رواية حياة المغازي الفصل الثاني 2 - بقلم اميرة خالد

ومحمود قاعد بيشرب الشيشه جه احمد وهو بيقول له شفت اللي حصل المعلم متولي اتصل بيا وقال لي انه مش هياخد البضاعه

رد محمود ليه

رد عليه عشان مش معاه الفلوس وبعد كده عرفت من حد من صبيانه انه اتفق مع الليثي واخد منه الشغل بسعر قليل عن سعرنا

رد محمود ماشي يا الليثي انت اللي بدات خلاص يا احمد ما فيش مشكله اتصل على المعلم المنشاوي وعرفه ان البضاعه جاهزه وهياخدها اقل من سعر السوق 10%

رد احمد احنا كده هنخسر

رد محمود اسمع بس الكلام ولا في خساره ولا حاجه

رد احمد تمام بس انت هتسيب الليثي يلعب من ورا ظهرنا كده

رد محمود ولا هسيبه ولا حاجه انا عارف اعمل ايه

قال له ماشي قام احمد مشي ومحمود مسك التليفون واتصل على شخص وقال له نفذ اللي قلت لك عليه

رد الشخص تمام وكمل محمود شرب الشيشه

وعند حياه كانت قاعده مع امها بيتغدوا وقالت ناديه عملت ايه في الشغل

ردت حياه مش عارفه ياما بفكر ما اروحوش

ردت ناديه ليه يا بنتي

قالت لها نظراتهم تخوف بس الشهاده لله الست الكبيره كويسه جدا وبتتكلم حلو

ردت ناديه انا عارفه يا حياه ان انتي مضغوطه عليك بس هنعمل ايه يا بنتي اهو ده حال الدنيا ومدام بتقول ان الست الكبيره كويسه يبقى خلاص روح الشغل وسلمي امرك لربنا

ردت حياه ما ده اللي انا هعمله يلا بقى عشان تاخدي العلاج وتريحي شويه

ردت ناديه انا اتخنقت من قعده الاوضه تعالي نقعد على السطح شويه ونشرب الشاي مع بعض

ردت حياه من عيني الاتنين يا ست الكل

ضحكه ناديه وقالت لها طيب يا بكاشه

وفي البيت محمود كانت مروه بتاخد البرشام من الراجل وطلعت على شقتها واتصلت على الشخص وقالت له انا خدت البرشام هشوفك امتى بقى انت وحشتني قوي

رد عليها ما تستعجليش يا قلبي هقابلك يوم الخميس

ردت مروه بجد يا ليثي انت وحشتني قوي

ضحك وقال لها وانتي اكثر يا بنت

ردت عليه امتى بقى نخلص من الحوار ده ونتجوز واخلف في العيال اللي نفسي

رد الليثي قريب قوي يا بت بس انتي اعملي اللي انا قلت لك عليه

قالت له طيب وفضلوا يتكلموا مع بعض

وثاني يوم كان نازل محمود يروح الشغل ولسه بيفتح الباب اتفاجئ بحياه قصاده وبص لها

وهي انكسفت ووطيت راسها في الارض وابتسم محمود و قالت بصوت هادي هي الحاجه سعاد موجوده

وقال محمود بصوت عالي ياما تعالي شوفي في حد عايزك

وجات الحاجه سعاد وهي شايفه محمود بيبص على حياه ازاي وقالت لها تعالي يا بنتي اتفضلي ووسع محمود

ودخلت حياه وقال لها محتاجه حاجه ياما وهو عينيه عليها

ردت سعاد بابتسامه لا يا قلب امك

ودخلت سعاد ومشيت وراها حياه وهي بتقول هو في رجاله كده

وقالت سعاد بتعرفي يا حياه تعملي قهوه

ردت عليها طبعا يا حاجه

قالت لها طب تعالي اعملي لنا فنجانين قهوه وعايزه اتكلم معك شويه

ردت عليها حاضر يا حاجه ودخلوا المطبخ وقفه حياه تعمل القهوه

وقالت سعاد انتي عايشه مع مين يا حياه

ردت عليها انا عايشه مع امي بعد ما ابويا مات وقاعدين في اوضه فوق السطح في المنطقه اللي عايشه فيها شيماء

ردت الحاجه الله يرحمه يا بنتي طب وانتي ما لكيش اهل او قرايب يسالوا عليكم

ردت حياه لا يا حجه ابويا كان يتيم وامي كمان وحبوا بعض ويتجوزوا وقعدوا فتره ما يخلفوش وبعد كده ربنا رزقهم بيا وابويا مات وانا في الاعدادي امي اشتغلت لغايه ما خلصت الثانويه وبعد كده تعبت وانا نزلت اشتغل مكانها

ردت سعاد ربنا يشفيها يا بنتي طب يلا يا حبيبتي انتي هتبداي الاول في شقه ابني احمد وما حدش فوق كلهم هنا

ردت حياه تمام يا حاجه وادي القهوه اهي واول ما شربت سعاد القهوه

وقالت لها بجد تسلم ايدك اول مره اشرب قهوه حلوه بالطريقه ديت

ابتسمت حياه قالت لها تسلمي يا حاجه وندهت سعاد على كريمه وقالت لها طلعيها شقه اخوك احمد خليها تبدا فيها عشان مي لما تولد تبقى الشقه نظيفه

ردت حياه ربنا يقومها بالسلامه

ابتسمت سعاد وقالت لها يا رب و

قالت كريمه حاضر ياما تعالي بقى يا حياه وطلعوا مع بعض شقه احمد وبدات حياه الشغل

اما عند الليثي كان قاعد في ورشته متعصب ازاي يعني المخزن يتحرق ليه مشغل معايا نسوان مش رجاله

رد واحد والله يا معلم ما نعرف ايه اللي حصل احنا فاجئنا بحد بيضربنا على دماغنا وقعنا وما صحيناش غير ريحه الحريقه وحاولنا نطفيها وما عرفناش

رد الليثي بعصبيه ازاي يعني مخزن في سلاح ب 3 مليون يتحرقوا كده بسهوله انت تقب وتغطس وتعرف لي مين اللي عمل كده فاهم ولا لا

رد الراجل حاضر يا معلم واخرج يجري

وقعد الليثي على الكرسي وتليفونه رن باسم المعلم متولي ورد الليثي ايوه يا معلم

رد متولي البضاعه فين يا ليثي المفروض رجالتي كان استلموها امبارح

رد الليثي ما فيش بضاعه يا معلم المخزن اتحرق

رد متولي انا عارف اني غلطت لما اتفقت معاك وسبت المعلم محمود كان زمان البضاعه عندي

اتعصب الليثي وقال له ما حدش ضربك على ايدك يا معلم وانت ما سبتش محمود غير لما عرفت اني هنزل لك من حق البضاعه فما تجيش تكلمني بالطريقه دي

رد متولي ماشي يا ليثي ابعت لي العربون وانا غلطان اني اتعاملت معاك وهوريك انا هعمل معاك ايه وهقفل السكه في وشه

والليثي تعصب وزق الكرسي وكسروا

اما في الورشه كان محمود قاعد وتليفونه رن ورد وسمع الكلام وقفل وابتسم

وصل سيد واحمد وقالوا الحاج متولي اتصل وعايز ياخد بضاعه

رد محمود وهو بيشرب الشيشه قول له تمام بس عليه زياده 30%

رد احمد بس هو كده يرفض

رد محمود مستحيل اتصل بيه وقول له

رد احمد طيب وفعلا اتصل بمتولي وقال له بالسعر الجديد ومتولي يوافق واتفقوا انه هيستلم الشغل بالليل وقفل معاه

وقال احمد ازاي يعني ده حصل

رد محمود تعال وانا هقول لكم ودخل بيهم المكتب وقفل الباب وقال لهم على اللي حصل كله انه حرق المخزن بتاع الليثي عشان كده متولي ما خدش البضاعه بتاعته فاضطر يرجع لنا بس وقلت علمه الادب انه يدفع الزياده

رد سيد مش كتير قوي 30%

رد محمود مش كتير ولا حاجه كده كده البضاعه زادت 20% وال 10% دولت الخصم اللي اخذهم المعلم منشاوي وهو بقى لازم يتادب عشان كلمه الراجل عهد

رد احمد الله عليك يا كبير ودماغك الماظ ديت

ضحك محمود وقال له طب يا اخويا يلا روح بقى اجهز البضاعه بتاعته وسلمها له

رد احمد من عيني الاثنين وخرجوا ومحمود قعد وافتكر حياه لما شافها الصبح

اما في البيت كانت حياه خلصت الشغل والحاجه سعاد قالت لها خدي يا بنتي ده حسابك ادتها شنطه و

وقالت حياه ايه الشنطه دي يا حاجه

ردت عليها ده الغداء اللي انت ما رضيتيش تاكليه عندنا كلي في البيت مع والدتك

ردت حياه ليه كده يا حاجه ما لهوش لزوم

ردت سعاد اسمعي الكلام يا حياه انا زي امك فاهمه ولا لا

ردت حياه شكرا يا حاجه وخرجت و

بالليل الكل كان متجمع و قالت سعاد انا محتاجه يا محمود 10000 عشان ولاده مي والاكل واللبس

رد محمود حاضر يا حاجه الفلوس هتكون عندك

ردت عليه ربنا ما يحرمنا منك ابدا

رد محمود ولا منك يا حاجه صحيح البنت اللي جت تشتغل النهارده كويسه ولا لا

ردت سعاد بلقم كويسه يا ابني اهو احسن من ما فيش

رد احمد يعني ايه كويسه لو مش شاطره خليها تمشي ونجيب واحده ثانيه مكانها

رد محمود بسرعه يا ابني ما ينفعش تقطعيش حد

ردت سعاد لا يا حبيبي هي كويسه وكل حاجه وشاطره كمان ويتيمه وما ينفعش نقطع عيشها

رد احمد طيب يا حاجه

وقال محمود فين القهوه بتاعتي يا حاجه

ردت عليه اسكت يا محمود دي القهوه اللي انا بعملها دي ما طلعتش قهوه البنت حياه بتعمل فنجان قهوه يظبط الدماغ

ولسه محمود كان هيتكلم مي صرخت وقال احمد في ايه

قالت لي انا مش قادره انا بولد

ردت سعاد بتولدي ايه يا بت هي مش الدكتوره

قالت لك هتولدي على اخر الاسبوع

ردت عليها مش عارفه بس انا تعبانه قوي

ردت كريمه قوم يا احمد ساعدني خلينا نوديها المستشفى وانتي يا مروه هاتي شنطتها من فوق

ردت عليها حاضر وكريمه جابت عبايه من عند امها ولبستها لمي وخرجوا روحوا المستشفى

وبعد وقت كان الكل واقف مستني قدام العمليات وطلعت الممرضه ومعاها ولد وقالت مبروك يا جماعه المدام جابت ولد زي القمر

وسعاد اخذته منها واحمد سال على مي

وقالت الممرضه انها كويسه وهتخرج دلوقتي

وقالت سعاد خدي يا بنت وطلعت فلوس من بوكها واديته لها

والممرضه دعيت لها وقالت سعاد خدي يا محمود وسمي

شايل محمود الطفل وابتسم

وقالت كريمه مبروك يا اخويا هتسميه ايه

رد احمد هسميه محمود وبص له محمود وابتسم

وقالت سعاد ربنا يخليكم لبعض يا عيالي وما يفرقكوش عن بعض ابدا وعقبالك يا محمود لما تشيل عيالك

ردت كريمه يا رب ياما

وقرب محمود من احمد وادى له الولد

وقال له مبروك يا اخويا

رد عليه الله يبارك فيك عقبالك

رد محمود ان شاء الله

وعدت الايام وحياه بدات تاخد عليهم وهم كمان اتعودوا عليها ما عدا مروه اللي دايما بتشد معاها في الكلام حتى في السبوع حياه جت هي ووالدتها وباركو للحاجه

اما محمود كانت عينيه بتتابع حياه في كل حاجه وعاجباه

والحاجه سعاد شايفه اللي بيحصل وقررت انها اتجوز حياه لمحمود بس مستنيه الوقت المناسب اللي اتفتح في حياه

اما مروه مستنيه اللحظه لا تخلص من محمود فيها وتعيش حياتها مرتاحه مع حبيبها

النهارده كان الكل قاعد بيفطر وقالت سعاد عايزاك يا محمود في موضوع

رد عليها خير يا حاجه

قالت له بس تعالى ودخلوا الاوضه

وقالت سعاد بصراحه كده جارتنا ام فتحي جات لي وعايزه تاخد حياه لفتحي واتكلمت معايا

اتصدم محمود من الكلام وقال لها وهم شافوها فين

ردت عليه في السبوع وكانت عايزه اتكلم امها بس انا قلت لها ما ينفعش استنى فاتح البنت الاول

واتكلم محمود بسرعه وانتي قلت لها

ردت عليه لسه انا قلت اقول لك الاول عشان البنت دي يتيمه واسال على فتحي كويس عشان ما نرميش البنت وخلاص وكمان لو وافقت

اتعصب محمود و وقال ما فيش منه الكلام ده انا عايزه اتجوزها وقولي لها وشوفي رايها ايه

ردت سعاد انت بتتكلم جد

قال لها طبعا انا عايزها عجباني

قالت له طيب انا هفتحها واشوف رايها

قال لها ماشي ياما هستنى منك الرد وخرج محمود وسعاد ابتسمت عشان وصلت لغرضها

وبعد وقت وصلت حياه وندهت عليها سعاد وقالت لها تعالي ورايا الاوضه

ودخلت حياه نعم يا حاجه

ردت سعاد اقعدي يا حياه انا عايزه اتكلم معاكي في موضوع

ردت حياه خير يا حاجه

قالت لها بصراحه كده جاي لك عريس

ردت حياه عريس مين يا حاجه ما انتي عارفه الظروف انا ما ينفعش اتجوز واسيب امي

ردت سعاد لا ما هو عارف ظروفك وموافق ان امك تعيش معاكي بعد الجواز

ضحكه حياه وقالت من الراجل ده اللي هيوافق ان حماته تعيش معاه وانتي عارفه ان الناس بتكح تراب دلوقتي

ردت سعاد ما هو مش حد غريب وواحد مقتدر

ردت حياه مين يا حاجه

ردت سعاد بصراحه كده انا عايزه اخدك لابني محمود

اتصدمت حياه وقالت ده متجوز

ردت سعاد وايه المشكله اسمعيني بس يا حياه محمود متجوز بقاله سنين وما خلفش وربنا حلل انه يتجوز وانا ما لقيتش احسن منك عشان تبقي مرات ابني

ردت حياه بس يا حاجه الظروف وانا مش هقدر اعيش مع راجل مقسوم نصين

ردت سعاد ازاي يعني

ردت حياه بصي يا حاجه انا كده هبقى بظلمه وباظلم نفسي وباظلم مراته الثانيه

ردت سعاد تحب اجيب لك مراته وتقول لك انها موافقه

استغربت حياه وقالت لها انتي بتتكلمي جد يا حاجه

ردت عليها وانا هضحك عليك في كده ليه اسمعي مني اتجوز ابني وصدقيني مش هتخسري حاجه بالعكس هتعيشي متهنيه وامك هتعيش على كفوف الراحه وعلاجها والمستشفى وكل حاجه ابني هيتكلف بيها

ردت حياه طيب يا حاجه سيبيني اسال امي واشوفها وارد عليك بايه وكمان اصلي صلاه الاستخاره

ردت سعاد ماشي يا حبيبتي هستنى منك الرد

قالت لها طيب هقوم اشوف بقى شغلي

ردت سعاد لا يا حبيبتي ما فيش شغل روحي كده وفكري في الموضوع كويس وقولي لي

ردت حياه ممكن اسالك سؤال يا حاجه

ردت عليها اساليني يا حبيبتي

قالت لها هو انا لو رفضت ابنك هتخليني اسيب الشغل

ردت سعاد ابدا يا حبيبتي ده شغل وما لوش دعوه الجواز بس انا حابه انك تفكري وتقولي رايك اذا كان اه ولا لا وكمان انا شايفه اللي انتي مش شايفاه

ردت حياه طيب يا حاجه

وخرجت حياه وروحت البيت وقالت ناديه ايه يا حياه اللي رجعك بدري

ردت عليها ما فيش ياما اصل الحاجه سعاد اتكلمت معاها في موضوع ومش عارفه اقول ايه

ردت ناديه ايه يا بنت الموضوع

وحكت حياه كل حاجه حصلت والكلام اللي قالته سعاد

وقالت ناديه وايه المشكله يا حبيبتي هو مش عاجبك ولا خايفه