رواية هوس الأسد الفصل الثامن وثلاثون 38 - بقلم Qdark781

زينب.....

كعدت الصبح وغسلت وبدلت نزلت والبيت مابي روح ..

اباوع لازم مامة هيج وكت بالمطبخ على الطباخ وتسويلي بان كيك...

وانزل واني مبتسمة بس اشم ريحة البان كيك...

ذبيت حسرة وطلعت قشطة وتوست ومربى اكلت شوي ...

واخذت حليب من الثلاجة ككو وبسكت وحطيتهن بالجنطة

طبيت لغرفة مامه وبابة وشفت بابة حاضن مامه بقوة ونايم ...

اوووف يا بابة اووف بس لو يخفف عصبيته وغيرتة الزايدة ...

فزت مامة وضليت اغلط على روحي فززتهة ...كلتلي اخذ فلوس ..

اخذت وبستهة وطلعت ...

طلعت من البيت وسكينه ومحمد وهشام وحسين بالباب...

زينب...صباح الخير...

الكل...صباح النور

زينب....هزيت راسي ومشيت بصمت وهم بالهم يمي كل شوي ويكولون شبيج واني اكول مابية شي

بس بعدين صفنو وعرفو...هه مو اول مرة دائما يصير هيج وهم جانو يعرفون ...

ويشوفون شون مامه ثاني يوم تطلع مزوركه ...ااخ ااخ

بنص الطريق وجان قرد يكمز عليية

زينب...اااخ

مريم...صباااحححح الخيييررر يروحيييي ..(بأكبر ابتسامه بحياتي)

زينب....صباح النور

سكينه...جا واحنه

مريم...صباح الخير وصباح الفُل والورد لاحلى ثكينه بالحياة(بضحك) صباح الخير

سكينه...هههه شبيج ولج اليوم فرحانه جعل ايامج كلهن فرح

مريم...فدوة لحلكج هههه

مريم...شبيج كالبة البوز جنج القرد مال ابن عمي ههههه

سكينة...ههههه امداج 

مريم...عيييعع رجعي عبثي باع ثنونج

زينب....احلا من ثنونج مال ارانب

مريم...عاجبتني انتي شكو ممم(طلعت لساني)

زينب...وجه ال ستغفرلله ولي مو بمزاجج ومزاج طفولتج

مريم...تربية ثزز اكبر منج اني

سكينة...يي صدك مو اكبر انتي ههههه

مريم...بلا أدب هويثة معرفت تربيهة

زينب...كملت طريقي ووخرت منهن لان صدك مالي مزاج اضحك وامي جاي تتأذة

وبس ابقة القرد مريم تضحكني

----

مريم...هاي شبيهة

سكينو(بتنهد)...اعتقد همين عمو وخالة متعاركين

مريم...اممم....

صفنت بزينب شون مقهورة على امهة واصلا اني اعرف من البداية

لان كل ميضرب عمو خالة هوس زينب هيج تنقهر وتحمل روحهة الذنب ...

سكينة...يي خاتون ونتي ليش فرحانه

مريم...يييي صدددك ولج فززت بالمثابقة

محمد...عليج الله وشربحتي

مريم..(نداريت عليي وكلت بحماس)...موبايل آيفون

محمد...هه كلش صدكت

مريم..ونبي

محمد..(بتفاجئة)...نيالججج

مريم...اني مفرحانه عمود الهدية لاا بث تحديت بت خالتي

محمد...اهااا

مريم..يي عندي آيفون توه عمي جابة الي جديد

محمد....لعد دجيبي الهدية الي انه شاب مسكين

مريم...والله تريدة !!

هشام...يشاقة بابة هههه

مريم...ليش والله بالباكيت مفاتحته اخذة

محمد...بابة عندي هياته فوني

مريم...اممم

-----

سكينة....نتقلت لمدرسة زينب ومريم وشكد تونست وياهن ...

خوب مريم كل شوي مترزلة درجاتهة سحك وهي وزينب بس يترزلن يضحكن ويسولفن

يابة متت وياهن والبنات شون يتوسلن عمود يمشن وياهن وهن ميعبرننهن...

ففد يوم كعدت بسرعة بسرعة كملنه وطلعنه نتمشة نروح لزينب ...

رحنه وجان تطلع وعابسة سألتهة مجاوبت بعدين صفنت....

اكيد هم عمو ضارب.خالة

باوعت زينب مقهورة وحته عيونهة حمر مبين باجية ودتحبس دموعهة ...

ما الومهة اي واحد ينقهر على خالة هوس ...اتذكر شون مرة بالغلط شفت آثار الضرب

خترعت ضهرهة جان مدمة كلة جويات جكاير وضرب بالحزام ومبين بوكسيات حته ...

بوكتهة من الصدمه بجيت ابجي وانه محاسة ...

جتي مريم وحاولت تضحكهة بس عافتهة ...

صفنت مريم ووراهة راحت يمهة كلهم مشو وانه تأخرت لان ربطت حذائي ...

فنتضرني محمد ...امشي وانه صافنه ومقهورة

محمد...مقهورة همم

سكينة...شتكول

محمد...اااه انه هم مقهور متستاهل خالة هوس ابد

سكينة..لو تشوف جسمهة محمد مرة قبل هاي شفته ونبي نصدمت والدموع تنزل وما ادري بروحي

محمد...بعد غير غيرة عمي الزايدة

سكينة...ما اريد ازوج بالمستقبل هيج رجال ابد غيرته هيج واصلا ما اريد منا ازوج كون من غير عائلة

سكينة...حجيت هيج ورحت فتت للمدرسة...

كملنه اول درسين وصارت فرصة ...

طلعت اللفات مالي ... ومريم طلعت البيتزا جايبة ...

وزينب ولا شي بس كيكة وحليب ككو ...

دائما تجي جنطتهة محملة لان خالة تعبيهة بس هسة فارغة ...

لا ارادية نقهرت والله بدون خالة هوس زينب تضيع ...

خالة هوس هي الي بنتت زينب ...... خلتهة شخصية وماكو مثلهة ...

وزينب بدون امهة ولا شي ... جسد بدون روح ...

والله اخاف فد يوم ضربة من ضربات عمو أسد وتموت بأيدة خالة ...

شيصير بزينب تموت وراهة والله ....

تشاركنه الاكل وزينب بس هيج مدت ايدهة مالهة نفس تاكل....

كملنه ورجعنه للدرس وهيج مرت الدروس ... كمل الدوام

ورجعنه للبيت ...

----

محمد....نتضرت سكينة تخلص ومشيت وياهة وانه هم منقهر على خالة هوس

جانت كلش زينه وية الكل محد يكدر يحقد علييهة ...

اتذكر اول من شفتهة اجت وردة مفتحه ...بأيد عمي بدت تذبل

عمري مشفت شي موزين ضدهة  .... مشيت وحجيت وية سكينة ...

بس من كالت ما اريد اتزوج واحد منا .... احس كلبي نقبض ..

دكاته سرعن ضليت صافن ..... تخيلت تزوج من صدك واحد مو منا

لا اراديا عصبت ونقهرت .... معقول انه لا ....لالالا ومليون لا

انه مالي شغل بهيج شغلات وكلت ما احب ادخل روحي بيهن

لا احبهة ولا ابد ...ما اصير مثل حسين وهشام ...

ما اصير هيج ابد ما اريد ...رحت للمدرسة...وانه بالي مو يم الدرس اصلا

كملنه ونتضرنه البنات ....طلعنه وانه امشي وصافن بنرجس ...

معقول احبهة ....يي ليش ما احبهة اشو بنية اخلاقة تجنن

شريفة .... مؤدبة طول عمري مشايف شي موزين عنهة...

بعصبيتي كلهة تروح من ازعجهة.... يي يمك...

محمد....هاي شبيك محمد تتخخخبلللت ماكو هيج حجييي (بعياط)

باوعت عطت والبقية نتبهو عليي ..حسين غمني وهشام باوعلي بيأس

اااه معقول زين شوكت

يمته ؟؟؟

-----

زينب...رجعت من المدرسة الي رحت بدون فائدة هيج مفهمت ولا درس

فتت وكفخت بخشمي ريحة البرياني ...... ركضت للمطبخ ..

واشوف مامه مطيتني ظهرهة وهي كاعد تكلب التمن على الطباخ

ما اكدر احجي العبرة خنكتني الله ليحرمني من هيج منظر ابد ...

يرد الروح ...

ركضت حضنتهة ودفنت راسي برقبتهة وابوس بيهة ..

هوس...بنتي الحلوة اجت

زينب...شتاقيتلج

هوس..اني اكثر يروحي

زينب...شونج هسة

هوس...صراحه من شفت وجهج صرت احسن ههههه روحي بدلي يلة وصختيني الله يطيح حضج

زينب...ههههههه

ركضت ابدل ونزلت واشوف مامه حاطة صينية الغدة وزين ويزن كاعدين يمهة

ولا واحد متغدي منتضريني ...

كعدنه ناكل ونحجي بفرح اني واخواني مامه ويانه ...

هاي الكعدة الواحد يدفع عمرة علييهة ...تكعد وية امك وتسولف وتضحك ...

تحس براحه راحه متنشرة بفلووس الدنية كللهة...

كملنه واني غسلت المواعين كلهن كملنه وفرشت بالهول فراسات وطلعنه فلم

نتفرج عليي ... ونضحك

جان فلم سبونج بوب نباع ونضحك

لشوي وبدينه نغفي ونمنه واحنه نتحاشك بحضن مامه

ههههه حضن العافية ....دافي وماكو منه

لو تجيبون بطانيات وسبالت العالم كلهن ...مراح تحصلون هيج دفو ..

------

مريم...رجعت للبيت واني بالي يم زينب وخالة ...

فتت وكالعادة البيت فارغ ومابي روح ..

مرات اتمنى لو زين او يزن كبار وينعجب بية واحد منهم ويزوجني بس

علمود بس اروح يم خالة واجرب الدفو مال عائلتهم اعيش بي...

طردت هاي الافكار ورحت للمطبخ ورة ملبست تراك رياضي

باوعت فارغ المطبخ ومكتوب ملاحضة ...من مامه

*حبيبتي مريوم بس تجين روحي للأسواق هاي فلوس جيبي هاي الغراض لان ما الحك اروح اجيبهن
صدر دجاج و......*

اخذت الورقة ورحت للأسواق

وجان ....

يتتتبعععع

---

ادري قصير سوري بس جنت طالعة وكدرت بس هذ اكتب

ونشالله عجبكم ...

وشتتوقعون 🤔...

محمد حيطلع صدك يحب سكينة لو هيج مجرد اعجاب وبعدين تطلع غير وحدة بحياته ؟؟

وشتتوقعون حيصير لمريم ؟؟؟

وبسس نتضروني ببارت جديد

1090 كلمه