رواية حيادر الراء . الفصل الخامس عشر 15 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

سويت لفة وبديت أكُل واسولف سولفت اله الموقف من البداية للنهاية وكال :- الله يساعدج بعدج صغيرة وكُل هذا شفتي

سكتت وره خمس دقايق كال :- راح تجي سيطـرة قريبة انزلي وتلـكيني منتظرج وره السـيطرة

باواعت اله مستغربة :- ليش شعليها ؟

- يسئلوني عليج خيتي ويـردون جنسيتج منيـن أجيبها ؟

- يصير اختل بالحمل الي بالشاحنة ؟

- لا يفتشـو مثل ماكتلـج

وكف الشاحنة :- يله نزلي تمشي عشر دقايق وتلكين السيطرة اعبريها وتلكيني وراها أني

- بس لحظة عندك ساعـة يد ؟

- اي شسوين بيها ؟

- اريدها بس أعرف الوقت بيها وشكد أمشي

طلع ساعة رجالية وانطاها الي خذتها وكال :- يله نزلي

- ماشي خـويه

نزلني بنص الطريق وانطلق هوه والشاحنة تمشيت وي الطريق مرت نص ساعة وأني أمشي لا شفت سيطرة ولا شي كلت خلي أتمشة بعد أكثر

مشيت ساعتين لا شفت السيطرة ولا شفت الـشاحنة ولا اي شي معـقولة جـذب عليه لا لا هسه الكة السيـطرة

باوعت على الساعة صارت ثمانية وعشر دقايق وهوه نزلني من الخمسة وربع أكيد نضحك عليه عرفت ولله عرفت وييييين انطي وجهي بهاي

المنطقة المهجورة ويييييييييين وأني مثل الغبـية سـولفت اله گُلشي شي طبيـعي خـاف ونزلني يارب سـاعدني ماعندي غيرك يا ربي أمشي وأسولف

مشيت هواي وهذا الطريق ما خلص شوووكت يخلص عاد عطشت من جديد بطني داتأذيني عيوني يأذني تعببت يا ربي شوكت أرجع شوووكت الله لاينطيكم ولا يوفقكم شسووووويتلك ونزلتني ماكلت وييين تنطي وجها

ماكلت تاكلها الحييوانات يا حيييييوان ماتجوووع ما تعطششش بس السـاعة نطيتها الي وفلتت هيج الخوف يسـوي ويييين الغيره وييين ماحسبتني اختك تعوفهااا هيج بنص منطقة مجـهورة وتفلت ليشش عفتني لييييييش

أمشي واصيح والوقت يمشي أريد سياره شاحنه شي بس تفوت حتى اوكفها ماكو شمعرفكم بهاي المنطقة وجبتونة الهاااااا ضباط عساكر تحمي البلد لو تخطف ناس وتشردهم وتعوفهم بمنطقة مهجورة من هجر الهجرةم ان شاء الله كسرتو رجله وزنجلتو ورحتو شردتو بنية بليلة كشرة وعفتونا وشردتو

ولكم بنيييية شكلتو لنفسكم هاااااا شتكولون لرب العالـمين بيوم الحساب لاتـخافون الله مايعوفنا مايـعوف أنسان محتاجة الله ويانه وراح ياخـذ الحق من عيونكم حسبي الله ونعم الوكيـل عليييييييييييكم شكبرهن عند الله هذن الكلمـات

تعبت من الصياح من المشي رأسي راح ينفجر أي ساعة اوكع هُنا وتاكلني الحيوانات همزيين بالنهار بلكت من لليل الكة مُكان الكة بشر خايفة ما الكة شي

فاتت سيارة كلت اي الحمدُلله يااااارب ادري بي مايوكف وكفـت كباله ولعلى يوكف ميل السيـارة وانطـلق من سرعة السيارة شعري طار كعدت بالكـاع على التراب ضلـيت أبجي وأبجي ساعة ساعتين ثلاثة مرن وأني بعدني

أيست بعد من گُلشي وتعبت

....

حركت رأسي بمعنى أي بدأ يكسر القفل الي بالزنجيل ديصير إلم من يم قـدمي قوي بقيت مغلس عليه الى ان نطـق الرجال :- أني آسر

- كفو منـك آسر

- بعدچبدي خوي أنتَ منو وشتسوي هُنا شجابك سولفلي من الألف للياء من هسه أكلك أني أحُب السوالف يعني أنطلق ما أمل منك

- أخويه بس فك القفل وأهج وأرجـع وأنتَ هم روح أرجـع لدارك

- شكنالك يا بـعد عيني تره أروح أرجع ومافكلك القفـل لا أشاقة لا تخنكني بالزنجيل هُنا مبين فد واحد عصبي مبين تسـويها بس كفو منك حتى لو سويتها حـقك أكلك أنتَ شكد صارلك هُنا يا حبيبي كتـلك سولفلي بالحُسين فضولي قاتل وماتحمـل لازم اعرف سالفتـك

أباوع عليه أشو هذه راديو نهد عليه هده اريد يسكت ما يسكت أنتبة عليه :- ها خوي بشر جني ماعجبتك نظرتك مبينه ورها علامه أستفهام الحُسين عليك لاتنزعج من السوالف هاي أني هيج اطكها ميانة وي الرايح والجاي حتى أبو الاسواق حاجيلة قُصة حياتي كلها الله شاهد عليه وتخيل بعد أنتَ

- شتخيـل رحمة لوالديك بس فك الي القـفل عليك أبو فاضل

- أمر بعدچبدي

بده يفك القفل وسكت تعجـبت عليه بالعباس طكها هدوء تام بعـد ولا كلمة حجه وأني هم بقيت سـاكت عشر دقايق وفك القفل :- يله كوم خـوي

- ما أكدر أسندني

باوعلي بأستغـراب وكال :- ليش ؟

- مكسورة قدمي .

- لا إله الا الله صـارلك شكد هُنا وشلون تحملـت وجع الكسر ومنو جابك سولفلي او لاتسولف لاتسولف أمشينـة للمستشفى دتعال سيارتي بره

- لا ماروح لمستشفى اريد الكة روحي يله

- روحك بجسمـك بعد روحي

- چؤ روحي روحي قُره عيني راحت

- حبيـبتك ؟
- صـديقتي

- صديقتك تسميها قُره عينك حبيبي أنت تحبها بدون مقدمات ولا اكلك ولا تكلي شو أمشي لسيارتي

سندني وتوكلنة لسيارة دانمشي وكال :- أكلك لاتضـوج من سيارتي تره تطـلع صـوت تسـوي اها اها اها

اندار عليه وغمز ورجع كال :- اعذرها يعني

ضحكت وهوه هم ضحـك :- ولله !

- وداعت ضحكتك هاي خـوي سيارتي سريرية معليك منها أكلك همزين الله كلي أنزل لو مانازل جان هسه ماكلك الدود صـدُك شياكُل منك ماتكلي حتى روحك رايحـة بعده بالبـسم الله ومخلصين الوليمة يكملون البسم لله منا يكولون الحمدُلله منا الله وكيلك ومحمد كفيلك

- بعد روحي مو جنك سولفت هواي ؟

- عليك الله أني هاي هيج انطلق بسرعة وداعت هاي شواربك حبيبي

ضحكنة وصعدنة بالسيارة وكبل وداني للمستشفى

....

أيست بعد من گُلشي وتعبت ما أموت من الحيوانات أمـوت من الـجوع مو من الجـوع من العـطش مو من العـطش من رأسي علاجي ماكو يطُك من الألم عنـدي واوكع وأمـوت

وما أجذب اذا اكول شتاقيت الحيادر محتاجتة كُلش أماني يمه يمه أحس بشعور الأمان ليش ما عافني يمه ليش كلي روحي شنو حالة هسه كدر يطلع يارب الأمان لمخلوقك يارب

أمشي وادعيلة ودموعي على خدي تمنيـت الموت ولا هذا حالي بس الحمدُلله يـارب عفت الشارع ودخلت بنـص الاشجار أمشي على طريق واتجاه الشـارع بس دخلت جوه بقيت على نفـس الطريق لمحت مزرعة جبـيرة گُلش

وواضح هيه مزرعة لان داير مدايرها سياج أريد اتقدم الها بس خايفة خاف يطلعلي احد بيها بس لازم اتشجع وادخل لان جوع گُلش قوي ومماكلة من الخمسه وهسه ثلاثه ونص الضهر وتعب وجهد وتفكير ومشي وبجي شنو يصير بيه !!!!

كمت أردد وادعي يداخلي ركضـت ورحت وصلت الها جان سياج عالي تقدمـت وكلت مابيها مجـال لازم أدخل بس شعجب مزوعة هُنا بهاي المنطقة المهجورة معقولة أكو نـاس قريبين يارب أكو توكلت على رب العـالمين ودخلت

عبرت السياح ونجرحت رجلي من عبرت مهتميت باوعت على المزرعك ماشاء الله معقولة أكو هيج مزرعة أشجار تين وأشجار بُرتقال وأشجار توت أشجار فواكه هواي تخبل رحت ركضت لشجرة التين قطفت كم وحدة

بس أني ما أكُل أي فاكهة اله اغسـلها بس الجوع جان قاتل والفاكهة تـشهي سميت بسم الله وكلت أكلت هواي لمـن شبعت الحمدُلله يارب أريد اطلع من المزرعة بس وين أروح بعـد ابقى هيج مشردة

ماعرف وين أروح بعد طلعت من المزرعة وتمشيت بالكت الكك بيت صغير شي عندي أمل برب العالمين أنُ الله مايعوفني ولا يعوف عبده هيج مثل ما كالي حيادر الله وياج مايعوفج ومُستحيل يعوفنة يارب أُوصيك بعبادك لطفًا بهم

الدنيا ظهر تمشيـت تقريبًا ربع ساعة لمحـت بيت كبير گُلش بعد عني مسافة ركضـت اله اباوع على البيت ما شاء الله توكلـت على رب العالميـن

ودكيت الباب مرتين ثلاثة اربعة عشر دقايق ضليت ادُك بالباب وما أنفتح كلت خلي أعبر اله وشيصير خلي يصير لو أعرف أموت مثل ما وصاني حيادر

تسلقـت الحـايط عالي گُلش و رجلي داتأذيني ماعـرف شلون راح أعبرة نص ساعـة و أني احاول أعبرة ما كدرت يارب سـاعدني رحـت لباب الدخـول باوعت عليه تصـير بي حدايد كبار أي خلي أعـبر منا

تسلقت على الباب عالي بس سهل واخيراً عبرت للبيت بس خايفه كُلش الحديقة والكاع مليانات تراب أكيد صار اله فتره قليلة محد داخلة تمشيت بهدوء لمن وصلت الباب الباب خشب شلون راح ادخل !!

لازم اكو شباك ادخُل منه افتريت داير البيت لكيـت شباك كيفت وعنـدي استـعداد گُلش قـوي اكسرة صح خـايفة بس لازم ابقى بهذا البيت ماعندي غيرة كسـرت الشباك ودخلت تجرحت جفوف أيديه بحـيث الدم ما أعـرف منين ينزل

دخلت البيت گُلش كبير رحت للبردة مال البيت جريتها ولفيت أيديه بيها بس ينكطع الدم وأروح اغسل وأنام وأذا أجه احد بعد احسن ان كان مره او رجال ميخالف أي احد

وره ربع ساعه حسيت الدم أنكطع بقى شي خفيـف رحت افتريت بالبيت دخلـت على المطـبخ فتحت الثلاجة لكيت بيها اكُل بس قلـيل الحمدُلله جانت أكو كهربـاء حتى المُجمدة جان بيها اكُل مُجمـد هواي

ألف الحمدُلله يا رب غسلت أيديه على السنك وصعدت أشوف الطابق الثاني أربع غُرف فوك وحده مقفولة والبقيه مفتوحة دخلت على غُرفك من الغُرف المفتوحة دخلت بيها جان اكو قفل بالباب قفلت الباب

ونمت كلت من أكعد بلكت الكة ملابس وأبدل

....

ضحكنة وصعدنة بالسيارة وكبل وداني للمستشفى :- شو حبيتك أني سُبحان الله شوف الله دزني عليك علمود اساعدك بعدين أحبك

- على رأسي

- حبيبي شو سولفلي سالفتك كلها لان راح أنفجر من الفضول

- ليـش لا

- جاي تخليني أحبك أكثر وأكثر يله يا بعدچبدي انطلق سولف

بديت اسولف اله من البداية للنهاية كملت وكال :- صدُك تحجي حبيبتـك هسه ويـن ؟؟؟

- صديقتي كتلك
- تقشمر على نفسك أنتَ ؟

- آسر !
- العفو خوي

- زين تعرف أنت شكو بهاي المنطقة اذا ما تعرف خلي اكُلك

- لا ليش شبيها !

- كُلها مجرمين وناس تكُتل ناس وحيوانات ومزارع واسلحة وگُلشي خطر تلكاه بهاي المنطقة وكامرات بكُل بيت وبيوتها مطشرة

- لا بربـك !!
- والرسول محمد
- مُستحيل اعـوفها رجعنة

- يمعود شنو ارجعك بالعباس ما ارجعك اله تسوي رجلك يعني ماجاي أعرف شلون متحمل الألم هسه دخيلك يا علي

- ومحمد لو أعرف هاي المنـطقة هيج سمعتها فلا كتلها روحـي لو ميتين سوه ولا هاي اللوعة الي بگلبي هسه

- كول يا الله يمعود

وصلنة للمستشفى نزلني وسئلتة :- ليش داتسـاعدني ؟

- يخوي أنكسر گلبي عليك وانوب سولفتلي سالفتك والحُسين بعد ما اهدك لو تصير بالتفك

- أشـكُرك الله دزك ولو ما احُب احـد يُعطف عليه

- ماتسكت يا بعدچبدي

قبل لا ادخـل للمستشفى رفعـت أيديه للسـماء ورددت "يارب أنت اعلم بحالي يارب مثل ما ساعدتني ودزيتلي عبدك دزلها أحد معين لها ولا تخليها وحدها بهذه الحال يارب أنت اعلم بحالها هسه يارب لاتترك عبد محتاج الك ومحتاج لعونك يارب"

كملت مسحت وجهي وكال :- هنيالها چا فوكاها يكول صديقتي أقسم بالله تحبها اكص أيدي بالحُسين اذا ما تحبها وحلفتلك بعد

- شو يله أمشي أمشي ندخل

- بس اشوفها اكُلها عليك اكلك صدُك انت مـالك أسم واذا عنـدك تدري لحد الان ما اعرفة ؟

- عندي حيدر .

- أبببببيو الحييييادر لك مرحبااااااا

- ها شني سالمين !!!

- بالحُسين الشهيد بس أشوفها هاي قُره عينك اكللها أبو الحيادر ميت ميت عليچ

- صدييييقتي صديقة صديقة

- ومحمد اذا كلت صـديقتي بعد ابتلي بيك

- هاا هاااا

- أعتذر خوي أمشي

دخلنة للمستشفى رحنة لقسم الكسور أول ما حجه آسر :- دكتور رجلة مكسوره وكع من الدراجة وانكسرت اريدك تصلحها تصليح تام التام

ضحكت والتفتت اله وكلت :- انطيني مجـال أحجي ؟

- أعتذر بالقرآن تفضل

حجيت للدكتور وكتلة حادث كال أصعد افحصك فحص وكمل :- يحتاج الها عمليه وتجبير

- شكد تطول ؟
- من ربع الى نصف ساعة

- يصير اطلع من تكمل ان شاء الله ؟
- على مسؤليتك ؟

- تمام ميخالف أبويه

رحنة على قسم الطوارئ :- اكلك حبيتك اني بس لاتموت بالعملية

- تره بقدمي بالعباس مو بگلبي
- ميخالف خوي ماريدك تموت

- ههههه لا ان شاء الله
- مو أريد اشـوف تضحياتك لقُره عينـك قبل لاتموت
- هم تشوفها ان شاء الله

- حيدر أمان
- نعم جاي

رحت للدكتور وبلشو العملية وآسر ضل بره

....

ونمـت كلت من أكعد بلكت الكة ملابس وأبدل وره ساعتـين كعدت لكيتها ساعة ستة ونص العصـر والدنيا بعدلها شويـه وتصير غروب

كعدت رحت للكنتور ادور أريد الكة ملابس فتحتة واشوف كُله ملابس رجالية سديتة ورحت للغُرفة الثانية الثالثة هم نفس الشي بيهن فقط ملابس رجالية وهواي ملابس

خذت تشيرت وبُجامـة ونزلت ادور على الحمام بلكت الكة بي مي نزلت للحمام لكيتة نظيف ومي بي أريد أسبح علمود اصـلي بس خاف احد يجي بس يله صارلة هـواي محد داخل لهذا البيت معقـولة يدخل اله هسه

دخلت سبحت وطلعت على السريع سديت المي نظفت الحمام أساسًا هوه نظيف بس ميخالف فتت للثلاجة شفت مُعلبات باجلاء وحُمص ولحم بس مُعلبات خذت باجلاء وصعدت فوك ماحبيت أكُل بخاشوكة

دخلت للغُرفة قفلتها وكـعدت أكُل خلصت ونزلت غسلـت وطلعت بره شمـرت العلبة من وره الحـايط ورجعت دخلت فتشـت الكاونترات علمود الكة علـبة الضماد تعبت ومـالكيتها

صعدت فوك ادور بالغُرف لكيتها بغُرفة من الغُرف علبة كاملة گُلشي بيها حتى موس سكين وغيرة وغيرة خذت مُعقم وقطن كملتها وشفت شي على شكل بخاخ خذتة شميتة حسيت بنعاس

شنو هذا غلـست عليه ورجعتة ورجعت العلبة للمُكان مالتهـا ورحت للغُرفة الي جنت نايمـة بيها بالغُرف وأني ادور ماشفـت اي سجادة ف اضطريت اصلي بـدون سـجادة صليت وكملت

وصليت الطلب مال يوم طولت وأني اصلي دعيت لحيادر مثل ما موصيني قبل ودعيت الله يفتحها بوجه ويشرد ويرجع للبيت يارب أذا رجع هوه منو يرجعني أني !!

راح يصـير يوم ومحد أجه عليه ولا شـفت مخلوق متشردة أحس نفسي تايه وبالفعل أني هيج توكلت على رب العالمين أكيد مايترك عـبده الحمدُلله مرن يومين محد أجـه لهذه البيت وروتيني نفـسه اغسل واكُل واصلي وانام حتى داتـعود على هاي العيشة

مرتين رحت للمزرعة ركض ورجعت ركض لان ماكو فاكهة هُنا وگُلش أخاف من اطلع وارجع بس شسوي ؟؟

ساعـة بثلاثة ونص باليل حاليًا وكـاعدة دانتظر الصلاة مثل اليومـين القبلهن أبقى لان ماعـندي منبه او شي دورت بالبيـت مالكيـت ف ضليت انتظر الصـلاة

واني دافكر سمعت سيارة شخطت ووكفت كدام الباب شهكت وخفت نفس الوقت بس كلت معقولة رجعو صحبان البيت خفت لان ما شاءالله الغُرف كُلها ملابس ولد وأكيد الساكنين ولد وماكو بنات لو أكو جان شفت ملابس الهن

صـار دك على الباب بحركة قوية جاكوج ما أعـرف شنو لا أرادي كمت ابجي أني شنو دخلنـي لهذا البيييت دخيلك ياعلي انفتح البـاب وصرت أسمع أقدام مشي بهدوء أكييييد دخلو أكيييد دخلوو يارب ساعدني يارب

كسرو جام الطابق الأرضي صار دك قوي على باب المطبخ كمت أردد يارب يارب صار صوت قوي صعدو على الدرج وأسمعهم يتهامسون ما أعرف شمد عددهم معقولة أكثر من أثنين !!!!

الغُرفة مالتي الي كاعدة بيها صايره وره الغُرفة الاولى يعني الثانية وأكدر أسمعهم وأخيرًا نطق واحد منهم  لو حسيت كُل جسمي رجف

- أكو احد هُنااااااااا ؟

....
يتبع ⬅️ - البارت الرابع عشر -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.