رواية حيادر الراء . الفصل الخامس 5 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

- "هيه كالفستق مظهرها صلب لكنً ماذا عن داخلها ! "

صفنت صفنـة استيعاب وبرأسي تساؤلات هواي منـو هاي الفستق وليش منضرها صلب شنو مسويتلـة !

سديته ورجعتة ورحت أدور على السويج اخر شي شفتة معلك بالباب وي مفاتيح الغُرفة خذتة ونزلت نطيت اله وكتلة :- حيدرنا جيب الي فستق وياك من هذه الي يصير صلب من بره

- شبيج حـواء شجاب الفستق بالنص ؟

- عليك الله جيب الي فستق أريييد

- ماشي .

حـرك السيارة وطلع سديت الباب ورجعت لكيت ليلى تمسـح الكاع :- نكلب عصير هنا ودامسحة

- ليش حبيبي غير أني موجودة روحي ولي يعمودة

ماصـدكت كبل راحت بدون متكول شي ساعة ونص و أجه حيادر رحت فتحت الباب ودخـل السيارة جوه :- روحي دخلي الأكل للمطبخ وتعـالي وراي

كملت ورحت صعدت كتلة :- شو ماكو الفستق !

- هذه بهاي العلاكة أخذي وسدي وراج الباب وجفيني شرج

- يااا هاي عليه زعلت ولله گُلشي مـاريد لو تجيبلي نفر كباب بعد

- مو جبت نفرين كباب .

- عليييك الله هاي يا منـووو تزعل على أخوها أمـوت عليك أخوي

رحت نزلت يم البنات وصحت :- رتوج تعااالي وراي

رحت وره حواء للمطبخ وبديـنة نصب الأكل نزل حيدر بعدك دينزل من الـدرج وكال :- حواء مي

التفتت عليه حـواء :- - رتوج أنطي مي من يمج دارتب الأكل

رحت انطيت مي :- عاشت هاي الأيد بويه

ابتسمت مجاملـة وانداريت سمعتـة حجه شي بس ماسمعته گُلش زين رجعت لميت السفره ووديتها بدن البنـات يقدمن نزلت أسماء من فوك هيه وحليم وهلهلن البنـات وبدينـة ناكُل كملنـة ولمينة السفره

- رتوج يله يله نشوف شطارتج غسلينه الاماعين

- دللي

كالت ام حواء :- هوه شنو دللي حواء يمه كومي أنتِ لا اجيج

- شسالفه يا عمه هنه نمونة
- شوفي يُمه مو نمونه ولله

- يفلوكه متكومين أنتِ اذا نمونة !!
- عمه ولله ماتكوم أني اغسلهن

حواء :- شوفي طلع عدنه كفو ثاني .

ضحكت وكمت للمطبخ اجت حواء تسوي جاي :- اذا يكمل طفي وصبي وصعدي لحيدر عليج الله

- يا استحي شعندي صاعده

- عليج الله ولله مايكول شي أريد أروح يم البنات فدوه ديسولفن سالفه مُهمة

راحت كملت الاماعي وصبيت الجاي وصعدت صعدت الدرج وتمشيت أكو غرفتين بالطابق الثاني وحده مفتوح بابها شويه والثانيه مقفول تمشيت ورحت دكيت البابها مفتوح

- دخلي حواء

عباله حواء عزه العزاني دكيت مره ثانية :- حوواء مو كتلج دخلي

- أني مو حواء

بس كلت هيج الباب انفتح الباب وكال :- اعتذر عبالي حواء

- لا عادي تفضل هذا الجاي

خذا مني وكال :- جيبيلي الشكر بلا أمر عليج

حركت رأسي بقبول ورحـت نزلت خذت الشكر وصعدت شفتـه ماكو بالغرفـة خليت الشكر على المـيز ونزلت بسرعة رحت يم حواء

لكيت البنات ديسولفن ضليت يمهن شويـة وكلت لحواء :- حواء رأسي دايأذيني خرب يومج من تكومين طفي الضوه وأمي وين !

- نامن العجايز
- أريد بندول عندج

- رتوج أني ماعرف البندول شلون يصير راح أروح لأخوي يجيبلي حبشكلات علمود نسهر

رحت صعدت لحيدر دكيت البـاب وطبيت :- حيدرنااا

- كولي بسرعة بدون لواكة
- اريد حبشكلات جبس غيره غيره عليك الله
- حواء نزلي وسدي الباب حيل مابيه انزل

- حييدرنا الكفو يله بداعت العزاز العندك ههااا

- حواء روحي نزلي

- يله مو مُشكله عوف الحبشكلات صدُك ماعندك بندول ؟

- شسوين بي !

- خطيه هاي رتوج رأسها ديأذيها

بس كلت هيج طفر من مكانه وكال :- شنو شبيها ؟

أستغربت من تصرفة گُلش :- مادري بس كالت ديأذيها قوي

- كومي بدلي خلي ناخذها

- ياا بهذا الليل ومنـو يكول أمها تقبل ؟

- حواء مو صغيرة هيه كومي بسرعة

كام يبدل وأني نزلت داريد احجي وأشوف رتوج بحُضن ليلى ولازمـة راسها

- رتووج كومي يمعووده حواء مداتكوم

رحت جبـت كلاص مي غسلت وجها ونـزل حيدر من فوك ريتاج :- حووواء عباااه

رحت صعدت لغرفتي خذت عباتين خليت وحده على رأسي ونزلت شفت ليلى :- ليلى لاتكعدين أمها على السريع نجي مراح نطول اذا كعدت كليلها نايمه يم حواء

سمعت أخوي دايصيحني :- جااااية

صعدت بالسياره لبست العباه ولبستها :- استعجل حيدر

ماجاوبني زيد السرعة مال السيارة كمت أضرب بيها راشديات خفيفه كامت تحجي بس بأحرف متقطعه وكوه داتحجي حيييدر حجت ولله حجت مابيها شي ولله رجعت سمعتها تحجي بأحرف مُتقطعة

- حيييدر ماتشوف شي استععجل

وصلنه للمستشفى جابو سدية خلينها على السدية ودخلنه المستشفى أجت دكتوره كالت طببوها جوه وسئلت :- شبيها صاير شي وياها ؟

- دكتوره لو نعرف شبيها جان كنالج فدوه استعجلي

- حاضر

دخلت الدكتوره وخذتلها تحليل وكالت :- طلعي يا عيني روحي لصالة الانتظار أتظري

طعلت ورحت يم حيدر باوع على وجهي وسئلني :- حواء شبيهااا !

- الدكتوره طلعتني ماكدرت اعرف بس شفت من خذولها تحليل

تقريباً ساعه وعشر دقايق  طلعت الدكتوره أجت بتجاهنا وكالت :- زين سويتو من جبتوها بهذه الوقت لان گُلش جانت حالتها خطره و لا سامح الله جان صار عدها انسداد بالشريان السباتي يؤدي الى الموت لاسامح الله وذالك يسبب سكته دماغية مفاجأ للدماغ والصداع علامه تحذير على السكته الدماغيه مريضتنه مصابه بالشقيقه الصداع النصفي للرأس او خدر منطقه معينه بالرأس و ازدواج الرؤية

صفنة على كلام الدكتوره وهيه تحجي وكال حيدر :- علاجة ؟

- فقط مهدئات ثواني أكتب العلاج من بره لأن مموجود بالمستشفى

حسيت حيدر ماعرف شبي أبدًا مو طبيعي ليش هيج ديتصرف رغم هوه  جان هادئ گُلش بس شُكلة يوحي على تصرفاتة كعد على الكرسي وبده يهز برجلة بده عليه التوتر كعدت يمه وسئلتة

- شبيك حيدر ؟

ما بيه شي بويه بس ضجت على الأبنية كُل هذا شوكت صار بيها

- شنو بأيدنة يا حيدر هذا حكم ربك ما يعُرف صغير او كبير ادعليلها تصير زينة وهاهية

- من عيوني

حسـيت حيدر تغيرت نبرة صوتة صفنت وفكرت ياترى اذا جـانت ليلى او غير غيرها هم هيج راح يسوي أستغفرت ونفضت افكاري كمت وكلت

- حيدر راح أروح اشـوفها
- روحـي راح اطلع بره المستشفى و أرجع
- جيب العلاج وياك

حرك رأسه بقبول وراح رحت يمها جانت كاعدة بس مغمضة ومغذي فوك راسها كعدت يمها وسئلت :- شبية حواء ؟

حرت شنو اكول الها فضلت السكوت وكتلها :- مابيج شي حبيبي صداع خفيف

- أمشي خلي نرجع للبيت هسه أمي ضل بالها تعبتكم اليوم

- ياااا لاتحجين هيج يله كومي

صحيت جانت الغرفه شبُه ضلمة ضوه خفيف صـرت اغمض وافتح الى إن استعدل نظري بعد ألم قليل بنصف رأسي جان جزء يأذيني غمضت ثواني واجتني حواء سندتني وطلعنه بره أجه حيدر

- الحمدلله على السلامة
- الله يسلمك

باوع لحواء وكال :- حواء صعديها بالسـيارة وتعالي وراي أستفسر على العلاج

- رتوج بسرعة ما نطول
- على راحتج

رحت لحيدر جان واكف يم الدكتوره :- حواء تعالي عندي حجي وياج

كعدنة بالصالة مال الانتظار :- شوفي حواء مرض فستق راح يضل بيني وبينج

- لحظة لحظة فستق شنو !

- لاتركزين وسمعيني حتى هيه ماريدها تعرف ولاتسمع والي تعرفة أنُ بس دايصير عدها صداع وعادي و اذا صادفت يوم كلتلج عندي صداع حواء اريدج تكليلي ماشي !

- وأهلها ؟
- مااااشي حواء
- أي فهمت فهمت

- يله لعد أمشي نطلع .

طلعنه وصعدنة بالسياره وحركنة الطريق هدوء شوية وحيدر كال :- شلون صرتي وكعتي كلوبنه على كيفج

أبتسمت وكلت :- زينة الحمدلله لايضل بالكم

- راح يضـل بالنه يمج بويه للدوم

فهمت قصدة وأكتفيت بابتسامة شويه وكال :- من أرجع للبيت افهمج على العلاج .

- ماشي

وصلنة للبيت نزلنة صاح :- لاتنزلين فستق العفو العفو ريتاجه حوواء تعالي سنديها

اجت حواء سـندتني ومشيت رغم جنت اكـدر أمشي :- أمشي رتوج

دخلنة جوه الكُل نايم بس ليلى كاعدة منتظرتنة :- وأخيرًا اجيتو شبيها ريتاج ضل بالي عليها ولله

- مابيها شي صـداع بس خطية
- يا عُمري

صاحني حيدر :- حووواء تعالي

- جايـة

رحت يم حيدر :- نوميها يمج وديري بالج عليها اليوم

- مـاشي من عيني
- تعشت زين لو أجيب الها

- لا شنو السالفة راح يصير فجر أرتاح ومن تجوع اني أسويلها اكل

- راح اعتـمد عليج يله تصبحون على خير

صعد وراح رجعت تمددت يم رتوج لكيتها نايمة خذتني الصفنة و دافكر من حيدر يصيح الها فستق بس ليش ديصيحلها فستق معقوله هيه نفسها الي شفت سنسالها أستغفر الله خلي انام

كعدت الـصبح وجع قليل برأسي غلست عليـه ورحت اغسل طلعت من الغُرفة نـزلت لكيت حيدر ديشرب مي :- صباح الخير شلون صرتي ؟

- صباح النور بخير شويه احسن
- الحمدُلله

شويه ونزلت حواء باوعت الي  وصـاحت :- بشري شلون صرتي !

- حواء صوتج عالي
- مانتبهت

ريتاج :- عادي زينه صـرت مابيه شي

- دوم يله راح أسوي ريوك خلي أكعد العجايز والبنات

رحـت يم البنات دكيت الباب كمزن وكعدن :- كومن يولن تعالن نزلن ساعدني

شفت أسماء نازلة وكلت الها :- أسماء بعد روحي سوي الجاي بس اكعدهن واجي أسوي الريوك

- مـاشي حُب

رحت كعدتهن :- يله عيني عجوزتنة ام حُسين كومي وأنتِ عيني العجوز الثانيه كومي طكطكي

ام حواء :- أدب سزز كومي ولي عن خلقتي من الصبُح

- كايمة كايمة

رحت لكيت أسـماء مكملة الجاي وليلى مسويـة الريوك :- همزين ولله تعبانة وين رتوج

- مادري صعدت تصلي وتحظر ملابسها كالت الظهر يجي حُسين

- ياا شبسرعة ما شبعـت منها

صعدت لغرفتي شفتها داتحظر وكلت :- رتوج لاترحين فدوه ولله اشتاقلج

- يا حبيبي شلون قابل ابقـه هُنا
- على رأسي ولله

- اوف يله أمشي نتريك جوعانة

نزلنة صبحت عليهم وكالت ليلى :- شلون صرتي ريتاج ؟

- ليش شبيها !!

- لا گُلشي مابيها بس كالت البارحه راسي يأذيني

- لا حبيبتي مابيه شي راح الوجع
- سوده عليه

تريكنة وكملنة أجه حُسين وكعـد يم حيدر بالصاله يسـولفون باوعت الي أمي :- ريتاج يُمه صعدي بدلي وتعالي ننتظرج هُنا

حركت رأسي وصعدت دابدل اجتي حواء :- خاب شني تعودت عليج

- حبيبي يله اجي ما نكطع وأنتِ هم تعالي هم اشتاقلج

- دللي بعد روحي

كملت ونزلت لكيت حيدر وحُسين مـن شافونة كامو :- يله يُمه

سلمنه وطلعنة ضلينة ساكتين شويه وكال حُسين :- شبيكم جايين من فاتحة ساكتين

ريتاج :- مو قبل شويه داكول شعجب ساكت

أمي :- فال الله ولا فالك

حُسين :- شبيكم مو مـال وجه شقه

ريتاج :- لا اشاقه الوضع خارج عن السيطرة

حسين :- يُمه يُمه زوجيني

أمي :- اتخرج و أني ازفك بأيدي

حُسين :- لعد اريد اتخرج اليوم قبل باجر

ريتاج :- شبيك جنك حامل تتنسى على الزواج

حُسين : طكت حوصلتي زملائي تزوجـو بالجامعة وأني بعدني اريييييد اتزوج

ريتاج : لاحك لاحك

حِسين : أريد اليوم حسـو يمعودين شبيكم

أمي :- حسينة حسينة سوق و أسكت

حُسين :- يعني لازم تسكتوني أني الكم اله اتزوج بالسر واخليكم كدام الامر الواقع

أمي :- دسويها وشوف

ريتاج :- حُسين أسكت بالعبـاس صدكت

ضحكنة وصلنة ونزلنة شفت أبوي باوع على أمي وكال الها :- هسه نور البيت جان أظلم بدونج يرويحتي

ريتاج :- هذه الي الغزل لو الأمي

أبوي :- بيش كيلو أنتِ

ريتاج :- هالعادة بيكم ليش كسر الخواطر

حُسين :- و لا تظن كلمة ليل وانساها باجر

أمي :- امشو ولو عني .

- كمنة كمنة

مرت ثلاث أشـهر مابيها إي شي بيـوم جنت داصلي صلاه المُغرب صليت ونزلـت أسوي عشه وي أمي واني نازلـة صار عندي غواش بعـيوني صداع قوي صار برأسي غمضت عيني بقوه ولعلى يروح كعدت بالكـاع لميت رأسي لرجلية

- ششبيج ريتاجه

- رأسي أمي موتني ماشـوف شي غواش على عيوني أميييي

- حسسسين وييييينك

- ها يُمه
- ريتاجه مادري شبيهااا سيارتك بسرعة
- لبسيها عباه وتعالي وراي

صحيت على نفسي وأني بالمستشفى هاي ثاني مره ديصير بيه هيج لكيت الضـوه هم طافي بس مخلين اضاءة خفيفه بالغُرفة لمحت أمي حسيتها داتبجي

- يُمه شبيـج شبيه أني !

- ريتاجه فتيتي گلبي مابيج شي يله أمشي نرجع للبيت ماتعشيتي

رأسي الوجع بي يخف بس مدايروح أبدًا سندتني أمي ومشتـني للسياره صـعدنة :- حسين بطريقك اطبك على مطعم وجيب أكل سفري وياك

- صار

جاب حسين الأكل وصلنة للبيت نزلنـة باوعت عليه أمي :- تعشي ونامي

ماحجيت شي جنت تعبانه گُلش أكلت شويه وكملت رحت غسلت داريد أصعد وكالت أمي :- ريتاجه حواء داتتصل

- جيـت

- رتوووووج شلونج ولچ وينج من قبل ساعات داتصل عليج ماكوو وين جنتي !

- حبيبي بخير الحمدُلله جنت بالمستشفى
- ششششنوو شبيج؟

- ماكو شي لايضل بالج جان رأسي ياذيني وصرت زينه

- جـذابة جاية جاية

- ويين جاية يمعودة بهذا الليل باجر وتعالي

- ولچ أشتاقيتلج ولله
- يا روحي أني هم ولله

- يله داده روحي أرتاحي ونامي

- سلميلي
- يوصل

راحت حواء نزلت ورحت لأمي :- أخذي دواج ريتاجه ونامي و أي وجع تحسي بيج نزليلي

- ليـش ؟

- لاتسئلين يله روحي
- تصبحين على خير

- و أنتِ من اهـل الخير يبعد عُيوني

بستها وصعدت نمت كعدت على صلاه الفجر نزلت اتوضى سمعت حركة بالصاله كلت يجوز حُسين بس شعجب الضوه طافي وحُسين ميبقة لهيج وقت دخلت الصالة

أريد أشغـل الضوه شميت عطر غريب بس مو قوي شفت خيال مال بشر ردت اصرخ خله أيده على حلكي وخـرت أيده كوه وصرخت

- حرراااميييييي

....
يتبع ⬅️ - البارت الخامس -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.