رواية حيادر الراء . الفصل الرابع والعشرون 24 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

حُسين :- أبو الحيادر منيلك هذه العطر شامة قبل ؟

حيدر :- عُطري كالعادة الي داخلي منه دائمًا

حُسين :- لا جديد احسه المُهم عجبني

حيدر :- كدامك .

حُسين :- تسلم ضلعي

حسيت حُسين صـاير ثكيل على حيـادر مو مثل كُل مره من يلتـقون غلست عليهم وانتبهـت على ليلى مخلية مكياج وتـباوع على حُسين وحُسين مطنشها ولا يمها أستغربت مـنها شبيها هاي لبنية مو طبيعـية

حُسين :- يله يُمه

أمي :- يله مع السلامة

الجميع :- الله وياگم

طلعنة دانصـعد بالسيارة وحيادر ضل يباوع عليـه مسح كـصتة وحرك حسين السـيارة وصلنة للبيت ونزلنة صعـدت بدلت فوك ونزلت

توضيت صليت وكملت أجه مسج لتلفوني فتحتة جان من حيادر :- " اعتذر بويه ما جبت زعتر الصبح للريوك الج "

- لا عادي حيـادر
- عيناه لحـيادر أنتِ راح اشتـاقلج
- أني هم

شويه وسئلتة :- ليش حُسين سئلك هذه السؤال ؟

- يا سؤال ؟
- ما اعـرف أني هم أستغـربت
- شوكت مخلي منه ؟

دز ڤويز :- " من اجيكم بالذات او اطلع يعني مخلي مال طلعات ومواقف حلوة ما اريد انساها بيوم "

- ليـش ؟

دز ڤويز :- " حتى من أشتم هذه العطر يجي اليوم الي بيومه خليت من هذه العطر "

- اكُلك شـي ؟
- كولي بـويه

اريد اكُله حسين مره سئلني على العطر ردت اغلس بس كلت لا لازم اكُله علمود ياخذ حذرة من گُلشي لان صرت أخاف عليه وعليه :- " تتذكر قبل من جنت تجي الفجر ؟ "

- اي !
- جنت تخلي من هذه العطر صح ؟
- اي فستق

دز ڤويز :- " مره كعدت الصبح وي دوام حُسين مالته وسئلني هم داتشمين عطر غريب "

- لا !!

- ولله العظيم

- فستقي أني ما اخـاف على نفسي بس داخاف عليج

- ليش

دز ڤويز :- " حُسين مُمكن كلشي يسوي الج إذا عـرف او لمح شي "

ضلينة نسولف بخصوص العطر أخر شي راح وعفت التلفون ونزلت لأمي لكيتها داتطبخ للغدة صبينة وتغدينة واندك الباب راح حُسين يفتحة رجع وره عشر دقايق :- راح اطلع يُمه وي الولد

أمي :- منو هذه ؟

حُسين :- مُلهـم

أمي :- شيريد ؟

حُسين :- اطلع ويـاهم

راح بدل وطلع أجه العصر أبوي رجع من الشغل سلمت عليه وصعدت فوك مرن أسبوعين خاليه من الاحداث لحد ما بدا الدوام

كعدت الصبـح ساعة سبعة لكـيت حُسين كاعد دايتـصفح بالتلفون :- صباح الخير سـويلي ريوك متأخـر على الدوام

- صباح النور صار

رحت غسـلت وطلعت أسوي اله ريوك كملتة وتريـك وطلع رجعت سويت الريوك وحـضرتة كعدو أمي وأبوي تريـك أبوي وطلع للشغل بديـنة ننظف أني و أمي كـملت وصعدت فوك وأمي راح نامت

أول ما صعدت حضرت ملابسي ودخلت سبحت وطلعت مشطت شعري ورحت تصفحت بالتلفون حيادر ما داز من البارحه اي شي رحت سمعت الاغنيه خلصت ودزيتله :- " حيادر "

مر وقت تقريبا نصف ساعه ودز :- " قُره عيني "

- مشتاقتلك
- أني بعد اشوق

- بدأ الدوام
- أي وجهزنة نفسنة للمعركة

- أنتَ ويامـن ؟
-أني و آسر

- ليش تسموها معركة ؟
- إلف معركة مو وحدة هذه السادس

سكتت وره شويه دز :- شوكت اطلع منه يا بويه تعبني فوك تعبي الاول هذه الثاني متعبني

- يا أول ؟
- يعرف نفسة

عرفتة يقصدني دزيتله :-  ليش متعـبك ؟

- متعب گلبي مو بس متعبني بس عادي يهون يهوووون

- يله ان شاء الله يهون

كتله هيج وقفلت التلفون ورحت نمت كعدت المغرب باوعت على التلفون دزالي مسج مكتوب بي :- " احبچ ريتاجي "

دزيتله :- " الله يحبك يا عيني "

ونزلت جوه رغم عندي مشاعر إتجاهه و أعرف الي داسوي غلط وياه واريد أعترف اله بس ماعندي الشجاعة علمود اصير كدام هذه الامر عفتها للايام

مر شهر واكثر تقريباً على هذه الكلام وأني مشايفتة صار مده بيوم من الايام العصرية جنت كاعدة يم أمي دانسوي كبه رن تلفوني غسلت ايديه ورحت باوعت على المُتصل حواء رديت سلمنة وكالت :- رتوج راح نجي باليل

فرحت وكتلها :- هلا بيگم

- متأكـدة بينه داده
- أي أي أكـيد

سدته وكالت أمي :- منو راح يجي ؟

- حواء وعمـتي يُمكن
- دتعالي نكمل الكبـة علمـود نرتب البيت

كملنها وكمنة عزلنة البيت وصعدت فوك دخلت اسبح وطلعت مشطت
شعري خليت عطر ونزلت لكيت حُسين جاي من الدوام صار المُغرب كمت صليت ونزلت حضرت وي أمي للعشة

اندك الباب طفرت أفتحة صارت بوجهي حواء سلمت عليها وعلى عمتي ورها ودخلن باوعت صار حيادر بوجهي :- هلا بويه اكو مجال ادخل السيارة ؟

- اي عادي

راح حـرك السيارة ودخلها بالبيـت طفاها ونزل :- شلونـج فستقي ان شـاء الله تمام ؟

حجاها بتعب متغير شكلك تغيرات بسيطه بوجة صايرة :- الحمدُلله اسئل عليك

- على الله

كال هيج حرك راسة ودخلنة جوة سلم على اهلي وكعد يم حُسين وبكلبي كلت الحمدُلله ما مخلي اي عطر كعدت يمهم ضلينة كاعدين نسولف مرن ساعتين وكمنة أني وحواء للمطبخ وحيدر وحُسين طلعو برة

- ولج مشـتاقتلج داده
- أني الاشوق عُمري
- ماكو تطـورات منا منا

- ان شاء الله تصير تطورات
- وان شاء الله وأني حاضرة
- ليش شيصير الچ ؟

- خاف اموت
- لاتخافين العار مايموت
- هههههه

تعشينة وكملنة وكالت عمتي :- اكُلج عمه خلي نروح للأمام الجوادين باجر شتكولين ؟

أمي :- عـادي عمه ماعنـدي شي

حواء :- لكم صدُك ولله

عمتي :- اي

حواء :- الله صار النا هواي ما زايرين ولا طالعين

طفرت حـواء وكالت :- كومي رتـوج نحضر

ريتاج :- دقيقة بيش الساعة نروح ؟

عمتي :- بكـيفكم

حيدر :- خلوها الظهر احسن

عمتي :- هاهيـة لعد وره صلاة الظـهر

ريتاج :- عود نحظر الصبح

حواء :- خوش لعـد

ضلينة كاعدين نسولف مر وقت فرشت الهم بالصالة وأمي وحُسين راحو ناموا باوعلي حيدر رفع حاجب نوب أبتسم أبتسمت بوجه ورحت صعدت فوك

تربعنه نسـولف ومرت ساعـة وكالت :- أريد أكُل ؟

- جوه بالثلاجة
- جيبيلي
- نزلي أنتِ

- لا أنتِ
- شـينزلتي
- اهو نـازلة

نزلت حواء وره وره شويه صعدت :- تعالي هاي مدري شنو جوه

- شنـو ؟
- بس تعـالي

نزلت وراها طلعتني بره :- شنو وين ؟

- صبر داده

رحنه للمرجوحة شفت حيادر كاعد باوعت عليه وكالت :- ابقو سولفو لاتخافين رتوج ضلي سولفي أني راح اراقب البيت

كالت هيج وراحـت طفرت دخلت جوه رحت كعـدت يم حيادر راد يـحضني تبعدت باوعلي بأسـتغراب وسئلني :- بيـج شي ريتاجي ؟

- لا
- ليش تبعدتني ضايجة مني مأذيج أني بدون قصد ؟

- لا
- لعد ليـش !!

صفنت شويه وكتله :- حيادر الي دانسوي غلط

- غلـط ؟

- اي غلط ان الي دانسوي حرام اثنينة نصلي ونُقرة قرآن ودانسوي هيج اشياء حرام

- داضوجج أني ؟

- حيـادر أنتَ مداتضوجني ابد الله شـاهد عليه بس مو معقولـة احنه كبار وفاهمين وواعـين ميصير نتصرف بهـيج أشياء حرام ماتـرضي الله

ضل صافن عليه وأني احجي اخر شي كال :- اتقدملج هسه ؟

- لا

- ليش ؟

- صغيـرة ما ينطوني وأني بهـذه العمر

- كبري لعد فستقي علمود نتزوج ونصير بالحلال ونسوي الاشياء الي ترضي الله وترضيج

مسح وجهة وكال :- ريتاجي أحبچ أني مو بس أحبچ لا هايم وكايلها كم مره قبل أني الچ الله يشهد على كلامي هذه ما يوم نظرت الج نظرة مو زينه لو غير شي

- أعـرفك

- داحس أنتِ داتفكرين هذه التفكير بس فُستق ما اكدر ابعد عنج كُل هذه البعد صح يمج هسه وكاعد يمج وداسولف وياج بس داحس نفسي بعيد أنتِ بالشمال أني بالجنوب أنتِ بالشرق أني بالغرب شلون كليلي

سكت وره شويه كتله :- حيادر عـيني لازم نـرضي الله احـنه

- روحي وعيني تأذيني من أشوفج كبالي وما اسوي شي

- نصـبر سويـه ؟

- راح احاول واجاهد نفسي بس لخاطر عيونچ والله المُعين

سكت بعد ومر وقت طويل واحنه ساكتين كام وكف وره وقت كال :- ما اكدر ولله ما اكدر

- شـنو ؟

- ما اكدر أبتعد عنچ احس روحي مقيده بيچ

رجع كعد وكال :- أريدج تصيرين لوحة

- ليـش ؟

- علمود اخذج لكُل مكان اروح اله وييين ما كان لو للمريخ هم اخذج وياي هيج أريد تصير مثل ظلي عمود اقدسها للوحة

- ارسمـني ؟

- ما اعرف ارسم لو اعرف جان ضليت اربعة وعشرين ساعة ارسم بعيونچ تدرين

- هيج تحـبني ؟

- وهواي فستقي لو بيدي أنطيج گلبي واكُلج هاج شوفي شكد مليان حُب بي الچ لچ اعشقج أني بويه

- عقبالي

- آمييييين يا رب

ضحكنه وكالي :- يله كومي دخلي وأني وراج وصيحيلي حواء وياچ

- صار

كمت دخلت اول ما دخلت للمطبخ لاكتني حواء وكالت :- يُمه طولتو نعست

- جـنه نسولف

- ادري تسولفون لعد شتسوون قابل يا عيني

- بله تسرسر و روحي يصيحج

- حيدرنا ؟

- لا أبوي

- هههههه رايحة

راحت حواء اله وأني صعـدت لغُرفتي تمددت ونمت كعـدت على صلاة الفجر لكيـت حواء داتصـلي كتلها :- صايرة الـصلاة ؟

- اي قبل عشر دقايق
- ماشي

ردت أنزل اتوضى وكالتلي :- لاتصـلين حيدرنا منتظرج تكـعدين علمود تصـلون سوه

أبتسمت وحركت راسي بمعنى اي ونزلت توضيت وصعدت و دزيت اله :- " حيادر "

وره دقيقه جاوب وكال :- ها هُيامي

- منتظرني ؟
- اي يله أبدي صلي متوضي أني

- مـاشي
- عيني أنتِ

صليت وكملت ودعيتلة رحت نمت كعدت الصبح حواء تكعد بيه :- كوووومي ورانه طلعة

- السـاعة بيش ؟
- تسعـة ونص
- بعد وكـت

سحبت الغطة وكالت :- كومي داده كومي أكو ناس منتظريج على الريوك

- منـو ؟

- أني لا لا جذب مو أني تريكت من زمان أكو غير العاشك الولهان

- ههههه نازلة

- مو بعد وكت ؟

- لا ويـن

- مبين

ضـحكنة ونزلنة رحت غـسلت ودخلت المطبخ صار بوجـهي حيادر كاعد على الميز باوع علـيه وضحك أبـتسمت اله وكمت للثلاجة طلعـت بيضتين طكيتهـم بالطاوة طلعـت زعتر رشيت على الـبيض خليتة على الميز وهوه كبالي سـوالي حركـة بوجه

- ريتاج من رخصتج أريد خبز
- صار

دخلت أمي للمطبخ وكالتلي :- صـباح الخير تخلصين ريـوك وتنـظفين البيت وحـضري نفسج

- ميخالف ادللي

طلعت أمي ورحـت طلعت خـبز وانطـيت اله :- شُكرًا يابه

- ولو

كمل ريوك وراح غـسل وطلع للصالة أني هم كملت ريـوك وغسلت وبديت انظف أجت حـواء وكالت :- أسـاعدج ؟

- يله الله وأيدج

كملنة تنظيف وصعدنة فوك دانحضر لبسنة وخلصنة ما خليت اي شي لوجهي لان هُناك راح نتوضى ونصلي كمت طلعت شال وشسورت شعري وخليت الشال فوكه بدون ترتيـب

- لفي شالج لفه طبيعية
- لا هيج احسن
- على راحتج داده

كمـلنة ونزلنة لكيانهـم دايحضـرون السيارة  خلـصو وكال حُسين :- يله ريتاجـه صيحيهم

- لحظة

رحت صـحت الهم ورجعنة صعدنه بالـسيارة حيادر وحُسـين بعدهم ما صاعـدين وكال حُسين :- يُمه وين الـبانزين ؟

أمي :- شوفه فوك

حُسين :- شصعده ؟

أمي :- أني

راح حُسين صعد فوك جـاب البانزين ورجع صعدو حيـادر وحُسين وحركنة السيارة ساعه زمان ووصـلنة صـفينة السيارة بالكراج ونزلنه تمـشينة ودخلنة للامـام

سلمنة التلفونات ودخلنه نزور كعدنة شويه ونوب كمنة أني وحواء وأمي وام حواء ودخلنة نزور صلينة وكملنة وقرينة الزيارة ودعيت لحيادر وطلعنة

رجعنة للمُكان راحو هوه وحُسين يزورون وقـت ورجعو باوع بوجـهي حيادر أبتـسم ودار وجه

كملنة وكمنة تغدينة وتسوكنة ورجعنه للبيت المُغرب أول ما رجعنة كال حُسين :- لاتسوون شي راح نطلع نجيب عشه من بره

طلعو وأمي كالتلي :- كومي ريتـاچه ودي هاي الحـلاوة لابوج

خذتها منها رحت لأبوي جان كاعد بالغُرفة يحسب بورقة وقلم شافني وكالي :- هلا بنتي

- هلا بابا هاك هاي حلاوة جبـناها ويانك
- ضميها حبيبتي وره العـشه اكلها
- مـاشي

رجعت يمهن ضلينة نسولف تعشـينة وكملنة صعـدت فوك أني دخـلت سبحت وطلعت لكيـت حواء بالغُرفة انطتني علبه صـغيرة وكالت :- اخذيها هديـة

- منين ؟
- حيدرنا الكفو

خذتها جانت علبة صغيرة لونها فستقي شلت التغليف وفتحتها جان ساعة بناتية لونها فضي وجواها ورقة صغيرة مكتوب بيها :- " شايفة هذه صندوق الساعة شكد صغير اتمنى أنتِ بصغرك علمود اضمچ بي " .

شكد حلوة كاتبـها بخط أيده أبتـسمت وكالت حواء :- بله خلي اشوف ؟

شافت الساعة وقرت المكتوب وكالت :- دخيلك يا محمد إنتو ليش هييييييييج حلوين أريد اعيش قصة حُب مثلگم قبل لا أعجز

- هههههه ان شاء الله يجيـج تعيـس الحظ اقصـد سعيد الحـظ

- رتوووج

- هههههه أشاقـة

أنتبهت على التغليف المشكوك وكالت :- لو اعرف شوكت لحك يغلف ويكتب ويرتب كُل هذه

- عود اسئلـة
- سئلي وكليـلي
- دللـي

ردت اضمها كالت :- صدُك سمعي شنو كلي إذا احد سئلج هاي منين الساعة كُليلة حوء نطتها الي

- مرتبـها بعـد عيني
- غـير الكـفو هذه
- والنـعم

دانسولف سمعنة أمي تصيحنة نزلت اشوفها شتريد :- ها أمي

- تعـالن فرشن الفراشـات ساعـة بالوحـدة
- مـاشي

فرشنة وكملنة :- حيدرنا وين ؟

عمتي :- بره هوَ وحُسيـن جانو دايعمـرون اركيلة

ضلينة نسولف ودخلو حِسين صعد فوك وحيادر أجه كعد كبالي كلت بگلبي هذه ناوي يفضحني دك تلفونة رفعة وكال :- ها آسر بشر شسويت ؟

كال هيج تغيرت معاني وجه وطلع طول فوك النص ساعة كمت دخلت للمطبخ على اساس اشرب مي وسمعته يكول :- لا تسوي شي لا لا أبقى ببيتك .. كُل عقلك لا بالعباس ما اخليك .. آسر دير بالك ازعل عليك ومحمد
لاتسوي اي شي باجر العصر أني يمك .. هاهية اعتبره صار

أسمع جملة جملة شـربت مي ورجعت دخلـت وره ساعة اجـه دخل رجع كعد كبالي صـارت ساعة بثلاثـة وكالت حواء :- أكلجن انتـن مو تعبانات ورجلية ورجـلية وبالك عنـك وضليتن لثلاثة تدكن سـوالف

عمتي :- كرمينة بسكوتج

حواء :- لا ولله ولا اكرمـجن عجايز وضـالات لثلاثـة اني شابـة ورجليـة بعدهن يونن عليه ما تكللي شنو شـاربات انتن ريد بُل

ريتاج :- ههههه خرب يومج

حواء :- مو بـله رتوج ولو أنتِ ما تعبانـة

ريتاج :- لا ولله تعبانة بس شويه

حواء :- شـوفي بس شويـه

باوعت على حيادر اكتافك يتحركن عرفتة دايضحك علينه ضلينه نسولف وره شويه راحت أمي نامت وعمتي هم نامت بقه حيادر كاعد صعدنة احنه هم فوك مرت نص ساعة ودزلي مسج فتحته جان كاتب :- " فستق كاعدة ؟ "

- أي
- تعبانة بويه ؟

شافتني حواء وكالت :- حيادرنا مو نزلي احجو سوه  وأني اراقب الگم

- كفو أنتِ مثل أخـوج
- كول وفعل عـيني

دزيت اله :- لا ما تعبانة

- اذا تردين نامي واذا لا تعـالي بالحديقة نـسولف
- جايـه

نزلنه أني وحواء الكُل نايم رحت للحديقة وضلت حواء بالمطبخ أول ما رحت كعدت يمه بس ضليت بعيده عليه نص متر أول ما سئلتي كال :- حلوة الهدية ؟

- أكيد تخبل
- عجبتجـ فستقه ؟

- كُلش بس شوكت سويتها شوكت لحكت تغلف وتكتب

- من رحنه نزور جبتهـا
- وحُسين ؟

- كتله اروح اشتري ساعة و ارجعلك
- اشتريتها كدامة ؟

- اي كتله لحبيـبتي
- ولله

- لا داشاقة رحت وكتله انتظرني
- ها عبالي

سكتـنة وره شويه كتله :- صدُك اكُلك

- كولي بويه
- شبي آسر ؟

سكت وره شويه كال :- شمدريج بي شي ؟

- من خابرك وطفرت أنتَ كمت اشرب مي من المطبخ وبالصدفة سمعتك عصبي وداتحجي وياه

- ما بي شي مُشكلة هوه واهله

- سولفلي

- غير مره

- لا هسه سولفلي مُختصر سريع

خذه تنهيدة وكال :- من يوم الي نقذني بي صار صديقي جنت صحيح ما مرتاحلة بالبداية بس عاشرتة مُده من الزمن وعرفتة وعرفت اهله وحياتة كُلها وهوه هم كذالك

- وهسه مرتـاحلة ؟

- اكيد بالعشرة ينعرف الانسان صح يضحك ويشاقة وفرفوش بس لو تشوفين مشاكلة وكلبة من عرفت بي وشنو عايش من قهر و ألم بحيث من سولف الي حياتة ضجت على الي عايشة گُلش بشر ما يستاهل أبدًا

- شنو عايـش سولفلي
- غير مره بويـه كومي نامـي تعبانة أنتِ

- مو تنسى ؟
- لا حبيبي من عيني ما انسى

أبتسمت اله ودخلت جوه لكيـت حواء داتشرب مي خلصـت وكالتلي :- يله نـصعد تره ميتـة نعاس بس يهون گُلشي لخاطركم

- حبيبي فدوة
- دللي

صعدنة فوك رساً نـمت وحواء هم كعدت على صـلاة الفجر شفـت حواء كاعدة ولامه راسـها بين رجليها وتشهك أستغـربت وطفرت عليها وكتلها :- حوواء هاي شبيج

- ماكو شي رتوج صفحتي داتأذيني

جوابها ما قنعني كتلها :- أكوم اصـيح الج حـيادر ؟

- لا لا ما يحتاج هسه يروح الوجع

عفتها ونزلت بس شلون أكعـدة نزلت جوه لكيتة كاعـد على السجادة ودايسبح شافني وأجه بأتـجاهي وكال :- ها هُيامي حبيبي شبيج بيج شي ؟

أريد اكُله بس ترددت اخر شي كتله :- لا حيادر مابيه أني حواء

- شنو شبيها ؟

كال هيج وصعدنة سوه فوك أول ما فتحت الباب وسعت عيونها وباوعت على حيادر وكالت بنبرة عالية :- ريتاج كتلج ما بيه شي !!

- شبـيج يابه ليش داتصيحين
- ما بيـه وجع بصـفحتي وراح

- وجع ؟
- اي

كعد يمها وكال :-  و من شوكت هذه الوجع وليش ما كلتي ما حجيتي ؟

- حيدرنااا وجع بسيط ما يحتاج كُل هاي الهوسة

- صوتج لا يعلى حواء باجر من نرجع اخذج لدكتورة و اتأكد بنفسي ماشي ؟

- هاهيـة ماشي

كالت هيج ونزل جوه نزلت وراه وكالي :- صلي و ابقي يمها لاتعوفيها فستقي

- ميخـالف بعيني لا توصي

كلت هيج ورحت توضيت وصعد الها وكلت :- شبيج يا روحي ؟

ما جاوبتني راحت تمـددت وتغطت رحت طلعت السـجادة وصليت وكملت ودعيت الها ولحـيادر خلصت وكمت يمهـا هم تمددت عيني ما تغفة وره تقريبا وقت كالت :- رتوج

ما جاوبت نادتني مره ثانية وجاوبتها لان خايفة عليها حواء : رتوج كاعدة ؟

- اي حـبيبتي
- أعتذر صيحـت عليج

سكتت وره شويه رجع وكالت :- ما يهون الي ازعل عليج

- عـادي اهم شي شـلون صرتي ؟

- زينة

- خلي ياخذج باجـر ولا تعاندين فدوة تـره باله يمچ وخـايف عليج ودايخـاف عليج اكثر من روحة

- ميخالف يله تصبحين على خير

- اجمعـين

رحت انام ماكو نوم بعيني أبدًا نزلت للمطبخ اشرب مي شربت وصعدت أول ما صعدت اجاني مسج كاتب :- " طلعي بره ريتاجي محتاجج أني "

شفت المسج وطلعت بره الجو بعدة ما كاشف وحيادر واكف ميل جسمة على الحايط ومكتف أيديه رحت وكفت يمه أستنشق هوه وكال :- شلون صارت ؟

- زينه ولله لا يضل بالك

بتنهيدة :- كُل ما اشوفچ داكول لنفسي أني عايش بس على عيونچ

- حيادر
- عينااااه بويه

مدد الكلمة وأني بدون لا وعي ولا تفكير شنو مُمكن راح يصير كتله :- أحبك

حسيتة جمد بمُكانة وره وقت طويل كال

....
يتبع ⬅️ - البارت الرابع والعشرين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.