رواية حيادر الراء . الفصل الثامن وأربعون 48 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

رحـت اله اشر الي براسـه اكعد يمه رحت كـعدت يمه وجه التـلفون بوجهي على رسـاله أشهم وكال :- منو هذه الي يـتمنى تصيرين زوجـتة ودايـباركلج ، والمسج قـديم وما كايلـتلي يا فُستق ؟

بلعت ريگي مـن كال هيج وقشـعر جسمي وكتلة :- بس افـهمك حيادر
حيدر :- شـتفهميني شنو يحبج وأنتِ ساكتـة أصلًا ليش ما كـلتيلي راح اتخببببل

دخل حُسين وكال :- شنو شكو ؟

حيدر :- سـالفة بيني وبيـن ريتاجة

حُسين :- غير نفتهم ؟

حيدر :- حُسيـن ماكو شي سـالفة بين أثنيـن عادية

حُسين :- تمام

طلع حُسيـن التفت حـيادر عليه وكال :- تـعالي كعدي وفهميني من شوكت يحبـج وشنو بينكم مراسـلات ومنين يعرف رقـمج وحدة وحدة أني أعـرفج شنو وثـاق بيج لدرجة عمـياء بس أريد اسمـع وافهم يله اروح الـهم

- لا حيادر لا لاتروح فدوة
- ليش ؟

- اخـاف عليك والله اخـاف تصير مُشكلـة لو هيج وهمَ عشـاير وفصول وشي يا حـبيبي

- واحنه عساكر ؟

- اسولفـلك گُلشي بس تجفى الـشر ولاتسـوي شي

- هاهيَ بويه لاتخافين سولفي

اطمئنيت وسولفت اله گُلشي من الالف للياء حتى من اجه تقدم الي من جنه زعلانين على بعض و ما كتله حواء تعرف علمود لا يأذيها او شي ولو متأكده مية بالمية ما يأذيها بس هم ما سولفت

- هذه كُله صـاير وأني ما ادري ؟

- ما ردت تعرف وضميت عليك لإن اخاف عليك صدگني حيادر اسئل أمي

- حسابـج وياي فُستق بعـدين وأني هذه اله

- ويين حيادر والله ناسيني الرجال وراح يخطب

- لاتخبلـيني ناسيج وبعد كُل هـاي الوقت يـدزلج مسج كُل عقلـج مصدكة ؟

حرك ايده بخفه وطلع وطلعت وره قبل لا يطلع وكتله :- لا تسوي شي حيادر لخاطري

وراها طـلع بره ضل واكـف ويمه حُسـين ضلو يـسولفون رجعت كعدت بالمطبخ دخـلت عليه أمي وكالت :- ليـش هذه الصياح ؟

- عرف أشهم جان متقدم الي قبل

- منين عـرف وليش ما يـعرف هوَ قابل ؟

- لا يُمه ما يعرف جنه زعلانين بالفتره الي اجه تقدم بيها الرجال وعرف لإن قبل كم يوم دز مسج يباركلي بي

- أشهم يبـاركلج ؟

- اي

سكتت أمي وبعدها سكتت أني شويه ودخل حُسين كعد بالمطبخ وكتله :- وين راح حيدر ؟

حُسين :- عوفـج من حـيدر جنتي على علاقة حُب قـبل وياه ؟

بعدني ممجاوبة سئل سؤال ثاني :- وأشهم أبن الشيخ شنو علاقتة وياج ؟

أمي :- شنو علاقة حُب شنو أشهم حُسين شبيك ؟

حُسين :- يُمه اسكتي أريد اسمع من لسانها هيَ فدوة اروحلج ، اسمعج ريتاجة

ريتاج :- لا علاقة شنو كدامك صار گُلشي تقليدي وأشهم شنو دخله بالنص ؟

حُسين :- ريتاجة خيتي أني مصدكج وثاق بيج وأعرفج شنو گُلش زين وأكثر من نفسي وگُلشي تكولي بالحرف الواحد اصدكة لإن خيتي من اخليها بمُكان وثاق بيها مُستحيل تغلط وتكسر الثقة بالمختصر لإن ثاق بيج
حاليًا سولفي على أشهم شنو يباركلج وشنو هوَ جان يحبج قبل ؟

ريتاج :- اي

حُسين :- ليش ما كتلي ؟

ريتاج :- على شنو اكـول وليـش اكول الرجال أني ما مـنطيتة مجال حُسين

حُسين : وحيدر علاقتج وياه قبل شنو !؟

ريتاج :- داكُلـك تقليدي گُلـشي صار حُسين

حُسين :- تمام

كال تمام وراح دخل للصالة راسي بدا يأذيني صعدت فوك خذت مهدئاتي

....

صار اليل كمت دابدل واكمل خلصت ورحت لآسر وكتله :- كملت

- صعـدي بالسيارة جـاي

صعدت بالسيارة شويه وقفل البيبان واجه صعد حركنة السيارة شويه ووصلنه للبيت وكتله :- تعال أنزل وياي

- شـنو اسوي ؟
- دتعال اوكـف بس هُنا بالـطارمة

دخل بالطرمة وكتله :- اوكف اجيبلك مي

- ما أريـد
- دوكـف

رحت دخلت للمطبخ ماشفت أمي رحت للغُرفة مالتها شفتها كاعده تخيط شافتني وكلتلها :- تعالي على السريع يمه آسر بره

- عـوفي يُمه عوفي مو بالـغصب نراضي الـرجال
- دتعـالي فدوة والله كـوه جبته حـتى لو نحاول

جريتها من ايدها ورحت طلعت بيها بره شافنه وكال :- آيريم راح اطلع

أمي :- ابقـى عندي كلام وياك تـسمعة أهلًا وسهلًا ما تسـمعة هم أهلًا وسهلًا

آسر :- اسمعج

أمي :- بـس أدخُل جـوه واكعد

آسر :- ما اكعد سولفي

أمي :- براحـتك

سكتت شويه وكالت :- البشر ما ضامن عمره لباجر صح غلطت بحقك وهواي وبفتره من الوكت صحيت على نفسي أني وحاولت اصلح الغلط الي غلطتة وياكم صالحت آيريم والحمدُلله بقى أنت عسى ولعلى ترضى اصالحك وأني أريد اصالحك اليوم قبل باجر الله شاهد وتغيرت هواي باوع واكعد وي آيريم واسئلها وكللها شلون تغيرت راح تجاوبك

ضل ساكـت وأمي تحـجي اخر شي كالت :- خلـي نبدي صفحة جـديدة على حُب الله ونـنسى الماضي ولو ما ينـسي والسويتة مو شويه بس شنو بأيدي ان شاء الله اكدر اصـحح الغلط ونبدي من الـبداية ان شاء الله

ضل ساكت و واكف وأمي سكتت بعد وما حجه شي مسح وجه وطلع من الباب باوعت عليه أمي واشرت براسها بأتجاه الباب وكالت :- روحي وره أخوج

ماكلت شي رحت وراه رگض لكيته كاعد ولازم استيرن السيارة رحت صعدت من الجهة الثانية وكال بعصبية :- نزززلي آيريم أريد أرجع

ماحجيـت شي ولا نزلت ضل سـاكت شويه وحرك السـيارة ما أعرف وين راح يـروح شويه ووكفنه كـدام بيته نزل فتح الباب ورجـع صعد دخل السيارة بالـطارمة

ونزل نزلت وراه دخـل المطبخ ودخـلت وراه شرب مي كمـل وكال :- شنووووو تريـده مني آيريم كليلي شنو تريـده أمج بالضبط ؟؟؟

ضليت ساكتة وكال :- الي سوته بييييه شوييييه ؟ ينغفر اله ؟ لااااااا إذا رب العالمين يغفر للتوابين أني ما اغفر إذا رب العالمين يساااامح أني ما اسامح آيريم أني بشششششرر والله بشرررر تيتمت وأني أمي ما حاظنها

تيتمت كلمة يُمه ما كلتها لاحد ضلت بنفسي ما كلتها ما كلتها  تالي عُمري حد ما كبرت وحدي اشتغلت وحدي سندت نفسي بوحدي تجي تكُلي نفتح صفحة جديييييييدة بياااا عين آيريم خيتي ؟؟

- جرب آسر ؟

- اجرررب آيريـم اجرررب شنوو اجرب صدُك داتحجيييين ؟ روحـي ياعيني روحي وخري عـني لا افقد السـيطرة وما أعرف شنو احجي واتصـرف بعد روحـي

طلعت من المطبخ ودخلت الصالة وتمددت لزمت راسي عرفت ضغطي صعد عفته وسمعت صيحه آسر من المطبخ :- هسسسه ؟ ايييييي هسسه تكدرررررر تجييي ؟ خلاااص أني راح اجي

نصـه صوته وضل يحجـي بهدوء عفـته ورحت دخلت لغُرفتي نزعت الشال وتمددت شـويه واجاني فتح باب الغُرفة وكال :- راح اروح لـحيدر احتمال اطول ديري بـالج على نفسج

- ميخالف

حرك راسة وسد الباب وراح وأني غفيت

....

تعشيت وكملت وگبل صعدت فوك اتصلت على حيادر ماكو اي شي منه لا اتصال ولا مسج ولا خبر أيست ونزلت جوه كعدت يمهم جان حُسين يسولف وي أمي :- أريد اتزوج

أمي :- أشـر واخـتار وأني اروح

حُسين :- أُخت صديقي

أمي : مـنو ؟

حُسين :- أُخت آسر

أمي :- على حُـب من شـوكت ؟

حُسين :- من زمان يُمه تخطبيها الي لو اضل بحسرتها ؟

أمي :- صـدُك جذب اخليها بحسـرتك ليش هاهيَ يا يـوم تريد نروح الهم ؟

حُسين :- مو هسه كم يوم اصبريلي وأكُلج لإن حاليا عندها ظرف مشغولة بي

أمي :- هـاهيَ بس انطي خـبر لابوك لو لا ؟

حُسين :- انطي

كمت صعـدت فوك تمـددت وبالي يم حيادر

....

جنت كاعدة بالمطبخ على الميز ودخل حيدر من باب المطبخ بعصبية شافني وماكال شي صعد فوك بس انتبهت على جفوف ايديه مضروبات واثار جروح ودم عليهن طفرت صعدت وراه

دخل غُرفتـة وسد الباب رحـت فتحته شافنـي وكال :- نزلي حواء

- شنو شبيك شنو هذه وضعك ؟
- كلت نزلي

ما حجيـت شي دخـل الغُرفة وكعدت يـمه وكتله :- سولفلي شبيك

- هيج هاي تعاركت وي ولد الشوارع
- منو ؟

- ولد شـوارع يعني لا أعـرفه ولا يـعرفني

- شنو السبب ليش ؟
- بدون ليش ونزلي جوه شويه ويجي صديقي

بعدها ما كلت شي نزلت جوه رحت لأمي سولف وياها شويه ورجعت للصالة اندك الباب طفرت للمطبخ نزل حيدر من الدرج على السريع وايديه ملفوفات ضلو يسولفون شويه بالباب وشويه ودخلو رحت طفرت للصالة أني ما اعرف شكد مر من الوقت

طفـرت للاستقبال حتى اتـسمع عليهم وسمـعت حيدر يكول :- ولد اخ الشيـخ أشهم يصـير اخ أيهم وميثم

- مره كُتلي عليهم ؟
- اي بالضبط همَ ذول

نزل حليم من فوك شافني وهمس :- شنو داتسوين هُنا ؟

- ما أسـوي شي هيج داتسـمع عليهم شوي
- هااا منو ومـنو جوه ؟

- حيدر وصـديقة
- خـوش

دخل يسلم عليهم ضل وقت وطلع جنت كاعدة بالمطبخ اشر عليه اجي رحت اله وكال :- سوالف شباب ليش تتسمعين عليهم ؟

- هيـج فضول شـنوو السالفة قـابل ؟
- حسابي ويـاج بعدين

كال هيج وراح صعد ليفوك وبداخلي كُلت :- هذه شبي ؟

عفتـه ورجعت اتـسمع :- ما اصـالح أني

حيدر :- أبدي صفحة جديدة ومثل ما كالت انسى الماضي واتعايش ويه الوضع

آسر :- ماكـدر أبو الحيـادر أنتَ الوحيد تـعرف شنو سـوت بيه وخلتني اعاني مـنه لهذه عُمـري ما اكدر بـهاي السهولـة اتناسى

حيدر :- الله كريم

ذب تنهيده وسكت تلفوني بأيدي جان اجاني اتصال أريد اسكته ماكو خرب بحظي ركضت دخلت الصاله باوعت الاتصال من رتوج فتحته وجاوبت وكلت :- صخام الصخمني

ريتاج :- ها شـنو شكو شـبيج ؟

حواء :- أنتِ ما تتصلين اله هسه ؟

ريتاج :- شنـو شبييج ؟؟

بعدني ممجاوبه ودخل حيدر وكال :- أنتِ جنتي واكفه يم الباب ؟

حواء :- اي

حيدر :- ومنو اتصل ؟

حواء :- رتـوج

حيدر :- شنو تريد ؟

حواء :- ما أعـرف والله هوَ داريـد افهم يجوز تسئل

ماجاوب ودار وجه وطلع من الصالة :- ولچ الووو وينج ؟

حواء :- هاا

ريتاج :- يا باب وين جنتي أنتِ ؟

سولفت الها گُلشب وكالت :- وأني اشتم ايدي أنتِ داتتسمعين عليهم ؟

حواء : جـان دزيتـي رسـالة

ريتاج :- شمدريني حيادر شلونه ؟ تره زعلان عليه لإن عرف بسالفة أشهم

حواء :- عززه شـلون عرف ولـچ ، ياااا وأني اكـول شبي

ريتاج :- شبي ؟

حواء :- دسـولفي وأني اكُلـج شبي

سولف اليه گُلشي وبالاخير كالت :- شبي حيادر ؟

- مابي شي بس عـصبي
- مـتأكدة ؟
- اي

سلمت وراحت رحت للمطبخ ودخلت للاستقبال مابي احد صعدت فوك لغُرفة حيدر لكيته موجود عفته وردت ارجع لاگاني حليم شافني وكال :- تعالي

رحت اله وكفت يمه لزم اذاني ولواها وكال :- شعندج قبل شويه تتسمعين على الرجال ؟

- واله فضـول شبيك قابل شـمسويه أني
- عيييييب هذه التـصرف

صاح وطلع حيدر من غرفته على صيحته وكال :- شگووو ؟؟

حليم :- مـالك دخل

كال هيج وضربني راشدي على وجهي حسيت بحرا الراشدي وأني متفاجئة من تصرفة گُلش يعني سالفة متسوه أبدًا بس هذه حليم يصنع من الماكو أكو

اجه حـيدر على السريع سحبنـي من ايده وكال :- تخبلـت أنتَ ليش تمد ايدك عليهـا ؟

حليم :- كللها شنو مسوية

حيدر :- شنـو مسوية ؟

حواء :- والله ما سويت شي بس تسمعت عليگم أنتَ وصديقك من جنتو تحجون شنو سويت قابل

حيدر :- وإذا تسـمعت ؟ شنو ماتعـرف بيها حواء فـضولية لو شنو ؟

حليم :- عيب تتسمع على رجال غريب لا يعرفها ولا تعرفة

حيدر اجه جـرني من أيدي ودخلني لغُرفتة وكتلة :- ريـتاجه طلبت مني اتسمع علمـود تتطمن عليـك لإن مدا ترد على اتـصالتها لإن زعلان

حيدر :- اعرفج خيتي

طلعت من الغُرفة دخلت غرفتي وتمددت وغُمضت عيوني

....

صارت الساعة بالوحده اتصل عليه حيادر فتحت خط ذب تنهيدة وكتله :- ليش هيج داتسوي بنفسك ؟

- مُشـتاقلج بويه
- وأني بعد مشـتاقتلك ، شنو سـويت ؟

- ماسويت گُلشي اكدر اسوي گُلشي اكدر بس وكفتي أنتِ بعيني وكف خوفج عليه ، لاتضمين عليه شي بعد فُستق أبدًا لاتضمين عليه

- ميـخالف حبيبي غـلطة بعد وصـارت  وگُلش اعتذر
- هسسس ما بينـه اعتذارات عيـناي

حجينه شويه وسد الاتصال وراح لإن وراه دوام ما اجاني سمعت اغنيتنه شويه واجاني غواش بعُيوني عصرت عيوني حيل ما راح رحت خذت المهدئات خاف هاي اعراض الشقيقة

تمددت وحاولت انام ما اكدر ما أعرف شعور شنو اجاني خنكة على ضوجة قوية ليش ما أعرف رحت فتحت شباك الغُرفة مسحت وجهي وركبتي استنشقت هوه نظيف ورجعت سديت الباب ورجعت تمددت اجتني نغزه لزمت گلبي حيل غمضت عيني وحاولت انام ونمت

....

كعدت الصبُح الساعة بالتسعة دخلت المطبخ لكيت آسر واكف على الطباخ :- صباح الخير

- صـباح النور

رحت غسلت وجهي ورجعت للمطبخ لكيته صاب الريوك والچاي تريكنة كملنه وكمنه غسلت الاماعين وأني داغسل الاماعين دخل آسر يضحك شافني وكال :- سمعي صديقنة المصري

اتصـل على مادري منو فتـح خط وفتح مـكبر صوت وكال :- ها صادق شگد مشتـااااقلك

- لك يسطا واحشني بجد كيفك عامل ايه دكتور حيدر ازيو ؟

- بعدچبـدي كُلنه بخير دانـسئل عليك شنو اخبار الـطب يمك

- تسئلو عليگو العافية واللهي انا كويس في عز الخير داه الطب عاملي مصايب

- والله مـثلي شكني بالنـص

- كيف يعني شكني بالنص بيعني قسمني نصفين ولاه ايه ؟

- ايـوا يـسطا

- ايه المُسطلح داه

- هذه المُسطلـح يمثل كُل عـراقي مسـتلك سلك

- ههههههه ما بيمثل المصريين ؟

- لا ما بيمثل

ضحك وطفه مگبر الصوت وراح للصالة رن تلفوني من حُسين جاوبته وكلت :- الو

- يا بـعد الالو
- حييياتي

- وين أنتِ ؟
- يم آسر

- ما رجـعتي ؟
- لا العـصر نرجع

- تمام سدي الاتصال

سديـت الاتصال ودزلـي :- شلون آسـر يمج وأنتِ داتـسولفين ؟

- عادي يا حبيبي
- مو عادي آيريمات من ترجعون انطيني خبر
- صار

راح كملت ورحت لآسر وكتله :- شوكت نرجع

- وره الغـده
- تمـام

رحت تمددت بغرفتني ونمت كعدت على صياح اسر كمت تغديت وياه وكملت وكال :-  يله كومي بدلي خلي ارجعج

- اوكـي

كمت بدلت وكملت خلصت وصعدت السيارة اجه هوَ صعد وحركنة وقت ووصلنه للبيت نزلت وهوَ هم نزل وراي دخلنه البيت سويه أول ما دخلت البيت كال :- صيحي الي والدتج

- ليـش ؟
- دصـيحي بدون لٰيش

رحت دخلت البيت شفت أمي واكفه بالمطبخ على الطباخ داتطبخ شافتني وكلت :- على السريع آسر بره يصيح الچ

أمي :- هـاا ؟

آيريم :- اي والله يله بسرعة

طلعنه سوه بره جان واكف يم باب المطبخ شافني وشاف أمي وكال :- السلام عليكم

أمي :- وعليكـم الـسلام يُمه

آسر :- أني اعتذر امس طلعت بدون ما اكول شي

بعده ما مكمل وكالت أمي :- لا لا من حقك شنو السالفة عادي

آسر :- خلي اكمل ، اي أني مسـامحج دنيا و اخره يا مره وعن كُل تصرف تصرفتي وياي او وية أُختي وأني ما راضي عليه مسامحج عليهن كُلهن

بعده مامكمل وطاحت عليه أمي حضنته وكالت بدموع :- الحمدُلله الحمدُلله هسه إذا أموت أموت مرتاحة

ضلت تحجي شويه وسكتت وآسر ابد ما بادلها الحضن وهيَ تمسح بشعره وتمسح على ظهره وهوَ ولا يمه أرجع واكول حقه

خلصـت أمي وسلم علينه وبـاس رأسي وراسـها وطلع دخلنه جوه أني وأمي هيَ راحـت للغُرفة وأني صـعدت لغُرفتي أول ما اتـصلت على حُسين رفضه ورجـع دزلي مسج :- رجعتي ؟

- اي حبيبي رجعت

اتـصل عليه جاوبتـه وكال :- مشـتاقلج

- حيياتي أنتَ أني أكثر

سولفنه شويه وسولفتله على آسر وشويه وراح وأني رحت حضرت ملابسي لإن باجر دوام حضرت جنطتي ونزلت يم أمي سولفت شويه واجه أبوي سلم ودخل گبل رحت صعدت فوك تمددت ونمت

....

كعـدت ثاني يوم الصبُح شويـه حالتي زينه ردت اكوم اجاني اتصـال من حيادر جاوبته وكـال :- اليوم راح اجي علمود نطلع

- ودوامك حبيبي ؟
- ما عدي اليوم دوام
- تمام يا عيني

سديته منه ونزلت جوه مر الوقت صارالعصر اجه حيادر سلمت عليه وانتبهت على ايديه بيهن لاسقات جروح انتبه عليه وكال :- لايضل بالج هاي هيج جروح بسيطة

- شنو سببـها ؟
- ولا شـي

- حييادر !!
- ولا شـي حبيبي بعديـن اكُلج

ئفئفت وصعدت فوك ابدل هوَ ضل يسولف وي حُسين كملت ونزلت صعدت بالسيارة وطلعنه طول الطريق ساكت جان مشغل أُغنية مجنوني بس منصي الصوت اخر شي كال :- بعد شهر ونص لعرسنة فُستقة

أبتسمت وكتله :- ياريـت يخلص هذه الـشهر والنص بـسرعة

-  ياريت بوية ياريت

ضحكنـه ونزل كبال محل ورود بـاوعلي وكال :- ابقي هُنا بـس اجيب البوكـية واجـي

- أوووي حيياتي ، كامل ؟
- اي قبل لا نطلع اتصلت عليهم يجهزو
- تمام عشقي

أبتـسم وراح ضليت انتظر وقـت واجه حيادر صـعدت السيارة وقدم الي البوكيـه وكال :- عشـر وردات لعُـيونج

- أحبك حيادري

صـعد اخذ ايدي باسـاها من داخلها ومن خـارجها وكال :- گُلـشي لاتضمين عليه بعـد ريتـاجة

- صار حيادر من عيني والله

سكت خـذت أيده بستها وبسـت الجروح وكتله :- شنـو سببهن ؟

- هيج ، أني سببهن
- شلون أنتَ سببهن يعني أنتَ أذيت نفسك ؟

- اي
- لييش منـو يستـاهل ؟؟

- أكو من يستاهل بويه
- كلامك كُله الغاز صاير ؟

- شنوو اللغـز ريتاجه ؟
- غير تكُلي شنـو هاي الجـروح وليش ؟

- كُتلج أني سببهن
- اي غير أعرف على شنو ؟

- مـاكو شي
- متـأكد ؟

- اي
- براحتك

ما اقتنـعت وغلست شويـه ووكفنه كدام مـطعم دخـلنه اكلنه حلويات وطلعنه صعدنة السيـارة مشينه شـويه وكتله :- حبيبي حـيادر

- عيناي
- شنو كلت بخصوص موضوع كتابة روايتنة ؟

- حبيبتي عـوفي هاي الـسالفة
- لـيش يا روحـي ؟

- راح تعبج هيج
- لا يا روحي أكيد مو أني الاكتبها اسلمها عند كاتبة

- عند كاتـبة ؟
- اي ليـش بيهـا شي ؟

- أفكر وارجعلج جواب حبيبتي
- تمام عُيوني على راحتك

حسيت حيادر رافض أنُ نكتب روايتنة ودايطلع حجه بس علمود يرفض بس أني مُصممه ونكتبها ان شاء الله وقت ووصلنه للبيت نزلني بالبيت ورجع هوَ دخلت سلمت عليهم

وصـعدت فوك لكيت اتصـال من آيريم بدلت وكـملت واتصلت عليها جاوبت وسلـمت وكالت :- شبي حُسـين ريتاج ؟

- شبي ؟

- ما أعـرف هوَ أني داسـئلج شبي نبره صـوتة متغيرة وياي وأعرفه إذا يضـوج من شي لو يـتنرفز تتغير نبره صـوته وياي فدوة صـاير شي ؟

سكتت أريد اتذكر شنو شبي حُسين وتذكرت من تحاجه وياي وكتلها :- لا ماكو شي لا يضل بالج بس تحاجينه أني وياه شويه

- بـس ؟ عليج الله مو غيـر شي ؟
- اي والله وداعتـج حبيبتي

- تمـام أعتذر اتصلت عليـج بس ضل بالي يمه
- لا شنو السالفة يمـعودة

سلمت وراحت مرت الايام واجه شهر رمضان بيوم جنت كاعدة داتصفح على الانستكرام دخلت لكاتبه اسمها اساور احمد حجيت كم كلمة وياها بخصوص الرواية ونهينك المُحادثة لإن بعدني ما ماخذة الموافقة من حيادر

جنت كاعـدة داحضر للـسحور اتصلت عليه جـاوبني وكال :- ها عيـناي 
- مشـتاقتلك حييادري

- يا شُغاف گلبة
- حياتي راح اسلم روايتي لكاتبة

- شـنو لكـاتبة ؟
- اي

- لا فُستقه
- ليش حيادر ؟

- بـدون ليش أساسًا هيَ شبيهـا حياتنا علمود نـكتب روايتنة بوية الروايات تنكـتب اله إذا أحداث قوية موجـودة

- هواي بيها والله هواي اشياء راح يتعلمون منها الناس مو شيء واحد ولا أثنين

- أنتِ اكتبـها
- أنـي ؟

- لا لا عوفيها خاف تتعبين والكتابة تتعبج وتعب نضرج حبيبتي

- لا عـادي حيادر ما تتـعبني صدگني

بعد اخذ وعطاه منه كوه قبل وقنعته وكال :- فُستق بس شلون راح تبدين بهذه المجال وانتِ ما تعرفين اله

- ان شـاء الله اكدرله
- بس روايتنـة تنكـتب ؟

- اي أكيد حبيبي قابل أني كاتبة واكتب روايات بعد

- عفيـة بس شلون تسـردين أني نهار كُله بالـدوام
- بعديـن نرتبـها هاي ان شـاء الله

سولفنه شويه واتناقشنه على اسم الرواية واختارينه أسم وراح مرن كم يوم واني احاول اتذكر الماضي كُله علمود اسرد واتصل على حيادر علمود ينطيني الاحداث اخر شي رتبت البارت ونشرتة

شويه وراحـت مر اليوم اجه الـسحور نزلت احضر تسحرنة وكملنة وأذن الأذان توضـيت وصعدت فوك صـليت وكملت واتصـل عليه حيادر كاميرا شـافني وكال :- داتصـلين لو كـملتي ؟

- لا كملت
- قريتي قرآن ؟

- لا بعـدني

- يله أني بعد الي جزء خلي نقره سوه
- يله يا عُيوني

ضلينـة نقره سوه كملنـة وسد الاتصـال ودزيت اله :- شگد راحـح من دانقره سوه

- شوفي أنتِ الراحة والاطمئنان بحد ذاتة محظوظ بيج أني

- الله يديـمك الي

نهينه الاتصال ونمنه مر كم يوم نفس الروتين جنت كاعده الظهر واتصل عليه حيادر وكال :- العصر راح اطلع للمحلات اشتري كم حاجة وأجي انطيج فلوس التجهيزات

- أوووي يا روحـي
- قُره عـيني

عفت التلفون مر الوقت واندك الباب كام حُسين يفتح جنت كاعدة بالصالة ودخل حيادر سلمنة  ضلو يسولفون بالتجهيزات كمت أني صعدت لغرفتي عدلت شعري ونزلت وأني نازلة شفت حيادر بباب الاستقبال شافني واشر براسه اجي

دخـل للاستقبال رحـت دخلت وراه بـحركة سريعة سد الـباب وحضـني بادلتة الحضـن وكـال :- هنيالي بيـج والله 

راد يحضني مره ثانية وتذكرت احنه صيام بعدته وكلت :- تره صيييام احنه ؟

- وإذا ؟
- حـرام يفطر الحـضن

- لا بويه ما يفطر

- منـو كلك عيني ما يفـطر ؟
- أني أعـرف الحـضن مايفطر

سكتت وحضني وقت وبعدنه وكعدنه وكال :- راح اتعب هذه الشهر هواي بس علمودج لإن أني حاربت حاربت ما ابقى احارب شهر ؟

- أني مـعركة ؟
- اي أنتِ معـركتي الي انتصـرت بيها

كال هيج وعيوني دمعت شال ايديه مسح عُيوني وكال :- هُيامي أنتِ ، تدرين وين بيتنه راح يصير ؟

- ويـن ؟

- تتذكرين من خذتح لبيت وكتلج خلي نصير اصدقاء وعفنه حواء بالسيارة وأني قفلت عليها السيارة تتذكرين هذاك البيت ؟

- اي اتـذكرة هوَ ؟
- اي بـويه هوَ

سحب تنهيدة وكال :- راح نشيب بي سوه راح اطفالنة يكبرون بي كدامنة ان شاء الله

من جـاب طاري الاطفـال ضجت واتـذكرت يُمكن ما اصير ام بحياتي انتبه عليه وكال :- شبيـج ريـتاجة ؟

- ما بيه شي حيادر

- مقدر توتـرج هسه عادي فُستٰق هاي سُنه الحيـاه وهذه مصير كُل مره وره الزواج راح يخـتلف گُلشي راح ازيد باهتـمامي الچ راح اخلق الچ الـسعادة إذا ما موجـودة راح اعوضـج عن كُل تعب داتتعبيـنه صدگيني ما راح اخلي شي بنفـسج راح اعالجج اني گُلشي ترديـنه اسوي الچ گُلشي

كمل وخذت ايدي بستهم حضني وضل يمسح على شعري وكتله :- حيادر

- يا روحـه ويا كُل جـزيئة بي
- أحبـك
- تامـور گلبي

ضحكنة وطلعنة من الصالة دخلنه المطبخ عرفتهم راح يبقون على الفطور وأمي كايلتلهم ابقو فرحت وكمت احضر الفطور اجت حواء حضرت وياي كملنه وصبينه سفره بالصالة لإن الميز مايكفي التمينه وفطرنة خلصنة وشلنه الاماعين أني حواء

مر الوقت كملنه ورجعو لبيتهم مر كم يوم جنت باليل كاعدة تقريبًا الساعة بالاربعه توني غسلت اماعين السحور وصعدت حسيت الدنيا غوشت بعيني
مسحت وجهي بأيدي عصرت عُيوني بعدهن رحت شربت العلاج وتمددت

خذت التلفون اتصلت على حيادر ما جاوب عفته نزلت غسلت وصعدت لكيته دايرن تلفوني خذته ورديت اجاني صوته بخوف وكال :- شبيج فساتق صاير شي ؟

- حيـادر عُييوني
- شبيهن يا عـيني أنتِ ؟

- ما أعـرف حيـادر مغـوشات
- ماخـذع عـلاجج ؟

- بـس المُهدئـات
- فتحي كاميـرا حبيبي

فتحت كاميرا كوه وكال :- روحي لمچر الأدوية

سويـت مثل ما كال شافهن وكال :- ماخـذه مال قلب ؟

- لا مخلص
- صدُك تحجين غير تجيبين قبل لا يخلص ؟

ما جاوبـتة يعرفني ما أحب أحد يـلومني على شي وكال :- تمـام أني باجر اجي واجيبـلج ، المُهم سمعـيني هسه

- اسمعك
- مشغلة مروحة ؟

- لا
- تمام تمددي وعوفي التلفون بأيدج

سويـت مثل ما كال بالضـبط وكال :- عفيه هسه ضـلي رمشي برمشات متتالية سـريعة

ضليت ارمش عفت التلفون على صفحه وكال :- لاتسدي بويه نامي اني اسده

سكتت بعد وما أعرف شلون نمت كعدت الصبُحح حالتي زينه خذت التلفون باوعت على الساعة بالتسعة ونص فتحته شفت الاتصال باقي ثلاث ساعات ومسجات ساعة بالسبعة :- طالع حبيبتي طمنيني عليج أني أول ما يخلص الدوام راح اجي

- بالسلامة الحمدُلله صرت زينه حبيبي ، منو ومنو راح يجي ؟

نزلـت جوه واجاني مسج منه كاتب :- بـس أني اشوف وجـهج الحلو واجيبلج العلاج واجـي

- أوي أوي أوي

ضحكت ونزلت جوه مر اليوم عادي اجه الليل واجه حيادر جنت بالمطبخ رحت قدمت اله مي جان كاعد بصف حُسين وكال :- تسلم هاي الايد بويه

كال هيج ورجـع كال :-شلون صـرتي بالي يمـج ؟

- الحمدُلله حيادر

أبتسـم وأني هم أبتسمت ورجـعت للمطبخ واخذتني الصـفنة باول مره من انطيـته مي هم كال هاي الـجملة الله شكد حلوج جـانت بدايتنه بس جنت رافضتـه أني الله لو جنت مـتعرفة عليه من زمـان ولو مو شويه من تعارفنة لهسه هم صـارلنا كم سنه ان شاء لله الله يـحفظة من كُل شر

مر الوقت وصعدت لغُرفتي شويه ونزلت لكيته كاعد وحده بالصالة والتلفون بأيده رحت كعدت بصفه عاف التلفون وانطاني علاگه العلاج ولزم ايدي وكال :- تشربي على الوقت

سكت وكـال :- لا ليش شو انطيـني تلفونج أنتِ تنـسين

انطيتـة اله وشويه ورجـعج الي وكال :- وقتت الچ التـلفون على العلاج ضبـط وره الفطور ووره السـحور ومايصير على مُعده فارغـة

خذت العلاج وخليته على صفحه وخذت ايديه وبستهم وباوعتله وكتله :- أنتَ علاج أني شنو اسوي بالعلاج شوفتك يا حبيبي هيَ العلاج

وغمـزت اله ضحك وحـضني وباس شـعري وكال :- اروح فدوات الچ

- أحبك
- هايم بيچ

ووقـت وراد يكوم وكال :- ديـري بالج على نفـسج راح التهي بالدوام هاي الأيام وأنـتِ التهي بالتجهـيزات وإذا احتـاجيتي اي شي وإذا فلوسـج ما كفن كُليـلي

- لا شنو السالفة الي نطيتج الي هواي وما مقصر والله

- ما أعـرف دائمًا احـس مقصر وياج أني احـس الي داقدمة الچ واسوي علـمودج قليل أني ما أريـد اقصر وياج لو بگـد حبه التمن يا فُستق

- بس وجودك بحياتي گُلش كافي

- حـبيبتي أنتِ

ودعني وراح طلع بره يم حُسين رجعت أني يم أمي سولف شويه وياه صعدت فوك مر أسبوع بدينه بتحضيرات العرس وأني منا مشغولة داكتب روايتنة وانزلها للبنات ومنا حيادر الي مداشوفة ومدايلحك يجي ولا دالحك اخذ منه الأحداث

بيوم جنـه كاعدين الظـهر وكال حُسـين :- وره عـرس ريتاجة ان شـاء الله اخذكـم واروح للمرة

هلهلت أمي من كال حُسين هيج وأني هم :- لك كفوووو هيج أريد هلاهل بالعرس هيج

أبوي :- جنـك على هلاهل ريتـاجة عدها هلهـوله اله تطفر الـعالم

ريتاج :- شبيها هلهولتي غير تخبل

حُسين :- يا تخبـل وره ما خلصـتي هلهوله تره اذنـي كامت تون عليه صدُك تحجـين

مر الوقت صار العصر طلعنه اشترينه حاجاتنه البقت ورجعنه صعدنه سيارة حُسين وكالت أمي :- ليش ما خليتي الغراض بصندوق السيارة

- لا ما يضـايقني هنَ مو هـواي

مر اليوم ورجعنة لليل اتصل عليه حيادر جاوبته وكال :- هم داتحسين فرق على العلاج الجديد ؟

- اي شـويه هوَ زين العـلاج ؟
- اي جدا

....
- تسريع الاحداث -

اجه اليوم المُنتظر من سنين طويله كملت كُل تجهيزاتي بهاي الفتره والجنط والجهاز كُله كملته صبغت شعري حجزنه قاعه يوم واحد وحجزنه فندق وحجزنه صالون ورحنه تدربنه على الركص سلو بالقاعة وسويت

اظـافري اكريلك لإن جـانت جايه الشـهرية واستغليتها مالتي بس ماكلت لحيادر عفـتها لوقتها اكُله حجـزنا قاعة حجزنا صالون وحجزنا الفندق باجر عيد جنـت نايمة العصر كـعدت على هوسه جـوه نزلت غسلـت ورحت للـصالة

لكيت خالاتي سلمت عليهن ضلت يسولفن وياي مر الوقت فطرنة اجه الليل فرشت الهم وكالت خالتي :- اي ريتاجة رمضان الجاي أنتِ مو هُناااا يم رجلج

ريتاج :- هههههه هسه ابـجي والله

حضنتني أمي ومسحت على شعري وباسته وكالت :- مُطمئنه وكامل الاطمئنان هيَ بأيادي راح يخافون عليها إذا وكعت منها شعرة وحدة لو انكسر اظفرها راح يكعدون ويكابلوها

دمـعت عُيوني ضحكنه شـويه ومر الوقت وصـعدت فوك سبحت وطلعت تمددت ونمـت كعدت الصبُح الـساعة بالسبعة نزلـت سويت ريوك وتريكت على الـسريع كعد حُسين وكعـدت أمي غسلت وكالت :- صـعدي حضري نفسج على ما نتـريك ونكمل

- صار
- يله يا روحي

صعدت بدلت وكملت على السريع خذت الغراض الي احتاجهم بالصالون كملت ونزلت ليكت أمي مبدله ومكمله وحُسين هم شافنه وكال :- يله يله للسيارة

رحـنه طلعنة وصعـدنة مر وقت ووصـلنة للصالون دخلـنه وكالت أمي :- أني أرجـع وي حُسين إذا حـتاجيتي شي اتصلي ومن تبـدي بشعرج الماكيرا اتصـلي علـيه واكل وصي لاتضلين جـوعانة

- ميخالف يُمه صار

باستني وطلعت من الصالون ضليت منتظره دوري مر الوقت ومكياج كملت والبدله لبستها جانت دلعة من كدام وبيها فتحات من الصفحهات تبين الخصر ولونها على مشمشي

وغده تغـديت بقى بس شعري اتـصلت على أمي وكال جايين بالطريق وقت وصاحتلي المـاكيرا رحت كعـدت على الكُرسي بدت تشتغل بشعري وأني اسرد بالبـارت شويه وكالتلي :- عيـني شنو داتسوين ؟

- داسرد رواية

- روايتـج أنتِ ؟ شنو أحـداثها او انطيني اسمـها اقراها ، الواتباد هذه الي بي قُصص لونـه البـرتقالي ؟

- اي
- اي اعرف اله

ضـلت تحجي ويـاي وأني عفت التلفـون انطيتها الاسم وكالت :- يعني هسه أني داسـوي شعر بطـلة واتباد ؟

- نكدر نكول هيج هههههه

أمي :- ريـتاجة راح يجون يحـنون اتصلو علينه وكـالو من تجي من
الصالـون انطونه خبـر راح نجي

ريتاج :- مو كالو ما نجي ؟

أمي :- والله ما أعـرف ريـتاجة المُهم ماخذه عـلاجج ، دكتور حيدر مناك ويوصي علـيج خلي تشرب علاجـها وخلي تشرب عـلاجها

ريتاج :- ههههه اي اخذته يُمه

كملت ورحت لأمي :- الف ايه فلق عليج يا روحتي يا وحيدتي

كالت هيـج ونزلت دموعـها وكلت الها :- ياااا يُمه تـردين تبجيني

أمي :- لا يا عيون أمج لاتبجين يومج هذه افرحي خذتي حُب عُمرج مهناية وشايفه كُل الخير

حضنتها وبسـت راسها اتصل عليـنه حُسين سديتاه وحضـرنه غراضنه وردنه نطلع هلهـلن البنات الي بالصـالون وطلعنه صعدنه سياره حُسين وكـال :- الف مبروك خيتـي شايفة كُل الخير حـياه سعيدة

ريتاج :- الله يبارك بيك يوم الالك ان شاء الله واشوفك احلى عريس

حُسين :- آمييييييييين

وصلنه للبيت دخلت وهلهلن كعدت بالكوشة اجن بنات سلمن عليه شويه واجت آيريم حضنتني وبوستني وكالت :- لچ حبيبي شايفة كُل الخير يا رب

ريتاج :- عُمري آيريـمات ، يوم الالج ان شـاء الله

كتلها هيج وغمزت الها ضحكت وكعدت بصفي وكالت :- الله يسمع منج بعد روحي طالعة گُلش حلوة

ريتاج :- حييييييياتي وي مـنو اجيتـي ؟

آيريم :- آسر جابني هُنا وراح

ريتاج :- هُنـاك يم الولـد ؟

آيريم :- اي للحنة باجر بقاعة صح ؟

ريتاج :- اي حـبيبتي

آيريم :- ومناك للفندق

ريتاج :- اي

آيريم :-الله يخليكم لبعض يارب

ريتاج :- حبيبي أنتِ

شويه وكامت مر الوقت اجت السيارات هوسو بالباب شويه ودخل حيادر من دخل هلهلن اجه كعد بصفي خذت كم صور حواء وانتبهت عليها طالعه تجنن حناني وباس ايديه وطشن الجُكليت فوك روسنة وكال :- بالكم لاتتأذة

أبتسمـت وضلو وقت شويه علـما وزعو الكيك والعـصير وركصن شويه وهوسن خـذت حواء تلفوني وكامـت تصور مر وقت كامو واجت حواء على السريع انطـتني التلفون باستني وباركـتلي وكالت :- باجر اعوضج رتوج بالصـور وطالعة تخبلين ولچ

- عوفي الصور ليش ما طولتو ؟
- الضباط والعساكر راح يجون هُناك يمهم ويكملون الحفلة

- ها مـاشي

- يله بيباي أحبچ هوواي مرت الكفو
- يا روحي

طلعـت وراحو ضلينه البنـات كملنه حفلته ضلـينه للعشرة ونص عشينه المعـازيم وتعشيت وكمت بـدلت البدلة ولبـست كلابيه گُلش حلوه بسيطه ونـازكة

اشتاقيت لحيادر فجأة واريد اتصل عليه بس أكيد بعدهم بالحفلة اصدقاءة هسه جايين واصدقاء أبو صعدت لغرفتي خذت علاجي ونزلت يمهن لكيتهن يسولفن كعدت سولفت وياهن واتصل عليه حيادر

رحـت صعدت فوك جـاوبته وكلت :- ها حبيبي

- ها يا قُره عيني شطالعة اليوم اعجوبتي شطالعح شنو هذه الجمال ؟

- أكيد مو بـجمالك يا حبيبي أنتَ وقاطـك الاسود الفـاحم

- بس ما اوصل ذره من جمالج

- وعُيـونك الـحلوة هاي ؟

- مثل حلاتج يا بويه

سولفنه شويه وكال :- كلتي ؟

- اي حـبيبي

- يله نامي زين باجر تعب وراج وطريق الفندق شويه طويل

- ليـش يا فنـدق ؟

- البارون الي بكربلاء

- والله ؟

- وداعتج شُغافي

- والزفـة تـروح ويانة لكـربلاء ؟

- لا الزفة ترجع قبل لا نطلع من بغداد وبس سيارتنة وسياره وحدة ويانه تروح ويانه لكربلاء

- مـضبط گُلـشي

- اي بويه شلون لعد

- تمـام عُيـوني تصبح على خـير حبيبي

- أنتِ خيري

- أحـبك

- هايم بيج

كال هيـج وراح وأني وقـتت التلفون ونمـت كعدت على أمي تكـعد بيه :- كوومي ما ضـل وقـت

- بس شويه
- ماكو شويه كومي
- صار

كمـت ونزلت غـسلت ورحت للمطبخ لـكيت الريوك على المـيز وحُسين دايـترك شافني وكال :- تـعالي تريكي على الـسريع أريد اوصلج وارجـع من وقـت

حركت راسي بمعنى اي وتريكت وكملت وغسلت الاماعين وصعدت فوك بدلت ونزلت شافني حُسين وكال :- يله ليش هذه التأخير قابل عروس

ضحكـت وكتله :- لعد شـنو بله ؟

حُسين :- امشي

حسيـت بي ضايج صعـدت السيارة ودمـعت عُيوني عليه وأني اتـذكر گُلشي وياه حادثنـه السـويناه حبيبته القديـمة وسلون جان يفـضفض الي كُل ما يضـوج وتذكرت گُلشي ويه أمي وأبـوي وراح اروح عنـهم

خلص الطريق وأني دافكر وصلنه ونزلنه كدام الصالون وكتله :- حساني تندل طريق القاعة ؟

حُسين :- اي حـيدر دزلي location

ريتاج :- ها تمام

كلت هيج ودخلت الصالون دخلت أمي وياي وكالت :- راح اطلع اجيبلج الاكل

- خـاف مستـعجلة ؟
- لا ما ارجـع اليوم هوَ بالقاعـة وصيت خالاتـج على البيت

- تمام خلي فد شوي لعد قبل المكياج
- صار

- أحـبچ
- رويحتي

مر الوقت كملنة گُلشي ولبست البدلة مالتي وأمي ساعدتني جانت گُلش بسيطة ومثل ما رسمتها عليه طلعت گُلشي وأني اجرت فستان ثاني لونه احمر علمود الصور الي حتصير بالقاعة وعلى اساس حنه وهُناك ابدل بي وارجع على البدله

كملنة شـعري وكمت اتـصل عليه حُسين جـاوبته وكال :- كمـلتو ؟

- اي تعال
- هوَ بالطريق
- تمام

سديتة وكمت أمي بين ما كملو شعري بدلت ومكيجت واجت عطرتني أمي وكالت :- گُلش حلوه ريتاجة خاف تنحسدين يا يُمه

- عُمممري

حضنتها وكلت :- ان شاء الله ما انحسد

- راح اضـل اقره واسـمي عـلى وجهج علما يـزفوج
- فـدوة الچ يا روحـي

مر الوقت واجه حُسين طلعنة من الصالون وصعدنة السيارة وگبل للقاعة شغل اغاني حُسين وكال :- شوكت زفتي اي مو راح يطلع شيب براسي وبعدني ممعرس

أمي :- ان شـاء الله يووم الالك بـس سوق واسكت لاتسـويلنة حادث بهـذه اليوم

حُسين :- أول شي آمييييين ثاني شي شي شنو كالولج عليه ؟

أمي :- حُسـين يُمـه الي لادغتـة حيه يخاف من جـرة الحبل

كالت هيج أمي وسكت حُسين بعد ضحكنة أني وأمي وشويه ووصلنة للقاعة نزلت أمي كدامي فتحت الباب ونزلتني ونزلت بدلتي دخلت جوه وكعدت بالكوشة مال القاعة علما يجون مر الوقت اجن خالاتي والبنات

باركلي وراحـن كعدن وقـت ودخل حـيادر من مُكان الدخـولية لازم المسكة مالتي كـعد بصفي وبـاس رأسي وكال :- الف مـبروك النه شطالعة اليوم ربي صـبرك من صبر يعقوب انـطيني

- هههههه يا روحي

ضـحك وضلينه شويه كاعـدين وكتله :- هاي شطـالع أنتَ ؟

- أنتِ كسرتي عليه بجمالج فُستقه
- حبيبي شو كوم خلي اصورك

كام وكـف صورتة وكـملتة وكال :- وين حـواء خلي تجي تـصور

- اتصل عليها
- دقيقة

اتصـل عليها واجت باسـتني وكتلها :- يوم الالچ يـارب

حواء :- احم يا گلبي

كالـت هيج واخذ تلـفوني وصورتنه طـلعو اغاني حيادر كـام يغنيلي وحواء تصور بيـنه مر الوقت واشوف آيريـم جايه بأتجاهي وصـلت يمي بوستني وكالـت :- طالعة تخبليييييين

ريتاج :- حبيبي

باوعـت الي حواء ما فاهمـة وكتلها :- حواء هـاي آيريم صديقـتي تصير أُخت صـديق حيدر آيريم هاي حـواء أُخت حـيدر

آيريم :- عُمري تشرفت

حواء :- حـبيبي

ضلن يصورني طلعو أُغنية اليسا وكمنة علمود نركص سلو دانركص وكالي :- اللحظة الي انتظرها من ست سنوات

ريتاج :- والي صبرنـة عليها سـوه

سكت وضليت اغني اله وي اليسا خلصت الأُغنية ورجعنة كعدنه شويه والبنات اجني وكالن :- تعالي

ريتاج :- ويـن ؟

حواء :- هُنا على صفحة عدنة مفاجأة الچ

ريتاج :- شنـو هيَ ؟

حواء : المفاجاة ما تنكال

كالت هيـج واجت سحبت ايـدي واجني ورايه ودنـي للمُكان جنت بي أثنين نسوان وحـده بأيدها طـبل عرفتها ملا مـال اعراس :- اححححلى مفاجاة ، فكرة منـو ؟

حواء :- احنة وأمج

كالـن هيج والملا بـدت تهوس وتدُك عـلى الطبل ركـصت وياهن وركصني وحواء تصـور بيه والملا تهوس وكُل شـويه ماسحة على بـدلتي من الحسد ما أعـرف شنو

ضلت تهوس ونركص تعبنه اخر شي وكالت البنات :- يله نبدل لبس الحنة ؟

حواء :- يـله

ريتاج :- تبدلن وياي ؟

حواء :- اي

ريتاج :- شـنو تلبسـن ؟

حواء :- هسه راح تشوفين

رحت بـدلت ولبست الفستان الاحمـر وطلعت كعدت على الكوشـة أمي جابت تحضيرات الحـنة وكلت الها :- ليش هم اكو تـحضيرات الحنة ؟

أمي :- والله ما اعرف على اساس بس تبديل وبس

ريتاج :- اهو ، يلـه عـادي

ضحكت واجن البنات كُلهن لابسات لون احمر وياي هلهلت حواء وبدت تصور حيادر رجع دخلت ورجع حناني من جديد بس علمود التصوير كملنه سوالف الحنة ورجعت بدلت البدلة مال العرس لإن باقي وقت قليل

وتطلـع الزفة ونخبصت خبـص رجعو شغلو أُغنيـة اليسا هاي المـره وكفت واجه حـيادر كعد على ركبتـة ونقل الحلـقة من الايد اليمنى للـيسرة كمنه كعدنه شـويه وكمت وكفت من شفـت أبوي دايجي هوَ وأمي عـلمود يودعوني ومنا شـغلو أُغنيـة شبه حزيـنة

اجه بابا باسني من راسي بجيت أني مسح دمعتي بأيده وكال لحيدر :- دللها يا حيدره هاي وحيدتي

خله حـيادر ايده على صـدرة وكال :- صار ببطـن عيني اخليها

أبوي :- سالمة

اخـذ أيدي حيدر ومـشينه علمود نطلع من الـقاعة طلعنة الهلاهل علگت والچُكليت وكـفنه بره والطلق ما أعـرف منين يجي لإن ما اكـدر ارفع راسي من البرنص صعـدت السيارة وصعد هوَ هـم انطلقـن سيارات الزفـة وحيادر

شغل أُغنيـة وبده يغني طلعت التلفون ضليت اصور خلصت الطريق بالتصوير مر الوقت وصلنه حدود بغداد نزلو هوسو الولد وبدو يركصون نزلو حيادر ضلو يهوسون وقت ونزلو صعدو السيارات رجعو الباقين

وبس سـيارة حواء وأمها وأمي وآيريـم اجن مر الوقت وصـلنه للفندق نزلونه گبال الفنـدق ونزلن البنات وراي دخـلنة وصعدنة للغُرف والبدلة مالتي مسحت الفندق من كـد ما طويلة من وراه وبيها ذيـل

صعدنه فوك دخلنة الغُرف وبس حواء ويانه اجت والبقية رجعن وكالت :- يله اهم شي حواء المصورة

ريتاج :- طبـعًا

كوه طلعت من الغُرفة حواء انطيتها تلفوني وراحت للغُرفة الثانية لإن حاجزين غُرفتين وره ثواني اجه العشه جان همبركر وفنكر وهيج وكالي حيادر :- تعشي بويه تعشي زييين

عرفـت مقصـدة وأني ضامة علـيه الشهرية مالتي قريـت سوره لأُم البنين تسهيل أمـر لإن خايفة تعشيـنه وصورت للبنـات من تلفون حيٰدر خلصنه العشـه وكال :- تـعشيتي زين ؟

- اي مو كدامك
- ضايجة من شي ؟

- هاا ، لا گُلشـي ما بيـه

- متأكدة ؟
- اي حيادر

كمـت وكفت وهوَ هم وكف اجه تقدم علمود يحضنـي دفعته أستغرب من تـصرفي وضل واكـف بمُكانة وقت يله نطـق وكال

- ريتاچ !!

....
يتبع ⬅️ - البارت الثامن والاربعين والاخير -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.