الرواية....
راحو لبيت اهل أسد والكل جان موجود وبدة السلام وحجي النسوان
ومريم جانت لازكة بهوس وزينب...
زينب(بهمس)...ولج حطبين بية وخري خنكتيني
مريم...ولج اثتحي هواي اكو ما اعرفهم
زينب....هسة اعرفج بس ولي
دفعت زينب مريم بالشقة وجان مريم تندفع على واحد وراهة ...
مريم تصنمت وبقلبهة تغلط على زينب لان دفعتهة وراحت
.....زعاطيط شحجي عليجن
مريم...تصنمت وردت اروح وجان يصيح عليي
...هييي اوكفي منو انتي ؟؟
مريم...اباوع منا ومنا والمكان على حضي مابي طير من البشر يربي شهلورطة
...مو احاجيج
مريم...نداريت عليي وياريت منداريت خرب شتعلو اهلي شهلمز هذ ...
مريم.(بأرتباك وتوتر)...ااا..اثفة بالغلط ندفعت عليك
...نتي بت منو
مريم....اااا...اصي..اصير صديقة زينب
...(باوعلي من فوك ليجوة وكال)...يلة فوتي جوة وكافي شناتير
مريم...ردت اروح بس ستوقفني من كال شناتير عاد طلعت جبار البداخلي
مريم....عفوا احترم شوي عتذرت منك بأدب وخلص ما مثموحلك تتجاوز عليية
...واذا تجاوزت شتثوين (يحجي بأستهزاء يقلد عليية )
مريم...دائما جانو يقلدون عليية تذكرت كل مواقفي من يقلدون عليي ردت ابجي وبسرعة وخرت البجية وكتلة...
مريم...ونبي اكول لعمو أثد عليك فهمت لو لا ويطيح حظك وعتذر يلة
...دمشي يلة امشي وخري من وجهي ومن تلفظين السين صح عود اعتذر منج
مريم....عافني وراح وستهزء مني ضليت صافنه ماعرف شسوي ..
حسيت ايد نمدت وراي نداريت هم طلع ولد حلو اطاني كلينس وكال
....شبيج منو وياج يا حلوة
مريم...اا عفوا منو نته
....انه ابن دنيا تصير بنت عم عمو أسد تعرفي
مريم...يي ابو صديقتي زينب
...يي بضبط انه اصير ابن دنيا اسمي عباس
مريم...اهلا وسهلا
عباس...يي نتي شسمج
مريم...اثمي مريم
عباس...والله وعاشت الاسامي
مريم ..... عاشو احبابك
عباس...شكد عمرج انه ١٧
مريم...عمري ١٤ وراح يصير ١٥ بس تاركة ثنتين
عباس .... اهااا عندج لدغة بالسين
مريم...يي ما اكدر الفظهة مع انو احاول بس ما اكدر
عباس....ههههه بس ترة حلو من هيج تلفظيهة
مريم...يا حلو اصلا الكل جانو يعيبون عليي
عباس...والله مبيهة شي مالج دخل بحجي الناس
مريم...يي
زينب...ولج وينج صار ساعة ادور عليج هايي شنو عباس هنا
عباس ...شونج عيني زوزة
زينب...بخير حمدلله وهسة اترخص ديصيحونه
مشيت واني استفسر من مريم اولا ليش تبجي وثانيا شحجت وية عباس هههه
مريم....يابة نجبي عاد هو مدري منو واحد قلد عليي لان ما الفظ حرف الثين قصدي الثين اااا
زينب..يي فهمتك كملي
مريم...يي فعباث اجه وضحكني شوي
زينب....زين اكلج الضحك عليج ابيض ووو ...كعدت اعدد مواصفاته
مريم..يي هو هذ
زينب...عوفي هذ واحد حقير كلش
مريم..شيصير منج
زينب...ابن خالة تبارك هذ حسين فد واحد على كولت بابة من يحجي على الولد كواد كلش
مريم...شون
زينب...ما احبه دائما يضحك عليي المهم هو وابن عمو طالب الثاني محمد كلش متكبرين ومغرورين
مريم...يي هو مبين بث هشام اني شايفة حلو وحباب
زينب...يي (وصفنت)
مريم..الصفنة مو الج لابو صابر هههههه
زينب...نجبي ههههه
مريم..اكلج ثؤال بربج
زينب....جواب
مريم...شتحسين من يجي يمج
زينب..ما اعرف
مريم...يعني باعي جربي هثة من يجي يمج وانتبهي على روحج
زينب..يي واكلج عوفج مني هسة عود اكول لبابة ويخلي يعتذر منج
مريم...لا عوفي خل يولي غير مرة
زينب...كيفج (كلت هاي الكلمه وطلعنه واصلين للصالة والكل كاعد زلم ونسوان هههههه نصدمت)
مريم...وصلنه والكل كاعد يمه نصدمت عشيرة كاملة
أسد...هاي منو يمنه يا حلوة تعالي يلة زينب تغالو كعدو هنا
زينب...يي بابة (رحنه كعدنه بم بابة)
مريم...هلاو عمو
أسد...علا بيج شوكت اجيتي
مريم...قبل منجي هنا
أسد...اهاا زين بوية اخوج ليش مجبتي وياج
مريم...والله هو مقبل لان راح لبيت خالتي
أسد...ماشي
زينب...لعد وين مامة
أسد...امج وينهة صدك وين مريتي
سارة....ترزل ولدك هههههه
أسد...شسوو هم
ريم...قصدج شني ما سوو هههههه
أسد..لا بربج
فهد...بلة بربك اجي والكاهم مسوين عصابة هم والجهال على جهال المنطقة
أسد...هههههه ملاعين
سجاد...والله انه اكول عفية عليهم خل هيج يضلون عصابة سوة
أسد...والله وانه اكول تجيب هوس تحطك وية الجهال وترزلك
جبل...على كيفك خوية رزلته همين ههههههه
أسد....لا والله
فهد...وعلي هههههه انه ويا ترزلنه ههههه
طالب...مريتك عيني ماكو منهة دائما ترزلهم هههه
أسد...شسويتو هههه
فهد...مسوينه شي كاعدين وساكتين
رقية...لا ونبي ديجذب رزلتهم بسبب
فهد...بلة شحجي وياج بابة لازم تطبكين وياي ضدهم ههه
رقية...لا اطبك وياك ضدك الكل الا ضد هوس
أسد...عفية بيج يي شسوو
رقية....يعني نته قيس بعد
أسد...يي شني
رقية...حافرين الكيكة السوتهة زنوبة بربك من جوة
زينب...شنوو صدكك(بكمزة )
مريم...ههههههه
أسد...شني فارات هههههههه
بتول...فاتتك أسد من واكفين كدامهة وكل واحد شطولة ومشوربين وترزل بيهم ههههه
هوس...هاي مني الترزل بمنو(وتمسح ايدهة المبللة توهة اجت )
فهد...وحدة خبيثة
سجاد..كلش
هوس...باوعت عليهم بطرف عين وكعدت يم أسد وكلت
هوس...هاي منو الخبيثة تعرفهة زوجي
أسد.....منهي هاي بلة كولو اسمهة
هوس...يي منهي خل زوجي يرزلهة
فهد....ممممم ماكو قصدي وحدة دا اقرة قستهة خبيثة وتستقوي بزوجهة
هوس...اهااا ومنيه هاي بلة بلكت اعرفهة مريوم تعرفيهة حبيبتي
اني مدا اعرفهة
مريم...ههههههه
فهد....يي كالو مريام مسوية دولمة (وهو يغير الموضوع)
سجاد...يي صح كالو مسوية دولمة اليوم طيبة عاد لا
مريم...ماعرف نتو ورأيكم من تضوكوهة
فهد....الحموضة زينه جانت
طالب...يي والملح همين
سجاد...بس انه اكول لو حاطه وياهة دبس رمان اكثر
مريم..ههههههه يعني بعدكم مضايكيهة
سجاد...لا
فهد...ابد
طالب...لا بعدني بس شفتهة
هوس...هاي شنو أسد عفية كلهم كافي يطبون للمطبخ حيخلصون الاكل وبعدني مماكلة
أسد...الي يطب للمطبخ رجلة تنكسر ماشي
هوس...طلعت لسانهة عليهم ..
فهد...ترة مايصير هيج خوية شتكلك مرتك علينه تمشي حجايتهة(بشقة)
هوس...والله زوجي وانه زوجته جا لعد يسمع حجايتك ويمشيهة عليي مو صح ابو عيالي
أسد...ها (بصفنه)
فهد...لا كلش زين عرفنه دروبج من تردين شي تحجين بصراوي
هوس...واني مبرطمه كلت
صدك هلحجي أبو زينب يعني انه ام دروب
أسد..خيولي يغار منج لان نتي بلقلب عزيزة
نور....خاب نجبو عاد ونتي الثانية بلا تموع وكومي ولي لا بارك الله بيكم خل اكعد
هوس..كمت كمت ماعندج احد تحجين عليي غيري مو
نور...والله الواحد هو يجيب الحجي لروحه كومي صبي الاكل دا اكل جيعانه
هوس...كمت كمت (كمت واني ادردم)
نوب...مو اكصن لسانج ولج
هوس...سكتت هاا
نور...ونتن شني شمعة فكر واكفات يلة روحن صبن
مريم....فاطسة ضحك احلا شي عركاتهم كل ما اجي اشبع ضحك
نوب بيبي نور دارت عليي وعلى زينب وكالت
نور...ونتن تنتضرن شني كومن ساعدن يلة
زينب...كمنه وفاطسين صحك كل متجي بيبي تحجي علينه
مريم..بيبيتج كارثة ههههههه
زينب....نوب بس تحجي على مامه ههههه
مريم...يي خطية خالة هوث ههههههه
هوس...يلة عاد جيبو يي
كعدنه كلنه وكعدت ومن يمي زينب ومريم وافلس واحطلهم
مريم...خالة والله هواي ما اريد
مديحة...اكلي يمه شضعفج اكلي جنج عودة مثل خالتج
هوس...ترة ونبي سمنانه
مديحة...يي كلش دباعي راح تختفين من الضعف
نور...عوفيهن يتفيكن عود هااا شوفو جسمي شكد ضعيف
هوس...مراح اجاوبج
نور...دجاوبي عمود بالخاشوكه اهفج
مريم...عوجت حلكهة خاله هوس هههه
نور...حلكج اعوجة ولج
سارة..يي بربج بيبي عوجي ههههه
نور...نتي نجبي
ريم...يمه فشلتج ههههه
مريم...ا اكل ومرتبكة لان كاعد كدامي هذ ابن خالة زينب تبارك ...
ويمي كاعد عباس ...
فعباس كلي
عباس...شني ماعاجبج الاكل (بهمس)
مريم...لا بالعكث يخبل عاشت ايدهم
عباس..جا ماتاكلين
مريم...دا اكل
عباس...يي وصدك الدولمه مسحتهة كد مطيبة ههه
مريم...بالعافية
عباس ...الله يعافيج عيني
مريم..رجعت اكل وبالغلط رفعو راسي واشوف حسين صافن عليي اني وعباس
مهتميت ورجعت اكل كملنه وغسلنه مواعين ووكعت براسي اني وزينب وبت خالتهة بت تبارك سكينه ....
تعرفت عليهة بنية حبابة
زينب...خلص سوسو نتي صرتي صديقتنه نضفتي لمجموعتنه
سكينه....والله الله ياريت
مريم...هههههه يي من اليوم صرنه ثلاثي
كملنه وفتنه جوة وكعدنه وياهم جان كال عمو أسد
أسد...اشوفجن صرتن صديقة سكينة
زينب...يي بابة خلص صارت صديقتنه هههه
مريم..يي عمو ختاريناهة كد الثقة وحبابة
أسد...يعني فوتوهة للأختبار
سكينة...فوتوني عمو وخلوني اتمنه ما داخلة اله ههههه
أسد..الله يساعدج لعد ههههه
فهد...تعالي بربج مريم بنتي كولي سيارة
مريم..(بخجل)...ثيارة
فهد....هههههه خرب ولج والله شكد تمنيت يطلعون جهال هيج مثلج ولا واحد طلع
رقية...يي والله شكد جنت اتمنى مع ذلك محد طلع
سجاد...كولي سجاد
مريم....ثجاد
سجاد...كولي سجاد سجد السجدة السادسة وقرأ فيها التسبيح ههه
مريم.... ثجاد ثجد الثجدة الثادثة وقرأ فيها التثبيح ههههههه
سجاد...متت يابة هههههه
أسد...نجبو عاد عوفو البنية .....
مريم...ومر اليوم ورجعت للبيت ....
----،
هوس...رجعت للبيت وطبعا بليل اجني البنات يمي ودنسولف جان كالت بتول...
بتول...بنات شاكة انه بسجاد ديخوني
هوس...لا ولج بالعكس سجاد يحبج ميسويهة لتخلين الشيطان يدخل بيناتكم الشيطان شاطر ترة ...
سارة...يي صح كلام هوس
بتول...لا بارحه سمعتة بأذني وهو يهمس بالتلفون بسكوت
وكلة ٢٤ساعة مكضيهة برة علبو ببيت صديقي
ريم...والله اكول راقبي صراحه ميتأمنون الزلم
بتول...هو هم هيج بس اصبريلي خل الكف دليل ضدة واطلع جلبة اذا ما رجعت لاهلي ركض...
هوس...بس هم لتستعجلين وتضلمي
بتول...بس خل ارجع هسة للبيت واني اله ونبي ...
رقية...بنات اني كلش تعبانه من فهد كلش
هوس...ليش شبيج يعمري
رقية....امه متطاق ولج مستلمتني ونوب اجي واكلة يكوم يعيط عليي ويكول امي وامي
هوس...يي ياحبيبتي غير امه ويدافعلهة هسة اني والله لو اكلج الاجرام الجان يسوي وياي أسد عمود امه
ريم...يي ولج يخوفون من توصل الشغلة لامهم كلش يحبوهة
رقية...ولج حتة ضربني راشدي
هوس...هههههه هاي اقصة شي حبيبتي اتذكر والله حته بالشمع جواني عمود امه شتحسين نتي
رقية....والله دخل تسوي شي ونبي اكلة نعزل
سارة....وتعوفيني
رقية...خاب دنجبي عود ضلي تعاليلي
زينب...هي بيبي هيج كلش صايرة متطاق
سرور...يي وربج صح كلامج
هوس...والله بيبيتج وولدهة ههههه
زينب...هههههه
هوس...ويلة هسة بلا مطرود الكل برة يطلعون زوجي على جية واذا مشافني متحضرة يطلع اهلي من كبورهم هههه
ريم...عاد الله يساعدج على أسد يخوف ومبين نار
هوس..نجبي وروحي ادبسزز هههههههه
----
بتول...رجعت للبيت وكلعادة لازم سجاد يتأخر ....
اجه متأخر وتفاجة شافني كاعدة
سجاد...هاي شني حبي منتضرتني اليوم
بتول...يي صراحه شتاقيتلك صاير متنشاف كلة طالع وعلى التلفون (بدلع وحاطة ايدي على ركبته)
سجاد...اووف طلعت قاسي خليت زوجتي الحلوة تنتضرني هواي (وهو يباوع على شفتهة وركبتهة)
بتول...كلش قاسي تدري شكد مشتاقتلك اكث.....ر
وقاطعني وهو يبوسني قوي ....
بعد ساعتين.....
بتول...باوعت نايم على بطنة وصدرة عاري ومتغطي رايح بسابع نومة ....
اخذت تلفونه ودا افتح كلنة السر مغيرهة....
عليية جيت وسويت واخر شي نفتح ...محكلكم الطريقة لان من ربكم بس تزوجن تعرفن شون تفتحن تلفون زوجكم لو الف قفل يحطلة ههههه
فتحته وكلبت بي مابي شي بس اكيد مو غبية اني ...
رحت للأنستا ولعبت بالحساب وطلعلي حساب ثاني ...
طبيتلة واشوف المراسلة لو انه تخبلت فايت بكروب اسمه ..
طزز هي خربانه الشغلة ...
اباوع الرسائلة نصهن بنات وكلة شقة وضحك وكلة سجودي سجادي ...
باوعت عليي وغميت نفسي انه مصدكته ميخون وعبالي عاف سالفة البنات ...
بس ذيل الجلب عمرة منعدل ...
ضليت اكلب ووراهة رحت على غير محادثة وية بنية..
عزة بعيني حته صورهة دازتهة اله ...
وكلة بسيتات النوم ....
باوعت عليي ونبي الف فكرة سودة ببالي بس صبر فقط صبر .....
كلة تحجي ويا حبيبي وحياتي.....
مبين يحجي وياهة بس كلة بأسمهة وممطيهة امال ووعود اعرف بي هيج يعحجي وياهن عادة
بي لان عار...
كملت منهة ورحت طلعت من الحساب ورجعت للأصلي ....
كلبت بتلفونه مابي شي ..... اكيد يمسح الخاين قابل يبقي...
سديته ورجعته وين مجان ورحت نجطلت وافكر شون حلكفة...
فجأة حسيت بأيدة من حطهة على خصري وكال وهو نعسان ...
سجاد...حبيبي متعبانه نامي يلة
بتول...يي ليش لا انام يي
سجاد...تعالي بحضني
بتول...سحبني بحضنه ونام غفة ...باوعت عليي وحجي
بتول...نام نام واشبع نوب ليش لا انه الك يا بتول....
يتبع
----
صدك شنو رأيكم بالغلاف للرواية صممته جديد
صورة لعباس
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!