سكينه .... صراحه انه معجبة بواحد ..
مريم...صد...(صدك )...دا اكول بس قاطعني و...
دا اكول بس قاطعني واحد فتح الباب قوي كلش باوعت هذ محمد ...
زينب...ها محمد اكو شي غير تدك الباب
سكينة...عوفي دومه هيج مثل الفايكنك ههههههه
محمد....نجببببيييي وحسسسسج ويلةةة برررة (بعياط)..
سكينة...عفوا ونته ش...(شكو)
محمد...كتتتللج برررة من غرفة امممي وياريت برة البيت ككلللةةة(بعياط قوي ووجهة نصبغ احمر يخوف)
سكينه....باوعت بغصة وعيوني غرغرن شون طردني كدام زينب ومريم..
ورزلني ...صح صديقاتي بس حتلو كدام اختي همين ما ارضة او ما احب احد يرزلني ...
كمت بسرعة وزينب تحاول وياي بس انه قفلت الا ارجع ...
فتت من يمه وكتلة ...
سكينة....خلي بعلمك مجاية لخاطر جهرتك جاية لبيت جدي مجاية بيتك ماشي ....
وهلمرة مو عمودك حروح وفكر مرة ثانية تعلي صوتك عليي ...
صدك اخلي الكل واولهم خالو طالب يعلكك فلقة كدام البنات ...
سكينة...وخليت ونزلت بلا محد يحس ورجعت للبيت ...
وامي لحت ليش رجعتي وليش
سكينة...يابة راسي موتني واعتقد حتجيني الشهرية فرجعت
تبارك ... لعد روحي ارتاحي يلة وشوي واجي احاول ما اتأخر ...
سكينة..يي
راحت مامه ورحت للغرفة حطيت راسي على المخدة وكلش مقهورة...
شون عيط عليي وميطيق وجهي اكيد زاعجة وجودي يمهم كل يوم ...
وانه مثل الغبية جيت ونعجبت بواحد غبي وثور وهمجي مثلة ...
امداية مو كلت ما انعجب بواحد منهم كلهم نفس الخ**ة...
شوي شوي وغفيت ....
------
محمد.....جنت طالع وية الولد فرجعت اليوم عزيمه والكل يجي ...
رحت سبحت وبدلت وتعطرت ونزلت لامي ...
محمد...يمههه
نرجس...هياتني شني ليش تصيح
محمد....وين شاحنتج
نرجس...ليش
محمد...يعني ليش شاحنتي خربت وهسة تلفوني بي ٥
نرجس(بطرف عين)...بالغرفة مالي ورجعهة لتبقيهة يمك اغلى منك
محمد...اااخ اغلى مني
نرجس...يلة روح مبية حيل تفاهتك
محمد...تمونين وربج ههههه
صعدت وانه دا اتمشة واغني .....
وجان اسمع همس البنات .... سمعت جملة سكينة لو تخبلت ...
عقل مضل براسي ....
(سكينه .... صراحه انه معجبة بواحد ..)
محمد....بهاي الجملة معرفت شحجي وشكول المهم ما ابقيهة كدامي لان ارتكب جريمه بيهة...
فتت كبل وبغباء طردتهة ...
راحت وشفت عيونهة مغوركه ..... رجعت لغرفتي وكبل للحمام ...
بملابسي وفتحت المي عليي وفتت جوة المي البارد...
احاول اطفي النار الشاغلة جواي ...
وانه تفكيري كلة اليجي كبال عيني ...
تحب واحد....معجبة بي.....زين منوه؟؟؟...
طلعت وبدلت .....نزلت يمهم بس بالي ابد مو يمهم
هسة حسيت بالغلط السويته جيت وطردتهة ... مالي حق اطردهة ....
مالي حق اجي واجبرهة متحب ..... مالي حق اسوي اي شي ....
صافن والف فكرة براسي وحسيت بواحد ضرب راسي ...
رفعت راسي والكل يضحك ...
سجاد...خير عيني شبيك مثل الزمال تصفن بالوجوه
فهد....يي صدك شعدك ولك هههه
طالب...شمسوي مصيبة لخ
محمد..ها
طالب..شمسوي ولك احجي (بجدية)
محمد...والعباس ممسوي شي
طالب...لعد شبيك
محمد...شبية مابية
جبل...لا جذب ولك هشام شبي اخوك شمسوي
هشام...شبي شدراني انه
محمد...شمصختوهة دكلكم مابيةة شي (بعصبية)
أسد...ولك شني عود كبرت وبدة يطلعلك شارب تعلي صوتك علينه
محمد....سموحه منك عمي
أسد...اكعد يلة وكافي مو جاهل هو وكل شوي سائلي
زين ... اني اعرف شبي
مرتضى...والله بلة شبي هاا ولك يحلو (بشقة وهو يبوس بي )
زين....يحب بنية بس هي غبية متدري
محمد...جنت دا اشرب مي غصيت بي وكمت اكحكح
وهم صافنين عليي
هذ شمدري خرب اكفر ...
طالب..هاي عود صدك
محمد...بوية شني تاخذ بحجي جاهل زعطوط
زين...وداعت مامة يحب بنية
نرجس..زين شمدريك ...
زين....مو اني احب همين فأعرف من يعصب الواحد
محمد...مو طفل شيطان
هوس...والله منية جنتي المستقبلية
زين...عود من نكون بحدنه عود اكلج
أسد..كول هسة من شني خايف ولك
زين..لا اكول بس المامه
أسد...جا وابوك جيس روبة ما تكلة
جبل....بوية نته شني مو حاجزيلك بتي
فهد...لا بابة بت عمة محجوزة اله ترة وليش تخلوني اخلي بتي تنهي عليي
(ملاحظة:*..للي ميعرف شنو تنهي عليي فعدنه بالعراق اكثر شي بالجنوب شائع ...
انو ابن العم ينهي على بنت عمة وتكون بس اله يعني محد يزوجهة غيرة ...
وبس ابن العم يكدر ينهي .... وطبعا هذ الشي كلش غلط ...
وعن نفسي خارج اطار الرواية اكره هيج شي لان همجية ....
بأختصار اكره قانون العشاير مال فصليات وهدية ونهوة ....
شي تافه سوو ...يضحون بالبنت ومياخذون رأيهة بشيء...يعتبروهن آلة انجاب وتربية فقط ...
وهذ اكبر غلط ... واحمد ربي منولدت بين عائلة يهتمون للعشائر ...)
-------
مرتضى.. هاي شني وين لاكيهة بت عم تنهي
فهد...يي عادي بتي كلشي بيدهة تغيرة
سجاد...خاب اضربك زيج انت وبتك
هوس...عفية شلحيتو عوفو ابني هو يختار بكيفة ههه
مريم (بشهقة)...خالةةة هاي شنو شهلخيانه
هوس...ولج نتة الج يزن
يزن...كتلج ما ازوجهة
زينب...ليش
يزن...تبوسني قوي
سجاد...بكرا تندم يجميل (مقولة لعادل امام بأحد المسرحيات)
فهد...بضبط ههههههه تكبر وتكول ياريت جنت اقبل
جبل...اسأل مجربين ههههههه
هوس...عوفو هو غصب عنه مريم تزوجه
مريم..يي غصب ههههههه
------
محمد...الكو*د الصغير زين همزين نكلب الموضوع شقة وضحك ...
راد يفضحني الكو*د ....
صبو الأكل ومن كعدنه على الأكل كام ابوية وكال
طالب...جا وين سكينة تبارك؟؟
حسين...صدك وينهة جبتهة انه الصبح؟
تبارك...رجعت للبيت تعبانه تكول
أسد...وجا زينب ومريم وين اشو ختفن؟؟
هوس...اخذن أكل وراحن لسكينة يمهة
مديحة...زين يسوون مخلنهة بحدهة عود جيبيهة حبيبة
تبارك...من عيوني جدة
محمد...رجعت دنكت آكل بلا واهس وهيج نكنكت وكمت
صعدت وباوعت على السكف صافن .... شوي ودخلي حسين...
حسين...شني شبيك؟
محمد...يابة شبية مابية
(شكلك حاب وحاط عيني على اختك تالي وكت)
حسين...الكالة زين جوة صح
محمد...تصدك بحجي زعطوط بربك
حسين...ترة جنت مثلك انه من حبيت مريم اول شي نعجبت بيهة ...
كلت تروح وتروح بس كبرت وكبر حبهة بداخلي...
وهذاك اخوك وروح أسئلة ...
راح يكلك نفس الشي....
خليهة ببالك اذا حبيت صدك لو شما تسوي متكدر تطلعهة من تفكيرك ...
محمد...ساكت واسمع لحسين نوب كام وكال
حسين...يلة اروح
محمد...(بشقة)...هاا حبيبت الكلب بلبيت حتولي من وكت
حسين..يي والله اروح شوي احرك دمهة ما ابقة يمك وجه النحس
محمد..ولي برة لا اكفر بجهرتك ...
ضحك وكام نوب ضليت صافن كمت ورحت للكنتور فتحت الخانه الفوك كلش...
وطلعت من بين الغراض حجل (خلخال)...ورجعت للفراش...
تمددت وبيدي الحجل واتذكر شون اخذته هههه
-----
عودة بالزمن قبل سنة ....
محمد....جنت توني كاعد وعقل مضال براسي تدرون نومت الظهرية ...
وفجأة تكعد تلكاهة مغربية ... لا اراديا تكلب وجهك وتغندب ...
امشي وانه ادردم محد كعدني .... وجان اسمع صوت سبحان الله
صوت خلة الغندبة البوجهي كلهة تروح اعرفة كلش زين هذ الصوت ...
هذ صوتهة!!
باوعت هاي بالبالكونة ....(طبعا بالكونة مالتنه حيل جبيرة وطايرة مثل الكعدة مسويهة)...
طلعت واشوفهة كدامي .... لابسة دشداشة بس بصراوية جنوبية ...
وراسمة جوة حلكهة بفجهة ....شون اهل قبل جانو يرسمون خط ونقاط ...
وصوت الحجل يرن بأذاني ....
وتردد ....
... كان عنا طاحون عنبع المي....
....قدامو ساحات مزروعى بفي ....
تردد وتغني وتلحن بصوتهة ....
خلتني صافن ...اباوع حركتهة ...
تشر وتنكت بالهدوم (الملابس)وتتحرك وية الريح ...
طلعت من صفنتي ولعنت الشيطان ....
وباوعت بخبث ورحت اخبث .... شوي شوي علكيف...
وو
محمد...باااااا
سكينة...ااااا كبر صدك تحجي خرعتني ...
محمد...شهل صوت ولج
سكينة...حلو مو (بحماس)
محمد...بس تخيلي اول مجيت صحت لامي كتلهة شني جايبين بعير بالبيت
سكينة...كبر روح مو صوجك
محمد...جذذب تعالي عبالي بقرة بالبيت
سكينة...شوف منو بعد تحجي وياك
محمد....ههههههه
راحت طبت وهي تركض جان توكف متت انه ضحك ..
هي وجههة صار طماطة خلت وفاتت جيت ادخل واشوف شي يلمع بالشمس...
باوعت هذ الحجل مالهة .... غبية مو اكول يحجون علية ...
شوف وكعت الحجل وممنتبهة... جيت وحطيتة بجيبي
ورحت للغرفة ضميته يمي ما اعرف ليش سويت هلحركة ...
بس مكدرت اطيهيا ..... ضلت تدور عليي الى ان ملت ..
وانه كل يوم او كل ما اضوج او اشتاقلهة اطلعة واضل صافن بي واحركه بيدي....
---
عودة للحاضر...
محمد....ضليت صافن بالحجل الى ان نفتحت الباب انه بسرعة حطيته جوة مخدتي
باوعت هذ هشام
محمد....الكبر يي والله غير تدك الخر*ة المحطوط
هشام...خب دنجب قابل بنية انه وادك
محمد...هسة شتريد
هشام....طيني القميص الاحمر دطلع
محمد...اخذة بالكنتور
اخدة وطلع كمت قفلت الباب لان مرة الثالثة يسوون هجوم العائلة ويفوتون ....
---------
سكينة....من نمت ما حسيت غير على دغات خفيفة باوعت هاي زينب ومريم...
سكينة...هاي شني ولجن ليش هنا
مريم...مكدرنة نعوفج
زينب...يي
سكينة...يروحي نتن ونبي اعشكجن
زينب...ههههه ديلة تعالي متت جوع
سكينة...نزلنه وتربعنه بالمطبخ وناكل ونسولف....
مريم...اكلج ثكينة
سكينة..همم
مريم...اريد لبن اكو نثيت اجيب مناك
سكينة...ليش تحبي
زينب...غير تعشقة وية كل الاكل تاكلة اهم شي بحياتهة ههههه
سكينة...ههههه مثل حسين
مريم...حثين؟
سكينة...يي يموت عليي يااايي نخلقتو لبعضكم والله
مريم...ترة اذا هو يحب اللبن واني احب اللبن يعني اللبن طيب مو نخلقنه لبعض🤦♀️
زينب...متت ههههههههه
سكينة...نجبي نخلقتو لبعضكم
---
مريم...دا احجي وجان يقاطعني صوت واحد
حسين....عوفيهة حجيج صحيح سكينه
زينب...يممه فززتني جني (شبح)
حسين...😑
حسين...حروح ابدل واطلع محتاجين شي
سكينة...يي ياريت قبل متبدل تروح للأسولق تجيب بسرعة لبن ...
وحبشكلات والله مريم مشتهيتهن ..
مريم...ليش تجذبين
حسين...يي تدللين ثواني هسة اروح
مريم...والله جذابة اوكف او....
لااا صدك تحجين ثكينه هثة شيكول ...
سكينة..دسكتي خل شوي ندفعة فلوس
زينب...يي نجبي مريم ههههه
مريم...ماكو خمس دقايق هواي واجه وجايب علاكتين
كبار متروسة من كلشي تشتهين .....
سكينة...هايي شني لخاطر ست الحسن
مريم...(بغباء ولان كالت ست الحسن كلت)..وشبيهة ثت الحثن معاجبتج خاف
حسين....مالج دخل عاجبتهة ونص بعد
سكينة....ديلة متروح بعد
حسين...يي ولج مبقة وكت خل ابدل بسرعة
مريم....شوي ونزل مبدل وكاشخ وعطر سابقة ...
سلم وطلع ...
مريم..اكلج اخوج وين رايح وهيج كاشخ
سكينة..عرس صديقهم
مريم...اهاا
زينب...يي بنات وهسة شسوي
مريم...باعي هثة شوي ومن خالة ترجع نثولف الهة وهي تنصحنه
زينب..يي صح من مامه ترجع عود نشوف شنسوي
سكينة...وانه اجي وياجن
زينب..طبعا
يتبعع
-------
الى هنا ينتهي بارت اليوم....
اتمنى عجبكم ......
وطبعا تصفيق للفائزة الجاوبت صح 😂🤦♀️🤣🤣🤣👏👏👏👏👏👏
👇👇👇👇👇
وبسس باييي
1558 كلمه
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!