هوس...كعدنه كالعادة ودا احظر الريوك وكعدت زوز
جتي شبكتني وحاطه راسهة على جتفي...
زينب ....صباح الخير
هوس...صباح النور يروحي ...
كعدنه نحضر السفرة وكلت لزينب تروح تكعدهم تنابل هذول ...
جوي وأسد كوة فاتح عينه ونفس الشي وية زين ويزن..
هوس...غسلتو وجهكم
هزو راسهم بأي ...
بدينه ناكل وراهة دك تلفون أسد...
أسد...لك ها كلب شتريد من صباحيات
جبل...دتعال للمصنع عايفني ببحدي انت ةهذولاك الكواويد
هوس...جان فاتح سبيكر بس فشر سدة وزينب ماتت ضحك بس حاصرتهة انوب أسد يكلبهة عزة علينه...
أسد....جاي جاي مابيكم واحد خير هاي كمت
هوس...بس طلع طكيناهة ضحكة اني وزينب
زينب...بابة حيروح يكطع عمو هههه
هوس...ههههه سكتي سكتي نزل
أسد...يلة اروح انه
هوس...باسنه واحد واحد وراح ...
زين مامه اشرب الحليب كلة
زين...يي مامة
يزن...مامه
هوس...عيونهة
يزن..فد شوي نروح لبيت جدو
هوس...يي يكلبي
يزن...لعد اني خلصت حروح احضر غراضي
هوس...ليش شتحضر
يزن...مو احضر الالعاب والايباد
هوس..ها ماشي وغسل وبدل
زين...انه هم جاي وراك
هوس...كامو وبقينه اني وزينب
زينب...مامه
هوس...عمرهة كولي
زينب....تذكرين من كتيلي ليش هشام كسر تلفونج
هوس..يي صدك تصدكين راحت عن بالي
زينب ...يي
هوس..يي مامه اني ما راح اضغط عليج عمود تكوليلي شوكت متردين كولي واذا مكدرتي كولي لصديقتج مريم
زينب...مامه انتي صديقتي الاولى قبل مريم اخاف نسيتي(بعصبية)
هوس...ههههههه ماشي اسفين
زينب...يي وين جنه ها صح باعي خل اسولفلج من رحت شسوة...
----
زينب...جنه ببيت جدي رايحين واني وية عمة ريم جنت دا اشتغل وجان يجيني زين
زين...بربج زينب تلفوني طينيا
زينب...شسوي بي
زين...بس انقل هذ واطيجيا
زينب..هاك اخذة
اخذه وبقيت اشتغل ورة مكملت رحت للحمام فمن طلعت صار بوجهي هشام وهو عصبي وموبايلي بأيدة...
هشام...تعالي...
حته مطاني مجار استفسر جرني من ايدي وفوتني غرفته وغرفة محمد وكال...
هشام....انتي زعطوطة تطين تلفوني للجهال هاااا
زينب...ليش تعيط ونته شعليك اني مطيته لاخواني مو الك جيبة يلة
هشام....انه معلية مو
وفجأة ركع التلفوني بالخايط وتفلش كبال عيني
زينب...مخبللللل نتتته واللله الا اكول لباباااااا عليييككك
هشام...ولجججججج صووووتتتتج زينننبب(بعياط وعصبية)
زينب..وخر يلة خل اطلع
هشام...باعي لج تلفونج اذا تحطي بيد اخوتج وبي صورج راسج افلشة
زينب..هزيت راسي عافني فتحت الباب وكفت وجان اندار عليي وهو بعدي وكتلة
زينب....اصور واحط بيد لكل ونته مالك دخل فهمت لو لا مو طيتك عين حقير
طفر عليي واني اركككضض اخوية العامري ههههه
----
زينب...هذ الصار
هوس...يي ياعيني تلكي شايف صورج حقة هيج يعصب
زينب..وهو شلة دخل
هوس...غير ابن عمج ونتي عرضة ويخاف عليج تخيلي لو شايفة ابوج بيد الجهال تلفونج وبي صورج
او مو ابوج لو غير واحد ماخذة وضايع وشايفين الصور ..
حقة يعصب...
زينب..يعني اني غلطانه
هوس...باعي تجاهلي خل هو يجي يصالحج ماشي
شبيج صافنه بوجهي
زينب...احلا ام تدرين يعني هيج بهيج مواضيع ابد متحسسيني انتي امي
لا انتي تصيرين صديقتي
هوس...يروحي انتي كلشي تردي اني اصير
هوس...دا احجي وية زينب وجان يدك فوني طلعت سارة ....
جاوبت وبدت زينب تغسل الماعين ....
هوس...ها ولج
سارة...ها شسوين من الصبح
هوس..والله تونة شلنه الماعين مال ريوك
سارة...اها اكلج شحسوين اكل وتجين
هوس...والله ياعيني حسوي برياني جدر جبير واسوي تشري احمر بس انتو سوو هواي خبز ؤكي
سارة...اها ماشي
هوس...يي وانتو شراح تسوون
سارة...والله حنسوي دجاج شوي وسمج هم شوي وبعد شنو
ريم....ومقلوبة همين
سرور...يي وعصاير طبيعية ولبن همين
هوس...اهاااا
نرجس مرت طالب.....اكلج بربج خل زنوبة تسوي كيكه هذيج المرة متت عليهة
سرور...يي بربج فد كيكتين هيج
ريم...ام الككو اهم شي
هوس...هاي هي زينب تسمعكم بس تكول ما اسوي هههه
زينب...لا والله هههههههه اسوي من عيوني
نرجس...تسلم عيونج عيني بس انه ما ردت تكولين هيج كولي راح ابدي اسوي بيهن ههههههه
هوس...كبر ههههههه
ريم...يلة شوكت تجون عاد
هوس...والله حبيبتي نكمل هنا كلشي ونجي وهم ننتضر مريومه
سارة...لا تعالي هسة وهنا سوي
هوس...هههاااييي لا حبيبتي ما اوكع بالفخ مرتين اني وبنتي
زينب...يي مامه هههههه
طبعا قبل شهرين هم هيج صارت عزيمه واخر شي وكع كلة براسنه اني وزينب والجلبات راحن كعدن هههه
سرور...يعني ما الله يهديجن
زينب...لا عمة نبقة كافرات هههههه
هوس...بضبط ههههه ولن بعد خل اكوم اسوي هم يلة
بديت اسوي وزينب تسوي كيك
كملنه كلشي ساعة بال١١ وكعدنه
ندك الجرس وفاتت مريم وبيدهة جدر دولمه
هوس...ليش تعبتي روحج امي انتي
مريم...عمودج غير عمتي المستقبليةههههه
هوس...هههههه باعي رجلج اليوم متحضر
مريم..وينه وينه زوجي يزوني هههههه
يزن...عيععع ما احبج اني
مريم...لا تحبني
يزن..لا ما احبج احبج مثل زينب
زينب..لعد روح عنست ماكو زواج لو هي لو ابقة بدون زواج
كام يبجي واجه لحضن مامه
هوس...ههههههه ولك يشاقن وياك اسكت فضحتنه
مريم...عادي تعودت هههههههه دائما يرفضوني ههههه
زينب...ههههههه شكلج حتعنسين
مريم...هو هم هيج السالفة ههههههه
هوس...ههههه مافي نجبن ويلة خل نروح ....
----
مريم...اجه الوقت اعرفكم بنفسي....اني مريم من البصرة ...
عايشة وية امي وعندي اخ اصغر مني عمرة ٩ سنين
اني عمري ١٤ سنة بس تركت سنتين من عمري لان صارت ضروف...
عايشة وية مامه لان بابة الله يرحمة توفة ...
وعايشين الحمدلله راتب تقاعد بابة لان بابة جان اكبر من مامه بهواي ..
وعاشو قصة حب والله يرحمه مات ...ومامه دكتورة وهم جبيرة بالعمر .....
وطبعا دكتورة نسائية ...والحمدلله حالتنه متمكنين...
صديقتي الوحيدة زينب ...والثانية امهة هوس هههه
طبعا علاقتي بأمي صح قوية بس مو مثل علاقة زينب وامهة ابد...
يعني امي مو مثل ام زينب ... عدهة بس دور الام ..
متشجعني اكون صريحة وياهة وتصير دور الصديقة ...
المهم مو مشكلة..... عشت حياتي هادية ومرحة وية زينب...
وطبعا فد امقهر من تكلي ابوهة كتل امهة كلش انقهر ...
عائلتهم هناك كلهة تحبني ومرات اجيهم همين واليوم العزيمه ..
وكعدت بليل الف جدر دولمه ...
وراهة بدلت ولبست محتشم ....لبست قميص كلش طويل وويا بنطرون بوي فرند كابوي مو لزك ...
وشالي وحطين مسكارة ومرطب للوجه ...وحمرة سحرية خفيفة ورحت ...
ورحت اول شي يم زينب وبدة الضحك ....
ووراهة رحنه لبيت جدهم واهناك شفته يمههه 😍
----
منو تتوقعون شافت مريم🤔🤔🤔🤔
حلو البارت لو لا...
ميكتلني قهر غير من أسئلكم وتتجاهلوني T-T
تصبحون على خير...
وباجر ساعة بال٢ الظهر هم انزل بارت
😘😘باااييي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!