هوس.....كعدت بالكاع يم الجرباية وهو حضني
هوس....أسد
أسد...عيونه
هوس.....انت تشوفني مو شري
أسد....اششششش شهلحجي لو اشوفج هيج تتوقعين احبج وازوجج
يحجي وعيونه حمممممرر
هوس..(كمت ابجي متحملت سنين ضامته بقلبي هذ الموضوع)
هوس...الكل الكل يشك بيه قبل قبل خمس سنين هم
_____
عودة قبل خمس سنين من جان عمر هوس 15
هوس...جنت بالمدرسة بوكتهة جانت شتة وباردة الدنية ومن تصي بالخمسة تضلم الدنية...
فجان دوامنه ظهري ..تأخرنه بالطلعة ونوب اني ممسجلة خط...
اروح واجي مشي....فطلعت وامشي جوة المطر جان يجي جلب وراية اباوع ماكو احد بس اني...
نوب الجلب مبين مال شوارع كام يركض وراي ويخوف مستحملت كمت ابجي...
واعيط لحكوننني ولحكووونننييي...
وماكو احد وكعت وبسرعة.....ونترست دم ورجعت اركض ......
راح الجلب والدنية صارت كلش ليل .....رجعت بسرعة ركض...
شفت المديرة اسماء بالباب.....دا احجي وياهة وجان لزمتني من شعري ....
اسماء...وج ساقط***ة وين لحد هسة كحب****ة
هوس ....واللله بس خل اف
أسماء...اششششش نجبي اص ولا حرف بسرعة ولي للسيارة
هوس...رحت للسيارة مالهة واني ابجي واغلط عليهة وهي تغلط وتضرب...
وصلنه لعيادة مال دكتورة نسائية اني تخبلت ..
هوس...والله اشتكي عليج وخري اريد ارررجججع
سحلتني للعيادة ودخلتني جبر....
اكثر شي يهين كرامت البنت وتحسسج بلا قيمه من واحد يشكك يجي بشرفج...
بس لان ماعندج سند اب ام اخ ...ماعندج....
من هذاك اليوم وصرت كلش انطوائية على روحي .....
واكره كلشي بالدنية ...
________
عودة للحاظر
هوس...احجي لأسد وابجي وهو دمارات جسمة كلهن نطن ......
أسد....اشششش خل يولن الكحا***ب يحجن وهن شونهن .....
هوس....يعني انت متشوفني
أسد....اششش صدكي اشوف النسوان كلهن ساقط*ت
الا انتي شريفة ورب الشرف
هوس....مسحلي دموعي وضحكت
أسد....يي ولج يي هيج طليلي ضحكتج
هوس....بتسمت وحضنته
هوس...أسد
أسد....روحة
هوس...شيلني للجرباية😋
أسد....دخيل ربج تردين تكسرين ضهري شسمنج
هوس...منو اني!!!!!
أسد...لا ابوية
هوس....والله سمنانه لعد خل اسو
أسد...لخاطر ربج شكد فاهية دااشاقيج شو تعالي
شالني ووداني للفراش جان يشمرني واني عطت وضحكت
هوس....عزززة جان وكعت هههههه
أسد...افااا انه يمج وتوكعين .
هوس.....يروحي
لهنام وندكت الباب
هوس...منو
ريم...جدي وجدتي يكولون تعالو كل العائلة ملمومه
أسد...جايين
هوس...راحت لبست شالي ونزلنه كعدنه جوة
وطول الكعدة اباوع على سعاد تباوع على ايدي بأعصاب لان لازمه ايد أسد...
حبيت اخبث جان ادغ أسد واشاورة
هوس...(بهمس)...أسد
أسد....هممم(بصوت ناصي)
هوس....احبك .
أسد...اكفر بيج هسة وكتهة تردين اسوي فضيحه
يحجي ومبتسم
هوس....اااخ شكد اذوب بحبك
أسد...تخبلتي
هوس....بحبك تخبلت(وحولت عيوني وطلعت لساني 🤪)
جان يشرب مي من كلت هيج غص بالمي وفطس ضحك
سجاد....يعني حسو شوي صارلكم ساعة تبسبسون ترة يمكم عزابية
فهد....يي والعباس حس يا اخي
سجاد...بربك شكالتلك
هوس...حط ايدة على كتفي وحضني وكال
أسد...انه ومريتي انتو شلكم غرض
هوس....يمه فديت أسدي(شاورته )
سحر...ترة عيب تشاوري والكل كاعد
شمس...يي والله عمه ميصير عيب
هوس....والله شي بيني وبين زوجي خاص
سعاد....عندج غرفة وكوليلة بيهة
هوس....هو دكلة يلة خنصعد تعبت مدري ليش اكو طاقة سلبية اهنا ...
سعاد....شني قصدج
هوس....والله قصدي احس خنكة مدري ليش طاقة سلبية كلللش(اخذت دور التموع 😂)
شمس....(بخباثة)..يي هوس شصار على سالفة حملج شوكت تفرحينة
هوس.(بخباثة)...والله صراحه دا انتضرج تفرحيني وانه بعد افرحج
شمس...شنو قصدج
هوس...جا انتي مو تتمنيلي الخير وت دين تفرحين بحملي
شمس..اي
هوس...انه بعد اتمنالج الخير واريد افرح بعرسج
(اني كلت هيج وهي باعتلي بغضب وراحت وراحت وراهة سعاد )
هوس..(بهمس)...كطيعة روحة بلا ردة
أسد...لك فديت حبيبي البصراوي
هوس...(غمزتلة)...عجبتك
أسد...لج والله لوما كاعدين هنا الا شوي من كلتي انه وجا الكط شفتج بعشة الا اكطعهة
هوس....(بهمس)...اوووس متوحش
أسد...ترة كفرتيني.....احم يلة حصعد ارتاح
هوس...كال حصعد ارتاح الهم واخذ ايدي وصعد جان الخبيث سجاد يكول
سجاد....زين انت تعبان هوس المكرودة شكو ماخذهة
أسد...تاكل قنادر لو اوكلك
سجاد...لالا ماكل
أسد...ها عبالي
هوس....كمت اعيب على سجاد ..
رحنه فوك ووو شغلات كبار لتدخلون بيهة عيب😂😂
____________________
سرور.....مرت الايام حلوة احلا شي عرك هوس وعمة ام اسد..
وحدة تعد للخ صح يجي أسد مرات يضرب هوس بس بسرعة يصالحهة وهي تعدت عليي...
كلنه تعودنه علييهة ...وعلى خبالهة هي وسارة
صرت بشهر الثامن وبطني شكبرهة ...دا انزل جان يجي علي ويمشيني
علي...علكيف
سرور...والله اكدر امشي
علي...اشش يلة علكيف كولي بسم الله
سرور...بتسمت وسميت بالله ونزلنه شفتهم كلهم كاعدين ...
فهد...ديلة عيني تمشي على بيض مكسر صار ربع ساعة منتضريكم على الريوك
من ورة مدام سارة عيني..(يحجي ويعوج حلكه)
سارة....جانت تحجي وية هوس بس كال هيج ندارت
سارة....ترة للعلم اكدر ارد عليك بس مراح ارد
فهد...لا والله
سارة...والله اعوف رجلي يرد عليك
جبل جان توة جايي وكعد كال
فهد....ورجلج اصلا ميدري بالسالفة
جبل...كافي اكل تبن بلا لغزة زايدة
فهد...عزة بعينك حته ممفتهم السالفة
جبل...مازال مرتي لازم اوكف وياهة
فهد....زلم اخر وكت
هوس....امممممم
من كالت هيج هوس الكل ندار علييهة
مرتضى....مازال عيبتي وسكت اكو شي كولي
هوس..(وهي تشرب الجاي)...لا شكو يعني مثلا بس مرت اخو الجبيرة ويحترمهة ...
علي...لا ما اصدك كولي الصدك
أسد...ايي صدك شكو
فهد...هاي شبيكم على البنية كل على بعضة ممسويتلي شي
ريم...ليش تجذب اشو صارلهة شهر كامل تجيب وتاخذ اكلك ونته تسكت تحجي عليك ونته تسكت...
هوس...عزة بعينج ليش تجذبين
فهد...عوفيهم مضغوطين من صداقتنه
هوس...اي صح اكلك طيني صحن الكيمر مالك تاكلة لو لا
فهد....لا ما اكلة هاج
الجد...بوية كولي وريحيني شمسوي فهد وهيج يسمع كلامج
الحسن....يابة هسة اطب القرآن اكو شي
هوس...هي شغلة عمو بيني وبين اخو زوجي (حجيت واني مبتسمه وحطيت لكمه بحلكه)
فهد....يابة ليش تلحون واحد ميكدر ياكل زين
سرور...كملنه اكل وبدت هوس وريم يغسلن ويرتبن
واني وسارة نساعدهن...
دا اصعد الدرج وجان فحطت بس قاومت ردت اوكع جان تلزمني هوس ..
هوس...شبيج حبي(بقلق)
سرور...هوس مدا استحم....(قاطعت كلامي واني اشوف المي ينزل من جواي خترعت معقول اجيب هسة!!)
سرور...هوس با ..باعي
هوس...اهدي حبي اهدي شهيق زفير ماكو شي شدة وتزول يلة يلة اهدي هدي....
علييييي.....أسد.ددددد....عليييي
سرور...هوس تصيحهم وتنزلني على كيف ركض صعدت جابت عبايتي وشالي اشوف وجهه اصصصففررر
خايفة اكثر مني..اجوي الولد يتراكضون والكل واني الالم كمت ما اتحملة كمت ابجي
علي...شكوووو شبيجججج (بقلق وعياط)
سرور..حجيب
جبل...شنوو امشي بسرعة
مرتضى...حشغل السيارة بساععع
سرور...شالني علي وركض للسيارة وصعد يمي ومن الجهة الخ امي ...
واني كوة حابسة عياطي استحي اعيط ...
احس دا اموت لزمت ايد علي وعضيتهة وهو ساكت ويهدي بية
وصلنه للمستشفى ...وودوني للغرفة واني اوصي بعلي
سرور....علي عليك الله ابني اتسمي يوسف
علي...نجبي وفوتي ماكو شي تجين ونسمي(يحجي بغصة)
سرور....احبكم كلكم
فتتت ودا اصارع الموت من صدك يوم كامل اني دا اجيب ما اعرف اول ولادة الي....
وجانت صعبة كلش الدكتورة والممرضة لعبن بية لعب...
دا اعيط واحاول جان
_________
ريم....بدت حياتي تصير احلا واحلا بحب مرتضى...
كل يوم اصفن بوجهة وهو يكلي لهل درجة ممصدكه مزوجتني ..
واني اكله صراحه لحد هسة ممصدكه
مرتضى....ليش ممصدكه
ريم...حب مراهقتي وشبابي اخذته وتزوجتة
مرتصى...اوووف لهل درجه تحبيني
ريم...والله لو شكد ما اوصف حبي الك ما اكدر اوصفة زين
مرتضى...تعالي لحضني
رحت شبكته واسولف ويا
ريم...تدري جنت قبل لا انام كل يوم ابجي واكول هم يجي يوم وتزوج وتنوم وحدة غيري بحضنك
مرتضى...يي يجي يوم
ريم...شنو(بسرعة كلبت وجهي)
مرتضى...والله اقصد بتنه والعباس هههههه
ريم...طبعا تقصد اديان قابل مثلا منو تقصد
مرتضى...وج نبرة صوتج تخوف رجعيهة طبيعية هههههههه
ريم...ومرت الايام وطبعا ها ترة اني طلعت حامل ببنوتة ...
احلا شي من نتعارك وية مرت ابوية او وية سعاد وشمس .....
ياخي مي بارد على قلبي ينزل اتونس حيل...
ففد يوم من كملنه وجان نسمع عياط هوس رحنه ونشوف سرور دتطلك...
راحت سرور واحنه نلوب يوم كامل كالو دتطلك من الخوف كمت كل شوي اتقيئ
ووجهي صفر
هوس....هاج شربي عصير مو زين هيج تسوي باع جهرتج
ريم...ما اكدر هوس ما اكدر لج سرور بالعم...
هوس...اسسس هي شنية هي دتجيب هسة طي مجال وتجي هي والجني مالهة ...
ادعي ونجبي...مبية حيل هبطة لخ منوراج...
ريم....هوس تحاول تطمنه وهي اكثر وحدة خايفة ....
__________
سارة....طبعا باكولي حامل بولد 😂😂
متونسة وماكو شي جديد سافرت اني وجبل للبنان اخذني...
وشكد تونست تمنيت هوس وياي ...
جبل مداريني مداراة ماكو منهة والكل زين وياي ...
انقهر من اشوف كلنه حوامل وهي لا ودائما تحاول وية اسد عمود تروح دكتور وميقبل ويتعاركون...
بس اني انطي حق لاسد..لان الدكتورات يلعبن بالوحدة لعب وهو يخاف علييهة ...
بس هي هم حقهة....اشوف عركهة وية أم اسد ووية سعاد وشمس اموت ضحك ...
فبيوم كلنه موجودين خلصنه ريوك وكمنه وجان نسمع عياط هوس طلعت ...
سرور راح تجيب ...راحو وبقينه احنه وطبعا يومكامل هي تجيب ...
وعايشين بقلق كلنه ....اشوف هوس ايديهة يرجفن لان كالو الوضع مو زين..
اكثر وحدة تحس بشعور التيتم ...
بطني كامت توجعني كعدت وانتضر وياهم...
_________
الرواية....
شوي ودخلت بتول ركض...
بتول...بنات شصار
هوس....نفس الشي
بتول...اوف ياربي كون تسهل
هوس...اميين
هوس...ها متفاجأي طبعا بتول احسن من شمس وسعاد ...
صارن خامستنه وكل يوم يمنه ... وطبعا صار بينهة وبين سجاد نضرات وتطورت لعلاقة وكالتلنه....
والتطور الثاني فهد ورقية همين تطورت علاقتهم واجه وكلي ...
فمشوفو ساكتلي شسوي بي لان اهددة اكلة ترة اخليهة تعوفك هههههه
المهم مو وكت ضحك هسة...نرجع...
كاعدين كلنه بقلق جان يدك تلفون جاوبت أم جبل جان تكول........
يتتتببببععععع
_____
1520كلمه
نشالله يعجبكم
اسفة عن الاخطاء
بايي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!