رواية حيادر الراء . الفصل الرابع 4 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

- يابنيـة حيدر ؟

- حواء روحي بسرعه جيبي السويج فوك

رحت فوك صعـدت ركض لغُرفة حيدر جبت السويج ونزلت انطيتة اله حرك السياره وطلع ما اعـرف ويين

- حواء وييينج
- ها أمي

- ها بشري لكيتي الجنطـة !
- يا جنطه أمي غير ناسيتها يم المرطبـات

كمزت امي وصاحت :- شنوو !!

- وداعتـج راح حيدر راح يجيبها ان شاء الله
- بيها التلفون أكيد ؟ !!!
- أي

- عزه العزاج يمفلوكة مامخلية وحده بالعشيرة ماعندج صورتها البيت انبيعه ومايكفي الفصول كُلها

- يمه شتفاولين هسه كولي يا الله
- صخام الصخمني

- بالعباس أدري أخوي كفو ولله وراح يجيبها هسه تشوفين بس صبري

مرت ثلاث ساعات وهوه ماكو كاعدة على نار شويه ودك هورن بالباب  نزلت أركض :- حييييدر بشر وينها !!

نزل من السياره وباوعت على وجه نصدمت مضروب من يم حاجـبة شهكت وكتله :- حييدر شبيك أحجي ؟

- جيبيلي مي

رحت ركضـت للمطبخ جبت كلاص مي حيدر كلبي راح يوكع كول شي :- الانذال

- عزه منو !!

- حواء خليني احجي لاتقاطعيني روحي راح تطلع وحق محمد

- أحجي أسمعك

- رحت لمحل المرطبات أول ما طبيت صحت بيهم وين الكامرات

- يا كامرات شتحجي أنت ؟

حيدر :- أريد تطلعون كاميرات المحل !

- كاميرات المحل ؟

- أي ! لان جنطة ضايعة هُناا

- متأكد !

- تحقيق هوه لو شنو اكلك جنطه ضايعه هُنا تكلي متأكد

- كُله الكامرات ما يشتغلن وفضها

- شبيك تحجي مشمر ؟

- أنتَ الي شبيك داخل للمحـل وتعالو أنطوني الكاميرات !

ماعجبني كلامـة رحت ضربتـة أجو اثنين هم ويا طبكو هم اخذو المقسُوم

- حييدر خابز ثلاثـة وبس حاجبك متأذي !

- لعد شتردين شو كومي كومي جيبيلي بطاقه الأيكلاود مالت التلفون بسرع بويه أستعجليخلي أروح على محل موبايلات

رحت صعدت جبت بطاقه الأيكلاود ونزلت انطيتها اله حرك السيارة وطلع رحت الأمي :- حواء بسرعه كلاص مي

رحت للمطبخ داتصب مي نزل حليم :- حواء وييين العشى ؟

- مادري هسه اسئل أمي

خذت الاكلاص ورحت :- يُمه شنسوي عشه !

- يا عشه خلي انشوف العزه وين اجه اخوج لو بعده شو طول

- أجه قبل شويه

سولفت الها الصار خرطت خدودها وكالت :- يمه حيدر يمه ابني وين راح وين وله هسه يتعارك

- يُمه ولله ما يتعارك راح المحل موبايلات
- عزه العزاني

دانسـولف ودخل حليم :- شكو يمه شنو صاير ؟

- حواء مضيعه تلفونها وبي صور بنات العشيره كُلها حواء بعد اخلي تلفون يمج الفاهيه ناسيتلي تلفونها بالمحل وجايتني

ماحسيـت اله جتني دفره من أخوي حليم :- ولله عبالي وي العلاليك

ثواني و اجاني وجع كُلش قوي ببطني سكتت وغلست عليه باوعت على الساعه حيدر صارلة اربع ساعات وين راح بس لا أخوي صارله شي

أمي وحليم واحد يزيد بالثاني شويه دك هـورن بالباب طفرت مثل المخروعـة طكيتها ركضـة طلعت ونزل حيدر من السياره و بيده الجنطـة عطت وكلت :- بالعباس أخوي شكد كفوو

طلع حليم و أمي على صوتي :- حيدرنا رجع الجنطـة ولكككككم

ركضت امي ع حيدر شافت حاجبـة مشكوك لو كلبت الدنيـا عبالك صغيرون :- يمه حيدر راح

حيدر :- ومُحمـد ما بيه شي بس خلوني أرتاح اخذ نفس واسولف الكم حواء مي

رحت جبت اله مي ورجعت يله حيـدر سوالف النـه من الالف للياء

طلعت منا توجهت لمحل موبايلات نطيتك البطاقة مال الأيكلاود وكعدت يمه طلع الحاسبه وبرمجها وبده يعرف موقع التلفون من خلال الأيكلاود طلع الي ماخذ الجنطه داخل بزاغور

طلعنـة اني وأبو الموبايلات أبو الموبايلات ربط الحاسبـة عن طريق السياره بدينه نتتبع الموقع

وصلنه للحيوان الي خاتل بالزاغور مالته جنه جريدي دكينه الباب مرتين ثلاثه اربعه بالخامسه سمعنه صوت :- منو !!

- أفتح حبيبي أفتح بعد روحي جايكم خطار

فتح الولد الباب يطلع عمره قريب على الثلاثين :- اهلا زارتنه البركـة بس ولا صغراً بيك منو أنت ؟

- حبيبي احنه من طرف الشيخ فطحل .

- عفواً منو !

- هسه راح نضل هُنا نسولف بالباب ولله عيب عليك

- لا تفضلو تفضلو

دخلنه الولد جوه البيت بس غرفتين :- ببسي شي عيب عليك أستقبالك ناشف

- صار تـدللون هسه اجيبلكم مي

- هاي الكدرت عليها مي ؟

- عفواً !

- شبيييك عفواً و عفواً اطرش أنتَ حبيبي ؟

- أحترم نفسك خويـة أنتَ كاعد ببيتي

- تكوم ؟
- وين ؟

- تطلعلي الجنطه والتلفـون !

الولد مسح جبينـه وجاوب :- يا تلفون !

- حبيبي من الأخير تطلعلي التلفون لو اخبزك وتطلعـة الي

سكت وكتـلة :- خوش عرض انصحك لا تفوتـة

- ما عندي اي جنطـة عن يا جنطه تحجون إنتو

- متأكد مو !

- اا اي

هوه كال هيج واني كمت ضربتـة بوكس على خشمـة هوه بوكس هوه نام بالكاع :- تطلع الجنطة لا بالعباس أبو فاضل اجنزك جنازه هُنا

- بالكنتور بصندوق هاك هذه المفتاح

- هههههه جبان مو كد البوك تبببوك ليش جنك جريدي

خذت المفتاح وسحلتـة وياي :- هاك المفتاح افتحك وانطي الي وجيب تلفونك وياك

- تلفوني ليش !

- بدون لييش حبيبي أضوج من ليش بس نفذ

راح الـولد وراح وياه الولد ابو الموبايلات اجو انطـة الي موبايلك الحيوان وفتح الصندوق طلع جنطـة حواء وجنسيتها ومطشر الغراض

- اشتعلو اهلك المن مفتش بالجنطـة

نطيته المقسُوم وفتحت الجنطـة أكو فلوس مموجودات غلست عليهن طلعت التلفون شفتـة ما بي شي خذت تلفونـة وشمرتـة على أبو الموبايلات

- فرمته الي و أمسح شكو شي بي و أطلب الي تريده

انداريت على الولد :- ها موافق حبيبي !

رجعـت انداريت على ابو الموبايلات وكتله :- توكل ضلعي السكوت علامة الرضا وغمزت الة

- تأمر أمر أبو الحيادر

فرمته ورجع انداريت على الولد :- خانس الجريدي مالتنة أحمد ربك ماراح أبلغ عليك الله رحم بيك اليوم بعد ما خذت المقسُوم مني لو بعد تدفن نفسك جوه الكاع هم أطلعك و لاتفكر تخطي خطوه ما تعجبني سلام

- يُمه أبني لو صايرلك شي يفيدني هذه الجريدي ليش ما بلغت عليه يُمه

- ميحتاج اي خطوه يخطيها نعرف بيها

- عزه العزاني هذه كُله صار وياك أوكف خلي أشوف تلفوني خاف ناقص شي منه

كمت على اخوي بسته :- تلوموني من أكلكم أخوي الكفو

- ام الكفو خليت التلفونج رمز مواليدج لاتغيري حواء اياج ولا تلغينة و تخلي بدون رمز سمعتي لو اعييد !

- سمعت ولله
- عفيه

التفت على أمي وكال :- يمه أبوي شوكت طلع للواحب

- أمس الفجر
- شوكت يرجع
- ما أعرف كال اطول هاي النزله

- يله ماشي راح اروح اصعد أقره و انام لاحد يكعدني على العشه ما أريد

راح صعد اخوي رحت نظفت الهوسة الي سويتها بمصيبتي ولميت العلاليك وعزلت البيت ورحت لأمي :- عروسه حليم شو خانسة حتى ما اجت شاركت بالأحداث الحاسمة

- عوفج من الأبنية ام المصايب عروسه أول ايامها هاي

- هسه شكلت اني يا حجايه رجعي لمكانج صدُك هذه حليم صاعد نازل كايل سوو عشه احم احم هيج الزواج يجوع

- أدب سزز كومي ولي عني وسوي زقنبوت

- اريد ازوج يمه ادورلج نسيب لو متوفر يمج

- راح اكوم اخبزج محـد خبزج اليوم

- كايمة كايمة

كمت من يم أمي رحت اسوي عشـة أجه نفس الوجع الي اجاني قـبل شويه ما تحملت لزمت بطني بكُل قوتي شي خمس دقائق اختفى الوجع رددت "الحمدلله ربي" رحت بديت أسوي عشه

....

مرت حوالي يومين ما بيهم شي خاليـة من الأحداث كعدت الفجر كُل عاده انزل اتوضى وأصعد حسيت أكو شي غريب ديصير هم غلست عليه وصعدت جان  احساس لا اكثر

مرت الايام الى ان اجه يوم السبعه رحت يم أمي :- ريتاجه جيبي الچاي وتعالي خلي على الصوبـة وأكو بسكت بالكاونتر جيبي

- صار يُمه

رحت طلعت البسكت ووديتة كعدنه أني وأمي :- ريتاجه ترحين للسبعه باجر مو ؟

- لا يُمه يجوز ما اروح تعبانـة
- شبيـج ؟

- مُجرد تعب يُمه

اذن أذان المغرب ودخلنه جوه رحت توضيت وصليت كملت نزلت اسوي عشه وي امي

- حواء كالت اخابرها فد شوي ليش ما تجي
- هسه عيب من الأبنية اكللها ما احي

- ريتاجه هوه يوم وثاني يوم نرجع يُمه
- عود أشوف

كملنه عشه وغسلت الاماعين خذت تلفون أمي ورحت صعدت فوك خليت الهيدفون بأذني دك التلفون شويـه واجه اتصال من حواء اول ما فتحته اجاني صوتها

- عوفي السلام والرسميات ليش ماتجين ؟

ضحكت وكلت :- يا حبيبي ولله تعبانـة شوي

- تعالي يمعوده هُنا الجو يخور الج ام التعب من المصايب وغيره وغيره رتوج من الأخير تجين وغصبًا عليج داده

حرت شنو اكول الها فضلت الموافقة :- صار من عيني

- أبوس عينج اني يله حبيبه أمي داتصيحني حروح

- بيباي حبيبي

نزلت كلت الامي راح اروح وياج :- همزين اجتج حواء ياربي راح تطلعج من قوقعه الكئابة العايشه بيها

- شكلها حواء راح تعدلني

- شلون اثنين وحده فرفوشه والثانيه مكتئبه راح تتوالمن

ضحكت وصعدت نمت كعدت الفجر صليت ورجعت نمت كعدت على أمي :- ريتاجه كومي راح تصير ساعة ١٢ الظهر وراج روحة

- كايمه يُمه

كمت أكلت وكملت تنظيف وصعدت بدلت وكملت ونزلت لأمي لكيتها مكملة :- يله أمشي أجه حُسين

- جيت
- ها وجه البؤس البؤس يمج ويكطع
- أستر علينه

- أبويه شبيج هيج بائسه !

- شبيه ما بيه ناس تكول مكتئبه ناس بائسه ويني شو ما شوفني

كالت أمي :- معليج بيهم

حُسين :- هوه أنتِ أول الناس تكول ريتاجه مكتئبة

ريتاج :- حُسييين

- هسه شحجيت دخيل مُحمد
- سوق وأسكت

شوية وصلنة كبال بيت ام حواء نزلنه دكينه الباب فتحته سلمنه ودخلنة جوه وحُسين جلبت بي ام حواء علمود يبقه ما قبل كال عندي شغل ولله وحرك السياره وطلع

دخلنه جوه اول مدخلنة أجت حواء تركض وحضنتني :- تريد ما تجي كلت والله أجيها للبيت و اخذها

ضحكت وكالت :- يله تعالي فوك نسوالف

صعدنه فوك وخذانـة الوكت بالسوالف طلعنه من غرفتها تلكتنه أسماء عروست حليم أبتسمت وسولفت وياها شويه ونزلنه

- يله خلي ننزل نشوف العجايز شدايسون
- لو تسمعج أمي
- شو دتعالي لعد خلي اسمعها

دك هورن بره بالباب راحت حواء تفتح رجعت صبت كلاص مي بهاي الاثناء دخل ابو البيجي وكال :- يله وين صرتي

دخل بأيده السويج وردد :- السلام عليكم

- وعليكم السلام اخوي الكفو ما عندي شي لاتخاف ماريد طلعه صدُك نسيت اعرفك هاي رتوج رفيقه العُمر الجديده رتوج عيني هذه حيدرنا ابو الوكفات لو تسوين اكبر مصيبه بالعالم هم يطلعج منها

- أهلًا

بأبتسامة :- أهلًا

صعد حيدر فوك و اجت حواء كالت :- يله رتوج حوكفلچ بيوم عرسج اليوم يجون خطار ماريد تتعبين بس تغسلين الاماعين عليچ الله

- دقيقه لو تتعبيني شلون !
- هاي بعـد يمي أمشي نحارش العجايز

رحنة كعدنة يم أمي وأمها :- ها يمفلوكه خيرج

- شلون بعجايزنة احنه أم حُسين عذريني أني ماعندي رسميات عندي ميانـة الي بكلبي على لساني

- ولج عيب عمتج هاي
- جدر ولكة قبقـة
- هاي عليمن ولج

أني و أمي ضلينة نضحك شويه وأجه أخ حواء صاح الها :- حوواء تعالي

- جايه أخوي الكفووو ثواني خلي أصبغ بيك ام حُسين عمه شايفة هذه حيادرنا فد واحد كفو ينگط كفو

- عوفي المره كومي أخـوج يصيحج
- يُمه هسه شحجيت أني جيت أخووي

- ها بعد روحي حيدرنا
- منو جاي ؟
- ام حُسين وبتها رتوج مو كتلك هسه ليش تسئل

- حواء أكره كلمة ليش

- نسيت نسيت اعذرني يله أروح فد شوي يجون خطار

- اني راح فوك ما انزل
- ليش
- شكلنة !

- سكتت سكتت يله راح أروح يم أمي

صعد حيدر فوك رحت يم أمي و ام حُسين وكلت :- عجايزنه كومن راح يجون خطار حركن نفسجن عليج الله ام حُسين مو تزعلين من الحجي مالتي رتوج أنتِ توكفيلي اذا زعلنة

- وين شيباتي حتى شعري بعده يخبل

- لا عمه داقصد على أمي شوفي شيباتها دخيله لمُحمد شكد حلوات

ريتاج :- ام حواء شنو نوع صُبغج

- يا صبُغ هيه حنه تجيبها من العطار وتجي تطكطكهن علينه

شويه وندك الباب راحت حواء تفتح واجو وراهن أثنين نسوان و اربع بنات :- يُمه هلا شو طكولنه هلهوله

طكتها حواء بهلهوله رحنه نسلم على البنات والنسوان وكالت وحده من البنات :-  اهلاً يحلوه معرفناج أني ليلى

- هلاً حبيبي أني ريتاج
- اسمج حلو
- أنتِ الاحلى .

راحت لبنيه كعدت يم النسوان هم كعدت يمهن راحت حواء كالت أخوي يصيحلي

رحت اله كال جيبيلي السويج من فوك أروح أجيب عشه رحت صعدت فوك رحت أدور ع الميز ملكيتة بديت أفتح المجرات كُلها اوراق وغراض سديتها فتحت الثانية دورت بيها جذبتني علبـه لونها أخضر فستقي مقفوله دورت أكو قفل صغير بصفها جان

شعجب أخوي يشتري هيج فتحتها و اشوف سنسال على شكل حبه فستق ذهب وبصفه ورقه صغيره مكتوب بيها

- "هيه كالفستق مظهرها صلب لكنً ماذا عن داخلها ! "

....
يتبع ⬅️ - البارت الرابع -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.