الفصل الثالث

رواية هروب للمجهول الجزء الثالث 3 بقلم جيجي هروب للمجهولرواية هروب للمجهول الحلقة الثالثة وكانت بترجع لورا لحد ما خبطت فيه وقفت بخضه وبقت تنزل عبايتها وقالت… يه بسم الله الرحمن الرحيم كح ياجدع ولا اعطس خلعتنى يوسف… اكح وانا داخل بيتي ليه هو مين الغريب ومين الصاحب رباب… انا الغريبه بس من باب الزوق انك تكح وانت داخل يوسف… وانتى وش زوق بتعملي ايه في ناس بتمسح الارض بالقماش دلوك رباب… اه امال بتغسلو الارض كيف

يوسف.. فى مكانس كهربا رباب… لعلمك المكانس والحاجات اللي انتم جايبينها دي ما بتنضفش يوسف… لا والله والخلقه اللي في ايدك هي اللي بتنضف رباب… ايوه بتخليها فله والكلور ومساحيق تنضيف والميه وتفضل تمرش كده رايح جاي الارض تبقى فله يوسف… انتى عندك كم سنه رباب… 17 ونص انت بقى عندك كم سنه يوسف… 40 وحاجه بس مش فاكر اثنين ولا ثلاثه اربعه رباب… ايه هو انت ما بتحتفلش بعيد ميلادك كده وعارف ارقام يوسف… لا ما بحتفلش بعيد ميلادي

رباب بحزن… انا كمان ما بحتفلش بعيد ميلادي بس كنت اتمنى احتفل كيف البنات بس ما عنديش حد يعملي عيد ميلاد ويفاجئني ويجبلى هديه انا عيد ميلادى بعد اسبوع انت بقى عندك الناس اللي تحتفل وعندك الفلوس اللي تحتفل بيها ليه ما تعملش عيد ميلاد يوسف.. احتفل بان سنه من عمري طارت رباب… لا تحتفل بانه هتبدا سنه جديده مع ناس بيحبوك تحقق احلامك فيها انت مش كيفي انا العمر واقف عندي في حاجه معينه ومعروف اخرها انما انت تقدر تغير

يوسف… بصي هو ما فيش حاجه اسمها العمر واقف عند حاجه معروف اخرها لان ماحدش يقدر يعرف اخرها دي اقدار وربنا كتبها فوق ما تعرفيش اللي بكره كاتبهولك ما بين رفه عين ورفت عين بيغير ربنا الحال لازم تثقي فيه ما ينفعش تقولي ده اخري ثانيا تعالي هعلمك تستخدمي الاجهزه اللي عندنا اللي ما بتنظفش واهو ارحم اديكى من المرش رباب بكدب… بس انا بعرف استخدمها انا يوسف… تعالى بس بلاش ملاوعه بصى بنشغلها كده دوسى رباب.. خايفه

مسك ايدها وقرب منها وبقى يحرك ايدها على زرار المكن وبقى يعلمها ازاي تستخدمهم رباب .. الله دي حلوه قوي بدل ما الواحد يوطي ويقطم وسطو يوسف… عارف تعالي بقى اعلمك على مكنه القهوه رباب… حاجات حلوه قوي باين عليها غاليه كمان يوسف… قولي لي بقى الصبح خدت بالي كنتى مركزه معايا انا ورقيه قوى لى رباب… اقسم بالله من غير قصد انا حتى قريت المعوذتين عشان ما احسدهاش يوسف… ايه وتحسديها ليه بقى

رباب… عليك انت صح يدك طرشه وغبي وما بتفهمش بس انت جميل قوي مع اللي يخصك يعني قلقت عليها مع انك حططلها سواق مخصوص وبيدك تعملها السندوتشات تحسها ملكه كده حاجه حلوه يوسف… انت ما عندكيش اخوات رباب… لا ما عنديش اي راجل في حياتي زيك… انت مفيش عموم زيك في الدنيا اصلا بتحسك غير كده يوسف كان بيسمعها باعجاب بس حس بدقات قلبو الى زادت قال بغضب…. انتى هتصاحبيني يا بت ولا ايه خلصى شغلك بسرعه

واخد بعضو وطلع فوق ودخل الحمام وفتح عليه الميه وبقى يفكر فيها وفي كلامها بس نفض دماغه من الافكار اللي فيها اما هي فكانت بتقول… يكون هادي كده وفجاه يقلب كيف موج البحر اى دا نسى التليفون بتاعه اروح اوديهوله ولا يزعق دا بيرن كتير هديهوله امري لله بقى يعني هي اول مره تزعق

طلعت فوق بقيت تخبط على الباب مفتحش فتحت الباب ودخلت حطت الموبايل على الكمود ولسه هتطلع شافت الافعى الكبيره اللى على السرير صوتت بصوت عالى يوسف لبس منطلونو وطلع جرى بس وقفت قدامو وفردت اديها تخبيه وراها وقالت برعب… حيهه كبيره هنه جيب حاجه اخبطها بيها بسرعه اقولك تعالى طلعته بره الاوضه وقفلت الباب وقالت… خليها جوه محبوسه معاك سلاح يوسف… اهدي دي الافعى بتاعتي انا ومش سامه على فكره رباب بستفهام.. كيف يعني بتاعتك

يوسف… الحيه بتاعتي انا بربيها رباب… يشيخ ربى روحك الاول ضاقت بيك مربى حيه ربى قطه ربي كلب ولا فار حتى يوسف…. انتى مالك انتى واى دخلك هنه من اصلو رباب… تليفونك قاعد يرن تحت انت سبته تحت وجيت اجبهولك ودخلت لقيت البتاعه دي وخفت عليك قوى يوسف.. خفتى عليا ليه بقى ان شاء الله ملكيش دعوه بيا لوشفتيني بموت ما تدخليش تديني ميه يلا امشي

رباب.. طظ فيك مش قاتله نفسى عشان اخش اوضتك يعنى هنخش الجنه يا خى انا غلطانه اصلا اللي عبرتك بني ادم وهات التلفون هلقحو مطرح مجبته مش شغاله عندك انا وخدت الفون ونزلت تاني يوم الصبح كانت واقفه في الصاله مجهزه السفره لحمزه نزل يوسف قعد وقال… ايه كل دا رباب… انا عملت كل الاكل دا تحب تاكل اكلى هيعجبك قوي جميل والله ونظيف انا بغسل يدي زين يوسف… لا والله مش قصه نظافه بس ماشي هاتي فطير من اللي انت عاملاه ده شكله حلو

رباب جابت حطتلو وقالت.. كلو مع جبنه ولا العسل بيبقى جميل قوي انا بحبه بالجبنه يوسف… ما تقعدي تاكلي مدام بتحبيه رباب… مين انا اقعد معاك انت صاحب القصر وانا الخدامه نسيت اياك يوسف… قلبك ابيض اقعدى قعدت عشان تاكل معاه وقالت… مبسوطه كده والله انه عجبك انا كنت عامله لحمزه بس حلو انك كلت منو

يوسف… والله هو الموضوع ما كانش ليه علاقه بيكي اصلا الموضوع له علاقه بالستات كلها انا ما بحبش الستات عامه وما تسالينيش ليه بس انا ما بحبهمش عامه اختي بس علشان اختي هي قاعده في البيت لو ما كانتش اختى كنت رميتها بره رباب… بس ده غباء لا مؤاخذه ما تزعلش مني يعني يوسف… ازعل لى ما انت قلت غباء وخلصنا رباب… لانه الواحد ما ينفعش يكره حاجه ربنا عملها حتى المرض ما ينفعش تكره لانه بيكفر ذنوب يوسف… كويس انك عارفه انكم تكفير ذنوب

رباب… انا ضربت لك مثل باصعب حاجه اللي هي المرض بس بالك انت الستات هم اللي بيكملوا الكون هما والرجاله مينفعش نستغنى عن صنف منهم انت بس شكلك كده ملسوع من الصنف بس ربنا بيخلق راجل كويس بيخلق قصاده ست كويس ولما بيخلك راجل وحش بيبقى فيه ست وحشه تدعي انت بقى ايه بنت الحلال على فكره انا مش عايزه اعرف بتكرههم ليه انت هتجى وهتحكيلى بنفسك يوسف… يا واثق انت انسى الموضوع ده انا قفلته من زمان رباب…هتفتح قلبك معايا وتحكيلي

يوسف… ابعد من احلامك يعني بصي لما تشوفي قفاكى رباب.. تؤ هتحكى وهسمعك يوسف… مستحيل… رباب.. وان حكيت يوسف اطلبى مني طلب تمام كدا مدت ايدها وقالت… اتفقنا بص لايدها شويه وحط ايده في ايدها وقال… اتفقنا بس تبدلت ملامحها بسرعه اول ما سمعت صوت حكيم بيتكلم مع الرجاله اللي بره قالت برعب… لقينى هيموتنى هيموتنى واتخبت فيه بسرعه قال بستغراب.. مين اللى لقيكى اهدى انا معاكى محدش يقدر يقربلك

بصي روحي اقعدي في المطبخ وانا هطلع امشيهم تمام اهدي ما تطلعيش ابدا مهما حصل انا هحميكى وطلع وقال… فى اى حكيم.. شفت البنت دي اللي في الصوره دى بص للصوره كانت صوره رباب حكيم… هربت منى وبدور عليها شفتها في حته يوسف… لا مش عندنا يلا اتفضل بقى شوف هتدور عليها فين حكيم اخد رجالو ومشو وهو دخل البيت بغضب وقال… انتى انتى هربتى من ابوكى هربتى من بيتكم ليه كده غلطت مع حد وعرفو صح

رباب ببكى… اى الكلام ده خاف ربنا انت عندك اخت الموضوع مش كده ده مش ابويا يوسف… وايه يعني مش ابوكى خالك عمك جدك انا مالي هربتي منه ليه رباب.. عشان هو مش جدى هو جوزي يوسف… وازا يعني جوزك هاربه منه ليه…… ايه جوزك انتى متجوزه ده دا معدى السبعين رباب… اظن كده عرفت هربت ليه يوسفقعدها وقعد جنبها وجبلها ميه شربت وقال… طب اهدي تمام انا معاكي

رباب… انا كنت 16 سنه كنت راجع من المدرسه طالعه الاولى على المدرسه ومبسوطه رجعت لقيته عندنا في الدار بعد ما مشى قالى عايز يتجوزك قلت مش عايزه كبير قد ابويا عمى قال دا راجل ما يتقالوش لا وجوزني ليه متجوز ثلاث مرات قبلي حريم كبار ضربوني مرمطوني وفي يوم كنت بنشر الغسيل وقع مني نزلت اجيبه كان في واحد معدي لقاه شالها من على الارض وادهالى والله العظيم ما كلمتوش حتى اخذتها منه ودخلت مرتو حبستني في المخزن لحالى قرصتني حاجه اما عرف كمل عليا بدل ما يطلعنى سابني مربوطه في المخزن وعاقبنى زى عادته كل ما يفكر انى غلطت

يوسف.. ازاى يعنى رباب بحرج… يعنى بيكون جوزي لا بيعتدي عليا اختو هربتنى واخوك لقينى يوسف بضيق…. طب وانتى لى قاعده مع عمك فين امك وابوك رباب… ابويا زمان قو مات خوالي خدوا امي جوزوها لراجل تاني وقالو لعمي مش هنربى عيال حد قعدت مع جدتى شهرين وماتت عمى خدنى عنده كنت بكنس واطبخ وامسح وفي الاخر جوزني لحكيم على فكره هو معايزنيش عشان انا مرته هو عايزني علشان يئدبنى عشان هربت منه انا مش هعملكم مشاكل همشى

يوسف… لا لا تمشي ايه خليكي هنا واللى يقربلك اخرب بيتو رباب…. بس انا كده هعملك مشاكل يوسف… انا جاهز لاي مشاكل وهحميكي منهم كلهم لو كلفنى روحى هفوت عشانك فى حرب ما تخافيش اطلعي اوضتك ومتقلقيش من اى حاجه خالص انتى من النهارده في حمايتي رباب ابتسمت ابتسامه جميله جدا وطلعت على اوضتها وبالليل حمزه رجع وراحلها الاوضه خبط على الباب رباب قالت.. عايز حاجه اعملهالك

حمزه… لا ابدا انا جيت ادردش معاكى شويه وقعد معاها وبعد شويه جت رقيه وقفت عند الباب سمعتهم بيضحكوا دخلت وقالت بغضب…. انت بتعمل ايه هنا حمزه… في ايه قاعدين نتكلم شويه تعالي اقعدي معانا رقيه…. مش عندك شغل الصبح قاعد سهران ليه حمزه… طب ما انت عندك مذاكره وقاعده هنا وسايبه المذاكره وسهرانه رقيه… انا اقعد براحتي حمزه… طيب خلاص اقعدي حد قلك نامي بنت عجيبه محدش عارفها عايزه ايه في البيت رباب… هو انتو مخطوبين

حمزه… لا انا شخصيا مش مخطوب خالص ولا متجوز بس اليومين دول بفكر في الموضوع يلا انا ماشي اصلا مدام دي جات مش هنعرف نقعد ولا نتكلم سلام وراح على اوضته ورقيه لسه هتمشى بس وقفتها رباب وقالت….. بتحبيه رقيه…. هو ايه ده رباب… حمزه بتحبيه رقيه… انت مين قالك الكلام الاهبل ده رباب…. فهمت من عينك نظراتك وغيرتك عليه اللي قالوالي رقيه… انتى فاهمه غلط ما فيش حاجه خالص من الكلام ده

رباب بخبق.. ماشي انا كنت اقدر اساعدك لو بتحبيه اخليكى تلفتى نظرو ويعجب بس طالما ما فيش حاجه من الكلام دا خلاص بقى انا غلطانه رقيه… انتى تقدري تعملي كده رباب… اكيد رقيه…. كيف رباب… هاقولك بعد اسبوع من المحاولات كانوا واقفين قدام اوضه حمزه ورقيه بتقول…. انتى متاكده من اللي هنعمله دلوقتي ده رباب… ايوه طبعا انا متاكده يلا روحي رقيه دخلت اوضه حمزه وقال… ايه في ايه في حاجه

رقيه… لا جبتلك الفطار وهمشي على الجامعه فقلت اشوفك قبل ما امشي حمزه…. اشمعنا يعني ما كل يوم بتمشي وانا نايم عادى رقيه.. عادى حسيت اني عايزه اشوفك حمزه… ايوه انا هموت ولا حاجه عموما ماشي يلا روحي عشان ما تتاخريش على المدرسه رقيه… طب ايه رايك توصلني حمزه… ليه الطلبات دي النهارده ليه مش فاهم رقيه… اصل بصراحه كده في حاجه حصلت ومش عايزه اقول لاخويا عليها عشان انت عارف اخويا عصبي

حمزه… ايوه فعلا اخوكى غبي وعصبي انا عارف بس ايه بقى اللي حصل رقيه….. ولد دايما بيقف قدام باب المدرسه ولما باجي داخله بيضايقني حمزه… اسمو اى وانا اجبلك خبرو رقيه… انا لو عايزه اللي يجيب خبره كنت قلت ليوسف حمزه…. ايه يعني مش فاهم اروح اقوله اهلا وسهلا رقيه… لا تدخل معايا كده وهو لما يشوفك راجل داخل معايا يخاف ويبطل يضايقنى حمزه… انتى كبرتي وبقيتي تتعاكسي يا بنت رقيه بصتلو. بكسوف بس اتبدلت ملامحها اما قال…

هو مركب نضارة انتى متاكده انه بيبصلك انتى طيب رقيه… ليه وانا وحشه انت شايفني وحشه حمزه.. لا مش شايفك وحشه يمكن عشان انا دايما بشوفك اختي ما خدتش بالي انك حلوه او وحشه بس تمام ماشي هلبس واجي معاكي رقيه…. استنى استنى انت قلت ايه حمزه… قلت ايه في ايه هاجى معاكى رقيه… لا اللي قبلها انت قلت شايفك اختي حمزه…. اه ما انا شايفك اختي في ايه ايه الجديد شايفك اختي واللي زعلك هعلقه هروح سفلتلك امو دلوقتي لو شفته هلبس واجي

وسابها ودخل قالت بياس…. نهار اسود انا بعد كل ده يتقالي اختي يا رباب رباب… هنغيرها اختي دي تدريجيه من اختي تبقى صاحبتي وصاحبتي تبقى حبيبتي تمام الموضوع طويل ادينا ماشيين مستعجله ليه رقيه… يعني اختي دي هتتغير رباب… اكيد هتتغير انت لما يروح معاكى خدي ودي كده معاه خليه يفتح قلبو رقيه… حاضر رباب… يلا عشان لما ترجعي بقى تحكيلي اللي حصل رقيه قالت حاضر ومشيت مع حمزه ورباب كانت نازله بس لقيت يوسف واقف قدام اوضته قالت….

صباح الخير يوسف… صباح النور نمتي كويسه امبارح ولا قلقتي كنت خايف عليكى كنت عايز اجي اشوفك بس قولت يمكن نمتي ولما اخبط تصحي فمحبتش اقلقك رباب… اولا انت ما تقلقنيش انت تيجي امتى ما انت عايز بالنسبه لو نمت كويس ولا قلقت فاكيد نمت كويس حد يقلق وانت معاه خلاص بقى انت قلتلي ان انا في حمايتك اقلق ليه ده انا نمت نومه ما نمتهاش من زمان يوسف… اشمعنا

رباب… عشان قلتلي ان انا في حمايتك انا عمري ما حسيت ان في حد بيحميني معايا يعني وانت مش اي حد بصراحه يوسف.. انتى واثقه فيا للدرجه دي يعني تنامى مرتاحه طالما انا وراكي رباب… بالك انت انا لو معايا واحد زيك كنت عملت حاجات كثيره قوي نفسي اعملها زي سريا ونعيمه وسلوى مراتات حكيم دول كنت مسكتهم كده من شعرهم ومسحت بيهم بلاط السرايا كلها وحبستهم في المخزن يوسف.. يا ساتر

رباب… اه زي ما عملوا فيا ومسكت حكيم ده تفيت في وشو وقلتله يا راجل يا عايب اللي بتبص لعيله من دور عيالك يا رمه يا اللي ما عندكش ذره رجوله انت اصلا مش راجل وكنت مشيت في الشارع من غير ما اخاف يوسف… وانتى بتخافى ليه من الشارع

رباب…. كل الرجاله كانت بتبصلي بصات وحشه مش البصه اللي بيبصوها لاختك بالك اختك كانت واقفه من شويه بتتكلم مع ولد هو شغال باين عندكم ولا بتاع البقاله ولا الجزاره مش عارفه هو كان جايبلك كيسه كان حاطط عينيه في الارض عارف ليه عشان هي اختك محدش استاجره يرفع عينه فيها… بس انا اول مره اقفل الباب ونام من غير ماخاف كنت بنام وانا مقلقه لحكيم يقرب مني ما كنتش بحبه يقرب مني يعني كان بيديني بالجزمه حتى يقرب منى وبخاف احسن مراتات

يجوا يضربوني انا كنت بخاف لمراه عمى تيجي تهزقني ولا تقولي نسيتي تعملي دي ولا نسيتي تعملي دي كنت كل ما انام ارجع اعيد على البيت تاني اشوف انا نقصت حاجه ولا لا انت لو معايا من الاول انا ما كنتش سبت الناس دي كده حبلهم سايب وكنت بهدلتهم كلهم اه والله

يوسف… طب وانا هعمل ايه في وسط ده كله رباب.. انت تسد لو وسط النار يوسف… اسف انى ضربتك مكنتش اعرف رباب.. مزعلتش من ضربك زعلت انك مخلتنيش البس عبايتى يوسف… حقك عليا رباب… عادى محصلش حاجه يوسف… تاجى نطلع سوا نتمشو عيد ميلادك النهارده رباب… انت فاكر يوسف.. اممم رباب.. ياريت انا عمرى ما حد فسحنى نفسى اروح المراجيح يوسف…. طب يلا واخدها وطلعه وركبه المراجيح كانت ماسكه في ايده جامد قال… ايه خايفه رباب… انا مش بخاف وانا معاك

نزلوا وراح اشتروا ايس وكانوا قاعدين في الشارع وبياكلوا كانت ماسكه اربع وحدات قال… قوليلي بقى انت ليه خدتي اربعه كنتى اخذتى واحده ولما تخلص خدتى واحده تانيه رباب… ما اكلتش الاربع اطعم مدقتهمش مره واحده كان معايا فلوس جبت اللي عليها كريمه دي فكنت حابه ادوقها كلفتك معلش يوسف… لا خالص اللى تعوزيه قولي عليه وانا اجيبهولك رباب… بالله عليك كمل جميلك وركبني مركب في النيل نفسي اركبها قوي

يوسف… ماشي هنركب مركب في النيله انتى جيتى في جمل وركبو سوا قالت…. قولى بقى انت بتعمل معايا الحاجات دي كلها ليه صعبت عليك

يوسف… لا بس حسيت بوجعك اما حد غريب بيجرح بننسى بس اما اهله بيجرحوه فهو مش بيقدر يطيب من الجرح ده ابدا لانه ما بيلاقيش حد يطيبه وبيفضل مجروح بيه طول العمر فحبيت اواسيكي بس انا قلتلك ان انا مش هحكيلك بس انا هحكيلك عشان انا حابب افضفض معاكي عشان متفكريش انك عشتى اسوء حاجه في الدنيا انا يا ريتني ما شفتش امي ولا ابويا زيك انا ابويا شفته بيقتل امي رباب شهقت بصدمه وقالت…. قدامك ليه

يوسف… ما هو ما كانش شايفنى انا كنت ورا الباب خانته ف طخها وطخ روحو انا لغايه دلوقت مش قادر انسى شكلها وهي مرميه على الارض كمان مش قادر انسى الكسره اللي كانت في عيون ابوي وقتها وانا خايفه اعمل كيف ابويا اتجوز واحده متصونيش خايفه عيالى يعيشوا اللي انا عشتو عشت مع مرت عمي وعمي مكانتش وحشه اللي هي بتضربنا تحبسنا بس اللى هو ليه انا اربيهم وانا مالي كنت دايما اعمل كل حاجه لاختي علشان ما نتعبهاش الله يرحمهم انا مسامحهم كلهم

رباب…. انا اسفه قلبت عليك المواجع يوسف… لا عادي ولا يهمك رباب كانت عايزه تغير الموضوع وقالت… اللعبه دي حلوه انا بحبها قوي يوسف… طيب تعالي اختريلك لعبه انزلهالك رباب… لا ما دي ما بتشتريش بالفلوس دي بيصوبو عليها بالسلاح واللي بتوقع بياخدها يوسف.. ماشي انزلهالك برده لو عايزه نجمه من السماء انزلهالك وراحو وقال… اختاري واحده رباب.. القلب الاحمر اللي هناك ده يوسف… انا هيخليكى انتى تنزليه

واخظ البندقيه ومسكهالها ووقف وراها وحط ايديه على ايديها وسند دماغه على كتفها وقرب منها وقال… صوبي على الهدف زين رباب كانت بصه لعيونه وشارده فيها شويه وهو قال… ركزى على هدفك عشان توقعيه رباب.. اه تمام وبصت على القلب الاحمر اللي متعلق وضربه فيه رصاصه ورفعت ايديها في الهوا وبقت تتنطط وتقول بفرحه وقعته وقعته يوسف بتوهان.. هو شكلو وقع بجد وقعتيه رباب.. هو ايه ده يوسف بتوتر… القلب

واخدو القلب وروحوا وكانت مبسوطه جدا بس شافت رقيه داخله قالت…. عن اذنك بقى جريت عليها بسرعه وقالت مش تقوليلي ايه اللي حصل معاكي فتحلك قلبه رقيه… خلي عندك دم واطلعي من حياتنا بقى رباب بستغراب… في اى وانا عملتلك ايه رقيه… ما عملتيش… الحاجه الوحيده اللي انا عايزاها بسببك راحت وحمزه فتح قلبه اه كنتى بتسالى فتح وياريتو ما فتح عشان لما فتحو كنتى انتى اللي فيه

رباب بصدمه… ايه اللي انت بتقوليه ده انتى فاهمه الموضوع غلط هو اللي قالك كده رقيه بدموع.. اه قالي انه عاشقك وعايز يتجوز وحابب يعرف رايك اتفضلي بقى قولي نقوله ايه نقول مبروك رباب…. بس انا مش بحبو انا بحب يوسف

رقيه ببكى… مش مهم انتى بتحبي مين هو بيحبك وانا مش هعرف اتجوزو وانتى اللى فى قلبو هما طول عمرهم كيف الاخوات عملتى مشاكل ما بينا دخلتى البيت خربتيه حمزه خدتيه مني هتكرهى يوسف وحمزه في بعض يا ريتك ما جيتي ولا شفناكى كنا عايشين مرتاحين رباب… هرجع اريحكم تاني واخدت بعضها وطلعت من البيت وتانى يوم نزل يوسف لقى حمزه بيقول لرقيه.. يابت انطقى راحت فين يوسف… هى مين حمزه… بسالها على رباب مش بترد رقيه… هملت البيت ومشت

يوسف بذهول.. ايه اللي انتى بتقوليه ده بس راحت فين ومشت لى رقيه شاورت على حمزه وقالت… عشان الاستاذ بيحبها يوسف بص لحمزه بصدمه ورقيه قالت… بس هي بتحب يوسف حمزه بص ليوسف بصدمه …..