رواية هوس الأسد الفصل السادس وثلاثون 36 - بقلم Qdark781

بتول....رحت لبيت اهلي بقيت كم يوم وطبعا طول ما انه ببيت اهلي ...

سجاد موكفت ابد اتصالاتة ورسائل الاعتذار والندم...

احبه وميطيني قلبي ابقة زعلانه بس هذ الموضوع لازم ما بسرعة اقبل...

اهلي ضلو يلحون زعلانه لو لا الى ان كلت الهم شني متردوني ابقة شوي يمكم ...

يلة سكتو عني ....

ما احب من تجي خالة سحر وخالة ام أسد وأمي همين ويضلن يحجن على البنات ...

اعترف قبل جنت اتعارك وياهن بس الله شاهد مجنت احقد عليهن...

جنت لان اوكف وية بنات خالتي وتجي امي توز براسي ..

وخالاتي وبنات خالتي يجن يحشن براسي....

بس ورة متعرفت عليهن زين وتعرفت على هوس وسارة...

والاهم عرفت سجاد حب طفولتي يحبني ...يي نعم ..

سجاد جان اعجابي الاول ...جنت كل ما اروح اضل اسرق نضرات عليي..

بس هو ممنتبه واصلا جنه بس نتعارك ههههه..وبفضل هوس عرفته يحبني وهو هم عرف بيه احبه...

وبدت قصتنه سوة ...بس مشكلته جان من يضوج او واحد يضوجه يروح يحجي وية بنات..

وهو كايلي مو بيدي ابد وحاولي متخليني ازعلي مني ولتطيني مجال عمود اتوب ...

أنه من البداية هو كلي ووعدته اخلي يعوف هاي العادة ونشالله بهاي عركتنه يعوفهة...

المهم كعدت مثل اي يوم نزلت يم اهلي ...

بتول...صباح الخير

أم بتول...صباح الخيرات يمه تعالي كعدي يلة توني طفيت الجاي

بتول...يي جيت...

كعدت اكل والكل جان كاعد عاد حجت بت خالي والي هي نفسهة مرت اخوية عادل...

احلام...اكلج بتول شني انتي وسجاد متعاركين صارلج كم يوم ونتي قبل جنتي

تجين يوم وترحين لان تكولين ميقبل...

بتول....حجتهة بخبث ودنغزة وكلش تنرفزت وأيدتهة امي وهي تكول...

أم بتول...يي صدك يمه شمسويلج سجاد هاا انه وضعج معاجبني كله مقهورة وكاعدة وتتصفنين

أبو بتول...يا خلك الله عيفو البنت بحالهة لا تضغطون عليهة

أحلام...عمو جا شني غير نعرف متعاركة لا

عادل...ونتي شكو هي ورجلهة لا تدخلين بينهم وحيري بنفسج

بتول...فرحت بقلبي من هيج كال عادل وخزرهة مبين متعاركين عاد هي خنست انه حجيت لان ادري امي محتفك ياخة عني الا تعرف...

بتول...يابة انه وسجاد عركة خفيفة صارت بيناتنه بس مو هذ السبب اجيتكم ..

اجيتكم لان مشتاقتلكم وعاد من تعاركنه اخذتهة حجة ابقة يمكم اكثر اريد

عادل...هاي شني خيتي العزيزة لا تكولين لا ابد تجين نحطج فوك روسنه بيت بيتج

متعاركة لا كيفج تردين تكولين كولي ما تردين لا احد يضغط عليج

مرة ثانية اي وحدة تكلج وتسألج تضغط عليج تعالي كولي الي وهاذ شاربي مو عليي اذا ما فركت حلكهة

بتول..كمت بست اخوية الجبير من رأسة وكتلة

الله يديمك الي ياسندي ...

عادل...جا كم بتول عندي انه ...

بتول..خلصنه اكل ورحت نضفت شوي وكملت وامي خبزت ..

ومرت عادل احلام طبخت وغسلت الكراج ...

فتت سبحت وطلعت نجطلت واجه صقر ندحس بحضني ...

ونمر من الجهة الثانية ندحس يمي ..

حضنتهم قوي وكتلهم

بتول..شني حبايبي شبيهم

صقر...مامه شوكت نرد بيتنه

نمر...يي مامه شتاقينة لبابة ولعمامنه ولجدو وللكل

بتول...والله هلكثر مشتاكيلهم

صقر...هواي هواي كوومه

بتول...زين نامو والعصر نرد بعد شتردون

باسوني ثنينهم ونامو يمي ...صفنت انه غلط الدا اسوي ...

تذكرت كلام هوس من طلعنه سوة  

----

بتول...يلة وصلنه بيتج اروح هذاك بيت اهلي قريب

هوس...ماشي حبي بس بتول باعي يروحي كم يوم لتطولين وارجعي ماشي

بتول..ليش يعني دا افكر اسبوع

هوس...كم يوم قلبي وهسة تذكرين كلامي وترجعين ورة كم يوم

----

بتول....يعني قصدهة الجهال يفتقدون ابوهم ..زائداً انه فتقدته كلش

وصح كلامهة من كالت ميصير اعودة ينام وانه ماكو ..

كمت لميت كل غراضنه وحطيتهن على صفحة ..

اجو ابوية واخوية من الشغل انه جنت حاطة الجنط بالهول..

كعدنه على الاكل وكعدت نمر وصقر ...نمر كاعد يم عادل يوكل بي حبيبي

وصقر يم أمي ...

عاد ابوية كال

...بوية هاي شني جنطج

بتول...بوية انه بقيت يمكم كومه والجهال شتاقو لابوهم

عادل...اكيد خيتي لو غير شي

بتول...والله حياتي انته الجهال شتاقولة ومتعودين هناك يمهم

عادل...خوش بس ترة بأي وقت تذكري بيت اهلج وبيتج مفتوح

بتول...يروحي أدري بيك تشيلني بعيونك متشوفني مطمأنة عبن وراي سند

عادل...طبعا خوية تعالي ابوسن راسج

بتول...اجيت يمه وباس براسي

كملنه وشربنه جاي وشوي ورحت بدلت للجهال وكملت وخابرت سجاد...

اول مخابرت بسرعة رد ويحجي بصوت مهزوز وبلهفة

سجاد...يروحي بتول ليش هيج قاسية عفتيني وربج لا ليلي ليل ولا نهاري نهار ..

وربج ما انام الا على ريحتج وريحه الجهال ...

بتول...من ايدك

سجاد...وربج اكصهة لايدي اذا تردين بس ارجعي

بتول...عووع لا تكصهة ولا ابد نوب اتزوج رجال مكطم عاد عايزة هم اجكم وهم مكطم

سجاد...ههههه مقبولة منج

بتول...(بتسمت )..المهم تعال علينه ولا عبالك راجعة عمودك لا بس الجهال شتاقولك

سجاد...ثواني وبلباب تلكيني

بتول...سديته منه ووراهة صدك ماكو خمس عشر دقايق واجه ..

سلم على اهلي ووصو علية وطلعنه صعدنه بالسيارة ..

باوعت هذ مو طريق البيت

بتول..شني وين رايحين

سجاد...شني رجال وحكي اونس عائلتي اخذهم نفرفر شوي صارلي كم يوم ونتو مو يمي

صقر...يي بابة عليك الله ودينه لمدينة الالعاب

نمر...ووراهة للمطعم .

سجاد ... يلة امشو اونسكم اليوم ...

بتول...٠رحنه لمدينة العاب تونسنه من صدك وركبت انه وسجاد ديلاب الهوة ..

وركبنه همين انه ويا والجهال سيارات تصادم هههههه

سجاد الي يشوفة ابد ميصدك عمرة الحقيقي الي يشوفة يكول عمرة اربعة وعشرين هيج

وشقاوجي كلش ...كملنه وشترينه شعر بنات وشامية ..

باوعت دنيا ليل صارت شبساع ..

سجاد...شني ساعة بيش

بتول...باوعت بالساعة ..

عززة !! هاي ساعة ب٨ ونص

سجاد...يي زين تعالو نتعشة لعد ونرجع

بتول....لا هسة يضل بالهم

سجاد...تعالي شني هي جا منطلع عمودهم

بتول...رحنه لمطعم وكعدنه طلبنه ووصلنه الطلب وكعدنه ناكل واشوف شون سجاد

حاط صقر ونمر على قلبة مبين مشتاقلهم ...

يوكل بيهم وياكل ويحط كدامي وكل شوي ويكول اكلي لتصفنين

مبين بعيونه لمعة الحب والندم مثل مكالت هوس ...

لمعة الندم  احلا شي تشوفي بعيون الشخص الغلطان ..

لان حيعرف غلطة ...فالواحد لازم يكون متسامح ويغفر اله ...

رجعنه للبيت وسلمت على الكل والبنات يكولون متفتقديج ...

كعدنه وياهم وجان يبدون يحجون اجه فهد كعد بس مبين تعبان هو هم مثل سجاد ..

حاول يلطف الجو ويحشش فكال

فهد...شني هاي الخيانه خوية توقعتهة من الكل الا منك

سجاد...ليش شني شسويت

فهد...مرجع مرتك وجهالك جا وانه ضليت بس انه هيج

سجاد...روح رد مرتك منهو لازمك جاي تحاسبني انه ليش هههههع

بتول...اباوع لفهد يتشاقة ويضحك بس مبين تعبان كلش فتت جوة وسولفت وية البنات ولهناك سألتهن

بتول...اكلجن اشو فهد كلش تعبان

سارة...والله خطية تخيلي يروح بليل لبيت أسد ويضل كاعد كبال الباب

ريم...ولج هوس تكول اتوسل بي يدخل جوة ميقبل يضل برة

بتول...زين هوس محجت وية رقية خطية ندم الولد

سرور...والله خية حجت ونشف حلكهة بس رقية الله يسلمهة متقبل ضالة ببالهة من عيرهة ماعدهة مكان غيرة

بتول...وتالي

سارة...لا خلص هوس كالت لازم تقبل اذا مو لخاطرهة لخاطر جهالهة واصلا هوس تدرين خطية تحبه وتعزة لفهد تشوف بي اخوهة الله يرحمه فمراضية هيج تشوفة يتعذب

بتول...الله يهديهم نشالله

سرور...يي ولج ونتي فد كيفت من رجعتي

ريم...يي والله وانه هم

بتول...اكلجن تعالن خل اجيب الشيرة اهلسني هههههه

سارة...جيبي خية جيبي ههههه اني هم هلسوني

ريم...هو يراد كلنه نهلس ههههه

بتول...كعدنه نسوي شيرة كملنه وكل وحدة فاتت وراحت لزوجهة تتحضر..

انه هم رحت نحضرت لسجاد لازم ابد ما اخلي يرجع للبنات ....

-----

رقية....زعلت وطول زعلي ادري هسة تكولون هو حقة عصبي واني هم عيطت..

وامه ويحبهة واي واحد هيج يسوي لخاطر امه ...بس اني كلش حجايته بأذني ترن

من عيرني ماعندي سند......ادري بي كالهة وميقصد .. بس اتذكر الماضي مالتي دومي متعيرة بهيج شي

من اني وصغير ...... كلش مجان الي نفس ارجع ونفس المغثة لعمتي ...

حاولت هوس والبنات وحته أسد ومرتضى وعلي والكل اتدخل ...

بس مقبلت ..... اباوعلة نفس كل يوم بالباب يبقة صافن .....

اني تعودت من يجي اكابل الشباك واكعد اباوعلة تعبان كلش والسواد جوة عينه ...

مو احسن من حالتي الله شاهد ضعفانه باقية جلد وعضم ...

مشتاقتلة وموت بس ماعرف احس ما اريد ارجع من ارجع حيعيرني ...

احس اذا رجعت وتنازلت اصير بلا كرامه .... باوعت تنهد وذب حسرة وكام يمشي كوة راح لطريق البيت ...

ضليت اباوع على ظلة ...صفنت بالفراغ وجان ينفتح الضوة...

باوعت هوس اجت كعدت يمي وسدة الباب ....لزمت ايدي وكالت

هوس...باعي رقية حبيبتي لا عبالج من احجي وياج واكلج ارجعي يعني ما اريدج ببيتي لا حياتي انتي

لو تردين تبقين بقلبي ابقيج ..... احجيلي فضفضيلي ليش متردين ترجعين...

زين مو وياج بتول عود لزمته يحجي وية بنات ورجعت وراهة ليش انتي قافلة ...

الولد ندم وحلف ميعيدهة وجان بلحضة عصبية وهاي ام يعني مو اي شي لا أم هاي واحد غصب عنه يحترمهة. ...

كولي شنو سبب متردين ترجعين

رقية....هوس احس احس اذا ارجع ماعندي كرامه كرامتي تروح من ارجع

هوس....صفنت بوجههة شوي

رقية...همم ليش ساكته

هوس...منطقج غلط تدرين لو لا ...اولا اكو مقولة تكول لا كرامة في الحب ...

ثانيا اصلا كرامة بين المرة والرجال ماكو ...مو يعني ماكو بس نغلس على هواي شغلات وننساهن او نتناساهن ...

اذا تفكرين بكرامه وهلحجي فما الكم مستقبل من هسة اكلج ..

وعمي حته كرامتج رجعتلج مرة مرتين اربعة سته اجة وعتذر ولحد هسة يعتذر ...

وحلف ميعيدهة ... ترة الرجال مو مثل المرة يصبر ...تجي لحضة شيطان ويعوفج وتجي وحدة من الميخافن ربج وتلوف عليي وتاخذة منج ساعتهة خل تفيدج كرامتج ....فكري بكلامي ترة بعدين مو تعضين لا تاكلين اصابيعج ندم ...... والندم ميفيد ...تبقين تكولين لو ولو ولو بس ال لو عمرهة مقدمت ولا اخرت ماشي قلبي وهسة اروح لا أسد يكفر بية هسة تصبحين ع خير...

رقية....راحت هوس وبقة كلامهة براسي قررت خلص باجر حبدي ويا بداية جديدة ...

وصدك تفكيري جان كلة غلط بس مو بيدي .... لوما هوس جان لحد هسة اني على قراري

لان ماعندي أم استشيرهة .... ماعندي أم تنصحني وتكول هذ صح وهذ غلط ...

الله يحبني اطاني هوس بحياتي من اني وصغيرة اسألهة كلشي...

هي تعلمني هي تسويلي ....لحد هسة اتذكر من بلغت

----

رقية.....جان عمري ١٢ سنة وجنت توني راجعة من المدرسة وما ادري بروحي غركانه بدمي...

صدريتي جانت لون نيلي بس جانت فاتحه ومبين بيهة ....

بوكتهة فتت للدار وجان اكو حمام برة وبي مراية فتت غسلت وجهي ولزمت صدريتي وحسيتهة رطبة ..

باوعت مديت ايدي وجان اباوع ايدي نترست دم ...
بهتت ...رجفت ... لساني ثكل ...

الدم باوعت يجري مني واني ماعرف ليش خفت وكلت خلص حموت مبقة شي ويخلص دمي

بقيت كاعدة بباب الحمام وضهري سجاجين احس بي وبطني تكطعني ألم...

باوعت هوس توهة جتي من المدرسة شافتني وركضت الي ...

خطية دومهة تفز من ورانه جانت وتجي تعبانه وتحير بينه...

هوس...شبيج رقاوي يروحي شبيج

رقية...هوس حموت خلص والله انتي امي واني احبج اتذكري دائما

هوس...شنو شبيج شو بالة كومي

رقية...لا هوس ادري بروحي دمي حيخلص بعد ما عندي وكت احبج (احجي واني ميتة بجي )

هوس...شو بلة

رقية...كمت وشافت ملابسي صفنت بوجهي وبتسمت بكل وجه بشوش ويطمن

هوس...يروحي تعالي واني اكلج شنو هاي لتخافين متموتين عمرج اطول من عمري

رقية...يعني ابقة وياج ما اموت

هوس...تبقين وياي واشوفج عروس واشوف جهالج يروحي

رقية...فتنه وسبحت وطلعت وكلتلي وعلمتني مدري ليش خجلت هههههه

فشلت سويت درامه هيج هههههه

هوس...لتخافين ولتخجلين مني انتي بنتي حقج متعرفين توج كبرتي وصرتي مرة يروحي هسة شيخلصنه يجون الكل يخطبج مني

رقية...تحجي وياي وتضحكني هههههه

كمت بستهة وبقيت نايمه بحضنهة وطول ايام دورتي هي تعتني بية اصلا كل متجيني تعتني بية ...

كل البنات من تجيهن تعتني بيهن ...... جنه محتاجين هيج حنان والله عوضنه بهوس...

يمكن الله كلش حبني وخلاني اتزوج واصير قريبة على هوس بقت سند الي امي هي ...

-----

رقية...طلعت من صفنتي من زينب جتي وكعدت يمي

زينب...هممم وين وصلتي بصفنتج هههه

رقية...مدري ههههه

زينب...تعالي بادي فلم دووم جزء مال عامر خان

رقية...يلة اعشقة ههههه

زينب...خل يسمعج عمو فهد يشك حلكج هههههه

رقية.....متشوفين احجي براحتي هههههه ماكو هو هه

باوعته وزينب جابت جباسة وحبشكلات وتضحك وياي ...

كملنه ونمنه ..... كعدت ثاني يوم بديت انضف وهوس متقبل بس اني اعاند

كملت وهوس كالت حتطلع تسوك اخذت وياهة زينب والجهال اخذتهم كلهم ذبتهم ببيت جدهم هههه خلصتني منهم والله ...

لهناك وجان تندك الباب رتبكت منو يجي ...رحت وصحت

رقية...منو

فهد...انه

رقية....توترت فتحت الباب ووخرت طب وسد الباب صفن بوجهي شوي واجه حضني احس ضلوعي طكت من قوة حضنه..

فهد...لهل درجه قاسية معرفتج كلت مبدليج متشوفيني شون متبهذل وتعبااااان بحضنج

رقية....ماعرف ليش دموعي ينزلن بصمت

فهد...هسة ليش تبجين يا عمري وأم بيتي وأم جهال وكل حياتي انتي ...

وربج ندمان وآسف ومو رجال ليمد ايدة عليج مرة ثانية ...

رقية...بصوت ناصي ..آسفة (هي تحجي وتشهك)

أسفة ...... مو قاسية بس جرحتني فهد

فهد....كون الله ماخذني قبل ما اجرحج وانزل دموعج الغاليات ...

وربج وعد مني ما اعيدهة ندمت شوفي حالي ونتي حكمي

رقية...ضليت بحضن فهد ويحجي وياي ويمسح غلى راسي ...

وطلعت هوس مفرغة البيت عمود يجيني ههههه

شوي وكمت حضرت جنطي وجنط الجهال وفهد يجيب ويحط بملابسنه بسرعة ممصدك حرجع واخيرا

بس كلت خلص لازم ارجع ......

نتضرت اجتي هوس وزينب اسلم عليهم وابلغهم حرجع وية فهد

وزينب وهوس مكيفات حرجع فرحانات بحيث اول مفاتت هوس وشافت فهد لاوم ايدي قوي

واني هم طكتهة هلهولة هههههه وفهد يكوللهة بعد اخوج اعلى اعلى هههههه

وزينب تصفك وتغني ههههه

رجعنه ورجعت حياتنه طبيعية صح مشاكل وية عمتي مرات بس شوي تخف عني ...

حياتي وية فهد احلا كل ما تمر ايام كل ما يقوة حبنة لبعض ....

-----------

يتبععع

اتمنى عجبكم البارت .....

طبعا بارت الثاني حيكون خاص يعني احجي بي بس عن أسد وهوس.

صار كومه ممنزلة خاص الهم لتهينه وية طلايب فهد ورقية وسجاد وبتول😂😂

وبس بايي

2128 كلمة ...