رواية هوس الأسد الفصل السابع وثلاثون 37 - بقلم Qdark781

هوس....

حياتي حلوة صارت رجعت رقية لفهد حمدلله تصالحو وبتول همين رجعت ....

سارة حياتهة تمام مابينهم مشاكل مرات بسيطة وتنحل وسرور همين ...

اما ريم فأبد مابينهم مشاكل ههههه تكول معولت طلع يحبني واخذته ههههه

اما اني فااااخ مني عايشة من اطلع من غرفتي النهار والليل وكدام الكل ابتسم ...

واضحك وابين ماكو بحياتي مشاكل بس....بس افوت للغرفة انهار ....

أسد ديزيد مينقص .... فالليوم كعدت الصبح صارلي كومه مطالعة من البيت ...

فشفت سواراتي حجة عمود اطلع وية أسد ..

.. كتلة خل نطلع اني وياك اريد اشتري بدال هذني السوارات جدد...

كتلة خل ابدلهن مرضة كال بقيهن واشتري بعد فوكهن ...

رحنه لابو الذهب وجان محل كلش جبير بديت اختار اني وأسد ...

بديت اختار طقم سوارات وأسد اخذلي كلادة همين ومحبس ...

هوس....أسد ترة كتلك بس سوارات

أسد...نجبي دا اخذهن لمرتي انه عجبني اشوفهن على جسمهة

هوس...مممم ومرتك مالهة رأي هههه

أسد....دتعالي شوفي هذ الطقم

عجبني طقم وعجب أسد هم ....

أسد...حروح اصيح العامل واجي لتتحركين ...

هوس...ماشي يي

راح وديحجي وية ولد فأني اخذت السوارات لبستهن اجربهن وجان يفوتون ولد ثنين ...

مبينين مو راحه .... دا انزعهن وشايفين يطلع صوت فواحد كال

....ذهب يلبس ذهب اااخ ربي

اريد مرة وحدة اطلع وارجع بدون مصيبة اااخ...

فالثاني كال ...

....اروح فدوة للمستور ان...(انه)

هوس...اباوع أسد قاطعة ببوكس من يمي تأذيت وفكي وجعني ...

خلص تعودت لازم هيج يصير دائما التوبة اذا اطلع ..

أسد...تروح فدوة مووو ولكك لك اذا ماخليت امك تبجي دم عليك

هوس...يحجي بحركه وعصبية اباوع محد تدخل يمكن الكل يعرف هذول الاثنين

شفت واحد ديريد يفاكك فواحد لزمه وكلة

...دير بالك ترة اولا هذ الأسد ابن الشيخ .....

وثانيا يستاهلون خل يأدبهم دائما يتحارشون بالبنات

هوس...سكت هذاك وأسد اخر شي ركع راس براس واجه عليي يمه الخوف يقرأ الف عندي ...

أسد....ابو وسام حطلياهن بعدين اجي اخذهن ...

...تدلل ابو زينب

هوس....سحبني من ايدي قوي شوي وتطك ايدي ونبي بدون شقة ...

هوس...أسد بس اهدئ زين اني شعل...(شعلية)

أسد...اششش اششششش نجبي صوت ما اسمع

هوس...فتح السيارة وشمرني بيهة ....زين اني شلي دخل اشو جني غراب كلة اسود بسود وصوتي ميطلع ....

اباوع يسوق بسرعة ويضرب الستيرن وبقوة ويحجي بحركه ...

أسد...شكووووو تطططللللعععععييينن انننه شكااايلل

هوس...ترة طلعت وياك مو وية...

أسد...ااااشششش من شفتي هذول الساق**ين اجو ويذبون حجيي مجيتتتييي يممميييي

هوس...ضليت ساكته بس احجي تجيني كفخة ...

وصلنه وفتت للبيت وهو يطبك السيارة ....نزعت وبقيت انتضرة بالغرفة ..

ما اريد الجهال او زينب يسمعون او يشوفون امهم هيج تنضرب ....

اسمع صوت الباب فتحه جن عاصفة صارت بالبيت ...

سدة حيل واجه للغرفة فات وسد الباب بس مقفلهة من العصبية ميعرف شيسوي...

اجه يمي وكلمتوقع ...الراشدياتي صارت تجيني على خدودي ثنينهن ....

خدر وجهي كلة ....حسيت خشمي طك دم وحلكي ...

وخدودي تجرحن لان لابس محابس ويضربني بكل قوة ...

عطت مستحملت ...من شفت الجهال فاتو ...

هوس...كااافيي وخررر

أسد....عجبج كلامه مووووووو عجبججججججج (احجي واضربهة بوكسيات على حلكهة وانه فاقد)

هوس...وخرر أذيتني شبيكككك (ببجي وعياط)

زينب...بابة وخرر (ببجي )

هوس..اباوع شون زينب واكفة بيناتنه ويزن وراي شابكني وزين ورة أسد يحاول يوخرة ...

هو صفن وخر من يمنه وكام يكسر شكو شي كدام عينة ..

شابكة الجهال وما اباوع واني ابجي بحركة ....

أسد.....شسوووييي بيججج هااااا كولللييي

هوس...(بعياط)...ساعة السودة ساعة السودة يوم الي اجيت للبصرة وشفتك

صار هدوئ واجتني الرفسات بكل مكان بجسمي ...

أسد...ساعة سودة هاااااا ساعةةة سودددة متندمه موووو متندمه

(احجي وياهة وانه فاقد واضرب وارفس)

هوس...يييييي ساااعة سووودةةةة صدددك لوووماا ززيينننببب ولااا اقبللل بيك ما اقبل تفهم

أسد....وللجججج بسسسس

(اضرب على حلكهة بوكسات بس اريدهة تسكت ما استحمل فكرة انو تندم عليية)

هوس...وخررر وخرررر

زينب...بابة فدوة كاافيي (احجي بغصة وبجي )

زينب...جنت كاعدة وبابة ومامه طلعو للسوك ...جنت احضر دروسي ووياي زين ويزن يرسمون ...

سمعت الباب نطبك حيل غلست كلت شوف تلكاهة خالة سارة لو اي خالة من الباقيات لان هيج يسون يفززنه...

بس وراهة اسمع عياط بابة وصريخ مامه ...ركضت للغرفة ووراي زين ويزن ...

اباوع بابة فاقد ويضرب بمامه ....ومامه مثل الحمام المذبوحه تلوووب...

تريد توخرة ومتعيط ...ادري بيهة مو اول مرة متعيط دائما عمود منسمع ...

دخلت ركض واحاول اوخر بابة من مامه وزين ويزن هم يحاولون ...

بس مامه من كالت متندمه بابة فقد ....من صدك اول مرة اشوف بابة هيج ...

من مامه كالت لوما علمودي جان ولا قبلت صفنت اني سبب اذيت مامه ...

لو من البداية بكربلاء مرحنه ....لو مجلبت بمامه ...لو و لو و لو ...

بس ميفيد ....وخر بابة وكسر الغرفة كلهة وطلع واني واخواني شابكين مامه وهي تبجي ...

---

هوس...فقد يضرب بقوة ...احس جسمي كلة خدر ورم كلة...

شعري تهلس بيدة وجهي صار تحفة فنية من ايدة ...

الجهال مجلبين ويبجون ..وزينب تبجي....

ابجي بحركة وبأعصاب ....احجي بقهر وبغصة ...

صارلنه عشر سنين نفسة أسد هو هو ميتغير ...

دائما يضرب يجرم و وراهة يجي ويكول ما اعيدهة بس عليمن يضحك كلش زين ادري يعيدهة ..

مرة ومرتين واربعة ....أسد عمرة ميتغير ...

وخر من يمي كسر الغرفة كلهة وطلع ...

بجيت ....بجيت بألم ..... بجيت بقهر على نفسي...

لو ابوية بعدة عايش شحدة يمد ايدة عليي...

لو اخوية عايش جان مسمحلة يمد ايدة عليي ...

لو ...ومتفيد ال لو

وخرت من حضن زينب وزين ويزن من يمي كتلهم...

هوس...حبايبي شوي بس خل اسبح (بصوت مبحوح)

زينب...اطب ويا

هوس..لالا عادي اكدر اسبح (بسرعة قاطعتهة ما اريدهة تشوف جسمي ما اريد تشوف آثار الضرب الي لحد هسة بعدهن ونوب هذني الجدد)..

زينب...زين ححضرلج هدوم

هوس...ياريت...فتت للحمام ...

نزعت كل ملابسي وصفنت بالمرآية ...هاي اني هوس الي جانو يموتون روحهم عليي..

هاي اني الي البنات جانن يغارن من جسمي هيج صاير بي...

نزلت دموعي بدون صوت بدون ما احس ...يقهر كلش تقهر من هيج يصير...

باوعت شعري شون منكوش ...اتذكر جانو يضربون المثل بشعري...

هسة وين يوصل لرقبتي ...هههه جان يوصل لركبتي ..

كصة يي....

بس لان بالغلط جان بوكتهة هوة عالي وهوسة وجان يطلع شعري وجان يطلع

جان يطلع فهد كدامي ....

كصة عمود يصيرلي درس....ضربني لان هو كصة ...

أسد...كلة من وراج كصيته ولج كصيته شعرج الاعشكة من وراج(وهو يضربني راشديات)

هوس...نفضت هاي الذكرى من راسي ...

تقدمت وفتحت الدوش ووكفت جوا ...

احس المي الي ينزل على جسمي ...جنه جمر وينزل ..

جسمي يحركني والمي يأذيني ...بجيت ونحبت بصوت ...

وين اطي وجهي ...... وين اروح ...... وين اعوف اطفالي ....

ما اريد احرمهم من الاب والام ....

ما اريد احرمهم من جو الحنان ......

اني عشت محرومة من هذ الحنان ليش دا احرمهم ....

ليش اني هيج حياتي شنو السبب ....عشت حياتي كلهة بطريق مستقيم...

ماعندي منا ومنا ....زين ليش بس الزينين بهلدنيا هيج ...

مديت ايدي بشعري ووخرتهة بسرعة باوعت دم حتى من راسي يطلع ...

شوي شوي علكيف علكيف يلة كملت ...

لبست البرنص (المنشفة )...وطلعت ...

باوعت زينب موخرة كل الكزاز ومعدلة الغرفة

هوس...شبساع عدلتيهة؟؟؟

زينب...لا طولت صارلج ساعة مامه بالحمام(بصوت ناصي)

هوس...هزيت راسي ورحت على الفراش(السرير)...

نجطلت ...علكيف ..

باوعت صافنين عليي فتحت ايدي

هوس...تعالو

بسرعة اجه ركض يزن من ايدي اليمنه نجطل يمي وحاضني بقوة ...

تأذيت كلش بس مبينت ولا كلت شي اكيد جان خايف حبيبي...

اجه زين من الجهة اللخ وكال ليزن

زين....يزن على كيف مامه دتأذة وخر

هوس...راد يوخرة ويزن مجلب من صدك أذاني بس هم سكتت وكلت لزين

هوس...حبيبي عوفة مديأذيني تعال نته منا

حضنته هو هم وباوعت زينب تبجي بسكوت لازمتهة العبرة وتباوع ومتجي ...

هوس...شنو شبيهة قلب امهة ليش تبجي هيج تعالي(بقلق)..

اجتي ركض نامت يم رجلي وتبجي ...

هوس...شبيج زوزي (بقلق واضح).

زينب...(بهمس) ...اسفة...اسفة والله

هوس..على شنو يروحي

زينب..لو من البداية مجلبت بيج جان .. جان هسة انتي مو هيج تنضربين ..

لو من البداية عايفتج ...لو ملزكت بيج ..اني عشت بسعادة وياج

وانتي ..انتي عشتي وية بابة بعذاب ..اسف

هوس...اششش انتي بنتي واني ابدد ممتندمه صرت امج وبقيت وياج

ومشاكل بينه اني وأسد تنحل انتي مالج دخل ومرة ثانية من صدك اذا سمعتج هيج تحجين

ازعل عليج ماشي(بجدية)

زينب...هزيت راسي واني امسج دموعي واحضن مامه..

لتجأت لحضنهة وسكتت

وخرنه منهةمن حسيناهة نامت

زينب...اشش امشو نطلع بدون صوت

طلعنه وطفينه الضوة وسدينه الباب ورحنه للهول كعدنه ..

يزن...ما احب بابة اني

زينب..اشش ميصير هيج تحجي

يزن...مرة هم شفته ضرب مامه قوي ما احبه

زينب...حبيبي ميصير هيج تحجي هذ ابوك ومامه اذا تسمعك هيج تحجي تزعل عليك

زين....ايي ميصير هيج تحجي صح بابة غلطان بس ميصير تكول هيج

يزن...ماشي آسف

زينب...سكتنه واني اباوع شون يزن كلش مقهور على مامه ...

وزين ميعرف شيسوي كلش متعلق ببابة ميكدر يطي بي بس هم يحب مامه ومقهور من بابة

زينب...كومو كملو رسم خل اسوي عشة ولتطلعون صوت تروح مامه تفز

زين ويزن ...ماشي

زينب...راحو ورحت للمطبخ باوعت اصلا مامه مسوية لحم بعجين بالمجمدة ...طلعته ..

نتضرت شوي وراهة حطيته بالفرن ...حضرت كتشب وصلصات ولبن همين ..

وكصصت خيار وحطيتهن بصينية صار اللحم بعجين وحطيت الصينية ...

صعدت وصحتلهم ...كعدنه ناكل بس بدون شهية دائما مامه ويانه وتضحكنه ...

اكلت قطعة وحدة وزين قطعة ونص ...ويزن نص وضم نص كال لحد ياكلهة ...

لملمت المطبخ ...ورحت لملمت البيت هم ...دخلت شفت مامه بستهة براسهة وصعدت ..

اجه يمي زين كال ميكدر ينام اجه نام بحضني واني حضنته وكتلة...

زينب...لعد يزن وينه؟

زين....بالحمام هسة يجي ويانه

زينب...مممم

اجه يزن هم وحضنتهم ونمت وياهم ...

---------------

أسد ..... كبرت وكبرت عائلتي وعايش على رحمت الله

مرتي وحبيبتي وجهالي ببيتنه ...... كل مدتمر دقيقة ديزيد حب هوس بداخلي ...

تملكي الهة ديزيد ادري هذ الشي غلط كلش زين ادري ..

بس ما اكدر .... اريدهة بس الي ...ما اريد طير من البشر يتغزل بجمالهة لو بوجههة ...

كصيت شعرهة بس لان طلع بدون متدري ...جان الغضب عامي على عيني

مجنت واعي مجنت اشوف هذ شعر حبيبتي هذ الشعر الما اخليهة تلعب بي

ما اخليهة تصبغة تسويلة اي شي ..... جيت بلحضة غيرة وكصيته....

متندم ...طبعا لا ممتندم هي غلطت جان لازم تبس شي جوة الشال عمود ميبين ...

ما اكدر كل ما اتذكر شاف شعرهة اريد انقض علييهة وارد اضربهة ...

حته لو جان اخوية الشايفة ما اكدر......

نسوان شكد بالشغل وياي وكلهن لبس محزك وملزك كلهن معرنات ويحاولن وياي..

يحاولن يغرني ... يثيرني ...بس ميفيد ...وحدة فقط تثيرني ..

وحدة فقط تحرك مشاعري بأبسط فعل الهة ...بحركة عفوية منهة تثيرني ...

عطرهة ما اكدر اذا ما اشمه يوم واحد ..... ارجع للبيت بس افوت من الباب

دافي البيت ..... بي حنان مو طبيعي ... مرتاح كلش بس اعرف هي ممرتاحه ...

جانت ما محجبة سافرة ...جيت لبستهة او بالاصح جبرتهة على الحجاب ...

وراهة جبرتهة على الجبة والجواريب والمعاصم ...

بعدهة عباية زينبية جبرتهة همين ...هم مفاد طلع وجههة يشع ...

رديت جبرتهة نقاب .... والعيون الزرك يلمعن لمع ...

الى ان بوشتهة وهمين ما اريدهة تطلع ....

شتسموني سموني ميهم ....مريض نفسي.....معقد....

اي شي سموني بس انه ادري بروحي مهووس بهوسي...

مرة اجتني وكالت خل نبدل السوارات مالي....

اخذتهة وعجبنه طقم وشتريت الهة فوك السوارات همين كلادة ومحبس...

اشتريتلهة رحت دا اعامل الولد ....

شفت الباب نفتحت وفات ثنين ولد اعرف بيهم مو راحة توهم ديحجون ومخليت الثاني يكمل

اضرب بي ونار بقلبي ....

كواو**د شلبسهة بعد .... شسويلهة بعد عمود ميتغزلون بيهة ...

رجعت علييهة واخذتهة وهي ترجف

مطيتهة مجال تحجي وانه اعيط عليهة ....وصلنه وهي نزلت وانه طبكت السيارة ...

ركضت للبيت ورحتلهة اضرب واضرب وكل ما اتذكر هم تغزلو بيهة اضربهة...

مبقيت مكان بجسمهة صاحي .... اعرف غلط بس الغضب سيطر عليي...

لشوي وجان تكول ياريت مجاية للبصرة ....... صفنت ورديت اضرب بحركه بيهة واعيط...

يمكن اقوة كتلة كتلتهة بحياتي بيهة ...... اضرب وانه اتخيل ...

لو مشايفتني قصدهة جان متزوجه غيري...جان غيري يحضنهة...

غيري يشوف طولهة....جسمهة....شعرهة....يحس بحنانهة...

غير جهالي يصيرون جهالهة .....

اضرب وانه فاقد لشوي ووخرت وانه الهث ...كسرت الغرفة كلهة وطلعت ...

رحت بدون وجهة بس اصفن بالفراغ ولو تجي كبالي هم اكطعهة .....

خابرت على صاحبي ورحتله للشقة...

----

هوس...نمت ومحسيت بشي الى ان فزيت وجانت الغرفة ظلمة..

فزيت على الباب تنفتح وتنسد عرفته هو متحركت ولا اطيت ردت فعل...

اسمع خطوات يمشي كوة تقرب مني وشميت ريحة الشرب...

لزمتني العبرة ...هم شرب.... هم شرب واني حذرته يشرب اووف اووف ..

اجه وحط ايدة على وجهي ويحركهة بهدوئ ...

مستحملت ووخرت ايدة وكلبت على الجهة اللخ ...

نوب حضني من ورة

هوس...وخر

أسد.ا...اا...ااشش

هوس...دفعت ايدة وبسرعة ندفع ...

هوس....مسطور مو كم بطل شارب هااا

أسد....مو هواي بس شوي(بأبتسامة وهو كوة يحجي)

هوس....أسد ليش هيج تسوي ليش تزيد قهري هاا(ببجي)

أسد..ااش ااش آ آ آسففف انه آسف (كوة فاتح عينه)

هوس...كوم للحمام

أسد...وخري ورجعي نامي اريد انام

هوس...كوووم للحممماممم ريحتك متطاااق

كوة كومته للحمام شضخمة صاير لازم اقلل الاكل مالة

وكفته جوة الدوش وتنكعت من ورا ....

هوس...صحصح يا بشر صحصح مو شيبت كلبي

شوي صحصح واني ساندته بدلت وبدلتلة همين ...

لزمت ايدة واخذته وياي جوة للمطبخ ...طلعت كعوة اسويلة ...وهو حاط راسة ويريد ينام

كملت وصبيتهة وطيتهيا ...

هوس...اشربهة

أسد...ما اريد اريد انام بحضنج(بهمس وبلا وعي)

هوس...بربك هاي حالة جاييني مسطور سطر من سطرك العب....(العباس)

ستغفرلله حتخليني ادعي عليك هاااك

اشربة وهو شوي شوي يشرب ...كملهة وشوي صحصح بدة يستعيد وعية ...

باوعت ضامتلي زينب عشة ...باوعتلة وكتلة

هوس...جوعان

أسد...بس هذ راسة يعني يي

هوس ... دا اريد احمي جان يجي يحضني يزن دنجت اله واحجي ويا

هوس...شمكعدك حبيبي لهسة

يزن ... فزيت وكعدت باعي مامة ضميتلج النص مالتي

هوس...طلعهة وطانياهة يعمري

هوس....يروحي نته ضامهة الي

يزن..يي

هوس... جوعان تاكل ويانه

يزن...ليش بابة ويانه(بصوت ناصي)

هوس..ليش وذا حبيبي

يزن ..ما احبة

هوس...لا عيب شهلكلام ترة ما احب هيج كلام ابوك ولازم تحبة

يلة اكعد خل احمي

راح كعد ورجعت احمي ....حضرت السفرة وكملت وحطيت الاكل يزن ياكل وأسد صافن بعدة مواعي ...

يباوعلي ينتضر اوكلة اني يباوع مثل نضرات الطفل..

تنهدت وبديت اوكلة واكل ...كملنه وبست يزن

هوس...يلة حياتي فرش سنونك ونام

يزن...تصبحين ع خير

هوس..ونتة بألف خير يروحي

غسلت الماعين وكملت واخذت أسد فرشت سنوني وسنونة ورجعت لزمت ايدة واخذتة للفراش ..

تمددت بعيدة منه رد تقرب وحضني وبعد محس بشي ونام ...

ضليت صافنه ... ماعندي خيار غير امشي حياتي ...

وين اروح واعوف جهال ثنين ...وبنية مراهقة ...

بنية تحمل روحهة الذنب ...

باوعت بوجه أسد ....زين ليش هيج قاسي ليشوفك هسة شون تسمع كلامي ..

واني امشيك واوديك واوكلك وتباوعلي بهيج نضرات مال اطفال...

ميصدك نفسك أسد القاسي...ابد ميصدك ..

نعست وبعد محسيت بشي غير الصبح فتحت الباب زينب وفاتت باستني ..

زينب..مامه حروح ينتضروني برة

هوس..الله وياج حبي اخذتي فلوس؟

زينب..لا ما اريد

هوس..نجبي وباعي المجر فتحي اخذي من عندة..

اخذت من عندة فلوس وراحت طلعت باوعت بعدهة ساعة ٧ وربع ...

رجعت نمت ما بية حيل اسوي اي شي...

-------

يبتتع ...

سؤال ....

شنو رأيكم بتصرف أسد ....

اعتقد نصكم كام يكره أسد هههههه

نشالله عجبكم البارت

وبسس ما اطول باي

2311 كلمه