أسد....رجعت للبيت ورحت للغرفة وستلمتني امي...
أم أسد ...يمه رجعهة غلطت وهن بيناتهن اروح فدوة لطولك الحلو ..
أسد...أم أسد خل تتأدب
أم اسد ...يايمه حامل بفريخاتك
أسد...الله كريم عود افكر هسة حطلع
عفت امي تحجي ونزلت وطلعت من البيت كله مالي نفس حتة ابقة بي...
ركبت بالسيارة واسوق بلا وجهة ماعرف وين اروح لهناك ودك عليي عضيدي ...
اخوية وابن عمي جبل ....
جبل...ها أسد وينك
أسد.... والله بأرض الله مالي وجهة
جبل....باع روح ل***** ماشي جايك
أسد...ماشي في امان الله
سديته ورحت للمكان وكعدت انتضرة اجة وجايب ويا باكيتين جكاير ...
اطاني واحد واخذ واحد وكعدنه ندخن
جبل...احجي خوية شبيك مهموم
أسد....اوووف شحجي عشان احجيلك يخوي جبل
جبل...انه اخوك احجيلي
أسد...الي اعرفة اليتزوج يرتاح انه من يوم تزوجت ما مرتاح
جبل...ليش تتعاركون
أسد...موش قصة عراك انه من جوة ما احس بالراحه
جبل...طبعا ماتحس انت ما حابهة ما عاشكهة
أسد...يي يخوي بس هذ مو عذر اكو جثير يتزوجون تقليدي وبعدين يحبون .
انه مدا احبهة ...متحبب روحهة احس كاعد وية صاحبي مو وية مرتي
سوالفهة كلهة هاي هيج لبست هاي هيج شترت شتريلي هيج وجيبلي هيج ...
ماخذتني عمود فلوس موش عمودي ...
جبل....ساكت ويدخن وصافن بصديقة المقرب شون يعاني ....
أسد...اااخ بس اخخ شكد ما اريد اكلك واسولفلك ميفيد ...
أسد....كعدنه نسولف شوي غير نفسيتي لهناك وكمنه ورجعنه للبيت
دخلت ...وهدوئ كأيب بيت كأيب كلش ...رحت لغرفتي ونمت ومكعدت الا على صوت أذآن المغرب..
صليت ووراهة طبيت سبحت لبست تراكسود وشوي كعدت اقرة قرآن ...
كملت ولزمت تلفوني وراهة صارت ساعة ب٨ وندكت الباب
أسد...ادخل
دخلت سرور بت عمي وكالت
سرور...الله يساعدك أسد يلة تعال انزل للعشة
أسد...ويساعدج يبت عمي يلة جاي
كمت ونزلت وكعدت على السفرة وكمنه ناكل وجان يكول ابوي
احمد ...بوية أسد شناوي على مرتك
مديحة ...يي يمه شناوي تراهة حامل بفريختك
أسد...الله كريم عود الله كريم
فهد....والله خوية انه اكول تعوفهة شوي تتعلم تراهة كلش مصختهة
سجاد...يي والله خوية واحنه ساكتين
ام أسد...هاي شبيكم انتو تردون تهيجو يعني
فهد...والله يمه ولا تحترمنه وساكتين منريد مشاكل عمود اخونه بس دامهة هيج سوت واخوية درة ليش نسكت
أسد...زين تسوون بعد لا تضمون
جبل....سدو هسة الموضوع خل ناكل
مرت طالب (نرجس )...خوية ضوكو التمن الاحمر وكولو شنو رأيكم طيب لو لا
فهد..(حاط كومه بحلكة ويحجي)..عووع مطيب منو مسوي
سجاد...(وهو هم ياكل )..شني متعرفن تسون تمن احمر
طالب...دنجبو اكل مرتي يخبل
فهد...يحمه عليج وعلي
علي...دنجبو مالج دخل بيهم كلش طيب توني دا اكول عاشت ايد السوتة
سجاد...يقشمروج لان مصالج هواي جايبة
نرجس...والله
أسد...خوية مالج شغل بيهم عاشت ايدج طيب
فهد...لا ملح هواي
سجاد...يمكن محطوط شكر شوي همين مبين بالطعم
أسد...كعدو يصنفون همين ...سجاد وفهد الي يوكع باللسانهم بعد ميخلص
كملت وشربنه جاي وطلعت اشوف الشغل والهي روحي ...
احس روحي ضايع مالي هدف بالحياة .....
مر اسبوع وبعدني ممرجع حوراء وكل يوم تدك وتتوسل ....
دكيت عليهة وهي بسرعة جاوبت كتلهة
أسد...تردين ترجعين مو
حوراء...يي فدوة
أسد. ...ترجعين تعتذرين كدام الكل من ريم فهمتي واياني واياج تعيديهة
حوراء..والله ما اعيدهة هسة حبدل واجي واعتذر كدام الكل
أسد...سديته منهة ونزلت وكتلهم لاهلي ...وامي هم كالت
أم اسد....يمه وريم هم خلتعتذر فد مرة
أسد...يمممه ريم مغلطانه لا تعتذر ولا بطيخ
مديحة...يي حبوبة بس لا تكدر خاطرك
أسد...تنهدت وراهة اجتي حوراء وعتذرت من ريم جدام الكل....
مرت الايام ومليت انه مليت منهة ..... هسة تكولون ليش...
اعددلكم ...اولا اطلع واجي الكاهة نفس اللبس ومتهتم بروحهة ..
همهة الوحيد بالحياة هاي شلبست هاي رجلهة شجابهة ...
وانه مدايرتلي بال ....كل شوي ببيت اهلهة ...لو صوتهة العالي...
رجعت هم تتعارك وية البنات ووية الكل ...ونفس الشي اكتلهة والعباس يطلعوهة جنازة من جوة ايدي ....
وميفيد.....
مرت الاشهر وطلعت حامل بتؤم بنات فرحت كلش وحمدت الله على هاي النعمة ...
ومرت الاشهر وتتحجج بحملهة متخليني اتقربلهة وهذ الشي ...
اذا المرة متخلي الرجال يتقربلهة لا اراديا الرجال راح ينفر منهة...
مو مرة ومرتين لا طول فترة حملهة متقربتلهة ....
لسان طويل ...متحترم ...كم مرة نكتلت وهي حامل وميفيد ...
بأختصار زواجة كشرة طلعت من ام خشمي....
ففد يوم نايم واجان تكوم تعيط هرجت البيت عياط ...
بسرعة اخذناهة للمستشفى ....وهناك ولدت ملاكي الصغير زينب...
وراهة كالو ماكدرو ينقذون الطفلة الخ والام ...
نقهرت يي نعم لان اني مو ناكر للعشرة احترام للعشرة ...
مرت الاشهر وتعلقت ببنتي هي حياتي كلهة...جان ماعندي هدف للحياة
هسة عندي بنتي غاليتي هي هدفي ....كبرت وحبيبتي تخبل طلعت ...
شكد جنت ما اريد احسسهة هي بدون ام .... بس ما اكدر....
اكثر شي يقهرني باللمات العزايم ورة ميرحون الكل تجي بليل وتكلي
زينب...بابي ليس بس اني ماعندي ام
أسد....الهيهة بغير شي وانسيهة السالفة...كومه لحو عليي ازوج لخاطر بنتي...
بس جنت ما الكة الزوحه او الام المناسبة ....
كلهن طمع او علمودي وانه ما اريد بنتي تحس بزوجت الاب اريد مو زوجت اب اريد ام لبنتي ...
ففد يوم تبدي حياتي الحقيقية ....
جنة كاعدين نشرب جاي كلنه وكال فهد ولأول مرة يسوي شي زين بحياتة هو وسجاد
فهد...ياجماعة خل بعد يومين نروح كربلاء كلنه
سجاد...يي صارلنه شكثر مرايحين والبنات خطية نهار كله بالبيت طكت مرارتهن
ريم...ونبي اول مرة تسوون شي حلو
سرور...بضبط
فهد...ماحكيتهة منكم
الجدة...يي يمه والله لاعاب حلكج ريم
سجاد...هاي تاليهة فهد اعمل خير شر تلكة
أسد...دنجبو ويلة الكل ابدو تحضرو ..
الكل كيف وبدة يحضر روحة ....
بيوم الروحه واكف وابدل لغاليتي زينب وهي تسولف وياي...
رحنه كلنه وصعدنه بالسيارات وتكسرنه بالطريق...
وصلنه ودخلنه نزور....
جنت كاعد وحاط زينب بحضني فجأة كامت تضحك واني جنت ممنتبه دا اسبح ...
كامت وراحت لوحدة كعدت بحضنهة وتضحك ومبينه تخجل منهة ...
عاد هاي البنية تضحك وعضتهة احس روحي او احس الدنيا كلهة وكفت وصافن لغمازاتهة
طلعت من جنطتهة شي واطته لزينب باوعت سوار جتي زينب تركض تشوفنيا
زينب...هلو هلو (حلو حلو)
أسد...يي بابي يخبل
ضحكت ودتروح جان تشوف طفلة تطي للبنية جكليته هي باوعت وكامت تبجي وراحت كعدت بحضن ريم....
اباوع البنية تستحي تجي باوعت ليكدام وجان كامت وكفت ...
اجتي على زينب وزينب ركضتلهة .... اكلت نص الجكليته وطتهة النص ...
باستهة وراحت زينب كامت تبجي شلتهة وطيت ضهري للبنية بس بقت صورتهة ببالي...
باوعت نامت على جتفي وهي تبجي وعيونهة عليهة دموع ...
تريد ام ...تحتاج ام ...واعرف تحتاج ...بس ...اريد ام زينة مو ام بس شكليات ...
رجعنه وبديت اطلع معلومات على البنية طلعت ملعومات عليهة بسيطة...
عرفت حياتهة كمت اراقبهة نتقلت وية صديقتهة للبصرة والصدقة يمنه ....
بقيت دائما اراقبهة من بعيد .... كَلبي دك اول مرة يدك
دك الهة لعيونهة لطولهة الشبر ونص ...لغمازتهة لكلشي بيهة
ففد يوم جنت راجع واشوف الباب مالهم مدريعة كلهة ..
باوعت هي دتغسل الكراج شطت فرت صرت نار ...احس روحي بركان صرت...
دخلت واني كلي اعصابي والي خلة اعصابي تفور ترادد وتغلط وتلاسن..
لزمت معصم ايدهة وخلعتة وهم بعدهة صلفة ضربتهة بوكسات راشديات كفشت شعرهة ..
الا هددتهة يلة ...صعدت وياي واني ناااار شنو النار اني....
رجعنه وهددتهة تطلع بهيج لبس مرة ثانية .....
ووو
يتبععع
----
اليوم مدري شبي مزاجي كلش مرتاح كتبت بارتين واصابيعي تفلشن
🌚💔😂😂
ؤك نشالله عجبكم البارت ...
ادري بيكم ولا واحد حيطي رأية بالتعليقات 🌚🌚🙂
وبسس بايييي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!