رواية هوس الأسد الفصل الثالث وأربعون 43 - بقلم Qdark781

♡♡♡♡♡♡♡♡♡

مريم ... من بعد ما رحنه وحجينه وية خالة هوس رجعت للبيت وافكر ...

خالة هوس نصحتني وكالتلي حسين زين ومدري شنو هواي كلام ...

بس اهم شي كالت انو ما اخلي يتجاوز حدودة ابداً...

رتاحيت من حجيت وية خالة هوس ..... معتبرتنه صديقاتهة وكلشي نحجيلهة وتنصحنه ...

وتهتم بينه ...

باوعت الساعة صارت ٨ الا ربع عززة بعيني كضيتهة كلة صفنات واول درس عندي امتحان ...

شديت شعري ذيل حصان وركض للمدرسة ...

وصلت واني فحطانه فشافني الحارس وكال

....عمو فوتي بسرعة يلة صارلهم ١٠ دقايق من فاتو

مريم....شكرا عمو يلة بيباي ...

فتت ركض وباوعت باب الصف مسدود خرب ركض دكيته وجان المدرسة كالت

....طلعي برة ماكو امتحان شكو متأخرة

مريم...ثت آخر مرة والله

....ماكو امتحان طلعي

مريم....ثت فدوة ..

احجي وعيوني غرغرن بحيث بس ارمش يوكعن شلالات ...

رمشت ووكعت دموعي واحس جسمي يرجف امتحان كلش مهم ...

من شافت حالتي كالت

...دخلي وهاي اخر مرة

مريم...دخلت وزينب تباوعلي وتحوص تريد تغششني بس الحقيرة المدرسة

مبدلة الاماكن وحاطتهة اول رحلة ... رحت وكعدت وشفت الأسئلة تشوي شوي

جنت متوترة ومنا متأخرة كمت ابجي .... واحل وامسح

---------

هوس....رجعنه للبيت وبعدهن مريم وزينب مجايات دخلنه وزين ويزن بسرعة راحو نامو ...

هوس...اسويلك جاي

أسد...لا امشي ننام وشوي وعمود نطلع

هوس..يلة يي

دنروح وجان يدكون على أسد جاوب أسد وضل يفشر عليهم سدة منهم وراح يبدل

أسد...انه بحياتي مشايف ساقط*ن وكو*يد  مثل العندي لا والرضى والمرتضى ...

هوس...زين اهدئ وشنو شكو شصاير

أسد..قصدج  شماصاير  حيموتوني ذولة كو*يد كلشي ميفتهمون

هوس...لحد مطلع أسد وهو يفشر عليهم الفهمته صاير عدهم اشكال بالشغل ...

ومخربطين بي ودازين على أسد هههههه هسة يستلمهم عياط وصياح ....

ندكت الباب وفاتن مريم وزينب وسكينه وبدن يحجنلي ...

اني مو من النوع المعقدة لا اني سبورتية يعني ما اخذ الشي بعياط وصياح مثل بعض الامهات ...

بالعكس اني صادقت بنتي وخليتهة كلشي تجي وتكلي

يعني متأكدة منهة متسوي ابد الغلط  ..... نصحتهن واني ادري بهشام وحسين زينين ....

وثقة مو نكول غربة وما اعرفهم لا بالعكس هشام وحسين ربات ايدي ...

لشوي وراحت مريم وسكينة هم وزينب صعدت نامت ...

لساعة بال١١ رجع أسد واجه تعبااان كلش حبيبي ...

هوس....حياتي جوعان اسويلك عشة

أسد...ياريت ميت جوع انتي هم اكلي وياي

هوس...يي بس كوم أسبح ومحضرتلك اني هدوم والحمام همين أسبح وتعال

أسد ... يي رايح بس سوي شوي هو هواي

هوس...باسني براسي وراح ... بديت احمي الأكل جنت مسوية حميس لحم ...

وكليت بتيته همين وكبة وزلاطة ولبن شرب همين ...

وكليت طماطه همين لان ماشاء الله أسد بس ياكل عندة هاذ شي قليل 🌚💔

اجه كعد وكعدت بصفة ويسويلي لفات صغار ويحط بحلكي 😜

على عناد بعض الناس الحاطين عينهم على زوجي

أسد..عاشت ايد مرتي الغالية (كلت وانه ابوس ايدهة)

هوس ...😋  ثكرا ههههه

أسد...بعد ما اكدر آكل شبعت اروح اغسل

هوس...كام راح يغسل باوعت باقي بس كبايتين بس وشوي بتيته ...

يعني هاي عود بقة وميكدر ياكل 💔😂

سويت جاي وويا فستق وكرزات .... طلعت فلم وطبعا قبل لا اطلع الفلم ...

رحت سبحت وطلعت حطيت كحلة ومسكارا وحمرة حمرة فاتحه كلش

ولبست وتعطرت سهرتنه صباحية 🌚

أجة أسد وصوفر ...

أسد...انتي ناوية تجلطيني بوية وتفتكين مني مو صح

هوس...اسم الله عليك حبيبي ههههه

أسد...لا بوية من صدك احجي شني هاي الكمر هذاك تشوفي بالسمة شعدة يمي ناوي يجلطني بحلاته

هوس....اوووي أسد لتخجلني

أسد...اروح سبع فدوات للخجلان

هوس...ههههه (احس وجهي حيطك من الحمار)

أسد...يالخدك كشر تفاح ما ينباس يتعضعض

هوس...هو كال الشعر وهو عضني حيل بخدي

هوس...اووي هاي شبيك أسد اذيتني

أسد...والله اووي اسف (وهو يقلد عليية)

هوس...ههههه كافي تعال هذ الفلم يجنن بادي

أسد...امشي نشوف وبلكت بسرعة يخلص ترة بوية انه رجال ما اكدر الزم روحي

هوس...واني اباوعلة بطرف عين ...اممممم

كعدنه نباوع واني كاعدة بحضن أسد وكفرته كلساع وأسئلة شي

وكلساع اكلة خاف هيجي يصير وهيجي ههههه اخر شي زهك مني وكال

أسد...حشمرج من الشباج كافي عاد طلعتي الفلم من خشمي

هوس...ههههه

كملنة الفلم وخلص واني بعدني حاطة راسي على صدر أسد واسوي دوائر وهمية ....

أسد...هوسي

هوس....هممم

أسد...باعي بعيني

هوس...باوعت بعيون أسد وتعمقت النظر بيهة وهو همين وجان

( تحبون الشغلات السوقية كلش ادري بيكم وسابقا كلت وارجع اكول يا جماعة النية صفو النية🌚😂😂💔)

وجان يكول أسد

أسد...حجزت

هوس...شحجزت؟؟

أسد...يم الدكتور

هوس... شنو شبيك بيك شي (بقلق وغباء)

أسد...هههههه شبيج ولج مو كتيلي اتعالج احسن

هوس...(رمشت بعدم تصديق وبصدمه) ...ها

أسد....(وانه احضنهة الي قوي)...افييش يي بوية فكرت وقررت اروح واتعالج ...

ما اكدر اشوف دموعج من وراية ..... غلطان واعرف بنفسي ...

اروح واحاول اتحكم بأعصابي بلكت ...

هوس...(هسة يلة طلعت من صدمتي حضنته اقوة ورفعت راسي وابوس وجهة كلة بكل مكان بسته).

ممح..يروحي...محح...يعمري...محح اروح فدوه ...ممحح..

أسد....يي واريد بوية مكافئتي الاولى يلة

هوس...غير من عيوني اطيك ثنين وتلاثة واربعة وعشرة

أسد... بوية انه رجال مؤدب وكاعد عاقل انتي جاي تتحارشين فلتلومين الا نفسج مو باجر تكعدين ..

وتكولين أسد والله اذيتني وأسد بعد ما اجي يمك

هوس...لا وداعتك ما اكول هههههه

وهيج بدت ليلتنه ونتو مالكم شغل برة يلة 🌚

-----

هوس...مرت الايام والأشهر واني براحه عايشة وجلسات أسد ديروح ..

اول جلسات ضاج وعافهن وعصب بس بعدين هدء ورجع للجلسات...

وانتضم بيهن وبالعلاج .... شوي اهاا شوي فقط صار زين ...

شوي احسن .... كام مو على كلشي يتعصب وكلة ريلاكس هههههه...

واني احس من صدك ملكت الدنية ..... كم مرة طلعنه سوة وايدينه على كلبنه اني وزينب..

تروح تصير مشكلة...

بس لا ابد مصارت ومعصب ويمشي ويشتريلنه كلشي يجي بعينه ويتخيلنه بي...

شاف حجل ذهب بسرعة شترى لزينب....

وشافلي دشداشة قصيرة تجنن بسرعة اخذهة ....

واخذنه مطعم وهم مصارت مشكلة مرات اكول هاي الهدوئ قبل العاصفة

كد ممتعودة تصير مشكلة ههههههه .... بس الحمدلله بدة مفعول الدكتور والعلاج ...

وحته الكل منتبه على أسد متغير ... ومتغير للأحسن طبعا .....

-------

مريم ....ورة مكمل الامتحان واني ابجي مو زينه وارسب اكيد بي...

جتي زينب ركض وحضنتني وتهدي بية  شوي هديت طلعنه بالساحه وسكينه هم ويانه ..

سكينة...كافي مريم عوفي الامتحان يولي

زينب...يي والله اذا منجحتي اجيب بابة اخليهم يعيدو للكل والقرآن

مريم....هزيت راسي

سكينة...يلة شجايبين أكل

زينب...مامه سوتلي دولمه وخلتهن

سكينة...ومامه مسويتلي تمن احمر وحاطه ههههه

مريم...واني جبت كنتاكي ههههه وببسي اهم شي

تربعنه وكعدنه الدرس الثاني المدرسة غايبة فبقينه بالساحه وناكل ...

كملنه ولمينه الزبالة الصارت وغسلنه ورحنه شترينه حلويات ...

كعدنه جوة شجرة وناكل ونسولف

سكينة..يي شقررتو ؟؟؟

زينب...والله اني قررت

سكينة..يي

زينب...حكلة اقبل انتضرك وما احب غيرك (بسرعة وخجل)

مريم..هههههه وعليش خجلانة هيج تحثثيني حتكوليلة تعال هشومي نام وياي

زينب..كبر

سكينة...ههههههههه يمه متت هسة من صدك رجعت مريم الاعرفهة

زينب...ونتي شقررتي

مريم...اني يا حبي قررت انو .....

------

زينب....رجعنه وحجيت المامه كلشي وماما نصحتني وكالت الشغلة بقت يمي وهي بكلشي تدعمني...

رجعت وافكر وافكر الى ان نمت ..

كعدت ثانب بوم وهم دكو الباب طلعت وجان سكينة بالباب

سكينة...صباح الخير

زينب..صباح النور شونج

سكينة ...حمدلله

زينب..لعد هشام وينه ؟..احجي واحنه نتمشة

سكينة....دزهم خالو طالب هو ومحمد بشغلة ويجون ورانه

زينب..اهااا .... هلا حسين

حسين..هلاوات يلة

زينب...نتمشة ونحجي باوعن لازم هيج وكت تجي مريم بنص الطريق اشو الغبية ماكو

حته حسين ضل يباوع مستغرب ...طبينه للمدرسة وبدة الدرس الاول ونوب الاول عدنه امتحان

اباوع ماهي ؟؟؟وين راحت

لشوي مر الوكت وجان تجي ركض وفحطانه والمدرسه الحقيرة ضلت تحجي وياهة طيرت همين وكت ...

كامت تبجي ادري بيهة من تتوتر وتخاف تبجي بسرعة ..

كمل الامتحان وهي مزفتة ...

شوي غيرنه نفسيتهة وكامت تضحك واني بالي شون حكول لهشام اليوم ..

اكلة بس انتضرك تجي تخطبني من تكمل .... ما اكدر اكلة اني هم معجبة بيك واحس روحي احبك ...

ما اتجرئ ....

كمل الدوام وطلعنه وهم كلهم موجودين ....

مشنه شوي وجان يكول هشام ...

هشام...اكلكم شباب حروح انه وزينب بشغلة روحو قبلنه ماشي....

واخذ ايدي ورحنه عنهم .... وباوعت اخر شي على مريم تسويلي هيج 👍

رحت واتمشة وية هشام وكف واني وكفت ويا باوع بنص عيني بحب ولهفة ...

هشام...هممم

زينب...همم

هشام..يي

زينب..يي

هشام...حتضلين تعيدين حجيي ههههه

زينب...ههه

هشام...يي شكلتي

زينب...باع من الاخير تريد تريد متريد لتريد اني مستعدة انتضرك ونته كيفك بعد اني حنتضرك وما احب اي احد غيرك ونته اذا تريد همين انتضرني اكبر شوي لان بعدني صغيرة على هيج شي ولتتخيل حخليك تتجاوز حدودك وياي ماشي وبس
(بسرعة)

هشام...شوي شوي بوية هههههه افااا شبساع كلتي كل هذ بالعة مسجل شني ههههه

زينب..ههه هسة يلة خل نرجع

هشام...يي ليش لا نرجع وقبل لنرجع اكلج احبج واموت عليج وانتضريني وعد زلم

اتزوجج يعني اتزوجج ...

زينب...كللش خجلت وبتسمت ورجعنه للبيت سلم وراح واني.طايرة من الفرح ...

سولفت المامه ومامه هم كلتلي عفية وبس مامه مو هلكد بالهة يمي ولا

يم احد بالهة كلة يم بابة لان ديراجع دكتور هههه

------

هشام.....الدنية متوسعني من الفرح اشوي واطكهة هلهولة بس هلهولتي عاوية ما اعرف ...

رجعت للبيت وجانو كلهم كاعدين رحت يمهم وانه ابتسامتي شاكة حلكي ...

امي ترزل بية وابوية والكل يحجي وانه بالي يم زنوبي ...

يم خجلهة مني ..... ااخ ما احس الا خشمي طك دم والكل داير مدايري ...

قاسو ضغطي ولكو عالي مرتفع ويسألوني السبب وانه ما اكدر اجاوب من صدك حيغمه عليي من الفرح .

هههههههه احس روحي بنية وكالولهة اجاج عريس وهي جانت عانس ههههه

--------

مريم...طلعنه وزينب وهشام راحو .... باوع حسين لمحمد وكلة

حسين...يي محمد رجع سكينة وياك اروح انه ارجع مريم

محمد...هسة نرجعهن سوة (بخبث)

حسين...نجبي ورجعي اختي وياج

محمد...ترة اعوفهة بالشارع

حسين...يلة مريم ... ونتي ديري بالج من الزلم (احجي وية محمد)

مريم..ههههه احلا شي من من حسين يحجي وية محمد بصيغة بنية اموت ضحك ...

تمشينه وجان حسين  يكول

حسين...ايي ست مريم

مريم..شنو

حسين....شبيهن عيونج

مريم...شبيهن

حسين...شصاير ليش باجية همم

مريم...اخذت نفس وكلتلة.... تأخرت ومجاوبت بالامتحان ..

اني حجيت هيج واني طكيتهة بجية ...

جنه واصلين للبيت دخلت للحديقة واهو وراي واني ابجي ...

سد الباب وحضني شوي هديت بحضنه دافي جنت محتاجه هذ الحضن كلش ...

مريم..احم

حمحمت وهو وخر وكال

حسين...لتهتمين وربج اذا جتي درجة مو زينه اخليهة تعيدة وغصب عن شاربهة

مريم...امسح دموعي وجان ضحكت من هيج كال

حسين..ايي هاي الابتسامه الحلوة مو قبل شوي عابسة

مريم..بتسمت وبعد معرفت شسوي

حسين...اي شني غردي

مريم .... على شنو

حسين...مو فتيتي كلبي شني جوابج علية رأيج

مريم...باع حثين انت شاب مرتب وماكو منك ومن كتلي نصدمت صراحه ...

بس اني .....

---------

سكينة....الكل راح وبقينه انه ومحمد .... نمشي بطيئ وانه عيني بالكاع

ومحمد يمشي بهدوئ  فكال ..

محمد...سكينة

سكينة...همم

محمد...آسف على بارحه

سكينة..مجاوبت سكتت

محمد ..... آسف والله بس جانت نفسيتي مو زينة ومشكلة ...

سكينة..عادي لتهتم مصار شي

محمد...يعني نرجع اصدقاء

سكينة..يي طبعا ..

بتسملي ورجع يمشي بهدوئ وانه مكيفة رجع يحجي وياي ...

فتنه بمكان مابي ناس هواي وجان يطلعون ولد مبينين مو راحه

وكدامهم بنية ومبين ديتحارشون بيهة ....

فأجوي قريب يمنه ويذبون حجي فمحمد همسلي وكال

محمد....بس اكلج يلة تركضين وراح ماشي وتطيني ايدج

سكينة..ماشي

راح وجان يكول

محمد....هاي شني مو عيب عليكم ماعدكم خوات

.... لك لتصير شريف براسنه

سكينة...

يتبعععع...

------

1757 ... كلمه ...

طبعا فد ملاحظة ....

اجتني رسائل كلش تسم البدن ...وغلبهن يكولون

انو اني شوي روايتي بدت تزيد مشاهدات وهواي عجبتهم ...

عود صرت مغرورة ومتكبرة ومدري شنو ....

طبعا تجاهلت هذني الرسائل ...

واحب اكللكم جان عندي مشكلة بالواتباد حتى مسحتة ورجعت نزلته ...

ونوب رجعت حسابي يلة رجع طبيعي ....

واني من البداية نزلتهة مو بدافع شهرة او عمود التصويت ...

اني مجرد حبيت هيج قصة من نسج خيالي وجيت كتبتهة ونشرتهة ...

وميهموني الي متعجبهم لان مجبرتهم يقرون ...

وكلش اسفة عن التأخير بس انتو همين عذروني مشكلة بالواتباد ومصارت بسرعة ...

وبسس ما اطول عليكم ...

باي

❤❤

----

الأسئلة صدك اشو نسيتهن😂

١-شتتوقعون مريم حترفض حسين

٢-شراح يصير بسكينة ومحمد