رواية حيادر الراء . الفصل الرابع عشر 14 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

- الله جابك يله شبابنه الطيبة أخذوهم اعزائي

ريتاج :- شنوو !!

التفت عليه حـيادر وكال بصياح :- دخلي جووووه

أجه العسكري بأتجاه حيادر من وره خله على وجه كلينكس دفعة حيدر رجع لزمة بس ما سيطر عليه جان العسكري اضخم منه رغم حيادر ما مقصر

وكع بالكاع أجـو أثنين شالو وواحد أجه بأتجاهي ركضت دخلت جوه مالحكت جر شعري من وره :- بله هذا الدوران عزيزتي

ردت ادفعة ماكدرت :- ويييين تاخذوني ؟ !!

- قصـدج وين ماخذيكـم

بعدني ما حاجيـة شي خله كلينكس على وجهي صارعت ويا ماكدرتلة اضخم مني وللبس عسكري وكعت وبعدها ماحسيت بشي

كعدت بغُرفة مابيها اي ضوه مُكان أول مره أشوفـة بحياتي وموقف گُلش صعب و أول مره اتعرض اله خوف على رعب على أستغراب

أحس نفسي ثكيلـة ودأريد أحاول أكوم ماكدر بعد ربع ساعه حسيت أكو حركة بره الغُرفة بيه ما بيه كمت رحت للباب فتحتة

البيـت قديم والاضوية طافيـة خفت من الوضع سمعت حركة بالغُرفة الي بصف الغُرفة الجنت كاعدة بيها

باوعت على باب الغُرفة بي زنجيل وقفل وضوه الغُرفة طافي رحت تقدمت للغُرفة بنفس الوقت خايفة خاف أكو أحد بالداخل بس كلت خاف حيادر هُناا !!

تشجعت ورحـت تقدمت للباب دفعت الباب على كيف ما انفتح كُله بس قليل وخاف ما أكدر أدخل من هاي الفتحـة

الفحتة بين الباب والحايط تقريباً ربع متر بيها فكرت أدخل منها بس ما أعرف شنو الي بالداخل خفت ورجعت للغُرفة الي جنت بيها ختلت بالزاوية

لميت رجلية لصدري ضليت وقت قصيـر على نفس الوضع مرت وقت طويل گُلش بس ضـليت متت من الجوع والعطش وراسي ديأذيني بس قليل

فكرت أكوم ادور بالبيت بلكت الكه أكل مي شي بس هوه مهجور أكيد مابي شي بس ولعلى كمت من مُكاني طلعت من الغُرفة ألي أني بيها باوعت على

الغُرفة ام الزنجيل راجع مسـدود الباب گلبي كام يدك سريـع وراسي ديأذيني أقوى ما تحـملت بعد وكلت لازم ادخل للغُرفة خاف حيـادر بيها ومحتاجني

فتحت الباب شوي شوي ختمت القرآن بداخلي وألف يا علي ودخلت دخلت والغُرفة ضلمة أي ضوء ما بيها وداحس أكو احد هنا ردت انطق وتراجعت تمشيت ليكدام ووكفت صار صوت نفس بالغُرفة واضح لان الانفاس عالية

سمعت صوت مبحوح :- منو هُنااااا ؟

سكتت وره شويه هم رجع هذا الصوت وأريد اتقدم بعد أكثر وخايفة :- أكو احد ؟

قوة وجـع راسي ازدواج الرؤية بدأ عنـدي كمت أسمع بس الصوت أخر شي نطقت وكلت :- مـ منووو ؟

حركة قوية وياها صوت مليان لهفة :- ريتاجي ريتاجي هاي أنتِ فستق تعالي يمي أني حيادر لاتخافين تعالي يمي

- وين أنت مداشوف شي بس داسمـع صوتك !!

أعتقد الغُرفة جبيرة گُلش لان صوتة بعيد عليه :- داشوف خيالج داتسمعين صوتي تعالي بإتجاه الصوت سمعي هذه الصوت وتعالي

سمعتـة يطبطب على الكاع بحركة خفـيفة رحت بإتجاه الصوت صـار الصوت قريب عليه گُلش كعدت بالكاع حسيت أيد جرت أيدي

- حيادر !!

- أي حيادر أنتِ بيج شي مأذيج كُليلي ؟

- خايفـة گُلش أني

- روحي شردي لاتبقين هُنا اذا عزيز عليج أني سمعي كلامي وروحي طلعي منا

- حيادر وأنت شـلون ما اطلع أني حـيدر تدري بي أخاف شلون اطلـع بهذا الظلام باليل

- ما اكدر اطلع أني .

- لا لا حيادر ما اطلـع ابقى هُنا وياك

بصياح :- يأذووووج مثل ما أذوني

سحب أيدية حسيت أديه بيها شي سائل قوبتة لخـشمي ريحة دم :- حيادر هذه دم ؟

- لا فستقه ماكو شي

- ماشي ماكو شي بس أمشي نطلع فدوة ما اكدر اطلع وحدي

- ماااااا اكدر طلعي داكُلج عوفييييني

أستغربت من نبرة صوتـة بالعادة :- شـ شنو حيادر بيك شي أنتَ وليش ما تكدر ؟

- كسرووو رجلي وشدوها بزنجيل ما اكدر أفتح الزنجييييييل ريتاجه حتى لو اكدر أفتحة مشي ماكدر أمشي طلعي أنتِ أسمعي كلامي وطلعي قبل لا أحد يجي ولله لو أكدر جان شلتج على أكتافي وطلعنة سوه

بجيت وكتلة :- جوعانـة أني وعطشانـة حيادر ورأسي ديأذيني

-لاتكوليها فستق

- ما أشـوف شي شلون أطلع لا حيادر ماكدر ولله

تحرك الزنجيل وحسيتة صار قريب مني أجه حُضني :- بويه طلعي بره أأمن من هُنا ثقي

دفعتة مني وكتلة :- مااااااااااكدر حييييييدر ماااكدر أموت هُنااااا ولا أطلع بره

- كولي يا علي وطلعي لخاطري ريتاجه روحي الله ما يعوفج ولا دعواتي راح تعوفج استودعتچ الحافظ الحفيظ الرحمَن الرحيم

- ماكـدر

- يله يا عيناه لحيادر توكلي وكولي يا علي وطلعي منا أي مُكان أي مهرب تلكين الجأي اله تشجعي أي شي تصادفي شردي منه ورددي يا علي يله شو كومي وديري بالج من گُلشي

خذه أيديه بـاس باطنهم وكال :- شو يله كومي

بجيت وكتله :- حيادر ادعيلي هواي ولاتنساني

- لاتبچين قبل لاتوصين الف دعاء دعيتلج درب السلامة

سحبت نفسي منه وكمت بدون ما أكول شي سمعتـة يهمس وطلعت سريع من الغُرفة أشـوف غواش ماعرف شلون راح اطلع من البـيت وشلون راح اكمل طـريقي

رددت :- اعوذُ بكلمات الله التامة من غضبة وشر عبادة ومن همزات الشياطين وأن يحضُرون

وطلعت جوع وعطـش وخوف وتردد نعـاس و أي شعور بالدينا مُخيف بيه توكلت على رب العـالمين ومشيت أشوف بس غواش الرؤية مرة واضحة مرة لا غمضت عيني وفتحتها ورحت ادور على باب البيـت مشيت مشيت

شفت ضوه القمر ضارب على الباب ركضت ورحت طلعت من البيت لا باب لا شي لا ضوه وبس زناجيل حييييادر شلون راح يطلع

دعيتلـة بگلبي وركضت أركض أركض ركض عشوائي على ضـوء القمر وداشمر ريحة زرع أكيد منطقة زراعـية هاي ليش جـابونة لييييششششش شنو غايتـهم

ركضت أسرع وأسرع لمُكان مجهول وماعرف وين راح أروح ووين متوجـها وكفت ورفعت أيديـه للسماء :- يا ربي إختبارك صعب يا ربي السلامة يا ربي مايصير شي

أمشي واردد ما أعرف شكد مشيـت بس وقت طويل ضـليت أمشي شفـت ضوه بعيد أصفر :- "يالله"

ومشيت بإتجاه وصلت للغُرفة لكيتها غُرفة صغيرة ما بيها مترتين أي شباك أي باب مابيها بس الأشكال كلت خلي أنام بيها بعد ما اكدر

دخلها يا رب ما يجـون بيها اوراق شجر سويت مـجال واتمددت ولميت رجلية وأني ميتـة جوع وما اعرف شلون راح أكمل

فكرت بحيادر شلونة هسه أكيد أضعاف الي ديصير والي داحس بي هسه يارب هون عليه كاسرين رجلة الانذال شلون دايتحمل الوجع هسه شلون يا رب خفف عليه وجعة

يا علي دخيلك وشلون حـال أمي حـال أبوي هسه أكيد  درو يا علي هونها عليهم غمضت عيني كوه ونمـت

....

دخلت جوه وصعدت فوك بغُرفتي مر وقت طويييل الى إن سمعت صوت السيارة طلعت نزلت جوه أشوف شنو صار طلعت بره ماشفت أحد بس باب الشارع مفتوح رتوج وحيدر ويين معقولة دخلو جوه !!

دخلت جوه وعفت الباب مفتوح دورت البيـت كُله عليهم ماكو رحت طلعـت بره باوعت منا منا لا يارب ما اتحمل لا لا مماخذيهم يارب مدا أستوعب شي ليش ما طـلعت أني شذنب رتوج خذوها حيييدرنا شعليه راح اتخبل

رحت لغُرفة أمي :- ولچ مامااااااا خذوهم يُممممه كعدي

- يُمه بسم الله شبيـج ماما ؟؟؟؟

كتلها السالفة تسودت الدنيا بعيني لزمـت رأسي وبعدها ماحسيت على شي كعدت وأني بالمستشفى و أمي كاعدة يمي

- يُمه بنيتي
- لكيتـوهم ؟

- أبوج راح يدور عليهم أخذ مجموعة من العسكريين وبادين يدورون عليهم يُمه حيدر شحالك هسه وهاي البنيه المريضة التفت عليهم يا الله

- ان شاء الله يلكـوهم ليش ما طلـعت أني مادري

- تلصمين لا أبتلي بيج وتعالي يا أم حُسين جنتي بوحدة صرتي بأثنين يله كومي نرجع للبيت

- بله هم خـذونة لمن راجعين ؟
- أكو حـراس صخام بس كومي

كومتني أمي تلكانه حليم :- هااا شلونج أمشو يله للبيت أريد ارجع وي أبوي

حواء :- الحـمدُلله

أمي :- يله يُمه سوده عليه حيدر سوده بعيني ان شاء الله

حليم :- اروحلج فدوه تفائلي

أمي :- تفائليش وحيدر والبنية ما نعُرف وينهم هسه واهلها شنووو نكللهم !!

حليم :- نتصل بالبيت ونفهم

أمي :- شتفهمهم يا حليم شنو نكللهم بتكم اخذوها وي ابنة هاااا بالعباس أبو فاضل حقهم إذا سوو شي لو حجو

حليم :- أمشو أمشوو الله كريم كُل سـالفة والها حل

....

كعدت على صوت الأذان بس بعييييد گُلش شلون كعدت مادري صارلي صلاتين مامصلية مشتاقة لصلاتي مشتاقة أقابل رب العالمين مشتاقة أقره قرآن مشتاقه الأهلي لأبوي بأمي لحُسين شوكت أرجع ؟

أريد اطلع أنتظرت يطلع الفجر وأطلـع غفيت شويه رجعت كعدت على بزون تشـمم رجلي أجـت كعدت يمي عدلت كعدتي وبديت اسولف وياها مثل المخبلة محتاجه افضفض عـادتي كتومة بس المواقف تخلي الواحد كُل شوي بمـزاج

صفت على روحي وين أروح هسه إي مُكان ما اندل وين راح تصفة بيه أحس روحي راحت من الجوع والعطش نفضت نفسي وكمت الفجر شويه ويطلع طلعت بره شفت أشجار ونخل ومزرعه قديمه نخيت الامام علي ومشيت

مشيت هواي گُلش بحيث طلعت الشمـس ووضـحت وأني بعدني أمشي حيادر شحاله هسه بالي يمه مافكرت بنفسي كد ما دافكر بي وبوجـعة

مشيت أكثر وأكثر وأخيرًا لمحت شارع فكرت أروح اوكف سيارة شكللهم هسه ماكو حل غير منطقتي يودوني الها تمشيت ورحت كُل فتره تمر سياره وحدك لو شاحنة

أخر شي وكفت كدام شاحنـة لان مايوكفون حقهم أكيد هاي المنطقـة مو أمان ولا راحة مبينه وكفت كدام الشاحنـة وكف ورحت أركـض اله

- خويه رحم الله والديك تكدر توديني لمنطقة ----- ؟

- خيتي هاي المنطقة ببغداد شجـابج لهاي المنطقة ؟

- ليش هسه احنه وين ؟

- بالكـوت .

شهكت وكتله :- تكدر توديني لبغداد

- لا خويه ولله العظيم ما اكدر شـاحنتي توصل للحـدود

- ميخالف حتى لو للحدود
- جا صعدي

قبل لا أصعـد حلفته :- عليك بمُصيبة زينب الكـبرى لاتسوي شي الي

- ومصيبه زينب ما أسوي إي شي صعدي

صعـدت وياه انطلقنة :- محتاجه شي ؟

- جوعانة وعطشانة
- مماكله ؟
- أي

طلع علاكة صمـون و جبن :- أكلي وسولفيلي قصـتج ومنو وصلج لهاي المنطقه المهـجورة لان واضحة وراج سالفة ؟

سويت لفة وبديت أكُل واسولف

....

صارلي يوم ونص على هذا الوضع من راحـت ريتاج وأني على نفس الوضـع قاومت الوجع كد ما بيه وبالي يـمها لا اكدر أكوم ولا أكدر افك الزنجيل متحمل الوضع غـصب والألم تاكُل بيه أكُل من كُل جزء

بعدني أفكر بأمري سمعت خرخشة بالبيت وصوت أقدام شويه شويه تزيد تقرب أكثر الى إن وصل للغُرفة الي بيها اني اندفع الباب بس ما انفتح

الى انت انمد رأس رجال يطلع تقريباً بكدي او أكبر شوي بـاوع عليه بأستغراب وكال :- شجابك أنتَ هُنا وشـتسوي شنو هذا وضعك ؟

- منو أنتَ وشلون وصلت هُنا ؟

دفع الباب كُل قوتة ما انفتح :- راح أطلع أجيـب شي وأجيك لاتتحرك بعد أخوك لان اريد أسـاعدك

كال هاي الكلمات وراح وره وقت أجه بأيدة حديدة :- أجيتك

كدر يكسر القـفل وفتح الباب :- كفو

- من أصلك أكدر أساعدك هسه ؟؟

حركت رأسي بمعنى أي بدأ يكسر القفل الي بالزنجيل ديصير إلم من يم قـدمي قوي بقيت مغلس عليه الى ان نطـق الرجال :- أني آسر

....
يتبع ⬅️ - البارت الثالث عشر -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.