رواية هشاشة قلب الفصل التاسع والعشرون 29 - بقلم هاجر قاسم

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﻫﺸﺎﺷﺔ__ﻗﻠﺐ
ﺍﻟـﺒـﺎﺭﺕ _27_
ﻋﺒﺮﺍﺕ _ ﺍﻟﻌﺒﺎﺩﻳﻪ
alabadyia_09
ﻫـﺎ ﺟـﺌﺖُ ﺑﺎﻟﺸـﻌـﺮ ﺃﺩﻧﻴﻬﺎ ﻟـﻘـﺎﻓـﻴﺘـﻲ
ﻛــﺄﻧﻤـﺎ ﺍﻷﻡ ﻓـﻲ ﺍﻟﻼﻭﺻـﻒ ﺗـﺘﺼـﻒُ
ﺇﻥ ﻗﻠﺖُ ﻓﻲ ﺍﻷﻡ ﺷﻌﺮﺍً ﻗـﺎﻡ ﻣُﻌﺘـﺬﺭﺍً
ﻫـﺎ ﻗـﺪ ﺃﺗـﻴﺖُ ﺃﻣـﺎﻡ ﺍﻟﺠﻤـﻊ ﺃﻋـﺘـﺮﻑُ
~~~~~~~~~~~~~~~~~~~~~~~~~~~~~~~~~~
ﺛُﺮﻯٰ . . .
ﻇﻠﻴﺖ ﺍﺣﺠﻲ ﻭﻳﺎﻩ ﻭﺍﻧﻲ ﺑﺪﺍﺧﻠﻲ ﺃﺿﺤﻚ ﻭﻫﻮَ ﻫﻢ ﻛﻠﺴﺎﻉ ﻳﻀﺤﻚ ﺁﺧﺮ ﺷﻲ ﻛﺘﻠﻪ -:
- ﻣﺎﻫﺮ ﻓﺪﻭﻩ ﻟﺨﺎﻃﺮﻱ ﺍﺫﺍ ﻋﻨﺪﻱ ﺧﺎﻃﺮ ﺧﻞ ﺍﺭﻭﺡ ﺑﺴﺘﻮﺗﻪ
- ﺍﻣﻤﻢ ﺑﺸﺮﻁ
- ﺍﻱ ﺷﻨﻮﻩ ؟
- ! 25
- ﺷﻨﻮ 25 ؟
- ﺍﺣﻤﻢ ﺍﺣﻤﻤﻢ
- ﻫﻲَ ﺷﻨﻮ ﺍﻻﺣﻢ؟؟
- ﺷﺼﺎﺭ ﺑﺎﻻﺳﺘﻘﺒﺎﻝ؟
ﺟﺎﻭﺑﺖ ﺑﻐﺒﺎﺀ ﻣﺘﻨﺎﺳﻴﻪ ﺗﻤﺎﻣﺎً
- ﺷﻨﻮ ﺷﺼﺎﺭ؟
- ﻫﻬﻬﻬﻬﻬﻬﻪ ﺛُﺮﺭﺭﺭﺭﺭﻯٰ
ﻣﻦ ﺿﺤﻚ ﻃﺨﺖ ﺑﺒﺎﻟﻲ
- ﻳﻴﺤﺤﺤﺤﺢ ﺻﺨﺎﺍﺍﻡ
- ﻫﻬﻬﻬﻬﻪ ﺑﻜﻴﻔﺞ
- ﻋﺰﺯﺍ ﻋﺰﺍﺍﺍ ﻭﺍﻟﻠﻪ ﻫﻮﻭﻭﺍﻱ
- ﺍﻱ ﻟﻮ ﻻ؟
- ﻻ ﻻ
- ﺍﻳﻴﻴﻴﻲ ﻫﻔﻒ ﻟﻌﺪ ﻟﺘﻠﺤﻴﻦ ﻭﺍﻧﺴﻲ ﺍﻟﻤﻮﺿﻮﻉ ﻧﻬﺎﺋﻴﺎً
- ﻣﺎﺍﺭﻳﺪ ﻋﻤﻲ ﺍﺩﺭﻱ ﺑﻴﻚ ﺣﻄﻴﺖ ﺷﺮﻁ ﺗﻌﺠﻴﺰﻱ ﻭﺗﺪﺭﻱ ﺑﻴﻪ ﻣﺎﺍﺳﻮﻳﻪ ﺣﺘﻰ ﻣﺎﺍﺻﻌﺪ ﺑﺴﺘﻮﺗﻪ
- ﻣﻦ ﻳﺼﻴﺮ ﻟﻌﻘﻠﻲ ﺟﻨﺎﺣﺎﺕ ﻭﻳﻄﻴﺮ ﺍﺧﻠﻴﺞ ﺗﺼﻌﺪﻳﻦ ﺑﺴﺘﻮﺗﻪ .. ﺍﺻﻼً ﻋﺒﺎﻟﻲ ﺩﺗﺘﺸﺎﻗﻴﻦ ﻭﻳﺎﻳﻪ ﺗﺮﻳﺪﻳﻦ ﺗﻀﺤﻜﻴﻨﻲ
- ﻣﺎﺑﻠّﺰﻭﻡ
- ﻫﻬﻪ ﺗﺤﻀﺮﻭﺍ ﻳﺎﺑﻪ ﻣﻮ ﺗﻨﺴﻮﻥ
- ﺍﻱ ﻧﺘﺤﻀﺮ ﭼﺎ ﻟﻴﺶ
- ﺑﺎﺟﺮ ﻭﺭﻩ 12 ﻛﻮﻥ ﺗﻜﻤﻠﻮﻥ ﻛﻠﺸﻲ ﺧﺎﻑ ﺗﺴﻮﻥ ﺍﻛﻞ ﻓﺪ ﺷﻲ ﻭﺑﺎﻟـ 2 ﺍﻟﻈﻬﺮ ﺇﺣﻨﻪ ﻳﻤﻜﻢ
- ﺧﻮﺵ
ﺳﺪﻳﺘﻪ ﻣﻨﻪ ﻭﻃﺮﺕ ﻻﺍﻫﻠﻲ ﮔﻠﺘﻠﻬﻢ .. ﺗﺠﻬﺰﻭ ﻭﺳﻤﻌﻮ ﺧﺎﺑﺮ ﻓﺪﻙ ﺗﺮﻭﺡ ﻭﻳﺎﻧﻪ ﺗﺘﻮﻧﺲ ﻋﺸﺘﻮ .
ﺛﺎﻧﻲ ﻳﻮﻡ ﮔﻌﺪﻧﻪ ﻣﻦ ﺍﻟﺼﺒﺢ ﺳﻮﻳﻨﻪ ﻣﻌﺠﺒﻨﺎﺕ ﻧﺎﻛﻠﻬﻦ ﺑﺎﻟﻄﺮﻳﻖ ﻭﻧﻈﻔﻨﻪ ﺍﻟﺒﻴﺖ .. ﺃﻣﻲ ﺑﻴﻬﻪ ﻃﺒﻊ ﻛﻠﻤﺎ ﻧﺮﻳﺪ ﻧﺮﻭﺡ ﻟﻐﻴﺮ ﻣﺤﺎﻓﻈﻪ ﺣﺘﻰ ﻟﻮ ﻗﺮﻳﺒﻪ ﻣﺴﺎﻓﺔ ﻧﺺ ﺳﺎﻋﻪ ﻻﺯﻡ ﺍﻟﺒﻴﺖ ﻳﻨﻜﺮﺏ ﺧﺎﻑ ﻧﻤﻮﺕ ﺑﺤﺎﺩﺙ ﻭﻳﺠﻮﻥ ﺍﻟﻤﻌﺰﻳﻦ ﻳﺸﻮﻓﻮﻥ ﺑﻴﺘﻨﻪ ﻧﻈﻴﻒ ﻟﻮ ﻭﺻﺦ ﻫـﻪ .. ﻭﺍﻟﻠﻪ ﻳﺎﺃﻣﻲ ﻋﺪﻫﻪ ﺳﻮﺍﻟﻒ ﻛﺎﺭﺛﻪ . ﺧﻠﺘﻨﻪ ﻧﺠﻠﻒ ﺍﻟﺒﻴﺖ ﻭﺳﻮﻳﻨﻪ ﺍﻻﻛﻞ ﻭﺗﺤﻀﺮﻧﻪ ﻭﺭﺍﺡ ﺇﺳﻤﺎﻋﻴﻞ ﺟﺎﺏ ﻓﺪﻙ .. ﻭﺑﻘﻴﻨﻪ ﻧﻨﺘﻈﺮ ﻣﺎﻫﺮ .
ﻇﻠﻴﺖ ﺃﺗﺨﻴﻞ ...
ﺷﺤﻼﺗﻬﻪ ﻫﺴﻪ ﻣﻦ ﻳﺠﻲ ﻣﺎﻫﺮ ﺑﺪﺷﺪﺍﺷﻪ ﻭﺣﺎﻁ ﺍﻟﭽﺮﺍﻭﻳﻪ ﻋﻠﻰ ﺭﺍﺳﻪ ﻭﺳﺒﺤﺘﻪ ﺑﺈﻳﺪﻩ ﻭﺷﺤﺎﻃﻪ ﺗﻼﺋﻢ ﺍﻟﺪﺷﺪﺍﺷﻪ ﻳﺒﻮﻭﻭ ﺷﻴﻄﻠﻊ ﻓﻠﻚ...بيج قصص عراقيه حقيقيه من واقعنا.روعه الطائي
ﺑﺲ ﻣﺴﺘﺤﻴﻞ ﻳﺴﻮﻳﻬﻪ ﻫﻢ ﻳﻠﻪ ﻳﻠﺒﺲ ﺩﺷﺪﺍﺷﻪ ﺍﺫﺍ ﻣﻮ ﺍﻟﻘﺎﻁ ﻣﻀﺮﻭﺏ ﺇﻭﺗﻲ ﻣﻠﻴﻮﻥ ﻣﺮﻩ ﻭﺍﻟﺤﺬﺍﺀ ﺗﻠﻤﻊ ﻭﺍﻟﺸﻌﺮ ﻟﻔﻮﻙ ﻣﺎﻳﻄﻠﻊ ﻭﻻ ﻳﻮﺻﻞ ﻟﻠﺒﺎﺏ .
ﺻﺎﺭﺕ ﺍﻟﺴﺎﻋﻪ ﺑﺎﻟـ 2 ﺃﺗﺼﻞ ﻋﻠﻴﻪ ﻛﺎﻝ ﻳﻼ ﺍﻃﻠﻌﻮ .
ﻃﻠﻌﻨﻪ ﻛﻠﻨﻪ ﺑﺎﻟﺒﺎﺏ ﺑﺲ ﺳﻴﺎﺭﺗﻴﻦ ﺳﻴﺎﺭﺓ ﻭﻟﻴﺪ ﻭﻣﺎﻫﺮ .. ﺍﻟﺴﻴﺎﺭﺍﺕ ﻣﺎﻳﻜﻔﻦ ﻑ ﻭﻟﻴﺪ ﺍﺧﺬ ﺍﺳﻤﺎﻋﻴﻞ ﻳﺠﻴﺐ ﺳﻴﺎﺭﺓ ﺍﻟﺒﻴﺖ ﻣﺎﻝ ﺍﻫﻞ ﻣﺎﻫﺮ .. ﺭﺑﻊ ﺳﺎﻋﻪ ﺍﺟﻮ ﺍﺛﻨﻴﻨﻬﻢ ﺑﺴﻴﺎﺭﺍﺕ .
ﺍﺳﻤﺎﻋﻴﻞ ﻭﺍﻟﻮﻟﺪ ﺑﺴﻴﺎﺭﻩ ﻭﻧﻬﻰ ﻭﺍﻟﺒﻨﺎﺕ ﺑﺴﻴﺎﺭﺓ ﻭﻟﻴﺪ .
ﺑﻘﺖ ﺳﻴﺎﺭﺓ ﻣﺎﻫﺮ ﺍﻧﻲ ﻭﺍﻣﻲ ﻭﺣﺴﻦ ﻭﻣﻮﺝ ﺟﺎﻧﺖ ﺟﺎﻳﻪ ﻭﻱ ﻣﺎﻫﺮ . ﺣﺮﻛﻨﻪ ﻭﺗﻮﻛﻠﻨﻪ ﻋﻠﻰ ﺍﻟﻠﻪ
ﺍﻭﻝ ﻣﺎﺻﻌﺪﻧﻪ ﻉ ﺍﻟﺸﺎﺭﻉ ﺍﻟﺮﺋﻴﺴﻲ ﺑﻴﻦ ﺍﻟﺪﻭﺍﻳﻪ ﻭﺍﻟﻨﺎﺻﺮﻳﻪ ﻭﺍﻟﻄﺮﻳﻖ ﺑﺲ ﺳﻴﺎﺭﺍﺕ ﻭﺍﻟﻬﻮﻯٰ ﻋﺎﻟﻲ .. ﻣﺎﻫﺮ ﻓﺘﺢ ﺍﻟﺠﺎﻣﻪ ﺍﻟﻴﻤﻲ ﻭﺑﺎﻭﻋﻠﻲ ﺑﺎﻟﻤﺮﺍﻳﻪ .. ﻛﺎﻝ -:
- ﻳﻼ ﺛُﺮﻯٰ ﻃﻠﻌﻲ ﺭﺍﺳﺞ ﺇﺷﺒﻌﻲ ﻫﻮﺍﺀ ﻧﻘﻲ ﻫﻬﻪ
ﺇﻣﻲ ﻛﺎﻟﺘﻠﻪ -:
- ﭼﺎ ﻫﻲَ ﻣﺎﺷﺎﺑﻌﻪ .. ﻏﻴﺮ ﻟﻴﻞ ﻭﻧﻬﺎﺭ ﺣﺎﻃﻪ ﺭﺍﺳﻬﻪ ﺑﺎﻟﻤﺮﻭﺣﻪ ﺍﻟﺸﺤﻦ ﻭﺗﻐﻨﻲ ﺣﺘﻰ ﻳﻄﻠﻊ ﺗﺮﺩﺩ ﺻﻮﺗﻬﻪ
ﻳﺒﻮﻭ ﺍﻣﻲ ﻓﻀﺤﺘﻨﻲ
- ﻫﻬﻬﻬﻬﻪ
ﺑﺎﻭﻋﻠﻲ ﺭﺍﻓﻊ ﺣﺎﺟﺒﻪ ﻭﺇﺑﺘﺴﺎﻣﻪ ﻋﻠﻰ ﺷﻔﺘﻪ .. ﺑﺎﻭﻋﻠﻲ ﺑﺨﺒﺚ ﻭﻛﺎﻝ -:
- ﻋﻤﺘﻲ ﺍﻧﺖِ ﻣﺘﻌﺮﻓﻴﻦ ﺛُﺮﻯٰ ﺗﺮﻳﺪ ﺗﺠﻲ ﺑﺴﺘﻮﺗﻪ
ﺑﺎﻭﻋﺘﻠﻲ ﺃﻣﻲ ﺧﺰﺭﺗﻨﻲ
- ﺍﻛﻴﺪﺩﺩ ﺗﺨﺒﻠﻠﻠﻠﺖ
- ﻫﻬﻬﻪ ﻻ ﻭﺍﻟﻠﻪ ﺻﺎﺣﻴﻪ ﺑﺲ ﺗﺤﺠﻲ ﻛﻞ ﻋﻘﻠﻬﻪ ﺗﺮﻳﺪ ﺗﺠﻲ ﺑﺴﺘﻮﺗﻪ
ﺣﺴﻦ ... ﻫﻬﻬﻪ ﺑﺲ ﻻ ﺗﮕﻮﻝ ﺍﻧﺖَ ﺍﻟﺴﺎﻳﻖ
- ﻫﻬﻬﻬﻪ ﺍﻱ
ﺣﺴﻦ .. ﻭﻳﺴﺎﻳﻖ ﺍﻟﺴﺘﻮﺗﻪ
ﻇﻠﻮ ﻳﺼﻨﻔﻮﻥ ﻋﻠﻴﻪ ﻭﺁﻧﻲ ﺍﺧﺰﺭ ﺑﻴﻪ ﺑﺎﻟﻤﺮﺍﻳﻪ ﻭﻫﻮَ ﻳﺒﺎﻭﻉ ﺑﺨﺒﺚ ﻭﻳﻀﺤﻚ ﻭﻳﻘﻠﺪ .
ﺑﻘﺖ ﺍﻟﺴﻴﺎﺭﻩ ﺗﻤﺸﻲ ﺑﻴﻨﻪ ﻟﻤﺎ ﻭﺻﻠﻨﻪ ﻟﻨﺎﺣﻴﺔ ﺍﻟﺪﻭﺍﻳﻪ ‏( ﺗﺎﺑﻌﻪ ﻟﻤﺤﺎﻓﻈﺔ ﺫﻱ ﻗﺎﺭ ‏) .. ﻻﮔﺘﻨﻪ ﺍﻻﺷﺠﺎﺭ ﺍﻟﺨﻀﺮﻩ ﺍﻟﻌﺎﻟﻴﻪ ﻭﺳﻤﺎﻫﻪ ﺍﻟﺼﺎﻓﻴﻪ ﺑﻄﻴﻮﺭﻫﻪ ﺍﻟﻄﻠﻴﻘﻪ ﺗﺮﻓﺮﻑ ﺑﺠﻨﺎﺣﺎﺗﻬﺎ ﻣُﺸﻴﺮﻩ ﻟﺮﻣﺰ ﺍﻟﺤﺮﻳﻪ .
ﺍﻟﺤﻼﻝ ﻣﻮﺯﻉ ﺑﺸﻜﻞ ﻣﺘﻔﺮﻕ ﻋﻠﻰ ﺟﻮﺍﻧﺐ ﺍﻟﻄﺮﻳﻖ ﻭﺭﻳﺤﺔ ﺍﻟﺪﺧﺎﻥ ﻣﻌﺒﻴﻪ ﺍﻟﺠﻮ ﻻﻥ ﻫﻴﺞ ﻭﻗﺖ ﻳﺒﻠﺸﻮﻥ ﻳﺨﺒﺰﻭﻥ ﺑﺎﻟﺘﻨﻮﺭ ﺍﻟﻄﻴﻦ .
ﺍﻟﺨﻀﺎﺭ ﺑﻜﻞ ﻣﻜﺎﻥ ﻭﺍﻟﻨﺴﻮﺍﻥ ﻣﻮﺯﺭﺍﺕ ﺑﺎﻟﻌﺒﺎﻳﻪ ﻭﻻﻓﺎﺕ ﺍﻟﺸﻴﻠﻪ ﻋﻠﻰ ﻭﺟﻮﻫﻦ ﻭﻳﺤﺸﻦ ﺑﺎﻟﺰﺭﻉ ﻟﻮ ﻳﺮﻋﻦ ﺍﻟﺤﻼﻝ .
ﻭﮔﻔﺖ ﺳﻴﺎﺭﺗﻨﻪ ﻋﻠﻤﻮﺩ ﺍﻟﺪﻭﺍﺏ ﻳﻌﺒﺮ .. ﺻﺪﮒ ﻭﻣﻮﺝ ﺗﺒﺎﻭﻉ ﻟﻠﺪﻭﺍﺑﻪ ﻭﺗﺄﺷﺮ ﻋﻠﻴﻬﻪ ﻭﺗﺼﻴﺢ ﺑﺒﻼﻫﻪ
- ﻫﺎﻱ ﺛُﺮﻯٰ ﺷﻮﻓﻮﻭ ﺛُﺮﻯٰ ﺷﻮﻓﻮﻭﻫﻪ ﻫﻬﻬﻬﻬﻬﻬﻪ
ﺍﻣﻲ ﺿﺤﻜﺖ ﻭﺣﺴﻦ ﻣﻄﺎﺑﮕﻬﻪ ﺍﻧﻲ ﮔﺮﺻﺘﻬﻪ ﻣﻦ ﺭﺟﻠﻬﻪ ﻣﺘﻔﺸﻠﻪ . ﻭﻫﻤﺴﺖ ﺍﺿﺤﻚ ‏( ﻓﺸﻠﺞ ﺍﻟﻠﻪ ‏)
ﺑﺲ ﻣﺎﻫﺮ ﺧﺰﺭﻫﻪ ﺧﺰﺭﻩ ﻣﺎﺻﺎﻳﺮﻩ ﺩﻧﮕﺖ ﺭﺍﺳﻬﻪ ﻭﺑﻌﺪ ﻣﺎﺭﻓﻌﺘﻪ ﻭﺟﻬﻪ ﺻﺎﺭ ﺃﺣﻤﺮ ﻭﺧﺪﻭﺩﻫﻪ ﻃﻔﺮﻥ ﺩﻡ ﻋﺒﺎﻟﻬﻪ ﻳﻀﺤﻚ ﻋﻮﺩ ﺭﺍﺩﺕ ﺗﻠﻄﻒ ﺍﻟﺠﻮ .
ﻇﻠﺖ ﻣﺪﻧﮕﻪ ﻓﺸﻼﻧﻪ ﻭﺗﻄﮕﮓ ﺑﺄﺻﺎﺑﻌﻬﻪ ﺁﻧﻲ ﻇﻠﻴﺖ ﺍﺿﺤﻚ ﻣﻦ ﺷﻔﺘﻪ ﺑﻌﺪﻩ ﺧﺎﺯﺭﻫﻪ ﻭﻫﻲَ ﻛﻠﺶ ﺍﺳﺘﺤﺖ .
ﺩﺍﺭ ﻭﺟﻬﻪ ﻉ ﺍﻟﺠﺎﻣﻪ ﻭﺭﻓﻊ ﺣﺎﺟﺒﻪ .. ﺍﻟﺒﻨﻴﻪ ﻇﻠﺖ ﺗﺘﺒﻠﻌﻢ ﻭﻫﻤﺴﺖ ﻳﻢ ﺇﺫﻧﻲ
ﻣﻮﺝ .. ﺁﺳﻔﻪ ﻭﺍﻟﻠﻪ ﻣﻘﺼﺪﺕ ﺃﺿﻮﺟﺞ ﺑﺲ ﻋﻮﺩ ﺩﺍﺗﺸﺎﻗﻪ ﻭﻳﺎﺝ
- ﻻ ﺣﺒﻴﺒﺘﻲ ﻋﺎﺩﻱ ﻻﺗﻀﻮﺟﻴﻦ
ﺍﻟﺠﻮ ﺗﻮﺗﺮ ﻭﻣﺎﻫﺮ ﻇﻞ ﺳﺎﻛﺖ ﻃﻮﻝ ﺍﻟﻄﺮﻳﻖ ﻭﻛﻠﺴﺎﻉ ﺧﺎﺯﺭ ﺍﻟﺒﻨﻴﻪ .. ﺍﻟﻨﻮﺏ ﻫﻲَ ﺗﺨﺎﻑ ﻣﻦ ﻋﻨﺪﻩ ﻭﻫﻮَ ﺑﺲ ﻳﺨﺰﺭ .. ﺻﺎﺭ ﺑﻴﻬﻪ ﻓﻠﻢ .
ﻣﺮﻳﻨﻪ ﻋﻠﻰ ﺍﻟﻌﻠﻮﻳﻪ ﻓﻮﺍﺩﻩ ﺇﻡ ﻫﺎﺷﻢ ﺩﺧﻴﻞ ﺇﺳﻤﻬﻪ .. ﺭﺣﻨﻪ ﺯﺭﻧﻪ ﺍﻟﻤﺮﻗﺪ ﻣﺎﻟﺘﻬﻪ ﻭﺭﻳﺤﺔ ﺍﻟﺤﻨﻪ ﻣﻌﺒﻴﻪ ﺍﻟﺠﻮ ﻭﻫﺪﺩﻭﺀﺀ ﻳﺠﻨﻦ ﻣﺎﺭﺩﺕ ﺍﻃﻠﻊ .. ﺭﺣﻨﻪ ﻟﻠﺒﺌﺮ ﺻﺎﻳﺮ ﻭﺭﻩ ﻣﻜﺎﻥ ﺍﻟﻤﺮﻗﺪ ﻭﻇﻠﻴﻨﻪ ﻧﻔﺘﺮ ﺷﻮﻳﻪ ﻭﻃﻠﻌﻨﻪ . ﺑﺲ ﺗﺄﺧﺮﻧﻪ ﺣﺘﻰ ﺍﻟﺪﻧﻴﺎ ﻏﻮﺭﺑﺖ ﻭﺃﺣﻠﻰ ﺷﻲ ﻫﺬﺍ ﺍﺣﺐ ﺃﺟﻮﺍﺀ ﺍﻟﻤﻐﺮﺏ .
ﻇﻠﺖ ﺍﻟﺴﻴﺎﺭﻩ ﺗﻤﺸﻲ ﻭﻱ ﻣﻨﻈﺮ ﻏﺮﻭﺏ ﺍﻟﺸﻤﺲ ﻭﺭﻳﺤﺔ ﺍﻟﺪﺧﺎﻥ ﻭﺍﻟﻬﻮﻯٰ ﻳﻠﻔﺢ ﺑﻮﺟﻬﻲ ﺇﺿﺎﻓﻪ ﻟﺼﻮﺕ ﺍﻟﻘﺮﺁﻥ ﺍﻟﻤﺸﻐﻠﻴﻨﻪ ﺑﺎﻹﺫﺍﻋﻪ ﻭﻱ ﻫﺪﻭﺀ ﺍﻟﺠﻮ ﻓﺪ ﺷﻲ ﺭﺍﺋﻊ .
ﻣﺎﺗﻤﻨﻴﺖ ﻧﻮﺻﻞ ﻭﻻ ﺍﺧﻠﺺ ﻫﺎﻟﻠﺤﻈﺎﺕ .
ﻭﺻﻠﻨﻪ ﻟﻤﻨﻄﻘﻪ ﺑﻴﻬﻪ ﺑﻴﻮﺕ ﻫﻮﺍﻱ ﻭﻉ ﺍﻻﻏﻠﺐ ﻗﺮﻳﻪ .. ﺩﺧﻠﻨﻪ ﺑﻔﺮﻉ ﻭﺗﻠﮕﺎﻧﻪ ﺭﺟﺎﻝ ﻣﺘﻮﺳﻂ ﺍﻟﻌﻤﺮ ﻟﺤﻴﺘﻪ ﺛﺨﻴﻨﻪ ﻭﺿﻌﻴﻒ ﻭﺑﺸﺮﺗﻪ ﺳﻤﺮﻩ .. ﺭﺣﺐ ﺑﻴﻨﻪ
- ﭼﺜﻴﺮ ﺍﻟﻬﻼ ﭼﺜﻴﺮ ﺍﻟﻬﻼ ﺗﻔﻀﻠﻮ ﺗﻔﻀﻠﻮ
ﻧﺰﻟﻨﻪ ﻣﻦ ﺍﻟﺴﻴﺎﺭﻩ ﻭﺑﺎﻭﻋﺖ ﻟﻠﻤﻜﺎﻥ .. ﻏﺮﻓﻪ ﻃﻴﻦ ﺟﺒﻴﺮﻩ ﻉ ﺍﻟﺼﻔﺤﻪ ﺍﻟﻴﻤﻨﻰ ﻳﻤﻜﻦ ﺍﺳﺘﻘﺒﺎﻝ ﻭﻳﻤﻬﻪ ﺑﺎﺏ ﻣﻔﺘﻮﺡ ﺑﻨﺎﺀ ﻃﺎﺑﻮﮒ ﺣﺪﻳﺚ .. ﻭﻳﻤﻪ ﺑﻴﺖ ﻃﻴﻦ ﻭﺑﺎﺑﻪ ﺣﺪﻳﺪ ﻣﺒﻴﻦ ﻋﻠﻴﻪ ﻗﺪﻳﻢ ﻭﻓﺎﺗﺤﻴﻨﻪ .
ﺍﻟﺮﺟﺎﻝ ﺍﺧﺬ ﺍﻟﺰﻟﻢ ﻟﻼﺳﺘﻘﺒﺎﻝ ﻭﺟﺎﺏ ﺍﻟﺪﻟﻪ ﻭﺍﻟﻔﻨﺠﺎﻥ ﻭﺍﺣﻨﻪ ﺍﺟﺘﻨﻪ ﻣﺮﻩ ﻣﻮﺯﺭﻩ ﻭﺟﻬﻪ ﺑﻌﺪﻩ ﺷﺎﺏ ﻭﻭﺭﺍﻫﻪ ﻋﺠﻮﺯ ﺗﺒﻴﻦ ﻣﻼﻣﺢ ﺍﻟﻜﺒﺮ ﻭﺍﻟﺘﺠﺎﻋﻴﺪ ﺑﻮﺟﻬﻪ .. ﻭﻭﻳﺎﻫﻦ ﺑﻨﺎﺕ ﺍﺛﻨﻴﻦ ﺣﺪﺛﺎﺕ .
ﺍﻣﺎ ﺍﻟﺼﻔﺤﻪ ﺍﻟﻴﺴﺮﻯ ﺑﺴﺘﺎﻥ ﺟﺒﻴﺮ ﺣﻴﻴﻞ ﻭﺑﻴﻪ ﺣﻼﻝ ﺃﻏﻨﺎﻡ ﻭﺩﻭﺍﺏ ﻭﺩﺟﺎﺝ ﻭﺑﻄﻮﻁ .
ﺩﺧﻠﻨﻪ ﻟﻠﺒﻴﺖ ﻣﺘﻜﻮﻥ ﻣﻦ ﺍﺑﻮﺍﺏ ﻏﺮﻑ ﻫﻮﺍﻱ .. ﺍﺧﺬﻭﻧﻪ ﻟﻐﺮﻓﻪ ﺻﻐﻴﺮﻩ ﻣﻦ ﻃﻴﻦ ﻣﻔﺮﻭﺷﻪ ﺑﺴﺎﻁ ﻭﻳﻤﻬﻪ ﺟﺮﺑﺎﻳﻪ .. ﻛﻠﻨﻪ ﺗﺴﻄﺮﻧﻪ ﻭﻛﻌﺪﻧﻪ .
ﺭﺍﺣﺖ ﺍﻟﻤﺮﻩ ﺗﺠﻴﺐ ﻣﺎﻱ ﻭﺍﻧﻲ ﻳﻤﻲ ﻣﻮﺝ ﻻﺯﻛﻪ ﺑﻴﻪ ﻭﻛﺎﻋﺪﻩ ﻋﻠﻰ ﺭﻛﺒﻬﻪ ﺧﺎﻑ ﻓﺴﺘﺎﻧﻬﻪ ﻳﺘﺪﻣﺮ ﻣﻦ ﺍﻟﻜﺎﻉ ﻻﻥ ﺍﻟﺒﺴﻂ ﻛﻠﻬﻪ ﺗﺮﺍﺏ .
ﺑﻌﺪﻧﻪ ﻛﺎﻋﺪﻳﻦ ﻭﻣﺎﻧﺤﺲ ﺍﻻ ﺍﻟﺪﻭﺍﺑﻪ ﻣﺪﺕ ﺭﺍﺳﻬﻪ ﻭﺻﺎﺣﺖ ﻣﺎﺍﺍﺍﻉ ﻳﻢ ﻣﻮﺝ .
ﺍﻟﺒﻨﺖ ﻃﻔﺮﺕ ﻃﻔﺮﻩ ﺧﻠﺘﻨﻪ ﻣﻴﺘﻴﻦ ﺿﺤﻚ .. ﻫﻲَ ﻣﻨﻬﻪ ﻟﻠﺒﺎﺏ .
ﻇﻠﺖ ﻻﺯﻛﻪ ﺑﻴﻪ ﻭﺗﺴﻮﻱ ﺭﻭﺣﻬﻪ ﺗﺒﺠﻲ
ﻣﻮﺝ .. ﻣﺎﻣﺎ ﻣﺎﻣﺎ ﺍﺭﻳﺪ ﺍﺭﺟﻊ ﺍﺧﺎﻑ ﻭﺍﻟﻠﻪ ﺍﺧﺎﻑ
- ﺷﺒﻴﺞ ﻣﻮﺝ ﺍﻟﻌﺎﻟﻢ ﻣﻨﺎ ﻓﺸﻠﻪ
ﻣﻮﺝ .. ﻫﺊ ﺍﺭﻳﺪ ﺍﺭﺟﺠﻊ ﻣﺎﺍﻫﺮﺭ ﻭﻳﻨﻪ ﺭﺟﻌﻮﻭﻧﻲ ﻟﺞ ﺑﺎﻋﻲ ﺷﻠﻮﻥ ﺩﺗﺒﺎﻭﻉ ﺑﻴﻪ ﺍﻟﺒﻘﺮﻩ ﻭﺍﻟﻜﺎﻉ ﻭﺻﺨﻪ ﺷﻠﻮﻥ ﺃﮔﻌُﺪ ﻓﻬﻤﻴﻴﻨﻲ
ﻣﻦ ﻫﺬﺍ ﺍﻟﻤﻮﻗﻒ ﺍﻛﺘﺸﻔﺖ ﻣﻮﺝ ﻧﺴﺨﻪ ﻣﺼﻐﺮﻩ ﻣﻦ ﺍﻣﻬﻪ ﻣﺎﻛﻮ ﺇﺧﺘﻼﻑ ﺳﺒﺤﺎﻥ ﺍﻟﻠﻪ ﻧﻔﺲ ﺍﻟﻌﻴﺎﺭﻩ ﻭﻧﻔﺲ ﺍﻟﺤﭽﻲ .
ﺍﻧﻲ ﻫﻢ ﺍﺧﺎﻑ ﻭﺑﻨﺖ ﻭﻻﻳﻪ ﻭﻣﺎﻣﺘﻌﻮﺩﻩ ﻋﻠﻰ ﺍﻟﻘﺮﻳﻪ ﺑﺲ ﻣﺎﺳﻮﻳﺖ ﻫﻴﺞ ﺫﻭﻟﻪ ﻫﻢ ﻧﺎﺱ ﻭﻋﺪﻫﻢ ﻣﺸﺎﻋﺮ ﻭﺃﺣﺎﺳﻴﺲ ﻣﻮ ﺍﺭﻭﺡ ﺍﺟﺮﺣﻬﻢ ﻋﺒﺎﻟﻚ ﻣﺎﺷﺎﻳﻔﻪ ﺣﻴﻮﺍﻥ .
ﺍﺟﺖ ﺍﻟﺒﻨﻴﻪ ﺟﺎﺗﺒﻠﻨﻪ ﻣﺎﻱ ﺑﺼﻼﺣﻴﻪ ﻧﺎﻳﻠﻮﻥ ﻭﻛﻼﺹ ﮔﺰﺍﺯ ﺷﺮﺑﻨﻪ ﻋﺎﺩﻱ .. ﺑﺲ ﻣﻮﺝ ﻗﺮﺑﺖ ﺭﺍﺳﻬﻪ ﺗﺘﻔﺤﺺ ﺍﻟﺼﻼﺣﻴﻪ ﻭﺗﺄﺷﺮ ﻋﻠﻴﻬﻪ ﻣﺸﻤﺌﺰﻩ
ﻣﻮﺝ .. ﺑﺎﻋﻲ ﻫﺎﺫﻱ ﻣﻨﺎ ﻃﻴﻦ
- ﻣﻮﺝ ﺍﺷﺮﺑﻲ ﻭﺍﺳﻜﺘﻲ ﺍﻟﺒﻨﻴﻪ ﺟﺎﻧﺖ ﺗﺤﺶ ﺍﻛﻴﺪ ﻭﺇﺫﺍ ﺑﺈﻳﺪﻫﻪ ﻃﻴﻦ ﺍﻧﻄﺒﻊ ﺑﺎﻟﺼﻼﺣﻴﻪ ﻻﻥ ﻻﺯﻣﺘﻬﻪ ﻑ ﺍﺷﺮﺑﻲ ﺑﺎﻟﮕﻼﺹ ﺍﺣﺴﻠﻠﺞ
ﻣﻮﺝ .. ﻭﺍﻟﻠﻪ ﻭﻻ ﺃﺷﺮﺏ ﺷﺒﻴﻪ ﻣﺨﺒﻠﻪ
- ﺇﺫﻥ ﺇﺑﻘﻲ ﺑﻌﻄﺸﺞ
ﻣﻮﺝ .. ﮔﻮﻟﻴﻠﻬﻢ ﻳﺠﻴﺒﻮﻥ ﻛﺎﺳﺔ ﻣﻲ
- ﺇﻱ ﻣﻮ ﮔﺎﻋﺪﻩ ﺑﻔﻨﺪﻕ ﺑﺎﺑﻴﻠﻮﻥ
ﻣﻮﺝ .. ﻫﻔﻒ ﻳﺮﺑﻲ ﻋﻄﺸﺎﻧﻪ
- ﻫﺬﺍ ﻣﺎﻱ ﻭﺇﺷﺮﺑﻲ
ﻣﻮﺝ .. ﺟﻴﺒﻴﻪ ﺩﺍﺷﺮﺑﻪ
ﺍﻧﻄﻴﺘﻬﻪ ﺍﻟﮕﻼﺹ ﺍﺧﺬﺗﻪ ﺳﺪﺕ ﺧﺸﻤﻬﻪ ﻭﺷﺮﺑﺖ ﻣﻨﻈﺮﻫﻪ ﻳﻔﺸﻞ ﺷﻠﻮﻥ ﺭﺍﻓﻌﻪ ﺇﻳﺪﻫﻪ ﺗﺴﺪ ﺧﺸﻤﻬﻪ ﻭﺗﺸﺮﺏ ﻣﺎﻱ .. ﻭﺍﻟﻠﻪ ﻋﻤﻲ ﻣﺘﻌﺎﻓﻴﻪ
ﺍﻟﻤﺮﻳﻪ ﺗﻌﺬﺭﺕ ﻣﻦ ﻋﺪﻧﻪ ﻻﻥ ﺭﺍﺣﺖ ﺗﺨﺒﺰ .. ﺍﻧﻲ ﮔﻤﺖ ﻭﻳﺎﻫﻪ ﺍﺷﻮﻑ ﺑﺎﻟﻄﺎﺭﻣﻪ ﻭﺍﺳﻌﻪ ﺣﻴﻞ ﻭﺑﻮﺳﻄﻬﻪ ﺗﻨﻮﺭ ﻃﻴﻦ ﻭﻋﻠﻰ ﺍﻟﺠﻮﺍﻧﺐ ﺳﻮﺑﺎﻁ .. ﺑﺎﻟﻨﺴﺒﻪ ﺇﻟﻬﻢ ﭼﺮﺑﺎﻳﻪ ﻳﻨﺎﻣﻮﻥ ﻋﻠﻴﻬﻪ ﺑﺎﻟﻠﻴﻞ .
ﺍﻛﻮ ﻏﺮﻑ ﻋﻠﻰ ﺟﻬﻪ ﻫﺬﻧﻲ ﻟﻠﺤﻼﻝ ﻭﺍﻟﺠﻬﻪ ﺍﻟﺜﺎﻧﻴﻪ ﻏﺮﻓﻬﻢ ﺍﻟﺨﺎﺻﻪ ﻭﺷﺠﺮﺓ ﺳﺪﺭ ﻳﻤﻬﻦ ﺗﻐﻄﻲ ﻋﻠﻴﻬﻢ ﻭﺻﻮﺕ ﺯﻗﺰﻗﺔ ﺍﻟﻌﺼﺎﻓﻴﺮ ﻭﻱ ﺭﻳﺤﺔ ﺧﺒﺰ ﺍﻟﻄﻴﻦ ﺣﺴﺴﻨﻲ ﺑﺮﺍﺣﻪ .بيج قصص عراقيه حقيقيه من واقعنا.روعه الطائي
ﻭﮔﻔﺖ ﻳﻢ ﺍﻟﻤﺮﻩ ﻭﻫﻲَ ﺗﺨﺒﺰ ﺑﺎﻟﺘﻨﻮﺭ ﻭﺍﻧﻄﻠﻘﺖ ﺗﺴﻮﻟﻒ ﻭﻳﺎﻱ ﻭﻛﻠﺴﺎﻉ ﺗﻤﺮ ﻭﺟﺒﺔ ﻛﺘﺎﻛﻴﺖ ﻣﺎﻝ ﺑﻂ ﻭﺩﺟﺎﺝ ﻣﻦ ﻳﻤﻲ ﻭﺍﻧﻲ ﻣﻜﻴﻔﻪ ﻻﻥ ﻫﻨﻪ ﻳﻠﻌﺐ ﺑﺎﻟﻄﺎﺭﻣﻪ .
ﻭﺍﻛﻮ ﺑﺸﻪ ﺻﻔﺮﻩ ﺗﺠﻨﻦ ﻣﺴﻮﻳﻠﻬﻪ ﺣﻔﺮﻩ ﻭﺗﺎﺭﺳﻴﻨﻬﻪ ﻣﺎﻱ ﺗﺒﻄﺒﻂ ﺑﻴﻬﻪ ﺣﺴﺐ ﻛﻼﻣﻬﻢ .
ﺧﺎﺑﺮ ﻣﺎﻫﺮ ﻳﺴﺄﻟﻨﻲ ﻋﻦ ﺍﻻﺟﻮﺍﺀ ﻭﺍﻧﻲ ﻃﺎﻳﺮﻩ ﻓﺮﺡ
ﻣﺎﻫﺮ .. ﺷﻠﻮﻧﺞ ﻭﻱ ﺍﻻﺟﻮﺍﺀ
- ﺗﺠﻨﻨﻦ ﺗﺠﻨﻨﻦ ﻣﺎﻫﺮ ﺑﻌﺪ ﺍﺭﻳﺪ ﻳﻮﻣﻴﻪ ﺗﺠﻴﺒﻨﻲ
- ﻫﻬﻬﻪ ﺻﺎﺭ ﻭﺗﺪﻟﻠﻴﻦ ..
ﺑﺲ ﺷﻨﻮ ﺍﻭﺿﺎﻉ ﻣﻮﺝ ﺍﻋﺮﻓﻬﺎ ﻣﺘﺤﺐ ﻫﻴﺞ ﺃﻣﺎﻛﻦ ﻭﮔﺘﻠﻬﻪ ﺑﺲ ﻟﺰﻛﺖ ﺍﻻ ﺗﺠﻲ
- ﻻ ﺯﻳﻨﻪ
- ﻭﻳﻦ ﻫﺴﻪ ﻫﻲَ
- ﻛﺎﻋﺪﻩ ﺑﺎﻟﻐﺮﻓﻪ ﻭﻛﻠﺴﺎﻉ ﺗﻄﻔﺮ ﻣﻦ ﺗﺴﻤﻊ ﺻﻮﺕ ﺍﻟﻐﻨﻢ
- ﻫﻬﻬﻪ ﺍﻟﻠﻪ ﻳﻌﻴﻨﺞ ﻟﻌﺪ
- ﺍﻫﺪﺃ ﺑﻴﻬﻪ ﻭﻣﺎﻛﻮ
- ﻫﻬﻬﻪ ﺗﻮﺑﻪ ﺃﺫﺍ ﺑﻌﺪ ﺟﺒﺘﻬﻪ
- ﻳﺎﺍﺍﻱ ﻳﻌﻨﻲ ﻧﺠﻲ ﺑﻌﺪ
- ﺍﻱ ﻧﺠﻲ ﻏﻴﺮ ﻛﺘﻠﺞ ﻧﺠﻲ
- ﻫﻬﻪ ﺃﻋﺸﮕﻨﻚ
- ﺍﻭﻭﻭﻭﻭﻭ ﻫﺎﻱ ﺷﻨﻮﻭ ﻣﺪﺍﺻﺪﮒ ﻫﻬﻬﻬﻪ ﻻ ﻣﻌﻘﻮﻟﻪ ﻫﺎﻱ ﺛُﺮﻯٰ ﺗﻌﺸﻜﻴﻨﻲ ﻣﺮﻩ ﻭﺣﺪﺩﻩ
- ﺍﻱ ﻭﺍﻟﻠﻪ ﺍﻋﺸﮕﻨﻚ
- ﻭﺍﻧﻪ ﺍﺣﺒﻨﺞ
- ﻫﻬﻬﻬﻬﻪ ﺗﻌﻠﻤﺖ ﻣﺜﻠﻬﻢ ﺣﻠﻮ ﺣﭽﻴﻬﻢ
- ﺍﻱ ﺍﺩﺭﻱ ﺑﻴﻪ ﺣﻠﻮ ﻣﺜﻞ ﻟﻮﻥ ﻋﻴﻮﻧﺞ
ﻫﻬﻬﻬﻪ
- ﺑﺎﻟﻠﻴﻞ ﻧﻄﻠﻊ ﻧﻔﺘﺮ ﻭﻣﻦ ﻳﻨﺎﻣﻮﻥ ﺍﺧﺬﺝ ﺍﻃﻠﻌﺞ ﻧﺮﻭﺡ ﻟﻠﺸﻂ
- ﺻﺪﺩﻙ ﺍﻛﻮ ﺷﻂ؟
- ﺍﻱ ﺍﻛﻮ ﻭﺍﻓﺮﺝ ﺑﺎﻟﺒﺴﺘﺎﻥ ﻫﻢ
- ﺑﺲ ﺍﻧﻲ ﻭﻳﺎﻙ؟
- ﺍﻱ ﺑﺲ ﺍﻧﻲ ﻭﻳﺎﺝ ﻭﺿﻮﻩ ﺍﻟﮕﻤﺮ
- ﻳﻤﻤﻤﻪ ﻓﺮﺣﺤﺎﺍﺍﻧﻪ ﻣﺎﻫﺮﺭ
- ﺍﻟﻠﻪ ﻳﺪﻳﻤﻬﻪ ﻳﺮﻭﺡ ﻣﺎﻫﺮ
ﻇﻠﻴﺖ ﻣﺘﺸﻮﻗﻪ ﺷﻮﻛﺖ ﻳﺠﻲ ﺍﻟﻠﻴﻞ ﻭﻧﻄﻠﻊ .
ﮔﻌﺪﻧﻪ ﺑﺎﻟﻐﺮﻓﻪ ﺍﻟﺠﺒﻴﺮﻩ ﺟﻮﻩ ﺷﺠﺮﺓ ﺍﻟﺴﺪﺭ .. ﺍﻟﻀﻮﻩ ﺃﺻﻔﺮ ﺿﻌﻴﻒ ﻭﺍﻟﺴﻘﻒ ﻋﻤﺪﺍﻥ ﻛﺒﺎﺭ ﻭﺍﻟﺒﺮﻳﻌﺼﻴﺎﺕ ﻣﺘﺴﻠﻘﻪ ﻉ ﺍﻟﺤﻴﻄﺎﻥ ﻭﻫﺎﻱ ﻣﻮﺝ ﺷﺴﻮﺕ ﺑﺎﻟﺼﺮﻳﺦ ﻳﻤﻤﻤﻤﻪ
ﻣﻮﺝ .. ﺑﺮﻳﻌﺼﻲ ﻣﺎﻣﺎ ﻭﻳﻨﺞ ﺍﻣﺪﺍﻳﻪ ﻣﺎﺍﺧﺬﺕ ﻛﻼﻣﺞ ﻫﺊ ﻛﺎﻟﺘﻠﻲ ﻟﺘﺮﻭﺣﻴﻦ ﺷﻮﺭﻃﻨﻲ
ﻫﻤﺴﺖ ﺑﺄﺫﻧﻬﻪ
- ﻟﺞ ﻣﻮﻭﺝ ﺻﻮﻭﺗﺞ
ﻣﻮﺝ .. ﻫﺎﻱ ﺷﻠﻮﻥ ﺍﻧﺎﻡ ﺍﺧﺎﻑ ﻳﻄﻔﺮ ﻋﻠﻴﻪ
- ﺗﻐﻤﻀﻴﻦ ﻋﻴﻮﻧﺞ ﻭﺗﻨﺎﻣﻴﻦ ﺟﺎ ﺷﻠﻮﻥ
ﮔﻮﻩ ﺳﻜﺘﺘﻪ ﻭﺍﻟﻨﻮﺏ ﺍﺳﺘﻠﻤﺖ ﺍﻟﻔﻘﺮﻩ ﺍﻟﺜﺎﻧﻴﻪ ﻣﺎﻳﻌﺠﺒﻬﻪ ﺍﻷﻛﻞ ﻋﺒﺎﻟﻚ ﻣﺘﻮﻗﻌﻪ ﻳﻘﺪﻣﻮﻟﻬﻪ ﺑﻴﺘﺰﺍ
ﻣﻮﺝ .. ﺍﻧﻲ ﻣﺎﺁﻛﻞ ﺍﻟﺪﺟﺎﺝ ﺍﻟﻄﺒﺦ
- ﻣﻮﺝ ﻭﺍﻟﻠﻪ ﺍﻟﻌﻈﻴﻢ ﺇﺫﺍ ﺑﻌﺪ ﻗﻠﺪﺗﻲ ﺍﺧﺎﺑﺮ ﻣﺎﻫﺮ ﺗﺮﻩ ﻣﺎﻳﺼﻴﺮ ﻃﻠﻌﺘﻲ ﺍﻟﻌﺎﻟﻢ ﺻﻔﺮ ﻫﺎﻱ ﻋﻴﺸﺘﻬﻢ ﻭﻫﺎﻱ ﺑﻴﺌﺘﻬﻢ ﻣﻮﺩﻳﻦ ﻋﻠﻴﺞ ﻣﺎﺑﻘﻴﺘﻲ ﻋﻨﺪ ﺍﻫﻠﺞ ﻣﻨﻴﻦ ﺍﺟﻴﺘﻴﻨﻲ ﺣﻆ ﻣﺼﺨﻢ
ﻣﻮﺝ .. ﺍﻭﻭﻱ ﺷﺒﻴﺞ ﻋﺼﺘﻲ ﺳﻜﺘﺖ ﺑﺲ ﻟﺘﺘﺼﻠﻴﻦ ﺑﻤﺎﻫﺮ ﺍﻟﻨﻮﺏ ﻫﺴﻪ ﻳﺠﻴﻨﻲ ﻳﺴﻮﻳﺘﻲ ﺩﺟﺎﺟﻪ ﻣﺸﻮﻳﻪ
- ﭼﺎ ﺍﺳﻜﺘﻲ ﺍﺣﺴﻠﻠﺞ
ﻣﻮﺝ .. ﺳﻜﺘﺖ
ﻇﻠﺖ ﺳﺎﻛﺘﻪ ﻟﻤﺎ ﻛﻤﻠﻨﻪ ﻋﺸﻪ ﻭﻇﻠﻴﻨﻪ ﻧﺴﻮﻟﻒ ﺍﻟﻨﺎﺱ ﺣﺒﺎﺑﻴﻦ ﺩﺭﻩ ﻣﺎﻝ ﺍﻟﻠﻪ ﻭﻋﻠﻰ ﻓﻄﺮﺗﻬﻢ ﻭﺣﺠﻴﻬﻢ ﺷﻠﻮﻥ ﺣﻠﻮ .
ﺣﺘﻰ ﺗﻌﻠﻤﺖ ﻛﻠﻤﺎﺕ ﻣﻦ ﻋﺪﻫﻢ .
ﻓﺮﺷﻮﻟﻨﻪ ﻓﺮﺍﺷﺎﺕ ﻭﺣﻄﻮﺍ ﻣﻮﺝ ﻳﻢ ﺍﻟﺤﺎﻳﻂ ﻭﺷﻮﻳﻪ ﻭﻃﻠﻌﺘﻠﻬﻪ ﺧﻨﻔﺴﺎﻧﻪ ﻳﺒﻮﻭ ﻏﻴﺮ ﺍﻹﻣﻪ ﺍﻧﮕﻠﺒﺖ ﺍﺧﺮ ﺷﻲ ﺧﻠﻴﻨﺎﻫﻪ ﺑﺎﻟﻮﺳﻂ ﻭﻣﺎﺧﻠﺼﻨﻪ ﻣﺎﺗﺴﻜﺖ ﻫﺎﻱ ﺍﻟﺒﻨﺖ ﻋﻠّﻪ ﻋﻠّﻪ ﺍﻟﻤﻦ ﺟﺎﺑﻬﻪ ﻣﺎﻫﺮ ﻣﺎﺍﺩﺭﻱ ﻭﺍﻟﻨﻮﺏ ﻻﻃﺸﻪ ﺑﻴﻪ ﻻﻥ ﻣﺮﺕ ﺍﺧﻮﻫﻪ .
ﻇﻠﻴﺖ ﻳﻤﻬﻪ ﻭﺍﻧﻲ ﺻﺮﺕ ﻳﻢ ﺍﻟﺤﺎﻳﻂ ﺃﻣﺮﻱ ﻟﻠﻪ .. ﻇﻠﺖ ﺣﺎﺿﻨﺘﻨﻲ ﻭﺧﺎﻳﻔﻪ ﻫﺎﻱ ﻏﻴﺮ ﺍﻻﻣﺪﺍﺩﺍﺕ ﺍﻟﺤﻄﺘﻬﻦ ﻳﻢ ﺭﺍﺳﻬﻪ ﺍﻟﺸﺤﺎﻃﻪ ﻭﺍﻟﻤﻜﻨﺎﺳﻪ ﺗﻄﺮﺩ ﺑﻴﻬﻪ ﺍﻟﺒﺮﻳﻌﺼﻲ .
ﺧﻠﻴﺘﻬﻪ ﺗﻐﻔﻪ ﻭﻭﺧﺮﺕ ﺇﻳﺪﻳﻬﻪ ﻭﻃﻔﺮﺕ ﻟﻤﻮﺑﺎﻳﻠﻲ ﺧﺎﺑﺮﺕ ﻣﺎﻫﺮ .. ﮔﺎﻝ ﺃﻟﺒﺴﻲ ﺷﻮﻳﻪ ﻭﺍﺟﻲ ﺁﺧﺬﺝ .
ﻟﺒﺴﺖ ﺑﺲ ﻋﺒﺎﺗﻲ ﻭﻃﮕﻴﺖ ﺍﻟﻨﻌﺎﻝ ﺍﻻﺣﻤﺮ ﻭﺍﺧﺬﺕ ﻣﻮﺑﺎﻳﻠﻲ ﻭﻃﻔﺮﺕ . ﺧﺎﺑﺮﻧﻲ ﻛﺎﻝ ﺍﻧﻲ ﻳﻢ ﺍﻻﺳﺘﻘﺒﺎﻝ .
ﺭﺣﺘﻠﻪ ﻇﻞ ﻳﺒﺎﻭﻋﻠﻲ ﻣﻦ ﻓﻮﻙ ﻟﺠﻮﻩ ﻭﻳﻀﺤﻚ ﺃﺷﺮ ﻋﻠﻰ ﺭﺟﻠﻴﻪ ﻭﺿﺤﻚ ﻛﺎﻝ -:
- ﻣﺎﻟﮕﻴﺘﻲ ﻏﻴﺮﻩ؟
- ﻫﻬﻬﻪ ﻣﺎﻟﮕﻴﺖ ﺍﻧﻲ ﺍﺟﻴﺖ ﺑﺤﺬﺍﺀ
- ﻫﻬﻬﻬﻪ ﺭﺍﺡ ﺗﺠﻴﺒﻴﻦ ﺍﻟﻌﻴﻦ ﻋﻠﻴﻨﻪ ﺑﺲ ﺍﻣﺮﻧﻪ ﻟﻠﻪ ﺍﻣﺸﻲ ﻳﺎﺑﻪ ﺍﻣﺸﻲ .
ﺣﻂ ﺇﻳﺪﻩ ﻋﻠﻰ ﻇﻬﺮﻱ ﻭﻃﻠﻌﻨﻪ ﻉ ﺍﻟﺸﺎﺭﻉ ﻣﺎﻝ ﺍﻟﺴﻴﺎﺭﺍﺕ ﺑﺲ ﻓﺎﺭﻍ ﻟﮕﻴﻨﻪ ﺍﺛﻨﻴﻦ ﻭﻟﺪ ﻳﺘﻤﺸﻮﻥ ﺭﺃﺳﺎً ﺳﺤﺒﻨﻲ ﻭﺭﻩ ﻇﻬﺮﻩ ﻭﺣﻂ ﺇﻳﺪﻳﻪ ﺇﺛﻨﻴﻨﻬﻦ ﻋﻠﻴﻪ ﻟﻮﺭﻩ .
ﺧﻼﻫﻢ ﻳﻌﺒﺮﻭﻥ ﻭﻟﺰﻡ ﻛﻒ ﺇﻳﺪﻱ ﻭﻇﻠﻴﻨﻪ ﻧﻤﺸﻲ ﺍﻟﺠﻮ ﺑﻴﻪ ﻧﺴﻤﺎﺕ ﺑﺎﺍﺭﺩﻩ ﻣﻦ ﺗﻠﻤﺲ ﺑﺸﺮﺗﻲ ﺍﻟﻄﺮﻳﻪ .. ﺗﻨﻔﺘﺢ ﺑﺪﺍﺧﻠﻲ ﺭﻏﺒﺎﺕ ﻻﺇﺳﺘﻨﺸﺎﻕ ﺍﻟﻤﺰﻳﺪ .
ﻭﺻﻠﻨﻪ ﻟﺒﻴﺖ ﻫﻴﻜﻞ ﺑﻠﻮﻙ ﻃﻠّﻊ ﻣﻔﺘﺎﺡ ﻣﻦ ﺟﻴﺒﻪ ﻭﺃﺷﺮﻟﻲ ﺑﻴﻪ ﻳﻀﺤﻚ
- ﺷﻨﻮ ﻫﺬﺍ؟
- ﺗﻌﺎﻟﻲ ﻧﺪﺧﻞ
- ﻣﺎﻫﺮ ﻇﻠﻤﻪ ﺍﺧﺎﻑ
- ﻫﺬﺍ ﺿﻮﻩ ﻭﻫﺬﺍ ﺿﻮﻩ ﺍﻟﻘﻤﺮ ﻭﺍﻻﺿﻮﻳﻪ ﺗﺎﺭﺳﻪ ﺍﻟﻤﻨﻄﻘﻪ ﺑﺲ ﻧﻮﮔﻒ ﻫﻨﺎﻙ ﻭﻧﺮﺟﻊ
- ﻳﻼ
ﻓﺘﺢ ﺍﻟﺒﺎﺏ ﻭﺩﺧﻠﻨﻪ ﺑﻴﺖ ﻭﺍﺳﻊ ﺑﻴﻪ ﻏﺮﻑ ﺍﺭﺑﻌﻪ ﻭﺻﺎﻟﻪ .. ﺻﻌﺪﻧﻪ ﺍﻟﺪﺭﺝ ﻭﻭﻛﻔﻨﻪ ﻉ ﺍﻟﻮﺍﺭﺵ .
ﺷﻔﺖ ﺍﻟﺠﻮ ﻣﻦ ﻓﻮﮒ ﻳﺨﺒﻞ ﺍﻻﺷﺠﺎﺭ ﺍﻟﺘﺘﺤﺮﻙ ﻭﺍﺻﻮﺍﺕ ﺍﻟﺮﺟﺎﺟﻴﻞ ﻭﻫﻤﻪ ﻳﺼﻴﺪﻭﻥ ﺳﻤﺞ ﺑﻬﺎﻟﻮﻗﺖ ﻭﺍﻟﻘﻤﺮ ﻓﻮﮒ
ﺣﻄﻴﺖ ﺇﻳﺪﻱ ﻋﻠﻰ ﺧﺪﻱ ﻭﺍﺳﺘﻨﺪﺕ ﻉ ﺍﻟﺴﻴﺎﺝ ﻭﻇﻠﻴﺖ ﺃﺑﺎﻭﻉ .. ﻫﻮَ ﺳﻮﻩ ﻣﺜﻞ ﺣﺮﻛﺘﻲ ﻭﻇﻠﻴﻨﻪ ﻧﺒﺎﻭﻉ ﻭﻧﺴﻮﻟﻒ .
- ﻫﺬﺍ ﺑﻴﺘﻬﻢ ﺭﺍﺡ ﻳﻨﺘﻘﻠﻮﻥ ﻟﻬﻨﺎ ﻳﻌﻨﻲ ﺍﺫﺍ ﺑﻌﺪ ﺍﺟﻴﻨﻪ ﻣﺎﻧﻠﺤﻚ ﻉ ﺍﻟﺒﻴﻮﺕ ﺍﻟﻄﻴﻦ
- ﺍﻱ ﻫﻨﺎ ﺍﺣﺴﻦ
- ﻻ ﺍﻧﻲ ﺍﺣﺐ ﺫﺍﻙ ﺍﻟﺒﻴﺖ ﺍﺣﺴﻪ ﻓﺪ ﺷﻲ ﺗﺮﺍﺛﻲ ﺗﺪﺭﻳﻦ ﻣﻦ ﺯﻣﻦ ﺟﺪﻫﻢ ﻟﺤﺪ ﺍﻵﻥ ﺑﻨﻔﺲ ﺑﻨﺎﺋﻪ ﺑﺲ ﻛﻞ ﺳﻨﻪ ﻳﺮﻣﻤﻮﻧﻪ ﻭﻳﻀﻴﻔﻮﻥ ﻃﻴﻦ ﻭﺍﻋﻤﺪﻩ ﺧﺎﻑ ﻳﻮﮔﻊ ﻋﻠﻴﻬﻢ
- ﺍﻟﻠﻪ ﻳﺴﺎﻋﺪﻫﻢ ﺷﻠﻮﻥ ﻋﺎﻳﺸﻴﻦ ﻟﻮ ﺍﻧﻲ ﺍﻣﻮﺕ
- ﻻ ﻛﻞ ﻭﺍﺣﺪ ﻭﺑﻴﺌﺘﻪ ﻣﺜﻞ ﻣﺎﺍﻧﺖِ ﻣﺘﮕﺪﺭﻳﻦ ﺗﻌﻴﺸﻴﻦ ﻋﻴﺸﺘﻬﻢ ﻫﻤﻪ ﻛﺬﻟﻚ ﻣﻴﻜﺪﺭﻭﻥ ﻳﻌﻴﺸﻮﻥ ﻣﺜﻠﺞ ﻻﺯﻡ ﻛﻞ ﻳﻮﻡ ﻳﺮﻋﻮﻥ ﻭﻳﺤﺼﺪﻭﻥ ﻭﻳﺰﺭﻋﻮﻥ ﻭﻳﻔﺘﺮﻭﻥ ﺑﺎﻟﺒﺴﺘﺎﻥ
- ﺍﻱ ﺻﺤﻴﺢ
ﻇﻞ ﻳﺴﻮﻟﻔﻠﻲ ﻋﻠﻰ ﺣﻴﺎﺗﻬﻢ ﻭﺷﻮﻛﺖ ﺗﻌﺮﻑ ﻋﻠﻰ ﻫﺬﺍ ﺻﺪﻳﻘﻪ ﻭﺍﻧﻲ ﺑﻠﺸﺖ ﺃﻧﻌﺲ .
ﺳﺤﺒﻨﻲ ﻣﻦ ﺇﻳﺪﻱ ﻭﻧﺰﻟﻨﻪ ﻟﺠﻮﻩ .. ﺭﺣﻨﻪ ﻟﻠﺒﺴﺘﺎﻥ ﭼﺒﻴﺮ ﻭﻛﻠﺶ ﺣﻠﻮ ﻛﻠﻪ ﺃﺷﺠﺎﺭ ﻣﺎﻝ ﻭﺭﻭﺩ ﻟﻮﻧﻬﻦ ﻭﺭﺩﻱ ﻳﺨﺒﻠﻦ ﻭﺭﻳﺤﺔ ﺍﻟﺸﺠﺮ ﺗﻔﻮﺡ ﺑﺎﻟﺒﺴﺘﺎﻥ ﻛﻠﻪ ﻳﻌﻨﻲ ﻟﻮ ﻳﺴﺄﻟﻮﻧﻲ ﺷﻨﻮ ﺍﻛﺜﺮ ﺷﻲ ﺣﺒﻴﺘﻴﻪ ﺑﺤﻴﺎﺗﺞ ﺍﻛﻠﻬﻢ ﻫﺎﻱ ﺍﻟﺠﻴﻪ .
ﻭﺻﻠﻨﻪ ﻟﻠﺸﻂ .. ﺍﻟﻬﺪﻭﺀ ﻳﻌﻢ ﺑﻜﻞ ﺍﻟﻤﻜﺎﻥ ﻭﺑﺲ ﺿﻮﻩ ﺍﻟﻘﻤﺮ ﻣﻨﻌﻜﺲ ﻋﻠﻰ ﺍﻟﻤﺎﻱ ﻭﺑﻠﻢ ﻳﻢ ﺍﻟﺠﺮﻑ ﻭﺃﺻﻮﺍﺕ ﺑﻌﻴﺪﻩ ﻣﺎﻝ ﺻﻴﺎﺩﻳﻦ .
ﻏﻤﻀﺖ ﻋﻴﻮﻧﻲ ﻭﻇﻠﻴﺖ ﺍﺳﺤﺐ ﻫﻮﻯٰ ﺑﻬﺪﺩﻭﺀ ﺷﻮﻳﻪ ﺷﻮﻳﻪ ﺍﺭﻳﺪﻩ ﻳﺪﺧﻞ ﻟﺮﺋﺎﺗﻲ .. ﻓﺘﺤﺖ ﻟﮕﻴﺘﻪ ﺻﺎﻓﻦ ﺑﻴﻪ ﻭﻳﺘﺮﻗﺐ ﺗﺤﺮﻛﺎﺗﻲ ﻫﻤﺲ -:
- ﺷﺪﺗﺴﻮﻳﻦ
- ﺍﺷﺘﻢ ﻫﻮﻯٰ ﻛﻠﺶ ﺣﻠﻮ ﺍﻻﺣﺴﺎﺱ ﻣﻦ ﻳﺪﺧﻞ ﺍﻟﻬﻮﻯٰ ﺑﺎﺭﺩ ﻟﺮﻳﺘﻚ ﺗﺤﺲ ﺑﺒﺮﻭﺩﺗﻪ ﺑﺪﺍﺧﻠﻚ ﺟﺮﺏ ﻭﺷﻮﻑ
ﻇﻞ ﻳﺴﻮﻱ ﻣﺜﻞ ﻣﺎﺳﻮﻳﺖ ﻭﻳﺒﺎﻭﻋﻨﻲ ﻳﻀﺤﻚ .. ﻗﺮﺏ ﺇﻳﺪﻩ ﺧﻼﻫﻪ ﻋﻠﻰ ﺧﺪﻱ ﻭﺗﻠﻤﺲ ﺑﺸﺮﺗﻲ .. ﻏﻤﻀﺖ ﻋﻴﻨﻲ ﻭﻣﺎﻟﺖ ﺭﮔﺒﺘﻲ .. ﺿﺤﻚ ﻭﺗﻘﺮﺏ ﺑﺎﺳﻨﻲ ﺑﺨﺪﻱ .. ﻇﻠﻴﺖ ﻣﻐﻤﻀﻪ ﻋﻴﻮﻧﻲ ﻭﻱ ﻫﺎﻱ ﺍﻷﺟﻮﺍﺀ ﺑﻮﺳﺘﻪ ﻋﺬﺑﺘﻨﻲ .
••
ﻗَﺒَّﻠْـﺘُﻬـﺎ ﻣِﻦْ ﺑَﻌﻴﺪٍ ﻓﺈﻧْﺜَﻨَـﺖْ ﻏَﻀَﺒﺎً
ﻭﻗَﺪْ ﺗَﺒَﻴَّـﻦَ ﻓِﻴﻬَﺎ ﺍﻟﺘِّـﻴﻪُ ﻭﺍﻟﺨَﺠَـﻞُ
ﻭﻣَﺴَّﺤَﺖْ ﺧَﺪَّﻫﺎ ﻣِﻦْ ﻗُﺒْﻠَﺘِﻲ ،ﻭﻣﺸَـﺖ
ْ ﻛَﺄَﻧَّﻬﺎ ﺛَﻤِﻞٌ ﺃَﻭ ﻣَﺴَّـﻬﺎ ﺧَــﺒَﻞُ
ﺗﻘﺮﺑﺖ ﻳﻢ ﺍﻟﺸﻂ ﺻﺎﺡ ﻋﻠﻴﻪ ﻭﺍﻧﻲ ﺍﺑﺎﻭﻋﻠﻪ ﺍﺗﻮﺳﻞ
- ﺑﺲ ﺍﻏﻂ ﺭﺟﻠﻲ
- ﺗﻌﺎﻟﻲ ﺛُﺮﻯٰ ﻟﺘﺮﻭﺣﻴﻦ ﺗﻮﮔﻌﻴﻦ ﺑﻬﺎﻟﻠﻴﻞ
- ﺑﺲ ﺍﺷﻮﻑ ﺑﺮﻭﺩﺓ ﺍﻟﻤﺎﻱ
ﻭﮔﻒ ﻳﻤﻲ ﻟﺰﻡ ﺇﻳﺪﻱ ﻭﺍﻧﻲ ﻏﻄﻴﺖ ﺭﺟﻠﻲ ﺍﻟﻤﺎﻱ ﺛﻠﺞ ﻳﺠﻨﻦ .. ﺗﻤﻨﻴﺖ ﺍﻋﺮﻑ ﺃﺳﺒﺢ
- ﻣﺎﻫﺮ
- ﻫﺎ
- ﺍﺭﻳﺪ ﺃﺳﺒﺢ
- ﻫﺎ ﻫﺎ ﺷﺘﺴﺒﺤﻴﻦ
- ﻻ ﻻ ﻳﻌﻨﻲ ﺍﺳﺒﺢ ﺑﺎﻟﺸﻂ
- ﺩﻳﺮﻱ ﺑﺎﻟﺞ ﺗﻔﻜﺮﻳﻦ ﺑﻬﺎﻟﺸﻲ ﻫﻮَ ﺍﻧﺖِ ﺭﻭﺣﺞ ﻣﺎﻣﺘﺤﻤﻠﺘﻬﻪ ﺗﺘﺤﻤﻠﻴﻦ ﺳﺒﺢ
- ﻓﺪﻭﻩ ﻋﻠﻤﻨﻲ
- ﺍﻋﻠﻤﺞ ﺑﺲ ﻣﻮ ﻫﻨﺎ ﻣﻦ ﻧﺘﺰﻭﺝ ﺑﺒﻐﺪﺍﺩ ﺍﺧﺬﺝ ﻟﻠﻤﺴﺒﺢ ﻫﺬﺍ ﺷﻂ ﺇﺫﺍ ﺗﻐﺮﮔﻴﻦ ﺑﻌﺪ ﻭﻳﻦ ﺍﻟﻜﺎﭺ
- ﺍﺭﻳﺪ ﻫﺴﻪ ﺍﺳﺒﺢ
- ﺛُﺮﺭﺭﻯٰ ﻟﻴﺶ ﺗﺨﺮﺑﻴﻦ ﻋﻠﻴﻨﻪ ﺍﺟﻤﻞ ﻟﺤﻈﺎﺕ ﺗﻌﺎﻟﻲ
ﺳﺤﺒﻨﻲ ﻭﻛﻌﺪﻧﻲ ﻳﻤﻪ ﻭﺭﺟﻊ ﻳﺴﻮﻟﻒ ﻋﻠﻴﻪ
ﺗﺄﺧﺮ ﺍﻟﻮﻗﺖ ﻭﺇﺣﻨﻪ ﻣﺎﺭﺍﺟﻌﻴﻦ ﺁﺧﺮ ﺷﻲ ﺍﺳﺘﺴﻠﻤﺖ ﻟﻠﻨﻬﺎﺱ ﻭﻛﺘﻠﻪ ﺍﺭﻳﺪ ﺍﺭﺟﻊ .. ﺿﺤﻚ ﻋﻠﻴﻪ ﻻﻥ ﺑﻌﺪﻩ ﺑﺤﻴﻠﻪ ﻭﻣﺼﺤﺼﺢ .. ﻭﻛﺎﻝ
- ﺗﺪﺭﻳﻦ ﺑﺲ ﺷﻮﻓﺘﺞ ﺗﺨﻠﻲ ﺍﻟﻨﻌﺎﺱ ﻳﻄﻴﺮ ﻣﻦ ﻋﻴﻨﻲ ﻣﺎﺩﺍﻡ ﺃﻧﻔﺎﺳﺞ ﻭﻳﺎﻱ ﻭﻧﻈﺮﺍﺕ ﻋﻴﻮﻧﺞ ﺑﻌﻴﻮﻧﻲ ﺍﺭﻳﺪ ﺍﺣﻔﻆ ﻭﺍﺭﻛﺰ ﺑﻜﻞ ﻟﺤﻈﻪ ﻭﺑﻜﻞ ﺩﻗﻴﻘﻪ ﺗﻤﺮ ﻭﻳﺎﺝ ﺍﻧﺖِ ﺷﺪﻳﺪﺓ ﺍﻹﺧﻀﺮﺍﺭ ﻣﺜﻞ ﻏﺼﻦ ﻃﺮﻱّ ﻧﺎﺑﺾ ﻭﺣﻲ .. ﺗﺸﺒﻬﻴﻦ ﺍﻟﻠﻴﻞ ﺑﻬﺪﻭﺀﻩ ﻭﺍﻟﺴﻤﻪ ﺑﺼﻔﺎﺀﻫﻪ ﻭﺍﻟﻘﻤﺮ ﺑﺴﻜﻮﻧﻪ
ﻇﻠﻴﺖ ﺳﺎﻛﺘﻪ ﻣﺎﺍﻋﺮﻑ ﺷﺄﺟﺎﻭﺏ ﺑﺲ ﺩﻧﮕﺖ ﺧﺠﻼﻧﻪ ﻣﻦ ﻛﻼﻣﻪ .. ﺍﻋﺸﻘﻪ ﻣﻦ ﻳﺘﻐﺰﻝ .. ﻣﺮﺍﺕ ﻏﺰﻟﻪ ﻳﻜﻮﻥ ﻛﻠﻪ ﻓﺼﻴﺢ ﻭﺃﺷﻌﺎﺭ ﻭﺍﻧﻲ ﺍﻣﻮﺕ ﻋﻠﻰ ﻫﻴﺞ ﺷﻲ .
ﺭﺟﻌﺖ ﻣﻴﺘﻪ ﺗﻌﺐ ﻣﻦ ﻟﻴﻠﻪ ﺃﺣﻠﻰ ﻟﻴﺎﻟﻲ ﺣﻴﺎﺗﻲ .. ﻧﻤﺖ ﻭﺍﻟﻨﻮﻣﻪ ﻧﻮﻣﻪ .بيج قصص عراقيه حقيقيه من واقعنا.روعه الطائي
ﻟﻠﺼﺒﺢ ﮔﻌﺪﺕ ﻋﻠﻰ ﺻﻮﺕ ﺍﻟﻌﺮﻛﻪ ﺑﻴﻦ ﺍﻟﻌﺼﺎﻓﻴﺮ .. ﺍﻟﺸﺠﺮﻩ ﺻﺎﻳﺮﻩ ﺑﺒﺎﺏ ﺍﻟﻐﺮﻓﻪ ﻭﻫﻨﻪ ﻋﻠﻴﻬﻪ .. ﺗﻤﻄﻴﺖ ﺑﻜﺴﻞ ﻭﮔﻌﺪﺕ ﻟﻜﻴﺖ ﻣﺤﺪ ﺑﺲ ﺍﻧﻲ ﻣﺨﻠﻴﻨﻲ ﻧﺎﻳﻤﻪ .
ﮔﻤﺖ ﺷﻔﺖ ﺍﻟﻤﺮﻩ ﺗﺨﺒﺰ ﻭﺍﻟﺒﻨﺎﺕ ﻳﻤﻬﻪ ﻳﺴﺎﻋﺪﻧﻬﻪ ﻭﺍﻟﺠﻤﺎﻋﻪ ﻛﺎﻋﺪﺍﺕ ﻳﻢ ﺍﻟﻤﺮﻳﻪ ﺍﻟﻌﺠﻮﺯ ﺗﺴﻮﻟﻒ ﻋﻠﻴﻬﻦ ﺳﻮﺍﻟﻒ ﻗﺒﻞ .
ﺻﺒﺤﺖ ﻭﻏﺴﻠﺖ .. ﻃﻠﻌﺖ ﺗﺮﻳﮕﻨﻪ ﻭﺭﺣﻨﻪ ﻧﺘﻤﺸﻪ ﺑﺎﻟﺒﺴﺘﺎﻥ .. ﺍﺟﻮﺍﺀ ﺍﻟﺼﺒﺢ ﺑﻌﺪ ﺍﺣﻠﻰ
ﺫﻧﻲ ﺑﻨﺎﺗﻬﻢ ﻳﻌﺮﻓﻦ ﻳﺴﺒﺤﻦ ﻭﺍﻧﻲ ﻇﺎﻟﻪ ﺣﺴﺮﻩ ﺑﮕﻠﺒﻲ
ﺗﻘﻮﻯ ﺇﺟﺘﻨﻲ ﺗﺮﻛﺾ ﺳﺤﺒﺘﻨﻲ ﻋﻠﻰ ﺟﻬﻪ
- ﻫﺎ ﺷﻜﻮ ﺷﺒﻴﺞ
ﺍﺑﺎﻭﻋﻠﻬﻪ ﻻﺯﻣﻪ ﻣﻮﺑﺎﻳﻠﻬﻪ ﻭﺇﻳﺪﻫﻪ ﺗﺮﺟﻒ
ﺗﻘﻮﻯ .. ﺟﺎﻱ ﻳﺘﺼﻞ ﺛﺮﻳﺎ ﺷﺄﺳﻮﻱ
- ﻣﻨﻮ؟
ﻗﺮﺑﺖ ﺍﻟﻤﻮﺑﺎﻳﻞ ﻋﻠﻰ ﻭﺟﻬﻲ ﺷﻔﺘﻪ ﺍﻟﺴﻴﺪ ﻛﺎﺗﺒﺘﻪ .. ﺷﻜﺪ ﺣﻘﻴﺮ ﻫﺬﺍ
- ﺷﻴﺮﻳﺪ
ﺗﻘﻮﻯ .. ﺷﻌﺮﻓﻨﻲ
- ﻻﺗﺠﺎﻭﺑﻴﻦ ﻣﺎﻋﻠﻴﺞ ﺑﻴﻪ
ﺗﻘﻮﻯ .. ﺭﺍﺡ ﺍﺟﺎﻭﺏ
- ﺗﺘﺘﻘﻘﻮﻭﻯ
ﺑﭽﺖ ﻭﻏﻄﺖ ﻭﺟﻬﻪ ﺑﺈﻳﺪﻳﻬﻪ
ﺗﻘﻮﻯ .. ﻣﺎﺍﻛﺪﺭ ﺛﺮﻳﺎ ﺍﺣﺲ ﻛﻠﺸﻲ ﻣﺎﺍﺩﺭﻱ ﻻﺍﺩﺭﻱ ﻟﻴﺶ ﻃﻠﮕﻨﻲ ﻻﺍﺩﺭﻱ ﻟﻴﺶ ﺗﺨﻠﻪ ﻋﻨﻲ ﺑﻬﺎﻟﺴﻬﻮﻟﻪ ﻭﺍﺣﻨﻪ ﺣﺐ ﺍﺭﺑﻊ ﺳﻨﻮﺍﺕ
- ﻻﺗﺠﺎﻭﺑﻴﻦ ﺧﻠﻲ ﻟﺮﻭﺣﺞ ﻛﺮﺍﻣﻪ
ﻣﺴﺤﺖ ﺩﻣﻮﻋﻬﻪ ﻭﻫﺰﺕ ﺭﺍﺳﻬﻪ
ﺗﻘﻮﻯ .. ﺧﻮﺵ ﺧﻞ ﻳﻮﻟﻲ ﻫﺎﺝ ﺍﻟﻤﻮﺑﺎﻳﻞ ﺍﻏﻠﻘﻴﻪ ﻭﻻﺗﺠﻴﺒﻴﻨﻪ ﻳﻤﻲ
- ﺻﺎﺭ ﺗﺪﻟﻠﻴﻦ
ﺍﺧﺬﺗﻪ ﻣﻨﻬﻪ ﻏﻠﻘﺘﻪ . ﻫﻢ ﺇﻟﻪ ﻋﻴﻦ ﻭﻳﺘﺼﻞ ﻓﻮﮔﺎﻫﻪ ﻧﺎﺱ ﻣﺎﺗﺴﺘﺤﻲ .
ﺭﺣﺖ ﻛﻤﻠﺖ ﻣﺴﻴﺮﺗﻲ ﺑﺎﻟﺒﺴﺘﺎﻥ ﻭﺃﻓﺘﺮ ﻣﺜﻞ ﺍﻟﻄﻴﺮ ﺍﻟﺤﺮ .
ﻫﻨﻴﺎﻟﻬﻢ ﻣﺤﺪ ﻳﮕﺪﺭ ﻳﻠﺰﻣﻬﻢ ﻭﻻ ﻳﮕﻠﻠﻬﻢ ﻭﻳﻦ ﺭﺍﻳﺤﻴﻦ ﺑﻜﻴﻔﻬﻢ ﻳﻤﺸﻮﻥ ﺍﻧﻲ ﻋﻨﺪ ﺍﻫﻠﻲ ﺍﺫﺍ ﺍﺿﺤﻚ ﺑﺼﻮﺕ ﻋﺎﻟﻲ ﺍﺧﻮﺍﻧﻲ ﻛﻠﻬﻪ ﺗﺼﻴﺢ ﺻﻮﺗﺞ ﻭﻫﻨﺎ ﻋﺎﺩﻱ ﻳﻀﺤﻜﻮﻥ ﻳﺴﻮﻟﻔﻮﻥ ﻣﺤﺪ ﻳﮕﻠﻠﻬﻢ ﻋﻠﻰ ﻋﻴﻨﻜﻢ ﺣﺎﺟﺐ .
ﻭﺻﻠﻨﻪ ﻟﻠﺸﻂ ﻭﺍﻧﻲ ﻣﺼﻤﻤﻪ ﺍﺳﺒﺢ ﻳﻌﻨﻲ ﺍﺳﺒﺢ .
ﺍﺟﻦ ﺍﻟﺒﻨﺎﺕ ﻛﺘﻠﻬﻦ ﻧﺼﻌﺪ ﺑﺎﻟﺒﻠﻢ ﻣﺎﻗﺒﻞ ﺍﺧﻮﻫﻦ ﻛﺎﻝ ﺯﻟﻢ ﺑﺎﻟﺠﻬﻪ ﺍﻟﺜﺎﻧﻴﻪ ﻳﺸﻮﻓﻮﻧﺠﻦ .
ﺣﻄﻴﺖ ﺭﺟﻠﻲ ﻳﻢ ﺍﻟﺠﺮﻑ ﻭﻇﻠﻴﺖ ﺍﺗﻤﺸﻪ ﺷﻮﻳﻪ ﺷﻮﻳﻪ .. ﻭﺻﻞ ﺍﻟﻤﺎﻱ ﻟﺒﻄﻨﻲ ﻇﻠﻴﺖ ﺍﻣﺸﻲ ﻭﺫﻧﻲ ﻣﺎﻳﺪﺭﻥ ﻣﻠﺘﻬﻴﺎﺕ ﻳﻠﻤﻦ ﻣﺤﺎﺭ
ﺍﺷﻮ ﺷﻮﻳﻪ ﻭﺍﺣﺲ ﺭﻭﺣﻲ ﻏﺮﮔﺖ .. ﺍﻟﻤﺎﻱ ﻭﺻﻞ ﻟﺮﺍﺳﻲ ﻇﻠﻴﺖ ﺍﺷﮕﻒ ﻭﺍﺻﻴﺢ
- ﻳﺒﺎﺍﺍﺍﻱ ﺍﻟﺤﻜﻮﻭﻭﻟﻲ
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻
alabadyia_09
ﺃﻟﻒ ﻣﺒﺮﻭﻙ ﻟﻤﻨﺘﺨﺒﻨﺎ ﺍﻟﻌﺮﺍﻗﻲ ﻉ ﺍﻟﻔﻮﺯ ﻳﺎﺭﺏ ﻳﺪﻳﻢ ﺍﻟﻔﺮﺣﻪ ﻉ ﺍﻟﻌﺮﺍﻗﻴﻴﻦ .
ﺍﻟﺘﻌﻮﻳﺾ ﻳﺼﻴﺮ ﻋﻠﻰ ﺑﺎﺟﺮ ﻻﻥ ﻣﻦ ﺍﻟﻔﺮﺡ ﻣﻜﺪﺭﺕ ﺍﻛﺘﺐ ﺭﻏﻢ ﻭﻋﺪﺗﻜﻢ ﺑﺒﺎﺭﺕ ﻃﻮﻳﻞ .. ﻛﻠﺴﺎﻉ ﺍﻃﻔﺮ ﺍﺷﻮﻑ ﺍﻻﺟﻮﺍﺀ ﻣﻦ ﺍﻟﺤﺪﻳﻘﻪ ﻓﺪ ﺷﻲ ﻛﻠﺶ ﺣﻠﻮ ﺣﺘﻰ ﻧﺴﻴﺖ ﻭﺭﺍﻱ ﺑﺎﺭﺕ ﻗﺼﻪ ﻣﻦ ﺍﻟﻔﺮﺡ