سكينة....رجعني محمد للبيت ودعته وفتت وكل ما اتذكر شون ركضنه اضحك وافرح ...
صافنه وامي خرعتني وهي تصيح من المطبخ ...
تبارك...الصفنه مو الج
سكينة....هههههه
تبارك...ثول تضحكين بعد
سكينة...ههههههه...الله فجأة ذب علية ضحك العالم كلهة ...
فتت ودكيت على البنات مكالمه جماعية وهن هم فرحانات ...
زينب...حاطة المخدة بحلكهة عمود ميطلع صوت عياطهة ...
ومريم تعيط براحتهة ماكو احد يمهة...
وانه اعض باللساني عمود ما اعيط ههههههه
مريم...لكم لو تشوفون من وافقت لجننن احممممررررر يربي احلى منيييي
زينب...ولج الا شوي ويهلهل هشام هههههه
سكينة...هههههه
مريم...ونتي شمالج كوليلة انه احبك هههههه
سكينة...هههههه لا بابة هو جان بس اعجاب واصلا راح
مريم...يعني متحبي
سكينة...لاعع
مريم...لعد احجزج لابن خالي هههههه
زينب....ياهو بيهم
مريم...شبيج احمد ابن خالو مرتضى
زينب..ولج دائما احمد يكون ابو بنات لتورطين بت عمتي هههههه
سكينة...ههههههه
سكينة.....لشوي وسديته منهن تمددت وافكر عليمن اجذب بعدني معجبة بي واحتمال احبه ...
بس ....بس شنو الفائدة ....... شراح استفاد محمد معتبرني اخته ....
اتذكر مرة جنة ملتمين الكل وجان ديسولفون جان كتلهم
سكينة...شركوني وياكم
هشام...سوالف شباب مالج شغل هههه
عباس...يي وربج سوالف شباب مو مال تتلوث اذانج بيهن واخلاقج ههههه
سكينة...اهاا اذا هيج ماشي
محمد...هاي شني صدكتي بابة تعالي انه اكلج انتي حالج حالنه همين شاب مثلنه رجائا لتكولون هيج يزعل صديقي ههههه
سكينة...ههههههه...كسرتهة بضحكة ومبينت شي بس ضلت حجايته ببالي ...
ابد ممعتبرني بنية هفففف....
لو من اللبس واترتب وفساتين بناتيه كلش ولا يمه اتذكر مرة لبست احلا ماعندي ورحتلة وجان جوابة
سكينة...هممم شونيييي
محمد....عيييع ميلوكلك دور البنية روح اللبس شي خايس احسن من شي نضيف هههه
سكينة...رحت وادردم عليي....
اووووف شكد واحد جلب ...
----------
هوس....مرت الأشهر وأسدي صاير ماكو مثلة كلة هادئ وميتعارك ابد
ونبي كل ما اشوفة هيج اهز جتف لو خصر وهو يكول خبال هههههه
كعدت الصبح صوت المنبه خررب ساعة بال٦ الصبح كمت وحضرت كم شغلة وبديت اكعدهم ...
كعدو ويطوطحون بكل مكان ....
هوس...(بهدوئ)..زينب زين يزن يلة مامه صحصحو خل نروح نتريك ببيت جدكم
.....لا رد
هوس..(بصبر)..يلة امي انتو
هم ماكو الى ان نزلت لأسد صحته يجي يكعدهم واكفة واشوفة كومهم
كل واحد من ياخت ملابسة هههه حصرتني الضحكة شون بس شافو كعدو الجلاب صارلي ساعة اصيح وماكو.
.
نوب راحو يبدلون واجة أسد حضني من ورة وكال
أسد...بعد شتردين وهاي كعدناهم الج تأمرين ام زينب
هوس...ميأمر عليك ظالم عمري انت
ديبوسني واجت زينب دفعت ابوهة وحضنتني هههههه
نوب زين ويزن يدفعون بزينب عمود يحضنوني ....
حسيت روحي احمحم ماكو مني صرت ما اتحاجة هههه
أسد...ولد الجلب مكاني اخذتو
زينب...بابة كايلتلك من قبل اني هذ.مكاني.الي بس
يزن ...لا الي
زين...اني اصلا مكاني بقلب مامه مو صح
هوس...يروح امك هههههه
ضلو يتناكرون الى ان عطت بيهم كلهم حته أسد جان يتناكر وياهم من كل عقلة
طلعنه وطبينه للبيت والكل موجود جان ...
سلمنه وكعدنه وجان تكول سارة
سارة...عاش من شافج يابة
ريم...جلب العضج مو بس كتلنا دفنا وحركنا
هوس...هههههه ونبي حقجن بس وربكم ملتهية
سجاد...يي مو خطابتج بالباب مسفطين وهيج ملت..(ملتهية)
هوس...سجاد هيج كال ووراهة نتبه الروحه شكال عض لسانه وفتح عيونه بصدمه ...
الكل خزر سجاد اباوع سجاد وجهه صار ليمونه ههههههه بعدهم ميعرون التغيير الصار ...
حقهم اني لحد هسة اخاف اكول اي شي ههههههههه
فعاد كتلة ...
هوس..هسة ليش مضغوط انته ههههه
أسد...عوفي يولي يغار منج هههه
هوس...طلعت لساني على سجاد وهو مصدوم جان كال
سجاد....الا شوي وابجي من ورة جفصتي
فهد...انه كاعد اتخيل كم سن حيوكع من حلكك
هوس...متت ضحك عليهم وأسد يباوعلي ومبتسم رديتله الابتسامه وكعدنه ....
فجان يجن بنات ثنين بعمر زينب وسكينة ..... كلش حلوات ما اعرف اعتقد شايفتهن بمكان
مدا اتذكر ههههه فاتت الاولى تستحي ...بس الثانية لا جانت عينهة زايغة
ههههه عاد نرجس كالتلهن ...
نرجس(زوجة طالب)..تعالي قمورة تعالي شموسة
هوس...فاتن وجني سلمت علية وعلى أسد وزينب وكعدن ...
نرجس...يي هوس متذكرتيهن
هوس...ولج هسة دا اريد اتذكر وين وين بس ما اتذكر ههههههه
نرجس ...شبيج بنات اختي هههه مذكرتيهن الصغار قبل ٥ سنين شفتيهن
هوس...يييي ولللججج شننو هاي كبرانات صايرات تخبلن عمي اني بنية وهيج حطيت عيني عليجن ههههه
قمر..(بخجل )..ش..شكرا
هوس...هههه عفوا ....اباوع البنية الاسمهة قمر اسم على مسمى...
من صدك قمر ....شمس مدري جانت عادية بس جان لازم شوي اتلوك ...
لاحظت قمر هادئ بس شمس لا بس تحوص وعينهة كلش زايغة ستغفرلله اني شكو هسة ههههه
حجت وياي قمر بصوت ناصي وبس اني سمعت لان جانت كاعدة يمي ...
قمر.....دائما اسمع عنج خالة
هوس..والله شتسمعين؟
قمر...دائما يكولون تخبلين اني شايفتج من جنت صغيرة بس ما اتذكر
هوس...يي ولج والله انتي الي تخبلين شون حلوة صايرة
قمر...ههه شكرا
هوس...ولو يي بعد شتسمعين عني
قمر...امممم كومه شغلات اولهن اخلاقج تخبل وطيبة وية الكل ...
والكل يحبج .......
هوس...ههههه منو كايلج عاد
قمر...خالة نرجس وبيبي ومامه همين
هوس...اهاا امج الادبسزز هههه
قمر...هههه ليش شمسوية امي ؟
هوس...ادبسزز كتلهة تجيب بنية احجزهة لواحد من هذول الكاعدين ...
(واني أأشر على زين ويزن)
قمر...ههههه ومجابت
هوس...يي مع الأسف
بتسمتلهة وهي رجعت بتسمتلي فكال هشام
هشام...يي بعد شتردين وهاي وشفتي قدوتج هههه
عباس....قدوتهة؟؟
هشام...مو كل ما اروح تجلبلبي تعال واحجيلي عن خالة هوس وخالة هوس ...
وربج خالة من اطب لحد ما اطلع نفس الحجي احجي
و لو ميت مرة اعيده تضل تستمع وعيونهة يلمعن هههههه
أسد...شني هاي شطلعت الكل حاط عينه على مرتي(بشقة وضحك)
زينب...احس الحجي يمسني
أسد..والله الحليم تكفي الأشارة
زينب..والله هو اني الي الي حق بيهة لان اني شفتهة قبل الكل مو صح مامه
هوس..يي صح
أسد...ااااففاااا هوسي هيج تطبكين وياهة علية(بصدمه مصطنعة)
هوس...اذا مو وية بنتي اطبك ويامن لعد اطبك ههههه
ههه اباوع زينب جتي شبكتني(حضنتني) وترفع حواجبهة تغور أسد ههههه
شمس...شكد عمرج زينب
زينب....حصير ١٤
شمس..اهاا بس مو حركاتج شوي مال جهال
زينب...صراحه اني مو هيج حركاتي بس وية مامه احب اضل هيج جاهلة ههه😅
هوس...اوووف يروحي
جبل...بربج هوس من تشوفين زينب شتشوفين
هوس..اممم سؤال حلو خن افكر🤔🤔🤔امممم امممم امممم شنو الجواب
زينب...(بدلع )..ماممههه ههههه
هوس...ؤك ؤك الصدك من اشوفهة اشوف الطفلة الي التقيتهة بكربلاء
المدبدبة وكوة تمشي ههههه ومن شافت بنية تطيني جكليته زعلت مني ههههه
زينب..(خلت ايدهة على وجهه بخجل )...ههههه
هوس...اني حجيت هيج والكل باوعلي الي ولزينب بحب وفرح وأسد شفت عيونه دمعت
فجان كلت اغير الجو هههه..
هوس...بربكم بربكم بربكم شوفو وجهه شون صار طماطة طوني بنية احلى منهة
مع احتراماتي للحلوات الكاعدات هههههه
فكال حسين بدون وعي هو ومحمد وهشام بنفس الوقت
محمد....سكينة احلى من زينب
حسين ...مريم صديقتهة احلى منهة
هشام...اي والله ماكو احلى منهة
هوس...الكل صفن بيحسين مطو اهمية لكلام محمد وهشام لان
هشام دائما يدافع لزينب اما محمد فدائما يحب يتحارش بالكل
اما حسين فشكو بالموضوع واني رفعتله تك حاجب .....
تبارك....حسين ونته شكو بمريم؟؟؟
حسين...مدري بس يعني هي صديقتهة احلى منهة
هوس...راد يحجي ابو فأني باوعت على يزن وكلت بقلبي
آسفة حياتي بس لازم انقذ الوضع ههههه
كرصته شوي قوي يعني شوي كلش وجان يعيط الكل ندار عليي
عاد اني بسرعة شلته وافتر بي جان شاورته كتلة
هوس...يزن حياتي ابجي وكلهم نضربت رجلك وانومك يمي اليوم
باوعلي وجان يزيد بجي وغمزلي خرب الادبسزز يدور مصالح هو هم هههههه
اجه أسد واخذة مني وكام يسألة والكل التمو عليي
عاد اخذة أسد يغسل وجهه جان تكول سارة
سارة...شنو شبي
ريم....اعتقد سمعتة يكول رجلة انضربت
رقية.... عفية نسيبي المستقبلي ليصير بي شي خل ناخذة للمستشفى ههههه
هوس...ضلو يحجون واني باوعت لحسين وهو يباوعلي بأمتنان لان نقذته منهم ...
اكلنه وخلصنه وسوالف خلصناهة ..
---------
زينب...رحنه لبيت جدي وشفت قمر وشمس طبعا اعرفهن ثنينهن
احب قمر بس شمس اموت منهة فد وحدة مايعععة كللش ...
او بالاحرى تتصنع التموع والدلع كبر حته كبر شكد اكره هيج بنات ....
سلمنه وكعدنه وبدت المسرحية مال بيت جدي عمامي وامي ونسوان عمامي هههه
شبعنه ضحك فأكلنه وخلصنه والمطبخ علينه رحنه احنهة البنات ننضفة ....
فأني اغسل المواعين وقمر تنشفهن وتحطهن وسكينة تجي تحطهن بالكاونتر ترتبهن
وشمس هم ساعدتنه بس حطت كم ماعون بالسنك وكعدت على الكرسي...
كاعدين نشتغل وجان يفوت هشام ومحمد ووياهن عباس وحسين
فبسرعة كمزت شمس تسوي روحهة تشتغل ويانه
محمد...الله يساعدهم يابة هاي شني خطية عافو المواعين عليجن
شمس(بتموع)..ههه متعودين عادي
زينب...فكالت قمر بدون قصد ونست الموجودين
قمر...انتي متعودة شوكت اشو كل عزيمه تولين وتعوفين المواعين علية
زينب...جان يشرب مي عباس غص بالمي ومحمد حبس ضحكته لان تفشلت شمس
اباوع شمس تتحلف بقمر وقمر وجهه صفر لان نست الموجودين وكامت تحجي براحته ههههه
هشام...يي شونكم يابة
زينب..يحجي ويباوع عليي ويغمز بدون مينتبهون
زينب...بخير هههه انت شونك
هشام..حمدلله ...(بصوت ناصي)..دام شفت وجهج
زينب...فد خجلت خرب غلست ورجعت اغسل مواعين
فجان يدك فوني وايدي مبللة وجان قريب على هشام
زينب..منو ؟
هشام...اممم مكتوب ...توأم روحي ❤💋...
زينب..افتحه وحطة سبيكر فدوة هاي مريم
هشام...ؤك
زينب...فتح سبيكر واجاني صوت مريم التعيط
مريم...اذذذاااا اجججييي وانعل الثاعة الشفتج بيهة احد يكوول لييش
زينب...شكو
مريم...صاررر ثاااعة اددك الباب وينكم ميتين ولكم
زينب..ليش انتي جيتي لبيتنه
مريم..يي بالباب نثمط ابوية البلكبر
زينب..ولج احنه ببيت جدي ههههه
مريم...صدك تحجين
زينب..ونبي تعالي الكل اهنا
مريم..لا عود باجر اجيج باي
سكينة...نجبي وتعالي عندي حجي وياج
مريم...خوفتيني ههههه شمثوية اني
سكينة...هههه تعالي واعرفي
مريم...جاية جاية ..
زينب...سديته منهة كملنه المطبخ وكعدنه يمهم وجان تندك الباب
جتي مريم وبيدهة بزونتهة وكالت
مريم...ثلام عليكم
شمس (بأستهزاء)..وعليكم الثلام
زينب...باوعتلهة مريم من فوك ليجوة وعبرتهة تجاهلتهة وشمس صارن اذاناتهن يطلعن دخان هههه
هوس...والله كلت خل اسوي معكرونه بالبشمل ع العشة وادك عليج تجين
مريم...يي ياريت كلش مشتهيتهة
سكينة...شعجب جيتي وجبتي بزونتج
مريم...خلص راح ارجع يابة شكلنة ثقيلين عليكم
سكينة..نجبي هههههه
زينب...لا والله شعجب جيتي
مريم... جنت يم البيطري وقريبة فمريت
عباس..ليش شبيهة يزونتج
مريم...مو كل شهر اروحلة وكال كلش كلش زايد وزنهة
أسد...يي بوية اذا انتي مسويتهة جنهة خروف ليشوفهة ميصدك بزونه باعي شسمنهة
مريم...تنهدت وباوعت على بزونتهة بغضب وكالت ...
بعد اثويلج رجيم ومتاكلين شي نزلي وزنج شنو هاي خزيتينه هثة طيني هر يقبل ييج..
نكثرت ايدي واني شايلتج نوب صايرة فد كثولة منا لهنا متتحركين كلة اكل ونوم اكل ونوم ...
زينب...يابة متت ضحك ترزل بيهة وهذيج الجلبة منزلة راسهة تدري دترزل بيهة ههههه
الكل جان يضحك عليهة ههههه
لشوي ورجعنه ورجعت حياتنه طبيعية ......
-------------
سكينة....مرن كم يوم وبدت هاي شمس اللزكة تتموع وتضل تتقرب لمحمد ...
احس بكلبي سجاجين يضربنة كد ما اتأذة من اشوفهم سوة ....
هسة حسيت بشعور الغيرة ....جنت اشوفه بس بالمسلسلات ...
واكول يبالغون مو لهل درجه بس هسة من صدك حسيت بي ...
واتخيل كل يوم قبل لا انام انو يحبهة وتحبة ويخطبهة .....
بحيث اشبع بجي وثاني يوم الكل يسأل الى ان يملون لان ما اكلهم ...
ففد يوم ببيت جدي انه وجان تجي شمس يمي وكفت جنت اغسل ايدي ...
جان تكول....
شمس..(بتموع)..ههه اعتقد محمد يحبني يايمه يغار عليي تخيلي جنت كاعدة يم عباس وهو يخزرني ههه يغار
سكينة...(ببرود)..وانه شكو
شمس..هاا لا بس اكلج
سكينة...وشلي دخل بيج انه شو ولي من وجهي ...
وطلعت وعفتهة وصعدت للسطح وبوكتهة جان ليل ...
بدون ارادتي نزلت دمعتي كمت اشهك بصوت عالي ...
لشوي وانفتحت الباب باوعت محمد وبحلكه جكارة اجه يدخن ...
بس شافني فز وشمر الجكارة واجه كعد كدامي ويتلمس بوجهي ويحجي بقلق
محمد...شبيجج سكينة بيج شي منو وياج احجي
سكينة...اسمع كلامه وكمت اكثر ابجي وافكر معقول يجي يوم وهيج يكون يخاف غليهة وميهتم بية
هو تخبل كام يعيط
محمد...ولللجججج شبيييججج منننو ووويياااج يااا كوو**د مأذيج
سكينة...اريد احجي ماكو ما اكدر تهسترت وهو تخبل
كمت أأشر على بلعومي وابجي هو مستحمل كام يبجي وحضني بسؤعة ويحاول يهدي بية ...
محمد...شبيج يروحي شبيج شكو اهدي اهدي ماكو شي يلة انه يمج
سكينة...دفعته وكوة احجي
سكينة..و..وخ..وخر ..م.ماا اريدك ووخر..
محمد...ليش شكو
سكينة..وخرر...ت...تحب..تحبهة لهاي الحية موو وخ..وخر هدني
محمد...ليشش تخليني اككفففر شبييج هاي منو هيج كايل
سكينة...بس ابجي
محمد...زين اهدي اهدي وفهميني وبلا بجي
سكينة...شوي هدئت ونهدين بي
سكينة...ليش تحبهة هااا لييش تغاار علييهة
محمد...المممنن احببب؟؟؟
سكينة...لهاااي الحية شممسسس
محمد...باوعت عليهة بأستغراب هاي شتحجي ...زين واذا احيهة انتي شكو
سكينة...ااانه شكووو موووو انننه شكووو ولك ليش متحس بية هاااااا ليييييششش
محمدددددد احبببككك موبيدييي ابددي موبيدي اهنا شايف اهنا
سكينة..وانه أأشر على كلبي
يأذيني يموتنيييي كل ما اشوفهة يمك ليش متوخرهة هاااا
يي صدك اني شكو اصلا دا احجي وياك واكلك واعيط بوجهك حقك تنعجب بيهة
تحب هم حقك واصلا شريد انه ... اريدك تحبني ههههههه(ضحكت بقهر واستهزاء على روحي)..
تحبي وانت تشوفني ولد وحالي حالك ومحلوة وتشوفني اخت....
سكينة...فتحت حلكي بصدمه من....
يتبععع
---
2063...كلمه ....
يي شونكم 😂....نشالله عجبكم البارت ..... ردت اسوي كامل البارت الاخير
بس كلت يصير كلش طويل زيادة عن اللزوم فراح اسوي جزئين فقط
يعني البارت الجاي يكون الاخير ونتنتهي روايتنه ...
طوني رأيكم بالصار وية ابطالنه ...
وطبعا صورة قمر...
صورة شمس ..
وبسسس احاول ما اتأخر بالبارت الجاي
💋❤💜بايي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!