رواية هوس الأسد الفصل السادس وأربعون 46 - بقلم Qdark781

سكينة...فتحت حلكي بصدمه من....

من ....... مممم..نن...من حسيت بسنونه جرت شفايفي بكل قوة ....

الصدمه شلتني جسمي كلة نمل مدا اكدر احركه ....

رجفة قوية احس تكهرب جسمي كلة ...

حسيت بطعم الدم من شفتي شفته بتعد باوع على الدم ورجع

مصة ...... ؤك حرارتي ما اكدر اوصفهة بحيث اذا الزم بيضة هسة تنسلق ...

وخر وباوع بعيوني وكال ....

----

محمد...من بعد آخر لقاء بيني وبين سكينة صرت ما اعرف شسوي ...

صح اتشاقة وياهة بس ....بس ما اعرف شبية ...

طول عمري ما كايللهة كلمه وحدة حلوة جانت كل متشوفني روحهة بفستان ....

جانت ملاك تطلع بي بس مع ذلك ما امدحهة ..... من قبل شعور بداخلي ...

يريدني اخليهة تلبس ملابس شباب ما اريدهة تلبس كدام احد هيج ملابس انوثية ....

جنت اتعجب من هذ الشعور ...... واضل حاير ليش هيج انه ...

جنت اكول يمكن لان ماعندي اخت وانه حاسبهة اختي فهيج عادي

بس الاكتشفتة لا غير ...... الاخ مبياع لاخته بهاي النظرة ....

مو هيج الاخ .....

ففد يوم وطبعا بعد ما مليت من هاي الاسمهة شمس الي كل تصرفاتهة اقارنهة بسكينه ..

اصلا ماكو وجه مقارنه ..... شجاب الثرة ع الثرية (مثل عراقي او عربي المهم هواي نستخدمه بالعراق)

فمليت وصعدت للسطح كلت مابي احد ليل منو يصعد ...

اخذت باكيتي وحطيت الجكارة بحلكي وطلعت وجان سديت الباب واندار ...

والكاهة وجهه حيطك من البجي ...... عيونهة منفوخه وحمررةة..

وجهه احمر والشفايف منفوخة ...ستغفرلله تعوذت من الشيطان هسة انه شدا احس بهيج حالة ودا افكر بطيحان حظ ....

ركضت الهة واحاول يابة دحجي الغي اي شي بس كولي اي شي ...

ماكو قافلة وكارهتني .....

الى ان نفجرت وكالت كلشي وانه بس اسمع اريدهة تطلع كلشي بكلبهة ....

من رادت تكول تعتبرني اختك ردت اعاقبهة اسويلهة درس متعيدهة ....

عضيت شفتهة حسيت بطعم الدم ....... يلة عفتهة ...

باوعت بعيونهة وحطيت ايدي على شعرهة العب بي وكلت ...

محمد...بس عقاب عمود مرة ثانية ابد متعيدين كلمه انه اعتبرج اختي ...

انتي مو اختي ماشي ...... طول عمري عبالي انه اعتبرج اختي بس...بس انتي مو اختي...

كلبي مو بيدة ميعتبرج اخته ......

(ضحكت بخفة وكملت)

وثمه منو انه احب هاي الجكمه شمس مدري نجم ...

بابة انه من اشوفهة وربج اريد ادفنهة كد متسوي روحهة مايعة ...

الثكل حلو للبنية طول عمري اكولهة ومن اكولهة تجين ببالي ...

رب الثكل انتي ....

لج بابة من اتخيل مستقبلي واتخيل روحي بقاط العرس متجي بنت ببالي غيرج ...

متجي بنية لابسة الابيض الي غيرج ..... (ضحكت بصوت عالي وحضنتهة وامسح على شعرهة)..

هههههههههه ولج هذ القاهرج ومنزل دموعج الغالية تعالي وصارحيني جا.

ليش ضامتهة بكلبج ...

سكينة...(وانه اضم وجهي بصدرة اكثر ومدري ليش بغباء تنزل دموعي ضربته بخفة وكلت)..اسكتتت

محمد...ههههههه تددللييييينننننن

سكينة...ههههه شبيك

محمد...مدري ممصدك

سكينة...انه هم ههههه

محمد...ايي ست سكينة عيني من شوكت تحبيني

سكينة...مالك دخل

محمد...لا بربج هههههه

سكينة...هههه

محمد.... لا بداعت شاربج من شوكت

سكينة...من قب..هااااااا شني شاااربجججج

محمد...ههههههههه خرب بعقلج شون ردتي تكولين اذا صدك عندج شارب

سكينة...ونبي لاا موخرته

محمد...يا حلاق رحتي؟ههههههه

سكينة....اوووووو محمددددددد (بعصبية )

كمت اركض ورا ومن كل عقلي اريد اضربة قوي اكيد مراح اسوي روحي كيوت

و اكوم اكول اووي ومووي ومدري شني 😂

ماشاء الله متربين سوة وواحد يعرف الثاني فأركض ورا واريد اضربة وهو يركض ويضحك ...

آخر شي وكع لان عثر ...بسرعة جيت وكفشت شعرة ...

وعضيت أيدة كلش قوي بحيث بقن أثر سنوني ...هههه😈

محمد...يي مو جديدة جلب حابلي انه

سكينة..😝 ههههه

نداريت من سمعت الباب نفتحت باوعت قمر تباوعلنه بتوتر وارتباك ...

باوعت الروحي كاعدة على بطن محمد وأيدي فوك أيديناته خرب فشلة ههههه

وخرت من فوكة رتبت هدومي وهو كمز ندار جان تكول بتوتر وارتباك

قمر...ااا أحم آسفة بس عمو مرتضى يصيح لمحمد وكالي حسين أشوفك بالسطح

محمد...اهاا ماشي شكرا يلة انه نازل

(وشاورتهة بصوت ناصي )...مو تعضين البنية ..ااااخخخ بت الاوادم ...

سكينة...كرصته قوي بصدرة هههههه

راح باوعت قمر تباوعلي بأرتباك جان تكول ...

قمر...آسفة كلش مجنت اعر..(اعرف)

سكينة...لا ولج عادي مابيهة شي بس لتكولين ههههه اهم شي لاختج

قمر..لا..ااا ...لتخافين ما اكول

سكينة...امممم أشوفج تردين تحجين شي كولي لتخافين كلامج ببير عميق

قمر..يعني ماعندي احد احجيله اختي متفهمني ابد واجيت احجيلج عادي يعني اصير صديقتج

سكينة...يي بعد احسن نضمج لمجموعتنه

قمر...ياهي

سكينة..اني ومريم وزينب هههه

قمر..والله(بفرح)

سكينة...يي وهسة كولي شعدج

قمر...شسمه ..اا باعي هذ الي أسمه عب

سكينة..عباااس شبيي تحبييي اللله

قمر..ولج صوتج فضحتيني(بخجل)

سكينة..وهو يحبج لو لا

قمر..احم ااا..يي

سكينة...عززةةة الللللهههه ولجج هاي من شوكت

قمر...صارلي هواي ويا يعني من قبل

سكينة..اكول اول مجيتي يباوعلج ومبين يسوي روحه اول مرة يشوفج ههههه

قمر..اي

سكينة...ضلينه نحجي وتعرفنه وطلعت كلش كيوووت ...

ومرت الأيام ....

ضلينه انه ومحمد كل منتشاوف .. خمس دقايق غزل وحب والباقي عرك ونرفزة واستفزاز هههههه

-----

هوس....مرت الايام وطبعا دكو الخشب رجائا دكو الخشب وبلا حسد هههههه

أسد صار ماكو من عندة يخبببلللل يااايمممه اليوم عيد زواجنه ...

دا ابدل عمود نطلع سوة .....حجز مطعم صديقه كلة بس اني ويا ....

شتريت فستان حلو مستور طلعنه سوة وحياتي لابس ملابس رسمية طالع يجنن بغلاوة طالع مو رجال ضيييييييمممم🤤

ههه المهم طلعنه ورحنه تعشينه بمطعم وكلة غزل ودلع وطبعا ميحتاج اكتبة اثتحي🙈😂😂

جذب ميحتاج اكتبة لان مالكم دخل كلام بين المزوجين عيب ادبسززية😂

طلعنه وفترينه وراهة رجعنه للبيت وجان اضلم فتنه وجان ينفتح الضوايات

باوعت زينب ومريم وسكينة وقمر وزين ويزن وهشام ومحمد وحسين وعباس  .....

وداير مداير الاستقبال نفاخات حمر ..... وكيكة جايبينهة وطابعين صورتنه بأول يوم زواج النه ...

علكو اغنية... الليلة ...

اكيد كلكم سامعيهة والكل كعد يحتفل ويركص وشقة وضحك .....

طرت طرت من الفرحة طبعا الخبال صار بفلس هههههه

تكمز الكل يكمز وأسد يضحك علينه ويصورنه ...

فجان تكول مريم

مريم...يلة تعالو نطك صورة...

ضبطته مؤقت وجتي باوعت كلهم على وجوههم الفرح وأسد يشبكني بكل قوة ...

ويضحك من كلبة.... ممتندمه ابد ولا اتندم تزوجت أسد ....

باوعت لزينب ....ابد ممتندمه شفتج انتي احلى شي بحياتي ....

فرحت ومن كل قلبي ...... كبرت ...... وعشت ....

نحرمت من هواي شغلات وربي عوضني ....

طلعني من شرودي سكينة وهي تكول

سكينة...خالة باوعي على الكامرة

هوس..ؤك ؤك اعصابج هههههه

ضحكت بصوت وطلعن سنوني وأسد ضحك على ضحكتي ونطكت الصورة ....

وسهرنه بفرح احلى يوم بحياتي

----

أسد...بديت آخذ العلاج والجلسات بالبداية مردت بس من اتذكر لهفة وفرح هوسي ...

غصبت روحي ارجع .... رجعت وبدة مفعول العلاج والجلسات ....

حتة تعلمت اضبط روحي وما انفعل واعصب على اقل شي ...

هوسي لحد هسة ممصدكة أبد وتضل تكمز وتضحك من كل كلبهة وغمازاتهة الحلوات

تبين ...

اكثر ضحكة احبهة هي ضحكتهة .....مستعد ادفع عمري كلة لخاطر.. .

اشوف ضحكتهة التطير العقل .... بديت وستمريت ع هذ الوضع أشهر ...

احس صرت انسان زين يصلح لهوس ....يناسبهة ...

ما اكدر اجازيهة غيرتني ..... غيرت بنتي ....

غيرت مجرى حياتي كلهة .....

ابقى طول عمري مدين للأغبياء والسرسرية ... فهد وسجاد...

هههههه الحقيقة اضل طول عمري لو شكد ما اسوي الهم ما اكدر اجازيهم ...

من صدك اول مرة يسوون شغلة بحياتهم تفيدني ... من كالو خل نروح لكربلاء كلنه ...

ههههههه....

---------

زينب...

حياتي نملت بين امي وابوية الي صايري يخبلون

وهشام من صدك هسة حبيته مو مجرد اعجاب وهو همين كال مضل شي خل بس اتخرج من الاعدادية وبسرعة اخطبج ....

هذ جان الاتفاق غير هههههههه بس مستحمل فكال لعمو طالب...

ونحجزت لهشومي ههههههه ....

والشباب من شافو هشام قبلو عليي كلهم واحد ورة الثاني سرة ههههه...

حسين خطب مريم.....محمد خطب سكينة....واحلى شي عباس كطع مهر هو وقمر ...

وكلششش فرحانه الحياة بتسمتلي من صدك هلمرة ...

ودا ادرس بجد واساعد مامه بكلشي وكل يوم مامه تعلمني اسوي أكل . .

هههه تخجلني من تكلي غمض فتح وتزوجين وتطيني نصايح ههههه

صدك صديقتي من صدك ..... عرفت شون تاخذ الادوار ...

دور الصديقة.....دور الاخت ..... دور الأم ..... كل الادوار اخذتهن

محتاجيت شي بالدنية ابد ومراح احتاج كتملت حياتي خلص ..

اليوم نفس اليوم الي التقيت بي مامه لاول مرة فكلنه اتفقنه نروح لكربلاء ...

رحنه وزرنه ونفس المكان رحنالة ههههه باوعنالة كلنه

وكمنه نضحك ....

ريم...اهنا اول مرة لتقينه بيج هوس هههه

فهد...يي ولج شون صدفة نشوفهة بكربلاء ووراهة تجي للبصرة وزينب تحبهة وأسد يحبهة ...

سرور..ونبي احلى صدفة ...

هوس...ههههه..

سترجعنه ذكرياتنه كلنه وكمنه نضحك طلعنه وهم اخذنه صورة ..

فدنتمشة بين الحرمين دنطلع بعد ....ندارينه ومامه جانت لازمه يزن وبابة لازم زين ...

ندارينه وبابه حضنه ونباوع ...

زينب....اهنا بدت قصة هوس الأسد واهنا تنتهي....

أسد...قصدج تنتهي من التنزيل بس تضل بقلب الأسد ..

زينب..طبعا ههههه

أسد. ...مو صح هوسي

هوس..(بأبتسامة)..طبعا أسدي ....

هوس...كلت بقلبي...مامه بابة يزن دتشوفوني مو صح اني نفسهة الطفلة البقيت وحدي...

نفس الطفلة الي نكسر خاطرهة .... طفت شمعتهة ...

نحرمت من كومه شغلات.... الطفلة العانت وسكتت بجت وجرت الحسرة وهي بعمر ال١٣ ...

نفس المراهقة الي تشكك بشرفهة ....

نفس المراهقة الي ضلت بتربيتك باباتي ....هوسك نفسهة ....

نفسهة هوس العفتهة....الشافت وعاشت .... الوصلت ودرست ....

التزوجت وحبلت(حملت)..وجابت  ....

نفسي اني اليوم اني وية عائلتي جيت لنفس المكان الي لتقيت بيهم بي ...

طول عمري مناسيتكم ولا راح انساكم .....

دتشوفون أسد ههههه اكيد جنتو مقهورين من عندة بس يلة عادي...

موبيدة هسة تعالج وصار زين .... كتملت هسة فرحتي ...

مع انو مكانكم فارغ والله ههههه احبكم ...

....رجعت حضنت زينب وأسدي ورجعنه طلعنه ورجعنه لبيتنه وحياتنه ....

          "  النهاية ⚘"

♡♡♡♡♡♡♡

1555...كلمه ...

الى هنا تنتهي هوس الأسد ....😭💔حشتاقلهة تعودت اكتب واندمج بكتابتهة....

نشالله عجبتكم ....بشروني شنو رأيكم بالنهاية ..

العبرة من الجزء الاول ولحد هذ الجزء...

الصبر....ثم الصبر......ثم  الصبر ..... كلشي حلو بالصبر   .....