رواية هوس الأسد الفصل الثالث 3 - بقلم Qdark781

نمت ومحسيت بشي....كعدت على صوت سارة

سارة ...ولج يلة كعدي عاد ..

هوس...كعدت وشفتهم كبال وجهي واحنه بالكراج..

هوس..هاي شنو اني كل هذ نايمه

زهراء...ولج كلساع قاسم يكول حركوهة شوفو تنفسهة...اخاف ماتت..ههههههه

هوس..هههههههه

قاسم...ديلة يلة تضحك ام كشة واني وكع قلبي كلت هاي ماتت خلص..ههههه

هوس..خرب موتنه ضحك قاسم...

رحنه ولبست الايزارة وسارة وزهراء عباية اصلا همة محجبات ...

وصلنه يم الامام العباس (عليهالسلام)..بدت عيوني تغورك دموع ..

اشكي همي لابا الفضل ...يا ابا الفضل ....يا اخا ابا عبدلله...يا ابن علي ولي الله...يا قمر بني هاشم...بجاهك....كون تفرج حياتي مدا اتحمل ...
صبرت وصبرت اريد تفرج بعد...

اشكي وابجي...
زرنه وخلصنه قرينه الزيارة وصلينه ...ورحنه للامام الحسين توجهنة...

دخلت وقلبي نفرج نفتح ماكو احلا من الزيارة ...اففيش...

زرت وكملت وبجيت ...

اجيت وياهم ...

قاسم...يلة بنات روحو كعدو خل اني ادخل ازور..

زهراء...يي واني هم ادخل...

سارة ...اني اريد ازور قبر المعصومين والشهداء..

هوس...لعد حروح اكعد هناك اني كملت زيارة...

الكل..ماشي

هوس...رحت كعدت بمكان وصليت ودعيت احس عيوني كامت تطلع نار كد مبجيت ...

صافنه وما احس الا طفلة مدنفشة حلوة كبالي ...

باوعتلهة وضحكت الهة ..اشو هاي صار وجهة احمر اووي خجلت...

هوس...اوي فدوة للتخجل...هههههه.

اجتي كعدت بحضني ...مستحملت بستهة وعضيت خدهة على كيف...

وهي تكركر ...ولج سنو هاي الايدينات صمون كيك سنو هاي...(طبعا مدنفشة كلش وتجنن يطلع عمرهة سنتين ونص اعتقد هيج)...

هوس...وج شهلكيك شهلجمال هااا...

اشو هاي غطت وجههة بأيديناتي وتضحك بخجل...

هوس...لك فدوة ....حضنتهة حيل واني وياهة نكركر

وخرتهة شوية ...يي يا حلوة شسمج...

...ثهول...(زينب)

هوس...زينب الله زوزو زنوبة ...فدوة تعالي بوسة....
مدتلي خدهة وبسته ...
فتحت جنطتي جان بيهة سوار ناعم حلو مال جهال اشتريته لاخت زهراء لان احبهة...كلت من ارجع عود اشتري واحد غيرة الهة

بلة ايديج طيني...اللله لبستلهيا يجنن طلع ...

زينب...هلو(حلو)

هوس...لج غير تجنن ايدج طيني خل اكلهة ...ههههه

سويت روحي اكلهة واني اضحك وياهة ...كامت من حضني وكالت

زينب...الوح اثوفة لبابي(اروح اشوفة لبابي)

هوس...ماثي(ماشي).

راحت ورجعت لصفنتي ........فجأة جتي بنية صغيرة من بعيد وطتني جكليته ...

هوس...هاي شنو الي..

...اي

هوس...شكراا....

...عفوا(بضحك)

فجأة اجتي زنوبة وشافتني لازمة ايد الطفلة اشو هاي عيونهة غرغرن وكامت تشهك وراحت ركض

الطفلة راحت امهة صاحتهة نداريت على زنوب...وشفتهة

بحضن وحدة اعتقد مو امهة ماكو اي شبيه بينهم ..
بس ليش كامت تبجي.؟؟

اشو العائلة كلهة الكاعدين يباوعون عليية .......

جان توخر زنوب من حضن المرة وباوعتلي برطمت ..

صراحة ستغرب شبيهة؟؟

شفت زهراء وسارة وقاسم ليكدام اشرولي عمود نروح بعد...

باوعت عليهة ورحت يمهة وهي اجت تركض عليية..

هوس...ليش الحلوة تبجي (مسحت دموعهة)..
هاج...

طيتهة الجكليته ...باوعت عليهة ما اخذتهة..

هوس...زين شنو رئيج نتقاسمهة اني وياج الج نص والي نص...

هزت راسهة بفرح....

قسمتهة واكلناهة ....بستهة وكتلهة

هوس..يلة حبيبتي رجعي يم اهلج...

راحت رجعت وكفت ورحت يمهم واخر نضرة باوعت عليهة ...

جانو لازميهة لازمهة ولد رجال .....بس ضهرة جان علية حاضنهة ويفتر بيهة....

تباوعلي وتبجي...

كسرت قلبي ...بس ما اعرفهة ومابيدي شي عليهة....

سارة...ييي ست هوس صار عندج بنية ...

هوس.هههه خرب بيج طفلة ماعرفهة جتي يمي...

زهراء...ولج تجنن ربي يحفضهة ...

هوس...يي امين(طبعا خل اوصفهة الكم هي بيضة ثلج مثلي وعيونهة صفر ..... شعرهة مثلي اسوود....
شفايفهة تجنن صغار وخشمهة صغيروني ......طبعا عدهة غمازات ثنين بخدودهة مثلي..غريب تشبهني)

سارة...ولج زهراء البنية كلش تشبه هوس والله ليشوفهة يكول بنتهة

زهراء...ويخلق من الشبه اربعين لتنسين ...

قاسم...بس صدك كلام سارة ...

سارة .....طبعا بابة اني دوم كلامي صدك ....

قاسم ....بدت تبيع لوبية(يعني لواكة)

هوس وزهراء..ههههههههه

وبدو يتعاركون بشقة ....وشتريت غراض للبنات وحلاوة طيبة ......رجعنه والطريق كلة اني جني جنازة نايمه ...

وصلنه ونزلت .....طبيت وزعت الغراض وفرحو بيهن ..
طبعا مكسرة ومع ذلك طبخت وكملت تغدينه وكملنه ...
ومر اسبوع .......

الاحد ...

سارة...يي شراح تسووين...

هوس...اول شي اطلع من يمهة...

سارة ....باعي بيبيتي جلبت الا نروح للبصرة ....

هوس...شسوون

سارة...نستقر هناك تدرين اخت بيبي مناك وهناك هي..
وبيتنه هناك فنروح..

هوس...هونتي شايفتهة لاخت بيبيتج...

سارة...لا اصلا ما اعرفهم ...

هوس...اها(طبعا لزمتني العبرة )يعني تروحين وتعوفيني

سارة ...لا ولج اسمعي

هوس...هممم

سارة ..... تعالي ويانه

هوس...بحاي شسوي تجي..

سارة .....اسمعي عارة....تعالي ونبدي اني وياج يطلع النه تعيين بس تدرين واسطة مني ونسوي بالبصرة .....
وتعالي كوني روحج وحياتج واذا تردين رجعي هنا ..

هوس..عيب لا ما ابقة

سارة...لتصيرين عار هو منو بس اني وبيبيتي وتدرين اصلا بيبيتي دائما تكلج استقري يمنه

هوس...ضليت ساكته

سارة ...باعي فكري احنه منا للخميس نروح يعني نحضر عرس زوزي ونولي.. ؤك...

هوس...ؤك  افكر واشوف....

رجعت ومرن الايام وزهراء تزوجت وراحت سافرت
وطبعا شبعنة بجي لان راح تستقر بالخارج ....

هوس...فكرت وكلت خلص لازم اروح وياهم ما اكدر
اعيش بحدي منيلي هلكد مبلغ للعيشة ...

سارة ...ها هدهد فكرتي ترة باجر نطلع من الصبح

هوس...اي اجي وياكم ..بس هسة خل نروح اني وياج لمكان ...

سارة ...ؤك.

هوس....رحنه بالسيارة ...لبيتنه القديم بيت ابوية ...

فتت للحديقة ...هاي الورد لحد هسة اتذكرة من زرعنا ...

هههه شوف شون يابس....

جان البيت اول متفوت  كراج صغير ويمه حديقة صغيرة...

وباب موجودة ...فتت  ...هذ المطبخ الي جانت امي تشتغل بي وابوية هنا من صاحني من اكلنه سوة ...

بجيت بجي مصاير.....

طبعا البيت يصير هيج.......

                  باب الشارع

حديقة           كراج صغير

   باب الصالة
   

صالة                                   / باب المطبخ

باب         _________________        مطبخ
                 درج

حمام                   ///    غرفة نوم

___________________

معرفت اوصفة الا هيج....الي يفهم يفهم...

طبعا جان صغير وعلى كدنه مكفينه وجان فوك غرفة نوم وحدة وحمام ...

بجيت  ..وبجيت...وشيرجع الماضي....

اكول...لو اني الي رحت اجيب اللعبة ...

لو ممخلية ابوية يطلعنه ...

لو ولو ولو...

بس ميفيد ال لو ...

مترجع ولا تقدم ولا تصلح ...

سارة ...حبيبتي كافي بجي تعذبيهم هيج ...

هوس...وج.وج.وج...(بشهكة)...عافوني وعذبوني همة

سارة ...اشش قلبي نتي ااااششش

هوس...سحبتني لحضنهة وتمسد على شعري رتاحيت شوي...

طلعنه ...رحت للميتم وكتلهم خلص حطلع ...

البنات فرحو الي حيل صح ضاجو بس فرحولي كلهم
لان يدرون عشر سنين صالي هنا واتعذب ....

ودعتهم ورحت وية سارة لان نطلع من الصبح ....

ثاني يوم طلعنه ورحنه وبالطريق اندعي ربي كون..

تتغير حياتي كلهة......

معبالي هيج حتتغير حياتي ....لو ادري مرايحه ومداعية ولا مسوية شي....لو باقية على عذاب اسماء..
ولا رايحه...

صدك رايحه للعذاب برجلي...

نمت ومحسيت بشي.....

يتبببببععععععع 

____________________
طبعا

فد ملاحظة قصيرة

الي هي انشر بسرعة اني بارتات

طبعا لان ما احب التأخير...

واريد بعد هاي القصة عندي قصة ثانية همين

ابدي بتنزيلهة ......