بتول.....كعدت ثاني يوم وسجاد بعدة نايم طبيت سبحت ...
طلعت وانشف بشعري وصافنه عليي شون نايم ومرتاح...
زين شني قصوري ويا اشو مدللته وكلشي يريد اسوي وما افك حلكي بحجاية...
معتنية بروحي علمودة ..... ما اتعارك ويا ... كلة حبيبي وحياتي...
قبل سنة كتلة وسألته تحجي وية بنات ....
كلي عفت هاي العادة .....بس بعد ذيل الجلب....
طلعني من صفنتي صوت الباب ...
بتول...منو
صقر...انيي
بتول...فوت قلبي
بتول...فات واجه صقوري حبيبي صار عمرة ٤سنين باسني...
صقر...مامة خل فد شوي نروح لبيت عمو اسد
بتول...ليش
صقر...اروح العب وية زين ويزن مشترين العاب جديدة
بتول...يي عود العصر نروح
صقر..ماشي اكعد بابة
بتول...يي كيفك
بتول...راح صقروي كعد على راس سجاد ويصيح بابة كوم وبابة كوم ...
كام سجاد وخلة صقر بحضنة ويدغدغ بي ويعضة ويضحك ويا...
سجاد...صباح الخير مريتي
بتول....صباح النور
بتول....جان واكف يمي واستغرب لان مبسته مثل دائماً....
سجاد....شبيهة مريتي مباستني من الصبح ضايجه
بتول....سجاد بلا شقة وكوم صقر هنا
سجاد...هااا جا لان صقر هنا يلة حهدج هلمرة ههههه
بتول...راح يسبح وانه اخذت حجابي و اخذت صقر ونزلت ...
شفت نموري همين حبيبي كاعد كعدتهم يمي ورحت للمطبخ شفت سرور وريم وسارة همين واكفات ...
ويمهن نرجس ....فتت وهن انتبهن لوجهي بي شي
سارة....بتولة حبيبتي شبيج
بتول ... بعدين موهسة
ريم....حبيبتي بس كولي شكو ....
بتول....وربج بس خل نكمل ونكعد واسولف كلشي يم هوس
ريم...ماشي.....باوعت بقلق لبتول خطية وجهه مبين صاير شي وضايجه البنات هم
ضل بالهن كعدنه ناكل كلنه وهي ساكته وصافنه فخالة ام أسد تحبهة لان بت اختهة جان تكلهة
أم أسد....بتول يمه شبيج حبيبة
بتول...مبية شي خالة بس شوي دايخة ..
أم أسد...يمه شوفي وجهج شبيج احجي الصدك ولك سجيدان شمسوي للبت
سجاد.....يابة عمة شمسوي ونبي ممسوي شي
جبل...لتجذب كول شمسوي
سجاددد(بجدية)..هاي شبيكم من الصبح عليي كالت تعبانه شوي
مرتضى... سجاادد
طالب....كولي بتول خيتي شمسويلج هسة اطيح حضة
بتول...ماعرف شكول من صدك بطني كامت توجعني مو سهلة ابد مو سهلة حبيبج ورجلج
تكتشفي يحجي وية بنات وكلة يدزن صورهن وحته مكايل مزوج ولا شي...
زين انه مو بعينه يتغزل بذيج وبهاي وانه ....
علي....بتول شبيج كولي شكو
بتول....شسوي هسة ... نقذتني هوس من دخلت وبيدهة حافظة جبيرة
هوس....صباح الخيييررر
زين ويزن وزينب....صباح الخير
مديحة...صباح النور تعالو احبكم
هوس...بوستنه كلنه وكعدنه .
هوس...جبتلكم مربى مال فرولة تجنن
فهد....بربج نتي سويتيهة
هوس...لا والله عمايل بنتي الصاكة هههههه
أحمد....صدك جدو عاشت ايدج كلش طيبة(وهو ياكل بيهة)
زينب...ههه بالعافية (يمممه خجلت اباوع هشام ياكل منهة وهو يسوي بأيدة👌هيج يعني تجنن)
نرجس...يي جنتي المستقبلية يجنن اكلهة
هوس...طبعا يجنن نوب مسوية بالفراولة كتلهة نتي فراولة وتسوين مربى فراولة ...
راح يعلك عدكم كلكم سكر هههههه
أم أسد... يمه حبيبتي تجنن عاشت ايدج
زينب....بالعافية بيبي
نرجس...يي فدوة جنتي تعلمي تسوي هيج اشياء ترة احبهن انه
سرور...عفوا اشو انتي جنتي وجنتي بلكت حاجزتهة انه لابني
نرجس...لا عيني انه من اول منولدت حاجزتهة لابني
سرور...لا ماكو هيج حجي ليوسف وخلص مو صح علي
علي...يي صح جنتي زنوبة
طالب...لا عيني جنتي الي هههه
ريم...ثواني اشو تحجون بكيفكم انه حاجزتهة للؤي
سارة...دنجبي اني حاجزتهة لابني حسن
تبارك...يابة القرار بيد امهة المن تنطيهة
زينب....يمه متت ضحك يتعاركون بالشقة عليية ههههه من سألو مامه ..
اباوع جانت تاكل وحلكهة شكبرة صاير من الاكل ندار الكل عليهة كوة بلعت اللكمه وكالت
هوس...هاا
سارة...منو نسيبج المستقبلي
هوس...والله صراحه يعني بدون زعل
الكل تحمس...يي
هوس...دنفكر اني وأسد نبني قلعة مثل مال ربانزل ونحطهة بيهة تدرون بنته جوهرة ...
نبقيهة ومنزوجهة
زينب...هههههههه
هوس...اروح فدوة لهلضحكة شوفو بربكم جهالكم جلحان ملحان
كلهم ميوصلون لغمازت بنتي
أم أسد...عاد بهاي انه اطبك وياج
زينب...متت ضحك وخجل بنفس الوقت
رقية....لا انه اخلي ابن عمهة ينهي عليهة ماتروح بتنه لغريب
هوس...دنجبي واكلي ههه
رقية...حاضر هههههه
هوس...لا بس اني عاجبني نسيب يجنن وحاطته ببالي
زينب...باوعت بأستغراب
هوس...اكلي يروحي (واني مبتسمه لزوز وقصدي هشام اشوفة مبتسم )
زينب...كملت اكل وكمت للحمام اغسل وجان غسلت وجهي بالصابون ...
كملت وطلعت وشفت هشام تذكرت من كسر تلفوني ...
تجاهلتة وردت انزل جان يصيح
هشام...هاي شنو زعلانه عليية الحلوة
زينب...وخر ما احجي وياك كسرت تلفوني
هشام...اي اذا انتي حاطته بأيد الجهال
زينب...ايي اخواني ورادو تلفوني قابل ما اطيهميا
هشام...زين شسوي عمود ترجعين تحجين وياي
زينب...جيبلي روح نوتيلا احبهة
هشام...من عيوني وبعد
زينب...ووياهة فرولة
هشام..من عيوني وبعد
زينب...وخل اجي وياك
هشام...اخاف عمو ميقبل
زينب...هسة اكول لمامة هي تخلي يقبل
هشام...لعد يلة منتضرج وها شالج لفي عدل
زينب..يي رايحه
هشام ...اباوع لضلهة لملاكي شون راحت اااخ ياترى هذ حب مراهقة ويروح لو شني وضعة ...
----
هشام....مرحبا انه هشام ابن طالب عمري 16سنة انه تربيت بين حنان امي وابوية وعائلتي ...
كبرت وانه متعلق بعمي علي وعمي أسد ....وعيت على الدنية...
وانه حاط عيني على بنت عمي أسد...جانت حلوة تجنن..
بيضة مدنفشة العيون الله صاب بيهة عسل الدنية ...
الحلك .... الغمازة.....الخشم.....مابيهة شي محلو....شعرهة خصل الذهب ...
جنت اشوف بعيونهة لمعة الحزن لان ماعدهة ام....
جانت صغيرة وانه هم جنت صغير....جنت بس وياهة ما اعوفهة ...
اغار اذا واحد من الجهال لزمهة ولعب وياهة ....متعودة عليية لازم
احطهة بحضني واشتري الي والهة ....
جنت طفل ولازم اقرف اذا اكل من حلك واحد...
وفعلا جنت اقرف من لعاب(تفال )...الاطفال ...بس زينب لا ابد مجنت هيج
نفسي ابد متلعب منهة.....جنت ابوسهة من حلكهة وتفالهة كلة بحلكي ومتلعب نفسي...
حسبالي لان انقهر علييهة بدون ام بس الشغلة كبرت
وكمت اخاف من كلشي علييهة.....كبرت وجان تجي بنية اسمهة هوس...
تعلقت بيهة زينب كلش وانه جنت خايف...لان سامع بمرت الاب شسوي وحقيرة...
جنت كل يوم اشوفهة واطئن علييهة بس شفت لمعة الحزن ختفت من عينهة وهذ الشي خلاني شوي احب مرت عمو...
كبرت وكبرت وياي مشاعري .... صرت ما اكدر اذا ما اشوفهة يومية...
بت قلبي كبرت وراح تروح للمتوسطة .... ودائما انه اوصي بيهة ...
انه شاك مرت عمي هوس تدري بية وتغلس .... وهذ الشي خلاني اكثر احترمهة ....
فمرة جنت دا اشرب مي وهي بحدهة بالمطبخ جان تكول
هوس...هشام تدري شي
هشام...نداريت عليهة وكتلهة شني
هوس...تدري انت كلش تشبه عمك أسد ذكي ورجال مثلة
هشام...بتسمت وكتلهة شكرا ...جان تكول
هوس...اني اثق بيك وأأمن بيك كلش
هشام...بتسمت لان مبين تكلي انه اثق من احط زينب يمك كتلهة...
وانه كد الثقة ما اخونهة انه
هوس....وهو هذ الشي الي يخليني اطمئن لانك رجال وثقة ...
هشام...بتسمت وهزيت راسي وطلعت طلعت ضالمهة بالبداية ....
مرت الايام وبس اريد اكبر واخطبهة بس خل اخلص المدرسة اخطبهة ومن اخلص الجامعة اتزوجهة....
-----
بتول...خلصنه كلشي وكملنه ورحنه لبيت هوس..
هوس...يي سولفي شبيج
بتول...اخذت نفس وسولفتلهن كلشي..
سارة....سالفتج تدوخ شحسوين هسة
ريم...انه اكول واجهي وكوليلة
سرور...لا انه اكول عوفي يولي ورجعي لاهلج زعلانه
نرجس...لا انه اكول عوفي الشغلة اصلا لتهتمين
رقية..لا خيولي الرجال بس يخون مالة أمان مرة ثانية
زينب...ونتي مامة شتكولين
هوس...بعد صمت طويل
هوس...شوفي بتول هاي حياتج حبيبتي واحنه وياج بأي قرار ...
بس خل اطيج نصيحتي .... نتو بينكم جهال .... اكيد متردين تدمرين حياتج وحياة جهالج بسبب نزوه...
بس مع ذلك انتي واجهي اليوم من ترحين وكوليلة شنو السبب...
يمكن مقصرة ويا انتي بشي ومتدرين .... كعدي وتفاهمي ويا بهدوئ ...
وصدكي اذا مابيج غلط هو حيندم وحيخجل وحيتمنه ممسوي هيج شي...
لترحين لاهلج لا ابقي وكشخي ولبسي ولتحجين ويا ..
قومي بكل واجباته احجي ويا على كد السؤال انتي تحبي وهو هم ...
لتخلين كم وحدة ادبسزز ومن ورة لحظة شيطان تدمر حياتكم...
ريم...حجي هوس صح
سارة....تدرين حجيج ونصيحتج حلوة بحيث اذا صار وياي شي لا سمح الله بالمستقبل استفاد من حجيج هذ
بتول...ارجع اليوم والله كريم
هوس...ماكو اكرم من رب العباد حياتي
سرور...يي هوس نتي شونج وية أسد
هوس...حمدلله ونتو
رقية...اني مليت واليوم حتكب بيناتنه حاسة مدري ليش
سارة...اني هم
سرور...لا فلحت امي 🤣🤣🤣 كلجن صاكات سنونج على زلمجن
ريم...لانهم يستاهلون
سرور..ولج فهد اخوج يمعزاية
ريم..يي وذا اخوية خل يعدل بين امه ومرته خطية شيبهة
هوس...يي صح حطي حد عاد
رقية...اصبري وشوفي
سرور...اصبري وحيجوج باجر مزوركات ثلاثتهن هههه
ريم...هههههههه قصدج اربعتهن ههههههه
سرور...منهي الرابعة
ريم..انه.هههههه
هوس...كبر هههههه
ومر اليوم بهدوئ
-----
مريم.....جنت كاعدة بهدوئ وتعب....عرفت جتني الشهرية ...
باوعت ماعندي مستلزمات ...اخخخ شيكومني ...
نوب امي بعدهة بالعيادة واخوية ببيت خالي بايت برة..
بدلت وطلعت اريد اشتري ....جانو معزلين طبعا ليل
ااخ وكتهة هسة يعني خرب....اتمشة واتمشة الى ان شفت اسواق...
فتت وادور ادور واخيرا حمدلله لكيت ...زين شون والله استحي اخذ وولد على الكاشير...
دا امشي ونلطمت بواحد باوعت هذ نفسة الي جان ببيت جد زينب...
شسمة جان ااه صح حسين ...
باوعلي من فوك ليجوة ببرود وباوع بيدي...
عزة احس وجهي جمر بسرعة حطيتهة ورة ضهري ضحك بستهزاء وكال
حسين....يعني خجلانه مني اشوفهة ومن الزلم الكاعدين مخجلانه تشتريهة مو
مريم...احس الدمعة وصلت لطرف عيني موقف يخجل
حسين....جيبي
مريم...اجة يمي واخذهة من ايدي واني صافنه عليي شحيسوي ...
راح للكاشير واشتراهة بدون خجل عزة بعيني وجانو يباعون عليي وهو لا مهتم ...
اشتراهة وحطهة بعلاكة سودة وطلع وباوعلي
رحت طلعت وجان يحطهة بيدي ويكول
حسين...ومرة ثانية خلي امج تشتريهة الج لو دزي اي واحد غيرج دامج هيج تستحين
مريم...محجيت شي شحجي ما اكدر كلش خجلانه طلعت جنطتي وطلعت فلوس دا اطيهيا جان يخزرني ويكول
حسين...اكدر اكسر ايدج هسة وخل يجي كواد ويكول ليش كسرت ايدهة ...
مريم..دفع ايدي وراح ...زين اني شسويت شي غلط
اتمشة ووجع بطني يزيد مينقص ....
ردت اوكع وجان اشوف واحد كنبص كدامي ...
مريم...شن..و
حسين...صعدي محد كلج حبقة كل الوكت هيج يلة
مريم...شكرا بث...بث ما اريد (شكرا بس بس ما اريد)
مريم...دا اريد اروح جان يرفعني وشالني على ظهرة
حسين...شش فضيني خل اولي
مريم...سكتت باوعت على ركبته ستغفرلله تشهي الواحد يبوسهة وخاصة لابس زنجيل فضة...
وصلنه بعد مدليته على بيتنه نزلنه وجان دا اكلة شكرا عافني وراح حمدلله والشكر شبي هذ
مريم...طاكة فيوزاته خرب ...باوعت عزةةةة!!!
ضهرة بي دم امداية وبنطروني هم بي من جوة خرب ونبي فشلة
ركضت عليي واني عيوني مدمعة
مريم...اوو...اوكف
حسين...شكو (بأستغراب)...
مريم...قم...قميصك..(بخجل وغصة)
حسين...ها
مريم...قميصك من ور...ورر...ة
حسين...شو دوخي تأخرت (دفع ايدي)
مريم...قميصك من ورة تدمر بالدممم(بعياط ونفاذ صبر)
تصنمت اني شكلت خرب بوجهي دار وجهة عمود يشوف القميص
مريم..او...اوكف
رحت ركض وطلعت قمصلة مالتي بس جانت موديل ولادي بناتي ...
طيتهيا باوعلي وضحك بستهزاء....
حسين ... ترديني البس هاي
مريم..وشبيهة
حسين...بلة بشني افوتهة
مريم...حاول يلبسهة مفاتت بي هههههه نسيت هو اسمن مني واخشن
مريم..اوكف لحظة
مريم...فتت دورت سويتر جبيرة وطلعت طيتهيا ..
هاك هذ البثة وطيني قميصك اغثلة وعود ارجعة الك
(هاك هذ البسة وطيني قميصك اغسلة وعود ارجعة الك)
باوعلي ثواني ونزع قميصة اني بس نزعة نداريت صدك ميستحي نزعة هيج كدامي بالحديقة ...
لبس هذاك وقميصة بأيدة...اجيت اخذة وخر ايدة وكال
حسين...ميحتاج وهسة حروح
مريم...طلع بس شنو احس دكات قلبي الف تقرة اول مرة انحط بهيج موقف...
رجع قبل ليطلع وكال
حسين..(ببرود ووقاحة)...شني ناوية تضلين تكتين دم وتغركين الدنيا
مريم....بس حجة هيج طلع باوعت شنو قصدة نداريت وعززة اشوف غركانه ملابسي بالدم بسرعة طفرت سبحت وخلصت طلعت تمددت واني افكر بالصار وياي ونمت بدون ما احس...
-----
رقية....رجعت للبيت وستلمتني عمة ...
أم أسد...خايسات الجايفات عايفات الشغل ورايحات
رقية...سكتت عنهة وجان تعد وتصف اخر شي كالت ومكدرت اسكت علييهة
أم أسد.... يعرفن بس يلعبن على الرجال لا اهل لا رقيب ولا كتيب
رقية...يلة منو ديحجي عساس مو بت اختج تحومي على الزلم تريد رجال ..
اني كلت هيج تريد تشيل روحهة وتركعهة بالكاع وعياط وصياح ويمهة سعاد تهيج بيهة
والكل اجه على صوتهة وعلى حضي فهد طالع
جبل...يابة مرت عمي كولي يا الله
أم أسد...لك انه هيج تكلي وحد ادبسزز انه
سعاد....خالة سمعتيهة شون تحجي عليي بت المياتم (بعياط)
رقية...بت المياتم اشرف منج ومن عشيرتج كلهة فهمتي لو لا
سعاد...شو تعالي بت بغداد الادبسزز (وهي تهمش بشعر رقية)
رقية...وربج صارلي كومه ممتعاركة شو تعالي اشوفج بنات بغداد شونهن
مرتضى...ولجن كااافييي
ريم...عوفهن تستاهل سعاد خل تتأدب
رقية...جارة شعري واني جارة شعرهة ويردون يفكونه ميكدرون اخر شي عاطت بيبي مديحة ووخرنه
مديحة...كااافي وخرن عن بعععضض
سعاد....جدة ما سمعتي اليتيمة بت بغداد شتكول بلا تربية تجي تحجي عليي
رقية...والله حبيبتي بدون اهل واشرف منج بدون تربية وبلا ما احد يراقبني وتربيت على اخلاق ودين وشرف مو مثلج
أم أسد...يبوووو عليج يمهجومه يالحية بلا أدب وتربية الله ياخذج يلمسمومه انتي وهذيج الساقطة صديقتج الاخذت ابني مني
رقية ..... والله ماكو وحدة ساقطة غير بت اختج البلا تربية وعفكرة صديقتي ماكو اشرف منهة مشوفين ابنج مات علييهة
أم أسد...كتلكم ساقطات ما اخذهن لولدي محد وكف وياي
رقية...هم ولدج ذبحو روحهم عليينه بعد على شنو هلمسرحيات يومية
عفتهة وصعدت وهي تعيط وتدردم اخر شي رتفع ضغطهة وراحت
سرور....يا يمه على العركة تجنن عياط وصياح بس وربي رقية قوية
سارة...طبعا غير تربيت هوس
ريم...يي ولج انه خفت كلت هسة تهجم على مرت ابوية
نرجس....والله انه هم كلت هيج
----
رقية...نزلن البنات من يمي ورة مطمئنو عليي كعدت ونومت محمد وفاطمه...
كاعدة وجان يفوت فهد وهو يرجف من الاعصاب
اجاني وبسرعة ضربني راشدي
احس نسطرت من ورا كومني من شعري وهو يعيط
فهد....ولج ادفنج هناااااا شووون تتجاوزين علىىى اميييي هاااا
رقية...امممككك متحترم تستاهللل
رجع ضربني راشدي احس وجهي خدر من عندة خنكني وهو يكول
فهد...هسة كدام الكل تنزلين تعتذرين
رقية...شايف نجوم السمة اقرب الك....
بعدني ممكملة وضربني على حلكي نجرحت طرف شفتي
رقية.....اننننييي شجابرنننييي ابقة هنا ونبي ما ابقة هنا اني
فهد...نجبيييي وولللي عاااددد
رقية.....ياااا اننيييي ياااااا امكككك
رقية...احجي بحركة والجهال يمي يبجون بسكوت
فهد....تنزلييين ياااا رقييةةة لو والامام علي ما اعدي هليلة على خيييرر
رقية...ومنو كال اريدك تعتديهة على خيييررر هاااا
فهد...نزلللييي عاااادددددد
رقية.....طلكنننننييي ما ارريدددك
فهد....ها واطلكج ووين توليين هااااا وينننن
رقية...مالك شغل طلكني يلةةةة
فهد...وووين تبقين هاااا اشو حته اهل ماعندج وييين ترحييننن تنامينننن بالشوارع هاااااا
رقية...الكلمات متعبر الاني بي من الشخص الي وثقتي بي وتحجيلة عن ماضيج
وتأمنين بي يجي يحجي هيج شغلات تحسين بصدمه الكلام يروح من السانج
اباوع عليي يتنفس بعصبية واني حته دموعي جفن ما دمعت حته مثل الصنم واكفة واباوع بالفراغ...
وكف وجمد بمكانه هسة نتبه لكلماته الاجتي سهام بقلبي...
اجاني وحط ايدة على جتافاتي وكال برجفة
فهد....رق...رقية...والعباس...مو ..مو...موبقص
رقية...وخرت ايدة دفعتهن ودموعي ينزلن بهدوئ ورحت للكنتور ....
طلعت هدومي والقديمه على شرط ابد مطلعت من ال
لهو شتراهن الي..
طلعتهن وهو يتنفس بغضب ..... باوعت محمد مفرفح بجي وفاطمه شابكته وتبجي
اخذت الجنطة ورحت بدلت الهم وامسح بدموعي ...
فهد...رقية... حبيبتي عوفي العناد والعصبية وربج ساعة شيطان مو قصدي(ببجي ورجفة )
رقية...وخرت من عندة واني شايلة محمد وفاطمه يمي تمشي مباوعت لاحد وطلعت
من طلعت اسمع صياح فهد .... بس احس برود بداخلي...
رحت ركض لبيت هوس قبل ليلحكني.... فتح أسد الباب وهو مخترع شصاير..
أسد...منو منوو
رقية...انن...اني
فتحلي ونصدم
أسد..دخلي دخلي بتي شصاير
رقية...(ودموعي تنزل)...فدوة أسد صيحلي هوس
هزلي راسة وراح جتي خطية وهي مخترعة ومبين فازة من النوم ...
راح أسد دخل جوة وهي جتني شبكتني واني ابجي...
جتي زينب واخذت محمد وفاطمه دخلتهم لغرفة زين ويزن تنومهم
واني اخذتني هوس لغرفة زينب...
هوس...شبيج يعمري شبيج منو وياج شمسوين بحالج
رقية...يعيرني هوس يعيرني الكل يعيرني شلي دخل اني هاا شلي دخل(بغصة وبحة)
هوس...ماعاش اليعيرج واني عايشة يروحي كوليلي كولي لاختج شصاير خل تاخذلج حكج وكولي خيتج مكالت ...
رقية...اول مرجعنه منج وجان......وسولفت الهة كلشي
هوس.....يرحون فدوة لدموعج يقلبي اني الهم باجر اني الهم نامي ورتاحي ويجيج الصافي يعمري...
رقية...طتني حباية مهدئ ومنوم وحاطتني بحضنهة ....
حضنتهة قوي .... هي امي....واختي....وصديقتي....
هوس... احس بالامان يمهة فقط ..... ربتني على الشرف والاخلاق ....
نمت ومحسيت بشي ابد ...
----
هوس...نامت اختي الغالية ونزلت جوة باوعت أسد وزينب كاعدين .
سولفت الهم كلشي ....
أسد...لا اله الا الله وتالي
زينب...شون هيج عمو يضربهة حرام وشكو هيج يكلهة
هوس...حبيبتي بنتي الغالية لتهتمين ارجع حكهة من كل واحد نزل دمعتهة
أسد....هوووس امميي
هوس....اختتييي هاييي تريد لتتدخل ماشي بس اختي اخذ حكهة ماشي مو اختي التتعير واني راسي يشم الهوة
زينب...وشحسوين مامه
هوس...تبقة يمنه والله كريم روحي رتاحي ونامي فوك وباجر لتبينين شي ماشي قلبي ...
هوس...صعدت زينب وبقيت وية أسد
أسد....باجر احجي وية فهد
هوس..لا تحجي ولا أبد بس اذا رادو يرجعوهة مترجع الا هي تريد ماشي
أسد...طبعا لا بموافقتهة
هوس...كوم ننام باجر وراك كعدة من الصبح
هز راسة وراح ينام وطبعا محجة شي ههه شيحجي وهو عمود امه مابقة شي مسوا
ضرب حرك اهانه كلشي عمودة سوا وياي...
عشت هذ الاحساس وابد ما اريد اعيشة لاختي
وحبيبتي ..
خل يطلع الصبح ويصير خير.....
يتتببععع
------
الى هنا ينتهي بارت اليوم ...
نشالله عجبكم ......
بااي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!