هيج ب12 نجفت عليكم
هاشم ...جيبو جنط عود عرسان راجعين من سفر

قيس ...هاي هيه .. اكو شي ثاني ضامه سيد
هاشم ...لا ابد بس من تجي نتفاهم

نهى الاتصال وحجالي كلشي دار بيناتهم انهاريت ضليت ابجي گال محتار
...ليش وصلو اخبارنا للعراق وطلعو تفتيش على اهلي معقولة شاكين بيه بسبب سفراتي الهواي؟ شمعنى ماطلعو ع بيت خالتج يعني شكهم والنقاط خلوها علي مو عليچ

باوعتله بخوف ...حتى اخاف ارجع منين اتلگاها منهم من اهلك العرفو بينه متزوجين والله هسة يطلگوني منك والله

قيس ...شنو طفل ويطلگونه شبيج ليلى صلي على النبي محلولة
تنهد كال محتار ...الله يستر من غضب والدي الله وحده يستر خاف يحطنا اني وياج بمثرامه ويثرمنا

ضليت الطم لزم ايدينا يضحك ...اشاقة شبيج انهاريتي باوعلي للجانب الحلو راح يعلن زواجنا يعني انتي هسه مرحب بيچ وما يطولج شي العقوبة راح تجيلي اني

ليلى ...ماتگلهم على خالتي
عقد حاجبة رديت منفعلة ...من يسألونك كللهم البنيه راجعه لعمامها انطيهم اسماء عمامي لتجيب سيرة خالتي يمهم

ضل متفاجئ ...شبيها خالتج خوش مرة ليش هذا الحجي تعبت عليج هواي صارتلج ام واب

نصيت راسي ارجف رديت بتلعثم ...مو هي ..خالتي تحف تخيط تمكيج عرايس وتشيرلهن وهاي السوالف ويجن يمها اشكال والوان ونماذج اعوذ بالله
وهم ويانه حور تعرفها من اقارب امي كاعده يمنه جانت تشتغل تخدم بالبيوت وهسة بالشارع تبيع لبلبي

عقد حاجبة متضايق ...شبيهن نسوان يركضن على العيشة ماعدهن زلم والله ولو عدهن ما يخلونهن بس مجبورات شيسون مو عار هذا الشي ليلى واهلي شعليهم بشغل خالتج وحور؟

ليلى ...ماتعرف الناس انته على كلشي يحجون حور وخالتي ما سلمن من حجي الناس اذا اهلك سمعو يضلون يطعنون بيه

هز رأسه محتار تنهد ...اهلي يردون حجة حتى يكلولي اختيارك غلط زين عمامج تعرفينهم؟ منين ما منين

ليلى ...ابوي جان يسولفلي يكول عمامج خوش زلم بس امهم خربت بيناتنه
قيس ...امهم
ليلى ...اي ابوي ابن الصغيرة جدي متزوج ثنين جانت تكرها زوجة ابو بس كال عمامج حنينين علي ويحبوني وحتى من طلع منهم وتبرأ جدي من ابوي اخوانه مقهورين علي ، ويحجيلي مرات عنهم گال خوووش ناس ويمدح بعمي الجبير يكول اسمه حجي طاهر حاج بيت الله ورجال زين انته من يسألونك عني اذكرلهم اسم عمي گللهم من النجف وخوش رجال خاف يردون يسألون عني حتى يعرفون نسبي يرحون للنجف يسألون

قيس ...ما حجيتي من الاول؟ على العموم سهلة

تنهد بضيق كتله ...بلكي الله يرضون اهلك وينتهي كلشي ونعيش بسلام

گال والله اتمنى ياريت ..

عافني وراح نزل شوية وصعد كتله شنو كال خابرت هاشم كتله يسألون عن عمامج عدهم اليوم وباجر كله عسى ولعل يكدرون يرحون للنجف ويسألون عنهم ويتعرفون عليهم

نهضت مخترعة ...ايي؟ بس يسأل مو ما يگللهم شي
باوعلي متفاجئ ...لا ليلى يسأل وبعدها نشوف وين توصل ناخذج الهم نرجع العلاقات بيناتكم تضلون هيج الله كريم نشوف

ليلى ...ها زين
...مو ردتي سند وعمام بعد ليش خايفة
...اخاف مايستقبلوني والله زحمة من اهلك هسة يكولون هاي حتى عمامها مايردونها واصير مكروها اكثر

...هاا اذا هيج سهلة خلي يلگاهم اول شي اخذج اني ونروحلهم وحدنا حجيج صحيح انتي مرجعج لعمامج ضروري تتعرفون ويصيرون مسؤولين عنج حتى لو بس ظاهريًا مانريد يفزعولج من صدك بس يراوون نفسهم كدام العالم. اني اسوي اللازم يسوونه واسد واجبهم اتجاهج

ضليت اتلوة من الالم كلبي يأذيني خايفة من الجاي كلش خايفة كذبي ينكشف حتى من كتله ع عمامي نص كلامي كذب اعرف عمي الجبير اسمه حجي طاهر وجنت ناكرته وماريده واعرف عايشين بالنجف هم اصلهم مو نجف عمارة بس بس بعد مستقرين بالنجف

ما ادري اذا زينين لو لا بس مرة ابوي كال امهم خربتهم عليه وحتى من مات ابوي محد دزلهم خبر وكللهم ترة اخوكم مات وماادري بعد همه عرفو لا
نسومة تكول همة مايدرون ابوج وين عايش شمدريهم ميت لو عدل

حجيت لقيس شوية معلومات سامعتها عن منطقتهم ما متاكدة بالصدفة سمعتهن قبل ورجع خابر اخو خطية تعذب سيد هاشم بسببي

ضليت اندعي كون يطلعون خوش ناس ويرضون اهل قيس حتى يرتاح گلبي واستقر ويا
حتى الحزب قررت اعوفه والتفت الحياتي هسة اني شستفاد من الحزب ، المطرت والصحت شمحصل العاگول ..

........

هاشم ..

...سيد احنه نريد نزور ابو الحسنين شلون ما نزور هسة واذا قيس تزوج بدون علمك احنه ما نسويها

...لا اني اخاف كمت اخاف ترحون وترجعون وياكم نسوان

مرتضى ...لا وعلي يابة بس نزور ونسلم على صاحبنا

سكينة ...اني ما اقبل اروح وياك هاشم النوب انته خذيتني صغير هسة كبرت ويمكن تحلى بعينك مرة غيري وتسوي سواية قيس

هاشم ...صارلنة سنة متزوجين يا سكينه سنة ما لحگت اكبر بعد وكت صبري ورا مايصير عمري عشرين اتغير
اشرت على مرتضى وكتلها ...سيد مرتضى عمره 24 ومخلف 3 صار قديم ويمكن يدور ثانية

مرتضى ...اعوذ بالله من الشيطان الرجيم

سكينة ...احلف ما تزوج بالسر

هاشم ...والزهرة الزچية ما اتزوج بالسر بس شوفن مرتضى

مرتضى ...لا حول ولا قوة الا بالله

سيد رحمن ...اني شنو ربحي اذا رجعتولي معرسين محد يسافر لغير محافظة هم يطبون الامن يكلولي لكينه هاشم ويا مرته يزور

هاشم ...والزهرة الزچية ما اتزوج ثانية بعدني صغير شوفو مرتضى

مرتضى ...عمي الله اكبرررر يا هل نجف ما اروحلچ بعد بطلت هاي هيه رايح اقرا قرآن شوية انضكيت

ضحكت وغمزتله واني اشوفه صار احمر خايف من غيرة زوجته وهي تباوعله وتضرب الجفجير بباطن ايدها غيرانه

قنعنة والدي وطلعنا للنجف زرنة الامام علي عليه السلام وبتنا يم صديقنا الشيخ زين العابدين
وسألناه عن عم البنية حجي طاهر كلناله منين يرجع يا عمام و وين ساكن وكال سهلة باجر من الصبح نطلع لديرتهم وننشد عليه ..

حطولنا فراش بحسينيتهم ونمنه اني ومرتضى اخوي
تنهدت وكتله بقهر
...مقهور على قيس ومنه
مرتضى ...اي والله حتى اني مقهور مو يدري بوالدي رافض ليش تزوج بدون علمه خايف ابوي يتبرأ منه

هاشم ...لا ما يسويها السيد بس يعاقبه ويمكن ....
سكتت
مرتضى گال بضيق ...احسه يدور ورا البت حرمة قيس وبس يلگاله بيها لوله يگله شوف شماخذ واني نصحتك ومن هذا الحجي

هاشم ...انته زين هيج تفكر اني استغفرالله ما اريد احجي
مرتضى ...احجي كطعت كلبي جنك ناكوط الحب اسحب منك الحجاية بلكوة احجي لا تكطر علي بافكارك

درت وجهي وكتله اسكت اريد انام

مرتضى ...شنو سيد ما تحجي اضل بفضولي

سكتت سويت روحي غفيت كال ...احجي هاشم والله يكتلني الفضول نوم بعد ما انام اضل متعذب مو تكول

سويت ...اخخخخخ ششش اخخخخخ اششش ، عود اشخر

مرتضى ...وعلي جذاب ولا نايم تضمضم عليه وعلي هسة ارجع لبغداد واعوفك اذا ما تحجي حلفت اني

كعدت باوعتله خصمت عيوني متضايق ودرت وجهي
...بذمتك مالي شغل
هز راسه كعد متأهب يسمعلي بتأني ويدقق

هاشم ...احسها هاي مرت قيس وراها مصيبة كلبي ما مرتاح الها شمعنى من سافر وياها طلعولنه الامن فتشونه ودققو بالكتب العدنا حسبالهم بيهن شي ضد النظام

مرتضى بهمس ...تگول معارضة للنظام
هاشم ...احسها هيج حتى الضابط تعمد يذكرها احسه يدقق بالحجاية ومن ينذكر اسمها روحي تروح انمرد ف لا مرتاح الها واني احساسي ما يخيب

مرتضى ...كول والحسين
هاشم ...والزهرة الزچية

مرتضى ...لا گول والحسين
هاشم ...مو الزهرة الزچية امه ماكو فرق

مرتضى ...لا گول والحسين
هاشم ...والحسين

باوعلي بحيرة وزفر نفس ...ننتظر جية قيس ونراقبها
هاشم ...لا خوية لا تعيدها احنة ما نراقب حرمة اخونا بس اريد احط هيج شي براسه خلي هو يراقب تصرفات مرته حتى اذا صدك معارضة تعوف هاي السالفة التعبانة

هز رأسه ب اي وتمدد ...بلكت يرجع فلوسي الا اگله عرفناك بايگ فلوس ابوي
ضحكت وتمددت ...اني ارجعهن بس سد موضوع الفلوس

مرتضى ...وعلي ما اسده اريد فلوسي جمعتهن دينار دينار

هاشم ...اسكت اني انطيك يلا نام ورانه باجر فرارة ودرب طويل

غمضت عيوني غفيت فزيت ويا الاذان ما لگيت مرتضى بفراشه طلعت اتحمحم خاف اكو حرمة عاد توخر لو تتستر باوعت ماكو مرتضى دخلت تكرمت وطلعت توضيت رجعت ادوره ماكو

مديت السجادة حطيت التربة اجيت اصلي بس گلبي ما مرتاح ولا متطمن اريد اخوي يوكف بصفي يصلي يلا اصلي

طلعت اصيح مرتضى وينك ياخوية مرتضى .. مرتضى سيد سيد .. وينك دخيل بخت جدك وين رحت

فتحت باب الممر لكيته مفتوح طلعت اتمشى بنص الزرع ضوة الشمس توة يطلع امشي واصيح مرتضى وين رحت مرتضى اخوي

سمعت صوت ونين وصوت ماي هميت بخطواتي باتجاه النهر واصيح مرتضى سيد وينك جاوبني خووية وينك

اسمع صوت ونين واتبعه جثيت على اركبي اباوع جوة للنهر وشفت مرتضى اخوي نايم على ظهره سابح بدمه ويون ويهز براسه من الألم ..

لطمت راسي وصحت بصوت وغصة شگت گلبي
:- ياااا خوووية يا ابن امي

....

الشيهانة ..

ضحكت من گلتلي جبران حارگ اهلي وكتلها ابررله ...جبران ما يكتل نملة كولي غيرها

هدير ...وروح امي الماتت محترگة بنار حقده باذني هاي سمعته بأذني ورا الفاتحه كاعد بالحديقة ويا صاحبه يگله دخلت عليها ويا ملاك حطيتلهم مخدر بالعصير والاكل سطرتهم وحرگتهم

زمت شفايفها مقهورة ولطمت رجلها ...هيج مارة اريد اطلع وسمعتهم يحجون بصوت ناصي شنو الاسباب الدفعته يحرك اهلي مادري يمكن ملاك كاضة علي فد مستمسك لان بيوم العزيمة ملاك طلعت مقهووورة وجهة ينكط عصبية وقهر حتى تعاركت ويا عمتي وعمتي استغربت كالت هاي ملاك فقيرة شلون هيج تحجي وياي وضلت تبجي عمتي علياء

خصمت عيوني ضليت اباوعلها بشك احس روحي كلها ترجف مو بس جسمي كتلها بأستغراب ...جا ليش مابلغتي شمالج تخلين كتال اهلنا يصول ويجول

تحسرت ورفعت اكتافها بمعنى ما ادري وكالت ...ماكو دليل محد يصدكني وهذول بفلوسهم يسكتون اكبر حلك جا لو تشوفين يومين مادري تلاثة وانسد التحقيق الله لا ينطيك جبران يتمتنا

رجعت لزمت ايدي جرتها وباستها كالت وهي تباوعلي بنظرة توسل
...ماضل عندي غيرج طلعي منا قبل ليسويلج شي كلش خايفة منه والله اني علمودج ولا تهمني روحي طبني مرض

...اطلع اني اصلا مقررة اطلع
تنهدت صفنت بتفكير مالكيت شي احس كلشي انسرق مني حتى افكاري وذكرياتي
رجعت حاجيتها
...اذا كارهة عماد بسبب جبران تطلكي منه ماله ذنب الولد موت نفسه عليج انهار كون تشوفينه تنسين وجعج وينكسر خاطرج علي وبيت عمي هم مالهم ذنب لا تتصرفين وياهم بجسارة بعد. اذا ماتردين الطلاك

ابتسمت من بين دموعها وكالت ...احنه عقدنا اتفاق راح نفتح صفحة جديدة و وعدته بعد ما اسوي مشكلة ويا احد

تكدرين تاخذين راحتج اني ماريدج تطوخين وياي جبران شوية شلون الشاك اني اعرف حقيقته اخاف يحس اني خطر ويأذيني لو يأذيج ويمكن يسوي شي يبعدنا ويكرهنا وحدة بالثانية

هزيت وطلعت امشي محتارة احس الكاع جواي تفتر كعدت ع الدرج لزمت راسي حيل ضغطته بأيديني گلبي يخفق بسرعة وغواش صار على عيوني

ما ادري هاي لعبة منها لو تحجي الصدك؟
اخاف اجذبها وتطلع صادگة واخاف اصدكها وتطلع جذابة وتدمر كلشي وتخربني ويا بيت عمي

فركت جبيني حيل اريد افكر ماكو انعميت واني منا كل اوضاعي تخربطت من ذيج الساعة الطلعت بيها اركض نص الليل وراها صرت وحدة ثانية
اريد بس افكر ماكو عيوني معمية گلبي يأذيني

طلعت كعدت يم البنات اذا اضل وحدي بغرفتي اتخبل افقد اخر ذرة عقل ضلت عندي

هن يحجن واني صافنة عمتي كامت من اجة عمي ودخلت ويا جوا حاجيت رجاء
كتلها ...ذيج الليلة من فقدت وصرخت شنو كلت

رجاء ...لا خليتي غلط ولا فشاير لعنتي سلفة سلفانة
شيهانة ...جبران وين جان؟

قوست شفايفها وكالت بدون اهتمام ...يمج هو حاط مخدته بالصالة ونايم من صرختي بسرعة وصلج عباله بيج شي

...من نزلتن لكيتنه يمي كلش
...يسكت بيج
...شنو گتله لا تحرگني؟

زهراء ...ههههههه اي يذب عليج ماي يريد تصحين وانتي تصيحين لا تحرگني لا تحرگني

ضحكت بالجذب وكتلها شكد عيب وسكتت؟

رجاء ...لا تكليله وخر الشخاطة ليش راح تحرگني

ضليت اهوجس ارتجيت ع الكرسي اباوع بحيرة عليهن هن يسولفن ماكو شي ببالهن ولا شكن بشي

دخلت لغرفتي محتارة افرك براسي حيل احس راح اموت ضليت الوب
طلعت ورا شوية شفت عماد بالمطبخ ياكل باوعلي اللكمة بحلكه اشرلي اروحله

عماد ...انتي شمالج اربعة وعشرين ساعة مدلغمة جنج بومة مادة بوزج

...ما يعجبني اضحك هيج احسن

عماد ...يضربج حمس بومة مو شيهانة

...اگلك عمووودي

عماد ...گولي بدون لواگة زايدة مااحبها اغص منها
...خوش حجي عماد قررت اشتري بيت هنا اريدك تساعدني

خزرني ونتر ...طلعه منا ما تطلعين

...ما طالعة بس اريد اشتري شنو فلوسي يضلن مو حالة هاي اريدلي بيت حلو بنص مزرعة وبعيد عن هوسه المدمن

بلع لگمته عمص عينه يفكر وگال ...اي اخذي باطراف بغداد اكو مناطق زراعية حلوة وبيها بساتين سبحان الله جنات كلشي بيهن حتى عنب وتين ورمان وبرتقال كلشي

...ساعدني
...جبران يكتلني اخاف روحيله يساعدج
..لا اريدك انته تساعدني جبران دومه مشغول انت من تنزل ماعندك شي

...والعباس جبران يكتلني اي خدمة تردينها روحيله
...يكتلك؟
...اي يغار عليچ جا غير انتي ماكلة گلبه اكل

...لا مايغار منك هسة شگلت تساعدني لو ابطل ما اشتري

جر نفس وكال بقلة حيلة ...اساعدج وامري الى الله اذا كضني جبران وكرمعني تكرمع بركبتج

مدلي الخاشوكة ...هاج اكلي حلكج فاهي كاتلج الجوع
...لا شكرا ماريد

...كولي ماريد بخاشوگتك بيها سلاچ من عمت عينج هذا ماي ورد

باوعتله بقرف وعيبت علي ... وخر لعبت روحي

طبت نزهة شافته گبل اشتكتله ...ابو طول الحلو الزلمة المعدل الضابط ابو النجمات ناخيتك

عماد ...ما كلتي عليه السلام ما افزعلج

غطت وجهة بالشيلة وكلتله وهي تبجي من صدك
...ولك عماد صلوحي يتحارش بيه يگلي ابوسچ ترضاها يا ابو الغيرة يالنجر ترضاها صلوحي يريد يبوسني

عماد ضرب ايد بأيد متحسف وكللها ...لاااااا .. وباسچ؟

تفلت صفح وكالت ...يمن كون عيني عمية اذا خليته يبوسني بس انهضمت شني يتحارش بيه خرب سمعتي يكول ابوسج هسة ليسمعه مو يكول يومية يمطگ بيها

عماد ...نزهة اخافن انتي بايسته العباس عليج
نزهة ...يعوع من عمت عيني اذا بايسته

غمزلها بمكر ...ما وازاج الشيطان ع صلوحي

نزهة ...هسة لو گايل بلومي اي عادك يسوة يوازيني الشيطان علي مو هذا الاغم الخبل

عماد ...بلومي؟
شيهانة ...بلومي المفچچ صويحبها

عماد ...عاشگه نزهة؟
نزهة غطت وجهة بالشيلة وگلتله ...يبوووو استحي شمالج حجيتي هسة
عماد بصدمة ...عاشگته نزهة؟

نزهة ...جا شني وحد عن النسوان وما اعشگ بعد انت وليدي ما استحي منك

ضرب الكاونتر حيل وصاح بصوت عالي ...بوية ءهلااا بوية نسوانه عشگن بوية

شيهانة ...النوب تشتري منه سمچ يمكن مخليلها رسائل بالسمكات

عماد ...اسمه بلوووومي ويبيع سمج الا اشمره بابو غرررريب جا انه ارضا بلومي يعشگ نسوانه
اشر ع روحه وباوعلي بتساؤول غمزتله وكتله

...لالا خطية ماله ذنب جا هيه نزهة عاشگته شله غرض هوا شمسووووي يااا شوف شلون راح بيها بلومي شبوطة

عماد ...شبوطة ناطيج شبوطة ولج نزهة ضحك عليج بشبوطة وين سلاحي وين مددسي م .. مسدسدي مسدسي

شيهانة ...يمةة كام مايعرف يحجي من العصبية ولج نزهة شسويتي شسويتي

اباوعلها خطية صارت صفرة دخل جبران وعماد يشتكيله گال بعصبية

جبران ...الا ازين شاربي بالقندرة جا نزهة تعشگ بلومي
رديت...بلومي شبوطة
...تعشگ بلومي شبوطة واخلي شاربي لا والف لا

خطية خافت ضحكو وغمزولها عماد كللها عادي اذا يخطبج بلومي ننطيج
ضحكت غطت وجهة خجلان وكالت بمياعة ...وييينه هوااا اححح بوية ما يقلدلييي ياعماد مايعاينلي

ضحكو عليها وعماد كللها يوصي المسؤولين عن صلوحي يلزمونه بعد ما يلحگها

باوعلي جبران خزرته ودرت وجهي باوعلي مستغرب ما حجيت شي طلع جكارته ورثها واجة يمي حط ايده ع الكاونتر وبايده الثانية الجكارة
صديت عنه ضل يباوعلي رافع طرف حاجبه مستغرب

جر نفس من الجگارة وذبه كال وهو يرفع طرف حاجبي ...سولفي شمالچ الوجه مكلوب علي شمسويلج ساب الخلفچ وانه ماادري

شيهانة ...لا هيج مالي خلگ

جبران ...مالج خلگ گتيلي خير ان شاءالله .
هز راسه ومشة للماي شرب وباوعلي مقلص عيونه بشك

عفته ومشيت للغرفه حبست روحي بيها صاير عندي قلق ونفسيتي متأذية اريد اجمع الموضوع بعقلي والكة جواب لاسئلتي ماكو صرت مثل الغركان يريد گشاية يتمسك بيها وما لگيت

ضليت اگول جبران راد يحرگني واني عيطت وتهسترت
شوية واجة ببالي مشهد جبران يخنگني ومشهد نار غطيت عيوني مثل الفاقد الذاكرة وجاي تجي مشاهد بباله ما يدري بروحه يتخيلهن لو صدگ انهارت اعصابي ضليت ارجف واعرگ كمت بالغرفة افتر على روحي متخبلة ما ادري هذا المشهد صدگ لو اني اتخيل فقدت اخر ذرة عقل عندي طحت بالكاع لميت رجليني الصدري وخليت راسي بينهن ابجي بحرگة

رفعت راسي وشهگت ربي فدوة رحتلك تعذبت تعذبت هواي اخذ حقي وحق اهلي من كل ظالم اني ما اگدر ما اگدر فدوة رحتلك ربي ساعدني ..

ضليت ارعش بشكل غريب مثل البشر المريض بي حاله نفسيه تمر براسي مواقف اتخيل روحي احترك واحس بحروره نار على جسمي
تمددت اتلوة من الالم احس روحي جاي احترك ولساني مربوط وبي الم مثل الواحد الداگ بي بسمار

ضليت اضرب راسي بالگاع من الوجع بكل قوتي اضرب براسي اريد الوجع يخف دخلو عليه يركضون يحاجوني ما احجي ادفع بيهم والزم راسي متأذية يحجون ما اسمع شنو يگولون
بس لساني رجف

همست :- احترگت طفوني ..

جرني جبران بسرعة شالني للحمام ورا عمتي تركض فتح الماي وضل يذب على راسي شهگت مثل الغرگان الطلع بأخر لحظة قبل لتطلع روحه

سلهمت روحي وطحت بحضن جبران بس النفس يصعد وينزل وافر عيوني بيناتهم ..

سمعت عمتي گالت اله ...هاي مسحورة ماكو غير تفسير مسوالها عمل شيطاني البنية مو صاحية

شالني جبران للغرفة كاللهن بدللها بدلن ملابسي واني اون من الالم دخل للغرفة لزمني من راسي گال الهن حارة جيبن ماي وثلج
جابن ماي وثلج وخاولي اشوفه غط الخاولي وعصره خلاه على راسي

حميد ...جا هيه ماخذة مشاري مشهودتله بالسحورة راضي جان يگول انه انعميت وشيهانة انعمت وخذته من سحورته يروب الماي ويفر العالم مثل فرة المحبس

علياء ...والله ساحرلها راح يسودنها جا هاي العقلها يوزن بلد وشحلاتها هيج يصير بيها؟ لا بالله ولا اصدگ حتى الطبيب كال مابيها شي ما مريضة البنية.

رجاء ...تصدگون بهاي الخرافات شمالكم يمكن لان مصخنه مو تكول محتركة طفوني من الحرورة

علياء ...لا ماما السحر يگلب البشر ويغير حاله واموره وهي جانت يمه هدومها ملابسها الخاصة شعرها فراشها كلشي يمه الله يعلم شسوالها

حميد ...اعرف سادة بالناصرية مرة صاحبي راحلهم اسمهم بيت سيد حوم ناخذها الهم؟
علياء ...بكيفك

جنت اسمع كل حديثهم واشوف جبران مخليلي الكمادة ومراقبني گلب الخاولي على الجهة الثانية شوية وشاله

جبران ...خمس دقايق ورجعن خلنها الها طالع اجيبلها علاج

رجاء ...خوش

طلع وضلو يمي عماد مد راسه كال ...شلونها؟ شبيها هيه مساع مابيها شي

علياء ...اندري ؟

ضلت روحي تلوب لحد ما اجة جبران انطوني علاج وشوية روحي ركدت وارتاحيت
غفيت وبعد ما حسيت بالدنيا ..

لحد ما حسيت بخشمي ريحة نفط فتحت عيني ع صوت طگة التفتت شفت واحد واگف ورا الشباك من برة متلثم والشباك مفتوح ، ضلمة بس ميزت قميصه وعرفته هذا جبران قبل لا اصرخ جريت نفس وگلت بخوف ...شبيييك شتسوي برااا؟ بهاي شب عود شخاط و ركض بسرعة

طفرت بسرعة اباوع العود طاح بالگاع شاب ثواني وطفه متت خوف ضليت ارجف
نزلت من الفراش رجليني ما شالني طحت على اركبي ارعش ما اگدر اگوم

صارت رطوبة بايدي شميت الريحة ريحة نفط مشيت شبيت الضواا وباوعت الكاع مرشوشة نصيت خليت ايدي وشميت ريحة نفط باوعت عود الشخاط مشمور بمكان مابي نفط الا شوية جان طاح ع النفط وشبت الغرفة بيه الشباك مفتوح

كمت على حيلي ارجف اتذكر كلشي صار بيه شفت جبران ورا الشباك وحجي البنات من تهسترت بليل كلشي يثبت جبران صدك رايد يكتلني ورا اهلي

مشيت بدون شعور للمطبخ اخذت من سلة السچاچين سچين جبيرة برجلين ترجف صعدت الدرج فتحت باب غرفته وانفتح بأيدي لكيته نايم على ظهره صدره عالي يصعد وينزل يتنفس بأنتظام تجمع الدم براسي ونار حقدي كلتني ..

شيهانة ...حرمت اهلي جرة النفس والله الا اذبحك من الوريد للوريد ................للحكاية بقية 🖤

رأيكم بالقصة يهمني 🖤 ..