رواية حياة المغازي الفصل الأول 1 - بقلم اميرة خالد

في منطقه شعبيه بيت عيله مغازي كانت الحريم واقفه على رجل بيحضروا الفطار للرجاله ومعاهم الحاجه سعاد مغازي امي الكبير محمود الطيب وحواليها نسوان عيالها وبنتها

و قالت بصوت عالي ما تخلصوا يا نسوان الرجاله هتنزل دلوقتي

ردت كريمه حاضر ياما كل حاجه جاهزه

ردت عليها طب رن على اخوك يا كريمه

قالت لها ملهوش لزوم ياما هو كده كده نازل انتى عارفه ان ميعاده مظبوط

ردت سعاد طيب يا بنتي وفي شقه محمود الطيب كان واقف قدام المرايه بيرش برفانه وبيسرح شعره واخد تليفون ومفاتيحه



ونزل قابل اخوه احمد وجوز اخته سيد

وقال احمد صباح الخير يا كبير

رد محمود صباح النور ونزلوا دخلوا الشقه

واقابله الحاجه سعاد وقال سيد صباح الخير يا حاجه

ردت عليه صباح النور يا حبيب خالتك يلا يا رجاله عشان الفطار الكل قاعد

وفي منطقه تانيه كانت قاعده حياه جنب امها بيفطروا

وقالت لها ايه يا بنتي انتي رايحه الشغل النهارده

ردت حياه ايوه ياما وهجيب العلاج وانا جايه

ردت ناديه يا رب يا بنتي يسترها معاكي ويرزقك براجل يحافظ عليك ويشيلك من الهم اللي انكتب عليك

ضحكه حياه وقالت لها هم ايه ياما احنا عايشين مبسوطين اهو واحسن من غيرنا كتير

وردت ناديه يعني انتي عاجبك مسح السلالم ولا غسيل السجاد اللي بتعمليه للنسوان وانتي متعلمه ضحكه حياه

وقالت تعليم ايه ياما دي حته ثانويه عامه وكمان ما اعرفش جبت كام

ضحكه ناديه وقالت بس اسمك معاكي ثانويه عامه وانا عارفه انك جايبه مجموعه كبير

ردت حياه طب ياما خدي العلاج بتاعك وانا قايمه عشان اروح امسح شقه الحاجه ليلى

ردت عليها طيب يا بنتي

وفي ورشه الحداده كان قاعد محمود وقدامه سيد واللي قال له انا عايزك بالليل تروح للمعلم فوزي وتتفق معاه على الحديد اللي هيجيبه

رد سيد تمام بس انت هتدي لي عربون من الفلوس

رد عليه ايوه هبعت معاك ربع حق الطلبيه

رد ماشي يا كبير

وفي البيت كانت الحاجه سعاد قاعده وقالت مروه هي البنت شيماء ما جتش لغايه دلوقتي ليه

ردت عليها والله ما اعرف يا حاجه

قالت لها طب اتصلي بيها شوفيها ما جتش ليه

قالت لها حاضر وبعد دقائق

قالت والله يا حاجه قالت ان هي مش هتعرف تيجي تاني عشان جوزها قال لها ما فيش شغل بس هتبعث لنا واحده تشتغل هنا

ردت سعاد طيب ويلا قومي ساعديني النسوان جوه وشوفي وراكي ايه تعمليه

قالت لها حاضر يا حاجه

في اوضه حياه بالليل طلعت شيماء تخبط

وقالت ناديه تزق الباب يا اللي بتخبط

ودخلت شيماء وهي بتقول ازيك يا خالتي عامله ايه

ردت عليها كويسه يا بنتي ايه يا بنت اختفيتي من بعد الجواز

ردت شيماء اعمل ايه يا خالتي ما انتي عارفه ان صبحي مش حابب نشتغل ولا اتحرك من البيت

ردت ناديه هو ده الراجل الصح خليه يستتك يا بنتي بدل المرمطه اللي انتي كنت فيها

ردت شيماء معاكي حق يا خالتي طب هي فين بقى حياه

ردت عليها زمانها جايه دلوقتي وقومي اعملي كوبايه شاي ليا وليكي عقبال ما حياه تيجي

ردت عليها حاضر يا خالتي وقفت تعمل الشاي وهي بتتكلم معاها

وفعلا راجع حياة وهي معاها العلاج و الاكل ودخلت واول ما شافت شيماء قامت حضنتها قالت وحشتيني يا جزمه

ضحكه شيماء قالت لها انا عارفه اني مقصره معاكي بس والله غصب عني

ردت عليها طيب يا ستي سماح المره دي يلا اقعدي بقى اتغدي معانا

رد شيماء والله ما ينفعش انا تاخرت اصلا بس كنت جايه اقول لك عارفه الشغلانه اللي كنت بروحها

ردت حياه وهي بتقعد شغلانه ايه

قالت لها ناس كويسين جدا كنت شغاله معاهم ودلوقتي صبحي مش عايزني اشتغل فانا قلت انتي اولى وكمان قرشهم حلو قوي

ردت حياه ماشي اشوفهم الاول ولو لقيت معاملتهم كويسه هروح لهم

ردت شيماء صدقيني معاملتهم كويسه جدا وما حدش هيقدر يتكلم معاكي والحاجه سعاد موجوده

قالت لها طيب

ردت شيماء خلاص انا قايمه اروح بقى واعملي حسابك اني اعدي عليك بكره تروحي

قالت لها طيب وقامت شيماء مشيت وحياه قعدت تاكل هي وناديه

وفي البيت عند محمود الطيب الكل قاعد

و قالت الحاجه سعاد صحيح يا محمود في بنت جديده هتيجي تشتغل بكره عشان شيماء اتجوزت وجوزها مش عايزها تشتغل

رد محمود طيب يا حاجه المهم اعرفي ميتها ايه وتكون محترمه وامينه زي شيماء بالظبط

ردت عليه طيب يا حبيبي

وقالت صحيح يا محمود عملت ايه في الحوار اللي قلت لك عليه

رد عليها حوار ايه يا حاجه

ردت سعاد بقوه حوار الجواز يا عينيا انا عايزه اشوف خلفتك

رد عليها كله بمشيئه ربنا

ردت عليه وانا عارفه بكده بس انا نفسي اشوف لك خلفه قبل ما اموت

رد محمود ربنا يديكي طوله العمر يا حاجه ما تقوليش الكلام ده

ردت الحاجه سعاد بقوه بقول لك ايه ما تثبتنيش في الكلام وانا خلاص قررت اختار لك واحده تتجوزها

ردت مروه بدموع في اي حاجه انتى كل شويه تجيبي لي واحده يتجوزها وفي الاخر ما بيخلفش منها وانا تعبت

ردت سعاد بقوه وانتي مالك وبتتكلمي ليه اصلا

رد محمود انتى بتردي على الحاجه ليه يا مروه يلا اطلعي على الشقه ما اشوفش وشك هنا طلعت تجري مروه

وقال محمود حاضر ياما شوف العروسه المناسبه وانا موافق

ردت سعاد ماشي يا ابني ان شاء الله ربنا يرزقك بالذريه الصالحه

قالت كريمة ليه كده ياما كل مره تكسري قلبها كده ردت سعاد انتم اللي مش حاسين بيا اخوكي بيكبر في السن لو مخلفش دلوقتي مش هيعرف يخلف تاني عشان مش هيلحق يربي عياله وهو كبير في السن فهمت يا بقره

رد احمد معاكي حق يا حاجه عمرك ما بتقولي كلمه غلط بس هي في الاخر بنت عمنا ويتيمه كمان وانتي اللي مربياها يا حاجه

ردت سعاد وعشان انا مربياها سايباها لغايه دلوقتي على ذمه ابني

رد محمود خلاص يا حاجه قفلي على المواضيع دي وبص لاخوه وقال له تعالى ورايا انت وسيد وخرجوا بره البيت

وفي شقه محمود كانت واقفه مروه في البلكونه بتتكلم انا تعبت من الحال ده وانا هفضل على كده كتير

رد عليها معلش يا حبيبتي استحملي شويه

ردت عليه استحمل لامتى العقربه عايزه اتجوزه تاني

رد عليها انتي متاكده من الكلام ده

قالت له طبعا لسه كانت فاتحه الكلام دلوقتي وهو وافق على كلامها وطلعني على فوق

قال لها خلاص انا هبعت لك الدوا بكره زي كل مره

ردت عليه ما تخلص منه بقى خلينا نرتاح

رد عليها كل مره بيفلت منها ابن الجنيه

ردت مروة طيب وهشوفك امتى

قال لها قريب يلا اقفلي بقى هبقى اكلمك تاني

قالت له حاضر سلام يا حبيبي وقفلت معايا ودخلت نامت على السرير

اما عند محمود كان قاعد احمد و سيد وقال اعمل حسابك يا احمد انك اللي هتطلع مع البضاعه وتاخد الفلوس من المعلم متولي

رد احمد تمام بس المره اللي فاتت ما كانش جايب الفلوس وبعتها بعد كده

رد محمود بقوه المره دي هيجيبها واعرفه ان السلاح سعره هيزيد 20% في العمليه الجايه

رد احمد عينيا يا كبير

قال وانت يا سيد عايزك تقف على ايد الرجاله عشان يخلصوا الشغل

رد عليه حاضر يا كبير

قال لهم تمام كده يلا اطلعوا ريحوا شويه عشان بكره اليوم طويل

رد احمد يلا تصبح على خير وطلع احمد وسيد كل واحد على شقته

ومحمود دخل شقه امه ولقى سعاد قاعده بتصلي وقرب منها وباس ايديها

وقال لها حرما يا حاجه

ردت عليه جمعا يا ابني ان شاء الله

ما طلعتش تنام في شقتك ليه

رد عليها شويه وطالع بس حبيت اشرب القهوه من ايديكي

ردت عليه من عيني الاتنين يا قلب امك وراحت جابت صينيه فيها السبرتايه وعملت في القهوه

وقالت له مالك يا محمود بتفكر في ايه

رد عليها في الشغل يا حاجه والمسؤوليه كبرت وكمان الشغل

ردت عليه متاكد من الكلام ده

رد عليها طبعا يا حاجه هيكون ايه اللي شاغل بالي يعني النسوان

ضحكه سعاد

وقالت له وايه المشكله بكره هجوزك احلى بنت في المنطقه كلها

ضحك محمود وقال لها يا ستي انا جربت حظي مره اثنين وثلاثه وما فيش ولا واحده بتخلف

ردت عليه وايه يعني ونجيب العشره كمان لازم تتجوز فاهم ولا لا

قال لها حاضر يا حاجه يلا بقى تصبحي على خير

وطلع محمود شقته ودخل الاوضه شاف مروه نايمه خرج من الاوضه تاني

ودخل الاوضه الثانيه غير هدومه وانام على السرير



ثاني يوم صحيت حياه ولبست العبايه واخذت بطاقه التموين ونزلت عشان تجيب العيش والفطار



وبعد دقائق رجعت البيت وحطت الفطار وقربت من ناديه عشان تصحيها وتفطرها وقالت لها يلا ياما قومي عشان نفطر مع بعض قبل ما انزل الشغل

ردت ناديه انا صاحيه يا قلب امك وقاعده يفطروا

و تليفون حياه رن باسمي شيماء

وقالت لها انا هنزل بقى ياما شيماء شكلها تحت

قالت لها ربنا معاكي يا بنتي ويجعل في وشك القبول

ردت عليها يا رب ياما ونزلت حياه وهي بتلف الطرحه

وقالت خلاص يا بت ما انا نزلت اهو

ضحكه شيماء وقالت لها طب يلا بينا عشان الحاجه سعاد مستنياني

قالت لها طيب وركب وتوك توك

وفي البيت محمود الكل بيفطر والباب خبط وقالت سعاد قوم يا مالك افتح الباب

رد عليها حاضر يا تيته وراح مالك يفتح الباب وشاف شيماء

ودخل قال تيته شيماء جت

قالت لي خليها تخش دخلت شيماء

وقالت صباح الخير

ردت الحاجه سعاد صباح النور يا بت يا شيماء تعالي افطري معانا

ردت عليك شكرا يا حاجه انا جبت صاحبتي اللي انا قلت لك عليها

ردت عليها هي فين

قالت لها ثواني يا حياه يا حياه

ودخلت حياه وهي موطيه راسها وقالت السلام عليكم الكل انتبه لنبره الصوت الرقيقه

ردت سعاد وعليكم السلام يا حبيبتي انتي عندك كم سنه يا حياه

ردت عليها 20 سنه يا حاجه

قالت طيب يا بنتي انتي عارفه ان انتي هتيجي هنا ثلاث ايام في الاسبوع بس

ردت حياه ايوه يا حاجه عارفه وكده احسن لي عشان بروح لناس تانيه

ومحمود كان عينه عليها وقالت سعاد وانتي هتفضلي موطيه راسك كثير وترفعي كده راسك وتكلميني رفعت حياه راسا

صدم محمود العين الفاتح اللي شبه عسل ولا الشفايف ولا ملامحها البريئه

وقالت سعاد تمام يا بنتي هستناكي بكره ان شاء الله تيجي عشان تبداي الشغل

وطلعت البوك بتاعها وادتها فلوس وحياه كانت رافضه وقالت يا بنتي ده عربون من حقك بكره

ردت حياه بكرامه معلش يا حاجه لما اشتغل ابقى اخد حقي

ردت سعاد ماشي يا بنتي هستناكي بكره الساعه 10:00 يكون الرجاله راحت الشغل

ردت حياه حاضر يا حاجه يلا يا شيماء

وقالت سعاد استني يا شيماء محمود كان سايب لك المبلغ ده

وقالت شيماء بفرحه ربنا يخليك يا معلم محمود ويحرسك من العين ويرزقك بالذريه الصالحه

ردت سعاد يا رب

وقالت شيماء طب انتم محتاجين حاجه مني اعملها لكم قبل ما امشي

ردت سعاد لا يا حبيبتي اتكلي على الله وما تنسيش ميعادك بكره يا حياه

ردت عليها حاضر يا حاجه خرجوا البنات

وقالت كريمه ليه ياما كانت عملت شقتي وشقه مي وبكره تعمل شقتك وشقه محمود

ردت سعاد ما انا كنت هعمل كده بس مش هينفع عشان اخواتك مش هينزلوا دلوقتي

ردت مي معاكي حق يا ماما

ردت سعاد وانتي هتروحي للدكتور امتى عشان يقول لك ميعاد الولاده

ردت مي ان شاء الله بعد العصر مش انت هتيجي معايا يا احمد

رد عليها لا مش جاي معاكي ابقي خذي كريمه ولا امي معاكي

ردت كريمه خلاص انا هبقى اروح معاها

ومحمود كان قاعد سرحان في ملامح حياه هو قد ايه بريئه وعندها عزه نفس وكرامه

وحياه ماشيه مع شيماء وقالت لها انا شكلي مش هيروح الشغلانه ديت

ردت شيماء ليه يا بنت ده فلوسهم حلوه مش عايزه تروحي ليه

ردت حياه هو انتي ما شفتيش نظرات الرجاله اللي جوه عامله ازاي تخوف

ضحكه شيماء قالت لها يا هبله عشان هم ما يعرفكيش و لازم يسالوا عليك الاول وبعد كده هتلاقي معاملتهم اتغيرت هيعملوا كده زي اختهم

ردت حياه مش عارفه بقى هو انا خايفه وخلاص

ردت شيماء براحتك بس انا شايفه انها شغلانه حلوه وهتساعدك في فلوس العلاج بتاعه امك والمعيشه كمان

قالت لها ما هو ده اللي بفكر فيه حتى الحاجه ليلى اللي كنت بروح لها هتسافر لابنها السعوديه وهتقعد ثلاث شهور هناك وانا مش عارفه هصرف ازاي

ردت شيماء خلاص اشتغلت ثلاث شهور دولت ولو ارتحت معاهم كملي ولو ما ارتحتيش ابقي سيبيهم

ردت حياه يلا اللي في الخير يقدمه ربنا يلا هروح انا بقى الشغل اللي ورايا محتاجه حاجه

ردت شيماء ربنا معاك يا حبيبتي سلام ومشيت حياه

وفي ورشه محمود كان قاعد بيشتغل في الحديد وهو سرحان في ملامح حياه

وجه راجل فقال له انا جبت كل المعلومات يا معلم

رد محمود قولي يا اسماعيل

رد عليه يتيمه وقاعده مع امها في اوضه فوق السطح وبتشتغل بتمسح سلالم وبتغسل السجاد ملهاش علاقه في اي حد غير شيماء وكانت بتتعلم وسابت التعليم عشان امها زاد التعب عليها

رد محمود ماشي يا اسماعيل قول للقهوجي يجيب لي الشيشه بتاعتي والقهوه