رواية حيادر الراء . الفصل الثالث والعشرون 23 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

خايفة من نفسي إذا حبت من أمي إذا درت من اهلي كُلهم حُسين أبوي ثقتهم بيه !!

وبنفـس الوقت أني احبه و ما انكر هذه الشـي وبنفس الوقت مكسـورة منه گلبي كام دايـدك على السريع احس دايسمعـة وهوَ واكف منتظر ردت فعل من يمـي من دون لا وعـي طلعت من الغُرفة ودخلت لغُرفة حواء

ما احس اله على صوت ضحكتة دايضحك بصوت عالي يُمكن حتى أمي سمعتها وكالت حواء :- رتووووج

- ها
- شبيج صافنـة وشبيج هذه وضعـج ؟
- ماكو شي

أنفتح باب الغُرفة ودخل حيادر دايمشي على العكاز وأبتسامتة من الأذن للأذن وكال :- عيني نسيتي القطرات

- هاا اي صـح نسيتهن
- يُمه فدوة يبـعد هاي وهاي

دايحجي ودك تلفونة رفعة وجاوب وكال :- لك هااا آسر داعيش احلى لحظات بحياتي

وراها طـلع من الغُرفة أجت كعـدت يمي حـواء وكالت :- شبي ليـش دايعيش احلى لحظات حياتـة

- مو شسمه
- شسمه !

- مو اعتـرفت اله
- شنـووووو

صرخت حواء وكلت الها :- لا ولله مو أعتراف مباشر بس هوَ

- شنو هوَ شبي هوَ
- باعي شـسمه
- غـير تكُلي شسـمه وتفضني

خذت نفس وكتلها :- شوفي هوَ أعترف الي وكال أحبج ونوب كال إذا تحبيني اطلعي بدون متسوين شي وإذا ما تحبيني ابقي هُنا وكولي ماريدك حيادر وبعد ولا تشوفيني

- وأنتِ طلعتي ؟
- اي

- فوكاااها رتـوج !!

- شـنو أسوي قابل ؟
- اووووف يُمـه

ضلينة بالغُرفة مر وقت صارت الساعة بالوحدة باليل رحت يم أمي فرشت الها وكالت :- تصبحون على خير

بستها وكلت :- وأنتِ من اهل الخـير

كمت صعدت فوك لاكتني حواء وكالت :- تعالي ننام نعسانة

- لا ما انام دانتظـر حيادر عندي كلام ويـاه
- ليش ويـن راح ؟

- مادري يُمكن طلع وي صديقة

- ماشي عود سولفيلي الصـبح أني راح اروح انـام
- نوم العـوافي

راحت نامت وأني انتظر حيادر ساعة يله رجع جنت كاعدة بالمطبخ أتصفح بالتلفون ودخل أول ما دخل أنتبه عليه وكال :- هُيامي

كال هُيامي وأجه حضني دفعتـة على كيف وكال :- مشـتاقلج بويه

أنتبهت على رجـلة شايـل التجبير :- الحمدُلله على السلامة

- أنتِ سلامتي
- حيادر عادي احجي وياك ؟
- أكيد تعالي نصعد فوك

صعدنة ودخلـنة غُرفتـة :- وين جنـت ؟

- يم آسر وهوه لح عليه علمود أشيل التجبير

جنت مترددة أحجي الموضوع الي ببالي لو اتراجع أنتبه عليه :- احجي الي على لسانج لاتترددين

- حيادر شسمه

أجه باتجاهي كعدني وتربع كدامي سحب أيديه وخلاهن على خشمة :- عيناه لحيادر كولي شسمه

اخذت نفس :- ليش سـويت هيـج  ؟

- شسويت ريتاجي ؟

- تغيرت نوب أجيت أعترفـت الي ؟

- عادي نسولف بهذه الموضوع غير مره ؟

- لا

طقطق اصابعة :- عادي اسولفلج بدون ما تقاطعيني ؟

- اي عادي سـولف

- شوفي ريتاجي من ابتعدت عنج ثلاث أشهر عندي غاية

- غايـة شنو ؟

- كلنة بدون ما تقاطعيني

أبتسمت وكال :- تجيج السـالفة المُهم صح انقطعـت عنج أني بس مو بكـامل ارادتي فُستق من أنقـطعت عنج هم اشتاق الج

سحب أيديه وكال :- وهم اشتاق لمخدراتي بذات ومن جنت احجي وياج بالرسائل صدكيني اتعب تعبت فُستق تعبت بهاي الفتره الي تتسمى فترة العذاب راح تكليلي ليش تتسمها بفتره العذاب يا حيادر

هسه اكُلج ليش غايتي من هذه الابتعاد حبج اليه علمود تبادريني بالحُب ريتاجي اهمالي الج هم ما جان من كُل گلبي وهذه كُله والكلام الي سمعتي والاهمال والانقطاع كُله علمود يبين حبج اليه

- عادي اسئـل ؟

- سئلي يا عيناي

- واهتمامك وحبك والكلام الغزل الي ما ينتهـي ولا يخلص ؟

- بالضبط أكيد فقدتيني وفقدتي اهتمامي وفقدتي حنيتي عليج بالنهاية من فقدتي ذن كُلهن بين حبج اليه شفتي شلون هاي الفترة بينت حبج اليه لان انقطعت عنج يسموها الاستفزاز بالعلاقة

- شلـون ؟

- هسه اكُلج شلون أنتِ مو تكولين أنتَ تحبني ليش سويت هذه الشي صح احبچ حد الهيام أني فُستق استفزيتج علمود اقرة مؤشر حبج اليه من سويت هيج راح تفكرين بيه ليش سوه هيج ليش عافني وليش وليش

يا قُره عيني أنتِ استفزيتج علمود احتل كلبج وعقلج وتفكيرج وراح اصعد نفسي بمُقدمة اولوياتج بدون اي حركة مني او كلام او مبادرة فقط استخدمت طريقة الاستفزاز وياج وهيه هاي الطريقه الغير مباشرة علمود تعبرين عن حبج الي

- بالنهاية كدرت تلعبـها صح

- بالضبط ريتاجي أنتِ ذكية وقوية وحنونة كُلهن بنفس الوقت لان كدرتي تحبيني بس بهاي الطريقة جنت خايف انرفض او يرفضني كلبج بس الحمدُلله سُبحانة من زرع حبي بداخلج

- بس شسمه مو هسه تسمعها الكلمـة الي ببـالك

- لو اضطر انتظر عُمري كله لخاطر أسمع هاي الكلمة من حلكج هم انتظر

ابتسمت وكال :- ريتاجي لاتشكين بيوم عن حُبي الچ كلتها قبل و أرجع اكولها الف مرة أحبج حد الهُيام أني يا هُيامي

أبتسمت وكتله :- خاف بعديـن هذه الحُب الي بگلبي يتغيـر

- ليش يتغيـر ؟

- خاف أعجاب فقط او حُب مراهقة

- ما راح اخلي يتغير راح اخلي يكبر حُبي بگلبج يا فُستقي ثقي وصدكي بكلامي هذه وشيلي هاي الفكرة من بالج

سكت وره وقـت كال :- خليتي قطـرة اليوم ؟

- لا ناسيتـها

- كومي جيبيها خلي اخلي الج أني

حركت راسي بمعنى أي وكمت دخلت لغُرفة حواء خذت علاكة القطرات ورجعت وانطيتها اله وكال :- تعالي كعدي هُنا

رحت كعدت واخذ القطرات وكال :- فتحي عينج

فتحتها خله قطرة بيها وغمضها بأيده :- غمضي لاتفتحين

بقيت ما فاتحة عيني لحد ما حسيت طبع بوسة خفيفة على عيني فتحت وكتله :- شنو هاي السوالف ؟؟

- احلى سـوالف
- حـرام !!
- احلى حـرام

مر الوقت سمعنة الأذان رحت صليت وهوَ هم كملت قريت قرآن صفحتين ونمت كعدت الصبح لكيت حواء ماكو نزلت للمطبخ لاكتني هيه وأمي صبحت عليهن ودخل حيادر دايخابر

- أجـيك لو أنتَ تجي .. تتأخر ؟

سد الاتصال وأجه كعد على الميز كال :- صباح الخير

- صباح النور

ريتاج :- شوكت تطلع أسماء ؟

أمي :- اليوم العصـر

حواء :- رتوج نكمل ريوك ونعزل البـيت راح يجن البنات

ريتاج :- صار

باوعت على أمي وكتها :- شوكت نرجع ؟

أمي :- باجـر

حركت رأسي وتريكنة وحيادر كعد كبالي وكالت أمي :- حواء جيبي الزعتر هاي ريتاجه ما تحب البيض اله بالزعتر

حواء :- اعرفها ردت أجـيب بس ماكو مخلص

حيدر :- ذكريني اجيب الها

حواء :- مـاشي

أمي :- لا عليمن باجر ورايحين

حيدر :- عادي عمه أحنا نحتـاجة

أبتسم وباوع عليه وكال :- تستاهل ريتاجه

كلت بكلبي يا كاع نشكي وبلعيني ولچ يُمه أكيد هسه حست عليه يا رب يا رب ما منتبة

كملنة وشلنة الاماعين وكبل صعدت فوك ربع ساعة وحيادر بالباب :- فستقه ادخل ؟

- ادخل عيني ادخل

دخل وكتله :- شلون تحجي كدام أمي هيج

- عـادي يابه
- تره شاكة بيـنه هيه ما أريد ازيد عليـها
- بيـنه ؟

- اي
- شلون
- تتذكر من رجعنة من بيت الشيخ ؟

- اي
- اي هيـة منتبه على نظراتنـة بوكتها بالسيـارة من رجع
- عادي شكو بيها

- حيييادر
- هههههه

ضحك وكال :- عيناه بويه ميـخالف عيني الج

- اي حياتي
- العبببببب احلى حياتي اسمعها من هُيامي

سكت وره وقت كال :- فُستق شـوكت نتزوج احس هاي الـسالفة راح تصير مطـولة

- أني هم داحس هيج
- هاي نقطة

- هههههه
- اريد بعد تطـورات شـنو بس أثنين

- يا ثانية ؟
- مال ذاك البيت مال اشتاقيتلك حيادر

- هههههه كـافي

شويه ودك هون بالباب نزلنة نفتح دخلت السيارة نزلت منها أسماء وحليم وعمتي هلهلن وطشن جُكليت سلمنة عليهم وتحمدنة الهم بالسلامة وطلعت أسماء والبنوته بحضنها وكوه تمشي خطيه كالت أمي

أمي :- نطيني البنـوتة ودخلنـها ريتاجه وحواء

سوينة مثل ما كالت وصعدناها فوك بغرفتها تمددت :- راح انام فدوة ولله تعبانة

ريتاج :- نامي اطـمئني

نزلنة جوه لكيتهم ملتمين كعدت يم أمي وانطتني البنية تخبل :- شنو اسمها ؟

حواء :- رواسن

ريتاج :- ولج رواسن شنو هذه الاسم الجميل

أنتبهت على حيادر أجاه اتصال وطـلع بره وره شويه رجع وكال :- راح يجي صديقي

حليم :- مو راح يجي خطار هم

حيدر :- ميخالف يا اخـوية ما يطول

حرك راسه وطلع حيادر ورجع  وره ربع ساعة وكال :- رتبو الاستقبال

عمتي : كومي حواء 

كامت حواء وأني هم كمت وياها رتبناه على السريع وطلع حيدر ورجع وره خمس دقايق هوَ وآسر دخلو بالاستقبال

شويه وطلع وكال :- ريتاجه وين حـواء ؟

ريتاج :- صعدت فوك يم أسماء

حيدر :- إذا تكدرين مي وأستكانين چاي

ريتاج :- صار

كمت سويت الچاي وحضـرتة وصبيتة الهم شويه وأجه حـيادر أخذ الصبنية من أيدي وراح رحت صعدت فوك خليت قـطرة ونزلت نزلت حـواء من فوك وكالت :- شنو سبب اجتماعهم

عمتي : شباب واصدقاء ومجتمعين

حواء : احس عـندهم شي ولله

عمتي :- أستغفر الله لاتاخذين غيبة

نزل حليم من فوك ودخـل للاستقبال سلم على آسر وطلـع رجع لغُرفتة وكالت حواء :- يمعوديـن كتلتي الفضول ما بيها مجـال لازم اسمع شدايحجون

ريتاج : تردين أجي وياج ؟

حواء :- يله يله يـولي

طفرنة نتسمع عليهم واسمعهم يحجون وكال آسر :- بالعباس أعرفك أنتَ تحبها ومن زمان بس داتقشمر على نفسك جنت بس تدري زين وصبرت أني لو منك أروح اوكع بحضنها

حيدر :- آسر شنو هالسـوالف

آسر :- جاي اقصدلك إذا تمعشكت وهيج صار بيه يعني وي عشيكتي شبيك لطمتني على حلكي

حيدر :- خـوش

آسر :- بربك لا تكلب وجهك هذه الحلو خاب ماعندي غيرك يتحملني

حيدر :- ما كالبك والحُسين كُل ما حجـيت وياك وكلت لا تـعوفني ولا تكلب وجـهك

آسر :- غير مرتي حبيبتي ام جهالي انتِ

حيدر :- لا اله الا الله

بس كال هيج آسر هاي حواء ضحكت كتلها :- أسكتي خلي نتسمع زين

حواء :- يله يله هههههه أخوي ما يـحب هيج شقه ادري بي هـسه يكفر بي

ريتاج :- أعرفة

حواء :- هههههه

آسر :- استلك مُلهم

حيدر :- بعد أيدي

آسر :- صدُك شنو صار عليه ؟

حيدر :- من ذيج المـرة ما شايفة

آسر :- من نعنعناه سوة ؟

حيدر :- لا مـن كتلك يريد يوصـل الي وما كدر

آسر :- ها هاي

صفنت حواء وسئلتني وكالت :- يا مُلهم ؟

ريتاج :- يجوز صديقهم بالدوام أمشي نرجع

رجعنة يم أمي وعـمتي شويه وحيـدر وآسر طلعو بره وحيـدر رجع وصعد فوك

طلعت حواء بره ورجعت وأجتني وكالت :- صخااااام

- ها خير شكو ؟
- الولد شااااافني يُمه

- يا ولد آسر مو طلع ؟
- لا ولج بعد برة أني هم حسبالي طلع

غطت عيونها بأيديها ونوب كالت :- نوب بدون حجاب بدون صخام بدون عزه هسه شنو يكول عليه

داتحجـي ونزل حيدر وبأيده جنـطة صغيرة وطلع برة ضل شـويه ونوب رجع وكالتلـه حواء :- جنطه شنو هاي ؟

حيدر :- ملازم سادس وكُتب

كال هيج نوب أجه بصفي وهمس بأذاني وكال :- أحبج هُيامي

وأبتسم وصعد فوك وكالت حواء :- شلون طيور حُب عدنا

- حلـوين مو ؟
- تخبلون يا أخي

أبتسمت ومر الوقت وأجن البنات سلمنة عليهن وأم ليلى طشت جُكليت وهلهلت وأجتني ليلى وكالت :- شلونج رتوجه

ريتاج :- هلا حبيبتي بخـير الحمدُلله وأنتِ

ليلى :- من شفتج صـرت بخير هههه

حواء :- ها داده شبيج سالمين ضحكينة ويج

ليلى :- لا ماكو شي يا عُمري

اندارت عليه وكالت :- شعجـب بس أنتِ وأمـج جايين ؟

ريتاج :- أي لعد منو يجي بعد قابل

ليلى :- مو اتذكر عندج اخ ليش ما أجه

ريتاج :- اي شنو ليش حتى يجي

ليلى :- لا هيج يله كايمه أبدل اني

كامت صعدت فوك هيه واختها وكالت حواء :- شبيها هاي المفلوكة بنت اللذين

- حواء عوفـج منها وكومي نسـوي كيك

كمنه للمطبخ بدينة نسوي بالكيكة ونسولف صار المغرب صلينه وكملنة ورجعنة للمطبخ نزل حيدر من فوك وكال :- عيني لاتسون عشه راح نروح أني وحليم نجيب من برة

حواء :- فدوة للكـفو حيدرنا

أبتسم وراح جاب العشة تعشينه وكملنة وكالت حواء :- ليلى يله كومي نفسل الاماعين

ليلى :- ولله ظـهري يأذيني

حواء :- شبيج بس لا حامل ؟

عمتي :- حواء لسانج

حواء :- شبي يُمه عاد مو طويل مـثل اختنة المفلوكة

ليلى :- يا مـفلوكة ؟

حواء :- أنتِ 

ليلى :- ههههه متضـحك

حواء :- أعرفها متضحك يله كومي لا ظهري ولا شي

ليلى :- يا ولله ظـهري دايـأذيني

حواء :- لا تخافين يولي ما تموتين عمر التس طويل دائمًا مو بله رتوج

ريتاج :- عوفي لبنية أمشي نكوم لا تزعل

ليلى :- لا عادي اتحمل شقة أني

حواء :- وأنتِ منو كلج شقة لا يا عيني هاي حقيقة يمعودة

عمتي :- حووووواء

حواء : كايمـة يُمه

غمزت حواء لـ ليلى وكالت الها :- دانتشاقة عيني لا تزعلين

ليلى :- هههههه لا يا عُمري ما ازعـل على شنو ازعل

حواء : عفيه يله تعالي وياي رتوج

كمنة سوية عزلنـة ورتبنة المطبخ وأجـه حيادر للمطبخ وكال :- حـواء منو فوك ؟

حواء :- بس أسماء وحليم بغُرفتهم

حيدر :- مـتأكدة ؟

حواء :- اي ليش

حيدر :- بدون ليش تعـالي فستقي

ريتاج :- وين ؟

كلت هيج أجه سـحبني من أيدي وصعدنة فوك دخلنـة غُرفة حواء بعدني داريد اكُله ليش حضني بقوة :- مشـتاق لحضنج وللمُخدرات

- حييادر
- عيناه

سحب أيديه باسهم وكال - أحبهن هذن الايدين

- شكد ؟
- بكد رمل الصحاري والمُطر
- حبيت هاي الاغُنية بسببك

- وأني هم أني حبيتـها بسببج ما جانت للاغاني أي طعم حُبج خله بيهـا لذه وطعم كُل ما أسمـع أغُنية اتخيلـج عيونج أيدينج شـعرج گُلشي فستقي

- اي
- بس اي ؟

- اي لعد !
- ما بيها حيـاتي عُمري حبيبي هيج شي

- يبعد روحي
- فدوة الج اروح أني

- يله ننزل حيـادر
- يله

- انزل أنتَ بالبداية
- أمري

باس أيديه وراح نزل وره شويه نزلـت أني شـفت حواء داتكُص الكيك :- تعـالي صعدي ودي لحـيدرنا

- ودي أنتِ
- لا اله أنتِ
- جيبي 

خذت الصينيـة جان بـيها قطـعتين كيك وكلاص عصير خذتهـن وصعدت فوك دكيت الباب :- دخلي

دخلت وهوَ طفر :- اوف هاي أنتِ

- اي اي
- شنو بأيدج

- جبت الك كيك
- كم قطعة ؟

- أثنيـن
- اريد اتذوق الثالثة الاصـلية

- ياهية ؟
- الواكفة كبالي

خليتهن على الميز :- بله سوالف متسرسرة بعد عيني

- أموت على السوالف المتسرسرة
- حييادر اغاتي بطل تسرسر

- اغاتي شعـندي غير التسرسر أني
- يله طالعة أني

- الله وياج بكُل خطوة تخطيها
- حييادر ما رايحة لداعش أني ولله

- ميخـالف بويه

أبتسمت ونزلت سولفنة شويه وصعدت لغُرفة حواء أنام تصفحت بالتلفون شوي ونمت كعدت على صلاة الفجر نزلت اتوضى وأسمع صوت ضحك خفيف بره

أستغربت گُلش أريد اطلع بس ترجعت ورحت توضيت وصعدت على السريع صليت وكملت رحت اتمددت

أجاني مسج على تلفوني من حيادر كاتب :- " إذا كاعده تعالي على السريع "

عفت التلفون ورحت كُبل لغُرفتة شافني وكال :- ليش طولتي ؟

- لا ما طولت بس شـفت المسج جيت

كلت هيج وأجه حضن وجهي بأيدي وكال :- الحمدُلله حلمت بيج حلم مو زين بعيد الشر عليج

باس كصتي وكال :- باجر ترحـون ؟

- أي
- شيصبرني على فراك وجهج

سكتت شويه وكتله :- الله كريم حيادر

- فراك وجهج ما يفض بالله كريم 

- راح اشـتاقلك هواي
- أضعافـج أني

صار هدوء وكال :- روحي رجعي

حـركت راسـي ورجـعت للغُرفة نمت كعدت الصبح نزلت جوه صـبحت عليهم وكالت أمي :- تريكي وحـضري نفسج راح يجي أخوج بالطريق

- ليش الصبح ؟
- عندة طلعة العصر

تريكت وكـملت وصعدت فوك بدلت على السريع ونزلـت جوه كعدت يم البنات ربع ساعة وأجه حُسـين سلمنة عليهم وعلى البنات ونزل حيادر من فوك أجه يسلم على حُسين وأستغربت من سؤاله من كله

حُسين :- أبو الحيادر منيلك هذه العطر شامة قبل ؟

....
يتبع ⬅️ - البارت الثالث والعشرين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.