الفصل الرابع

رواية هروب للمجهول الجزء الرابع 4 بقلم جيجي هروب للمجهولرواية هروب للمجهول الحلقة الرابعة رقيه… هملت البيت ومشت يوسف بذهول.. ايه اللي انتى بتقوليه ده بس راحت فين ومشت لى رقيه شاورت على حمزه وقالت… عشان الاستاذ بيحبها يوسف بص لحمزه بصدمه ورقيه قالت… بس هي بتحب يوسف حمزه بص ليوسف بصدمه ويوسف قال… انا هطلع ادور عليها بسرعه… وطلع حمزه… انا هحصلك بس بص لرقيه وقال… سبتيها تمشي ليه انتى ليه بتكرهيها كده

رقيه بدموع… عشان وجودها بيضيع كل حاجه انا بحبها حمزه بغضب… وايه الحاجه العظيمه اللي ما تقدريش تعيشي من غيرها اللي كانت هتضيع لو هي فضلت رقيه بندفاع… انت بس سكتت لما خدت بالها لجملتها وحمزه بصلها شويه بصدمه وساب البيت وطلع بسرعه يدور عليها فضلوا يدوروا عليها شويه ويورو صورتها للناس اللي في الشارع بس ما كانش حد عارف يدلهم عليها يوسف قال… اكيد جوزها لقيها واخدها حمزه.. اى الفقر ده اكيد لا ان شاء الله انت ليه بتقول كده

يوسف… لو كانت فضلت في الشارع ما كانش عندها حد تروحله كنا لقيناها كانت الناس اللي هنا شافتها لكن هي اختفت يبقى اخدها على بيته عدل هنسال اسمه حكيم عمدتهم هندور عليه حمزه.. وهنقولو اى احنا عايزين مراتك يوسف… ما تقولش مراته هي متجوزه غصب ولازم نلحقها بسرعه ماشي وطلعو بسرعه لبيت حكيم يوسف قال… انا هطلع على البلكونه هدخل القصر ادور عليها وانت هتخليك هنا لو شفت اي حد جاي ترن لي على التليفون انا مركب السماعه

حمزه… ماشي ماشي انا هحرس هنا وانت ربنا معاك يا رب يوسف… هو انت بتحبها بجد حمزه.. بس هي بتحبك انت يوسف طلع على البلكونه ودخل السرايا يدور عليها من غير ما حد يشوفه بس سمع صوت دخل اوضه كانت مربوطه في عمود في الاوضه وحكيم حاطط تحت رجلها صينيه سخنه قوى كانت عماله تتنطط عليها وبتقول رجلى باظت شيلها حكيم… عشان تعرفي تهربي مني يا فاجره رباب.. هفضل اهرب منك كل ما تجيبنى انا بكرهك

حكيم رفع ايدو يضربها بس لقي ايد مسكت ايده بقوه وكان يوسف وادالو بالدماغ وقعه على الارض وجرى شال رباب بسرعه وبقى يحضنها ويقول…. يخرب بيت ناسك خوفتيني عليكى حد يعمل كده هملتى الدار ليه رباب… انا لو رجعت البيت انتو التلاته هتكرهوا بعض يوسف… اوعدك هحل كل حاجه بس تعالي نرجع يلا تعالي وراحو على عربيه وكان حمزه قاعد فيها ورجعوا على البيت ويوسف قال… اطلعي اوضتك رباب… ايوه بس يوسف.. اطلعي انا هتكلم انا وحمزه شويه

طلعت ويوسف قال.. انت بتحبها بجد حمزه… ما قلتلك هي بتحبك انت يوسف.. بس انا مش هقدر اتجوزها وهى في قلبك حمزه… ايه قلت ايه لا هو انت كمان بتحبها اشطا بص يا سيدي طالما فتحت الابواب المغلقه اقصد ابواب قلبك يبقى حلال عليك انا مجرد اعجاب يعني عشان البنت حلوه كده هلاقي غيرها عادي يوسف… يعني جد مش زعلان حمزه… لا خالص بالعكس فرحان علشانك انك لاقيت واحده تغير الفكره الهبله اللي انت كنت واخدها يوسف… انت اخويا مش ود عمى

حمزه… وانت كمان اخويا بس كنت عايزه اغيرها يوسف… عشان رباب حمزه… لا عشان رقيه اصل عايز اخليها نسيني يوسف… عايز تتجوز رقيه ولا انا فهمت غلط حمزه… وانت من امتى بتفهم اصلا بس ما فهمتش غلط ابقى اسالها بقى ورد لي خبر ولا اقولك هسالها انا وطلع عند رقيه وقال… ينفع ادخل رقيه… انت دخلت حمزه… تتجوزيني رقيه… ايه اللي انت بتقوله ده انت مش بتحب رباب بتتريق عليا

حمزه… لا عشت ولا كنت هي بتحب يوسف ويوسف بيحبها وبعدين المثل بيقول خد اللي بيحبك ما تاخدش اللي بتحبه وانتى بتحبني انتى اولى بيا انتى بت عمى رقيه… انت بتتكلم بجد هي مش هتبقى في قلبك وانت بتحبها مش هعرف اكون مع حد قلبه لغيري حمزه… عادي على فكره البنت حلوه عجبتني بس لو طلعتى احلى منها هتنسيني عادي انا بنسى بسرعه على فكره رقيه… انت جاى فى اى حاجه يخرب بيتك حمزه.. لا لا ما هو هيبقى بيتنا انا طلبتك من اخوكى

رقيه… انت بتتكلم بجد ولا بتهزر مش لسه فى الصاله كنت بتحب رباب حمزه… عادي وفي الاوضه بحبك وفى الشارع احب واحده معديه ببنطلون ضيق وماشيه الدنيا يعني موقفاها ليه رقيه بغيظ… حمزه حمزه.. عيون حمزه وقلبو هنبدا من جديد انا وانتى وننسى كل اللى فات هديكى فرصتك رباب كانت قاعده ماسكه الصوره بتاعه يوسف بس فاقت ع صوته بيقول… هو انا حلو لدرجة تسرحوا فيا كده ما كانش عندي خبر

رباب… يا جدع مش تكح ولا تعطس خلعتني بطل دخلت عزرائيل دي اللي الواحد يلاقيك فوق دماغه يوسف… لا مش هبطلها تتخضي مني مش على اساس ما بتتخضيش وانا معاكي رباب… بس في خصوصيه حاجت ما ينفعش تشوفها يعني ما كنتش ينفع تدخل وانا متنحه فى صورتك كده يوسف… تتجوزيني يا بت رباب… شوف انا كنت متاكد انك هتقول… ايه اعمل ايه يوسف… تتجوزيني رباب بحزن… بس انا متجوزه

يوسف… هنرفع قضيه جواز قاصر وهحبسهولك واطلقك منو انتى بس قولي اه ونتجوز على طول رباب… ده انا هقول اه وايوه واوكي وماشي وتمام هقولها هقولها بكل الموافقات اللي في الدنيا هو انا اطول يوسف… دا انتى واقعه بقى رباب… اه اهو انت الواحده ما تستناش تروح تقولها بحبك تطلب يدك عادي يوسف… اشمعنا بقى رباب… عشان مش هتلاقي واحد زيك تاني الله بس حمزه يوسف… حمزه طلب ايد رقيه من شويه وانا ما عنديش مشكله واعتقد هي كمان موافقه

رباب.. احلف دا مبيضيعش وقت يوسف… والله العظيم نقول مبروك بقى رباب… اكيد مبروك مبروك عليك انا يوسف… الله يبارك فيكى يا انا انا هعيشك طول العمر ملكتى انشاء الله هعوضك عن كل لحظه وجع وتعب وخوف عشتيها في حياتك.. . كدا خلصت حكايتنا