رواية حيادر الراء . الفصل الثالث وثلاثون 33 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

ومبروك لروايتنة لحلوة الي دخلت نصف ملييييون .

....

حضرت ملابسي على السريع وقفلت باب المطبخ وطلعت لكيتها بره واكفة وتخابر بأبوي أحمد طلعنة سوه وقفلت الباب خذت المفاتيح ضميتهن بالجنطة وصعدنة السيارة وانطلقنة للبيت

وصلنة نزلنة كبال البيت ودخلت جوه أول ما دخلت للصالة شفت أبوي وعيونككة حمر من وره العصبية كلت بگلبي أني شجاني رجعت نطقت أمي وكالت :- ييييييله فوك

ابوي :- لا عوفيها عندي حساب وياها

كال هيـج وأجه بأتجـاهي سحب أذني وكال :- لمـن رايحة للبيت وليش تسمعـين كلام أخوج أنتِ وتـالي وياج ؟

آيريم :- أحمد بس اكُلك

بعدني ما مكملـة شال أيديه وضـربني بيها على حـلكي حسيت تكسرت سنوني بـاوع على أمي وكال :- تصـعديها لغرفتها وتسـدين باب غرفتها لُمدة أسبوع وشيصـير بيها خلي يصير عسا ما تمـوت مالج دخل بيهـا طبها طوب

حركت راسها أمي وأجه سحبتني من أيده دفعت أيدها وكلت :- هوَ شنوو أني لعابة اله اصطناعية تسحبوني منا وتودوني منا شنو أريد اداوووم شنو أسبوع هواي

ابوي :- حسسج ما ينسمـع

آيريم :- ما انصي

كلت هيـج أجه لزمـني من شعري :- أني شكلت

آيريم :- عووفنيي

دفـعني على أمي جـرتني من أيدي وصـعدتني فوك وشمرت الجنـطة عليه وطلعـت وسدت الباب ماهتمـيت رحت طلـعت المفاتيح من الجـنطة وضميتهـن بمُكان محد ينـدلة بالغُرفة ورحـت طلعت تلفوني خابرت على آسر

فتحة وكال :- هلاً

- هلاً آسر شلونك ؟
- يمعـودة أني بخيـر أنتِ شلونج بـالي يمة

سولفتله الصار بالحرف الواحد وصاح وكال :- لچ أنتِ غبييييية ليش ترجعين وياها لچ ذولة مُمكن يقتلوج ومايرفلهم چفن

- لا مايسـوها

- ههههههههه تعلميني بيهم يا خيتي لچ دارسهم دراسة

- ما أخـاف

- أنتِ ما خايفة على نفسج أني خايف عليج

- شنوو أسـوي قابل اخلص عُمري هُناك ببيـت وحدي

- أستغفر الله ربي شوفي خيتي التلفون هذه ضمي وبعد لاتخابريني علمود لا يسحبونة منج ومفاتيح البيت ضميهن بنفس المُكان إذا فتحو الباب وإذا مافتحو أنتِ كسري خشب بسرعة ينكسر

- صـار

- عفية وديري بالچ على نفسج من اتصل عليج يله بعد تتصلين عليه أبدًا لاتتصلين يعني من تشوفين اتصال مني ذاك الوكت اتصلي عليه

- صـار خويه ميخـالف

سلم وراح رحت بدلت وتمددت بالكاع ونمت

....

كتلة هيـج ذب تنهيدة ومسـح وجه بأثنين أيديـه وكال :- ريتاجه من شـوكت هذن النغزات ؟

- وره ما صارت العملية بأسبوع
- كلتي لاهلج ؟

- لا
- ليش فُستق لييييش

كعـدت حواء على سـوالفنة مسحت عيونهـا وباوعت علينه وكالت :- شكو حيدر شكو رتوج شنو صـاييير ؟

حيدر :- ماكو شي خيتي كومي صلي

حواء :- هسه اصـلي أريد أعـرف شكو

باوعت عليه وكالت :- شكو رتوج

ريتاج :- گلبي دايـأذيني

حواء :- ليش ؟

ريتاج :- تغـزات بسيطة

حيدر :- ابويه گلبج هذه نعزات بسيييطة شنو

رجـع خله أيديه على النـبض من وره حرم الصـلاة وكالت حواء :- ليش من وره حرم الصـلاة تره عادي أنتَ دكـتور تكدر تفحصها

حيدر :- تؤ مُجرد طالب

قاس النبض وكال :- تـشربين كهوة او چـاي ؟

ريتاج :- ليش ؟

حيدر :- يزيـدن نبضج فساتق

ريتاج :- كهوة ما أريد إذا چاي عادي

حيدر :- عُيوني الچ ابقي هُنا هسه انزل واسوي الچ

نزل للمطبخ بسرعة والتفتت عليه حواء وكالت :- شبيچ ؟

- تعزات بـگلبي قوية وراسي دايـأذيني جان
- حيدرنا شمـدري ؟

- ما أعرف يمكن شاف گلوب غُرفتج مشتغل وأجه
- ماشي

عـشر دقايق وأجه بأيـده كوب جاي كامت حواء وكـالت :- راح انزل اتـوضى أني

نزلت حواء أجه حيادر تربع كدامي وكال :- يله خلصي كُله حبيبي

انطـاه الي خلصتـة وكال :- عوافي

ريتاج :- يعافيك حيادر

ضل كاعـد يمي شويه وكتـله :- روح نام حيادر

حيدر :- شلون صرتي ؟

ريتاج :- زينـة وداعتك بس نعـسانة

حيدر : الحمدُلله

كال هيـج وكام طلع وصعدت حـواء باوعت عليه وكالت :- يمااااي شلون صـرتي

- احس زينة
- تحسين زينة ؟

كلـت بألم :- اي

حضنتني وكالت :- يا روحي يا رتوج ان شاء الله تصيرين زينة الصبُح وإذا ما صرتي حيدرنا يوديج

- الله كريـم يله ننام

نمنة وكعدت أني الساعة بالسبعة الصبُح عيني متاخذ نوم من وره الألم رجعت غمضت عيني حاولت أنام نمت وكعدت على مناداه حواء كالت :- فُستقه عيني كومي حيدرنا دايسئل عليج

- همممم السـاعة بيش هسه ؟
- بالعشـرة راح تصير

- ماشي كايمـة
- يله علمود هم نطلـع نغير جو المغرب

- تعبانة

سحبـت الغطة وكالت :- شو كووومي

- باااردة لا حواء

جرتنـي وكمنة نزلنـة جوه أول ما نزلت شـفت حيادر وأمه باوع علـيه حيادر والتساؤلات واضحـة على وجه حـركت راسي وكلت :- صباح الخير

ردو عليه ورحت اغسل غسلت ورجعت كعدت وكالت حواء :- حيادر ما عدنة بيض شنو أسوي ؟

حيدر :- ليش چان كُلتيلي البـارحة

حواء :- نسيت والله

حيدر :- راح اروح هسـه أجيب

طفر صعد فوك ورجع طلع بره عشر دقائق ورجع وبأيدة علاكة الريوك انطاهن لحواء وكال :- سلكي البيض وطلعي الصفار مالتة

حواء :- ليـش ؟

حيدر :- بدون ليش بويه نفذي

كملت ريـوك عمتي سولفت شـويه ويانه وراحت التـفت عليه حيادر وكال :- شلون صـرتي أكو شي يأذيج اوديـج للمستشفى اليوم ؟

ريتاج :- لا حيادر والله الحمدُلله صرت زينه

حـرك راسه وكال :- من تصـلين صيحيلي هسه تريـكي رواشربي چاي وعوافـي مقدمًا راح اصـعد فوك أني

ريتاج :- يعافيك حبيبي

حيدر :- فـدوات الچ

كال هيچ وكام صعد أجت حواء تسولف وياي كملت ريوك وضليت كاعدة يمها نسولف وكالت :- الحُب حلو ريتاجه ؟

أستغـربت من سـؤالها جاوبتها وكلت :- ليـش حواء ؟

حواء :- داسئل لان داشوف حُب حيدرنا الچ يُعجز الانسان عن وصفة ما أعرف شنو الي يحبه بيج وليش يحبج الي أعرفه دايحبج حُب مموجود بهذه الكوكب كُله

أبتسمـت على كلامها وكلت الها :- گُلش حلو الحُب حـواء صح صغيرة أني بس داشـوف الحُب شي حلو گُلش الاهـتمام التضحية المغامـرة الاستسلام لگُلشـي حرفيًا من الجمال ما أعـرف شلون اوصفة الچ

بنص كلامي سمعنة أذان الظهر أبتسمتلي حواء وكمنة اثنينة توضينة وصعدنة فوك بوجهي جان نازل حيادر شافنة وكال :- راح انزل اتوضى واصلي واجيج

ريتاج :- مـاشي حيادر

حيدر :- هُيام حيادر

ضحكـت وكال هيج ونـزل دخلنة غُرفة حواء وكلت الها :- حليـم وأسماء شوكت يجون ؟

- يُمكن باجر ما أعرف
- ماشي

صلت حواء وخلصت بديت اصلي أني خلصت وكتلها :- أريد قرآن ؟

- لحظة

نزلت جابت قرآن ورجعت خذته فتحت سوره البقرة داقرة بالنص فتح الباب حيادر شافني ورجع كملت القراءه وصاحت حواء عليه :- تعاااال

دخل وكال :- ان شاء الله مقبـولة بويه اريد أقيـس الچ النبض

أنطيتة الأيد اليمُنى وكال :- لا اليُسرى

مديت اله اليُسرى بدأ يقـيس النبض شويـه وكال :- الحمدُلله

- زين ؟
- اي گُلش زين

سكـت شويه وكال :- اعلمج شـلون تقيسين علـمود تعرفين إذا جان بطيء او سريع او طبيـعي تعرفين ؟

- عـادي علمني

- شوفي تاخذين اصبعين تخليهن بين هذه العظم والوتر فوك الشريان الكُعبري تحت الابهام وتضلين تحسبين عدد النبضات بـ١٥ ثانية شكد طلع عدد نبضات گلبج ضربي في ٣ مثلاً طلع ٢٠ نبضه بـ١٥ ، ٢٠ في ٤ راح تساوي ٨٠ نبضة بَ الدقيقة تحت الـ٨٠ نبضاتج بطيء اعلى من الـ٨٠ نبضاتج سريعة

ابتسمتله وكتله :- أجـرب هسه ؟

- جـربي بويه

جربت كدامة نبضاتي ما طخت الرقم المطلوب فَ كتله :- زين مو بطىء

حيدر :- الحمدُلله ، عينـي من ترجعين يم اهلج كُليلـهم فلان شي وفلان شي علمود ياخـذوج لنفس الدكتور الي سـوه العملية الچ

ريتاج :- ميخالف

حيدر :- عفيـه يله هسه كايم المغـرب نطلع نتعشه ونرجـع اغير الچ جو

حواء :- ها ها وأني ؟

حيدر :- أكيـد

حواء :- عبالي

أول ما طـلع سولفت شويه وي حـواء مر الوقت وأجه من المُغرب جنـت نايمة وكعـدت على أذان المُغرب كمت وباوعـت لحواء مو هُنا فركت عُيوني
ونزلت جوه جان كاعده يم امـها تسولف باوعت عليه وكالت :- صح النوم

أبتسمت وكال :- يله نكوم نبدل

- يله

كمنة صعدنة فوك نبدل لبست من حواء كملنه وسويت شعري كعكة طلعت من غُرفة حواء رحت دكيت باب غُرفة حيدر اجاني صوته وكال :- دخلي

دخلت لكيتـة دايحجي بالتلفون ويدكم دكم ردان القميـص وفاتح مكبر الصوت باوعلي وأبتسـم وحرك راسه ورجع كمل :- كم يوم بس تحمل

آسر :- مشتاقتك زوجي البيت فارغ بدونك حتى اكُل مجاي أسوي كُله من بره شنو اخبار العراق اخبار روحك

باوع عليه وكال :- ههههه بخير حبيبي بخـير كُلهم بخير

آسر :- شسويتو ما سويتو

حيدر :- الله وكيلك گُلشي ما سـوينة

آسر :- واضح خويه واضح شگد مسكين يله الله يفتحها بوجهك

حيدر :- وبوجهـك حبيبي

آسر :- ههههه

ضحك ونـوب سلم وراح سد الاتصـال كمل وكال :- شنو هذه الوجـه الحلو الجمال مجتـمع بوجهج وعُيونج

- مثل جمالك حبيبي أنتَ

أبتسملي ولبـس السترة وكال :- يله أمشـي حواء كملت

- اي

نزل جوه حـيادر ودخلت لغُرفة حواء كمـلت ونزلنة جوه بالمطبخ لكيت
عمتي باوعـت عليه وكالت :- أمج خابرت تـكول دادُك ومحد دايشيلة

ريتاج :- جنت مخليتة صامت ممنتبة المُهم شلونهم

عمتي :- الحمدُلله زينين

دك هورن حيادر ورحنة أني وحواء قبل لا نطلع كالت حواء :- عجوزتنه نجيبلچ شي ويانه ؟

عمتي :- اي لعـد شلون

حواء :- صار تدللين عُيوني

طلعـنة صـعدنة وحرك باوعت على الجو شـفته مغيم وكتلهم :- يُمكن راح تمُطـر

حواء :- الله احُب المُطر

ريتاج :- وأني هم

التفتت لحيادر وكتله :- ننزل إذا مُطرت حيادر عليك الله

حيدر :- ميخالف عيني

دخلنة محل حلويات كعدنة على الميز شويه وكال :- تردين حلاوة سورية ؟

ريتاج :- شمدريـك احُبهاااا ؟

حيدر :- افا عليج دقائق بس

راح ضلـينة نسولف أني وحواء شويه وأجه خله الحـلويات وكال :- مُطرت

حواء :- صدُك ؟

حيدر :- اي

ريتاج :- نكمـل ونطلـع بالمُطر

حيدر :- تتمرضين بويه

ريتاج :- لا حيـادر لا ما اضـل هواي

حيدر :- كملي والله كريم

كملـنة على السريع أني وحـواء راح ينطي الحسـاب غسلنة وطلعنة وكفنة يم السيارة والمُطر بعـده خفيف شفنه حيادر راجـع بأتجاهنا باوع عليه وكال :- صعدن نـروح لمُكان حلو

حواء :- وين ؟

حيدر :- صـعدن ابويه

صعدنة والمُطر زاد شويه ووكفنه بالشارع كُله اضويه شغل الراديو مال السيارة جانت طالعه أغُنية " حلوة الدنيا حلوة سوا "

والجـو حلو والمُطر داينزل على جـامة السيارة وصوت المُطر بـاوع عليه حيادر وكـال :- صدُك حلوه الدنيا وياج

ريتاج :- ووياك هم

حيدر :- لچ فستقه أنتِ قُره عيني

ضحكنة والأغُنية علت والمُطر يزُخ أني ما أحُب الهوسة والاصوات العالية من رأسي رغم هذه استمريت اضحك أريد هذه اليوم ينحفر بعقلي گبل گلبي ما باقي شي اله ويروح  وما أعرف سنة سنتين ثلاثه أربعة ويرجع مُمكن يتخرج يله يجي گُلشي يصير فَ خليتها وره رب العالمين واستمريت بضحكتي وعفت افكاري السلبيه ليوره كُلها

انتبه عليه حيـدر وكال :- وين صـافن حبيبي ؟

ريتاج :- وياك هُيامي

حيدر :- ههههه مـالتي هاي

فززتني صوت حواء من كالت :- ذكرتوني وأخيرًا هيَ إنتوا سوه خلي احجيلگم سالفة صارت بس محد يدري بيها

حيدر :- أحـجي ؟

حواء :- تتذكرون رتوج من دخلت عمليات بوكت الحادث ؟

ريتاج :- اي ليـش ؟

حيدر :- اي ؟

حواء :- غير ماتدرون شلون جفصت بيها وهيَ توها طالعة من العمليات وتصيح حيادر مالتي

تفاجئت أني شوكت كايله هيچ باوعت عليه وكالت :- من أنتِ بالبنچ

حيدر :- شكـالت ؟

حواء :- حيادر مالتي وتصيح وكالت للدكتور من فتحتوا كلبي هم شفتوا حيادر بي

ريتاج :- بربـج حووواء

حواء :- وداعتج

حيدر :- منو جـان يمها ؟

حواء :- محد بس أني

حيدر :- وأمهـا ؟

حواء :- جانت كاعدة على صفحة

ضحـكت حواء نوب كـالت :- اخـر شي كالت لو هـسه هوَ دكتور ومتخـرج جان هوَ خله الأنـبوب بگلبي

ريتاج :- أني كلت هيج ؟

حواء :- اي

حيدر :- تريديني أني اخلي الچ فُستق ؟

ريتاج :- اي عـادي شكو بيها أحـسن ما دكتور غريب أنتَ امـون عليك

حيدر :- ههههههه يا بويه

ضحك نـوب كال :- بس هيج كـالت ؟

حواء :- اي اي بس ذن

ريتاج :- لعد أبـوي وين جـان ؟

حواء :- جان راجع بالبيت

ضحكنة وحركنـة السيارة والمُطر بعدة وكـفنة كبال مطعم نزل جاب عشة ورجع صـعد حركنـة ووصلنة للبيت قبل لا ندخُل كال :- شلون نبضـج بعده طبيعي ؟

ريتاج :- اي الحمدُلله 

دخلنـة جوه صعدنة بـدلنة أني وحواء ونزلنة نصـب عشه صـبينة وصحنة عمتي أجت كمنـة نتعشة سوه شـويه وكالت :- ابوكم راح ينزل الفجر
حيدر :- هلاً بي

عمري :- مو تسويلك مُشكلة

حيدر :- أني أسـوي مُشكلة ؟

عمتي :- لا بس تچفة الشر

حيدر :- الله كريـم

أكل كم لكمة خلص ونوب كال :- الحمدُلله

كـام خلصنة وكملنة وغـسلنة الاماعين وكمنة رحـنة للصالة عمتي ماكو بغرفتها راحـت ضلينة كاعدين على البـلازمة ربع ساعة ودك تلفـون حواء شالته باوعت للشاشة ووطلعت من الصالة

أستغربت من تصرفها وليش ما فتحت التلفون كدامي وطفرت رسًا تقريبًا نص ساعة وأجت باوعت عليها وكلت :- منو دك ؟

- أسماء
- أسماء ؟
- اي

حركت رأسي وكلت الها :- تمام راح اصعد لحيادر

- مـاشي

صعدت فوك دكيت غُرفتة وكال :- فُستقه دُخلي

دخلـت لكيتك مطلع اوراق ومتـربع كدامهن باوعت عليه وكتله :- شنو داتسـوي ؟

- تعالي كعدي كبالي

كعـدت يمه وكال :- داطـلع اوراق الدفع

- مال الجامعة ؟
- اي وداسجلهن

بدأ يكـتب داشوف كتابتـة مو مثل الدكـاترة باوعت عليه وكتله :- ليش كـتابتك هيج ؟

- شبيها مو حلوة !

- لا حـلوة تجنن بس شعجـب مو مثل ذول الدكـاترة الي يكتبون على السريع وكتاباتهـم ممفهمومة

ضحك وكال :- بعدني مُجرد طالب فُستقة

- لعـد هم تصير بالمستـقبل هيج تكتب
- اي طبعًا هم اصيـر حالي حـالهم

- ليش عود ؟
- السرعة شي رئيسي

كمـل و رفع تلفونة بـاوع على الساعة وكال :- السـاعة بالوحدة ونص

- نعست راح اروح انام
- تصبحين على خير حبيبي
- وأنتَ من اهله

كلـت هيج وأبتسـملي ورحت طـلعت رحت لغُرفة حـواء لكيتها مموجودة فرشت ونمت كعـدت على صلاة الفجر نزلت توضـيت وصعدت صليت ونمت

كعدت الصبُح ونزلت جوه لكيت أبو حيادر جاي سلمت عليه وكال :- أنتِ مو الي أخذوج وي حيدره ؟

ريتاج :- اي عـمو

ابو حيدر :- خذنة ثارگم السالفة وما بيها مجموعة اعداء يكرهوني وأجو على بيتي ياخذون كم نفر منهم ويطلبون مبلغ مالي اني بوكتها ما نطيتهم دينار وأذوكم وأخر شي عافوكم بمنطقة مجهورة

حيدر :- ماخـذو كلامنة ؟

أبو حيدر :- ميحتاج بويه

حيدر :- الحمدُلله كفو مـنك

ابو حيدر :- من شاربك

كمـل وكام التهينة حيـدر التهينه نسولف وي أبـوهم ويسولفنة على شغلهم

....

كعدت الصبُح بطني تأذيني من الجوع دكيت باب الغُرفة وصحت :- طلعووووووني

ضـليت اصيح واصيـح اخر شي رحت جبت حـديدة من الكنتور ضليت ادك بيها على باب الغُرفة بكُل قوـتي ماكدر أجت أمي على صوت الدك تقربت من الباب وكـالت :- اصبري بس يـروح أبوج للشغل

آيريم :- شوكت يروح ؟

ماردت عليه غلـست ورجعت مـرت تقريباً ساعة ونص وسـمعت صوت الباب يريد ينفـتح نفتح ودخلت أمي وكالت :- نزلي تريكي اليوم من يجي أبوج احجي وياه علمـود مايبقـيج بالغُرفة

أستغربت من تصرفها وياي ومن طريقة كلامها كلت بگلبي معقولة الله هداها شافتني وجاوبت :- نزلي بدون صفنات

كالـت هيج ونزلـت نزلت وراها سويت ريـوك وكالت :- غسلي اماعينج مابيه حيل اغسلهـن

آيريم :- يا يوم بيج حيل أنتِ

أمي :- آيريييم

سكتت سويت ريوك تريكت وكملت غسل الاماعين ورحت كعدت يمها شويه وكتلها :- شوكت يجي احمد ؟

- الظـهر
- يعني هسه أني انتظـرة للظهر ؟

- اي
- خـوش

صار الظهر وأجه أبوي رحت صعدت فوك وقفلت باب الغُرفة مرت نص ساعه وسمعت صوتهم العالي

أمي :- ما أريد شي بس اريـدها تطلع

أبوي :- بالعباس إذا تطلع حسها ما اسمعة وإذا سمعتة تصيرن حصتي اثنينجن

أمي :- هاهيـة ميخالف

مرت ربع ساعة على هذه الكلام وأجت دكت الباب وكالت بهمس :- طلعي

فتحـت الباب وطلعت وكالت :- سـوالف ادب سززية ما أريد سـامعة

- okay

نزلنـه سوه دخلت للصـالة وأني رحت للمطـبخ طلعت اكل وضلـيت اكُل

....

جنت كاعدة بالمطبخ وحواء فوك نزل حيدر من الدرج طك اصبع التفتت اله أشر أجي حركت راسي بمعنى اي ورجع وره شويه صعدت دخلت لغُرفتة وكال :- عندي موضوع وياج

- كـول ؟

- عزموني العصر بمكتب مُهندس واختة دكتورة تجين وياي ؟

- لـيش أجي ؟

سحب نفس وكال :- عندي غاية

- شنو هيَ ؟

- فستقي ليش داتسئليني كُل هاي الاسئلة

- غير أعـرف ليش رايحة لمُكان ما أعـرفة

- بس تعرفيني

- عـادي بس عمه هسـه شنو تكول يومية طالـعة وهيَ خطار ؟

- تؤ متكول هيج أمي

- أروح وحـدي وياك ؟

- لا طبعًا ويانه حواء بس اعوفها بالبيت الي مره خذناج اله ساعة زمان وارجعلها

- مـاشي

- ترحين ؟

- اي عـادي

- أحبچ أني

- ها تحـبني لان راح اروح ويـاك ؟

- لا بويه من كال ، أحبچ كُل وقت أنتِ شُغاف گلبي غير

- أحبك

- يبعد هلي وناسي

ضليـنة نسولف شويه وكال :- كومي بـدلي أنتِ وحواء وأني راح انزل يم ابوي وأمي انطـيهم خبر

- ماشي

رحت لغُرفة حواء لكيت تلفوني دايرن شفتة لكيتة اتصال من أمي رفعتة وكالت :- وينج صار ساعة دادُك

- جنـت جوه بالمطبخ
- شلونج ضل بالي عليـج داتشربين علاجج ؟

- يا روحي الحمدُلله اي داشـرب

- عفيـه يُمه والله مشتاقتلج باجـر يجيج حُسين
- أني أكثر والله مـاشي عادي

أجت حواء يمي وصاحت :- يله رتوووج

- جايـة

- وين ترحين ؟

- حـواء وحيـدر راح يطلعـون راح اطلع ويـاهم عادي ؟

- عادي يُمه وين ما يطلعون طلعي شمي هوه وديري بالج لاتتمرضين الجو بارد

ركزت على إهتمام أمي وكلـت بداخلي الحمدُلله والشكُر على هـاي النعمة شويه وكـتلها :- صار من عُيوني ميخالف

- فدوة اروحلج
- يله سلميلي على حُسين وأبوي
- يوصل بنيتي

راحت ورحت احضر ملابسي وكالت حواء :- شنو تلبسين ؟

- مادري لازم اكشخ

- اي عفـية ، ولو أنتِ لو تلبسين عباه تطلعين تخبلين

- مثلج طبعًا

- بعد روحي

حواء بدلت ملابس طلعة عادية وأني لبست ملابسي الي أجيت بيهن ولبست الساعة والمحبس والسنسال وخليت أشياء خفيفة لوجهي وكالت لحواء :- سويلي شعري ؟

- جيبي الشـسوار

خذت الشسوار ووديتة الها تربعت ودرت وجهي بدت تشسورلي خلصت شفته بالمراية وكتلها :- حلو عاشت أيدج

- وأيـدج داده

رشينة عطر ونزلنة لكينة حيادر بالمطبخ دايمسح حذائة رفع راسه أبتسم وشافني وكال :- يله اصعدن بالسيارة شويه وأجي

رحنـة صعدنة حواء ليـورة وأني ليكدام مرت عـشر دقائق وأجه صعد حرك السيارة وكـال :- فُستق شنو هذه الجمال خايف عليج من الحسد

ريتاج :- ههههه مو لهدرجة

حيدر :- يا درجة ضـلت درجة غير تخـبل فُستقي

حواء :- أتفق وياك

انطلقنـة مر وقت ووكفنـة كبال البيت فتح البـاب ونزل وكال :- نزلي خيتي

حواء :- مو تطولون من تريدون تجون خابروني

حيدر :- من عـيني

نزلت وراحت وياه فتحو الباب وانطاها المفاتيح قفلتة من جوه ورجع حيادر دخل السيارة وسد الباب باوع وكال :- معقولة أنتِ بشر بويه ؟

- اي بـشر

حرك السيارة وضحك وكتله :- دقيقة عيني دكتور أنتَ مامركز على جمالك ؟

- ملتهي بجمـالج عمي
- هههههه فدوة

شويه ووصلنة للمكتب صف السيارة حيادر ونزلنة قفل السيارة ودخلنة المكتب گُلش حلو وجبير ضلينة واكفين شويه ونزلو رجال وبنية تقدمو لأتجاهنة وصلو يمنه قدم أيده الرجال وكال :- أهلاً دكتور حيدر

مد أيـده حيادر وسلم على الرجـال أجت لبنية صـارت كبالي أبتسمت مدت أيدها وكـالت :- مرحبـا أني الدكتورة ريم

....
يتبع ⬅️ - البارت الثالث والثلاثين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.