نمت وكعدت ....شفت روحي نايمه على رجل سارة..
هوس...سرو نامي على رجلي ...
نامت على رجلي.....ضليت اباوع من الجامه على السيارات ...
شون عائلة طالعين ...هذاك وية مرتة وابنهم بحضنهم ...هذولاك الي اطفالهم ليورة ...باوعت للبنية الصغيرة شون وية اخوهة وامهة كاعدة ليكدام وابوهة يسوق......ذكرتني بروحي من نطلع جنه اني وبابة ومامه .....
بعدين صرنه اني وبابة ويزوني....وبعدين....
صفيت بحدي ماكو اهل سند ......
دمعتي نزلت مسحتهة بسرعة .....وصلتني رسالة من سجاد...
سجاد....ها وصلتو ...
هوس...لا والله بالطريق هسة
سجاد ..... اها من توصلين طيني خبر ضل بالي
هوس...تمام.
طلعت بسكت وحليب اكلت ....قدمت لبيبية سارة طبعا اني هم اصيحلهة بيبي
هوس...هاج بيبي(اسمهة نور)
نور....يي يمة طيني والله جعت
هوس...طيتهة وكعدت اني هم اكل....
ورة نص ساعة وصلنة ....بسرعة دزيت رسالة لسجاد وكتلة ليضل بالك وصلنه...
نزلنه بمنطقة تخوف ليل الدنيا وضلمه ... وكفت السيارة كدام بيت جبير حلو على كدنه ..... بس نتبهت على بيت ككلش جبير او مو بيت لا قصر..
ويشع شع من الاضوية ...جنت صافنه وصاحتلي سارة...
سارة....ام جبار وين صافنة ...
هوس...هيج ابو جبار هيج
وطكيناهة بضحكة ...
نزلنه وجان البيت يجنن بي بابين باب صالة وباب مطبخ ...فد شي....
ومسبح اكو..وحديقة جبيييرة كلش...من غير الكراج..
طبينه وبسرعة نمنه مكعدنه الا ثاني يوم....
البيت جايبين خدامة منظفته كلة ..... سويت ريوك انتضرت يكعدون ونتريك كلنه ....كعدت بيبي وسارة
نور......يبنيات اني اروحن لاخيتي صارلي هواي كلش مشايفتهة
سارة...اهااا
نور...اي اروحن الهه تعالن
سارة....ماااااا
نور..ووجعا ليش وج
سارة ...... اريد نطلع نفرفر نتونس اني وهدهد
نور...جا ومتروحين وياي تتونسين هناك شكثر بنيات..
سارة ....بيبي والقران عود غير مرة مو هسة
نور.....حعبرهة هلمرة...بيبي هدهد سوي من ايديناتج هذيج الكنافة الطيبة السويتيهة مرة دوديهة لاخيتي تحبهة...
هوس...من عيوني...
نور...يم عيون الحلوة نتي
سارة...ويييع حزوع(استفرغ)...شهل غزل الخايس
نور دمغت سارة
هوس....ههههههه احسلج
نور....تستاهل اكلي وسكتي
سارة....يي يي سكتت نجبيت ...
هوس.....كملنه وخلصنه سارة غسلت المواعين واني بديت بالكنافة سويت صينيتين كبار....خلصتهة ...
نور...ها بيبي هدهودة خلصتي..
هوس...يي بيبي خلصت هذني...
نور...اي يمة اني اخذ صينية وعود صيحي جاهل من الشارع كومه اكو يجيبون الثانية...
هوس...ؤك
راحت بيبي ...
هوس...بربج سرو روحي صيحي جاهل يجي يودي الصينية اروح للحمام مستعجلة
سارة...كبر روحي مو تسويهة على نفسج وجلفي الحمام ؤك...هههههههه
هوس...جان اكو نعال مشمور شمرته عليهة
سارة...ما اجة بية هههههه
__________________________
سارة ....اجة الوقت الي اعرفكم عن نفسي بي ..تدرون هاي هويسة متخليني علما بالحمام هي
خل اعرفكم ...
هوس...وج مو اجيج جلبة...
سارة خلص خلص مو عليج ...ههههههه
اسمي سارة عمري 20
مهم طولي 165 وزني 66 حنطاوية ....عيوني موكبار كلش ولا صغار عادية لونهن عسلي....
خشمي حلو طويل شوي رفيع لايك لوجهي...حلكي شوي جبير بس متراهم وية وجهي....محجبة ..بس يعني لبسي بناطير شوي حصرة مو كلش...ووياهن لازم قميص للركبة او لنصف فخذي لازم.... مهم...
_________
من جان عمري ست سنين واني امي وابوية يوم بالعراق وعشرة برة العراق جنت احس بالوحدة بشكل مو طبيعي ..... فلوس يطوني زخ المطر بس...مرات مو كلشي بالفلوس.....بيتنه اكره افوتله هدوئ ومحد بي...صار بية توحد وبدايته عالجوني بسرعة...وكبرت وهيج تعودت وبالمدرسة يضحكون عليية جانو ومحد يصادقني ....
صار عمري تسع سنين نقلوني بغير شعبة لان هذيج صار عدد هواي...
وهنا هم محد يحجي وياي...
وثاني يوم رحت للرحلة مالي كعدت اكل ..جان تجي بنية كلش كلش حلوة تجنن ...
هوس...احم عادي اكعد ...اااا لان اني دائما اكعد هنا
جانت تحجي بخجل وعبالهة احجي عليهة لو شي شكلهة مثلي ماعدهة صديقات...
سارة...اي تعال اصلا اسفة اجيت كعدت ومكتلج ...
هوس...لالا عادي اكعدي...وصارت الدروس واجتي الفرصة ....
طلعت جبسي وعصيري ..وهي طلعت لفة صراحه مبينه طيبة واني احب الاكل...
سارة .... احم مال شنو اللفه
هوس...هاي بابة سواهة مال بتيته وهمبرغر ...تردين ..
سارة ..لا ماا...(بعدني ممكملة قسمت اللفه نصين واطتني)...
اخذتهة واكلنه بهدوئ اكل واريد ابجي اول مرة واحد هيج يسوي وياي ...جانت بيبيتي موضفة وتطلع ..
متدري بية ....جنت اخذ الف الفين خمسة ما اهتم ..
على كد اشتري جباسة وهيج شغلات بس جنت اشبع اشوف الطلاب كلهم وياهم لفات الا اني ....ومحد يشاركني......
بس هي اطتني وحتة متعرفني زين ......
اكلنه وخلصنه جان تطلع كلينس مرطب ومعقم...
هوس...هاج مسحي ايديج وحلكج بابة كلي كل متاكلين وتخلصين مسحي عمود متتمرضين ووراهة حطي معقم .....
كملنه وكعدنه ...واجة درس الرياضيات جنت كلش موزينه بي...
بس ساعدتني بي هواي....
من دنطلع جان شفت واحد ابتسملهة وهي ابتسمت اله...
جان رجال حلو عيونه زرق ..ومبين تعبان جان مبين توه جايي من الشغل وايدي جانت بيهة لون طابع اخضر والطلاب يعيبون عود عيع قذارة مجنت اعرف شيشتغل...بس سمعت وحدة تكول
بنية...عييع اجه ابو هوس الزبال...
بنية ..... عيععع
عرفت ابوهة عامل نظافة بس هذ الشي مو عيب...شفته هو هم دمع ...وهي تمشي مبتسمه..
كلت اكيد سمعت وهسة تبجي بس صدمتني صراحه كلش صدمتني من تقدمت على ابوهة ولزمت ايدي
وباستهة وحطتهة على كصتهة(جبينهة)وتضحكلة وهو شالهة واخذ جنطتهة ويضحك وياهة ...
هذ الضحك اني نحرمت منه ماعندي هيج شي..عندي وعند اهلي فلوس يابو فلوس بس...ماعندي ذرة هيج
حب وامان ...وهمه حالتهم المادية موزينه ...ومع ذلك....نظيفة تنكط ورة وشغلاتهة حلوات مال دوام.
القرطاسية ....واكلهة نظيف...كلامهة محترم...شاطرة
فرغت المدرسة وبعده السايق مجاي نساني ...فجأة اجت...هي وابوهة اجتي تركض شبكتني...
هوس....يمه اسفة خفت عليج والله ...اسفة عفتج لازم انتضر وياج جان...
سارة .... لا يابة عادي
ابو هوس...عمو تعرفين رقم اهلج
سارة..لا
ابو هوس...زين تندلين بيتكم اوديج
سارة(حصرتني البجية شوف يحجي بخوف عليية واهلي ممهتمين)
لا.....
ابو هوس...لعد تعالي
تقربنه وحط الجنط فوك راسنه عمود متصير علينه الشمس...
عشر دقايق واجه السايق..
ابو هوس....عمو حبيبتي باجر اخذي رقم اهلج وعنوان بيتكم عمود اذا تأخر مرة لخ اني ارجعج
سارة .... شكرا بيباي
وهيج جانت بداية صداقتنه لحد هسة ...جان عمو
انسان شريف كلش وخلوق وعندة عزت نفس ويزوني يجنن جنت احب العب ويا....
جنت اروح وندرس سوة يكعد ويقرينه ويسويلنه اكل
يجنن جان ...جنت احس بجو العائلة بس ناقصهة الام
بس جان يحاول ميحسهم بعدم وجود امهم ......
الى ان يوم وصلنه الخبر انو توفة ....بجيت وبجيت بجي مصاير....
جان بمثابت الاب بالنسبة الي...حتة من جانو طالعين جان جايبلي سوار حلو ذهب ناعم كلش صغير .....طلع مجمع فلوس الي والبنته...مفرق بيناتنه ...ميصيحلي الا بنتي ....هوس راحت للميتم.
توسلت ببيبي عمود تاخذهة يمنه ....ورحنه ناخذهة بس الميتم مخلونه وشكد حاولنه ورفعنه قضية مخلونه ....
ادري بيهة جانت تتعذب وعذاب مصاير بس متحجي .
متريد تقهر واحد....
الكل يحبهة ...عقلهة اكبر من عمرهة .....
طفلة وتسع سنين لابسة اسود الى ان حلفتهة ...
يلة نزعتة ...طفلة وتعرف الصح من الغلط...
جانت هوس عبالهة اني مسوية فضل براسهة انو
اعزمهة على اكل لان ماعدهة فلوس...متدري انو هي
الي جانت تسوي عليه فضل بفضلهة حسيت بحنان
الاب
حنان وجو عائلة محاسته ...عشت وياهة عمري و
خلتني اصير سارة ثانية متفائلة ...نقية ....ما انحرف
ورة البنات الموزينات .....كلة بفضلهة.....
واحمد ربي الف مرة على هاي الصديقة او الاخت
وهسة اروح اصيح واحد من الزعاطيط البرة لا تطلعلي هويسة تكطعني...
____________________
سارة....طلعت اصيح جاهل وجنت لابسة حجاب بس يصير طويل وتراكسود ...
سارة....هي يولد يولد ...يخرة ...(متجون بالاحترام الا بالعين الحمرة)
اندار ...
...وياي خالة.
سارة...تعال يحلو شسمك
قصور....قصور
سارة...اللله عاشو اكلك وين عايش...اشري على البيت
والله وطلع من اهل البيت مال اخت بيبي
سارة...ييي تعال حطيك صينية وديهة اهناك كول لبيبيتي نور هاي الصينية
قصور...ماشي جيبيهة الي
سارة...تعال نته اخذهة
قصور......اكو رجال بالبيت لو لا
سارة..يعني لو اكو اصيحك تودي تعال ابني
قصور بس ميصير افرت بيت بس نسوان
سارة ...بله شكد عمر الرجال الكدامي.
قصور...11
سارة...تدري لو متزوجه جان طلعت جهال يلعبون وياك...يلة لك تعال...
.....ها شكو هنااا(بصياح)
....قصور شكو
قصور ....خالي تكلي تعال فوت ودي الصواني وكتلهة جيبي ما اكدر افوت وبيت بي بس نسوان
...عفية يبوي روح اني اجيبهة الك
راح قصور
....وانتي طبي جوة (بصياح)بنت منو...
سارة ...من ورة الباب ويحجي وياي (ردت ابجي من العياط) بنت بنت بنت
....ااااوف بوية اسف اقدم اعتذاري ما اعرفج ولا ابد وصرخت عليج بس عذريني مضغوط ...
سارة...لا عادي...
...يي بوية شوفي اهنا السلف ماعندنه مرة تطلع لباب الشارع هيج ....بهذ الشكل مرة ثانية نتبهي
وزلم ولد جهال مهم جنس ادم نيطب البيت بي
بس نسوان وهسة جيبيلي الصيني اني اوديهة ويارت
متنعاد...
سارة...ااا اسفة اني هم
...يلة بوية
سارة .....ؤك قلبي يدك قوي مدا اصيطر على دكاته
ولك كافي خرب لتدك هيح رحت وديت الصينيه وقبلهة لبست ايزارة مال صلاة استر واحسن
سارة...احم تفضل...
...جيبي يا الله
واخذهة وراح يالله حته مباوعلي شكد شريف ...اخخ
وقعت في الحب من النضرة الاولى...
هوس...اااخ هسة رتاحيت...
سارة ....مممم(بسرحان)
هوس....شبيج؟؟
سارة ...تعالي ولج قصدج شنو المابية
هوس...يي يخية زوعيهن شسويتي ولج دقايق والله خمس دقايق مصالي عايفتج ...
سارة ...سولفت كلشي لهوس...
هوس...هو حلو لو لا
سارة...يشكك وعلي ينكرط
هوس...ههههه كبر دسمعي كتلي من اهل هذاك البيت
سارة...يي لان قصور كلة خالي...
هوس....تمام يعني اكيد تتقابلون بالمستقبل بيعي ثكل مو تصيرين خفيفة ؤك ...
سارة ....يي ولج والله اذا ما اسوي حيل واشكال الوان حته نزوج ويجي عبوسي عاد
هوس....ههههههه وج متت شتحسين ونتي كل متطلعين تشترين لعبوسيج العاب وغراض وبعدة اصلا ابو ماكو
سارة ....وج مع ذلك اشش يسمعج ويزعل
هوس....ههههههه وج حموت ما استحمل خرب
سارة ....لا فدوة بس تزوجي وجيبي زهور خلي احجزهة لعبوسي
هوس.....هههههه متت وربي كبر طمج شكد احبج
سارة......هههههه اموت عليج...
_____
نرجع لقلم لهوس...
هوس....يي جتي بيبي وتمحد بيهم وهيج كالو وهيج حجو ..وسارة نحوص تريد تسألهة بس متكدر ههههه
صار المغرب وضوجه بيبي هم طلعت
هوس...احم سوسو شبيهة ضايجه
سارة...وج ماعدنه شي نسويي ملل
هوس....ممم صح تعالي للاسواق هاي نشتري اندومي وحبشكلات...
سارة يلة....رحت لبست فوك التراك جبة سودة وشال اخضر احب اللون الاخضر..وحطيت حمرة وردية خفيفة
هوس...شنو ناصبة كمين للطلي ههههههههه ...
سارة...ههههه دولي بدلي
هوس...على شنو ابدل هو بملابسي...طبعا جنت لابسة تراك اسود رياضي وبي ابيض ولبست وياهن همين بوتين رياضي ابيض ...وحمرة حمرة بناتية خفيفة وجنت شايلة شعري ذيل حصان ...
سارة....يلة
هوس....طلعنه وطبعا منندل ايشي ههههههه
سارة....هههههههههه
هوس...اوكفي...يولد تعال..
...نعم
هوس...شسمك يحلو..
محمد....
هوس...حمودي وين صايرة اسواق قريبة وافران
محمد..يي تعالو اخذكم
سارة...ياريت
هوس...طبعا يطلع عمرة ١٠ سنين هيج
رحنه شترينه وطبعا اشترينه لحمودي بس كوة قبل
يا اخي اهل لبصرة عدهم عزة نفس كلش حبيرة
واخلاق عالية من هم وصغار...رحنه للافران ..
شترينه معجنات طيبة ...ودنرجع وناكل ازبري بارد..
وصافنين .....
__________
ننطي القلم لسارة
طبعا ميحتاج اشرح الصار كله كالته هوس...
هوس...اكلك تعال نشتري شعر بنات .
محمد ...يلة
سارة ....اكلكم مبية حيل حكعد هنا بين متجون ...
راحو طبعا شوي بعيدين عليي ...وفجأة اجو شباب عليية
واحد....يحلوة نتي فديت الابس اخضر
الثاني....يقمر نتي متعرفين اني اصلي طلي وما استحمل الاخضر....
....ولكم فديت اللون الوردي...
سارة...كمت دا اروح ....
جان فجأة واحد منهم لزم ايدي سحبني وو .......
يتتتبع
__________
طبعا اتمنى يعجبكم ...
واذا اكدر همين انزل بارت اليوم بليل
اذا اكملة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!