رواية هوس الأسد الفصل السادس والعشرون 26 - بقلم Qdark781

بعد مرور ٣ سنين

هوس....يا يابة يابوية احس ضهري نصين لازمه ضهري واطبخ ....

وحبيبتي زنوبة بنتي وياي تساعدني تنضف الخضرة...

قلبي كبرت وكلش افرح من اشوفهة تكبر كبال عيني ومتعلقة بيه..

هوس....قلب امج

زينب...نعم

هوس...روحي كعدي اخوانج التنابل والله رجلي ما اكدر اروح

زينب... بشرط بوسيني اول

هوس...يمه فدوة لتتشرط تعالي ممممممحححح

راحت زوز باوعت على الساعة صارت ساعة بال ٣ وبعدة مجاي....

مليت احس كبرت سنين ليكدام ....بس ضرب تكفخ رزالة ....

غيرته اااخ يا غيرته نارر مو غيرة .....سبب عركتنه بارحه غيرته...

يعني حجاب ولبست ...وراهة صرت عباية البس...وراهة نقاب...وهسة يريد يبوشني...

اني مو ما احب الستر لا باللعكس بس من واحد يجي يعيط ويصيح عليج مو مراح تقبلين ...

راح تعاندين حتلو هذ الشي لمصلحتج ....

اجتي زينب ولازم من كل ايد زين ويزن ....

زين ويزن...صباح الخير

هوس....صباح الانوار يلة غسلو شوي ويجي بابة ناكل سوة زوزي روحي غسليلهم انتي الجبيرة...

راحو يغسلون ورجعت دكيت على أسد  .... مرة مرتين يلة بالثالثة جاوب...

أسد...ها شكو

هوس...ترة هاي تصرفات مال مراهقين من ادك عليك ومتجاوب ...

أسد...فضيني شتردين

هوس...يلة تعال منتضريك على الغدة

أسد...اكلو بحدكم ما اجي

هوس...لوما الجهال يردوك فلا ادك وسويت زين من ما اجيت(بعصبية )

أسد....ديلة هسة تردين شي ثاني

هوس.....دروح عني روح ...

سديتة من عندة واني فايرة فور ..شنو هلتصرف مال مراهقين يدري ننتضرة على الغدة دائما ...

والجهال متعودين عليي يجي هسة ميريد اااخ بس

زين....مامة وين بابة

يزن...يي وينه جوعان

هوس...هسة اصب وناكل بابة ميجي

زين...ليش ميجي اني انتضرة

هوس(بعصبية)....ماشي الي ينتضرة ياكل ويا منو ياكل وياي

يزن...اني

زينب...اني هم

زين....شبيكم غير ننتضر بابة كلنه

يزن..اني ما اعوف مامة (ببتسامة كلهة برائة)

هوس...(عصبيتي كلهة تلاشت وحل بدالهة ابتسامة )...
يمة فدوة للي متعلقين  بأمهم تعالو بوسة ممح ممح

اباوع زين يباوع يريد يجي ويانه بس هو اكثر شي متعلق بأبو ...

هوس...(تنهدت وكلت)...حبيبي زيوني بابة يتأخر كلش ميجي هسة ناكل وننتضرة على العشة ..

زين...ماشي بوسيني اني هم

هوس  ...ههه تعال ممح

زينب...شنو الاكل هو

هوس....برياني وويا دجاج شوي جابتة خالة سرور

زين...الله احب الدجاج

هوس..يلة حصبة زوز روحي ديري على سبونج بوب يمكن طالع خل نباوع

زين ويزن ...هههيييي يلةةة بسرعةة

هوس...صبيت ووديت الاكل بالهول  توني وكاعدين ناكل ونباوع

جان يفوت أسد .....احس ضحكتي راحت ورجعت بدالهة ناااارر ...

شنو يعني كتلة يكلي خرب احس روحي اريد احركة..

دخل والجهال راحولة وهو شابك زينب وزين ...

اباوع يزن لازك بحضني ستغربت يعني هو دائما وياهم صح متعلق بيه بس هم يحب ابو هواي ...

لهناك راح غسل وكعد ويانه واني متجاهلتة ما اباوعلة ...

أسد...هاي شنو يزن حبيبي ليش ما اجيت تسلم عليية

زين...عوفة بابة هذ بزر النستلة

هوس...اباوع يزن لازم دشداشتي قوي ودموعة ينزلن يمة احسهن سهوم بنص قلبي...

أسد(بعصبية وعياط)...اااششش منو علمك هيج حجيي

هوس....نوب زاد الطين بلا كام زين يبجي  مطلع اكل علينه ...

اجة وراي يبجي...لزم أسد زين ويزن وخلاهم كدامة. وهم يبجون ..

أسد...بسرعة منو يكول هيج على يزن ...

زين...وال...وال..والله ..بيبي تكول (ببجي وشكهة)

يزن...يي يعيبون عليية هناك يكولون عليية هيج وبيبي متحبني.

هوس...نار شنو النار وتاكل بصدري تهسترت من هيج سمعت

هوس..وليش مكايليلي

يزن...مو ..مو تتعاركون

هوس..تعال يعمري شهلبجي خيولي كل واحد هيج يكول ..(احجي واني شابكته حيل)

أسد...هوووووسسس  امي هاااييي حترمميي

هوس...امممك مو امي ماااشي وخل يكون بعلمك بس اروح وتسوي هيج مرة ثانية اتعارك وياهة مااشي

...اشوفة ستغفر وكام ...

هوس...يلة مامة كملو اكل

كملو اكل ورحت اغسل مواعين واخدر جاي واني صافنة ....

هلمرة عدهة سم وحقارة ماكو منهن ....يعني جنت خدامة يمهة اكرب وارجع ليورة وميغزر...

والله كلشي الي تريدة اسوي وين ما اروح اتذكرهة واجيب الهة شي...

بس كل هذ ميفيد نوب بس وياي شادة ....

عزلت من عدهم ومفاد....طبعا يي عزلت ببيت وحدي نفس الشارع بيناتنه كم بيت ..

والسبب هم عمتي ...قبل ست شهور...جنت حامل ووكعتني من الدرج وطرحت من وراهة ...

وبوكتهة أسد...لوما هي امه جان كتلهة خلاص ...وعزلنه بحدنه ...

طلعت من صفنتي على الجاي كام يفور  والحليب هم .....طفيتة  وشوي عفتة وحضرت الصينية

ورحت للهول ....يلة زين يزن زوز ..اصيح بابة واجيكم

رحت للغرفة جان ممدد على الجرباية(السرير)..وحاط
ايدة على عيونه ...

هوس..أسد .

أسد..هممم

هوس...يلة امشي نشرب جاي

كام وياي وكعدنه ....بحضني كاعد يزن ...وبحضن أسد زين ... وزوز كاعدة بنصنه

صبيتلهم حليب ابيض الهم ..ولزينب ككو حار ...وجاي لأسد وجاي حليب الي ...

نشرب وساكتين ....شوي ودارت وجهي زينب عليهة وتحجي بهمس بس سمعو هههه

زينب..مامي اريد تفون (تلفون)

هوس..مو عندج فونج  فوك

زينب...نكسر

أسد..منو كسرة

زينب..اني

زين...جذابة مو هي ابن عمو طالب هشام كسرة

----

معلومة طالب يصير ابن عم اسد ابن الحسن اخو سجاد وعلي....ومزوج وعندة هشام ومحمد

-----

أسد...شنو ليش كسرة

هوس..يلة عادي بالغلط من يلعبون

زينب...يي

أسد...يلة باجر اجيبلج احلا تلفون

زين ويزن...واحنة هم نريد

أسد...ماشي تتدللون

هوس...كملنه جاي وطب أسد لغرفة زين ويزن ينيمهم متعود يحطهم بحضنة وينامون ويجي للغرفة مالتنه ...

بقيت كاعدة ويمي زينب ...

هوس...زنوب

زينب...نعم مامي

هوس...ماعندج شي تردين تكولي الي

زينب..يي بس مو هسو خل يروح بابة واكلج

هوس..ماشي تعالي يلة ننام

اخذتهة لغرفتهة ونامت وسديت الضوة والباب ونزلت ...

طبعا اعرف بأبن طالب. هشام حاط عينة على زينب من قبل هههههههه

حب الطفولة بعد يبقى حب طفولة لو يكبر وياهم الله يعلم ...

فتت للغرفة رحت للحمام وغسلت نزعت دشداشتي لبست وحدة صيفية خفيفة ...

نجطلت ودا اريد انام وجان احس بأيد اسد تقربني الة صار ضهري على صدرة...

هوس..وخر

أسد...اشششش سكتي وخليني مرتاح

هوس..وخر انت مرتاح اني لا....احجي بغصة

أسد...كافي اريد انخمد

هوس...وخر مو تجي تعيط وتكفخ وبعدين تجي تحضن وتنام براحة

أسد...(تنهد)...هوسي متعودتي عليية همم معرفتي طبعي اغار عليج لج تدرين من اسمعة يتغزل بعيونج
شصار بية...

متت وداعت عيونج متت

هوس...شسوي عمودك تحجبت وتنقبت وعباية البس وجواريب ومعاصم

أسد...لخاطري كمليهن ولبسي بوشية والله متزيدج غير جمال

هوس...ضليت ساكتة

أسد..همم

هوس...تدري مشكلة اني بسرعة اتراضة وانت لا

دارني عليي وباسني براسي حيييل وكالي

أسد...هاي بنيتي السباعية

هوس..يي قشمرني بهذ حجيك

أسد...افااا انه اقشمرج ما عاش اليقشمرج ام زين

هوس...ام زينب

أسد...ليش لا ام زينب بس اريد اكلج فد شغلة

هوس...هههههه لا حبيبي لا بيبي لا عيني شغلاتك عوفهن الك

أسد...انه حسبالي اكلج ونسولف انه وياج بس دام ما تردين جا نكلج الشغلة جبر

هوس...هههههه لا عفية أسد ههههههه

-----------
فد ملاحضة ....عمر أسد صار 45

وعمر هوس...31

وعمر سارة هم 31

وعمر جبل 36

وعمر سرور 28

وعمر علي صار...35

وعمر ريم29

وعمر مرتضى 34

وعمر بتول صار 33

وعمر سجاد 36

وعمر رقية28

وعمر فهد 35

وعمر زينب صار 12

------

أسد...طبعا اجة الوقت الي اعرف بي عن نفسي تعرفوني..

أسد ابن احمد ... عمري حاليا 45...عشت حياتي وية عائلتي بنفس البيت ...

لان جدي يحب من كلنه ويا كاعدين.....جنت دائما اشوف امي تتعارك ...

وية الكل متخلي واحد متتعارك ويا وكلشي ميوكف بعينهة...

بس مع ذلك هي امي وانه احبهة كلش .... عندي اخت وهي روحي من الدنية.

ريم جنت احسهة بنتي الصغيرة وهي تربات ايدي ...

ريم مرحة واخوية فهد هماتين كلش مرحين بس انه لا .

عصبي كلش ومحد يجرعني بس شسوي هاي ذبتي ...

مكمل دراسة دكتور طب جراحة بس متعينت او انه بالاحرى مشتغلت ...

ستلمت شغل العائلة واطور بي ... جنت اشوف النسوان شون يذبن بروحهن ورخيصات حيل ...

محد وكفت بعيني كلهن نفس الشي يتشابهن طبعا ماعدة الشريفات ...

بهلوكت نادرا تجي وحدة زينة ..... كبرت وصار عمري32سنة ..

وامي تلح فوك راسي ازوجك وازوجك الى ان يوم طاحت بالفراش...

وجانت كلش مريضة انه ماكدرت امي اشوفهة هيج جدام عيني...

وافقت وامري لله خطبتلي بت اخوهة حوراء...جانت حوراء عمرهة ٢٧ سنة...

حتة شكلهة مجنت اعرفة كد ان انه ما اركز بالنسوان وخاصة عرضي ...

ملجنة وكملنه الهوسة بس بداخلي ماكو فرحة ابد ...

صح بنية حلوة بس مع ذلك مجنت متحمس .... مر شهر ...شهرين ...بالثالث وكبت العيطة...

----

جنت نايم راجع من الشغل ر**ي شايفة مصموطين اجدادي...

وكتلهم لحد يكعدني ....لشوي واسمع عياط واجتني ريمتي شعرهة مالخي مكفوش..

خدهة مخرمش ركبتهة مخرمشة والعيون يصبن دموع ...

انه شفتهة عقل ماضل براسي ...اخيتي انه سندهة وعايش وهيج يصير بيهة

أسد..تعالي قلب اخوج انتي تعالي

اجتي ركض الحضني وتشهك وتبجي

ريم...وال...والله ممسويتلهن شي...جتي كتلتني وتكول اطردج من البيت

أسد...يا ساقطة مدت ايدهة عليح

ريم...حو حو حوراء..

أسد...كومتهة من حضني وركض سويت الدرج بايتين ونزلت جوة

تلكتني امي وهي تعيط

أم اسد...يمهه الحك مريتك حلكهة يجري دم

أسد...دفعت امي بخفة وخرتهة وكملت طريقي شافتني حوراء وكامت وهي تبجي

حوراء...اسد شوف ريم شسو

أسد...سكتتهة براشدي فريت وجههة فر

حوراء...هايي لييش حشت براسك مو دفعتك عليية

أسد..قصدج انننه عربانننة ولجججج

أسد..احجي وياهة وانه لازم شعرهة واكفخ بيهة سحلتهة للغرفة ...

أسد...بسرعة لمي زلابج لاهلج بسرعة

حوراء...أسد فدو

أسد...اشششششششش يلةةةة

تبجي وتلم بهدومهة....هسة تكولون ليش دافعت بس لاختك ...

انه اعرفهة اختي ربات ايدي ومتجذب ولو تريد من الاول تسوي مشاكل

كملت لم ولبست عبايتهة وتتوسل بية

أسد..يلةةة فضينييي

نزلت انه وهي وراي تجر جنطتهة والعائلة كلهة واكفة

مديحة...يمه وليدي عوفهة واخر مرة

أمجد..ايي عمي انت جتلتهة بعد

أسد...لا اشو الا اوديهة يلةةةة ...ريييممممم لجج رييممم

نزلت ريم تركض ولابسة الحجاب لان ولد عمي كلهم موجودين

ريم...نعم خوية

أسد...كالتلج اطردج مو امشي يلة نشوف منهو يطرد منو

ام أسد...أسد يممه عوفهة لخاطري بس هلمرة مريتك حامل بفريخك

أسد...سمعت بس واحس روحي من جوة كلش فرحان بس مسويت ردت فعل انه ما اكسر بخيتي عشان نفسي ...

أسد...يلةةة فضيني يلة ريم امشي وياي

ريم...أسد مجنت ادري حام

أسد..(بعياط وعصبية)...يعني لو تدرين حامل مجان جيتيني وهي هيج مسوية بيج

امشيي صعدي بالسيارة يلةةةة

ركبنه وكعدت ريمتي يمي وحوراء ورة وتبجي ....وصلت لبيت اهلهة ...

ذبيتهة ورحت حته مدخلت سلمت ولا شي

ريم...أسد فد

أسد..اششش دام راسي يشم الهوة لا حوراء ولا ام حوراء يتجرئ يطخ شعره منج

ريم..الله يديمك الي

أسد...وهسة يلة تعالي نشتري شي مجوعانه

ريم..اريد جبس

أسد..من عيوني وبعد

ريم...وعصير وو وو وهااا اريد لفة كص

أسد...ثواني

طبكت ونزلت رحت جبت وجيت فريت السيارة على الشط ...

نزلنه وناكل كبال الشط عمود تتغير نفسيت ريمتي ...

كملنه وكتلهة نروح هي كالت اي ورجعنة ...

وووو

يتبععع

----

ها شنو عجبكم لا 😅😝