رواية هشاشة قلب الفصل السابع والعشرون 27 - بقلم هاجر قاسم

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﻫﺸﺎﺷﺔ__ﻗﻠﺐ
ﺍﻟـﺒـﺎﺭﺕ _25_
ﺍﻟﻜﺎﺗﺒﻪ _ ﺍﻟﻌﺒﺎﺩﻳﻪ
alabadyia_09
ﺃﻧـﺖِ ﺍﻣـﺮﺃﺓٌ ﻻ ﺗﺘـﻜﺮَّﺭُ
ﻓـﻲ ﺗﺎﺭﻳـﺦ ﺍﻟـﻮَﺭﺩِ ,
ﻭﻓـﻲ ﺗﺎﺭﻳـﺦِ ﺍﻟﺸﻌْﺮِ ,
ﻭﻓـﻲ ﺫﺍﻛـﺮﺓَ ﺍﻟﺰﻧﺒـﻖ ﻭﺍﻟﺮﻳﺤـﺎﻥ . .
~~~~~~~~~~~~~~~~~~~~~~~~~~~~~~~~
ﺛُﺮﻯٰ . . .
ﺩﮒ ﻣﻮﺑﺎﻳﻠﻲ ﺭﻓﻌﺘﻪ ﺍﺷﻮﻑ ﺍﻻﺳﻢ ﻭﺷﻔﺘﻪ ﺍﻟﻤﺘﺼﻞ ﻣﺎﻫﺮ .. ﮔﻠﺒﻲ ﺭﺟﻒ ﻭﺳﺮﺕ ﺭﻋﺸﻪ ﺑﻜﻞ ﺟﺴﻤﻲ .. ﺷﺄﺳﻮﻱ ﻫﺴﻪ ﻳﺮﺑﻲ ﺍﺭﺩ ﻟﻮ ﻻ؟
ﻻ ﻻ ﻣﺎﺍﺭﺩ ﺧﻞ ﻳﺪﮒ ﻭﻳﺴﻜﺖ ﺑﻴﻪ ﺣﻴﻞ ﺭﺯﺍﻟﻪ ﺑﺎﻟﺴﻮﮒ .
ﻧﻬﻰ ﭼﺎﻧﺖ ﺗﺴﻮﻟﻒ ﻭﻱ ﻭﻟﻴﺪ ﻣﻦ ﺳﻤﻌﺖ ﻣﻮﺑﺎﻳﻠﻲ ﻳﺘﺼﻞ ﺇﻟﺘﻔﺘﺘﻠﻲ .
ﻧﻬﻰ .. ﺛُﺮﻯٰ ﺗﺮﻩ ﻣﻮﺑﺎﻳﻠﺞ ﻳﺪﮒ
- ﺍﻱ ﺍﺩﺭﻱ
ﻧﻬﻰ .. ﭼﺎ ﻣﺎﺗﺠﺎﻭﺑﻴﻦ؟
ﺳﻜﺘﺖ ﻭﺩﺭﺕ ﻭﺟﻬﻲ ﻋﻨﻬﻪ ﺍﺗﻬﺮﺏ
ﻧﻬﻰ .. ﻫﻮَ ﺍﻟﻤﺘﺼﻞ ﻣﻮ؟
ﺍﻟﺘﻔﺘﺖ ﻋﻠﻴﻬﻪ ﻭﺃﺭﺟﻒ
- ﺍﻱ ﻧﻬﻰ ﺍﻱ ﻫﻮَ ﺷﺄﺳﻮﻱ ﻫﺴﻪ
ﻧﻬﻰ .. ﻭﻛﻮﻟﻲ ﺗﺮﻳﺪﻳﻦ ﻣﺎﺗﺠﺎﻭﺑﻴﻦ؟
- ﺍﻱ ﻣﺎﺍﺟﺎﻭﺏ ﻳﺮﺯﻟﻨﻲ
ﻧﻬﻰ .. ﺻﺨﺎﻡ ﺑﻮﺟﻬﺞ ﻋﻠﻰ ﻫﺎﻟﻐﺒﺎﺀ ﺩﻓﻮﺗﻲ ﻟﻐﺮﻓﺔ ﺍﻟﺘﺒﺪﻳﻞ ﺍﺣﭽﻲ ﻭﻳﺎﻩ ﻓﻮﻭﻭﺗﻲ ﺭﺍﺡ ﺗﺨﺒﻠﻴﻨﻲ ﺍﻧﺖِ
- ﺍﻱ ﺭﺍﻳﺤﻪ ﺭﺍﻳﺤﻪ
ﺍﻧﺘﻬﺖ ﺍﻟﺪﮔﻪ ﺍﻻﻭﻟﻰ ﻭﺑﻠﺶ ﺑﺎﻟﺜﺎﻧﻴﻪ .. ﻭﮔﻔﺖ ﺟﻮﻩ ﺍﻟﺪﺭﺝ ﻻﻥ ﻏﺮﻓﺔ ﺍﻟﺘﺒﺪﻳﻞ ﺑﻴﻬﻪ ﺑﻨﺎﺕ .
ﺭﺩﻳﺖ ﻭﺑﺪﺍﺧﻠﻲ ﺇﺩﻋﻲ ﻣﺎﻳﺠﻴﻨﻲ ﺻﻮﺗﻪ ﺭﻋﻴﺪﻩ .
- ﺍﻟﻮﻭﻭ ..
ﺇﺟﻪ ﺻﻮﺗﻪ ﻫﺎﺍﺍﺩﺉ . ﻋﻜﺲ ﺗﻮﻗﻌﺎﺗﻲ
- ﺍﻟﻮﻭ .. ﻭﻳﻦ ﺍﻧﺖِ؟؟
- ﺍﻧﻲ ﺍﻧﻲ ﺷﺴﻤﻪ ﺑﺎﻟـ .. ﺑﺎﻟـ ..
- ﻻﺗﺒﻠﺒﻠﻴﻦ ﻋﻠﻴﻪ ﻭﻭﻭﻭﻳﻦ ﺍﻧﺖِ؟؟؟؟
ﺳﺤﺒﺖ ﻧﻔﺲ ﻭﺯﻓﺮﺗﻪ ﻏﻤﻀﺖ ﻭﺟﺎﻭﺑﺖ
- ﺑﺎﻟﺴﻮﮒ
- ﮔﺘﻴﻠﻲ ﻣﻦ ﻃﻠﻌﺘﻲ؟؟
- ﻻ .. ﺍﮔﻠﻚ؟؟ ﻟﻴﺶ ﺍﮔﻠﻚ؟؟
- ﻟﻴﺸﺸﺶ؟؟؟ ﻭﺍﻧﻲ ﻫﻨﺎ ﺷﻨﻮ ﺩﻭﺭﻱ؟؟ ﻣﻮ ﺑﻌﻴﻨﺞ ﺣﺘﻰ ﺗﮕﻮﻟﻴﻦ ﻭﺗﺘﺼﻠﻴﻦ ﻋﻠﻴﻪ .. ﺍﻧﺖِ ﺗﺴﺘﻐﺒﻴﻦ ﻭﺗﺴﻮﻳﻦ ﻧﻔﺴﺞ ﻣﺘﻌﺮﻓﻴﻦ ﺣﺘﻰ ﺗﻐﻄﻴﻦ ﻏﻠﻄﺞ
- ﺭﺩﺕ ﺍﺗﺼﻞ ﻭﻭ ....
ﻋﺎﻁ ﺑﺼﻮﺕ ﻋﺎﻟﻲ ﻓﺰﺯﻧﻲ
- ﺇﻟﻤﻨﻨﻦ ﺭﺭﺍﺍﺍﺍﻳﻴﺤﺤﺤﻪ ﻟﺼﺨﺨﺎﺍﺍﻡ ﻭﺟﻬﺠﺠﺞ
ﺳﺪﻳﺖ ﺍﻟﺴﻤﺎﻋﻪ ﺑﺈﺻﺒﻌﻲ ﻭﺃﺣﺎﻭﻝ ﺃﺑﻴﻦ ﺍﻟﻮﺿﻊ ﻃﺒﻴﻌﻲ
- ﻣﺎﺍﻫﺮﺭ
- ﺍﺷﺸﺸﺶ ﻛﻠﻠﻠﻠﻤﻪ ﻣﺎﺍﺍﺍﺳﺴﻤﻤﻤﻊ ﺍﻧﺖِ ﺻﺪﮒ ﻣﺘﺤﺘﺮﻣﻴﻴﻦ ﻣﺘﮕﻮﻟﻴﻴﻴﻦ ﻭﺭﺍﺍﺍﻱ ﺭﺭﺭﺭﺟﻞ
- ﺑﺲ ﺍﻧﻲ ﺑﻌﺪﻧﻲ ﺑﺒﻴﺖ ﺍﻫﻠﻲ ﻳﻌﻨﻲ ﺍﻫﻠﻲ ﻛﻠﻬﻢ ﻳﻌﺮﻓﻮﻥ ﻃﻠﻌﺖ
- ﻟﻠﻠﺠﺞ ﺍﻧﺖِ ﻧﺎﺍﻭﻳﻪ ﺗﺠﻠﻄﻴﻴﻴﻨﻨﻴﻲ؟؟ ﻧﺎﻭﻳﻪ ﺗﺠﺠﺠﻠﻠﻄﻴﻨﻴﻲ ﺍﺣﺠﻴﻴﻲ
ﺳﻜﺘﺖ ..
- ﻗﺴﺴﻢ ﺑﺎﻟﻠﻪ ﻳﺜُﺮﺭﺭﻯٰ ﺇﻟﺞ ﺭﺭﺭﺑﻊ ﺳﺎﺍﺍﻋﻪ ﺃﻟﮕﺎﺝ ﺑﺎﻟﺒﻴﺖ
- ﻋﺰﺯﺍ ﺷﻠﻮﻥ ﺃﺭﺟﻊ ﺑﻄﻴﺎﺭﻩ
- ﻣﺸﻜﻠﺘﺞ ﻣﺜﻞ ﻣﺎﻃﻠﻌﺘﻲ ﺗﺮﺭﺭﺟﻌﻴﻦ
- ﻣﺎﺍﻫﺮ ﺑـ ....
ﺳﺪﻩ ﺑﻮﺟﻬﻲ ﻭﺑﻌﺪﻧﻲ ﻣﺎﻣﻜﻤﻠﻪ ﺣﭽﻲ ﺭﻛﻀﺖ ﻟﻮﻟﻴﺪ ﺍﻣﺮﻱ ﻟﻠﻪ
- ﻭﻟﻴﺪ ﻭﻟﻴﺪ ﻓﺪﻭﻩ ﻛﺎﻟﻠﻲ ﺭﺑﻊ ﺳﺎﻋﻪ ﺍﻧﺖِ ﺑﺎﻟﺒﻴﺖ ﻳﻼ ﺧﻞ ﻧﺮﺟﻊ
ﻭﻟﻴﺪ .. ﻭﺍﻟﻠﻪ ﺑﻌﺪﻧﻪ ﻣﻤﻜﻤﻠﻴﻦ ﺩﻧﺘﺴﻮﮒ
- ﻭﻟﻴﺪ ﺣﺒﺎﺏ ﻋﻠﻴﻚ ﺍﻟﻠﻪ ﻫﺴﻪ ﺧﻞ ﻧﺮﺟﻊ
ﻳﻌﻮﺝ ﺑﺤﻮﺍﺟﺒﻪ ﻭﻳﻀﺤﻚ ﺑﺸﻤﺎﺗﻪ ﻳﺘﺸﻤﺖ ﺑﻴﻪ
ﻭﻟﻴﺪ .. ﻋﻮﺩ ﻣﻦ ﻧﻜﻤﻞ ﻧﺮﺟﻊ
- ﺟﺎﻱ ﺍﻛﻠﻚ ﺭﺑﻊ ﺳﺎﻋﻪ ﺍﻧﻄﺎﻧﻲ ﻳﻼﺍﺍ ﺑﺴﺎﺍﻉ
ﻭﻟﻴﺪ .. ﻣﻌﻠﻴﻪ ﺍﻧﻲ ﺩﺍﺯ ﻋﻠﻴﺞ ﺗﻄﻠﻌﻴﻦ ﺑﻼ ﻣﺘﮕﻮﻟﻴﻠﻪ
- ﻟﻴﺶ ﻫﻮَ ﺍﻛﻮ ﻏﻴﺮﻙ ﮔﺮّﺵ ﻋﻠﻴﻪ ﺭﺣﺖ ﺑﺴﺮﻋﻪ ﺑﺜﻴﺖ ﺍﻟﺨﺒﺮ ﻉ ﺍﻟﺸﺮﻗﻴﻪ ﻧﻴﻮﺯ
ﻭﻟﻴﺪ .. ﻗﺎﺑﻞ ﺍﺧﻠﻴﭻ ﺗﻄﻠﻌﻴﻦ ﺑﻜﻴﻔﺞ ﻣﺎﻭﺭﺍﺝ ﺯﻟﻤﻪ ﺷﻨﻮ
- ﻭﺭﺍﻱ ﻭﺭﺍﻱ ﺑﺲ ﻓﻀﻨﻲ
ﻭﻟﻴﺪ .. ﻉ ﺍﻷﺳﺎﺱ ﻳﺪﺭﻱ ﺃﺷﻮ ﻫﺴﻪ ﺇﺧﺘﻠﻒ ﺍﻟﻮﺿﻊ
- ﻭﻭﻭﻭﻟﻴﻴﻴﺪ ﻓﻀﻀﻨﻲ
ﻭﻟﻴﺪ .. ﻣﺘﺨﻮﻓﻴﻨﻲ ﺇﺫﺍ ﺗﻌﻴﻄﻴﻦ
- ﻧﻬﻰ ﺣﺎﭼﻲ ﺭﺟﻠﺞ ﻫﻮَ ﺟﺎﺑﻨﻲ ﻫﻮَ ﻳﺮﺟﻌﻨﻲ
ﻧﻬﻰ .. ﻭﻟﻴﺪ ﻳﻼ ﺧﻞ ﻧﺮﺟﻊ
ﻭﻟﻴﺪ .. ﻣﺎﺍﺭﺟﻊ ﻫﺴﻪ ﺇﺫﺍ ﺗﺮﻳﺪﻳﻦ ﺗﺮﺟﻌﻴﻦ ﺇﺭﺟﻌﻲ
ﺑﺎﻭﻋﺘﻠﻪ ﺭﺍﻓﻊ ﺣﺎﺟﺒﻪ ﻭﻳﺤﭽﻲ ﻣﺘﺸﻤﺖ ﻭﻳﺤﺎﻭﻝ ﻳﺴﺘﻔﺰﻧﻲ ﺍﻟﻈﺎﻫﺮ ﺍﻟﻌﺎﺋﻠﻪ ﻛﻠﻬﻪ ﻋﻠﻰ ﻫﺬﺍ ﺍﻹﺳﻠﻮﺏ .. ﻳﺮﻳﺪﻧﻲ ﺍﺣﺼﻠﻠﻲ ﺭﺍﺷﺪﻳﻴﻦ ﻳﻌﺪﻟﻦ ﻭﺟﻬﻲ ﺍﺩﺭﻱ ﺑﺴﻮﺍﻟﻔﻪ .. ﻭﻋﺒﺎﻟﻪ ﻣﻦ ﻳﮕﻮﻝ ﻣﺎﺍﺭﺟﻌﺞ ﺍﺿﻞ ﮔﺎﻋﺪﻩ ﻣﺎﻳﺪﺭﻱ ﺇﺫﺍ ﺭﻛﺒﺖ ﺭﺍﺳﻲ ﺑﻌﺪ ﻫﺎﻱ ﻫﻴﻪ .
ﺍﻧﻲ ﻫﻢ ﺭﻓﻌﺘﻠﻪ ﺣﺎﺟﺒﻲ ﻭﻗﻠّﺒﺖ ﻋﻴﻮﻧﻲ
- ﺇﻱ ﻫﺴﻪ ﺃﺭﺟﻊ ﻣﻴﺘﻪ ﻋﻠﻰ ﺳﻴﺎﺭﺗﻚ ﻧﻤﻮﻧﻪ ﺧﻮﺏ ﻣﺎ ﻧﻤﻮﻧﻪ . ﻣﺘﻌﺠﺐ ﺍﻟﻌﮕﺮﻭﮒ ﺑﺎﻟﻤﺎﻱ ﺍﻻﺧﻀﺮ ﻫﺎﻟﻠﻪ
ﻭﻟﻴﺪ .. ﺷﻨﻮ ﻗﺼﺪﺝ ﺍﻧﻲ ﺿﻔﺪﻉ؟
- ﺍﻭﻭﻭﻱ ﺿﻔﺪﻉ ﺍﻟﻤﺜﻘﻒ .. ﺍﺑﻮ ﺿﻔﺪﻉ ﺍﻧﻲ ﺭﺍﻳﺤﻪ ﺃﺃﺟﺮ ﺗﻜﺴﻲ ﻣﺎﻣﻴﺘﻪ ﻋﻠﻰ ﺳﻴﺎﺭﺗﻚ
ﻭﻟﻴﺪ .. ﺭﻭﺣﻲ ﺍﻟﻠﻪ ﻭﻳﺎﺝ ﺧﻞ ﻧﺎﻛﻞ ﺑﻔﺎﺗﺤﺘﺞ ﻟﺤﻢ .. ﻳﻼ ﻧﻬﻰ ﺧﻞ ﻧﻘﺮﻩ ﺍﻟﻔﺎﺗﺤﻪ ﻣﻘﺪﻣﺎً ﻟﺮﻭﺡ ﺛُﺮﻯٰ
ﻧﻬﻰ .. ﻭﻟﻴﺪ ﺷﺴﺎﻟﻔﻪ ﻭﻛﺖ ﺍﻧﺘﻘﺎﻡ ﻫﺴﻪ ﺟﺎﻱ ﺗﮕﻠﻚ ﺍﻟﺮﺟﺎﻝ ﻋﺼﺒﻲ ﻭﺍﻧﻄﺎﻫﻪ ﺭﺑﻊ ﺳﺎﻋﻪ ﺷﺒﻴﻚ ﺭﻛﺒﺖ ﺭﺍﺳﻚ ﺧﻞ ﻧﻮﺻﻠﻬﻪ ﺗﻘﺒﻞ ﺗﺼﻴﺮ ﺑﻴﻨﻬﻢ ﻣﺸﻜﻠﻪ ﺑﺴﺒﺒﻨﻪ ﻏﻴﺮ ﺍﻧﻲ ﺟﺒﺘﻬﻪ ﻭﻟﺤﻴﺖ ﻋﻠﻴﻬﻪ
ﺑﺎﻭﻉ ﺑﻴﻬﻪ ﻣﺎﺭﺍﺿﻲ ﻭﺃﺷﺮ ﺑﺤﺎﺟﺒﻪ ﻋﻮﺩ ﺗﻌﺎﻟﻦ ﻭﺭﺍﻱ .. ﺭﺣﻨﻪ ﻟﻠﺴﻴﺎﺭﻩ ﻭﺍﻧﻲ ﮔﻠﺒﻲ ﻳﺮﻛﺾ ﻗﺒﻞ ﺭﺟﻠﻴﻪ .
ﻭﺻﻠﻨﻪ ﻟﻠﺴﻴﺎﺭﻩ ﻭﺳﺎﻕ ﺑﺴﺮﻋﻪ ﺍﻟﻠﻪ ﻫﺪﺍﻩ ..
- ﻭﻟﻴﺪ ﻓﺪﻭﻩ ﺑﻌﺪ ﺇﺳﺮﻉ ﺷﻮﻳﻪ
ﻭﻟﻴﺪ .. ﺍﻃﻴﻴﺮﺭ ﺧﻤﺎ ﺍﻃﻴﺮﺭ ﺍﺑﺘﻠﻴﺖ ﺍﻧﻲ ﻣﻦ ﺟﺒﺘﺞ ﻭﻳﺎﻧﻪ
- ﺑﻌﺪ 5 ﺩﻗﺎﻳﻖ ﻓﺪﺩﻭﻩ ﻳﻼﺍﺍ ﺯﻳﻂ ﺯﻳﻄﻂ
ﻣﺸﻪ ﺑﻴﻨﻪ ﺑﺴﺮﻋﻪ ﻫﻤﺰﻳﻦ ﺑﻴﺘﻨﻪ ﻗﺮﻳﺐ ﻉ ﺍﻟﺴﻮﮒ ﻭﺣﺘﻰ ﻭﻗﺖ ﻣﺮ ﻗﻠﻴﻞ ﻭﺑﻌﺪﻧﻪ ﻣﺎﻣﻔﺘﺮﻳﻦ ﺑﺄﻭﻝ ﻣﺤﻼﺕ ﻭﺇﺗﺼﻞ ﻋﻠﻴﻪ ﻻﻥ ﺣﻀﺮﺓ ﻭﻟﻴﺪ ﺩﺯﻟﻪ ﺍﻟﺨﺒﺮ ﺑﻄﻴﺎﺭﻩ .
ﻭﺻﻠﻨﻪ ﺑﻌﺪﻧﻲ ﺑﺎﻟﺴﻴﺎﺭﻩ ﻣﺎﻧﺎﺯﻟﻪ ﻭﺃﺗﺼﻞ ﻣﻮﺑﺎﻳﻠﻲ ﺑﺎﻭﻋﺖ ﺷﻔﺖ ﺍﻟﻤﺘﺼﻞ ﻣﺎﻫﺮ .
ﺍﻟﻠﻬﻢ ﺻﻞِ ﺑﻌﺪﻧﻲ ﻣﺎﻭﺻﻠﺖ ﻣﻮﻗﺘﻬﻪ ﺗﻮﻗﻴﺖ .. ﺭﻛﻀﺖ ﺭﻛﺾ ﻭﺍﻟﻤﻮﺑﺎﻳﻞ ﻳﺪﻙ ﺑﺈﻳﺪﻱ ﻃﺒﻴﺖ ﻟﻠﻄﺎﺭﻣﻪ ﻭﺭﺩﻳﺖ ﺣﺘﻰ ﻣﻦ ﺍﮔﻠﻪ ﺑﺎﻟﺒﻴﺖ ﻣﺎﭼﺬﺑﺖ .
- ﺍﻟﻮﻭﻭﻭﻭﻭﻭ ..
ﮔﺎﻝ ﺑﺼﻮﺕ ﻫﺎﺩﺉ ﻭﻳﺤﭽﻲ ﺑﺒﺮﻭﺩ
- ﻭﻳﻦ ﺍﻧﺖِ؟؟؟
- ﺑﺎﻟﺒﻴﺖ
- ﺷﮕﺪ ﺻﺎﺭﻟﺞ ﻣﻦ ﺩﺧﻠﺘﻲ
- ﻫﻲَ ﺍﻧﻄﻴﺘﻨﻲ ﺭﺑﻊ ﺳﺎﻋﻪ ﻭﺻﻠﺖ ﺑﻴﻬﻪ
- ﺗﻤﺎﻡ .. ﻳﻼ ﺑﺎﻱ ﻭﻧﺘﺤﺎﺳﺐ ﺑﻌﺪﻳﻦ
ﺳﺪﺍﻩ ﻭﺍﻧﻲ ﺻﺎﻓﻨﻪ ﺷﻨﻮ ﻧﺘﺤﺎﺳﺐ ﻫﺎﻱ ﺍﻟﺮﺯﺍﻳﻞ ﻛﻠﻬﻪ ﻭﻳﺘﺤﺎﺳﺐ ﺑﻌﺪ؟؟
ﺭﺍﺡ ﺍﻧﺠﻠﻂ ﻭﺇﺑﻮ ﻓﺎﺿﻞ .. ﺷﻨﻮ ﻫﺬﺍ ﺍﻟﺪﻫﺮ ﻫﺴﻪ ﻏﻴﺮ ﺇﺟﻴﺖ ﺑﺮﺑﻊ ﺳﺎﻋﻪ ﺭﻛﺾ ﺭﻛﺾ
ﺭﺟﻌﺖ ﺇﺗﺼﻠﺖ ﻋﻠﻴﻪ ﺭﺩ ﺑﻬﺪﻭﺀ ﻭﻳﺤﺠﻲ ﺑﺒﺮﻭﺩ ﻗﺎﺗﻞ
- ﻣﺎﻫﺮ ﺷﻨﻮ ﻧﺘﺤﺎﺳﺐ ﻏﻴﺮ ﺭﺟﻌﺖ ﺑﺮﺑﻊ ﺳﺎﻋﻪ
- ﮔﻠﺖ ﻧﺘﺤﺎﺳﺐ ﺑﻌﺪﻳﻦ ﻫﺴﻪ ﻣﺸﻐﻮﻝ
- ﺷﻨﺘﺤﺎﺳﺐ
- ﻛﻜﻜﻜﺎﺍﺍﻓﻴﻴﻲ ﺩﺍﮔﻮﻝ ﻣﺸﻐﻮﻝ ﻣﺘﻔﻬﻤﻴﻦ ﺍﻧﺖِ
- ﺧﻮﺵ ﺧﻮﺵ ﻓﻬﻤﺘﺖ
ﺳﺪﻳﺘﻪ ﺭﺃﺳﺎً ﻭﺍﻧﻲ ﺻﺎﻓﻨﻪ ﺃﺷﻮ ﺭﺟﻊ ﻟﻠﺮﺯﺍﻳﻞ .. ﻫﺴﻪ ﺍﻧﻲ ﺷﺴﻮﻳﺖ ﺃﺟﺮﻣﺖ ﻗﺎﺑﻞ .
ﺑﺎﻟﻠﻴﻞ ﻭﺭﻩ ﺍﻟﻌﺸﺎ ﺇﺗﺼﻞ ﻣﻮﺑﺎﻳﻠﻲ .. ﻋﻔﺖ ﺍﻟﻌﺸﺎ ﻭﮔﻤﺖ ﺭﻛﺾ ﻣﺎﻋﻮﻟّﻲ ﻳﺨﺎﺑﺮ .
ﺭﺩﻳﺖ
- ﺍﻟﻮﻭ
- ﻣﻮﺟﻮﺩﻳﻦ ؟؟
- ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ
- ﻧﺴﻴﺖ ﻣﻦ ﻭﺭﺍﺝ ﻭﻣﻦ ﻭﺭﻩ ﻗﻬﺮﺝ
- ﺍﻟﻮﺍﺣﺪ ﻣﻦ ﻳﺘﺼﻞ ﻳﺴﻠﻢ ﺣﺘﻰ ﻟﻮ ﻳﻨﺴﻰ ﻭﺍﻧﻲ ﺷﻠﻲ ﻏﺮﺽ ﺑﻘﻬﺮﻙ ﻣﺎﻗﺼﺪﺕ ﺍﻗﻬﺮﻙ ﺑﺲ ﺭﺣﺖ ﻭﻱ ﻧﻬﻰ ﻋﻠﻤﻮﺩ ﻧـ ...
- ﺍﻟﻤﻬﻢ ﻫﺴﻪ ﻣﻮﺟﻮﺩﻳﻦ ﻟﻮ ﻻ؟
- ﺍﻱ ﻣﻮﺟﻮﺩﻳﻦ
- ﻫﺴﻪ ﺟﺎﻳﻜﻢ ﻭﻧﺘﻔﺎﻫﻢ
- ﻋﺰﺯﺯﺯﺍ ﻋﺰﺯﺯﺍ ﺗﺠﻲ ﺷﺘﺴﻮﻳﻠﻲ
- ﺍﻧﺖِ ﺷﺘﮕﻮﻟﻴﻦ ﺷﺄﺳﻮﻳﻠﺞ؟
- ﺇﻟﻤﻦ ﺟﺎﻱ ﺍﺻﻼً ﺑﻴﺘﻨﻪ ﺣﺎﺍﺭ ﻭﺍﻟﻤﻜﻴﻒ ﻋﺎﻃﻞ ﻭﺍﻟﻤﺮﻭﺣﻪ ﻋﺎﻃﻠﻪ ﻭﻓﺎﺭﺷﻴﻦ ﺷﺘﺎﺋﻲ
- ﻣﻴﺨﺎﻟﻒ
- ﻫﺎ ﻭﻧﺴﻴﺖ ﺍﮔﻠﻚ ﺍﻟﺒﺎﺏ ﻃﺎﺡ ﻭﻛﺎﻝ ﺇﺳﻤﺎﻋﻴﻞ ﻣﻦ ﻳﺠﻲ ﻣﺎﻫﺮ ﻳﺮﻛﺒﻪ ﻳﻌﻨﻲ ﺗﻨﻜﺮﺏ ﻭﺗّﺪﻣﺮ ﻣﻼﺑﺴﻚ
- ﺛُﺮﻯٰ ﻣﻦ ﺍﻻﺧﻴﺮ ﺍﻋﺘﺒﺮﻫﻪ ﻃﺮﺩﻩ ﺑﻨﺰﺍﻛﻪ؟
- ﻫﺎﺍ ﻻ ﻻ ﺑﺲ ﻳﻌﻨﻲ ﺣﺒﻴﺖ ﺍﮔﻠﻚ ﻉ ﺍﻷﺟﻮﺍﺀ
- ﻻﺯﻡ ﻛﻞ ﺍﻟﻴﺮﻳﺪ ﻳﺴﻴﺮ ﻋﻠﻴﻜﻢ ﻫﻴﭻ ﺗﻄﺮﺩﻭﻩ
- ﻻ ﻻ ﻭﺍﻟﻠﻪ ﻣﺎﻧﻄﺮﺩ
- ﻟﻌﺪ ﺑﺲ ﺍﻧﻲ ﺍﻧﻄﺮﺩ ﺑﻨﺰﺍﻛﻪ
- ﻣﺎﻫﺮ ﻓﺪﻭﻩ ﺷﺘﺴﻮﻳﻠﻲ ﻣﻮ ﺍﻃﺮﺩﻙ ﺑﺲ ﺧﺎﻑ ﺗﺒﺴﻄﻨﻲ
- ﻫﻬﻬﻬﻬﻬﻪ ﺍﺑﺴﻄﺞ !! ؟؟
- ﺍﻱ
- ﻫﻬﻬﻬﻪ ﻣﻊ ﺍﻷﺳﻒ ﻫﻴﺞ ﺗﻔﻜﻴﺮﺝ ﺑﻴﻪ
- ﭼﺎ ﺷﺘﺴﻮﻳﻠﻲ ﻣﻦ ﺗﺠﻲ
- ﻣﺎﺍﻋﺮﻑ ﺇﺫﺍ ﺗﮕﺪﺭﻳﻦ ﺗﻬﺪﺃﻳﻨﻲ ﻣﺎﺃﺳﻮﻱ ﺷﻲ
- ﺷﺄﺳﻮﻱ ﻳﻌﻨﻲ
- ﺍﻧﺖِ ﻭﺷﻄﺎﺭﺗﺞ
- ﺷﻠﻮﻥ ﻳﻌﻨﻲ
- ﻣﺎﺍﻋﺮﻑ . ﺟﺎﻱ ﻭﺍﻟﻠﻪ ﻛﺮﻳﻢ
ﺭﺣﺖ ﮔﺘﻠﻬﻢ ﻭﺭﻛﻀﺖ ﺣﻄﻴﺖ ﻣﻜﻴﺎﺝ ﺧﻔﻴﻒ ﻭﻟﺒﺴﺖ ﺩﺷﺪﺍﺷﻪ ﺷﻮﻳﻪ ﺿﻴﮕﻪ ﻭﻟﻔﻴﺖ ﺷﻌﺮﻱ ﺫﻳﻞ ﺣﺼﺎﻥ ﻋﺎﻟﻲ ﻭﻧﺰﻟﺖ ﺧﺼﻠﻪ ﻋﻠﻰ ﻭﺟﻬﻲ ﺍﻧﻲ ﺷﻌﺮﻱ ﻧﺎﻋﻢ ﺣﻴﻞ ﻣﺎﻳﺤﺘﺎﺝ ﺗﺴﺮﻳﺢ .
ﺍﻥ ﺷﺎﺀ ﺍﻟﻠﻪ ﺍﮔﺪﺭ ﺍﻫﺪﻳﻪ ﻭﻣﺎﻳﺠﻴﻨﻲ ﻣﻌﺼﺐ ﻭﻣﻐﻨﺪﺏ ﺍﻟﻮﺟﻪ .
ﺇﺟﻪ ﻭﺇﺳﻤﺎﻋﻴﻞ ﻓﺘﺢ ﺍﻟﺒﺎﺏ ﺳﻤﻌﺖ ﺻﻮﺗﻪ ﺑﺎﻟﻄﺎﺭﻣﻪ ﺟﺴﻤﻲ ﺭﺟﻒ .
ﺩﺧﻞ ﻟﻼﺳﺘﻘﺒﺎﻝ ﻭﺍﻟﻮﻟﺪ ﻳﻤﻪ .. ﻣﺎﻫﺪﻭﻩ ﻟﻤﺎ ﺻﺎﺭﺕ ﺍﻟﺴﺎﻋﻪ ﺑﺎﻟـ 10 .. ﺭﺍﺩ ﻳﺮﻭﺡ ﻭﻫﻤﻪ ﻣﺎﺧﻠﻮﻩ ﻳﺸﻮﻓﻨﻲ .
ﺍﻱ ﻫﻤﺰﺯﻳﻦ ﺑﻠﻜﻲ ﻣﺎﻳﺨﻠﻮﻧﻪ ﺍﻟﻮﻟﺪ ﻳﺸﻮﻓﻨﻲ ﻭﻳﻐﻠﺲ .
ﺑﺲ ﻻﺣﻴﺎﺓ ﻟﻤﻦ ﺗﻨﺎﺩﻱ .. ﺩﺧﻞ ﺇﺳﻤﺎﻋﻴﻞ ﮔﺎﻝ ﻳﺮﻳﺪ ﻳﺸﻮﻓﺞ ﻗﺒﻞ ﻻﻳﺮﻭﺡ .
ﻋﺪﻟﺖ ﺭﻭﺣﻲ ﮔﻮﻩ ﻭﻣﺸﻴﺖ ﻟﻼﺳﺘﻘﺒﺎﻝ .. ﻋﻮﺩ ﺍﻟﺠﻤﺎﻋﻪ ﻣﻔﺮﻏﻴﻬﻪ ﻭﻻ ﻭﺍﺣﺪ ﺑﻴﻬﻪ ﻳﺒﻮﻭ ﻫﻢ ﺧﻠﻮﻧﻲ ﻭﺣﺪﻱ ﻳﻤﻪ .
ﺩﺧﻠﺖ ﻭﻫﻮَ ﮔﺎﻋﺪ ﻣﻦ ﺷﺎﻓﻨﻲ ﺭﻓﻊ ﺣﺎﺟﺒﻪ ﻭﺧﺰﺭﻧﻲ ﺧﺰﺯﺭﻩ .. ﺍﺍﺍﺣﺢ ﻟﻬﺴﻪ ﻃﺎﺑﻌﻪ ﺑﺒﺎﻟﻲ ﻛﻠﻬﻪ ﻏﻀﺐ ﻭﻋﺪﻡ ﺭﺿﺎ
ﻧﻈﺮﺍﺗﻪ ﺗﺤﻮﻟﺖ ﻟﻌﺘﺎﺏ ﻭﻋﺼﺒﻴﻪ ﻣﻤﺰﻭﺟﻪ ﺑﻘﺴﺎﻭﺓ ﻭﺟﻬﻪ . ﻇﻠﻴﺖ ﻭﺍﮔﻔﻪ ﻣﺼﻔﺼﻔﻪ ﺃﺷﺮﻟﻲ ﺑﺤﻮﺍﺟﺒﻪ ﻭﻧﺘﺮ ؛ -
- ﮔﻌﺪﺩﻱ
ﺭﺣﺖ ﮔﻌﺪﺕ ﻣﻘﺎﺑﻴﻠﻪ ﻣﺪﻧﮕﻪ ﺣﺴﻴﺖ ﺭﺍﺳﻲ ﺩﺧﻞ ﺑﺼﺪﺭﻱ ﻛﺪﻣﺎ ﻣﺪﻧﮕﺘﻪ .. ﺭﺟﻊ ﻧﺘﺮ -:
- ﺗﻌﺎﻱ
ﻇﻠﻴﺖ ﻣﺪﻧﮕﻪ ﻭﺃﻟﻌﺐ ﺑﺄﺻﺎﺑﻌﻲ
- ﺗﻌﺎﺍﺍﻱ ﺩﺍﺣﺎﺟﻴﺞ
ﮔﻤﺖ ﮔﻌﺪﺕ ﻳﻤﻪ ﺑﻤﺴﺎﻓﻪ ﺿﺎﺝ ﻻﻥ ﻣﺎﺗﻘﺮﺑﺖ ﻳﻤﻪ ﻛﻠﺶ ﺑﺤﺮﻛﻪ ﺳﺮﻳﻌﻪ ﺳﺤﺒﻨﻲ ﻣﻦ ﺯﻧﺪﻱ ﻗﻮﻱ ﻭﻗﺮﺑﻨﻲ ﻋﻠﻴﻪ ﺑﺤﻴﺚ ﻃﺎﺡ ﻧﺺ ﺟﺴﻤﻲ ﺑﺤﻀﻨﻪ ﻣﻦ ﻗﻮﺓ ﺍﻟﺴﺤﺒﻪ .
ﻫﻤﺲ -:
- ﻟﻮ ﺗﺨﺎﻓﻴﻦ ﻣﺘﺴﻮﻳﻬﻪ
ﻇﻠﻴﺖ ﺳﺎﻛﺘﻪ ﻭﺃﺑﻠﻊ ﺭﻳﻚ ﺑﺼﻌﻮﺑﻪ ﻭﺍﻻﻓﻜﺎﺭ ﺗﺘﺮﺍﻃﻢ ﺑﺒﺎﻟﻲ .. ﺳﺎﻋﻪ ﺍﮔﻮﻝ ﻫﺴﻪ ﻳﺠﻴﻨﻲ ﺭﺍﺷﺪﻱ ﻋﻠﻰ ﻏﻔﻠﻪ ﺳﺎﻋﻪ ﺍﮔﻮﻝ ﻻ ﺑﻮﻛﺲ ﻋﻠﻰ ﺧﺸﻤﻲ ﻛﻠﺶ ﻛﺎﻓﻲ .. ﺍﺧﺮ ﺷﻲ ﻧﺘﺮ ﺑﻨﻔﺎﺫ ﺻﺒﺮ -:
- ﻣﺘﻨﻄﻘﻴﻦ ﺍﻟﻴﻮﻡ ﻧﺒﻘﻪ ﻫﻴﺞ
ﺍﻧﺘﻈﺮ ﺍﺣﺠﻲ ﻣﺎﺣﭽﻴﺖ ﺑﻘﻪ ﺷﻮﻳﻪ ﻣﻨﺘﻈﺮ ﻭﺍﻧﻲ ﺳﻜﺘﻪ ﺁﺧﺮ ﺷﻲ ﺣﻂ ﺭﺟﻞ ﻋﻠﻰ ﺭﺟﻞ ﻭﺍﻧﺘﭽﻪ ﻋﻠﻰ ﺍﻟﺤﺎﻳﻂ
ﻣﺎﻫﺮ .. ﻭﺍﻧﻲ ﻫﻢ ﻣﺎﻋﻨﺪﻱ ﺷﻲ ﺍﻟﻴﻮﻡ ﺍﺑﻘﻪ ﻫﻨﺎ ﺍﺷﻮﻓﺞ ﺷﻮﻛﺖ ﺗﺤﺠﻴﻦ
ﻫﻤﺴﺖ ﺑﺼﻮﺕ ﻧﺎﺻﻲ -:
- ﻫﺴﻪ ﺷﺴﻮﻳﺖ ﻗﺎﺑﻞ ﺃﺟﺮﻣﺖ
ﺗﻘﺮﺏ ﺣﻂ ﺇﺫﻧﻪ ﻋﻠﻰ ﺣﻠﮕﻲ ﻭﻳﺤﺠﻲ ﺑﺈﺳﺘﻬﺰﺍﺍﺀ
- ﻫﺎﺍﺍ؟؟ ﺷﻮ ﻋﻴﺪﻱ ﺑﻠﻪ ﺍﺷﻮ ﺍﻟﻴﻮﻡ ﻣﺪﺍﺳﻤﻊ ﺻﻮﺗﺞ
- ﺳﻮﻳﺖ ﺟﺮﻳﻤﻪ ﻫﻲَ ﻃﻠﻌﻪ ﻟﻠﺴﻮﮒ ﺣﺘﻰ ﻣﺎﻃﻮﻟﺖ
- ﺍﻱ ﻏﻴﺮ ﺑﻔﻀﻠﻲ ﻳﻌﻨﻲ ﻟﻮ ﻣﺎ ﺁﻧﻲ ﻣﺨﺎﺑﺮﺝ ﺑﺎﻗﻴﻪ ﺑﺎﻟﺴﻮﮒ ﻭﺑﺪﻭﻥ ﻋﻠﻤﻲ ﻫﻤﺎﺗﻴﻦ
- ﻏﻴﺮ ﻣﺎﺗﺤﭽﻲ ﻭﻳﺎﻱ ﺷﻠﻮﻥ ﺍﺧﺎﺑﺮﻙ
- ﺍﻫﺎ ﻻﺯﻡ ﻛﺮﺍﻣﺔ ﺣﻀﺮﺗﺞ ﺗﺘﺨﺪﺵ ﻣﻦ ﺗﺮﻓﻌﻴﻦ ﺍﻟﻤﻮﺑﺎﻳﻞ ﻭﺗﺘﺼﻠﻴﻦ ﻋﻠﻴﻪ
ﺳﻜﺘﺖ ﻻﻥ ﺍﻟﻌﺼﺒﻴﻪ ﺑﻌﺪﻫﻪ ﺑﻴﻪ ﻣﺎﺍﺣﺐ ﺍﺣﭽﻲ ﻭﻳﺎﻩ ﻣﻦ ﻳﻜﻮﻥ ﻋﺼﺒﻲ ﻻﺯﻡ ﺷﻮﻳﻪ ﻫﺎﺩﺉ ﻻﻥ ﺍﺧﺎﻑ
ﻧﺘﺮ ﺑﻐﻀﺐ ﻣﻜﺘﻮﻡ
- ﻣﺎﺍﺍﺗﺘﺘﺤﺠﻴﻴﻴﻴﻦ
- ﻣﺎﻫﺮ ﺍﺷﺮﺏ ﻣﺎﻱ ﻣﺎﻛﺪﺭ ﺍﺣﺠﻲ ﻭﻳﺎﻙ ﺍﺫﺍ ﻋﺼﺒﻲ ﻛﻠﺸﻲ ﺑﻬﺪﻭﺀ
- ﻫﺪﺩﻭﺀﺀ ﺍﻳﺸﺶ ﻓﻬﻤﻴﻴﻴﻨﻲ
- ﺁﺧﺮ ﻣﺮﻩ
ﺑﺎﻭﻋﻠﻲ ﺑﻨﻈﺮﺍﺕ ﺗﺤﺬﻳﺮﻳﻪ ﻭﺭﻓﻊ ﺣﻮﺍﺟﺒﻪ ﻳﺤﺬﺭﻧﻲ
- ﺛُﺮﺭﺭﺭﺭﻯٰ
- ﻫﺎ ﻫﺎ ﻭﺍﻟﻠﻪ ﺍﺧﺮ ﻣﺮﻩ ﺷﺒﻴﻚ
ﻓﺮﻙ ﻭﺟﻬﻪ ﻭﺭﻓﻊ ﺍﺻﺒﻌﻪ ﺍﻟﺴﺒﺎﺑﻪ ﺑﻮﺟﻬﻲ
- ﺍﺧﺮﺭﺭ ﻣﺮﺭﺭﻩ ﻭﻋﺪﺩ؟؟
- ﺍﺧﺮ ﻣﺮﺭﺭﻩ
- ﺗﻤﺎﻡ ﻟﻌﺪ ﻭﺑﻌﺪ ﺷﺎﻳﻔﻪ ﺑﺎﺏ ﺍﻟﻄﺮﻣﻪ ﻣﺘﻔﺘﺤﻴﻪ ﺑﺪﻭﻥ ﻋﻠﻤﻲ
- ﻻ ﻣﻮ ﻟﻬﺎﻟﺪﺭﺟﻪ
- ﺛُﺮﺭﺭﻯٰ ﺑﺎﺏ ﺍﻟﻄﺮﻣﻪ ﻣﻴﻨﻔﺘﺢ ﺑﺪﻭﻥ ﻋﻠﻤﻲ ﻓﻬﻬﻬﻤﺘﺘﻲ
- ﺍﻱ ﻓﻬﻤﺖ
- ﺗﻌﺒﺘﻴﻨﻲ
- ﻳﺨﺴﻰ ﺍﻟﺘﻌﺐ
ﺑﺎﻭﻋﻠﻲ ﺑﻨﻈﺮﺍﺕ ﻋﺘﺐ ﻭﺗﻨﻬﺪ
- ﻟﻮ ﺗﺮﻳﺪﻳﻦ ﻣﻦ ﺍﻟﺒﺪﺍﻳﻪ ﻣﺘﺘﻌﺒﻴﻨﻲ .. ﺣﺮﮔﺘﻴﻨﻲ ﺑﻨﺎﺭ ﻣﻦ ﻃﻠﻌﺘﻲ ﺑﺪﻭﻥ ﻋﻠﻤﻲ
- ﻧﺴﻴﺖ ﻭﺍﺑﻮ ﻓﺎﺿﻞ ﻧﺴﺴﻴﺖ
- ﺍﻱ ﻋﺮﻓﺖ ﻟﺘﺤﻠﻔﻴﻦ ﻭﺑﻌﺪ ﻫﺎﻱ ﺍﺧﺮ ﻣﺮﻩ ﺃﺳﺎﻣﺢ ﺍﻟﻤﺮﻩ ﺍﻟﺠﺎﻳﻪ ﺍﺑﻠﺶ ﻋﻘﻮﺑﺎﺕ
- ﺻﺨﺎﻡ ﺷﻨﻮ ﻋﻘﻮﺑﺎﺗﻴﺶ
- ﻋﻘﻮﺑﺎﺕ ﺑﺒﺎﻟﻲ
- ﻳﻌﻨﻲ ﺗﻀﺮﺑﻨﻲ
- ﻟﺠﺠﺞ ﺛُﺮﻯٰ ﺷﻌﻨﺪﺝ ﻭﻱ ﺍﻟﻀﺮﺏ؟ ﻫﺴﻪ ﺷﺎﻳﻔﺘﻨﻲ ﻻﺯﻡ ﺻﻮﻧﺪﻩ ﻭﮔﺎﻋﺪﻟﺞ ﺿﺮﺏ؟ .. ﺍﺷﻮ ﻛﻠﻤﺎ ﺣﭽﻴﺘﻲ ﻭﮔﻠﺘﻲ ﺗﻀﺮﺑﻨﻲ ﺗﺮﻩ ﺍﻧﻲ ﻣﺎﺍﺿﺮﺏ ﻭﺍﻛﺮﻩ ﺍﻟﻀﺮﺏ . . ﻓﻘﻂ ﺑﺤﺎﻟﺔ ﺍﻟﻔﻘﺪﺍﻥ ﻳﻌﻨﻲ ﺍﺫﺍ ﻓﻘﺪﺕ ﻣﺎﺍﻋﺮﻑ ﺷﺄﺳﻮﻱ ..
ﺑﺲ ﺍﻛﺜﺮ ﺷﻲ ﻣﺎﺍﺿﺮﺏ
- ﭼﺎ ﺑﺲ ﺟﻨﺎﺕ ﺳﻤﻄﺘﻬﻪ ﺭﺍﺷﺪﻱ ﺧﻤﺪﺗﻬﻪ
- ﺍﻭﻝ ﻣﺮﻩ ﺑﺤﻴﺎﺗﻲ ﺍﺳﻮﻳﻬﻪ ﻭﻳﺎﺭﻳﺖ ﻣﺴﻮﻳﺘﻬﻪ ﻭﺿﺮﺑﺖ ﻭﺣﺪﻩ ﻣﺘﺴﻮﻩ .. ﻣﺎﻛﻮ ﺷﻲ ﻳﻤﺸﻲ ﺑﺎﻟﻀﺮﺏ ﻭﺍﻻﺟﺒﺎﺭ ﻛﻠﻪ ﺑﺎﻟﺘﻔﺎﻫﻢ ﺃﻣﺎ ﺍﻟﻴﺴﻮﻱ ﺍﺧﻄﺎﺀ ﻫﺎﻱ ﺍﺧﺼﺼﻠﻪ ﻋﻘﻮﺑﺎﺕ ﺑﺒﺎﻟﻲ ﺃﻋﺮﻑ ﺷﻠﻮﻥ ﺍﺳﺘﺨﺪﻣﻬﻪ
- ﺍﻣﻤﻢ ﺗﺨﻮﻑ ﻋﻘﻮﺑﺎﺗﻚ ؟
- ﻫﻴﺞ ﺷﻲ
- ﺟﺎ ﺧﻞ ﺍﺣﻀﺮ ﺭﻭﺣﻲ ﻣﻦ ﻫﺴﻪ
- ﻻﺯﻡ ﻧﺎﻭﻳﻪ ﺗﻜﺜﺮﻳﻦ ﺑﺎﻟﻌﻨﺎﺩ
- ﻻ ﻻ ﻭﺍﻟﻠﻪ ﺑﺲ ﺧﺎﻑ ﺍﺗﻌﺎﻗﺐ ﺍﻻﺣﺘﻴﺎﻁ ﻭﺍﺟﺐ
- ﺻﺢ
- ﺗﺄﺧﺮﺕ ﻫﺴﻪ ﺣﺮﻭﺡ ﻭﺃﺗﺼﻞ ﺑﻴﺞ ﺑﻌﺪ ﺷﻮﻱ
- ﺍﻧﺘﻈﺮﻙ ﻳﻌﻨﻲ
- ﺍﺫﺍ ﺗﻨﻌﺴﻴﻦ ﻟﺘﻨﺘﻈﺮﻳﻦ
- ﻻ ﻻ ﻣﻴﺨﺎﻟﻒ ﺍﻧﺘﻈﺮ
- ﺗﻤﺎﻡ ﻟﻌﺪ .. ﺑﺎﻱ
- ﺑﺎﻱ
ﺭﺍﺡ ﻭﻣﻦ ﺭﺟﻊ ﻃﻮﻝ ﺳﺎﻋﻪ ﻭﺧﺎﺑﺮﻧﻲ .. ﺻﺎﻟﺤﻨﻲ ﻭﻇﻞ ﻳﺘﻐﺰﻝ ﺑﻴﻪ ﻛﺎﻟﻌﺎﺩﻩ ﻭﺍﻧﻲ ﻣﺮﺍﺕ ﺍﺗﺠﺎﻭﺏ ﻭﻳﺎﻩ ﻭﻣﺮﺍﺕ ﺍﺳﺘﺤﻲ ﺍﻭ ﻫﻮَ ﻛﻼﻣﻪ ﻳﺨﻠﻲ ﺃﻱ ﻛﻠﻤﻪ ﺑﺒﺎﻟﻲ ﺗﻄﻴﺮ ﻭﺗﺘﺒﺨﺮ .
ﺩﺍﻭﻣﺖ ﺍﻟﻴﻮﻡ ﺍﻟﺼﺒﺢ ﺑﺎﻟﻜﻠﻴﻪ ﻭﻟﮕﻴﺘﻠﻚ ﺍﻟﺪﻛﺘﻮﺭﻩ ﻣﺸﺮﻓﻪ ﻭﻣﺘﻜﺮﻛﺤﻪ ﻣﻨﺘﻈﺮﻩ ﺍﻷﺥ ﻳﺠﻲ .
ﺍﻧﻲ ﺑﻮﻗﺘﻬﻪ ﺭﺣﺖ ﻟﻤﻜﺘﺒﻪ ﻻﻥ ﺩﻭﻡ ﺍﺟﻴﻪ ﺃﻱ ﺷﻲ ﻣﺎﻓﺎﻫﻤﺘﻪ ﻳﺸﺮﺣﻪ ﺇﻟﻲ ﺑﺄﻱ ﻣﺎﺩﻩ ﻻﻥ ﻣﺎﺩﺗﻪ ﺿﺎﺑﻄﺘﻬﻪ ﺗﻮﺏ .بيج قصص عراقيه حقيقيه من واقعنا.روعه الطائي
ﻟﮕﻴﺘﻬﻪ ﮔﺎﻋﺪﻩ ﻻﻃﺨﻪ ﺭﻭﺣﻬﻪ ﺑﺎﻟﻤﻜﻴﺎﺝ ﻭﻫﻲَ ﻣﻨﺎ ﻣﺎﻋﺎﻳﺰﻩ ﺟﻤﺎﻝ ﻭﻻﺑﺴﻪ ﺗﻨﻮﺭﻩ ﻗﺼﻴﺮﻩ ﻭﺟﻮﺍﻫﻪ ﺟﻮﺍﺭﻳﺐ ﺑﺲ ﺑﺎﺭﺯﻩ ﻋﻀﻠّﺔ ﺭﺟﻠﻬﻪ .. ﻭﻗﻤﻴﺺ ﺃﺣﻤﺮ ﻭﻛﻌﺐ ﺃﺣﻤﺮ ﺟﻨﻄﻪ ﺳﻮﺩﻩ ﻭﻛﺐ ﺍﺣﻤﺮ ﻭﺷﺎﻝ ﺍﺳﻮﺩ ﻳﻌﻨﻲ ﻣﻨﺴﻘﻪ ﺗﻨﺴﻴﻖ ﺍﻻ ﺑﺸﺪﻩ ﻭﻣﻮ ﻫﺬﺍ ﺍﻻﺣﻤﺮ ﺻﺎﺭﺥ ﺍﻟﻤﻮ ﺣﻠﻮ ﻻ ﻟﻮﻥ ﻧﺎﺯﻙ ﻏﺎﻣﻖ .
ﻇﻠﻴﺖ ﺃﻧﺸﺎﻝ ﻭﺍﻧﺮﮔﻊ ﺷﻌﺪﻫﻪ ﺟﺎﻳﻪ ﻫﺎﻱ ﺷﻌﺪﻫﻪ؟؟؟؟؟
ﻟﺒﺴﻬﻪ ﻣﻐﺮﻱ ﻭﻫﻲَ ﺣﻠﻮﻩ ﺍﺳﺘﻐﻔﺮ ﺍﻟﻠﻪ ﺭﺑﻲ ﺑﺲ ﻛﻮﻥ ﻣﺎﺍﺳﻮﻱ ﺟﺮﻳﻤﻪ ﻫﺴﻪ ﺑﻬﺎﻟﻠﺤﻈﻪ .
ﺳﻠﻤﺖ ﻭﺭﺩﺕ ﺍﻟﺴﻼﻡ ﺻﻮﺗﻬﻪ ﻳﺘﻨﻐﻮﺹ ﻭﺗﻌﻮﺝ ﺑﺤﻠﻜﻬﻪ .. ﺃﺷﻮ ﺍﻧﻲ ﻣﺎﺍﻋﺮﻑ ﺃﺗﻤﻮﻉ ﻣﺜﻠﻬﻪ ﻛﻠﻤﺔ ﺣﺒﻴﺒﻲ ﮔﻮﻩ ﺍﺣﭽﻴﻬﻪ .
ﻇﻠﻴﺖ ﮔﺎﻋﺪﻩ ﮔﺪﺍﻣﻬﻪ ﻭﺍﺧﺰﺭ ﺑﻴﻬﻪ ﻭﻫﻲَ ﺗﺒﺎﻭﻋﻠﻲ ﻣﺴﺘﻐﺮﺑﻪ ﻭﺗﺪﻭﺭ ﻭﺟﻬﻪ ﻓﻮﻛﺎﻫﻪ ﺣﺎﻃﻪ ﺭﺟﻞ ﻋﻠﻰ ﺭﺟﻞ ﻫﺎﻟﻠﻪ
ﻃﺐ ﻣﺎﻫﺮ ﺑﺈﻳﺪﻩ ﺃﻭﺭﺍﻕ ﻭﮔﺎﻝ -:
- ﻗﻄﺮﺭ ﻫﺎﻱ ﺟﺒﺘﻠـ ..
ﺷﺎﻓﻨﻲ ﺻﻔﻦ ﻭﺳﻜﺖ .. ﻋﻜﺪ ﺣﻮﺍﺟﺒﻪ ﻭﺳﺄﻟﻨﻲ -:
- ﺛُﺮﻯٰ ﺷﺪﺗﺴﻮﻳﻦ ﻫﻨﺎ؟
- ﻣﻨﺘﻈﺮﺗﻚ
- ﺍﻫﺎ .. ﻋﻨﺪﻱ ﺷﻐﻞ ﻣﻄﻮﻝ ﺇﺫﺍ ﺗﺤﺒﻴﻦ ﺗﻌﺎﻟﻴﻠﻲ ﺑﻌﺪ ﺷﻮﻱ
ﺭﻓﻌﺘﻠﻪ ﺣﺎﺟﺒﻲ ﻭﺣﻄﻴﺖ ﺭﺟﻞ ﻋﻠﻰ ﺭﺟﻞ ﭼﺎ ﺷﺒﻴﻪ ﺍﻧﻲ ﻣﺎﺍﻋﺮﻑ ﺍﺣﻂ ﺭﺟﻞ ﻋﻠﻰ ﺭﺟﻞ .. ﻭﻫﻢ ﺍﻋﺮﻑ ﺍﺗﻤﻮﻉ ﺑﺲ ﻏﻴﺮ ﻫﻮَ ﻳﺤﺐ ﻃﺒﻴﻌﺘﻲ ﭼﺎ ﺷﺄﺳﻮﻳﻠﻪ .
- ﻣﺎﻋﻨﺪﻱ ﺷﻲ ﺍﮔﻌﺪ ﻫﻨﺎ
- ﻫﺴﻪ ﺭﺍﺣﻠﻜﻢ ﺩﻛﺘﻮﺭ ﻣﺴﻠﻢ ﺗﺮﻭﺡ ﻋﻠﻴﺞ ﺍﻟﻤﺤﺎﺿﺮﻩ
ﻭﮔﻔﺖ ﺑﻌﺼﺒﻴﻪ
- ﺭﺍﻳﺤﻪ ﺭﺍﻳﺤﻪ ﺍﺧﺬ ﺭﺍﺣﺘﻚ
ﺑﺎﻭﻋﺖ ﻋﻠﻴﻬﻪ ﻣﻦ ﮔﻠﺖ " ﺍﺧﺬ ﺭﺍﺣﺘﻚ " ﻫﻮَ ﺧﺰﺭﻧﻲ ﻣﺘﻔﺎﺟﺊ .. ﻭﺍﻧﻲ ﺧﻠﻴﺖ ﻭﻃﻠﻌﺖ .. ﮔﺎﻋﺪ ﻳﻄﺮﺩ ﺑﻴﻪ .. ﭼﺎ ﻣﺎﺍﻋﺮﻓﻪ ﻳﻔﻘﺪ ﻉ ﺍﻟﺤﻠﻮﺍﺕ .
ﺭﺣﺖ ﻟﻠﻤﺤﺎﺿﺮﻩ ﻭﻣﻌﺼﺒﻪ ﺍﺻﻼً ﻣﺎﻓﻬﻤﺖ ﺷﻲ ﺍﻓﻜﺮ ﻫﺴﻪ ﺷﻴﺴﻮﻥ ﻣﻌﻘﻮﻟﻪ ﻋﻨﺪﻩ ﺷﻲ ﻭﻳﺎﻫﻪ ﻭﺍﻧﻲ ﺻﻮﺟﻲ ﻣﺎﺑﻴﻨﺘﻠﻪ ﻣﺎﺍﺣﺒﻬﻪ .
ﻃﻠﻌﺖ ﻟﻠﺤﺪﻳﻘﻪ ﺍﺧﺘﻨﮕﺖ ﺍﺭﻳﺪ ﺍﺗﻨﻔﺲ ﺍﺷﺘﻢ ﺷﻮﻳﺔ ﻫﻮﻯٰ .
ﺗﻮﻧﻲ ﻛﻌﺪﺕ ﻭﺍﺟﺘﻨﻲ ﻃﺎﻟﺒﻪ ﻛﺎﻟﺖ ﺩﻛﺘﻮﺭ ﻣﺎﻫﺮ ﻳﺮﻳﺪﺝ .. ﺗﻌﺎﻝ ﻳﻌﻤﻲ ﺷﺎﻳﻠﻨﻲ ﻫﺴﻪ ﻳﺴﻮﻳﻨﻲ ﺍﻧﻲ ﻏﻠﻄﺎﻧﻪ .
ﺩﺧﻠﺖ ﻟﮕﻴﺘﻪ ﮔﺎﻋﺪ ﻉ ﺍﻟﻤﻜﺘﺐ ﻭﻳﺴﻮﻱ ﺭﻭﺣﻪ ﻳﺸﺘﻐﻞ ﺑﺎﻻﻭﺭﺍﻕ .. ﺑﻘﻴﺖ ﻭﺍﮔﻔﻪ ﺍﺭﻳﺪﻩ ﻳﺮﻓﻊ ﺭﺍﺳﻪ ﻭﻳﺪﺭﻱ ﺍﻧﻲ ﻫﻨﺎ ﺗﺮﻩ ..
ﻣﺎﻛﻮ ﻣﺎﺭﻓﻊ ﺭﺍﺳﻪ ﻭﺳﻮﻩ ﺭﻭﺣﻪ ﻳﺸﺘﻐﻞ .. ﺩﺭﺕ ﻭﺟﻬﻲ ﻭﺭﺩﺕ ﺃﻃﻠﻊ ﮔﺎﻝ ﺑﺒﺮﻭﺩ -:
- ﺭﺟﻌﻲ ﻟﻤﻜﺎﻧﺞ
- ﻣـﺎﺍ
- ﺭﺟﻌﻴﻲ
ﺭﺟﻌﺖ ﻭﮔﻠﺖ ﻳﻤﻜﻦ ﻫﺴﻪ ﻳﺤﭽﻲ ﻭﻳﻨﻄﻖ ﺑﺲ ﻣﺎﻛﻮ ﻣﺎﺣﭽﻪ ﺷﻲ ﻭﻇﻞ ﺳﺎﻛﺖ .. ﺍﺩﺭﻱ ﺟﺎﻱ ﻳﻌﺎﻗﺒﻨﻲ ﻟﻮ ﺷﻨﻮ ﺍﻟﻤﻮﺿﻮﻉ .
ﻧﺘﺮﺕ ﺑﺼﻮﺕ ﻋﺎﻟﻲ -:
- ﺇﺫﺍ ﻣﺎﺗﺤﭽﻲ ﺑﻌﺪ ﺍﻟﻤﻦ ﺩﺍﺯ ﻋﻠﻴﻪ
ﺭﻓﻊ ﺭﺍﺳﻪ ﺧﺰﺭﻧﻲ ﻭﺭﺃﺳﺎً ﻋﺎﻁ ﻓﺰﺯﻧﻲ
- ﺻﻮﻭﺗﺠﺠﺞ
ﺳﻜﺘﺖ ﻭﺩﺭﺕ ﻭﺟﻬﻲ ﺍﻗّﻠﺐ ﺑﻌﻴﻮﻧﻲ ﻣﺎﺭﺍﺿﻴﻪ
- ﺷﻨﻮ ﻣﻌﻨﻰ ﺗﺼﺮﻓﺞ؟
ﻧﺘﺮﺕ -:
- ﺷﻨﻮﻭﻭﻭﻭﻭﻭ؟؟؟
- ﺻﻮﻭﻭﻭﻭﺗﺞ ﺛُﺮﺭﺭﻳﺎ ﺻﻮﻭﺗﺞ !!
- ﺛُﺮﻳﺎ !!
ﻭﮔﻒ ﻓﺮﻙ ﻭﺟﻬﻪ ﻭﺍﻧﻄﺎﻧﻲ ﻇﻬﺮﻩ !
ﺍﻧﺼﺪﻣﺖ ﻣﻦ ﮔﺎﻝ ﺛُﺮﻳﺎ !
ﻇﻠﻴﺖ ﺻﺎﻓﻨﻪ ﻭﺛُﺮﻳﺎ ﺗﺘﺮﺩ ﺑﺒﺎﻟﻲ .. ﺷﻨﻮ ﻗﺼﺪﻩ ﻋﻮﺩ ﻫﻮَ ﻏﺮﻳﺐ ﻭﺻﺎﺣﻨﻲ ﺛُﺮﻳﺎ ﻻﻥ ﻛﻞ ﺍﻟﻤﺎﻳﻌﺮﻓﻮﻧﻲ ﻳﺼﻴﺤﻮﻟﻲ ﺛﺮﻳﺎ .. ﻇﻠﻴﺖ ﻣﺴﻄﻮﺭﻩ ﺷﻨﻮ ﻗﺼﺪﻩ !
ﺑﺲ ﻛﻠﻤﺘﻪ ﺣﺮﮔﺘﻨﻲ ﻣﻦ ﺻﺎﺡ ﺛُﺮﻳﺎ ﺧﺎﻑ ﺍﻧﻲ ﻣﺎﻣﺤﺘﺮﮔﻪ ﻭﺧﺎﻑ ﻧﺎﺭ ﺍﻟﻐﻴﺮﻩ ﻣﺎﺍﻧﺸﻌﻠﺖ ﺑﻴﻪ .
ﺭﺟﻌﺖ ﻟﻮﺭﻩ ﻭﻫﻤﺴﺖ -:
- ﺭﺍﺡ ﺍﺭﻭﺡ ﺍﻧﻲ
ﻣﺎﺣﭽﻪ ﺷﻲ ﻭﻭﻻ ﺗﺤﺮﻙ ﺍﺻﻼً .. ﺧﻠﻴﺖ ﻭﻃﻠﻌﺖ ﺍﻭﻝ ﻣﺎﻃﻠﻌﺖ ﻧﺰﻟﺖ ﺩﻣﻌﺘﻲ ﻣﻦ ﺍﻟﺤﺮﮔﻪ .. ﺇﻳﺪﻳﻪ ﻛﺎﻣﺖ ﺗﺮﺟﻒ ﻣﻦ ﺍﻟﻘﻬﺮ .
ﻛﻤﻞ ﺍﻟﺪﻭﺍﻡ ﻭﻫﻮَ ﻻﺻﻮﺕ ﻭﻻ ﺧﺒﺮ .. ﻃﻠﻌﺖ ﺑﺮﻩ ﺍﻧﺘﻈﺮ ﺍﺳﻤﺎﻋﻴﻞ ﻭﻻﻥ ﺣﻈﻲ ﺗﻌﻴﺲ ﻭﻣﺎﻛﻮ ﺍﺗﻌﺲ ﻣﻨﻪ ﺧﺎﺑﺮﻧﻲ ﻣﺎﻳﻜﺪﺭ ﻳﺠﻲ ﻻﻥ ﺑﺎﻻﺯﺩﺣﺎﻡ ﻭﺍﮔﻔﻪ ﺍﻟﺴﻴﺎﺭﻩ .. ﻋﻮﺩ ﻳﺮﻳﺪ ﻳﺠﻴﺐ ﺍﻟﻤﺴﻌﺪﻩ ﺑﺴﻴﺎﺭﺓ ﺻﺪﻳﻘﻪ ﺗﺎﻟﻲ ﻋﻠﮓ ﺑﺎﻻﺯﺩﺣﺎﻡ
ﺇﺳﺘﻠﻢ ﻫﺴﻪ ﻳﺠﻴﻨﻲ ﺍﻻ ﻳﻮﺻﻠﻨﻲ ﻭﺍﻧﻲ ﻣﺎﺍﺭﻳﺪ ﺍﺣﺘﻚ ﺑﻴﻪ ﺍﻟﻴﻮﻡ ﻛﻠﻪ .
ﻭﻛﻔﺖ ﻉ ﺍﻟﺸﺎﺭﻉ ﺃﺭﻳﺪ ﺃﺃﺟﺮ ﺗﻜﺴﻲ .. ﺷﻠﻮﻥ ﺑﻴﻪ ﺍﺧﺎﻑ ﻣﻦ ﺍﻟﺘﻜﺴﻴﺎﺕ ﺍﻇﻞ ﺍﺗﺨﻴﻞ ﻳﺨﻄﻔﻨﻲ .
ﻭﺍﻟﻠﻪ ﻣﺜﻞ ﻣﺎﺗﻮﻗﻌﺖ ﻟﺤﻈﺎﺕ ﻭﺳﻴﺎﺭﺗﻪ ﻭﻛﻔﺖ ﻳﻤﻲ .. ﻧﺰّﻝ ﺍﻟﺠﺎﻣﻪ ﻭﺳﺄﻟﻨﻲ ﺑﺪﻭﻥ ﻣﺎﻳﺒﺎﻭﻉ ﺑﻴﻪ ﻳﺒﺎﻭﻉ ﻣﺴﺘﻘﻴﻢ ﻭﻻﺑﺲ ﻧﻈﺎﺭﺗﻪ .
ﻣﺎﻫﺮ .. ﻭﻳﻦ ﺍﺳﻤﺎﻋﻴﻞ؟
- ﻣﺎﻳﺠﻲ ﺍﻟﻴﻮﻡ
- ﻟﻴﺶ؟
- ﺑﺎﻻﺯﺩﺣﺎﻡ
ﺃﺷﺮﻟﻲ ﺑﺮﺍﺳﻪ
- ﺻﻌﺪﻱ
- ﻣﺎﺍﺭﻳﺪ ﻫﺴﻪ ﺃﺧﺬ ﺗﻜﺴﻲ
ﺃﻟﺘﻔﺖ ﻋﻠﻴﻪ ﺑﺴﺮﻋﻪ ﻭﺃﺷﺮ ﺑﺮﺍﺳﻪ
- ﺻﻌﺪﺩﺩﻱ
ﺻﻌﺪﺕ ﻭﺍﻧﻲ ﻣﻴﺘﻪ ﻗﻬﺮ ﻣﻨﻪ ..
ﻻﺣﭽﻪ ﻭﻻ ﻧﻄﻖ ﻭﺍﻧﻲ ﻫﻢ ﻇﻠﻴﺖ ﺑﺴﻜﺘﺘﻲ .. ﻭﺻﻠﻨﻲ ﻭﺭﺍﺡ ﺣﺘﻰ ﻧﻈﺮﻩ ﻣﺎﻧﻈﺮﻟﻲ .
ﺍﺷﻮ ﺍﻭﻝ ﻣﺎﺩﺧﻠﺖ ﻟﻠﺒﻴﺖ ﻧﺰﻟﺖ ﺩﻣﻮﻋﻲ ﻭﺍﻟﻠﻪ ﻗﻬﺮ ﻗﻬﻬﺮﺭ .. ﺷﻨﻴﻪ ﻫﻴﻪ ﮔﺎﻋﺪ ﻳﻤﻲ ﻭﻭﻻ ﻋﺒﺎﻟﻚ ﺧﻄﻴﺒﺘﻪ .
ﺩﺧﻠﺖ ﻟﻠﻐﺮﻓﻪ ﺍﺭﻳﺪ ﺍﻛﻤﻞ ﺑﭽﻴﺘﻲ ﻭﻟﮕﻴﺖ ﺗﻘﻮﻯ .. ﻳﻤﻤﻪ ﻛﻴﻔﺖ ﺭﻛﻀﺖ ﻋﻠﻴﻬﻪ ﺍﺣﻀﻦ ﺑﻴﻬﻪ ﻭﺃﺑﻮﺱ .
ﺑﺎﻭﻋﺖ ﺑﻤﻼﻣﺤﻬﻪ ﻣﺸﺘﺎﻗﺘﻠﻬﻪ -:
- ﺣﻴﻴﻴﻞ ﻋﻤﻲ ﺣﺘﻰ ﻧﺴﻴﻨﻪ ﻋﺪﻧﻪ ﺇﺧﺖ
ﺗﻘﻮﻯ .. ﻫﻬﻬﻪ ﺣﺒﻴﺒﺘﻲ ﻭﺍﻟﻠﻪ ﻣﺸﻐﻮﻟﻪ ﻣﺴﺆﻟﻴﺎﺕ ﻭﻋﻴﺎﻝ
- ﻋﻴﺎﻝ؟ ! ﺷﻨﻮ ﻋﻴﺎﻝ ﻏﻴﺮ ﺑﻴﺘﺞ ﻭﺣﺪﺝ؟
ﺗﻘﻮﻯ .. ﺍﻱ ﺑﺎﺑﻨﻪ ﻋﻠﻴﻬﻢ .. ﻳﻌﻨﻲ ﻫﻴﺞ ﻣﺸﺘﻤﻞ ﺻﻐﻴﺮ ﻳﻢ ﺑﻴﺘﻬﻢ ﺑﺲ ﺑﺎﺏ ﻣﺸﺘﺮﻙ
- ﻫﺎﺍ ﺑﻬﺎﻟﺤﺎﻟﻪ ﺍﻧﺖِ ﺗﻄﺒﺨﻴﻦ ﻭﺗﻨﻈﻔﻴﻦ
ﺗﻘﻮﻯ .. ﺍﻱ ﺍﻱ ﺃﻛﻴﺪ ﺍﺻﻼً ﻭﻻ ﻋﺒﺎﻟﻚ ﻋﺎﺯﻟﻴﻦ
- ﻣﺮﺗﺎﺣﻪ؟
ﺳﻜﺘﺖ ﻭﺻﻔﻨﺖ ﺟﺮﺕ ﺣﺴﺮﻩ ﻭﮔﺎﻣﺖ !! ﺷﻨﻮ ﺍﻟﻤﻮﺿﻮﻉ؟ ﻣﻌﻘﻮﻟﻪ ﻣﺎﻣﺮﺗﺎﺣﻪ؟
ﺍﻟﻠﻪ ﺃﻋﻠﻢ .. ﺍﻧﻲ ﺳﻜﺘﺖ ﻣﺎﺣﭽﻴﺖ ﻭﻳﺎﻫﻪ ﺑﻌﺪ ﺧﺎﻑ ﺍﺿﻐﻂ ﻋﻠﻴﻬﻪ .
ﻇﻠﻴﻨﻪ ﻧﺴﻮﻟﻒ ﻭﻧﻀﺤﻚ ﻓﺮﺣﺎﻧﻴﻦ ﺑﻴﻬﻪ ﻣﺸﺘﺎﻗﻴﻠﻬﻪ ﺑﻴﺘﻨﻪ ﻫﺴﻪ ﻳﻼ ﺍﻧﺘﺮﺱ ﻋﻠﻴﻨﻪ ﺣﺘﻰ ﻧﻬﻰ ﻭﻳﺎﻧﻪ .. ﺑﻠﻪ ﻧﻬﻰ ﺭﺟﻠﻬﻪ ﻭﻟﻴﺪ ﻣﮕﺪﻭﺭﻟﻪ ﺑﺲ ﻫﺬﺍ ﺣﺘﻰ ﻛﻼﻣﻪ ﻗﻠﻴﻞ ﻭﻳﺎﻧﻪ ﻭﻛﻠﻪ ﺭﺳﻤﻴﺎﺕ ﺃﺣﺴﻪ ﻣﻌﻘﺪ .
ﺗﻘﻮﻯ ﻛﺎﻟﺖ ﺿﺎﻳﺠﻪ ﻭﻣﺤﺒﻮﺳﻪ ﻣﺎﻃﺎﻟﻌﻪ ﺻﺎﺭ ﺷﮕﺪ ﺇﺳﻤﺎﻋﻴﻞ ﮔﺎﻟﻠﻬﻪ ﺑﺎﺟﺮ ﻧﺮﻭﺡ ﻟﻠﺰﻳﺎﺭﻩ ﻧﺘﻮﻧﺲ ﻭﻧﺰﻭﺭ .. ﺍﻧﻲ ﻛﻴﻔﺖ ﺣﺘﻰ ﻫﻢ ﺷﻮﻳﻪ ﺃﻏﻴﺮ ﺟﻮ ﻭﻫﻢ ﺃﺧﺎﺑﺮﻩ ﺑﺤﺠﺔ ﺍﻟﺰﻳﺎﺭﻩ .
ﺑﺲ ﺷﻮﻳﻪ ﺃﺗﻮﺗﻮﻩ .. ﺍﺣﺮﮒ ﮔﻠﺒﻪ ﺑﺴﻴﻄﻪ .
ﺑﺎﻟﻠﻴﻞ ﺟﺎﻱ ﻧﺴﻮﻟﻒ ﻭﺍﻧﺪﮒ ﺍﻟﺒﺎﺏ .. ﺭﺍﺡ ﺇﺳﻤﺎﻋﻴﻞ ﻓﺘﺤﻪ ﻭﺭﺟﻊ ﮔﺎﻝ ﻫﺬﺍ ﺍﻟﺴﻴﺪ ﺇﺟﻪ ﻋﻠﻰ ﺗﻘﻮﻯ !بيج قصص عراقيه حقيقيه من واقعنا.روعه الطائي
ﻫﻲَ ﺗﻔﺎﺟﺌﺖ ﻭﻣﺒﻴﻨﻪ ﻣﺎﺗﺪﺭﻱ
ﺗﻘﻮﻯ .. ﻳﺎﺍ ﺷﻨﻮ ﺇﺟﻪ ﻋﻠﻴﻪ ﻏﻴﺮ ﻛﺘﻠﻪ ﺃﺑﺎﺕ
ﻧﻬﻰ .. ﺭﻭﺣﻲ ﺑﻠﻪ ﺷﻮﻓﻴﻪ ﺧﺎﻑ ﻣﻴﮕﺪﺭ ﻳﻔﺎﺭﮔﺞ ﺍﺣﻤﻢ
ﺗﻘﻮﻯ .. ﻫﻬﻬﻪ ﺛﺮﻳﺎ ﺗﻌﺎﻟﻲ ﻭﻳﺎﻱ
- ﺍﻱ ﺟﻴﺖ
ﺭﺍﺣﺖ ﻭﺍﻧﻲ ﻛﻤﺖ ﻭﺭﺍﻫﻪ ﮔﺎﻟﺘﻠﻲ ﺭﻭﺣﻲ ﺻﻴﺤﻴﻪ ﺧﻞ ﻳﺠﻲ ﺍﺣﺎﭼﻴﻪ ﻫﻨﺎ .
- ﺟﺎ ﻟﻴﺶ ﻣﺎﺗﺪﺧﻠﻴﻦ
ﺗﻘﻮﻯ .. ﺩﺻﻴﺤﻴﻪ ﻳﺨﺘﻲ ﻣﻮ ﺍﺳﺘﻔﺮﺩ ﺑﻴﻪ
- ﻫﺎ ﺍﻱ ﺍﻱ ﺧﻮﺵ
ﺭﺣﺖ ﺻﺤﺘﻪ ﻭﺭﺟﻌﺖ ﺍﻭﻝ ﻣﺎﺷﺎﻓﻬﻪ ﺻﻔﻦ ﻋﻠﻴﻬﻪ ﻭﻫﻲَ ﺩﺍﺭﺕ ﻭﺟﻬﻪ .
ﺗﻴﻘﻨﺖ ﺻﺎﻳﺮ ﺷﻲ ﺍﻛﻴﺪ ﻣﻴﻪ ﺑﺎﻟﻤﻴﻪ .
ﻇﻠﻴﺖ ﻭﺍﮔﻔﻪ ﻭﺭﻩ ﺍﻟﺤﺎﻳﻂ ﺍﺭﻳﺪ ﺍﻋﺮﻑ ﺷﻜﻮ
ﺗﻘﻮﻯ .. ﺷﻨﻮ ﻏﻴﺮ ﮔﺘﻠﻚ ﺃﺑﺎﺕ
- ﻻ ﻣﺎﺗﺒﺎﺗﻴﻦ
ﺗﻘﻮﻯ .. ﺇﺣﻨﻪ ﺷﺘﻔﻘﻨﻪ
ﻧﺘﺮ ﺑﻴﻬﻪ
- ﻣﺎﺍﺭﻳﺪ ﻣﺎﺗﺒﺎﺗﻴﻦ ﺍﻧﻲ ﻛﻠﻤﺘﻲ ﺗﻤﺸﻲ ﻟﻮ ﻛﻠﻤﺘﺞ ؟
ﺗﻘﻮﻯ .. ﺍﻛﻴﺪ ﻛﻠﻤﺘﻚ ﺍﻧﺖَ ﺭﺟﻠﻲ ﻭﺃﺑﻮ ﺑﻴﺘﻲ ﺑﺲ ﺧﻞ ﺃﺑﺎﺕ ﺑﺲ ﻫﺎﻱ ﺍﻟﻠﻴﻠﻪ ﺿﺎﻳﺠﻪ ﻭﺑﺎﺟﺮ ﮔﺎﻝ ﺇﺳﻤﺎﻋﻴﻞ ﺍﺧﺬﻛﻢ ﻟﻠﺰﻳﺎﺭﻩ
- ﺍﻧﻲ ﺍﺧﺬﺝ
ﺗﻘﻮﻯ .. ﻭﺍﺳﻤﺎﻋﻴﻞ
- ﺍﻧﻲ ﺍﺣﺎﭼﻴﻪ
ﺗﻘﻮﻯ .. ﻫﺎ ﺑﻜﻴﻔﻚ
- ﻳﻼ ﺭﻭﺣﻲ ﺑﺪﻟﻲ ﺍﻧﻲ ﻣﻨﺘﻈﺮﺝ ﻫﻨﺎ
ﺗﻘﻮﻯ .. ﺍﻱ ﺭﺍﻳﺤﻪ
ﺣﺴﻴﺖ ﺑﻜﻠﻤﺎﺗﻬﻪ ﺗﺮﻳﺪ ﺗﻬﺪﺃﻩ .
ﺑﺪﻟﺖ ﻭﻃﻠﻌﻮ ﺍﺛﻨﻴﻨﻬﻢ .. ﺻﺎﺭﺕ ﺿﻮﺟﻪ ﺟﺎﻧﺖ ﻣﻐﻴﺮﻩ ﺟﻮ ﻋﻠﻴﻨﻪ .. ﺷﺒﻴﻪ ﻫﺬﺍ ﻣﺒﻴﻨﻴﻦ ﻣﺘﻌﺎﺭﻛﻴﻦ .
ﺛﺎﻧﻲ ﻳﻮﻡ ﺩﺍﻭﻣﺖ ﻋﺎﺩﻱ ﻻﺍﻧﻲ ﺍﻟﺤﭽﻴﺖ ﻭﻻ ﻫﻮَ ﺣﺘﻰ ﻧﻈﺮﺍﺕ ﻣﺎﻛﻮ .
ﻣﻦ ﺭﺟﻌﺖ ﻣﻦ ﺍﻟﺪﻭﺍﻡ ﻟﮕﻴﺖ ﻣﺮﻭﻩ ﻭﺍﮔﻔﻪ ﺑﺎﻟﺒﺎﺏ ﻭﻣﺤﺘﺎﺭﻩ ﺍﻭﻝ ﻣﺎﺩﺧﻠﺖ ﻛﺎﻟﺖ -:
ﻣﺮﻭﻩ ... ﺍﺍﺍﻳﻴﻲ ﻫﻤﺰﺯﻳﻦ ﺍﺟﻴﺘﻲ
- ﻫﺎ ﺷﻜﻮ؟
ﻣﺮﻭﻩ .. ﻣﻼﺯﻡ ﺻﺪﻳﻘﺘﻲ ﻋﻨﺪﻱ ﻭﻫﺴﻪ ﺧﺎﺑﺮﺗﻨﻲ ﺗﺮﻳﺪﻫﻦ ﺑﺎﺟﺮ ﻋﺪﻧﻪ ﺍﻣﺘﺤﺎﻥ ﻭﻣﺤﺪ ﻳﺎﺧﺬﻫﻦ ﺗﻌﺎﻟﻲ ﻭﻳﺎﻱ ﻓﺪﻭﻩ
- ﻻ ﻻ ﻣﺎﺍﻃﻠﻊ
ﻣﺮﻭﻩ .. ﻟﺞ ﻗﺮﻳﺒﻴﻦ ﻭﺍﻟﻠﻪ ﻓﺮﻕ ﺗﻠﺚ ﺷﻮﺍﺭﻉ ﺑﻴﻨﺎﺗﻨﻪ
- ﻣﺎﺍﺭﻭﺡ
ﻣﺮﻭﻩ .. ﺗﺘﺘﻌﺎﻳﻲ
- ﻣﺎﺍﺭﻳﺪ
ﺩﺧﻠﺖ ﻟﻠﺒﻴﺖ ﻣﺎﺍﺭﻳﺪ ﺍﻛﺮﺭ ﻣﻮﻗﻒ ﺫﻳﺞ ﺍﻟﻤﺮﻩ .. ﻟﮕﻴﺖ ﺍﻣﻲ ﺑﺎﻟﻤﻄﺒﺦ ﺗﺤﻀﺮ ﺑﺎﻟﻐﺪﻩ ﺍﻭﻝ ﻣﺎﺩﺧﻠﺖ ﺍﺟﺖ ﻭﺭﺍﻱ ﻣﺮﻭﻩ ﺗﺼﻴﺢ ﻭﺗﻘﻨﻊ ﺑﺄﻣﻲ ﺍﺟﻲ ﻭﻳﺎﻫﻪ ﺍﺧﺮ ﺷﻲ ﺃﻣﻲ ﮔﺎﻟﺘﻠﻲ ﺭﻭﺣﻲ .
- ﻣﺎﻣﺎ ﻣﺎﻫﺮ ﻣﺎﻳﻘﺒﻞ
ﻣﺮﻭﻩ .. ﻫﺎﻱ ﺍﻟﺒﻨﻴﻪ ﺑﻴﺘﻬﻢ ﻗﺮﻳﺐ ﺑﺲ ﺗﻠﺚ ﺷﻮﺍﺭﻉ ﻣﺎﻧﺘﺄﺧﺮ ﻓﺪﻭﻩ
ﺍﻣﻲ ﻛﺎﻟﺖ -:
- ﺭﻭﺣﻲ ﻭﻻ ﺗﺘﺄﺧﺮﻭﻥ
- ﺍﺳﺘﻐﻔﺮ ﺍﻟﻠﻪ ﻫﺴﻪ ﺑﺲ ﺍﺑﺪﻝ
ﻣﺮﻭﻩ .. ﻭﻟﺞ ﻏﻴﺮ ﻣﺒﺪﻟﻪ ﺩﺗﺘﻌﺎﻱ
ﺍﻧﻲ ﺟﻨﺖ ﺑﻤﻼﺑﺲ ﺍﻟﻜﻠﻴﻪ ﻭﺗﻮﻧﻲ ﺣﺎﻟّﻪ .. ﺭﺣﺖ ﻭﻳﺎﻫﻪ ﻫﻲَ ﻫﺎﻱ ﺍﻟﺒﻨﻴﻪ ﺍﺭﻭﺡ ﺍﺧﺎﺑﺮﻩ ﻭﺍﺣﻨﻪ ﻣﺘﺰﺍﻋﻠﻴﻦ ﻋﻠﻤﻮﺩ ﻣﺴﺎﻓﻪ ﻗﻠﻴﻠﻪ .
ﺭﺣﻨﻪ ﺑﺬﻳﺞ ﺍﻟﻈﻬﺮﻳﻪ ﺍﻟﺘﻜﺘﻞ ﺣﺮ ﻭﺍﻧﻲ ﺃﻣﺸﻲ ﻭﺍﺩﺭﺩﻡ ﻋﻠﻰ ﻣﺮﻭﻩ ﻭﺭﻃﺘﻨﻲ ﺑﻬﺎﻟﺤﺮﻳﻪ ﺍﻟﺘﻨﻄﻂ .
ﺍﻟﺸﻮﺍﺭﻉ ﺑﻠﺸﺖ ﺗﻔﺮﻍ ﻭﺍﻟﻨﺎﺱ ﺗﻌﺰﻝ ﻣﺤﻼﺗﻬﻢ ﺑﺎﻟﻌﺎﺩﻩ ﺑـ 12 ﺍﻟﻈﻬﺮ ﻳﻌﺰﻟﻮﻥ .
ﺭﺣﻨﻪ ﻭﺩﻳﻨﻪ ﺍﻟﻤﻼﺯﻡ ﻭﺭﺟﻌﻨﻪ ﻭﺍﺣﻨﻪ ﺟﺎﻱ ﻧﻤﺸﻲ ﺍﻛﻮ ﻭﺍﺣﺪ ﺭﺍﻛﺐ ﺑﺒﺎﺳﻜﻞ ﻻﺑﺲ ﺃﺑﻴﺾ ﻭﺣﺎﻁ ﺧﺎﻭﻟﻲ ﻋﻠﻰ ﺭﺍﺳﻪ ﻣﺒﻴﻦ ﺣﺎﻝ ﻣﻦ ﺍﻟﺪﻭﺍﻡ .
ﺍﻭﻝ ﻣﺎﻣﺮﻳﻨﻪ ﻣﻦ ﻳﻤﻪ ﺻﺎﺡ -: ﻳﻤﻪ ﻓﺪﻭﻩ ﺇﺛﻨﻴﻨﻬﻦ ﺣﻠﻮﺍﺕ
•
ﺭﺃﺳﺎً ﺑﻠﺸﻨﻪ ﻧﺴﺮﻉ ﻣﺸﻴﺘﻨﻪ ﻣﻦ ﺣﺴﻴﻨﺎﻩ ﻛﺎﻡ ﻳﻤﺸﻲ ﻭﺭﺍﻧﻪ .. ﺩﻧﮕﻨﻪ ﻭﻧﺮﻛﺾ ﺭﻛﺾ ﻧﺮﻳﺪ ﺑﺲ ﻧﻮﺻﻞ . ﺍﻟﻨﻮﺏ ﻣﺮﻭﻩ ﻭﺭﻃﺘﻨﻲ ﻃﺒﺒﺘﻨﻪ ﺑﺄﻓﺮﻉ ﻃﻮﻳﻠﻪ ﻋﻦ ﺑﻴﺘﻨﻪ ﻋﻮﺩ ﺑﻠﻜﻲ ﻳﻀﻴﻌﻨﻪ ﺑﺲ ﺳﻮﺕ ﺍﻻﺗﻌﺲ .
ﻳﻤﺸﻲ ﻭﺭﺍﻧﻪ ﻭﻳﺼﻴﺢ
- ﻳﺒﻨﻴﻪ ﻳﺒﻨﻴﻪ ﻋﻠﻴﺞ ﺍﻟﻠﻪ ﺑﺲ ﺍﻟﺮﻗﻢ
ﺻﺪﮒ ﻭﻣﺮﻭﻩ ﺗﻄﮕﻬﻪ ﺍﻟﻌﺼﺒﻴﻪ ﻭﻋﺎﻃﺖ ﺑﻴﻪ ﺭﻏﻢ ﺍﻣﻲ ﻣﺤﺬﺭﺗﻨﻪ ﻣﺎﻧﺤﭽﻲ ﺍﺑﺪﺩ
ﻣﺮﻭﻩ .. ﻭﻣﺮﺽ ﻭﺯﻗﻨﺒﻮﺕ ﺍﻛﻞ ﺧـ ... ﻳﺎﺳﺎﻓﻞ ﻣﺎﻋﻨﺪﻙ ﺧﻮﺍﺕ
ﻫﻲَ ﻛﺎﻟﺖ ﻫﺠﻲ ﻭﻫﺬﺍ ﻧﺰﻝ ﻣﻦ ﺍﻟﺒﺎﺳﻜﻞ ﻭﺍﺣﻨﻪ ﺍﺭﻛﻀﺾ .. ﻃﮕﻴﻨﺎﻫﻪ ﺭﻛﻀﻪ ﻭﻫﻮَ ﻭﺭﺍﻧﻪ
ﻇﻠﻴﻨﻪ ﻧﺮﻛﺾ ﻧﺮﻳﺪ ﺑﺲ ﻧﻮﺻﻞ ﺍﻟﺸﺎﺭﻉ ﺍﻟﻌﺎﻡ .. ﻣﺘﻼﺯﻣﻴﻦ ﺇﻳﺪﻱ ﺑﺈﻳﺪﻫﻪ ﻭﻧﺮﻛﺾ
ﻫﻮَ ﻳﺮﻛﺾ ﻭﺭﺍﻧﻪ ﺻﺨﺎﻡ ﻭﻟﻄﺎﻡ .. ﻭﺻﻠﻨﻪ ﻟﻠﺸﺎﺭﻉ ﺍﻟﺮﺋﻴﺴﻲ ﻭﻫﻮَ ﺑﻌﺪﻩ ﻭﺭﺍﻧﻪ .. ﻇﻠﻴﻨﻪ ﻧﺮﻛﺾ ﻟﻤﺎ ﻭﺻﻠﻨﻪ ﻟﻠﻔﺮﻉ ﺍﻟﻴﺮﻭﺡ ﻟﺒﻴﺘﻨﻪ ﻟﻤﺤﺖ ﺍﻟﻤﻔﺎﺟﺄﻩ .. ﺳﻴﺎﺭﺓ ﻣﺎﻫﺮ ﺑﺮﺍﺱ ﺍﻟﻔﺮﻉ ﻳﺮﻳﺪ ﻳﺪﺧﻞ ﺑﻴﻪ ﺟﺎﻱ ﻋﻠﻴﻨﻪ ﻳﻤﻜﻦ .
ﻣﺮﻭﻩ ﺭﻛﻀﺖ ﻋﻠﻰ ﺳﻴﺎﺭﺗﻪ ﺗﺪﮒ ﻋﻠﻴﻬﻪ ﺗﺴﺘﻨﺠﺪ ﻫﻮَ ﺑﺴﺮﻋﻪ ﻧﺰﻝ ﻳﻤﻜﻦ ﺷﺎﻓﻬﻪ ﺑﺎﻟﻤﺮﺍﻳﻪ .
ﺃﺷﺮﺗﻠﻪ ﻋﻠﻰ ﺍﻟﻮﻟﺪ ﻻﻥ ﻫﻮَ ﻣﺴﺘﻤﺮ ﻳﺮﻛﺾ ﻭﺭﺍﻧﻪ .. ﺃﺩﺭﻱ ﻭﺻﻠﺘﻠﻨﻪ ﺷﺘﺴﺘﻔﺎﺩ .بيج قصص عراقيه حقيقيه من واقعنا.روعه الطائي
ﻭﺳﻊ ﻋﻴﻮﻧﻪ ﺣﻴﻞ ﻭﻃﮕﻬﻪ ﺑﺮﻛﻀﻪ ﻭﺭﺍﻩ .. ﻫﻴﺞ ﻟﺤﻈﺎﺕ ﻭﻟﺰﻣﻪ ﺧﻠﻪ ﺣﻠﻴﺐ ﺍﻣﻪ ﻳﻄﻠﻊ ﻣﻦ ﺧﺸﻤﻪ ﻟﺰﻣﻪ ﺑﻮﻛﺴﺎﺕ ﻭﺭﺍﺷﺪﻳﺎﺕ ﻭﻳﻦ ﺍﻟﺘﻮﺟﻌﻚ ﻭﻭﻳﻦ ﺍﻟﺘﺨﻠﻴﻚ .
ﻣﺮﻋﺪﻩ ﺗﻤﺮﻋﺪ .. ﻭﺟﻪ ﺍﻟﻮﻟﺪ ﺗﺸﻮﻩ ﻭﺍﻧﻲ ﻇﻠﻴﺖ ﺃﺭﺟﻒ ﻣﻦ ﺍﻟﺨﻮﻑ .
ﺍﺣﻨﻪ ﻭﺍﮔﻔﻴﻦ ﻭﻧﺒﺎﻭﻉ ﻋﻠﻴﻪ .. ﺭﻓﺲ ﺍﻟﻮﻟﺪ ﻭﻋﺎﻁ ﺑﻴﻨﻪ
- ﻣﺘﺼﻌﺪﺩﺩﺩﻥ ﺷﻤﻨﺘﻈﺮﺭﺭﺍﺕ
ﺭﺟﻠﻴﻪ ﺑﻜﻴﻔﻬﻦ ﺭﻛﻀﻦ ﻟﻠﺴﻴﺎﺭﻩ .. ﮔﻌﺪﺕ ﻭﺃﺭﺟﻒ ﻣﻦ ﺍﻟﺨﻮﻑ ﻇﻠﻴﺖ ﺍﺑﭽﻲ ﻓﻮﻙ ﺍﻟﺮﻫﺒﻪ ﻓﻮﮒ ﻫﺴﻪ ﺍﻟﺮﺯﺍﻟﻪ ﺍﻟﺮﺍﺡ ﺁﻛﻠﻬﻪ .
ﺇﺟﻪ .. ﻣﻦ ﺻﻌﺪ ﺑﺎﻟﺴﻴﺎﺭﻩ ﺭﻛﻊ ﺍﻟﺒﺎﺏ ﺭﮔﻌﻪ ﺣﺴﻴﺘﻪ ﺗﻔﻠﺶ
ﻇﻞ ﻳﺰﻓﺮ ﺍﻧﻔﺎﺳﻪ ﺑﻌﺼﺒﻴﻪ ﻭﻳﺘﻨﻔﺲ ﺑﺴﺮﻋﻪ ﻓﺤﻄﺎﻥ .
ﻟﺰﻡ ﺻﺪﺭﻩ ﻭﻇﻞ ﻳﻔﺮﻙ ﺑﻴﻪ ﻭﻋﺎﺻﺮ ﻋﻴﻮﻧﻪ .
- ﻣﺎﻫﺮ
ﻋﺎﻁ ﺑﺼﻮﺕ ﻋﺎﻟﻲ ﻳﺮﻋﺪ ﺭﺭﻋﺪ
- ﺍﺷﺸﺶ ﺍﺷﺸﺶ ﻟﺘﺤﺤﺠﻴﻴﻴﻴﻴﻦ
ﻇﻠﻴﺖ ﺍﺑﭽﻲ ﻭﻫﻮَ ﻳﻠﻮﺏ ﺳﺎﻋﻪ ﻳﻔﺮﻙ ﺻﺪﺭﻩ ﻟﻮ ﺷﻌﺮﻩ ﻭﺳﺎﻋﻪ ﻳﻀﺮﺏ ﻉ ﺍﻟﺴﺘﻴﺮﻥ ﻗﻮﻱ .
ﺻﺮﺥ ﺑﻌﻠﻮ ﺻﻮﺗﻪ
- ﺷﮕﺎﺍﺍﺍﻳﻴﻴﻴﻞ ﺍﻧﻴﻲ ﺷﮕﺎﺍﺍﻳﻞ؟؟؟؟؟
- ﺍﺍﺍﺀﺀ ......
- ﻟﺘﺤﺠﻴﻴﻴﻴﻦ ﻣﺎﺍﺭﻳﻴﺪ ﺍﺳﺴﺴﻤﻊ ﺻﻮﻭﺗﺠﺞ
ﻇﻞ ﻳﻌﻴﻂ
- ﮔﻠﻠﻠﻨﻪ ﻳﺎﻧﺎﺳﺴﺲ ﻳﺎﺍﻋﺎﺍﺍﻟﻢ ﻻﺗﻄﻠﻠﻌﻴﻦ ﻻﺗﺼﺨﻤﻴﻦ ﻻﺗﻔﺘﺤﻴﻦ ﺣﺘﻯﻯﻰ ﺍﻟﺒﺒﺎﺍﺍﺑﺐ ﺑﺪﻭﻥ ﻋﻠﻤﻴﻲ ﻟﻤﺎ ﻫﺴﺴﺴﻪ ﺃﻟﮕﺎﺍﺍﻫﻬﻪ ﺗﺮﻛﺾ ﺑﺎﻟﺸﻮﺍﺍﺍﺭﻉ ﺑﺎﻟﻈﻬﺎﺍﺍﺍﺍﺭﺭﻱ .. ﺍﻫﻠﻠﺠﺞ ﻭﻳﻦ ﻋﻨﻨﻨﺞ ﺣﺎﺟﻴﻴﻨﻴﻲ ﻭﻳﻴﻦ ﻣﺎﮔﺎﻟﻮﻭ ﺑﻨﺎﺕ ﺷﺎﺍﺍﺑﺎﺕ ﺷﻠﻮﻥ ﻧﻄﻠﻌﻬﻦ ﺑﺎﺍﻟﻈﻬﺮﺭﺭﺭ ﺷﻠﻠﻠﻮﻭﻭﻭﻭﻥ؟
..
ﻛﺘﻞ ﺭﻭﺣﻪ ﻳﻨﺸﺎﻝ ﻭﻳﻨﺮﮔﻊ ﻭﻛﻠﺴﺎﻉ ﻳﺮﮔﻊ ﺑﻮﻛﺲ ﺑﻤﻜﺎﻥ ﻳﻨﺰﺯﻧﻲ .. ﻓﻮﮒ ﺻﻮﺗﻪ ﻇﻞ ﺟﺴﻤﻲ ﻛﻠﻪ ﻳﺮﺭﺟﻒ ﻣﺘﺖ ﺧﻮﻑ .
ﺩﻣﻮﻋﻲ ﺗﺠﺮﻱ ﻭﺃﺣﺲ ﺭﻭﺣﻲ ﺟﺎﻱ ﺍﺧﺘﻨﮓ .. ﮔﻠﺒﺐ ﺍﻧﻘﺒﺾ ﻣﻦ ﻣﻨﻈﺮﻩ ﻭﻋﺼﺒﻴﺘﻪ ﺍﻟﻤﻔﺮﻃﻪ .
ﻭﺻﻠﻨّﻪ ﻟﻠﺒﻴﺖ ﻣﺮﻭﻩ ﻧﺰﻟﺖ ﻭﺍﻧﻲ ﺑﻘﻴﺖ ﻣﺎﻳﻨﻄﻴﻨﻲ ﮔﻠﺒﻲ ﺍﻧﺰﻝ ﻭﺍﻋﻮﻓﻪ ﺑﻬﺎﻱ ﺍﻟﺤﺎﻟﻪ ﺧﺰﺭﻧﻲ ﺑﺎﻟﻤﺮﺍﻳﻪ ﻭﻋﺎﻁ ﺑﻴﻪ
- ﻣﺘﺘﻨﻨﻨﺰﻟﻠﻴﻦ
- ﻣﺎﻫـ ...
- ﺍﻧﺰﺯﺯﻟﻠﻠﻠﻠﻴﻴﻲ
- ﺑـ ....
- ﺍﻛﻴﺪ ﻧﺎﻭﻳﻪ ﻋﻠﻴﻪ ﺍﻟﻴﻮﻡ ﺍﺣﺠﻴﻲ ﺗﺮﻳﺪﻳﻦ ﺍﻧﺠﻠﻂ ﮔﻮﻟﻲ ﺍﻧﻄﻄﻘﻴﻲ
- ﻻ ﻫﺎﻱ ﻫﻴﻪ ﻧﺰﺯﻟﺖ
ﻧﺰﻟﺖ ﺭﻛﺾ ﻭﻣﻴﺘﻪ ﺧﻮﻑ .. ﺩﺩﺧﻠﺖ ﻟﻠﺒﻴﺖ ﻟﮕﻴﺖ ﺃﻣﻲ ﻻﺑﺴﻪ ﻋﺒﺎﻳﺘﻬﻪ ﻭﺗﺮﻳﺪ ﺗﻠﺤﻜﻨﻪ ﻻﻥ ﺗﺄﺧﺮﻧﻪ .. ﺍﻭﻝ ﻣﺎﻃﺒﻴﻨﻪ ﺍﻧﺨﻤﺸﺖ ﻣﻦ ﺷﺎﻓﺘﻨﻲ ﺍﺑﺠﻲ ﻭﻭﺟﻬﻲ ﺻﺎﻳﺮ ﺍﺣﻤﺮ .
ﻇﻠﺖ ﺗﻠﻄﻢ ﻭﺗﺼﺮﺥ ﻋﻠﻰ ﻣﺮﻭﻩ ﻻﻥ ﻃﻠﻌﺘﻨﻪ ﻭﻣﺮﻭﻩ ﺳﻮﻟﻔﺘﻠﻬﻪ ﺍﻧﻲ ﻣﺎﺣﭽﻴﺖ ﺷﻲ ﺑﺲ ﺍﺑﭽﻲ .
ﺇﺳﻤﺎﻋﻴﻞ ﻟﻌﺐ ﻟﻌﺐ ﻭﻛﻠﻬﻪ ﺻﺎﺭﺕ ﻋﻠﻴﻨﻪ ﺣﺘﻰ ﺍﺧﻮﺍﻧﻲ ﮔﻠﺒﻮﻫﻪ ﻋﻠﻴﻨﻪ ﮔﻼﺏ .
ﻣﺮﻭﻩ ﺇﻧﺤﺮﻣﺖ ﻣﻦ ﺍﻟﻄﻠﻌﻪ ﻧﻬﺎﺋﻴﺎً ﻻﺳﻮﮒ ﻭﻻ ﺻﺪﻳﻘﻪ ﻭﻻ ﺃﻱ ﺷﻲ .. ﺑﺲ ﺍﻧﻲ ﻻﻥ ﻣﻮ ﺻﺪﻳﻘﺘﻲ ﻭﻻ ﺍﻧﻲ ﺍﻻﺧﺬﺗﻬﻪ ﻣﺎﺣﺮﻣﻮﻧﻲ .
ﮔﻌﺪﺕ ﺍﺑﭽﻲ ﻭﺍﻧﺪﺏ ﺣﻈﻲ .
ﺑﻌﺪﻧﻲ ﺃﺑﭽﻲ ﻭﺃﺗﺼﻞ ﻣﻮﺑﺎﻳﻠﻲ ﺭﻗﻢ ﺗﻘﻮﻯ .. ﺣﺘﻰ ﻣﺎﺑﻴﻪ ﺣﻴﻞ ﺃﺟﺎﻭﺏ ﻳﺎﺭﺑﻲ ﺷﻠﻮﻥ ﺑﻴﻪ ﮔﻠﺒﻲ ﺟﺎﻱ ﻳﻨﻌﺼﺮ ﻭﺍﺣﺴﺎﺱ ﺑﺪﺍﺧﻠﻲ ﺟﺎﻱ ﻳﻘﺘﻞ ﺑﻴﻪ ﻉ ﺍﻟﺒﻄﻲﺀ .
ﺭﺩﻳﺖ ﻋﻠﻰ ﻣﻮﺑﺎﻳﻠﻲ ﻭﺇﺟﺎﻧﻲ ﺻﻮﺕ ﻳﺮﺟﻒ ﻭﻣﺒﻴﻦ ﻣﺎﻝ ﻭﺍﺣﺪ ﻳﺒﭽﻲ ﻣﻨﻬﺎﺍﺭ -:
- ﺍﺧﺘﺞ ﻣﺎﺗﺖ !!
- ﺷﻨﻮﻭﻭﻭﻭﻭ؟؟؟؟؟
ﻳﺘﺒﻊ ...
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻
alabadyia_08
ﻣﺘﻰٰ ﻳﺄﺗﻲ ﺑﻴﺎﻧﺎً -: ﻗﺪ ﺇﻧﺘﺼﺮ ﺍﻟﻌﺮﺍﻗﻴﻮﻥ ؟؟ ﺩﻋﻮﺍﺗﻜﻢ 🙏
ﺃﻟﺘﻤﺲ ﻣﻨﻜﻢ ﺍﻟﻌﺬﺭ ﻟﻐﻴﺎﺑﻲ .. ﻃﺒﻌﺎً ﺁﻧﻲ ﺍﺣﺪ ﺍﻟﻤﺸﺎﺭﻛﻴﻦ ﻓﻲ ﺍﻹﻋﺘﺼﺎﻣﺎﺕ ﺍﻟﻄﻼﺑﻴﻪ .. ﺻﺎﺭﻟﻲ ﺗﻘﺮﻳﺒﺎً 3 ﺃﻳﺎﻡ ﻣﺎﻓﺎﺗﺤﻪ ﻭﺍﺗﺒﺎﺩ ، ﺗﻌﺐ ﻣﻮ ﻃﺒﻴﻌﻲ ﻭﺻﻮﺗﻲ ﺭﺍﺡ ﻣﺎﺍﮔﺪﺭ ﺍﺣﺠﻲ ﺇﺿﺎﻓﻪ ﺍﻧﻮ ﻭﺍﻫﺲ ﻟﻠﻘﺼﻪ ﻣﺎﻛﻮ ﻭﺃﻳﻀﺎً ﺍﻟﺪﻭﺭ ﺍﻻﻛﺒﺮ ﻻﺍﻧﻘﻄﺎﻉ ﺍﻟﻨﺖ ﻻﻥ ﻣﻦ ﺍﺭﺟﻊ ﺍﻟﻨﺖ ﻳﻜﻮﻥ ﻣﻘﻄﻮﻉ ﻭﺃﺣﺪﺍﺙ ﻣﺎﻋﻨﺪﻱ ﻭﻣﺎﺍﮔﺪﺭ ﺍﺗﻮﺍﺻﻞ ﻭﻱ ﺍﻟﺒﻄﻠﻪ .. ﺃﺷﻜﺮ ﻛﻞ ﺍﻟﻌﺬﺭﻭﻧﻲ ﻭﺍﻟﻲ ﺣﭽﻮ ﻋﻠﻴﻪ ﻫﻢ ﺷﻜﺮﺍً