جان يجينه خبر جابت سرور الهلاهل بدت والتلفونات حتركن ...
خوب سارة بسرعة شعلت اغاني وهوس وريم وبتول ركص ...
________
سرور....اصارع بالالم واعيط الى ان هي عيطة وهي صرخة و سمعت صوته ...
قطعة جانت بداخلي اشوفهة واسمع صوتهة بسرعة رادو ياخذو ....
مخليتهم كتلهم حطو على صدري حطو واني بس لزمتة كوة حركت ايدي...
دموعي ينزلن واني ابوس براسة...
سرور...يوسف ماماتي ...حبيب امك هلا نورت حياة امك ياعمري...
اخذو مني وبعد مستحملت نمت من التعب ...كعدت وجان بغرفتي امي ونايمه على القنفة ....
باوعت على الساعة بال١ بالليل ..ردت افوت للحمام بس ما اكدر اكوم من الالم....
ردت اكوم كمت ابجي من الالم ...فجأة نفتح الباب وفات علي...
باوعلي وركضلي حضني ويبوس براسي...
علي....متتصورين شصار بحالي ولج نتضرتج بس تكعدين اسمع صوتج واشوف عيونج ....
سرور....مكدرت احجي صوتي رايح من الالم...
علي....(كام يبجي ويبوس ايدي ويحجي)....شكرا سرور لو شكد ما اريد ادللج ما اجازيج نورتي حياتي .....
جانت حياة عادية سويتيهة حياة مجنت اصدك بيوم احصلهة ...
جبتيلي قطعة مني ومنج ...احبج لا اعشكج
سرور...حضنته ودموعي تنزل وكتله بصوت مبحوح.....انه هم
سرور...كضيت اربع ايام بالمستشفى واليوم حيطلعوني....
لابسة وكاعدة وحبيبي يوسف بحضني ...طبعا الحمدلله واني كلش خايفة يضربو بعين لان نولد بشهر الثامن ...
بس كالو صحته تمام حته ميحتاج خدج.....
علي....يلة حبي
اجه يساعدني من امشي ولهناك وفات جبل....
جبل....الله يساعدهم سروو حبيبة اخوهة
سرور...بتسمت وجاوبته ...ويساعدك
مرتضى...ولج صريخج زرف اذني هاي عود انتي ما تصرخين عاد ريم شراح تسوي...
أسد...تكلب الدنية اكيد
فهد....يي والله تكلب الدنية كلهن اصلا بس هوس لا متعيط لو مدري شيصير
سرور....الغبي فهد كالهة بساعة ثول من هيج كال الكل خزرة وأسد صفن تنهد وكال...
أسد....يلة نتوكل دينتضرون
علي...يي يلة
سرور...راح قبلنه أسد وبدت الرزايل على فهد
مرتضى...عار انت بابة
علي...تبقى دماغ سزز مو شون هيج تحجي
فهد...والعباس لساني
جبل...كبر طمك وطم لسانك انجب ويلة ...
سرور...فتنه للسيارة وصافنه بوجه يوسف ليحد موصلنه ...
استقبلونة هلاهل والهوسات ...
سارة...مبروك حبيبتي يتربة بعزكم
بتول...يمه ربي يحفضه الكم ويربة وتشوفي زلمة معدلة
سرور...امينن قلبي تسلمون
فتت يم النسوان وهواي والكل كاعد طبعا يوسف ندار على الكل...
كلساع بيد وحدة وحاطه بكماطة فلوس لو ذهب ...
عاظي وصل لايد البنات ...
بتول...اني الزمة شو ...يمه فدوووة عين الحارة باردة نشالله دكو الخشب دكو لينحسد...
سرور...هي كالت دكو الخشب لو تكسر الخشب كامن يدكنه حيل ههههههه....
سارة....يمه فدوة لحبيب مرت عمه
ريم...هلاو بأميرنه الحلو نورتنه..
سرور...وصل السرة يم هوس...لزمته وتباوعلة وتضحك....
جان مرة من الكاعدات تكول...
....يمه مو مرت أسد عاجر لا تشيل الفريخ تفكره..
حليمه ....ام فالح شلج بهل حجي الماصخ
..والله خيه ام فالح ما كالت غير الصدك
ام أسد...صلو على محمد ..عمه بس ام فالح كالت الصدك مكالت جذب
نور...عيب عليجن نسوان شكبرجن بعد تصيرن هيج تحجن ونتي نجبي أم أسد
سرور...سكتن بس مصرات على رأيهن شوي وراحن
بس جوي مغثة ..
اشوف هوس مدنكه تباوع ليوسف والدمعة بعينهة بس تحاول متنزلهة
جتي اطتني يوسف
سرور...مخبلة انتي صدك جذب ولي حطي بحضنج
هوس...لا اصلا دروح اسبح بعد كلي ريحه اكل ..
سرور...والله الا تضلين حاطته بحضنج...
سرور...دا احجي وية هوس جان يفوتون الولد والزلم كلهم
الجد...شكو شبيجن عياطجن لبرة واصل
فهد.....طينيا بربج هوس
سرور...طتهيا وراحت فوك لان دمعتهة رادت تنزل بس راحت بكل هدوئ عمود محد يحس...
ورة مراحت فات أسد...
أسد...الله يساعدهم ..
الكل ...ويساعدك
أسد...جيبة فهد خل يحصل مني فلوس بس ها سروو دير بالج تخلين علي ياخذهن
سرور...ههههه لا ما اخلي
علي...افااا هيج صارت متخليني
سرور...هههههه
اشوف أسد يلعب ويا ويضحك جان يطلع ورقتين من جيبة وحطهن بكماط يوسف
فهد...يابة انه رايد اتزوج واخلف بسرعة بلكت نحصل اربع ورقات..
أسد....انت تزوج والله كريم ...
ضحكنه ولهناك جان يباوع بستغراب ويكول
أسد...جا مريتي وينهة ؟؟
سرور...اشوفهن سكتن محد حجة
الجد....يي صدك وينهة
أم أسد...والله عمي سوتلهة زعلة
حليمة ....نطمي لا بالعوجية هسة على ظهرج
أم أسد ....والله انه مكلت غير الصدك
أسد...شكو غير تفهمونة
أم أسد ..... ماكو شي مرتك تتعيقل براسنه يمه..
سرور...عاد بسرعة كمزت سارة
سارة...لا والله لا تتعيقل ولا ابد انتو تحارشتو بيهة وهي سكتتلكم
سعاد....بعد تعالي خذيلج راشدي طبعا صديقتهة وتدافعيلهة
أسد(بعياط)...كااافي شككو احجي سارة
سارة....والله خوية كاعدين جان ...(وبدتتحجيلة كلشي بس شنو هو صار دمارات كصتة وايدة كلهن نطن ووجهة وعيونه نكلبن حمممر ونبي يخوف صار )
فززنه كلنه من عاط بأمه...
أسد....يمممه صارن هوووواي هووواي لتشوفيني ساااكتتتت ترة وحق القرآن والفرقان اسود عيشتج انتي وبت اختج ...
اذاااا تتتقربينننن يممم مرتتتتتي اكفر بيومكم ...
وخل اشو كوا**د مسمعهة حجاية مرة ثانية
سرور...اشوف الكل سكت وام اسد وجهه صار اصفر..
ما لومهة هو من يمي جفلت ...
نوب راح فوك صعد وسمعنه ركعت الباب مال غرفته..
الجد...انتن شوكت تتوبن
فهد....سعععااااد دامج جاية البيتنه تحترمين نفسج وما تتدخلين بغيرج
سعاد...يعني تطردني
فهد...اي اطردج ومخايف وممستحي اطردج اذا تجاوزتي وتدخلتي مرة ثانية فهمتتتي(بعياط)
طبعا اول مرة اشوف فهد هيج عصبي ويخوف بس ما الومه علاقتة هو وهوس كلش قوية صارت......
سكتنه وكلمن راح لغرفته.....
_________
هوس....من بعد مولدت سرور وكلش فرحنه هي بصحة زينة ويوسف هم...
وراهة من صارت العزيمه من صارت المشكلة ...
اريد ادافع عن روحي اريد اردهم بس اذا احجي هسة انفجر بجي ....
الغصة بقلبي عاد نقذني فهد من اجه وطيته يوسف رحت فوك...
سبحت بسرعة وطلعت ...تلفلفت بالفراش وحطيت راسي على المخدة وابجي...
اسمع عياط أسد اكيد درة...شوي وفات هو وسد الباب حيل...
اجه رفع الغطة عني وكومني مسح دومعي وكال
أسد...مخبلة مو تتأثرين بحجي نسوان
هوس....وخر كلة من وراك وخر كتلك خل اولي يم صخمه اتعالج اشوف شنو خللي...
أسد...ييي وخليتج مرة وحدة وخلص كالت مابيج شي
هوس....لا ماكالت هيج شي مااااا كالللللللت بس فحصتني ورحححتتتتتت(بعياط وبجي)
أسد...سسسسس اسكتي اششش كافي خلص هدي
يحجي وهو حاضني
هوس...تعبت ليش بس اني ميصير عندي كول الصدك شكالت الدكتورة هااا .
أسد...عوفج منهم مو اني هنا ابنج مو زينب بتج
هوس...اريد ابن افهمني...فدوة بداعت عزيز قلبك كول وريحني شكالت الدكتورة
أسد....ما اكدر اكول(بغصة)
هوس...كووول كووول كووول عاااااااد(بعياط كلش)
أسد....كااافي تردييين تعرفين كالتتت احتمال حملج 10 بالمية بسسس...(بعياط وهو يهزني قوي)
هوس...يعني ما اجيب جهال اني مو(بهمس مو مصدكه وترجف)
أسد...اششش كافي
هوس...(دموعي ينزلن وممصدكه)
الله ذب عليية بجي مصاير تعبت راسي كام يون عليية نمت بحضن أسد...
ثاني يوم كعدت الصبح غسلت وجهي باوعت الساعة بال١١.....
باوعت على وجهي حطيت شوي مكياج ورسمت ابتسامه ...
نزلت جوة صبحت علييهم جانت خالة ام جبل تطبخ
هوس...عوفي خالة اني اسوي
أم جبل...لا يمه انه مدري ليش كعدت وردت اسوي
هوس...اكييد
أم جبل...ايي يمه وااله من اتعب عود اصيحلج
هوس..خوش لعد اروح اشوف اذا اكو شغل اشتغلة
ام جبل...خوش يمه
هوس....رحت لملمت نضفت صعدت فوك وشفت سارة وجتمعنه بغرفة سرور...
سولفتلهن وهن سكتن بس شوي شوي نكلب ضحك
صارت الصلاة صلينه ووراهة صبينه اكل وكعدنه ناكل
كاعدة وافلس واوكل زنوب وأسد يحط كدامي اكل
سجاد...يي ياجماعة الخير انه قررت قرار
جبل...يا ستار شني
سجاد...افاااا يا ستار
علي...اكل تبن وكول عاد
سجاد...احم احم قررت ازوج خلص كبرت ولازم اتزوج
أم علي...يي ومنهي الترضة بيك
سجاد...هااا يمه نتي هم ضدي
أم علي...والله يمه انه خايفة منك منهي هاي التريدهة
سجاد...يمه انه رايد بتول
ابو علي...قصدك بتول اا
سجاد...يي هي عاد ليش الف وادور انه البت حابهة واريدهة
الجد...بيهة الخير بوية...
هوس......(شاورت اسد)...لتفلسلي صدر حطلي فخذ احبه اكثر
أسد...من عيوني لحضة
فهد....احم احم يابة سجاد اني شون وية اليتشاورون وميقدرون يمهم عزابيين...
سجاد...شنسوي يخية هاذ نصيبنه من الدنية
هوس...هههههه
أسد...اكلو خر .... ستغفرالله تسمم وبدون صوت
هوس...كملنه وغسلنه الماعين وشربنه جايي وصعدنه كل واحد لغرفته ....
فتت ونومت زنوب وفات أسد سبح واجه نام وحضني....
ونمت اني هم محسيت بشي بعد...
_________
فهد...ياعمري وداعتج جنت بالحمام دا اب**ل
رقية....لو تحبني من صدك جان بل*ت على روحك مو عايفني
فهد...عمي اسف وحكج بشاربي ..
رقية...فديت شاربك احبه
فهد....ااخ لو الزمج يممه بوياااي شسوي بيج
رقيةة..حبيبي
فهد...عيونه
رقية ...تحبني
فهد...انعل يومج غير اعشكج
رقية....شوكت تجي لبغداد عاد مو طكت مرارتي واني انتضرك ..
فهد...مضل شي هلسبوع نشالله
رقية...ؤك يلة اروح
فهد...وين ولج
رقية ...اسوي اكل اكل
فهد....بربج لتسدي ضلي وياي وسوي واحجي
رقية....ؤك باع اليوم....
بدة الحجي مال كل حبيبين شسويتي شكلتي 😂😂
______
سجاد..يي حبيبي شتردين بعد خجطبج اجي
بتول...ولك سجاد مدا اصدك
سجاد...هاي تبجي
بتول...يي طبعا
سجاد...حبيبتي مسحي دموعج لا اكطع الحزام على ظهرج قلبي
بتول...بربك هذ غزل هذ صدك تحجي
سجاد....عوفج مني تعالي
بتول...هاا
سجاد....اكلج بربج اريد اجيج
بتول....شتسوي
سجاد....سمعتج تكولين لريم مسوية معجنات طيبة اريد
بتول...باع الكل نايمه تعال بسرعة من المطبخ ..
سجاد....جاييك رجلي
بتول...بتليت بحب طفل مو
سجاد...شتسوين بعد الله بلاج بية
بتول...احلا بلوة بعلي
سجاد...لا اخجل اوووي على كولت هوس
بتول....هههههههه
_______________
ريم.....حياتي
مرتضى...لا
ريم...هاي شبيك بعدني محاجية
مرتضى...لان كلش زين ادري بيج راح تكولين حياتي عادي نروح لمدينه الالعاب وتردين تركبين العاب خطيرة فلا
ريم...تششه ما احبك بعد
مرتضى...جذااابة(بصوت طفولي)
ريم...هههه ليش تضحكني
مرتضى..انه شكلت هسة انتي فطيرة
ريم....تعال فدوة توحمت على شفتك
مرتضى...الحكولي راح تغتصبني
ريم...يي حغتصبك واجبرك انو نزوج نيهاهاهاها
(ضحكة شريرة😂💔)
مرتضى....وج ادبسزز هههههههه
_____
سرور...حبيبي
علي...روح حبيبج
سرور...الحفاضات من يمك هههههه
علي...عود دتغزل هههههه
سرور...يمه فديت حبيب امه يمه فديت قلب امه
علي...وابو ماله حصة بهلبوس
سرور...ليش لا خل بس ضامتله حصة الاسد(غمزة)
علي(عض شفته)...اخخ ولج اشو انتي صايرة تموتين
سرور...طبعا معاشرة علوش شطلع طيارة
علي....ونعم
____________
سارة...وتالي
جبل...لا يعني لا
سارة......هاي شبيك بيبيتي صارلي قرن مرايحه
جبل...لا
سارة...وبعد ساعة وربع يلة قبل ابات
😋
حضرت غراضي اني وهوس نبات هناك يم بيبي مشتاقين الهة
رحنه وودعناهم 🤣🤣ليكول رايحين مدري وين مو بيت يم بيت...
_______
الرواية
نور...ها جيتن برابي**ك
هوس ....بلة هذ استقبال هذ
نور...انتي نجبي ادبسسزز صاقطات بحضون رجولتجن ماكتن خن نروح نشوف بيبيتنة
سارة...بربج بيبي حامل ومابية حيل
نور...ضلي ضلي جنج هايشة
سارة....محرد لان
نور..لان شنو
سارة...لان احبج
نور...ادبسزز امهات دروبة
هوس....تعالي بوسة مشتاقتلك يقشطة
نور...شوف شوف هاي تالي شيباتي هيج تكول
هوس...هسة اصبغلجياهن بالحنه ازنجرة من عيوني
سارة....ههههههه عزة بطني امداج متت
نور...ههههه والغسل
_______
بعد مرور خمس سنين
هوس....اباوع على الكل كاعدين طبعا سرور وعلي صار عدهم يوسف وجعفر
وسارة وجبل صار عدهم حسن وحسنين وكوثر
وريم ومرتضى صار عدهم لين ولؤي
وسجاد وبتول يي اتزوجو وصار عدهم نمر وصقر
وفهد ورقية بعد معاناااات يلة تزوجو وصار عدهم محمد وفاطمة...
اباوع عليهم الله يحفظهم كلهم عائلتهم كبرت الا عائلتي هي هي ...
اني وأسد وزنوبة حبيبتي كبرت ...
اسد ابد ميفتح موضوع الاطفال وياي ولا يحسسني بشي...
كملنه اكل وكمنه غسلنه المواعين ...
فكملنه دخلت الحمام بس دخت كلش وكمت استفرغ مستحملت صارلي هيج كم يوم...
شكيت بروحي حامل بس نفيت هاي الفكرة لان كم مرة صارت بية وماكو شي ...
دروتي مرتين نكطعت اربع شهور وماكو حمل ايست بعد....
طلعت من الحمام وأسد كبالي....اجه وشبكني من ورة
أسد...الحلو مكرش
هوس...هو اني دا اريد اسوي رجيم ابدي
أسد...عمود اكسرج لج صايرة تفلشي
يحجي ويبوس بركبتي ...
_____
وهاي مر شهر الثاني بس احس شي ببطني احس بشي...
ودائما اشتهي ...رحت للمجر وفتحته طبعا المجر متروس اختبار حمل منزلي وكلة ماكو حمل ...
بقن ثنين جربت بثنينهن وكعدت انتضر فنتضرت وطلعن خطين..
الصدمه الاني بيهة متنوصف كمت ابجي وكعت بالكاع ..
فجان تنفتح الباب ويدخل أسد ...بسرعة ركضلي
أسد...شبيج شكو بيج شي ولج احجي(بقلق)
هوس...أسد...أسد...
أسد...وججج احجي
هوس...اريد احجي لساني ثكل طيتهيا للاختبار هو شافة وضل ساكت
مصدوم ...
أسد...انتي انتي
هوس...اي اي هههه اي (وكمت ابجي)
اباوعله كام يبجي حضني شالني ويفرني
أسد...حمدلله حمدلله ااا قلبي احسة حيوكف
هوس...مدا اصدك مدا اصدك
راح ركض ولازم ايدي للكنتور طلع شال وعباية
أسد...بسرعة لبسي دنروح للدكتورة
هوس...بسرعة لبست جان تجي زنوب بسرعة بدلتلهة واخذناهة وطلعنه
يمشي ومتوتر واني هم متوترة ...رحنه للدكتورة وطلعت صدك حامل وبشهر الثالث ....
هو سمع حامل وبشهر الثالث لو الكاع ما وسعته من الفرحه ....
بسرعة راح صف السيارة ونزل جاب صينيتين بقلاوة ونزنود الست ....
واجه وكل ميشوف واحد فقير يطي فلوس...
وصلنه للبيت والكل موجود
أبو أسد....وليدي وين رحتو ضل بالنه
أسد ...يابة ماكو مبروك
أبو اسد ...شكو وليدي
أسد...هوس حامل
هو كال هوس حامل والبيت نترس هلاهل
فهد...ككككللللليييششش
سجاد ...لا بالمصري ووووووويييي
مرتضى ....هذني عاويات مالتي احلا كككللللللللوووش
ابو جبل...اوش ابوك
اشوف الكل فرحان والبنات يكمزن ويباركن ...
________
بعد مرور سنة
واكفة على الشباك واباوع وأسد بالحمام حياتي شون تغيرت وصارت حلوة....
اباوع زنوبة نايمه وبالكريكوت نايمين زين ويزن يي جنت حامل بتؤم ...
احس ربي طانياهم هدية .....
اتذكر ابوية واخوية وعائلتي طبعا رممنا للبيت الي اهلي ببغداد وكل فترة مرات نروح هناك ...
اني وأسد وااجهال
كعدت على الجرباية وجان يجي أسد كعد يم رجلي وحط راسة على رجلي
كعدت العب بشعرة ...
هوس...أسد.
أسد...روح اسد
هوس...تحبني
مجاوبت باوع بعيوني لزم رجلي وحطهة على جهة قلبة ...
باوع عليية وجان يلزم رجلي ويبوسهة من جوة
أسد...صدكي كلمة احبج قليلة
هوس...اني اموت عليك
أسد...هوسي
هوس...ها
حط كصته على حصتي ومغمضين عيونه وكال
أسد...انتي هوس الأسد
كال هيج وباسني بادلته وعشنه حياتنه بدوئ طبعا لابد اكو مشاكل....
على كولت بيبي نور تكول اامشاكل بهارات الحياة ..
النهاية
______
العبرة من روايتي
1_ الصبر بهلرواية الكل صبر وصبر وحصل الي يريدة
2_ دائما لازم نفتخر بأهلنه شفتو هوس بالبارتات الاولة شون من جانت صغيرة تفتخر بأبوهة ..
الواحد لازم يفتخر بأهلة ...
3_الصداقة ...اهم شي بالحياة بس !! من يكون الصديق الوفي والصديق الحقيقي مو المزيف...
وبس 😋✌
_____
الى هنا تنتهي روايتنا اتمنى ان الرواية نالت اعجابكم
ونلتقي في رواية ثانية
وبسسس
باييي
😋✌❤❤🥰😍
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!