رواية هوس الأسد الفصل الثاني 2 - بقلم Qdark781

بهل حر امشي ليحد موصلت طلعت روحي...حتة فلوس مي ماعندي...

كلة على بعضة تطيني خمسة الاف بليوم مرات متطيني واضمهن...

اشتري ملازم واشياء احتاجهن مرات اشتري للبنات...مرات ملابس همين فأبقيهن اخذ منهن الفين روحة ورجعه..

شكد تلح علية زهراء تجي هي وخطيبهة علية بس ما اقبل لان هم  من غير طريق وبعيدين يعني تتأخر هي والولد يتأخر عن دوامه علمودي...

طبيت وتلكتني...مديرة الدار اسماء ..

اسماء.....وين جنتي ليحد هسة

هوس....سولفتلهة الصار...

اسماء...اممم ايدج..

هوس..طلعت ايدي بدون صوت ....

       اااخ ......

اسماء....احنه تغدينه وخلص الغدة روحي سوي العشة حضري..

هوس...اي...

    رحت غسلت بسرعة بسرعة وسويت عشة وادور اي شي اكلة ماكو كلشي متحط على كد المقادير ومتحط زايد...

فتت اريد اسبح وشفت ماعدنه شامبو ...

هوس....ست ماعندة لا شامبو ولا صابون حتة زاهي ماعندة ...

اسماء....اكو تايد (تايت) وولي سبحي بي بين ما اجيب ...

هوس....ههه تخيلو وياي بنية عمرهة حيصير٢٠سنه وتسبح بتايد...

امري لله سبحت شون مجان .....طلعت وكعدت اقرة وتعشينه ...ونمت...

كعدت وبسرعة بسرعة كملت كلشي ورحت للمعهد..

كملنه المحاضرة ورحت للحديقة انتضر سارة صاحهة الاستاذ...

فجأة اجه ولد كعد يمي...

....سلام عليكم...

هوس....وعليكم السلام..

...اسف اجيت وكعدت بسرعة هيج ..

هوس...لاعادي اخذ راحتك قابل المكان بس الي..

...(ابتسم) ااا ...ممم ...

هوس...(ابتسمت لان مديعرف شون يفتح موضوع طبعا هذ الطالب اسمه سجاد فد حباب ويانه بنفس القاعة ..... مؤدب كلش وخلوق فعادي مطمأنه من ناحيته)...

هوس...يي

سجاد....تدرين هوس انتي مثل اختي الجبيرة وساعدتيني هواي هواي وكلش اعزج..فشسمه راح اخطب باجر يرحون امي وعماتي وخالاتي يخطبولي اسراء ....ممم عادي تجين انتي هم وياهن ..

هوس...(صراحه نصدمت ...فرحت...دمعت عيوني ...)

سجاد...ااا شبيج ليش تبجين متريدين تجين

هوس..(مسحت دموعي)...لا اريد بس تكدر تكول دموع فرح اكو واحد طلع يعتبرني اخته وتذكرت اخوية الصغير ...لو عايش جان اني رحت خطبتلة...

سجاد...اني اخوج الصغير وشتردين اني موجود بالخدمه ...

هوس(ابتسمت)متقصر خوية باجر اجي واخطبلك من عيوني ....

سجاد...شكرا ...

ولد...سجاد يلة عاد مو تأخرنه..

سجاد...يي وكبر جايي.

يلة حروح اني مع السلامه وباجر اجيج اخذج بالاربعة..

هوس...ؤك.....راح واجتي سارة

سارة...ولج هذ مو سجاد شراد...

هوس...يكلي باجر يخطب ويريدني اروح ..

سارة...يعمري شكد حباب ...

هوس...ايي اهلة همين كم مرة اجيت الهم نقرة فد حبابين..

سارة...يي تعالي ولج اسولفلج على مارينا هاي البنية ..

هوس...واهنا بدت الغيبة هههههه.....كملنه ورجعنه ..

رجعت كملت كلشي وباجر عطلة .... رحت لأسماء..

هوس..احم ست باجر عادي اطلع...

اسماء...وين مولية...

هوس...طبعا مدري شون جذبت الجذبة هههههه بسرعة جذبت عليهة لان لو تدري متقبل....

أسماء ...... ماشي بالسته انتي اهنا ...

هوس...ؤك..

ونمت وكعدت ثاني يوم عدلت خلصت قريت البنات صارت بأتلاثة ...

رحت سبحت وبدلت لبست فستان اخضر كلش فاتح جوة ركبتي بشوية وحذاء ابيض سبورت ...وجنطة من ياسمين بيضة حلوة ... وسويت شعري ظفيرة تبدي من بداية الراس ليجوة فرنسية .... وطبعا حجلي ابد ما انزعة مال ابوية... 

دا ارش العطر جان يدك عليية ...رفضته وطلعت...

سجاد...هاي شنو عمي شهلكشخة هسة بدال متخطبولي يجون عليج يخطبوج...

هوس(ضحكت وصراحه خجلت ...محد يمدح بجمالي غير المقربين الية وبس بنات .... سجاد مرات يمدح واخجل ممتعودة)

...ههه دسكت ...

(طبعا موصفت نفسي اني طولي 160 .... وزني 55..طبعا وزني مو اني الي انزلة لا وانما لان ما اكل متطينه هواي اكل اسماء وتحاول كوة كوة متخلينه ناكل .... مهم...شعري بي شكار اشقر ..يبين بالشمس .
..بيضة ...بياضي على حمار....عيوني كبار مكحلة زرق ...خشمي صغير عدل عادي...وحلكي هم صغير..
بس شفتي الجوة منفوخة والفوك شوي منفوخة بس..
مو مثل الجوة اكبر شوي...وبس..) .

وصلنه وخطبنه والكل يسأل منو اني ونجاوبهم زميلتهم بالدراسة...

ورحت وية سجاد عمود يرجعني...

سجاد...كلش كلش اتشكرج..

هوس...ولو اخوية نتة شون ما اجي بهيج يوم

سجاد(ابتسملي رديت الابتسامه)

_____________________

ومر روتين حياتي هيج الى ان كملنه امتحانات وتخرجنه حمدلله

هوس...احتفلنه ببيت سارة وجان تكول زهراء..

زهراء...بنات يلة الجمعة نروح لكربلاء زيارة..

هوس...ثولني يعني باجر...
.

زهراء...يي ؤك حضرو شغلاتكم ....

سارة ....تمام ...

هوس.....ورحنه نحضر بالغراض ...ونمت وكعدت طبعا اني ما محجبة فأخذت وياي ايزارة مال صلاة...
دكو علية يعني وصلو ...

طلعت وركبت ليورة يم سارة ..

هوس....صباح الخير...

الكل...صباح النور...(طبعا جان خطيب زهراء قاسم ديسوق ....وزهراء يمه ..واني وسارة ليورة..)

هوس...حطيت راسي على الجامة ساعة بالسته الصبح ...ونعسانه شوي شوي كمت انام...

ومجنت اعرف بروحتي هاي....ومن هاي اللحظة ..راح
تتغير حياتي تاخذ طريق اخر ...

طريق مليان عثرات ....

جانت هاي الزيارة اول تغير بحياتي ومن بعدهة.......
حياتي بدت تتغير ....

يتبع .....