رواية حيادر الراء . الفصل السابع وأربعون 47 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

فتحته وقريت :- اتمنى الچ كُل الخير وان شاء الله تنسعدين بحياتج ويه دكتور حيدر أني سمعت قبل كم يوم ونسيت أبارك الچ طبعًا الحياه قسمة ونصيب وأني مو من نصيبج ولا أنتِ من نصيبي وقسمتي جنت اتمنى

تصيرين زوجتي حبيتچ حُب وأني بعيد عنج حبيتج حُب عقلاني بس الحمدُلله كدرت اتخلص من هذه الحُب حاليًا وان شاء الله عن قريب راح اخطب ولو أنتِ مالج علاقة على كلاً بالعافية وبالخير حياه سعيدة

عرفتـة هذه أشهم الي تـقدملي مره غـلست على الـمسج وقفلت التلفون ونمت كـعدت الصبُح السـاعة بالتسـعة نزلت مر اليـوم عادي الى ان بالـيل كاعدة بالصاله اتـصل عليه وكال :- فُستق حبيبي مـسحي الصور الـناشرتهم

- ليش يا عيني ؟
- شُغافي ما أريد اكُلج بدون ليش
- صار حبيبي صار

رحـت مسحت الفـيديو ودزيتلة :- يدلل علـينة أبو الحـيادر

- يا بعد عُيوني لا فُستق

....

جنـت كاعدة بالمطـبخ وحيدر بصفـي دك تلفونة رفـعة وجاوب وكال :- ها آسر اليوم الفـجر تطلع ؟ هاهيَ ان شـاء الله لا ماعندي شـي الله وياك

سد الاتصال وكتله :- وين راح تروحون ؟

- للنجـف
- هممم شنـو تسوون ؟

- يزور ويـروح لقبر والدتـة
- ها الله يـرحمها

....

جنت كاعدة ودزيت لحيادر :- مشتاقتلك عينيييي

- أنـي اضعـاف بويه

دزها الي واتصل وكال :- اليوم الفجر راح اطلع للنجف وي آسر

- وره الصـلاة ؟
- اي
- تمـام حبيبي

راح ورحت نزلت جوه شربت مي وخذت العلاج وصعدت لفوك تمددت ونمت

....

كعـدت على آذان الفـجر نزلت توضيـت وصعـدت رحت لغُرفة حيـدر دكيت الباب وكـلت :- كووم حـيدر راح يروح الـوكت

شويه وكال :- كاعد خيتي

- يله كـوم راح يروح الـوقت عليك

حرك راسه بمعنى اي وكام نزل نزلت وراه توضى وصعد ضليت بالمطبخ تقريبًا نص ساعة واندك الباب البره نزل حيدر على السريع وكالي :- حواء خويه كلاص مي وخلي شال على راسج

- صـار

رحت صعدت ليفوك خذت شال وخليته على راسي ونزلت حضرت مي شويه ودخلو آسر وحيدر من باب المطبخ باوعت عليه لابس زي عربي گُلش حلو أستغفرت وباوع عليه آسر ووقت وكال :- السلام عليكم

رديـت السلام وأني مـدنكة وكلت :- وعليـكم السلام

قدمت اله كلاص المي ورجعت على السريع وأني جسمي دايرجف وكال :- انتظرني بره لو بالصالة بس اكمل واجيك ما اطول

آسر :- مـو تطـول

حيدر :- لا

كال هيـج وراح صعد حـيدر ضل آسر واكـف بالباب باوع علـيه وتشجعت وكتله :- محـتاج شي ؟

- لا يا عيني أريدج سالمة

أبتسـمت وراح طلع بـره وأني رحت دخـلت للصالة شويه وصارت حركة بالمطـبخ عرفت حيدر نـزل رحت دخلت شـفتهم ديطلعون طلعو وسديت البـاب وراهم باوعت الـهم من شباك المـطبخ خله آسر أيده على جتـف حيدر وصلو للسـيارة صعدو وطلعو بره نـزل آسر يد باب الـبرة وراح

تنهدت وصعدت ليفوك رحت للجرباية لميت رگبي لصدري وضليت افكر بي :- ليش أني داضعف كدامة كُل ما أشوفة أرجع لنقطه الصفر ليش أحس هوَ ولا يمي ولا يمي ولا داير الي بال الف ليش بعقلي ما الها تفسير ؟

تنهـدت ولفيت نفسـي بالبطانـية ونمت

....

مسافة الطريق ووصلنة للأمام علي - ع - رحنة داتزور رفع آسر ايديه يدعي ويكرل :- طلعها من گلبي يا علي نسينياها خلي تشوف طريقها يا علي افتح طريقها ونوره واحميها من ولد الحرام وأرسم السعاده على وجها وزوجها الشخص الي تستاهلة ويستاهلها

أستـغربت منه يحُب بـس ما كايل الي ولا مـره ؟ مسح عُيـونة ورجع كمل وكـال :- يا رب ارحم أمـي برحمتك الواسعـة

بعدها سكت ومسح على وجه بأثنين ايديه ورجع مسح على ظهري وأني دعيت لفُستق وللعائله واله ولوالدتج وكملنة ورحنه للكراج خذنه السيارة وتوجهنه للمقبرة

وقت ووصلنـه لوالدة آسر وكفنه يمـه وكال :- ابقـى هُنا وأني راح أنزل

- تدلل

حرك راسه ونزل وأني ضليت بالسيارة راح بدأ يغسل قبر أُمه ويدندن شويه وشغل بخور وطلع قرآن يقرا طول تقريبًا ساعه ونص خلص وسداه اجه انطاه الي ورجع صار يدندن

شـويه وعله صوته وكال :- ماتـحبني يُمه ماتـحبني الي عشگتها من سـنين طوييلة والي أجيـت متلهف لهفة سنيييين على شوفتـها متغيرة العشگتها وكـبرانة حيل يا يُمممه ادعليلي يم الله كـون انساها بعد ويـرزقها ولد الحلال ما عرفـت اختـار أني أبـد ما عـرفت

نزلت ورحت اله ركض سندته وكال :- أرجع حيييدره

- صـدُك تـحجي ؟

ماحجه شي وكال :- يُمه ما صحت يُمه بحياتي وضلت بنفسي يا يُمه وين عفتيتي منو الي بعدج أني ؟ يُمه بعدني مثل ما عفتيني بعدني ذاك الطفل الي متي بولادتة يُمه منو يستاهل اكُله يُمه غيرج عسى أموت ولا أسمي وحدج غيرج يا يُمه

طبطبـت على ظهـرة وكومتة كوه قرينـة سوره الفاتحة وتـوجهنة للسيارة صعـدنة وانطلقنـة

....

مر أسبوع بيوم جنت كاعدة المُغرب اندك الباب راح حُسين دايفتح ودخل هوَ وحيادر سلم ودخلو سولفو شويه وباوع عليه وكال :- يله بويه كومي بدلي علمود نطلع

- ليش ما كتلي ؟

أبتسم وكال :- حبيـت أسوي مفاجـأة الچ

أبتسمـت وما سـويت شي لإن حُسين كاعـد كمت بـدلت وكملت ونزلت شـافني وكال :- يـله يابه

سلم وطلعنة صعدنة السيارة وحركنه لزم أيدي وباسها وباس باطنها وكتله :- مُشتاقتلك هواي

- يا قُـره عيني يا فُسـتق
- أحلى مفاجـأة تدري ؟
- فدوة اروحـلج
- يا روحـي

وصلنة مول افترينة شويه وكعدنه محل حلويات نزل كريب وكتله :- حيادر حبيبي أحُب الكريب أني

- والله
- اي

- هـاهيَ من نتزوج يومـية اجيبلج كـريب
- صـدُك ؟

- وداعتـج حبيبي
- أحـبك

- هايم بيج يا بويه

أبتسمـت وخلصنة وطلعـنة صعدنة السيـارة وحركنة وقت ووصلـنة للبيت نزلـت ونزل وراي سد الباب وحـضني وكال :- شوكت تـردين الزواج حبـيبتي ؟

- هممم أول يوم العيد ؟
- بعد هواي بس يله هاهيَ

حضـنتة وبسـتة من خده اخذ ايديه وباسهم وطلع رجـعت دخلت البيت وصـعدت بدلت وخذت التلفـون ونزلـت لكيت أمـي كاعدة بالصالة كعدت ضليـت اتصفح بالتيـك توك شويه ورحـت دزيت لحيادر :- وصلت حبيبي ؟

- اي يا هُيامي

- حييييدري أبدًا ماتخيلـت بيوم أنُ نـطلع سوه بعد معـاناه وبعد ماصرلنة لبعـض بالحلال ، أحـبك حيييييدره ريتاج

- تدرين فُستقة أنتِ مثل الحلاوة حليتي ايامي وسنيني وخليتي بيه طعم ، بويه أنتِ فُستق

اتصـلت عليه سولفنـه شويه وراح دزتلي حـواء مسج كاتبة :- محتاجتج رتوج أريـد اسـولفلج

- بيج شي ؟
- لا مابية بس هيج أني أريد أحسج أُختي والله گُلش مشتاقتلج گُلش

- يا روحي وأنـي بعد مشـتاقتلج

سولفنة شوية وراحت ضل بالي يمها يُمكن رجعت شافت آسر أستغفرت وطردت الافكار من راسي ورحت دخلت على محادثة حيادر خذت سكرين ونزلت ترند ورحت صعدت فوك تمددت ونمت

مر شهـر صعدت فـوك بدلت وكمـلت وحضـرت نفسي خليت مكياج شويه ورتـبت شعري واتـصلت عليه وكال :- بالطـريق يا عيني

- حياتي بالسلامة

سـداه ونزلت جـوه وشويه واندك الـباب راح حُـسين يفتحة دخل هوَ وياه بالصـالة ضلو يـسولفون وأبوي هم يـسولف وياهم وـيسئلة الدراسة كمت للمطبـخ سويت الكهوة وشـويه ودخلت قدمـتها الهم شربوهـا وكملو وكامو أبـوي وحُسين ضـليت بس أني وياه بالـصالة رحت كـعدت يمه

حضني ضل تقريبًا خمس دقائق وكال :- مفتقدج حييل توقعت راح اخلص من أرجع من السفر بس لا دانشغل عنج هواي بسبب السنة الأخيرة مال الطب هواي وداحس مقصر وياج فُستق

- لاتحـجي هيج حبيبـي أني عادي أني اتحـمل واصـبر وياك

- أحبچ

كال هيـج وطبع بوسـة خفيفه على شفـايفي وكال :- حـواء تسلم عليج تريد تحي هُنا تبـقى كم يوم

- عادي حبيبي جيبها
- ما عندي مجال والله ان شاء الله كم يوم واجيبها

- تمام مُهجتـي على راحـتك
- متغيرة فُستـق گُلش ما دأعـرف شبيها

- اي حتى أني مدا تحجي وياي دائمًا
- من تجي حاولي تسحبين كلامها

- صـار ان شاء الله مابيـها شي
- آمـين

خذينة كم صوره النه وباس رأسي وحضن وجهي وكال :- أني اعتذر اعتذار مقدمًا على الايام الي  ما راح تشوفيني بيها بس صدگيني راح أعوضج عن كُل هذه يا روح گلبي يا ريتاجة

- أحـبك حيـادري

باس ايديه وكام طلع من باب الصالة وكال :- حُسيييين

حُسين :- جـاي

اجه حُسين وضلو يسولفون شويه ودخلت أني صعدت فوك بدلت ملابسي ونزلت احضر للعشة وي أمي

....

مـرت الايام وأني تدريـجًا دانساه وبيوم جـنت كاعدة بغُـرفتي دخل حيدر وكال :- حـواء صديقي راح يـجي هُنا

- منو ؟
- آسر بس سوي چاي راح اطلع اجيب كعك على السريع وأجي
- ميخالف

طـلع من الغُرفه ونـزلت سويت الچاي وكـملته دخل حيدر مـن المطبخ وهوَ دايحـجي بالتلفون :- لا لا شـي بسيط مثل ما كتلـك هاهيَ هسه تعال ونتفاهم منتـظرك

كعد على الميز وكعد يمه وكال :- بيج شي حواء ؟

- لا ليـش

- ما أعرف داحسج هاي الايام مو على بعضج وگُلش متغيرة الصراحة خيتي

- لا خـويه لا تشـيل هم مابيه شي شـويه تعب هيج من شـغل البيت

- يله كم يوم واوديج يم فُستق ترتاحين

- مـاشي

اندك الباب وراح يفتحة حيدر صعدت فوك سمعت صوت سوالف بالاستقبال رحت تسنطت وأسمع :- لا يمعود عادي وداعتك گُلش سلهة

- هيـج تكـول ؟

- اي هيج أكول أني شبيك آسر بعد اكو اصعب منها هذه شي بسيط ونورمال  جدًا

رجعت للمطبخ خليت الچاي على النار من جديد ما أريد اروح اتسنط بعد لإن مبينين دايسولفون على شغلهم ودوامهم كملت وصبيت الچاي بالاستكاين وصحت لحيدر ورحت صعدت فوك ما أريد أنزل بعد خاف

اشوفـة بالصدفة وأرجع احـن وأني ما أريد هـذه الشي شويه وصاح الي حيدر خـذت شال ونزلـت لكيتـة بالمطبخ باوع علـيه وكال :- حضري نفسج راح اطلـع هسه وي آسـر ومناك اوديـج لفُستق

- مو كلت غير يوم ؟
- مو هسه عندي مجال
- تمام

صـعدت لبست صـاية وكملت حضرت كم مـلابس وخليتهم بالجنطة ونزلت شفتـهم واكفين بره طلـعت ورحت يمهـم سلمت وباوع عليه وكال :- وعليكم السـلام ورحمة شلونـج خيتي ان شـاء الله بخير ؟

- الحمدُلله

أبتسـم وصعـدنة السيارة حرك الـسيارة وبدو يسـولفون على الطب وصوته بأذانـي شويه واجـاه اتصال فتحه وكال :- ها آيريـم ها عيني لا ما اطول شويه وجـاي اي بالطريق

سمعت أسم بنيه واجت بجسمي قشعريرة مسحت وجهي وفتحت جامه السياره وشويه وكال لحيدر :- وين ما يصير مجال نزلني بطريقك هاي أُختي تريدني اجيب اله كم حاجة

- تـدلل يابه

أحس من كال أُختي متقصد ما أعرف ليش اطمئنيت من كال أُختي أستغفرت وكلت هسه أني ليش داغار خلي يحب وينسعد شعليك أني وكف السيارة حيدر ونزله وحرك شويه ووصلنه للبيت نزلنه ودخلنه اول ما دخلنه تلكانة حُسين سلمنة ودخلنة

....

جنـت كاعدة بالمطبـخ وسمعت صـوت حواء وحيـدر طفرت دخلت وسلمت عليهم حضنـتني حواء بكُل قوتهـا حسيت بيها شي همـست بأذنها وكلت :- بيـج شي ؟

حواء :- لا

حيدر :- يله بويه أني رايح

حُسين :- وين شنو السالفة

حيدر :- وراي دوام وداعتـك

حُسين :- أبقه على العشة

حيدر :- تسلـم والله

راد حُسين يبقه ما بقه وأني گُلش مشتاقتلج بس عاذرتة طلع وأني وحواء صعدنه فوك أول ما صعدنه ذبت الصاية وتربعت وكالت :- مره من كلتيلي عنده أُخت ونسيت اسمها أُختة اسمها آيريم مو هاي الي يحبها حُسين ؟

- اي مو كتلـج الي اجت سلمـت عليه
- هيَ نفسهـا ؟

- اي والله
- يااا أستـغفر الله على بالي حـبيبتة

ضلينه نسولف شويه وكمنه نزلنة نتعشة وهيج مرت الايام وحواء شويه شويه داتتحسن وحيادر ملتهي بالدوام بيوم جان يوم أربعاء اتصل عليه حيادر وكال :- فُستق باجر تطلع للزيارة

- منـو ومنو ؟
- بس أنـي وياج يا قُـره عيني

- الله شگد مشتاقة ازور
- تأمرين أمر حضري باليل احتمال اجيكم متأخر ونطلع وره صلاه الفجر

- تـمام عيني

سديتة مر الوقت صار الليل أج حيادر وكلت لأمي :- راح نروح زيارة سويه

- ادعيلـنة
- غالي والطـلب رخيص بعد روحـي

باستني ورحت كعدت يم حيادر وحُسين دايسولفون مر الوقت فرشت الهم وصعدت فوك حضرت ملابس الطلعة والعباه والحجاب ونمت كعدت على المنبه نزلت لكيت حيادر وحُسين كاعدين توضيت وصعدت صليت وكملت ونزلت سويت ريوك الهم كملتة ووديتة وتريكت وياهم وصعدت احضر نفسي

مر الوقـت كملنة وطلـعنة صعـدت الـسيارة وانطلقنة نـص ساعة من الطـريق وكال حـيدر :- بويه إذا تـردين نامي الطريق يـطول شويه

- هوَ راح انام هسه
- نوم العافية
- حبيبي

كلت هيج ونمت ما حسيت اله هوَ يكعدني :- كومي فُستقة راح نوصل

- اي كـاعدة

كعدت وراسي يأذيني وكتله :- حيادر راسي

- علاجـج جايبتة ؟
- نسيتة نسيتـة حيييـادر
- اخذي نـفس

وكف السيارة على صفحة ونزل منها واجه من صفحتي فتح الباب مسح وجهي وكال :- جري نفس حبيبي اخذي نفس قوي

ضـل يدلك راسي بخـفه أيده ويقره ايات قرآنية احـس شويه خف وكال بتـوتر :- ها فُستق ؟

- هاهيَ حيادر شويه زين اصعد كمل سياقة

ما كال شـي رجع صعد وحـرك السيارة على الـسريع شويه ووكف كدام محل نزل شـويه ورجع بأيده بطـل مي باوع عليـه وكال :- شربي كُله على السـريع يله

- كُله ؟
- اي يله
- هواي
- ميخالف لخاطري

شربتـة كُله شـويه وخله بطل ثـاني كدامي وكال :- من تـحسين بأذه شـربي

- صار

مر الوقـت ووصلنه لكربـلاء دخل سيارتة بالـكراج لبست العباه ونزلنه شويه ووصلنه للأمام ضلـينه كاعدين شـويه وكال :- اجيـب الچ چاي گـهوة ؟

- ليش ؟
- زين لراسج

- عـادي جيب

- ابقي هُنا لا تتحركين
- صار

كام وراح ورجـع وره شويه جـايب گهوة وچاي سـويه كعد وتربع وقدمهن الي اثنينـهن وكال :- شـربيهن اثنينـهن لخـاطري

- صار

شربتهم وضليـنة نسـولف شويه وكال :- يـله نزور ؟

- يله
-انطينـي تلفونج افـعل نت الچ

انطيتة فعل وكمل انطاه الي وكال :- يله بويه نكوم

- يله حبيـبي

كمنه توجهت للامام الحُسين وهوَ للامام العباس رحت دخلت التفتيش وزرت وكملت ودعيت اله ولأمي ولأبوي ولكلهُم ولحواء كملت ورحت صليت وقريت الزياره وطلعت

ضليت واكفـة كدام الأمام شـويه واجاني مسج منه كاتب :- طلبـتج من الأمام العـباس ريتاجي

- أحبك حيدري أني يم الأمام الحُسين قبل شوي كملت زيارة تعال الي خاف اتيه

- أني سـتوني كملت زيـارة طلعت من الأمـام جايـج بويه

شويه واجه بأتجاهي وكف يمي وكال :- اميزج واندلج بين الألف الناس

- يا روحي أنتَ

- أحبچ شُغاف گلبي تعالي أني اوديج للأمام العباس وارجع خاف تضيعين

- تمـام حبيبي

رحنه أيد بأيد وصلنة للأمام دخلت زرت وصليت ودعيت وطلعت على السريع شفتك واكف بنفس مُكانة اجيت وكفت يمه خذت أيده تشابگت بأيدي ورحنه كعدتي بمُكان وكال :- اروح ازور الأمام الحُسين وارجعلج ونطلع نتعشى ونكوم

- تـمام عيني

راح يزور ضليت وحدي ما طول هواي شويه ورجع كمنه وكال :- شلون راسج صار ؟

- زيـن الحمدُلله حبيبي
- الله عليـج هُنا مُستشفى قريـبة علمود اخذج
- لا يا روحي وداعـتك ما بيه شي

خذه أيدي وباسها وطلع تلفون خذنه كم صور للحلقات وبعدها رجع باسها وكال :- اتمنى نرجع نزور وبأيدينة طفل لو طفل يا رب

- ان شـاء الله حيادر حبيبي
- آمين يا عينـاه لحيادر

وطلعنة تمشينة شوية ودخلنة مطعم تعشينة وطلعنة رحنة اشترينه كم حاجة ورجعنة للكراج صعدنة السيارة وكلت لحيادر :- راح اصعد ليوره حيادر علمود انام زين

- لا حبيبي تعالي هُنا راح ارجعلج الكشن ليوره

رجع الكشن وكال :- تعالي حبيبي تعالي

صـعدت تمددت وكال :- إذا تجـوعين اكُلي اكو حلـويات تحبيها

- صار

نمت بعدها شويه وكعدت باوعت اله وگلت :- صار الي شگد نايمة ؟

- نـص ساعة تقريبًا
- يااا عـبالي هواي حتى عـبالي راح نوصل
- لا بـويه

اجت فكرة ببالي وكتله :- حيادر

- ها عـيناه
- النـاس الي بالتيـك توك يكولون اكـتبو قُصتكم على الواتبـاد

- قُصتنة شبيها ؟
- شبيها يا عيني غير أريد نكتبها سوه

- مـنو يكتبها ؟
- كاتـبة

- لا حبيبتي
- ليش حبيبي ؟

- أنتِ كتـبيها
- ما أعـرف

- لعد انسي هُيامي
- يعني عادي نكتبها ؟

- لا هيَ شبيها قُصـتنه غير حُسين وأنـي وياج وحـواء

- أريد أشوف للناس حُبنه وشلون صبرنه على بعض وأنتَ مسافر خمس سنوات بالخارج خلي يشوفون محاربتنه علمود بعض وعلمود شلون صرنه سويه خلي يشوفون شلون مو بأي اصدقاء يصدكون بسرعة ويثقون حيادر گُلشي راح يتعلمون منها هواي اشياء حيادر هواي

تنهـدت وكلت :- الحُـب الثقة ، الصبـر المُـحاربة ، الاشـخاص الي نحبهم ، المرض الي ما بعـدنة عن بعض ، الاشـتياق الحنان واخر شي حُبـك الي ما راح يصـدكة اي أنسان هسه

ضل ساكت وأني هم سكتت شويه وكال :- ان شاء الله

- يعني نكـتبها ؟
- أشـوف
- تمام يا عـشقي

خذه أيدي باسها وشمها مر الوقت ووصلنه للبيت نزلنه اني وياه وخذنه العلاليك ودخلنه للبيت گبل صعدت فوك بدلت ونمت

....

كاعده داباوع بالابتوب أجه آسر كعد بصفي وجرني من شعري وكال :- ها آيريم

- هااا ؟؟
- وعـلا شبيج ؟

- مابيـه ليش تـجرني من شعري ؟
- وضجـتي ؟

- لا
- وغصـبًا عليج

- باليل ترجـع وياي للبيت
- شنو أسـوي ؟

- عندي شـي أريد انطي الـك
- شـنو ؟

- بعـدين ، انطيـني تلفونك
- اخـذي ذاك يمج

خذته ضليت اگلب بي وأني بالي أبدًا مو يم التلفون بس علمود الهي نفسي ويمر الوقت بسرعة ويجي الليل لإن عندي غاية

....

كعدت مـن النوم صـايره دنيا ليل نزلت رحـت سبحت وطلعت ملابس ودخلت أسبح كـملت وخذت التـلفون ونزلت لكيـت حيادر بالمطبخ دايشرب مي وحُسيـن كاعد على المـيز باوع عليه حيادر وكال :- تلفـونج ريتاجة

انطيته اله بدون ما اكول شي خذاه گلب بي شويه وراح للصالة كعدت يم حُسين شويه وأجاني صوت حيادر بصياح شوي :- ريتاااجه

رحـت اله اشر الي براسـه اكعد يمه رحت كـعدت يمه وجه التـلفون بوجهي على رسـاله أشهم وكال :- منو هذه الي يـتمنى تصيرين زوجـتة ودايـباركلج ، والمسج قـديم وما كايلـتلي يا فُستق ؟

....
يتبع ⬅️ - البارت السابع والاربعين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.