رواية هوس الأسد الفصل الاول 1 - بقلم Qdark781

كاعدة بنص الحديقة مال بيتنا ودا ازرع بالورد وية ابوية و اخوية الصغير

(ابوية اسمه زين واخوية يزن)...

زين.....باباتي بنيتي الغالية تعالي هنا ...

اجيت يمه وجان يشوفني وردة حلوة مفتحه لونهة احمر...

زين....باباتي هاي الوردة تشبه خدودج الحلوات..

...والله

زين...يي طبعا لعد غير بنيتي الوردة انتي .

يزن..هاي ثنو(شنو)...بابا اختي احلا من الوردة...

....يعمري تعال بوسة ...مممح

زين...هيج بنيتي اريدج نتي واخوج اريدج قوية ومتعوفي ابد....

...اي بابي بوجودك ...

رجعنه نخلصهن ..كملنه ومن ردنه نكوم

..اوكفو نطك صورة

زين...يلة تعالي

رحت ثبتت التلفون جان جهاز صغير لمس عندي...

...يلة واحد ثنين اتلاثة

طكينة ...

زين...بنتي اسمهة كلاثة او تلاثة ...مو اكلاثة ...

...بعد متعودة ههههههه

يزن...مسلي(مثلي)..ههههه

....يقلبي شكد احبك....

زين....تعالو ولكم بوسه قوية ممح هاي ليزوني...وتعالي

مممح هاي لهوسي...

....بتسمت وبست بابة ...

فجأة كعدت على سطل مي بارد ثلجنيي ..

هوس....اااخ ....(وجنت الهث)

...خمس دقايق كاملة مستغرقة بالنوم بسرعة كعدي...

هوس..اممم ماشي

دا اكوم وطلعت عودتهة

....ايدج

هوس...بس..بس ..شسويت(بخوف ودموعي بعيني)

...اطيني ايديناتج الاثنين وكلما تعاندين تزيد

طيتهة ايديناتي...

هوس....اااخ ...ااااه

اشوفهن صارن حمر ...كمت افرك بيهن

...يلة بسرعة...

ركضت للحمام غسلت وباوعت على روحي بالمراية ...

عشر سنين بهاذ السجن ...عشر سنين بهاذ العذاب...

نفضت راسي من الافكار والماضي ..غسلت بسرعة .

وفرشت سنوني ... طلعت ولكيتهة بالباب بوجهي...

....ايدج

هوس...والله موبيدي المي جان يذب شوية ووجهي بي صابوي ...(بدموع)

....ايديناتج

طيتهيا وسكتت ...ضربتني بيهن ومطلعت صوت بالضربة الاولى جان تضربني اقوة بالثانية

هوس.....اااااه

.....يلة تعالي سوي ريوك

هوس.......نزلت اسوي ريوك وحطيت على المائدة (ميز الطعام).....

الاجبان وانواع المربى والعصير والجاي ....والكاهي والكيمر ..طبعا اوامر منهة لان تريد كلشي كدامهة

ترأست الطاولة وكعدت تاكل...

....يلة كعدي كدامي

رحت بدون صوت كعدت كدامهة وكدامي جان نص صمونه...طبعا الباقين مثلي كلهم

بيهة جبناية وكوب الجاي ...

بديت اغمس واكل من اني وصغيرة احب اغمس واكل....

كملت ودا اكمل الجاي...

...حمدلله والشكر.

(كلت بقلبي ليش انتي تعرفين الله)

...يلة هوس كومي نضفي ابدي والغدة مشتهية شيخ محشي سوي ...

هوس..تمام

...يلة اي

راحت للشغل وبديت انضف ....

خل اعرفكم عني عن قصتي عن حياتي شوي بين ما انضف .......

_____________

اسمي هوس عمري 20 بس بالجنسية مقدميني سنه فمكتوبة 21
المهم ...جانت حياتي حلوة تجنن جان عمري 5سنين ...
وامي جابت نور حياتي يزوني ....يزن...بس الصدمه.امي ماتت ..
بالولادة مستحمل قلبهة تعب ربيت اخوية وصرتلة الام...
صح جان عمري صغيرة بس الكل يدري البنية دائما تكون اوعة من الولد وجنت افتهم كلشي...

تربينه وية ابوية الحنين زين...جان يموت علينه ..

وهاي خمس سنين مرت يحاول ميخلينة نحس بفقدان امنه...
شكد كالولة تزوج .. بس ابد حلف لامي من جانت عايشة مرة انو ميخلي اسمه بضهر جنسية مرة غيرهة ..

جان كلش يحبهة ...والسبب الثاني ميقبل يجيبلنه مرت اب....

طبعا بابة جان عامل نظافة ....... وافتخر بي مابيوم خجلت من عندة يجي ياخذني من الدوام...
ويضحكون عليية لان جانت ايد بابة وصخة واني اشوف بعينه الدمعة ...

اجي اله رافعة راسي والزم ايدة بابة وابوسهة كدام الكل...

جانو المدرسات يحبوني ...شلون افتخر بأبوية وربيت اخوية ..وشاطرة بالدراسة ...

طبعا عمري تسع سنين واعرف اطبخ ...يي لان تعب ابوية اشوفة يتعب وميكول...
بديت اتعلم كلشي واغسل الملابس ...

صار عمري 10سنين دنحتفل بعيد ميلاد اخوية يزوني ...

وجان رحنه نشتري وبابة جان فرحان زيدو الراتب مالته....

اشترة ليزوني العاب....واشترالي حجل ذهب كلش كلش ناعم بس اشترى مو على كد رجلي....

هوس...بابة ليش شتريته جبير

زين...عمود رجليج الجميلة من تكبر تلبسة وتبقى لابسته ماشي..

هوس ...ماشي(ببتسامه)

دنعبر الشارع ووبابة شايل يزن ....

يزن...بابة ثوف

شفنه وين ديأشر الدبدوب مالته واكع...

هوس ...هسة اني اجيبة بابة ...

زين....لا حبيبتي هسة اني بسرعة بس دير بالج على العلاليك

هوس ...ماشي احبكم...

زين ...واني اموت عليج

يزن...اني اعثكج(اعشقج)...

هوس...(ابتسامه)....

وراحت ابتسامتي.... تلاشت.... تكسرت .....محاهة الزمن.....

واني اشوف السيارة دعمتهم والدم اليجري منهم ...

وهاي صارلهم ساعتين بالطوارئ وماكو اي خبر....

اباوع بس اني كاعدة انتضر طفلة بس عشر سنين بعدة عمرهة مصاير...
وماعندي احد ....ماعندي سند غيرهم...

ياربي احميهم الي ...(وابجي)

طلع الدكتور...

هوس...ها دكتور شونهم...

الدكتور .....باباتي وين امج اهلج....

هوس...ماعندي احد امي ميته....

الدكتور ...الى رحمة الله ....باباتي قوي روحج اخوج وابوج

هوس...شنو(وكمت ابجي عيوني غرغرن)

الدكتور....البقية بحياتج...

هوس...مصدكت ركضت للغرفة وابجي وحاضنه راس بابة ....

هوس...باباتي حبيبي حياتي عمري وروحي ....كوم اكعد...تشوف هوسك تبجي..

نته مو تكول هوسي ابد متبجي..كوم فدوة رحت لتراب رجليك...

وابوس بأيدة ...

مو تكول ما اريد الالماسات مالاتي يبجي...شوفهن شون يبجن شوف...

منو الي...كوم فدوة(بهمس وغصة)

وخروني من ابوية وبسرعة ركضت لاخوية..

هوس...وليدي ابني الغالي متشوف امك تبجي كوم بلا شقة كوم ...فدوة رحتلك...
بس كومو(ببجي )

_____________

دفنو ابوية واخوية كبال عيني....

بالبداية راحت غطة خيمتي .... امي .....

وهسة عمود بيتي راح....ابوية.....

واخوية .... سندي .....

ودوني لميتم وهناك بديت اشوف الويل .....كتل ...جوع...

بجي...برد... حر....

شفت الويل بعيوني.....

عشر سنين وشفت الويل تركت سنة من عمري ...

ووراهة رجعت للدراسة بعد اصرار....

وهذ الاصرار نكتلت كتل من ورا...

وهاي صار عمري ٢٠ سنه ودا انتضر بس اتخرج ..يي

صحيح اني اختصاصي معهد طبي .. سنتين واتخرج

ومبقالي شي خلصتهن حمدلله ....

______________

نرجع للحاضر

كملت تنضيف الميتم ...والبنات ساعدوني ...طبعا اني الجبيرة هنا ...

مو هواي بنات عدنه .....

كلهن يطلع اعمارهن 14 ...12....15
هيج

كملت وكعدت اقرة ...وجان تدك صديقتي العزيزة من اني وصغيرة...

سارة....ولج ها جلبة شونج

هوس...تمام ونتي حبي ..

سارة ...والله توني من سمعت صوتج صرت زين.

هوس...ها نكلبتي ولد

سارة ...هههه لا دسمعي دكلج ...

هوس ...كولي يختي

سارة ...اني وزهراء وخطيبهة راح نروح لكربلاء تجين..

(طبعا سارة و زهراء ثنينهن صديقاتي)

هوس...شوكت....

سارة... يختي ورة الامتحانات الكشرة ...

هوس...والله اكول للسعلوة واشوف..

سارة.. لا فدوة مو مال تشوفين تجين يعني تجين..

هوس...لا خلص والله اقتعهة واجي...وهسة تزحلكي دا اريد اخلص قراية ...

سارة... ؤك بايييييييييييووووووو

هوس...مخبلة ههههه باي

كعدت اقرة ليحد محفضت المادة وخلصت...

رجعت وبدت تفتش اخاف ممنضفة زين ....

اكلنه وهيج مر الروتين عادي ....

كعدت الفجر...بديت اعدل رتبت كلشي....

حضرت الريوك .....وركبت وكملت وصحتلهم وركض

بدلت ملابسي....

وانتضرتهم يخلصون الريوك عمود اغسلهن واني كل شوي اباع على الساعة لان عندي امتحان...

ياسمين....هوس روحي تتأخرين اني اغسلهن

هوس...لاحبي عادي اني اسويهن

ازهار...ولج روحي احنه دوامنه ضهري...

رقية...يي روحي احنه نسويها

هوس...شكرا حبيبات قلبي..

ياسمين...ولو هذ اقل شي نسوي عنج انتي لحد بارحة
سهرتي ويانة ومتخلينه نسوي اي شي...

هوس ... احسن متعبون بوجودي يلة حبي حروح..

رحت وركبت نفرات .....وهلحر احس بطني خبطت..

وركض ركض متحنت وكملت ....

سارة...وج عبالي متجين للامتحان...

هوس ...لا وين اني اعوف امتحان ما اعول اخلص عمود اطلع من الميتم ....

سارة ...الله كريم حبي تفرج نشالله وهسة تعالي للكفتريا لان ميتة جوع...

هوس....رحنه وسارة بدت تطلع اشكال الوان ادري بيهة تدري ماعندي فلوس ومماكلة ....

هوس...سارة شدعوة هلكد دازة ترة ما اكل اني...

سارة ....شهل تعدي هذة اني عازمتج ترة

هوس...اليعزم مرة مرتين اكلاثة مو كل يوم....

سارة...وعساس انتي تاكلين كل يوم اشو هو جاي تزوحرين بس متستحين...

هوس...فدوة لتكلفين نفسج

سارة ...اشو انتي صدك مصختيهة عشرة اني وياج مو سنة وسنتين لا....11سنة ولو انتي بمكاني متسوين هيج شي فلا اني اسوي وهسة اكلي ترة والله ما اكل...
واني ميته جوع ..

هوس...نجبرت اكعد واكل وياهة واحمد ربي على هيج صديقة ....

دنسولف لهناك واسمع الضحك مال الطلاب وعينهم عليه....مهتميت مو اول مرة ....

سارة ...على شنو هذول الكواويد يضحكون...

جان نسمع ...

بنية ....اكلج تدرين هاي هوس بت ميتم...

بنية ...اووي الله يعلم شمصخمه وملطمه ماكو فوك راسهة اب ولا امي...

هوس...اكل واللكمه كوة تنبلع واني اسمعهم ..وسارة كوة كاعدة حلفتهة متكوم وتسوي مشكلة مثل دائما ..

تعلمت اطنش مو على كل كلمه كالوهة اكوم واتعارك ...

بنية ...تدرون شغلة شباب بنات...

الكل...شنو ...

فجأة صار هدوئ الكل يريد يعرف...

بنية ...تدرون هوس ابوهة جان زبال هههههه جانت وياي بالمدرسة وابوهة جان يجي وكله قذار....

هدوئ وصنطه ..محد اله صوت الكل صافن ....

وبس صدى صوت الراشدي(الكف) .......

هوس ضربتهة ....

الابنية ...انت.....(انتي)

وراشدي (كف)ثاني

هوس...واحد لان معرفتي الكلمه الصحيحة ..عامل نظافة جان ....
والثاني لان القذارة التحجين عليهة قذارتج انتي وغيرج..
ينظفهة جان ...والشغل مابي عيب...

دا اروح جان تلزم ايدي...رادت تضربني

دفعتهة وضربتهة راشدي ثاني ...

هوس...ديربالج....ابد ابد لتفكرين ترفعين ايدج ...

ساكتتلج مو ضعف لااااا..ابد (بأبتسامه وضحكة )

بس ابوية علمني ما افوت نقاشات وية انواع من الناس...
ونوع منهم ..الجاهل....هاذ انتي...او انتو كلكم...

ومرة ثانية من تروحون وتحجون وتطعنون بشرفي كون.انتو شريفات...

واني اشك بهذ الشي لان التحجي بشرف بنية مثلهة ابد ماعدهة ذرة شرف

وممحتاجة تصديقكم بشرفي او لا ...اني جاية لغرض الدراسة مو لعركات وسوالف طايح حضهة ...

ورحت وكعدت...

هوس...اي وين جنة نحجي...

سارة...(وبحلكهة اللفة)..والله نحجي على الراشديات هسة هههههههه

هوس...نجبي هههه

كملنه اكل ....وفترينه وفتنه محاضرات همين ....

هوس...يلة حبي اروح اني ...

سارة... مع السلامه قلبي ....

طبعا سارة بنية ماكو مثلهة عايشة وية جدتهة ...

امهة وابوهة مسافرين كل الوكت او بالاحرة اصلا ميجون للعراق ...من عائلة طاكة ....

مدري صدفة قدر...دائما كل صديقتين تكون وحدة حالتهة موزين ووحدة لا توب...

همين صعدت نفرات وكعدت يم الشباك تمشي الكية جان يصعد ولد وجانت الكية مقبطة وهذ كعد يمي ضل يتجرأ ويتحارش ...

هوس...نازل

نزلت ونوب فلوس مبقن عندي...كمت امشي بهلحر..

وصافنه .....

يتبع.....